T.T.S Accountancy Training Centre

သီတင်းကျွတ်လပြည့် အဘိဓမ္မာအခါတော်နေ့

သီတင်းကျွတ် အခါသမယ လေးမှာ ကိုယ်စိတ်နှစ်ဖြာ ကျန်းမာရွှင်လန်းပြီး စီးပွားလာဘ်လာဘများ ဒီရေအလား တိုးတက်ကြပါစေ.....🙏

(၇)ရက်သားသမီးတို့ ကိုယ်စိတ်နှလုံး အေးချမ်း သာယာလှပပြီး ဘေးအန္တာရယ် အနှောင့်ယှက်များ မှ ကင်းဝေးကြပါစေ.....🙏🙏🙏

T.T.S Accountancy Training Centre မိသားစု မှ ဆုတောင်းမေတ္တာပို့သ အပ်ပါတယ်ရှင့်....🙏🙏🙏

#သီတင်းကျွတ်လပြည့် #အဘိဓမ္မာမခါတော်နေ့

LCCI Diploma နဲ့certificateတွေဒီနေ့ ရောက်ပြီမို့☺မနက်ဖြန်နယ်ကိုပို့ပေးပါမယ်ရှင့်
Thank you all!

🙏ဝါဆိုလပြည့်နေ့ ဓမ္မစကြာအခါတော်နေ့🙏

မြန်မာသက္ကရာဇ် ၁၃၈၅၊ ဝါဆိုလပြည့်နေ့

August (1) ရက် (အင်္ဂါနေ့) ဗုဒ္ဓဘာသာဝင်တို့
အထွဋ်မြတ်ထားရာ ဓမ္မစကြာ အခါတော်နေ့ ဒုတိယဝါဆိုလပြည့်နေ့ အခါသမယမှာ စိတ်၏ချမ်းသာခြင်း၊ ကိုယ်၏ကျန်းမာခြင်းနှင့်ပြည့်စုံ၍ လိုရာဆန္ဒများ ပြည့်ဝကြပါစေ TTS Accountancy မိသားစု မှ တောင်းဆုမေတ္တာပို့သလိုက်ရပါတယ်ရှင့် 🙏🙏🙏

#ဝါဆိုလပြည့်နေ့

လူဟာ မပြောင်းလဲတာ ကြာလာရင် မပြောင်းလဲ
ဖြစ်တော့ဘူး။

မကြိုးစားတာ ကြာလာရင် မကြိုးစား ဖြစ်တော့ဘူး။

မစွန့်စားတာ ကြာလာရင် မစွန့်စားဝံ့တော့ဘူး။

မယုံကြည်တာ ကြာလာရင် မယုံကြည်တော့ဘူး။

မသင်ယူတာ ကြာလာရင် မသင်ယူဖြစ်တော့ဘူး။

အကောင်းမမြင်တာ ကြာလာရင် အကောင်းမမြင်
တတ်တော့ဘူး။

မစုဆောင်းတာ ကြာလာရင် မစုဆောင်းတတ်တော့
ဘူး။

ကိုယ့်ကိုယ်ကိုယ် ဘယ်လိုအခြေအနေမှာ
ကြာရှည်စွာ ထားမိနေသလဲဆိုတာ နေ့တိုင်း
မေးခွန်းထုတ်ကာ အဖြေရှာကြည့်စေချင်ပါတယ်။

တကယ်လို့ အဖြေရှာတွေ့ပြီဆိုရင်တော့
ဒါထက် ပိုမကြာရှည်အောင် ပြောင်းလဲဖို့
အကြံပြုပါရစေ။

ဒါထက်ပိုကြာသွားရင်
ဒါထက် ပြောင်းလဲဖို့ ပိုခက်သွားနိုင်လို့ပါ။

Credit to ကောင်းစံသာ(ရေကြည်)
-လောင်စာ စာအုပ်မှ

Congratulations Nyi Ma Lay Kham Htoo San😍
Thanks for your effort!

PW 691333

Pocket Money KBZPay နဲ့ သူငယ်ချင်းများထံသို့ ကံကောင်းခြင်းများပေးပို့ပြီး ဘယ်သူကံအကောင်းဆုံးဖြစ်မလဲဆိုတာ ရှာဖွေလိုက်ပါ။

သီတင်းကျွတ် အခါသမယမှာ
ရောဂါဘယကင်းဝေးပြီး
စိတ်ချမ်းသာ၊ကိုယ်ကျန်းမာကြပါစေကြောင်း
ဆုတောင်းမေတ္တာ ပို့သလိုက်ပါတယ်ရှင့် 🙏🙏

စာဖတ်ပါ။

စာဖတ်ဖို့ အချိန်မပေးနိုင်သူတွေအတွက် တစ်ရက်တစ်အုပ် မျှဝေမှု အစီအစဉ်ရဲ့ Video Link တွေ ထည့်ပေးလိုက်ပါတယ်။

📖 ရဝေနွယ်အသစ်
https://www.facebook.com/watch/?v=228682468538159

📖 လူတွေအပေါ်သြဇာလွှမ်းမိုးနည်း
https://www.facebook.com/watch/?v=267252804282111

📖 ချိုးဖောက်ရမဲ့ စီးပွားရေး ဥပဒေသများ
https://www.facebook.com/watch/?v=316912842622851

📖 စာတစ်လုံး
https://www.facebook.com/watch/?v=2942373095806188

📖 အောင်မြင်သူတွေ ဘယ်လိုဦးဆောင်လဲ
https://bit.ly/34l9eh2

📖 ငပျင်းတွေအတွက် အောင်မြင်ရေးနည်းလမ်းများ
https://www.facebook.com/watch/?v=513516052609441

📖 အကြံဉာဏ်ဖြင့် ကြီးပွားရေး
https://www.facebook.com/watch/?v=234385057923866

📖 ကိုယ်တိုင်သိရှိသွားမှု
https://www.facebook.com/watch/?v=630101207836904

📖 ငါ့အတွက် ငါရှိတယ်
https://www.facebook.com/watch/?v=677188273028967

📖 ငါဘယ်သူလဲ
https://www.facebook.com/watch/?v=659846004772728

📖 Secret of the Millionaire Mind (မီလျံနာ စိတ်ဓာတ်)
https://www.facebook.com/pyaykhaing/videos/221884269145436

📖 သင်သေသွားသော် ဘယ်သူငိုမလဲ
https://www.facebook.com/pyaykhaing/videos/3032663590113015

📖 7 Habits of Highly Effective TEAM
https://www.facebook.com/pyaykhaing/videos/594951761370855

📖 စကားလုံးလေးတွေ စုဆောင်းသူ
https://www.facebook.com/watch/?v=2325668927741984

📖 Robin Sharma (The Monk who sold his Ferrari)
https://www.facebook.com/pyaykhaing/videos/254389602295341

📖 နေ့စဉ်သတိနှင့်နေထိုင်ခြင်း
https://www.facebook.com/pyaykhaing/videos/1408752485977824

📖 Essential NLP
https://youtu.be/TC7sn8NhHls

📖 ကမ္ဘာကျော် Forbes Magazine က ညွှန်းထားတဲ့စီးပွါးရေး စာအုပ်
https://www.facebook.com/pyaykhaing/videos/192825958730050

ချစ်ခြင်းအားဖြင့်
ပြေခိုင

Pic Credit: successpictures

လူတိုင်းသိထားသင့်တဲ့ Q (၅)လုံးအကြောင်း
=================================
လူတစ်ယောက်ရဲ့ ဉာဏ်ရည်ထက်မြက်မှုကို
သာမန်အားဖြင့် (IQ) နဲ့တိုင်းထွာလေ့ရှိပါတယ်။

အပြည့်အစုံကတော့ Intelligence Quotient (IQ)လို့ ခေါ်ပါတယ်။ လူတစ်ဦးရဲ့ ဉာဏ်ရည်ထက်မြက်မှုကို
စနစ်တ ကျတိုင်းထွာပြီး ရလာတဲ့အဖြေ Quotient
ကို ရည်ညွှန်းပြီးသတ်မှတ်ထားတာလည်း ဖြစ်ပါတယ်။

လွယ်လွယ်ပြောရရင် ဉာဏ်ရည်ထက်မြက်သူကို
တော်တဲ့သူလို့သတ်မှတ်ကြတယ်။ IQ မြင့်တဲ့သူဟာ
တော်တယ်။ IQ နိမ့်တဲ့သူဟာ ညံ့တယ်လို့ပဲ ယူဆကြ
ပါတယ်။ နိုင်ငံခြားမှာတော့ IQ ကို စနစ်တကျတိုင်း
ထွာမှုတွေလုပ်ကြတယ်။

မြန်မာပြည်မှာတော့ ကျွန်တော်သိသလောက် စနစ်တကျ လုပ်ထားတာမရှိပါဘူး။ လူတစ်ဦးတစ်ယောက်ရဲ့ IQ ဟာ ပျမ်းမျှခြင်း (၈၀) နဲ့ (၁၂၀) အကြားရှိကြပါတယ်။

(၁၂၀) ထက်များရင် သိပ်ထူးချွန်တယ်လို့ သတ်မှတ်
ပြီး (၈၀) ထက်နည်းရင်တော့ ဉာဏ်ရည်နိမ့်တယ်လို့
ပြောလေ့ရှိကြပါတယ်။"IQ" ဟာဗီဇအပေါ်အခြေခံတယ်။
တစ်နည်းပြောရရင် မိဘမျိုးရိုးအပေါ် မူတည်ပါတယ်။

IQ ဖွံ့ဖြိုးမှုဟာ မွေးတဲ့အချိန်ကအစပြုပြီး အသက် (၁၁) နှစ်နဲ့ (၁၂) နှစ်မှာ မြင့်တက်လာပြီး နောက်ပိုင်းမှာ တိုးတက်မှုမရှိတော့တာ တွေ့ရပါတယ်။

တစ်နည်းပြောရင် IQ ဟာ မွေးရာပါအရည်အချင်း
တစ်ရပ် ဖြစ်ပါတယ်။ IQ ကိုတစ်ဖက်က "Mental
Intelligence" ဉာဏ်ရည်ထက်မြက်မှုလို့ ဆိုကြတယ်။

သမားရိုးကျပညာ ရေးစနစ်ဟာ IQ ကိုသာ အာရုံ
စိုက်တာတွေ့ရတယ်။ ကျောင်းစာမှာတော်ဖို့ မိဘ
တွေရော၊ ဆရာ၊ ဆရာမတွေပါ တိုက်တွန်းကြတယ်။

စာတော်ခြင်းတစ်ခုတည်းကိုသာ အလေးထားကြ
တယ်။ ဒါကြောင့်လည်း အားကစားမလုပ်ဖို့၊ အနု
ပညာမလိုက်စားဖို့၊ ပေါင်းသင်းဆက်ဆံမှုမှာ အာရုံ
မစိုက်ဖို့တိုက်တွန်းပြီး စာတော်ခြင်းဆိုတဲ့ တစ်လမ်း
သွားဖွံ့ဖြိုးမှုကို အားပေးခဲ့ကြပါတယ်။

အခုခေတ်မှာတော့ဉာဏ်ရည်ထက်မြက်မှုကို (၅)မျိုးရှိတယ်လို့ လက်ခံလာကြပါပီ။ လူတစ်ယောက်ဟာ အောင်မြင်တဲ့သူ
ဖြစ်ဖို့ ဒီဉာဏ်ရည်ထက်မြက်မှု (၅)မျိုးကို ပြုစုဖို့လိုအပ်တယ်လို့ လက်ခံလာခဲ့ကြပါတယ်။

(1) ပထမဆုံးဉာဏ်ရည်ထက်မြက်မှုကတော့
"Physical Intelligence (PQ)" ဖြစ်ပါတယ်။
ရုတ်တရက် ကြည့်ရင် (PI) ဖြစ်သင့်တယ်လို့
ထင်ကြမှာပါပဲ။ ဒါပေမယ့်စောစောက ကျွန်တော်
တင်ပြခဲ့သလို Quotient ဆိုတဲ့ရလဒ်အဖြေကို ရည်
ညွှန်းတာပါ။

PQ ကအမှန်တော့ ကျန်းမာရေးနဲ့ဆိုင်ပါတယ်...
လူတစ်ယောက်ဟာ ကျန်းမာဖို့လိုအပ်တယ်။
မကျန်းမာရင်ကျန်တာဘာမျှလုပ်လို့ရမှာ မဟုတ်ပါဘူး။

ဒါကြောင့် ကျွန်တော်က လူငယ်တွေအနေနဲ့ PQ
ကို အာရုံစိုက်စေချင်တယ်။ မိဘတွေအတွက်လည်း
စဉ်းစားသင့်ပါတယ်။ ကလေးတွေကို အားကစား
လုပ်ဖို့ အားပေးရပါမယ်။ ကျောင်းတွေမှာလည်း အား
ကစားကို ထိထိရောက်ရောက် လုပ်ပေးနိုင်ဖို့ အရေး
ကြီးလှပါတယ်။

တစ်ချိန်တုန်းက အားကစားကို အားမပေးခဲ့ဘူး။
မလိုအပ်တဲ့ စိုးရိမ်မှုတွေကြောင့် အားကစားလုပ်တာ တွေကို အဟန့်အတားပြုခဲ့ကြတယ်။

ဒါကြောင့်ကျွန်တော်ကတော့ လူငယ်တွေအတွက် အားကစားမြှင့်တင်မှုကို အမျိုးသားရေးတာဝန်တစ်ရပ်အနေနဲ့ ဆောင်ရွက်ပေးရမယ်။

တစ်ခါက ကျွန်တော်တင်ပြခဲ့ဖူးပါတယ်.....
အားကစားလုပ်ခြင်းဟာ ကာယဖွံ့ဖြိုးမှုသာမက ပြိုင်ဘက်ကိုလေးစားမှု၊ အရှုံးအနိုင်ကို မှန်ကန်တဲ့ တုံ့ပြန်နိုင်မှု၊ နားလည်မူ့စတဲ့ ရနိုင်တဲ့အကျိုးတရားတွေဟာ ရေတွက်လို့မကုန်နိုင်ပါဘူး။

အားကစားလို့ပြောတဲ့နေရာမှာလည်း ငွေကုန်ကြေး
ကျများတဲ့ အားကစားမျိုးကိုသာမဟုတ်ဘဲ လူတိုင်း
လက်လှမ်းမီတဲ့ အားကစားတွေ အများကြီးရှိပါတယ်။

(2) ဒုတိယဉာဏ်ရည်ထက်မြက်မှုက စောစောက
အထက်မှာပြောခဲ့တဲ့ အသေးစိတ်တင်ပြပြီးဖြစ်တဲ့ "Mental Intelligence (IQ)"ဖြစ်ပါတယ်။

(3) တတိယဉာဏ်ရည်ထက်မြက်မှုက
" Emotional Intelligence (EQ)" ဖြစ်ပါတယ်။
EQကမိမိအကြောင်း၊ မိမိရဲ့ခံစားမှု၊ မိမိရဲ့စိတ်ကို
သိသလိုမိမိနဲ့ထိတွေ့ဆက်ဆံနေတဲ့သူတွေအကြောင်းကိုလည်း သိအောင်ကြိုးစားပေးနိုင်ခြင်းလည်း ဖြစ်ပါတယ်။ EQ မြင့်မားတဲ့သူဟာ #ကိုယ်ချင်းစာစိတ်ရှိတဲ့သူ ဖြစ်ပါတယ်။

အကောင်းဆုံးသာဓကက ဆရာကြီး Gandhi ဖြစ်ပါ
တယ်။ သူကသူ့ရဲ့တပည့်တွေနဲ့အတူ ဘူတာရုံတစ်ခု
က ထွက်တော့မယ့်ရထားကို အမီလိုက်ရင်း စီးလာ
တဲ့ဖိနပ်တစ်ဖက် ကျွတ်ကျခဲ့တယ်။ ဖိနပ်ကျွတ်တာ
ကိုသိသိချင်း ဆရာကြီးက ကျန်တဲ့တစ်ဖက်ကိုယူပြီးကျသွားတဲ့ဖိနပ်နဲ့ အနီးဆုံးရောက်အောင် ပစ်လိုက်တယ်။

သူ့ရဲ့လုပ်ရပ်ကို တပည့်တွေက ဘာကြောင့်ဒီလို လုပ်လိုက်တာလဲလို့ပြောတော့ အခုဆိုရင်ကောက်ရတဲ့သူက ဖိနပ်တစ်ရန်အပြည့်ရပြီလို့ပြန်ပြောခဲ့ပါတယ်။ IQ မြင့်မားတဲ့သူတွေတိုင်း EQ
မမြင့်ကြပါဘူး။ IQ မြင့်ပေမယ့် EQ နိမ့်တဲ့သူတွေလည်း
အများကြီးရှိတာတွေ့ရတယ်။။ မိမိရဲ့ခံစားမှုတွေ
သာရှေ့တန်းတင်ပြီး တစ်ဖက်သားရဲ့အကြောင်း
ထည့်မတွက်တတ်တဲ့သူတွေ အများကြီးရှိနေတာ
ဝမ်းနည်းစရာတွေ့ရပါတယ်။ တစ်ခုတော့ရှိပါတယ်။

IQ ဟာ မွေးရာပါဖြစ်ပေမယ့် EQ ကတော့ပြုစုလို့ရ
တဲ့ အရည်အချင်းတစ်ရပ် ဖြစ်တယ်။ ဘဝမှာအောင်
မြင်ဖို့ IQ တစ်ခုတည်းအားကိုးလို့မဖြစ်ဘူး။ EQ ရှိမှ
ပြည့်စုံမှာ။ တစ်ဖက်က တော့ EQ သာရှိပြီး IQ နိမ့်
နေ ရင်လည်း အဆင်မပြေပြန်ဘူး။

(4) စတုတ္ထဉာဏ်ရည်ထက်မြက်မှုက
ယုံကြည်ကိုးကွယ်မှုနဲ့ ပတ်သက်ပါတယ်။
တစ်နည်းပြောရရင် "Spiritual Intelligence (SQ)"
ဖြစ်ပါတယ်။

အခုအချိန်မှာ ကျွန်တော်တို့နိုင်ငံမှာ SQ အထူးလိုအပ်နေ တယ်လို့ ကျွန်တော်ထင်တယ်။ ယုံကြည်ကိုးကွယ်မှုဟာ မိမိတစ်ဦးချင်းနဲ့ ဆိုင်တယ်။ မိမိရဲ့ယုံကြည်ကိုးကွယ်မှုကိုမြတ်နိုးဖို့လိုအပ်သလို တစ်ဖက်သားရဲ့ ယုံကြည်ကိုးကွယ်မှုကို လေးစားဖို့ လိုပါတယ်နော်။

ယုံကြည်ကိုးကွယ်မှုဆိုတာဟာ အင်မတန်မှ သိမ်မွေ့
တဲ့၊ လေးနက်တဲ့အရာတစ်ခုဖြစ်တယ်။

ကျွန်တော်ဟာဗုဒ္ဓဘာသာဝင်တစ်ဦး ဖြစ်ပါတယ်။ ရှင်တော်ဗုဒ္ဓရဲ့သွန်သင်ဆုံးမမှုတွေကို ယုံယုံကြည်ကြည်နဲ့ လိုက်နာကျင့်သုံးနေသလို အခြားဘာသာဝင်တစ်ဦးရဲ့ ယုံကြည်ကိုးကွယ်မှုကိုလည်း အသိအမှတ်ပြုရပါမယ်။

မိမိဘာသာ ကောင်းတယ်။ တခြားဘာသာ
မကောင်းဘူးဆိုတဲ့ အတွေးအခေါ်တွေ မရှိရပါဘူး။ အစွန်းတရားတွေကို ရှောင်ရှားဖို့ သိပ်လိုအပ်နေပါတယ်။

အခုလိုပြောတာကို လက်မခံတဲ့သူတွေရှိမှာ သေချာ
ပါတယ်။ ဒါပေမယ့် ကျွန်တော်ကတော့ "မြင့်မြတ်တဲ့
အတွေးအခေါ်၊ အယူအဆတွေ" လူတွေမှာရှိကြတယ်။ ရှိနိုင်တယ်လို့ ယူဆမိပါတယ်။

(5) နောက်ဆုံးဉာဏ်ရည်ထက်မြက်မှုက မျက်မှောက်ခေတ် (၂၁) ရာစုမှာပိုပြီး အရေးကြီးလာတာ တွေ့ရပါတယ်။ မြန်မာနိုင်ငံမှာ ပြုပြင်ပြောင်းလဲမှု တွေကြောင့် ကမ္ဘာကြီးနဲ့ ထိတွေ့ဆက်ဆံလာကြတယ်။

ပူးပေါင်းဆက်ဆံမှု ဆိုတာကို လက်ခံလာကြတယ်။
နိုင်ငံခြားရင်းနှီးမြှုပ်နှံမှုတွေကြောင့် နိုင်ငံခြားသားတွေပိုင်ဆိုင်တဲ့လုပ်ငန်းတွေ မြန်မာပြည်မှာ တည်ထောင်လာကြတယ်။အခုလိုလုပ်ငန်းတွေလုပ်ဖို့ စီစဉ်တဲ့အခါမြန်မာတိုင်းရင်းသားတွေကို ရှာဖွေကြတယ်။ အကူအညီတောင်းကြတယ်။ ဒီလိုပဲ မြန်မာပိုင်ကုမ္ပဏီတွေကလည်း နိုင်ငံခြားဝန်ထမ်းတွေကို ရွေးချယ်ခန့် ထားလာတာ တွေ့တယ်။

အခုလို ဆောင်ရွက်တာက နိုင်ငံခြားတိုင်းပြည်တွေရဲ့ အခြေအနေကို သိအောင်ရယ်၊ ပြည်တွင်းအခြေအနေတွေ နားလည်သဘောပေါက်အောင်. . . .
"Cultural Intelligence (CQ)"လို့ခေါ်တဲ့
ယဉ်ကျေးမှုနဲ့ ပတ်သက် တဲ့ဉာဏ်ရည်ထက်မြက်မှုကိုပြုစုဖို့ဆိုတာပဲ ဖြစ်ပါတယ်။

ယဉ်ကျေးမှုမတူသူတွေနဲ့ ဆက်ဆံတဲ့အခါ (CQ)
ဟာအလွန်အရေးကြီးပါတယ်။ (CQ) မြင့်မားတဲ့သူ
ဟာ မိမိရဲ့ယဉ်ကျေးမှုကိုမြတ်နိုးသလို တစ်ဖက်သားရဲ့ ယဉ်ကျေးမှုကိုလည်း လေးစားဖို့လိုပါတယ်။

ဥပမာ. . .လက်နဲ့ထမင်းစားတဲ့ ကျွန်တော်တို့ မြန်မာတွေ
အနေနဲ့ တူနဲ့စားတဲ့ တရုတ်လူမျိုး၊ ဇွန်း၊ ခရင်းသုံး
တဲ့ အနောက်တိုင်းရင်းသားတွေရဲ့ အလေ့အထကို
ဂရုစိုက်ရမယ်။

(CQ) မြင့်မားတဲ့သူဟာ ယဉ်ကျေးမှုမတူညီတဲ့ အခြေအနေ
မှာ လိုက်လျောညီထွေစွာလှုပ်ရှားနိုင်သူဖြစ်ပါတယ်။ ဝင်ဆံ့တယ်။ နားလည်တယ်။ အသိအမှတ်ပြုတယ်။

ဉာဏ်ရည်ထက်မြက်မှုတစ်ရပ်ကို အကျဉ်းချုံး
တင်ပြရရင် "PQ, IQ, EQ, SQ နဲ့ CQ"တို့ဖြစ်တယ်။

ဒီဉာဏ်ရည်ထက်မြက်မှု (၅)မျိုးဟာလူတစ်ယောက်
အတွက် အလွန်အရေးပါလှပါတယ်။ PQ မြင့်မားမှု
ဟာ အသက်ရှင်သန်ရေးနဲ့ပတ်သက်ပြီး IQ ဟာ သင်
ယူ၊ ခံယူမှုနဲ့ဆိုင်ပါတယ်။ EQ ကတော့ မေတ္တာ တရား
နဲ့ဆိုင်ပြီး SQ ကတော့ လူတစ်ဦးရဲ့လေးနက်တဲ့ အမွေ
အနှစ်နဲ့ ဆိုင်တယ်။ CQ ကတော့ မတူညီ မှုကို အားယူ
နိုင်တဲ့ အားပဲဖြစ်ပါတယ်။

ကျွန်တော်ကတော့ အခွင့်အရေးရတိုင်း လူငယ်
တွေရဲ့ ကိုယ်ရည်ကိုယ်သွေးမြင့်မားစေလိုပါတယ်။
အောင်မြင်တဲ့သူတွေ ဖြစ်စေချင်တယ်။ ဒါကြောင့်
လည်း အခွင့်အရေးရတိုင်း ဟောပြောပွဲတွေလုပ်ပေးတယ်၊ စာတွေရေးတယ်။

အမှန်တော့ လူငယ်တွေသာမက လူလတ်၊ လူကြီးအားလုံး ဉာဏ်ရည်ထက် မြက်မှု ငါးရပ်ကို ပြည့်စုံနိုင်ပါစေလို့ ဆန္ဒပြုအပ်ပါတယ်လို့။
ထူးချွန်အောင်မြင်သူများ ဖြစ်ကြပါစေ. . .

Credit to
Sir Dr.Aung Tun Thet

လွတ်လပ်စွာ ရွေးချယ်ပါ

၁။ မနေ့ကဆိုတာ ကိုဘာမှပြန်သွားပြုပြင်လို့ မရနိုင်တော့လို့ ..နောက်ထပ်ကောင်းမွန်တာတွေ ထပ်လုပ်နိုင်စေဖို့ မနက်ဖြန်ဆိုတာ ရှိလာတယ်
....................
၂။ ပြဿနာတိုင်းကို ကျော်လွားနိုင်ဖို့ ကူညီပေးနိုင်မဲ့သူကတော့တစ်ယောက် တည်းပဲရှိနေပါတယ် အဲ့ဒီလူကတော့ သင်ကိုယ်တိုင်ပါပဲ
....................
၃။ ဒီကမ္ဘာပေါ်မှာ လူတွေ ရှုပ်ထွေးနေစေတဲ့ အကြောင်းအရာကတော့ ၂ မျိုး
တည်းရှိပါတယ် အဲ့တာတွေကတော့ သွားချစ်မိတာနဲ့ သွားမုန်းမိနေတာပါပဲ
....................
၄။ စိတ်ချမ်းသာမှု့ ဆိုတာ အရာရာတိုင်းကိုစိတ်တိုင်းကျဖြစ်အောင်လုပ်နိုင်ရာက ပေါက်ဖွားလာတာ မဟုတ်ပါဘူး ဒါပေမဲ့ ဘယ်အရာမှ ကိုယ်စိတ်တိုင်းကျမဖြစ်နိုင်ပါဘူးဆိုတာ လက်ခံ တဲ့ စိတ်ကနေပေါက်ဖွားလာတတ်တာပါ
......................
၅။ လူတစ်ကိုယ်အတွေးတစ်မျိုး တစ်ကိုယ်တစ်စိတ်ဆီမို့ အတွေးအခေါ်မတူတာနဲ့ သူတစ်ပါးအတွေးကိုသွားအထင်မသေးမိပါစေနဲ့
.........................
၆။ စာဖတ်တတ်တာ အရေးပါတယ် ၊ အ
ခြေအနေ ကိုဖတ်တတ်တာ ပိုအရေးပါ
တယ်၊ တစ်ပါးသူရဲ့စိတ်ကိုဖတ်တတ်တာ ပိုတောင်အရေးပါတယ် ၊ ကိုယ့်စိတ်ကို
ဖတ်တတ်တာကတော့ အရေးအပါဆုံးပါပဲ
.........................
၇။ စဉ်းစားနိုင်ရင် ကူပြီးစဉ်းစားပေးလိုက်၊ မစဉ်းစားနိုင်ရင်လည်း ကူပြီးလုပ်ပေးလိုက် ၊မလုပ်ပေးနိုင်ရင် ကူညီပါဝင်လိုက် ၊မပါ
ဝင်နိုင်ရင် အားပေးလိုက် ၊အားမပေးနိုင်
ရင်လည်း အေးအေး ဆေးဆေးနေပေး လိုက်
.......................
၈။ စင်ကြယ်နိုင်ရင်စိတ်လဲသန့်ရှင်းမယ် ၊ချထား နိုင်ရင်စိတ်လဲ ပေါ့ပါးမယ် ၊လွတ်ထားနိုင်ရင် စိတ်လည်းအေးချမ်းမယ် ၊ခွင့်လွတ်နိုင်ရင်စိတ်လည်းတည်ငြိမ်မယ်
....................
၉။ လမင်းရဲ့ အရိပ်ဟာ ရေ မျက်နှာပြင်ရဲ့ ငြိမ်သက်မှု့မှာပေါ်နိုင်သလို ပဲ အသိပညာဆိုတာ စိတ်ရဲ့တည်ငြိမ်ခြင်းကနေပေါက်ဖွားလာတတ်တယ်
..........................
၁၀။ သောက က ကိုယျ့ကိုဈိတျရှုတျစတောမဟုတျပါဘူး ၊ စိတ်ရှုတ်လို့ ကိုယ့်ကိုသောကဖြစ်စေတာပါ
........................
၁၁။ ပေးတတ်ရင် လက်ခံတတ်ရပါမယ် ၊လက်ခံတတ်ရင် ခွင့်လွတ်တတ်ရပါမယ် ၊မာတတ်ရင် ပျော့ပြောင်းတတ်ရပါမယ် ဒါမှ ဘဝကပေါ့ပါးပြီးပျော်ရွင်မှု့ရှိပါမယ်
........................
၁၂။ ငြိမ်းချမ်းဆိတ်ငြိမ်တဲ့ နေရာ အခုတစ်ရာ တောင်မှ လည်း ကိုယ့်စိတ်ရဲ့
တည်ငြိမ်မှု့လောက်မကောင်းနိုင်ပါဘူး လူအယောက်တစ်ရာကျော်သိနေလည်း ကိုယ့်ကိုကိုယ် သိနေတာလောက်မကောင်းနိုင်ပါဘူး
........................
၁၃။ ရှိတဲ့ အခါ ပေးကမ်းဖို့သိတတ်ပါစေ ၊ရတဲ့ အခါ တင်းတိမ်ဖို့ သိတတ်ပါစေ ၊
တောင်းတဲ့အခါ တန်ဖိုးကိုသိတတ်ပါစေ၊ လူဆိုတာ မွေးလာပြီး တော့ .......... အချိန်ရောက်လာတဲ့အခါ ခွဲခွာသွားရမှာပါ

၁၄။ ပြန်လှည့်လို့မရတာက အချိန် ပြေးလို့မလွတ်နိုင်တာက သေခြင်းတရား ဝယ်လို့မရတာက ကျန်းမာရေးနဲ့ ဘဝ ကြိုတင် မြင်လို့ မရနိုင်တာက လူ့စိတ် သီးခံရမဲ့အရာက ကိုယ့်ရဲ့စိတ်ကို ကိုယ်
.........................
၁၅။ မီးဆိုတာ ကိုယ်ကသာသူ့အနားသွားမနေရင် မပူပါဘူး ဘယ်ဆင်းရဲဒုက္ခ ကမှ မကြီးလေးပါဘူး ကိုယ်ကသာကိုယ့်စိတ်နဲ့သွားမထမ်းထားရင်
......................
၁၆။ စိတ်ခွန်အားဆိုတာ ကိုယ့်ဘေးပတ်
ဝန်းကျင်လူတွေဆီကနေ ရှာလို့ ရချင်ရ
နိုင်ပါတယ် ဒါပေမဲ့ ခိုင်မာမှု့ကတော့
ကိုယ့်ဖာသာ တည်ဆောက်ရမှာပါ
.....................
၁၇။ တစ်ခါတစ်လေ စိတ်ဓါတ်ခွန်အားဆိုတာ သူများကို ပေးဖို့ အပြင် ကိုယ့်အ
တွက် ကိုယ်လဲ သိမ်းထားတတ်ရပါမယ်
.....................
၁၈။ ရှေ့ကို လျောက်လှမ်းဖို့ ဆုံးဖြတ်ပြီးရင်လည်းကြုံတွေ့လာရမဲ့ ပြသနာတွေ အ
တွက် အားမလျော့မိလိုက်ပါစေနဲ့
.................
၁၉။ ဥာဏ်ပညာရှိတဲ့ သူက ပြသနာတိုင်းမှာ အခွင့်အလမ်းကို ရှာဖွေ တွေ့မြင်တတ်တယ် ..ဥာဏ်မရှိတဲ့သူက အခွင့်အလမ်းတိုင်းမှာ ပြသနာကိုရှာတွေ့တတ်တယ်
....................
၂၀။ တစ်ယောက်နဲ့ တစ်ယောက်နားလည်မှု့လွဲ မှားလို့ဒေါသထွက်ကြတာဟာ မမှားပါဘူး ဒါပေမဲ့ မတောင်းပန်တာ ကမှားတာပါ
.....................
၂၁။ လူကောင်းလူတော် ဖြစ်ပြီး၊ပျော်ရွင်စွာနေထိုင်ပြီးပျော်ရွင်မှု့တွေ မျှဝေ လိုက်ပါ ဒီမျှလောက်နဲ့ ပဲသင်ဟာ ပြီးပြည့်စုံတဲ့ လူသားပီသ သွားပါပြီ
++++++++++++++++++++
လွပ်လပ်မှု့ဆိုတာ လူတိုင်းအတွက်ဖြစ်နိုင်ပါတယ် ကိုယ်ကသာရွေးချယ်ခဲ့မယ် ဆိုရင်ပေါ့

Cr to original uploader

စကားပြောနည်း
--------------------

အရေးကြီးသည့်ကိစ္စ - ရှင်းရှင်းလင်းလင်းပြောပါ။
အရေးမကြီးသည့်ကိစ္စ - ဟာသနှော၍ ပြောပါ။

မပိုင်နိုင်သောကိစ္စ - ဆင်ဆင်ခြင်ခြင် ပြောပါ။
ပိုင်နိုင်သောကိစ္စ - အကိုးအကားနှင့် ပြောပါ။

ပျော်ရွှင်ဖွယ်ကိစ္စ - အချိန်နှင့် အခါကို ကြည့်ပြောပါ။
မပျော်ရွှင်ဖွယ်ကိစ္စ - လူနှင့် နေရာကို ကြည့်ပြောပါ။

သူတစ်ပါးကိစ္စ - သတိထားပြီးပြောပါ။
ကိုယ့်ကိစ္စ - သူများပြောတာနားထောင်ပါ။

မဖြစ်ပျက်သေးသည့်ကိစ္စ - လက်လွတ်စပယ်မပြောသင့်။
မလုပ်နိုင်သေးသည့်ကိစ္စ - ကတိလွယ်လွယ်မပေးသင့်။
အကျိုးယုတ်မည့်ကိစ္စ - လုံးဝမပြောသင့်။

မသိနိုင်သည့်ကိစ္စ - လစ်လျူရှုပါ။
မဖြစ်နိုင်သည့်ကိစ္စ - လစ်လျူရှုပါ။

မကူနိုင်သည့်ကိစ္စ - လမ်းပြပါ။
မတတ်နိုင်သည့်ကိစ္စ - အရှုံးပေးပါ။

သူတစ်ပါးစကားမှားသော် - ဖော့ပေးပါ။
မိမိစကားမှားသော် - ထောက်ခိုင်းပါ။

သူတစ်ပါးစကားလမ်းလွဲသော် - ပြန်တည့်ပေးပါ။
မိမိစကားလမ်းလွဲသော် - တောင်းပန်ပါ။

မပြောမှီစဉ်းစား.....စဉ်းစားပီးမှပြော......
ပြောပီးစကား.........ပြန်စဉ်းစား..........
အမှားတကာ..အမှားထဲ...စကားမှားခြင်းက.....
ချစ်ခင်မှု...အရာရာပျက်ပြားစေပါတယ်.........

တစ်ပါးသူနားမခံသာ...
စိတ်ထိအောင်မပြောရ....ကိုယ့်စကားကြောင့်....
တပါးသူအကျိုးရှိစေက....မဖြစ်မနေပြောပါ.......

အမှန်စကားခါးသည်....သို့သော်...ချိုသာသော....
မုသားသုံးပြောဆိုပါက.....တရားပါသည်။
မသိသောစကား..နှုတ်ဆိတ်နေခြင်းက......
မင်္ဂလာ တရားနှင့်ညီပါသည်........

ငါသာသိ...ငါသာတတ်..ဟူ၍...မပြောပါနှင့်...
စကားကိုမျှပါ...စကားကိုလု မပြောပါနှင့်.......
သူစကားဆုံးပီးမှ..ကိုယ်စကားစပြောပါ.........

စကားသည်အမှားပါတတ်၍....ထိမ်းပြောခြင်း.....
ဖြင့်...လိုသလောက်သာပြောပါ......
သူတပါးသည်....ကိုယ့်စကားနားမဝင်ပုံထောက်....
လျှင်အပြောရပ်၍..လမ်းကြောင်းလွှဲကာ..နှုတ်ဆက်ပါ..

စကားကြောင့်ပြုံး....စကားကြောင့်မုန်း။
တတ်သောကြောင့်..ချိုသာစွာပြောတတ်ပါစေ...

credit:original post

"အမြင့်ကို ပျံတက်လိုက်စမ်းပါ"
*********************
တစ်ရက်မှာ ဘုရင်ကြီးတစ်ပါးကို သူ့လက်အောက်ခံ နယ်ပယ်
တစ်ခုရဲ့ နယ်စားကြီးက လက်ဆောင်ပေးလာပါတယ်။ လက်ဆောင်က
အလွန်လှပတဲ့ သိမ်းငှက်နှစ်ကောင်ပါ။ ဘုရင်ကြီးဟာ ဒီလောက်လှတဲ့
သိမ်းငှက်မျိုးကို တစ်ခါမှ မမြင်ဖူးလို့ အလွန်သဘောကျနေတယ်။ ဘုရင်ကြီး
ဟာ သိမ်းငှက်နှစ်ကောင်ကို ငှက်တွေကို လေ့ကျင့်ပေးသူဆီ လေ့ကျင့်ပေးဖို့
အပ်လိုက်တယ်။

လေ့ကျင့်သူဟာ သိမ်းငှက်နှစ်ကောင်ကို နေ့စဉ် လေ့ကျင့်ပေးနေ
တာ လပေါင်း အတော်ကြာသွားပြီးတစ်ရက်မှာ သူဟာ ဘုရင်ကြီးဆီကို
အခစားဝင်ပြီးလျှောက်တင်လိုက်တယ်။ သိမ်းငှက်နှစ်ကောင်ထဲက တစ်ကောင်
ကို ကောင်းကင်အမြင့်ကြီးမှာ ပျံဝဲအောင် လေ့ကျင့်လို့ရပေမယ့် နောက်
တစ်ကောင်ကတော့ သစ်ပင်ရဲ့ အကိုင်းမှာ အမြဲတမ်း ခိုနားနေပြီးဘယ်မှ
မသွားဘူး။ အမြင့်ကိုလည်း ပျံမတက်ဘူး။ ပျံတက်အောင်လုပ်လို့လည်း
မရဘူးတဲ့။
“ကျွန်တော်မျိုး တသက်မှာ ဒီလောက် ခေါင်းမာတဲ့
ငှက်မျိုးကို တစ်ခါမှ မတွေ့ဖူးပါဘူး။ ကျွန်တော်မျိုး သူ့ကို အစာ
ပြပြီးမျှားခေါ်တယ်။ ရိုက်မယ့်ဟန်ပြပြီးခြောက်လှန့်တယ်။ ဒါပေမဲ့
သစ်ကိုင်းပေါ် နားနေရာကနေ လုံးဝမရွေ့ဘူး။ ကျွန်တော်မျိုး
လည်းဘာဆက်လုပ်ရမှန်းမသိတော့လို့ အရှင်မင်းကြီးပေးတဲ့

အပြစ်ကို ခံယူရုံပါပဲဘုရား”
လို့ ငှက်လေ့ကျင့်သူက လျှောက်တင်တယ်။

ဘုရင်ကြီးက ငှက်လေ့ကျင့်သူဟာ သူ့နိုင်ငံမှာ အတော်ဆုံး
တစ်ယောက်ဖြစ်နေလို့ သူ့ကို အပြစ်မယူဘဲ သိမ်းငှက်ကို နောက်ထပ်
လေ့ကျင့်ပေးဖို့ အချိန်ထပ်ပေးလိုက်တယ်။

လပေါင်းများစွာ ကုန်လွန်သွားပြန်ပြီ။ ဒါပေမဲ့ သိမ်းငှက်ဟာ
အရင်အတိုင်းပဲ သစ်ကိုင်းပေါ်က လုံးဝမရွေ့ပါဘူး။ ငှက်လေ့ကျင့်သူလည်း
ဒီတစ်ခါတော့ လုံးဝလက်လျော့လိုက်ပြီ။ ဘုရင်ကြီးလည်း ပရောဟိတ်
ပုဏ္ဏားတွေ၊ ဗေဒင်ဆရာတွေကို ခေါ်ပြီးအဲဒီသိမ်းငှက်ကို သစ်ကိုင်းပေါ်က
ရွေ့အောင် လုပ်ခိုင်းတယ်။ သူတို့လည်း ဂါထာမန္တာန်တွေ ရွတ်ဆိုပြီး
သိမ်းငှက်ကို သစ်ကိုင်းပေါ်ကနေ ပျံတက်အောင် ကြိုးစားလုပ်ကြတယ်။
ဒါလည်း သိမ်းငှက်ဟာ အရင်အတိုင်းပါပဲ။ သစ်ကိုင်းပေါ်က လုံးဝမရွေ့
ပါဘူး။ ဘုရင်ကြီးလည်း အတော်စိတ်ပျက်နေပြီ။ အဲဒီသိမ်းငှက်ကို သတ်ပစ်
ချင်လာနေတယ်။ ဒါပေမဲ့ လှပတဲ့သိမ်းငှက်မို့ မသတ်ရက်ဘူး။

တစ်ရက်မှာ လယ်သမားတစ်ယောက်ဟာ နန်းတော်အနားဖြတ်
သွားရင်း အဲဒီသိမ်းငှက်အကြောင်း လူတွေ ပြောနေကြတာကို ကြားလိုက်
မိတယ်။ သူက မှူးမတ်တွေကို သွားတွေ့ပြီး သိမ်းငှက်ကို သစ်ကိုင်းပေါ်ကနေ

ကောင်းကင်ကို ပျံတက်အောင် စမ်းလုပ်ကြည့်ချင်ကြောင်း ပြောပြတယ်။
မှူးမတ်တွေလည်း ဘုရင်ကြီးကို အဲဒီအကြောင်းကို လျှောက်တင်ကြတယ်။
ဘုရင်ကြီးလည်း သူ့မှာ လုပ်ပေးနိုင်သူမရှိလို့ လယ်သမားကို စမ်းလုပ်
ကြည့်ခွင့်ပေးလိုက်တယ်။

နောက်နေ့မှာ မှူးမတ်တွေက လျှောက်တင်ကြလို့ ဘုရင်ကြီး
လည်း နန်းတော်ရဲ့ လေသာဆောင်ကိုသွားပြီး ကောင်းကင်ယံကို မော့ကြည့်
လိုက်တယ်။ ကောင်းကင်အမြင့်မှာ သူ့သိမ်းငှက်နှစ်ကောင်ဟာ အတူ ပျံဝဲ
နေကြတာကို တွေ့လိုက်ရတယ်။ ဘုရင်ကြီးလည်း အလွန်အားရကျေနပ်လို့
လယ်သမားကို ရှေ့တော်မှောက် ဆင့်ခေါ်ပြီး သစ်ကိုင်းပေါ်ကနေ ဘယ်မှ
မသွားတဲ့ သိမ်းငှက်ကို ဘယ်လို လေ့ကျင့်ပေးသလဲလို့ မေးလိုက်တယ်။
လယ်သမားက ရိုးသားစွာပဲ ဖြေလိုက်ပါတယ်။ “သူနားနေကျ သစ်ကိုင်းကို
ကျွန်တော်မျိုး ဓားနဲ့ ခုတ်ဖြတ်လိုက်ပါတယ် အရှင်မင်းကြီး” တဲ့။

ကျွန်တော်တို့ လောကမှာ လူလာဖြစ်လာကြတာ အောက်ခြေ
အဆင့်မှာပဲ ကျေနပ်ပြီး နေနေကြဖို့ မဟုတ်ပါဘူး။ အမြင့်ကို ပျံတက်နိုင်
ကြဖို့ပါ။ ဒါပေမဲ့ ကျွန်တော်တို့လည်း မိဘ၊ ဆွေမျိုးစတဲ့ သစ်ကိုင်းတွေပေါ်မှာ
နားနေရင်း သာယာနေကြတယ်။ ကိုယ့်ကိုယ်ကိုယ် အားကိုးပြီး အပေါ်ကို
ပျံမတက်ချင်ကြဘူး။ အဲဒီလိုနေရတဲ့ ဘဝမှာ ပျော်နေကြလို့ အပြောင်းအလဲ
မလုပ်ချင်ကြဘူး။ အပြောင်းအလဲမလုပ်ရင် ဘဝဟာ တိုးတက်မှုရှိမှာ
မဟုတ်ဘူး။ ဒါကြောင့် သင် မှီခိုအားထားနေတာတွေကို ဖြတ်တောက်
စွန့်လွှတ်ပြီး အခုပဲ ကိုယ့်ဒူးကိုယ်ချွန် ကြိုးစားလိုက်စမ်းပါ။ အမြင့်ကို ရဲရဲကြီး
ပျံတက်လိုက်စမ်းပါ။ အမြင့်ရောက်မှ ကမ္ဘာကြီးကို အပေါ်စီးက မြင်ရတဲ့
အရသာဟာ ဘယ်လောက်ကောင်းသလဲဆိုတာကို အမြင့်ရောက်ဖူးသူတွေ
သိကြပါတယ်။

Credit Original Writer