https://www.facebook.com/103521155623051/

Star Kids Education, yuzuna Street, Yangon (2026)

22/09/2022

လူငယ်နဲ့ Popularity

လူငယ်လို့ပြောလိုက်ရင် ဆယ်ကျော်သက်အရွယ်တွေကို အရင်ဆုံးမြင်မိကြပါလိမ့်မယ်။ ဟုတ်ပါတယ် ဆယ်ကျော်သက်အရွယ်တွေပါပဲ။ သူတို့အတွက် ဒီဘက်ခေတ်ကြီးက အရမ်း ပြည့်စုံတယ်လို့ခံစားရစေသလို၊ ငြီးငွေ့ဖို့ကောင်းတယ်လို့လည်း ထင်လာရတတ်ပါတယ်။

ဘာဖြစ်လို့လဲဆိုရင် နေရာတကာ အလွယ်တကူသွားလာနိုင်ကြတယ်။ အခက်အခဲသိပ်မရှိဘူး၊ အစစအရာကာက အဆင်ပြေနေတယ်ဆိုတဲ့အရာမျိုးအေါ့။

ဒီကြားထဲမှာ Side effect အနေနဲ့ Popularity ဆိုတဲ့ Trend တစ်ခုလည်း လိုက်လာတတ်ကြပါတယ်။ လူကြားထဲမှာ ထင်ပေါ်ချင်ကြတယ်၊ တစ်ခုခုဆို ငါကသာ ဆိုပြီး သူငယ်ချင်းတွေကြား ပေါ်ပြူလာဖြစ်ချင်လာကြတယ်။

ဒီလိုဖြစ်ချင်တာက အမှားကြီးမဟုတ်ပေမယ့် လမ်းမှားတွေနောက်ကိုလိုက်လာခြင်းက အမှားတွေပဲဖြစ်ပါတယ်။ ဒါဆို အခုလို ဆယ်ကျောက်သက်တွေရဲ့ကြားထဲ မှားယွင်းလာတဲ့အပြုအမူတွေက ဘာတွေဖြစ်မလဲ ?

(1) Trend နောက်တအားလိုက်ခြင်း

လူငယ်တွေအနေနဲ့ Trend နောက်လိုက်တယ်ဆိုတာက မှားယွင်းတဲ့အရာတစ်ခုတော့မဟုတ်ပေမယ့်၊ အမြဲတမ်း Trending တွေနောက်ပဲလိုက်နေမယ်ဆိုရင် ရေရှည်မှာကိုယ့်ရဲ့ Focus လည််းပျောက်သွားစေနိုင်သလို၊ ကိုယ့်ရဲ့စိတ်ကိုလည်း ငြီးငြူစေပြီး ဘယ်အရာမှမတင်းတိမ်နိုင်ဖြစ်တတ်ပါတယ်။

(2) ပြိုင်ဆိုင်မှုကြီးလာခြင်း

ပြောရမယ်ဆိုရင် ပြိုင်ဆိုင်မှုကပိုပြီးတော့ကြီးလာတတ်ပါတယ်။ သူငယ်ချင်းတွေကြားထဲ ဘယ်သူက ပိုပြီး Popular ဖြစ်လဲ၊ ဘယ်သူကပိုပြီး မိုက်လဲဆိုတဲ့ မှားယွင်းတဲ့ ပြိုင်ဆိုင်မှုတွေဖြစ်နိုင်ပါတယ်။

(3) အတုယောင်တွေမှာပိုပြီးအာရုံစိုက်နေမိခြင်း

ငယ်ရွယ်သေးတဲ့အချိန်မှာ ကိုယ့်ကိုကိုယ် ပိုပြီးအာရုံစိုက်ဖို့လုပ်သင့်ပါတယ်။ ဒီလိုမဟုတ်ဘဲ ကိုယ့်အနေနဲ့ အပေါ်ယံအပြင်အဆင်တွေကို လိုက်ပြီး အာရုံပိုစိုက်နေမိတာတွေက ပိုပြီးအဆင်မပြေဖြစ်စေပါတယ်။

(4) သူများကြိုက်လာအောင်နေထိုင်နေသလိုဖြစ်နေခြင်း။

မသိမသာကိုယ့်ရဲ့စိတ်က သူများကြိုက်ဖို့ပဲလိုပ်နေနေသလိုဖြစ်လာပါလိမ့်မယ်။ ဘာလို့လဲဆိုကိုယ်က Popular ဖြစ်တော့ လူတွေကကိုယ့်ကိုကြိုက်လာမှာပဲ၊ လူတွေကြိုက်လာအောင်ကိုယ်ကတကယ်မဝတ်ချင်တဲ့အဝတ်စားတွေ၊ ကိုယ်မကြိုက်တဲ့အသုံးဆောင်တွေကိုလိုက်သုံးနေရသလိုဖြစ်နေတာကြာတော့ ရေရှည်မှာ ငြီးငွေ့ပြီးကိုယ့်ဘဝကိုယ်တောင်မပိုင််သလိုဖြစ်နေပါလိမ့်မယ်။

ဒါကြောင့်မို့ နောက်ဆုံးအနေနဲ့ ပြောချင်တာကတော့ Popularity ဖြစ်တာကကောင်းပါတယ်။ သို့သော် ဘေးထွက်ဆိုးကျိုးတွေအရမ်းများပါတယ်၊ ကိုယ့်ရဲ့ အရှိကိုအရှိတိုင်းလက်ခံဖို့ဒီအရွယ်ကတည်းကသင်ယူထားဖို့အရေးကြီးပါတယ်။

Star kids edu

21/09/2022

ဆယ်ကျော်သက်နဲ့အချစ်

ဒီဘက်ခေတ် ၁၃/၁၄ အရွယ်တွေအနေနဲ့ အချစ်ကိုလက်တွေ့စမ်းချင်ကြလာကြတယ်။ ဒါကအပြစ်တစ်ခုရယ်တော့ မဟုတ်ပါဘူး၊ ကျနော်တို့တုန်းကလည်း ထိုနည်းတူ ချစ်ဖူးကြတယ်၊ စိတ်ကစားဖူးကြတဲ့အထဲပါပါတယ်။

သို့ပေမယ့် အဲ့လိုချစ်မိရာကနေ မထိန်းချုပ်နိုင်တဲ့အခါ ဘဝပျက်သွားတာ၊ ငယ်ရွယ်မှုတွေကိုအချစ်ထဲမှာ နစ်နေသလိုဖြစ်သွားရတဲ့ ညီလေးညီမလေးတွေလည်းရှိပါတယ်။

ဒီကနေ အဲ့ဒီညီလေး / ညီမလေးတွေက်ို တစ်ခုလောက်ပြောပြချင်ပါတယ်။

(၁) ချစ်ပါ၊ သတိလေးနဲ့ထိန်းပါ

ချစ်တာကဘယ်အရွယ်လို့ကန့်သတ်မထားပေမယ့် ဒီအရွယ်ကဘာမှသိပ်မသိသေးတာကြောင့်မို့၊ အချစ်ကသာအရာရာဆိုပြီး ဒီအချိန်မှာတွေးထင်မိတဲ့ တလွဲအမှားတွေရှိကြပါတယ်။ တကယ်တော့ အချစ်တစ်ခုတည်းနဲ့ဘယ်အရာမှပြီးပြည့်စုံမသွားပါဘူး။ ဒါကြောင့်ချစ်တာအပြစ်မဟုတ်ပေမယ့် သတိမကပ်နိုင်ရင်တော့ အပြစ်ထက်ဆိုးသွားနိုင်ပါတယ်။

(၂) ပြင်လို့မရတဲ့အမှားတွေကိုသတိပြုပါ။

ယောကျာ်းလေးတွေအများစုက ဒီအရွယ်မှာစပြီး S*x အပိုင်းကိုလိုချင်လာကြပါတယ်။ ဒါပေမယ့်ဒီအရာက လုပ်သင့်လားမလုပ်သင့်လားဆိုတာထက် ကိုယ့်ကိုကိုယ်ပြန်မေးဖို့လိုပါတယ်။ လုပ်မိလိုက်လို့ကိုယ့်မှာ မိဘ Background ပြည့်စုံတယ်ဆို အေးဆေးပါပဲ ၊ ယူလိုက်ရုံပဲပေါ့။ ဒါပေမယ့် တကယ်ကိုယ့်မှာဘာ Background မှမရှိဘူးဆိုရင်တော့ နှစ်ယောက်လုံးအတွက်အဆင်မပြေနိုင်တာတွေများပါတယ်။ ဒါကြောင့် ပြင်လို့မရတဲ့အမှားတွေကိုလည်းသတိကပ်ဖို့လိုပါတယ်။

(၃) Focus in yourself.

နောက်ဆုံး အကြံပေးချင်တာကတော့ အခုလိုညီလေး / ညီမလေးတွေအနေနဲ့ ဒီအချိန်မှာ အချစ်ဆိုတာထက် ကိုယ့်ကိုကိုယ် ပဲပိုပြီးအာရုံစိုက်သင့်ပါတယ်။ ငယ်ရွယ်နေတဲ့အခုလိုအချိန်မှာကတည်းက ကိုယ်က အချစ်နဲ့ပဲလုံလည်ချာလည်ရိုက်နေမယ်ဆို ကိုယ့်အနာဂတ်ကမတွေးဝံ့စရာပါပဲ။

ဆိုတော့ ဒီနေ့ Post လေးကနေ ညီလေး/ညီမလေးတွေအတွက် တစ်ခုခုရရှိမယ်လို့မျှော်လင့်ပါတယ်။ နောက်နေ့ပြန်ဆုံပါမယ်။

Star Kids Edu

20/09/2022

ကလေးနဲ့ အားကစား

ကလေးတစ်ယောက်က အားကစားလုပ်ဖို့အရေးကြီးလား ??

ဒီမေးခွန်းနဲ့ပတ်သက်ပြီးပြောရမယ်ဆို အားကစားဆိုတာက ကလေးမှမဟုတ်ဘဲ လူငယ်၊ လူကြီး အကုန်လုံးအတွက် အရေးကြီးတဲ့အရာတစ်ခုပဲဖြစ်ပါတယ်။

ဒါပေမယ့် ဒီဘတ်ခေတ်အခြေအနေတွေကြောင့် ကလေးတွေမှာဆိုရင် အားကစားမလုပ်ဖြစ်ကြဘဲ Mobile Game တွေနဲ့အချိန်ပိုသုံးနေသူတွေရှိကြပါတယ်၊ ကျနော်တို့နိုင်ငံမှာတင်မဟုတ်ဘဲ အနောက်နိုင်ငံတွေမှာရောထိုနည်းတူပါပဲ။

ဒါကြောင့်မို့ ကျနော်တို့ Team ကနေ ကလေးတွေအနေနဲ့ အားကစားနဲ့ Technology တွေကြား ဘယ်လို Balance ဖြစ်အောင်နေထ်ိုင်ရမလဲ ?

(၁) နေ့စဥ် Activity တစ်ခုလုပ်ဖို့ထားပါ

ဥပမာ မိဘဖြစ်သူနဲ့အတူတူ လမ်းလျှောက်တာ၊ စက်ဘီးအတူတူစီးတာမျိုးလေးတွေလုပ်ဖို့လိုပါတယ်။ ဒါကနေ Habit လေးတစ်ခုဖြစ်သွားတဲ့အခါ ကလေးကလည်း စက်ဘီးစီးရတာကြိုက်လာတာ၊ လမ်းလျှောက်ရတာကြိုက်လာတာမျိုးတွေရှိလာနိုင်ပါတယ်။

(၂) Morning together routine

ဖြစ်နိုင်မယ်ဆိုမိသားစုအချင်းချင်း တူညီတဲ့ Routine လေးတွေထားကြည့်ကြည့်ပါ။ ဥပမာ - မနက်ခင်းအတူတူ ပြေးတာ၊ အိမ်ထဲမှာပဲ အသက်ရှူလေ့ကျင့်ခန်းစတဲ့ ကလေးလည်းလုပ်နိုင်မယ့်အရာလေးတွေလုပ်ခိုင်းတာမျိုးပေါ့။

(၃) ကလေးတွေကို ပျော်ခွင့်ပေးပါ

ကျနော်တို့နိင်ငံကကလေးတွေကိုချုပ်ချယ်တက်ကြပါတယ်။ ပြီးတော့ လွတ်လပ်ခွင့်လည်းသိပ်မပေးကြဘူးပေါ့။ ဥပမာ - ဘောလုံးဆိုလည်းမကန်ခိုင်းတာ၊ ကလေးတွေနဲ့အချင်းချင်းမဆော့ခိုင်းတာမျိုးတွေမလုပ်ဘဲ၊ သူ့ကိုလွတ်လပ်ခွင့်ပေးပြီး ပျော်ခွင့်ပေးဖို့လိုပါတယ်။

ဒီ (၃) ချက်လုံးက ကလေးတွေအတွက်အရမ်းကိုအရေးကြီးပါတယ်။ ဒီအချက်လေးတွေကိုနေ့စဥ် Try ပေးမယ်ဆိုရင်အတော်လေးကိုထိရောက်လာမှာသေချာပါတယ်။

Star Kids Edu

19/09/2022

ကျနော်တို့ လူကြီးတွေကိုအမြဲပြောလေ့ရှိကြတယ်၊ လူငယ်တွေကိုလည်း ပြောလေ့ရှိကြတယ်၊အဲ့တာကဘာလဲဆိုရင် Postive Thinking ရှိဖို့၊ အကောင်းမြင်တတ်ဖို့ဆိုပြီးပြောကြတာပေါ့။

ဒါတွေက ကလေးတွေအတွက်ရော မလိုအပ်ဘူးလား၊ ကလေးတွေအတွက်ဆိုရင်ဒါတွေက အရမ်းများကြီးနေမလားဆိုပြီး တချို့လူကြီးမိဘတွေက မပြောကြ မဆိုကြတာတွေရှိပါတယ်။

တကယ်တော့ ကိုယ့်ရဲ့ကလေးမှာလည်း Postive Mind ရှိဖို့၊ အကောင်းမြင်တတ်ဖို့ကို အသက် ၁၀/၁၂ အရွယ်ကတည်းက ပြုစုပျိုးထောင်သင့်ပါတယ်။

Why ??

အကြောင်းအရင်းက ဒီလိုရှိပါတယ်။

(၁) Growth ဖြစ်မှုမြန်ဆန်လာမယ်

တချို့ကလေးတွေရှိပါတယ်၊ အသက် ၁၇/၁၈ ရောက်သွားပေမယ့် အမြဲကလေးဆိုးကြီးလိုဖြစ်နေတာ၊ တကယ်တော့ ၁၈/၁၉ အရွယ်မှာဆိုကိုယ့်ခြေထောက်ကိုရပ်ဖို့၊ လူတွေနဲ့ထိတွေ့ပြောဆိုတတ်ဖို့လုံလောက်နေပါပြီ။ ဒါကြောင့် သင့်ကလေးရဲ့ Growth ဖြစ်မှုကိုမြန်ဆန်စေနိုင်ပါတယ်။

(၂) ပိုပြီးယုံကြည်မှုရှိလာတယ်။

သင့်ကလေးရဲ့ Child Hood life က ၁၂ အရွယ်လောက်ကတည်းက ကိုယ့်ဘက်က သေချာလေ့ကျင့်ပြုစုပျိုးထောင်ခဲ့တယ်ဆို အသက် ၁၅/၁၆ အရွယ်ရောက်တဲ့အခါ သူ့ရဲ့ Confidence ကလည်း Level မြင့်လာသလို တွေးခေါ်ပုံကလည်း မြင့်လာမှာသေချာပါတယ်။

(၃) စိတ်ရှုပ်မလွယ်တော့ဘူး

၁၈/၁၉ အရွယ်ထိရောက်နေပေမယ့် အကောင်းမြင်တတ်မှုအားနည်းတဲ့အခါ ကိစ္စပါမွှားလေးကအစ စိတ်အလွယ်တကူရှုပ်တက်ကြပါတယ်။ ပြီးတော့ စိတ်ကို Cintrol မလုပ်နိုင်ကြပါဘူး။

(၄) အပေါင်းသင်းတွေနဲ့ပေါင်းတတ်ပြောတတ်လာမယ်။

အသက် ၂၀ ဖြစ်နေပေမယ့် အပြင်မထွက်ရဲတာ၊ စကားမပြောရဲတာတွေက က်ိုယ့်ရဲ့စိတ်ကြောင့်ဖြစ်နေတာပဲဖြစ်ပါတယ်။ ဒါက ကိုယ့်ရဲ့စိတ်ထဲမှာ negative တွေများပြီးယုံကြည်မှုမရှိတာတွေကြောင့်လည်းပါပါတယ်။ ဒါကြောင့်မို့ အပေါင်းသင်းကြားထဲမှာလူရည်လည်ဖို့က Postive vibe လေးတွေထားတတ်ဖို့လိုပါတယ်။

ဒီနေ့အတွက်ကတော့ ဒီလောက်ပါပဲ၊ နောက်နေ့တွေမှာပြန်တွေ့ပါမယ်။

Star Kids Edu

18/09/2022

ကလေးငယ်ရဲ့ ဦးနှောက်နဲ့ Technology

လူကြီးမှာပဲဖြစ်ဖြစ် လူငယ်မှာပဲဖြစ်ဖြစ် အဓိကအရေးကြီးဆုံးအရာက ဦးနှောက်လို့ပြောရင်လည်းမမှားပါဘူး။ ဦးနှောက်ရဲ့အလုပ်လုပ်ပုံတွေက သိပ်ပြီးတော့အရေးပါပါတယ်။

ဒီလိုပဲ အသက် ၅နှစ်ကနေ ၁၀ နှစ်အတွင်းကလေးငယ်တွေရဲ့ လှုံ့ဆော်မှုမှာ ဦးနှောက်ကလည်းမပါမဖြစ်ပါဝင်ပါတယ်။ ဒါကြောင့်မို့ ကလေးငယ်တစ်ယောက်ရဲ့ ဦးနှောက်လို့ပြောလိုက်တာနဲ့ ဒီဘက်ခေတ်ကလေးတွေအတွက် Technology ကိုလည်းမေ့ထားလို့မရပြန်ပါဘူး။

ဒါဆို ကလေးတွေရဲ့ ဦးနှောက်ဖွံ့ဖြိုးမှုနဲ့နည်းပညာရဲ့ သားကောင်မဖြစ်ရအောင် ဘယ်လို ဟန်ချက်ညီညီပြုစုပျိုးထောင်ပေးမလဲ ?

(1) Timetable ထားပေးပါ။

နည်းပညာနဲ့ကင်းလို့မရတဲ့ ခုနှစ်ထဲမှာရောက်နေတာဖြစ်လို့ ကလေးတွေကိုနည်းပညာနဲ့လည်းထိတွေ့ခွင့်ပေးကိုပေးရပါမယ်။ ဒါပေမယ့် တန်ဆေးလွန်ဘေးဆိုတာရှိတာမို့ ဒီချိန်ဆို ဒီလောက်ပဲသုံးဖို့ဆိုတဲ့ Target ထားပေးပါ။

(2) Toxic social media တွေမသုံးခိုင်းမိပါစေနဲ့။

ဥပမာ - Tiktok, facebook တို့ပေါ့။ Social media တိုင်းကတော့ အသုံးမတည့်ရင် Toxic ဆန်စေပါတယ်။ ဒါကြောင့်မို့ ဖြစ်နိုင်ရင်ကလေးကို Social media ကိုထိတွေ့ခွင့်မပေးရင်အကောင်းဆုံးပါပဲ။ Offline game လေးတွေ၊ ကာတွန်းကားလေးတွေကြည့်ခိုင်းတာအကောင်းဆုံးပါပဲ။

(3) Language ထိတွေ့ခွင့်ပေးပါ။

ငယ်ရွယ်နေတဲ့အချိန်မှာ ဦးနှောက်ရဲ့လုပ်ဆောင်ပုံက အရမ်း Fine ပါတယ်။ အရမ်းလည်း Bright ဖြစ်စေပါတယ်။ ဒါကြောင့်မို့ ကလေးကို ဘာသာစကားနဲ့နားလည်သည်ဖြစ်စေ၊ နားမလည်သည်ဖြစ်စေ ထိတွေ့ခွင့်ပေးရပါမယ်။

(4) Youtube Kids

ဘာသာစကားနဲ့ထိတွေ့ဖို့အတွက်ဆိုရင် Youtube Kids ကအထိရောက်ဆုံးလို့ ထင်မိပါတယ်။ ဒါကြောင့်မို့ Youtube kids ကို တခြားသော Social media platform တွေထက် ထိတွေ့ခွင့်ပေးပါ။

(5) နည်းပညာအကြောင်းဆွေးနွေးပေးပါ။

မိမိရဲ့ကလေးနဲ့ စကားပြောတိုင်း နည်းပညာရဲ့ကောင်ကြောင်း၊ ဆိုးကြောင်းလေးတွေကို မျှဝေပေးဖို့လိုပါတယ်။ ဒါဆိုရင် မိမိကလေးအနေနဲ့ နည်းပညာအကြောင်းကိုလည်းသိနေပြီဖြစ်တာမို့အသုံးပြုတဲ့အခါ သူ့ရဲ့ဦးနှောက်ကနေဖြည်းဖြည်းချင်းလုပ်ဆောင်ပေးသွားပါလိမ့်မယ်။

ဒါဆိုရင်ဒီအချက် (၅) ချက်လုံးက ပြည့်စုံနေပြီလို့ထင်ပါတယ်။ နောက်ထပ်နောက်ထပ် ကလေးတွေအတွက် Star Kids Education ကနေ မျှဝေပေးသွားပါမယ်။

Star kids education

17/09/2022

Self discipline

" ကလေးနဲ့ ကိုယ်ပိုင်စည်းကမ်းကဘာဆိုင်လို့လဲ

ဒီစကားမျိုးတွေ ခင်ဗျားတို့ပတ်ဝန်းကျင်မှာလဲကြားဖူးတွေ့ဖူးကြမှာပါ။ တကယ်တော့ ကျနော်တို့က ငယ်ရာကနေကြီးလာကြတာပါ။

ဒါကြောင့် တစ်ခုခုဆို ငယ်ငယ်ကတည်းက ကောင်းတဲ့ Habit လေးတွေကို Train ပေးထားတာဟာကောင်းတဲ့ လက္ခဏာတစ်ခုပဲဖြစ်ပါတယ်။

ကိုယ်ပိုင်စည်းကမ်းရဲ့သဘောတရားတွေကို င်ယစဥ်ကတည်းက ရှင်းပြပြီးလက်တွေ့လုပ်ဆောင်ခိုင်းတဲ့အခါ ကြီးလာတဲ့အခါမှာ တချို့တွေက အမှားတွေကနေ သင်ခန်းစာယူကြပေမယ့် ကိုယ့်ရဲ့ကလေးက အလိုလိုကိုယ့်ကိုကိုယ် Control လုပ်နိုင်သွားပါလိမ့်မယ်။

ဒါဆို Self Discipline မှာဘာတွေလိုအပ်လဲ ?

(၁) Self Love

ကိုယ့်ကိုကိုယ် ချစ်တတ်ဖို့ပါ၊ ကိုယ့်ကိုကိုယ် ချစ်တတ်မှသာလျှင် ဘယ်အရာကိုမဆိုကိုင်တွယ်နိုင်မှာပဲဖြစ်ပါတယ်။ အဲ့တော့ သင့်ကလေးကို ကိုယ့်ကိုကိုယ် ချစ်တတ်ဖို့သင်ကြားပေးပါ။

(၂) Self Care

ချစ်တတ်ဖို့လည်းလိုသလို ဂရုစိုက်ဖို့လည်းလိုအပ်ပါပေတယ်။ ဘယ်လိုဂရုစိုက်ရမလဲ ၊ ငယ်ငယ်ကတည်းက ကိုယ့်အခန်းကို သေချာရှင်းနေအောင်ထားတတ်တာ၊ ကိုယ့်ရဲ့အဝတ်စားဝတ်တာကအစ အပြီးစလွယ်မလုပ်တက်တာတို့စသဖြင့်ပေါ့။

(၃) Self Motivation

ကိုယ့်ကိုကိုယ်ပဲအားကိုးတတ်တဲ့စိတ်ကိုမွေးမြူပေးသင့်တယ်။ ဒီမှာက တော်တော်များများက ကလေးကို အသက် ၁၈/၁၉ ထိ အကုန်လိုက်လုပ်ပေးနေတာမျိုးတွေတွေ့ရတယ်။ အဲ့လိုမဟုတ်ဘဲ သူတို့ကိုယ်သူတို့ Motivation ပေးတတ်အောင်သင်ကြားပေးသင့်တယ်။

ဒါကတော့ ကလေးတွေအနေနဲ့ဘယ်လိုမျိုး Self Discipline လုပ်ရမလဲဆိုတဲ့အချက်လေးတွေပဲဖြစ်ပါတယ်။

Star Kids Education

16/09/2022

ကလေးတစ်ယောက်အတွက်လည်း စိတ်အခြေအနေ၊ ပညာရေး၊ ပျော်ရွှင်မှုစတဲ့အရာတွေမှာလည်း အတော်လေးကို ညီမျှနေဖို့ကသိပ်ကိုအရေးကြီးပါတယ်။

လူကြီးတွေမှာမှ အခုလို Balance ဖြစ်ဖို့လိုအပ်တာမဟုတ်ပါဘူး၊ ကလေးတွေအနေနဲ့လည်း စိတ်အခြေအနေ ပျော်ရွှင်ဖို့၊ လန်းဆန််းဖို့ဆိုတာ ညီမျှနေဖို့လိုပါတယ်။

ဒါဆိုရင် ကိုယ့်ရဲ့ကလေးကို ဘယ်လိုမျိုး စိတ်အခြေအနေနဲ့ ပျော်ရွှင်မှုတွေကို Balance ဖြစ်အောင်တည်ဆောက်ပေးရမလဲ ?

(၁) Schedule ထားပါ

ဟုတ်ပါတယ်၊ ကလေးတွေကို ငယ်စဥ်ကတည်းက Schedule လေးထားဖို့လိုပါတယ်။ ဥပမာ - အိပ်ချိန်ရောက်ရင်အိပ်ဖို့၊ ကစားချိန်ဆိုကစားဖို့၊ ဒီလိုပဲ စာကျက်ချိန်၊ လေ့လာချိန်ထားဖို့လိုပါတယ်။

(၂) လွတ်လပ်မှုပေးပါ။

တစ်ခါတလေမှာ တချို့မိဘတွေက ကိုယ့်ရဲ့ကလေးလွတ်လပ်ခွင့်ကိုကိုယ်တိုင်ပိတ်မိနေသလိုဖြစ်နေတတ်ပါတယ်။ ကိုယ့်ကလေးရဲ့ Talent တစ်ခုခုကို လျစ်လျူရှု့ထားမိသလိုဖြစ်တာ၊ ကိုယ့်ကလေးရဲ့ ဝါသနာကို အားမပေးတာမျိုးတွေပေါ့။

(၃) အားပေးပါ

ကလေးတစ်ယောက်အတွက် လိုအပ်ချက်အရှိဆုံးအရာတစ်ခုက မိဘတွေရဲ့ အားပေးမှုတွေပါ။ ငယ်ငယ်ကအားပေးမှုရခဲ့တာ၊ ဘာမဆို မိဘက အကောင်းအဆိုးဝေဖန်ပြီးရှိပေးတဲ့ ကလေးနဲ့၊ ကိုယ့်ရဲ့ကလေးကိုအပြစ်ပဲတင်မယ်၊ ဘာမှလည်းဘအားမပေးဘူးဆိုတဲ့ မိဘတွေရဲ့ ကလေးနဲ့ယှဥ်ကြည့်ကြည့်ပါ။ အမြဲတမ်းမိဘကကိုယ့်ဘက်ကနေရပ်တည်ပေးခဲ့တဲ့ သား/သမီးက ပိုပြီးတော်နေတာကိုတွေ့ရပါလိမ့်မယ်။ ဒါက မိမိရဲ့ကလေးကိုပေးတဲ့ယုံကြည်မှုနဲ့၊ မိမိကလေးအတွက် Support ပေးတဲ့အရာတစ်ခုပါ။

(၄) သူငယ််ချင်းတစ်ယောက်အဖြစ်လည်းရှိပေးပါ။

တချို့မိဘတွေကျနော်မြင်ဖူးပါတယ်၊ သူတို့ရဲ့ပုံစံက ကိုယ့်ရဲ့ကလေးကို မိဘလိုလည်းဆုံးမပြောဆိုသလို၊ သူငယ်ချင်းတစ်ယောက်လိုလည်း ပေါ့ပေါ့ပါးပါး စကားလေးတွေနဲ့ ရယ်ရအောင်ပျော်ရွှင်ရအောင်ပြောပေးတယ်ပေါ့။

ဆိုတော့ ဒီအချက်လေးတွေက သင့်ကလေးရဲ့ ကျန်းမာရေး၊ Mental health နဲ့ပတ်သက်ပြီးသိသင့်တဲ့အချက်တွေထဲက အပါအဝင်ပဲဖြစ်ပါတယ်။

ဆိုတော့ မိမိရဲ့ကလေးကို ကိုယ်တိုင်က လှောင်အိမ်ထဲမှာထည့်ထားမိသလိုမဖြစ်ပါစေနဲ့။ လွတ်လပ်ခွင့်ပေးပါ၊ Balance ကိုရှာဖွေနိုင်အောင်အားပေးကူညီပါ။

15/09/2022

ကျနော်တို့ကလေးတွေရဲ့ အနာဂတ်မှာ တိုးတတ်ဖို့ဆိုတာထက် ပျော်ရွှင်ဖို့လည်းအရေးကြီးပါတယ်။ ပျော်ရွှင်မှုကအနီးနားမှာဆိုပေမယ့် ကျနော်တို့လိုအရွယ်တွေတောင်မှ ပျော်ရွှင်မှုကို မရှာနိုင်သလိုတွေဖြစ်ကြပါတယ်။

ဒါပေမယ့် ကျနော်တို့ငယ်ရွယ်စဥ်ကတည်းက ပျော်ရွှင်မှုကိုရှာဖို့ လေ့ကျင့်ပေးခဲပမယ်ဆိုရင်ထင်သလောက်မခက်ခဲတော့တာအသေချာပါပဲ။

ဒါဆိုရင် ကိုယ့်ရဲ့ကလေးတစ်ယောက်ကိုဘယ်လိုမျိုး ကိုယ့်အနေနဲ့ Train ပေးမလဲ၊ ပျော်ရွှင်မှုရအောင်လေ့ကျင့်ပေးမလဲ ??

(၁) စည်းဘောင်အပြင်ကနေလုပ်ခိုင်းပါ

တစ်ခါတလေ အမြဲတမ်း Timetable, schedule ကြီးနဲ့နေနေရတာပင်ပန်းပါတယ်၊ ဒါကြောင့်မို့ ကိုယ့်ရဲ့ကလေးကို ဖြစ်နိုင်မယ်ဆိုရင်စည်းဘောင်အပြင်ကနေလွတ်လပ်မှုကိုရှာဖွေတာလေးတွေပါသင်ကြားပေးဖို့လိုပါတယ်။

(၂) Group time

မိသားစုနဲ့ပဲဖြစ်ဖြစ်၊ သူ့ရဲ့သူငယ်ချင်းတွေနဲ့ပဲဖြစ်ဖြစ် Group time လေးဖန်တီးပေးဖို့လည်းသိပ်ကိုအရေးကြီးပါတယ်။ ဘာလို့လဲဆိုရင်အခုလိုအရမ်းကိုမှငယ်ရွယ်သေးတဲ့အချိန်မှာ တစ်ယောက်တည်းဖြတ်သန်းနေရသလိုမဖြစ်ဘဲ သူငယ်ချင်းတွေနဲ့ပေါင်းသင်တတ်အောင်၊ မိဘတွေ၊ လူကြီးတွေကိုစကားပြောရဲအောင် Train ပေးဖို့လိုပါတယ်။

(၃) Outdoor game

အခုအများဆုံးမြင်တွေ့နေရတဲ့ကလေးငယ်တော်တော်များများမှာ သူတို့ရဲ့အချိန်တွေက ဖုန်းပေါ်ရောက်နေတာများပါတယ်။ တချို့ဆိုဂိမ်းတွေပဲဆော့နေကြတာတွေရှိတယ်၊ ဒါကြောင့်မို့သင့်ရဲ့ကလေးကိုအခုလိုမဖြစ်ရအောင် Outdoor game လေးတွေ Try ပေးမယ်၊ သူငယ်ချင်းနဲ့ ဘောလုံးကစားတာ၊ သူငယ်ချင်းနဲ့၊ မိဘနဲ့ပဲဖြစ်ဖြစ် စကားစုပြောတာလေးတွေလုပ်ပေးသင့်ပါတယ်။

(၄) Technology

နည်းပညာနဲ့ဝေးကွာနေပြန်တော့လည်း ကိုယ့်ရဲ့ကလေးအတွက်အဆင်မပြေပြန်ပါဘူး။ ဒါကြောင့်မို့ အရာရာမှာ Balance ဖြစ်ဖို့က အဓိကပါပဲ။ မိမိရဲ့ကလေးကို နည်းပညာနဲ့လည်းထိတွေ့ခွင့်ပေးမယ်၊ ဒါ့အပြင် Outdoor မှာလည်း သူ့ကိုပျော်ရွှင်အောင်ကိုယ့်အနေနဲ့ လေ့ကျင့်ပေးဖို့လိုပါတယ်။

(၅) ကိုယ်ပိုင်စည်းကမ်း

ဘယ်လောက်ပဲပျော်ပါတယ်ဆိုတဲ့သူဖြစ်နေပါစေ၊သူ့မှာ Discipline မရှိရင် ပျက်စီးသွားမှာအသေအချာပါပဲ။ ပျော်အောင်သင်ကြားပေးသလို အပျော်မလွန်ဖို့ ကိုယ့်ကိုကိုယ် Control လုပ်တက်ဖို့ကိုလည်းသင်ကြားပေးဖို့လိုပါတယ်။

ဆိုတော့ ဒီ (၅) ချက်လုံးက မိမိရဲ့ကလေးအတွက် နည်းလမ်းမှန်နဲ့ ပျော်ရွှင်စေဖို့ အချက်လေးတွေပဲဖြစ်ပါတယ်။ သင့်ကလေးရဲ့အနာဂတ်အတွက် Star kids education ကို Follow ထားနိုင်ပါတယ်။

Star kids education

14/09/2022

" ဖြေးဖြေးချင်းပဲသွားခိုင်းပါ

ကျွန်တော်တို့ အသိတစ်ယောက်ရဲ့ သားနဲ့သမီးကိုကြည့်ပြီး အတော်လေးကျနော်ကလေးတွေကိုသနားမိသွားတယ်။ ဘာဖြစ်လို့လဲဆိုရင် သူတို့ရဲ့အသက်က အခုမှ ၁၀/၁၃/၁၄ ပဲရှိသေးတယ်။ တက်လိုက်ရတဲ့သင်တန်းတွေ၊ ပြီးတော့ ကျောင်းကစာတွေနဲ့ နပန်းလုံးနေရတော့တာပါပဲ။

မိဘတွေကတော့ ကိုယ့်ရဲ့ကလေးကိုကောင်းစားစေချင်လို့၊ ပိုပြီးကောင်းတဲ့ဘဝတွေကိုပိုင်ဆိုင်ချင်လို့ဆိုပြီး သင်တန်းတွေတက်ခိုင်းတယ်၊ ပညာတွေဆည်းပူးခိုင်းတယ်၊ ဒါပေမယ့်မေ့နေတာကဘာလဲဆိုရင် ကိုယ့်ကလေးရဲ့ Mental health ကိုမေ့နေကြတယ်၊ Balance မဖြစ်မှုတွေကို သတိမရကြဘူး။

ဘာလို့လဲဆို စောနကကျနော့်အသိကလေးတွေမှာ ပျော်ရွှင်မှုဆိုတာဘာမှန်းမသိ၊ ပတ်ဝန်းကျင်နဲ့လည်းထိတွေ့မှုမရှိ၊ ဘာဆိုဘာမှသိပ်ရေရောရာမသိတော့ဘဲ မိဘကဒါတက်ဆိုလို့တက်လိုက်တယ်၊ မိဘကဒါလုပ်ဆိုလို့လုပ်တက်တယ်။ ကြာလာတော့ ကလေးတွေမှာ ကိုယ်ပိုင်တွေးခေါ်မှုဆိုတဲ့အရာတွေပျောက်ပျက်ကုန်လာတယ်။

ဒါကြောင့်မို့ တစ်ခါတလေမှာ မိမိရဲ့ကလေးကိုတိုးတတ်စေချင်တယ်၊ အောင်မြင်စေချင်တယ်ဆိုတာမှန်ပေမယ့် ကိုယ့်ကလေးရဲ့အသက်အရွယ်နဲ့လိုက်ပြီး Balance ဖြစ်ဖို့လိုပါတယ်။

အဲ့လိုမဟုတ်ဘဲ ၁၃/၁၄ နှစ်အရွယ်ကောင်လေး၊ ကောင်မလေးတစ်ယောက်ကို ၂၃/၂၄ နှစ်အရွယ်ကောင်လေးကောင်မလေးကို ကြိုးစားခိုင်းနေသလိုမဖြစ်ပါစေနဲ့။

ဆုံးမသွန်သင်လမ်းပြတဲ့အခါမှာ ကိုယ့်ကလေးရဲ့ Mental health ကိုလည်း ဂရုစိုက်ပေးဖို့လိုအပ်ပါပေတယ်။

Star Kids Education

13/09/2022

ကလေးတစ်ယောက်ကို ချစ်တာလား၊ နှစ်တာလား သိဖို့လိုပါတယ်။ ကျွန်တော်တို့ မိဘတွေတော်တော်များများဟာ ကိုယ့်ရဲ့ ကလေးကို ချစ်ကြတဲ့သူတွေကြီးပါပဲ။ မချစ်တဲ့မိဘရယ်လို့မရှိပါဘူး။

ဒါပေမယ့် အချစ်များပြီးတော့ နှစ်သလိုဖြစ်သွားမိတာတွေတော့ရှိပါတယ်။ ငါကမိဘမို့၊ နင့်ရဲ့မိဘမို့ငါတို့ပြောတာလိုက်လုပ်၊ နင့်ရဲ့ဘဝအတွက်မို့ စသဖြင့် ရပ်ကွက်ထဲက အန်တီကြီးတွေလည်းကိုယ့်ရဲ့သား၊ သမီးကိုပြောကြတယ်။

ကျွန်တော်တို့ကိုယ်တိုင်တောင်မှအခုလိုတွေအပြောခံဖူးရင်ခံဖူးခဲ့ရမှာပါ။ အဓိကကတော့ ကိုယ့်ရဲ့ ကလေးကို နှစ်သလိုမဖြစ်မိဖို့သိပ်ကိုအရေးကြီးပါတယ်။

ဒါဆိုရင် ကိုယ့်ရဲ့ကလေးဖြစ်သူကို ဘယ်လိုမျိုး ထိန်းထိန်းသိမ်းသိမ်းနဲ့ချစ်ပေးမလဲ ?

(၁) သူငယ်ချင်းလိုချစ်ပါ

ငယ်ငယ်ကတည်းက ငါကမိဘမို့ဆိုတဲ့အစွဲကြီးနဲ့မဟုတ်ဘဲ သူငယ်ချင်းတစ်ယောက်လိုစကားပြောမယ်၊ ရင်းရင်းနှီးနှီးနဲ့ချစ်ပေးဖို့လိုပါတယ်။ ဒီလိုမျိုး ချစ်ပေးခြင်းကနေဘာတွေရမလဲဆိုရင် ကလေးက တစ်ခုခုဆိုမိဘကိုတိုင်ပင်ဖို့မကြောက်တော့ဘူး၊ စကားပြောတာကအစ ပွင့်ပွင့်လင်းလင်းဘဲပြောနိုင်လာမယ်။

(၂) လွတ်လပ်ခွင့်နဲ့အားပေးပါ

ကလေးတွေမှာ လွတ်လပ်ခွင့်လည်းလိုသလို၊ မိဘရဲ့ Support ပေးမှုကလည်းနည်းနည်းလိုအပ်ပါတယ်။ အလုံးစုံအားလုံးကို Support ပေးရမယ်လို့မဆိုလိုပါဘူး။ ပါးစပ်လေးနဲ့ ကိုယ့်သားသမီးကိုအားပေးတာ၊ တစ်ခုခုဆိုအမေတို့၊ အဖေတို့ရှိတယ်ဆိုပြီးခွန်အားပေးတာမျိုးပေါ့။

(၃) သူတို့ရဲ့ ပျော်ရွှင်မှုကိုမေးပေးပါ။

တစ်ခါတလေမှာ တစ်ယောက်နဲ့တစ်ယောက်ကပျော်ရွှင်မှုတွေမတူညီကြပါဘူး။ မိမိရဲ့ကလေးက ဘယ်အရာမှာပျော်ရွှင်တယ်၊ ဘယ်အရာကိုလုပ်ရတာစိတ်ဝင်စားတယ်ဆိုတာကိုသိနိုင်ဖို့အရေးကြီးပါတယ်။ မဟုတ်ရင် သူတို့အနေနဲ့ ပျော်ရွှင်မှုမရနိုင်ပါဘူး။ ဒါကြောင့် ပျော်ရွှင်မှုကိုမေးပါ။

(၄) မိမိရဲ့အိပ်မက်ကကိုယ့်ရဲ့ကလေးကိုလွှမ်းမိုးမသွားပါစေနဲ့။

တချို့တွေရှိပါတယ်၊ မိမိငယ်ငယ်ကမဖြစ်ခဲ့တဲ့ အိပ်မက်တွေကို ကိုယ့်ရဲ့ကလေးကိုဖြစ်စေချင်လို့ အတင်းကြီးအားပေးတာ၊ အတင်းကြီး Force လုပ်တာမျိုးတွေရှိပါတယ်။ ဒါကတကယ်တော့မှားပါတယ်။ မိမိကလေးရဲ့တကယ့် Dream ကိုသိဖို့လိုပါတယ်။ ပြီးတော့ တက်နိုင်သလောက် Support ပေးဖို့လိုပါတယ်။

ဒီအချက် (၄) ချက်လုံးက သင့်ကလေးကိုနည်းလမ်းမှန်မှန်နဲ့ချစ်ပေးဖို့တွေထဲက မရှိမဖြစ်လိုအပ်တဲ့အချက်တွေပဲဖြစ်ပါတယ်။ သင့်ကလေးရဲ့အနာဂတ်အတွက် Star kids education ကို follow လုပ်ထားပေးနိုင်ပါတယ်။

Star kids education

05/09/2022

အခုနောက်ပိုင်း ကလေးတွေရဲ့ပညာရေးနဲ့ပတ်သက်ပြီး အတော်လေးစိုးရိမ်ပါတယ်ဆိုပြီးပြောနေကြသူတွေများပါတယ်။

ဒါဆို အခုနောက်ပိုင်း 22 နောက်ပိုင်းတွေမှာ ဘာတွေကပိုပြီးတော့ ပညာရေးထက်အရေးကြီးလာမလဲ၊ ကိုယ့်ရဲ့ကလေးကိုရော ဘယ်လိုမျိုး Skill တွေသင်ကြားထားသင့်လဲ။

OK ကျနော်တို့ Star Kids Education ကနေ Sharing လုပ်ပေးသွားပါမယ်။

(၁) Creation

နောက်ပိုင်းတွေမှာ Creation တွေက ပိုပိုပြီးများလာတော့မှာပဲဖြစ်တယ်။ ဒါကြောင့်မို့ ကိုယ့်ရဲ့ကလေးက ဘယ်အရာမှာ Creat လုပ်ဖို့ ဝါသနာပါလောက်လဲ၊ ဝါသနာရှိလဲဆိုတာကိုအရင်သိအောင်လုပ်ပြီးအဲ့ဒီအရာပေါ်မှာမိဘဖြစ်သူက လိုက်ပြီး Support ပေးရင်အတော်လေးအဆင်ပြေပါတယ်။

(2) Language

ဒါကတော့ လူတိုင်းလည်းသိပြီးသားဖြစ်မယ်ထင်ပါတယ်၊ ဘာသာစကားက အရမ်းအရေးကြီးပြီးအထောက်အကူတစ်ခုဖြစ်ပါတယ်။ ဒါကြောင့် ကိုယ့်ရဲ့ကလေးကိုငယ်စဥ်ကတည်းကဘာသာစကားတစ်ခုခုကိုသင်ကြားထားပေးဖို့လိုပါတယ်။

(3) Communication skill

လုပ်ငန်းတစ်ခုခုဝင်ရင်ပဲဖြစ်ဖြစ်၊ ဘယ်နေရာမှာပဲဖြစ်ဖြစ် Communication ကအရေးကြီးဆုံးပါပဲ။ ကိုယ့်ရဲ့ကလေးကိုလည်းငယ်ငယ်ကတည်းက လှောင်အိမ်ထဲမှာပိတ်မထားဘဲ လူတွေနဲ့ပေါင်းတက်သင်းတက်ပြောဆိုတတ်အောင်သင်ကြားထားပေးဖို့လိုပါတယ်။

(4) learning skill

ဘဝမှာဘယ်အရွယ်ရောက်ရောက်ရင်းနှီးမြုပ်နှံဖို့အကောင်းဆုံးနေရာက လေ့လာသင်ကြားခြင်းပါပဲ။ ဘယ်နေရာကိုရောက်ရောက်သင်ထမင်းမငတ်နိုင်ပါဘူး။ ဒါကြောင့်အမြဲမပြတ်လေ့လာနေပါ၊ လေ့လာမှုတွေကိုလည်းလက်တွေ့လုပ်ဆောက်ဖို့မိမိရဲ့ကလေးကိုသင်ကြားပေးပါ။

(5) စာနာစိတ်

ဒါကတော့ကျနော်တို့ Bouus အနေနဲ့ပြောပြတာပါ၊ ကိုယ့်ရဲ့ကလေးတစ်ယောက်ကိုငယ်ငယ်ကတည်းက စာနာစိတ်ရှိပြီးအကောင်းမြင်တတ်အောင်သင်ကြားပေးမယ်ဆိုအရာအားလုံးထက်ကိုပိုကောင်းပါတယ်။

အဲ့ဒီလိုကလေးလေးတွေက ပိုပြီးကြီးပြင်းလာတဲ့အခါ ဒီပတ်ဝန်းကျင်မှာအဲ့လိုကလေးလေးတွေနဲ့ပဲစုနေတဲ့အခါ ကျနော်တို့ရဲ့ပတ်ဝန်းကျင်ကလည်းပိုပြီးကောင်းလာမှာပါ။

ကျနော်တို့ Star Kids Education ကနေ သင့်ကလေးအနာဂတ်အတွက်အမြဲတမ်းရှိနေပါတယ်။

Star Kids Education

22/09/2022

21/09/2022

20/09/2022

19/09/2022

18/09/2022

17/09/2022

16/09/2022

15/09/2022

14/09/2022

13/09/2022

05/09/2022

Address

Website

Alerts

Shortcuts

Share

Category

Listing takedown request