စာဖတ်သူ

🍀အင်မတန်သိမ်မွေ့တဲ့ "လောဘ"တွေရှိတယ်။ "လောဘ"မှန်းတောင် မသိနိုင်လောက်အောင် သိမ်မွေ့တယ်။ အများအကျိုးဆောင်ရွက်တာတောင် ကိုယ့်အတွက် ဂုဏ်ရှိဖို့၊ နေရာရဖို့၊ ဦးစားပေးခံရဖို့၊ အာဏာ တမျိုး Power တမျိုးရဖို့ ဆိုတာတွေ ပါနေတတ်တယ်။ လောဘနည်းတယ်၊ လောဘမရှိဘူး၊ လို့ လူ အထင်ကြီး ခံချင်တာလည်း လောဘတမျိုးပဲ။

သူများမှာ ကောင်းတဲ့ဂုဏ်၊ ကောင်းတဲ့ အရည်အချင်းတွေ့ရင် ငါ့မှာလည်း ကောင်းတဲ့ဂုဏ်၊ ကောင်းတဲ့ အရည်အချင်းတွေ ရှိတယ်ဆိုပြီး မြင်အောင် ကြည့်ရမယ်။ ကောင်းသထက် ကောင်းအောင် ကြိုးစားရမယ်။

ဆရာတော် ဦးဇောတိက( မဟာမြိုင်တောရ)
#သတိပဌာန် #ဝိပဿနာ
#စာဖတ်သူ

🍀အင်မတန်သိမ်မွေ့တဲ့ "လောဘ"တွေရှိတယ်။ "လောဘ"မှန်းတောင် မသိနိုင်လောက်အောင် သိမ်မွေ့တယ်။ အများအကျိုးဆောင်ရွက်တာတောင် ကိုယ့်အတွက် ဂုဏ်ရှိဖို့၊ နေရာရဖို့၊ ဦးစားပေးခံရဖို့၊ အာဏာ တမျိုး Power တမျိုးရဖို့ ဆိုတာတွေ ပါနေတတ်တယ်။ လောဘနည်းတယ်၊ လောဘမရှိဘူး၊ လို့ လူ အထင်ကြီး ခံချင်တာလည်း လောဘတမျိုးပဲ။ သူများမှာ ကောင်းတဲ့ဂုဏ်၊ ကောင်းတဲ့ အရည်အချင်းတွေ့ရင် ငါ့မှာလည်း ကောင်းတဲ့ဂုဏ်၊ ကောင်းတဲ့ အရည်အချင်းတွေ ရှိတယ်ဆိုပြီး မြင်အောင် ကြည့်ရမယ်။ ကောင်းသထက် ကောင်းအောင် ကြိုးစားရမယ်။ ဆရာတော် ဦးဇောတိက( မဟာမြိုင်တောရ) #သတိပဌာန် #ဝိပဿနာ Crd #ဆရာတော်ဦးဇောတိက #မဟာမြိုင်တောရ 11:10 AM 5-11-2025(Friday) #စာဖတ်သူ #LilyReads

လောက၌ အလုပ် (၂) မျိုး ရှိတယ်လို့ ကျွန်ုပ်ထင်ပါသည်။
၁ ။ ကျွန်ုပ်တို့စိတ်ဆန္ဒ အရလုပ်သောအလုပ်
၂။ ကျွန်ုပ်တို့ စိတ်ဆန္ဒ မပါဘဲ လုပ်ရသောအလုပ် ဖြစ်ပါသည်။

#လီယိုတော်စတွိုင်း #စစ်နှင့်ငြိမ်းချမ်းရေး #ဆရာကြီးမြသန်းတင့် အိမ်မက်ဆိုး အဖြစ်နဲ့‌တောင် မမက်ခဲ့ဘူးတဲ့ အလုပ်တွေလုပ်နေကြရဆဲ၊အသက်ပေးသွားခဲ့ကြပြီ ဖြစ်တဲ့ ရဲဘော်ရဲဘက်အပေါင်းအတွက် ရည်ရွယ်ပါတယ်။

4:11 PM
09/10/2024 (Tuesday)
#ပန်းကြာ

ကျွန်ုပ်တို့၌ အခြားသူများနှင့်ဆက်စပ်လျက်ရှိသည့်အခိုင်မာဆုံးသော၊တာဝန်အကြီးဆုံးဖြစ်သော၊စိတ်ပျက်ဖွယ်အကောင်းဆုံးသော နှောင်ကြိုးမှာ အာဏာတည်းဟူ‌ သော နှောင်ကြိုး ဖြစ်သည်။ အာဏာဆိုသည်မှာ အခြားမဟုတ်။အခြားသူများ အပေါ်‌တွင် အများဆုံး မှီခိုအားထား နေရခြင်းသည် အာဏာပင်ဖြစ်သည်။
#လီယိုတော်စတွိုင်း
#ဆရာကြီးမြသန်းတင့်


10:7 am
4-9-2024(Wednesday)
#ပန်းကြာ

"ဟင့်အင်း... မြေပဲလှော်ကို မျောက်တွေမကြိုက်ဘူး၊သမီးတို့ စမ်းကြည့်ပြီးပြီ၊အစိမ်းတောင့်ကိုပဲ သူတို့ကြိုက်တယ်။ဆိမ့်လို့နဲ့ တူပါရဲ့။"

"ဦး တက်တော့မလား။လမ်းမှာ မျောက်‌တွေရှိသေးတယ်။ ဝယ်သွားပါဉီး"

"တော်ပါပြီ သမီးရယ်၊ နောက်တစ်ခါ ဝယ်ရင် သမီးဆီကပဲ ဝယ်မှာပါ။သမီးလည်း အပေါ်ကို လိုက်မှာပဲလား"

"ဟင့်အင်း လိုက်လို့မရဘူးဦးရဲ့၊ သမီးတို့က ကိုယ့်နေရာနဲ့ကိုယ် ရောင်းရတာ။"

" နေရာကျော် မရောင်းရဘူးပေါ့နော်"

"ဟုတ်တယ် ကျော်မရောင်းရဘူး" "သမီးဒီနေ့ ခလယ်ကျတယ်၊နောက်နေ့ အပေါ်၊နောက်တစ်ရက်ခြားကျ အောက်" ။ "အောက်ခြေမှာကျတော့ ဈေးသည်တွေက ပိုရောင်းရတာပေါ့ဦးရယ်"

" အလှည့်နဲ့တော့ ရောင်းရပါတယ်။တစ်နေ့စီ မျှမျှတတ လုပ်ထားပါတယ်။ "

"အောက်ရောက်ရင်လည်း လုရောင်းနိုင်မှပါ ဦးရယ်၊ တချို့က စည်းကမ်း မရှိဘူး ဦးရဲ့၊ကလေး တွေကို တွန်းဖယ် ရောင်းနေကြတာ။
ဦး တက်လာတော့ မတွေ့ခဲ့ဘူးလား။"

" သမီးတို့က အောက်မှာပဲ နေချင်တယ် ဦး ရဲ့၊အောက်က အဆင်ပြေတယ်။အလုအယက် တွန်းရထိုးရတာတော့ ရှိတာပေါ့လေ"

"ဦးကို တစ်ဆယ် ပြန်အမ်းရမှာနော်။ ဦး ပိုက်ဆံယူသွားဦး၊ အပြန်ကျမှပေး။ သမီး ဘုရားဖူးမျှော်ရ ဦးမယ်။အပြန်မှာ မတွေ့ရင်တောင် အောက်က မျောက်စာသည်တွေထဲက တစ်ယောက်ယောက်ကို ပေးလိုက်ပါ။မဝိုင်းဆိုရင် သိပါတယ်"။

" ကျွန်တော် ပြန်ဆင်းလာတာပါ။မျောက်စာရောင်းတဲ့ မဝိုင်းကလေးကို သိသလားလို့"
" ဪ အဝိုင်းကလေးလား သိတယ် သိတယ်၊ ပြန်သွားလေရဲ့၊သူ့အဖေက သိပ်နေမကောင်းဘူး၊ အဲ့ဒီလိုပဲ ပြန်ပြန်ကြည့်တတ်တယ်။"
#နေဝင်းမြင့် #နေရာ #‌ေမျာက်စာသည်_မဝိုင်း #ပုပါး‌ေတာင်နှစ်သက်မိသောအပိုင်းအစများ

12:06 pm
2-9-2024 (Monday)
#ပန်းကြာ

မြန်မာပြည်ရဲ့ထိပ်တန်း နိုင်ငံရေးသမား စာရေးဆရာကြီးတွေကကိုယ်ကျင့်တရားနဲ့ ဉာဏ်ပညာအရာမှာ စံနမူနာထားခဲ့ကြရတဲ့ သတင်းစာဆရာကြီး(ဦးချစ်မောင်) အနေနဲ့ကော ၊လူသိမခံချင်တဲ့ စင်နောက်ကွယ်ကနိုင်ငံရေးသမားကြီး အနေနဲ့ကော တိုင်းပြည်လွတ်လပ်ရေးအတွက် သိတတ်စအရွယ်ကတည်းက နေ့မအား၊ ညမနား သင်ယူ ကြိုးစားရင်း ကျန်းမာရေးချွတ်ယွင်းရှာလို့ လွတ်လပ်ရေးရခါနီးမှ ငယ်ငယ်ရွယ်ရွယ် ကွယ်လွန်ခဲ့ရပေမယ့် ရှားရှားပါးပါးကျန်ခဲ့တဲ့ သူ့လက်ရာတွေထဲက နေ့စဉ်မှတ်တမ်းထဲ သူ့ဉာဏ်အမြော်အမြင်တစိတ်တပိုင်း ကို တွေ့ရပါလိမ့်မယ်။ ဗိုလ်ချုပ်က သူ့အခေါင်းရှေ့‌မှာ " သူများနိုင်ငံတွေလို မလွတ်လပ်လို့၊ဆေးဘက်မှာအဆင့်အတန်းမမီဘဲ မတိုးတက် မထွန်းကားရတာကြောင့်
ဒီလို ပုဂ္ဂိုလ်ကြီး သေရတယ်လို့ " ဆိုခဲ့တယ်တဲ့။ဆရာမကြီးကတော့ ဆေးရုံမှာဆေးမရှိ၊ဆရာဝန်မရှိလို့ ဖြစ်ခဲ့ရပုံတွေကို ဗိုလ်ချုပ်မသိရှာလို့ လို့ရေးခဲ့တယ်မလား။
#သူတော်စင်တို့ပွဲမဝင်သဲဘွင်ထိတ်လို့ရယ်နှုတ်ဆိတ်မည့်လမ်း တဲ့။

11:14 A.M.
6/08/2024(Tuesday) #သူလိုလူ #ဂျာနယ်ကျော်ဦးချစ်မောင် #ဂျာနယ်ကျော်မမလေး #ပန်းကြာ

နောက်လူတွေအတွက် သင်ခန်းစာယူစရာလည်းကောင်းတယ်။ နိုင်ငံရေးမှာ ခေါင်းဆောင်ကောင်း တစ်ယောက်ဖြစ်လာဖို့ဆိုတာ တော်တည့်၊ဖြောင့်မှန်တဲ့ အဝန်းအဝိုင်း လိုတယ်။သူ(ဗိုလ်ချုပ်)ကျောင်းသားခေါင်းဆောင် ဖြစ်လာတဲ့ အချိန်မှာ
ကိုဗဟိန်းတို့လို လူတွေက ဝန်းရံပေးကြတယ်။သခင်ခေါင်းဆောင်ဖြစ်ချိန်မှာ သခင်ဗဟိန်း တို့ သခင်သန်းထွန်းတို့ဝိုင်းရံပေးကြတယ်၊လက်တွဲလုပ်ခဲ့ကြတယ်။ သခင်မြ၊သခင်ချစ်၊သခင်စိုး တို့ ၊သခင်လေးမောင်တို့ ပါတာပေါ့။အထူးသဖြင့် ဆရာကြီးသခင်ကိုယ်တော်မှိုင်း၊ဒီးဒုတ်ဦးဘချို၊သခင်သန်းထွန်း၊သခင်ဗဟိန်း၊သခင်မြ တို့က အနီးကပ်ထိန်းပေးကြတယ်။ တပ်ထဲရောက်တော့ ဗိုလ်လ်ကျာ၊ဗိုလ်ဇေယျ၊ဗိုလ်ကျော်ဇော၊ဗိုလ်ဗထူး တို့လို လူတွေ က ဝိုင်းရံ ထားတယ်။ဒါကြောင့် သခင်အောင်ဆန်း ၊ဗိုလ်အောင်ဆန်းရယ်လို့ တရှိန်ထိုးနာမည် ရလာတာပဲ ။
ဒါဟာ ဘာလဲဆိုရင် ပညာတတ်တာ ၊ လူစွမ်းလူစ ရှိတာလောက်နဲ့ မလုံလောက်ဘူး ၊ ရိုးသားဖြောင့်မတ်ရမယ် ၊ ကိုယ်ကျင့်သိက္ခာလည်း ရှိရမယ် ၊ နိုင်ငံရေးယုံကြည်ချက် ရှိရမယ် ၊ ခိုင်မာ ရမယ် ၊ နိုင်ငံတကာနဲ့ ပြည်တွင်းနိုင်ငံရေးမှာ အမြော်အမြင် ရှိရမယ် ၊ အရှည်မြင်တတ် ရမယ် ၊ ပြည်သူလူထု အကျိုး အတွက် မိမိကိုယ်ကျိုးကိုမငဲ့တဲ့ ပိုင်းဖြတ်မှုရှိရမယ် ၊ ရန်သူနဲ့တွေ့ရင် ဖယောင်း ၊ ပြည်သူနဲ့တွေ့ရင် သံချောင်း ဆိုသလို မကျင့်သုံးရဘူး ။ ရန်သူနဲ့တွေ့ရင် သံချောင်း ၊ ပြည်သူနဲ့တွေ့ရင် ဖယောင်းလို ကျင့် ရမယ် ၊ နာယကဂုဏ် နဲ့ ပြည့်စုံရမယ် ။ အဲဒီလို နိုင်ငံရေးသမားတွေနဲ့ ပေါင်းမိလို့ ငါ့ယောက်ျားနားမည် သတင်းကောင်းခဲ့တာ ။တိုင်းပြည်လွတ်လပ်ရေး လုပ်ရင်း အယူအဆတွေ ကွဲလာတယ် ။ စိတ်၀မ်း ကွဲလာတယ် ။ လက်ဝဲ အင်အားစုဖြစ်တဲ့ ကွန်မြူနစ်တွေကို ဖဆပလထဲက ကန်ထုတ်ခဲ့တယ် ။ တစ်ဖက်ကို ယုံလွန်းရာက လက်ဝဲ ၊ လက်ျာ ကွဲခဲ့တယ် ။ လူငယ်တွေ ကွဲခဲ့တယ် ။ ဒါဟာ အမျိုးသားစည်းလုံးညီညွတ်ရေးပြိုကွဲတာပဲ ။ လက်ျာသမား တချို့ရဲ့ ပယောဂလည်းပါတယ် ။ အထူးသဖြင့်တော့ နယ်ချဲ့သမားက ထိုးနှက် တိုက်ခိုက်ခံ လိုက်ရတာ ၊ ဒါကို သဘောပေါက်လို့ လက်ဝဲညီညွတ်ရေး ပြန်တည်ထောင်ဖို့ ကိုအောင်ဆန်း နဲ့ သခင်သန်းထွန်းတို့ ကြိုးပမ်းခဲ့ကြိုးပမ်းဆဲကာလမှာ လုပ်ကြံခံလိုက်ရတာပဲ ။
တကယ်တော့ ဒါဟာ နယ်ချဲ့သမားရဲ့ လက်ချက်ပဲ ။ နယ်ချဲ့သမားဟာ လက်ဝဲညီညွတ်ရေး ရသွားမှာစိုးတယ် ။ သခင်သန်းထွန်းတို့နဲ့ ဗိုလ်အောင်ဆန်းပေါင်းမိသွားရင် နယ်ချဲ့သမားတွေ လုပ်ချင်တိုင်း လုပ်လို့ ရမှာ မဟုတ်ဘူး ။ ဒါကြောင့် ဖဆပလထဲက နိုင်ငံရေးသမားကြီးတွေ ၊ လက်ျာအုပ်စု၀င်တွေကို သိမ်းသွင်းပြီး လက်ဝဲအုပ်စုကို ခွဲထုတ်လိုက်တယ် ။ တစ်ဆက်တည်းမှာပဲ လက်ဝဲညီညွတ်ရေးအတွက် ကြိုးပမ်းနေတဲ့ ငါ့ယောက်ျားကို လုပ်ကြံလိုက်ကြတာပဲ ။ လုပ်ကြံမခံရလို့ လက်ဝဲညီညွတ်ရေး မအောင်မြင် ဘဲ လက်ျာအချောင်သမားတွေနဲ့ ဆက်လက်ပေါင်းမိသွားရင် နာမည်ဆိုး ၊ နာမည်ပျက်နဲ့သေရမှာ ။ မင်းတို့ သိတဲ့အတိုင်းပဲလေ ။ လက်ျာအုပ်စုတွေဟာ ဆိုရှယ်လစ်အုပ်စုထဲက ဆိုရှယ်နီတွေ ကန်ထုတ် နောက်ဆုံး ဖဆပလကြီးပြိုကွဲအောင်လုပ်ခဲ့ပြီး တည်မြဲ ၊ သန့်ရှင်းစသဖြင့် တစစီကွဲထွက်ခဲ့တယ် မဟုတ်လား ။ အခုတော့ အဲဒီ ဆိုရှယ်ဒီမိုကရက်အုပ်စုဟာ နာမည်ဆိုးနဲ့ နိဂုံးချုပ်ခဲ့တာ ။

#လှကွန့်
(မြန်မာသစ် ၂ဝ၁၂ ၊ ဧပြီလ) မှ ကူးယူဖေါ်ပြပါသည်။
#အာဇာနည်နေ့

‌art

ဗိုလ်ချုပ် သခင်ခေါင်းဆောင်ဖြစ်တဲ့အချိန်မှာ ဝန်းရံ၊လက်တွဲ ၊ကူညီ ပေးခဲ့ကြတဲ့ လူမှန်၊လူတော်တွေထဲကတစ်ယောက်ဆိုတဲ့ သခင်လေးမောင်ရဲ့ ကိုယ်ရေးသမိုင်းစာစောင်(ပထမအကြိမ်- ၁၉၆၃) ကို ၂၀၁၈ မှာ မှဒုတိယအကြိမ် အုပ်ရေ ၅၀၀ ပြန်ထုတ်ခဲ့တဲ့ စာအုပ်ပါ။‌ ခေတ်လူတွေကြားထဲမထင်ရှားတဲ့ လွတ်လပ်ရေးတိုက်ပွဲခေါင်းဆောင် စာရင်းဝင်သူ တစ်ယောက်ရဲ့ အယူအဆအမြင်သဘောထားတွေ၊ သမိုင်း ထဲကအဖြစ်အပျက်တွေ ၊အညတရသူရဲကောင်းတွေ၊ ဒီစာအုပ်လည်း ( ၃) အုပ်(၅ )ထောင် စာအုပ်ပုံထဲက ရခဲ့တာပါပဲ။ဘယ်သူကမှအလုအယက် ဝယ်ယူနေကြတဲ့နေရောမဟုတ်တော့ အေးဆေးသက်သာရင်နာနာနဲ့ရခဲ့တဲ့စာအုပ်ပါပဲ။

12:11 PM
19-07-2024 (Friday) #အာဇာနည်နေ့

သမီးလေးရေ.....
တိုးတက်သောလူမျိုးသည် စာဖတ်၍ စာဖတ်သောလူမျိုးသည် တိုးတက်၏တဲ့။