English Learning For Society

အင်္ဂလိပ်ဘာသာစကားမှာ Core လို့ခေါ်တဲ့ အဓိက စွမ်းရည် (၄) မျိုးရှိတာကို သိကြပြီးသားလို့ထင်ပါတယ်။

၁။ အရေးစွမ်းရည် ( Writing Skill )
၂။ အဖတ်စွမ်းရည် ( Reading Skill )
၃။ အပြောစွမ်းရည် ( Speaking Skill )
၄။ နားထောင်ခြင်းစွမ်းရည် ( Listening Skill )
တို့ရှိတယ်ဆိုတာ သိကြမှာပါ။ အားလုံးသိတဲ့ 4 Skills ပေါ့။ တနည်းအားဖြင့် Four Core Skills ( အဓိက စွမ်းရည် လေးမျိုး ) ကိုဆိုလိုတာပါ။

သို့ပေမယ့် တကယ့်တကယ် ဘာသာစကားတစ်ခုကို အကျွမ်းတဝင်ဖြစ်အောင် ထိတွေ့လေ့လာတဲ့အခါ နဂိုရှိပြီးသား ( Parts ) အမျိုးအစားတွေ၊ ( Composition ) ပါဝင်ဖွဲ့စည်းပုံတွေအပြင် Creative Thinking သို့မဟုတ် Critical Thinking လို့ခေါ်တဲ့ ဆင်ခြင်သုံးသပ်ဖန်တီးမှု စွမ်းရည်ကိုပါ မဖြစ်မနေ ထည့်သွင်းအသုံးပြုရပါလိမ့်မယ်။ Language ဘာသာစကားဆိုတာ Subject ဘာသာရပ်တစ်ခုမဟုတ်တဲ့အတွက် စာတွေကိုကျက်နေမှတ်နေရုံနဲ့ မပြီးပါဘူး။ အင်္ဂလိပ်ဘာသာစကားဟာလည်း ကျွန်တော်တို့ အမိမြန်မာဘာသာစကားလိုဘဲ လွယ်ကူပေမယ့် ကျယ်ပြန့်ပါတယ်။ အသုံးအနှုန်း ( Usage ) မသိရင် မှားနိုင်ပါတယ်။ ဘယ်ဝါကျရေးရေး၊ ဘာစကားပြောပြော အရာရာ သဒ္ဒါကိုစွဲနေရင်တော့ (သည် ကို တယ် လို့ပြောင်းပြောရမှာတွေ၊ မည် ကို မယ် လို့ပြောင်းပြောရမှာတွေ) ကို အလွယ်တကူပြောထွက်နိုင်မှာ မဟုတ်ပါဘူး။ ဒါ့ကြောင့် လေ့လာနေရင်းနဲ့လည်း ကိုယ့်ရဲ့ညဏ်ကနေ ဒါကို ခွဲခြားသိပါစေ။ အခြေခံအဆင့်ကစ Level အမြင့်တွေထိ သယ်ကို သယ်သွားရမှာက Creative Thinking Skill လို့ခေါ်တဲ့ ဖန်တီးတွေးတောမှုစွမ်းရည် ပါဘဲ။ ဒါကို ခေတ်သစ် အင်္ဂလိပ်ဘာသာစကားရဲ့ 5 Skills လို့ခေါ်ပါတယ်။

အင်္ဂလိပ်ဘာသာစကားမှာ Core ဆိုတာ အဓိက၊ ဗဟို၊ မဏ္ဍိုင် လို့ အဓိပ္ပါယ်ရပါတယ်။

ဒါ့ကြောင့် Four Core Skill ဆိုတာ ‘ အဓိက စွမ်းရည် လေးမျိုး ’ လို့မှတ်ယူနိုင်ပါတယ်။
အဲ့ဒါတွေကတော့ - (၁) Reading - အဖတ်၊
(၂) Writing - အရေး၊
(၃) Listening - အကြားနဲ့
(၄) Speaking - အပြော တို့ပဲ
ဖြစ်ပါတယ်။

ဒီစွမ်းရည်လေးမျိုးဟာ အင်္ဂလိပ်ဘာသာစကားရဲ့ အဓိက စွမ်းရည်လေးမျိုး(Four Core Skills) လို့ခေါ်ဆိုပါတယ်။
နောက်ပိုင်းမှာ Five Skills လို့လည်း သုံးနှုန်းလာတာတွေရှိပါတယ်။ဒါက တခြားစွမ်းရည်တစ်မျိုးကို
ဆိုလိုတာ မဟုတ်ပါဘူး။
နဂိုရှိရင်းစွဲ Skills လေးမျိုးအပေါ်မှာ အခြေခံပြီး ကိုယ့်ဘာသာ တီထွင်ကြံဆပြီး အသုံးပြုရတဲ့ Creative Thinking Skill (တွေးတောဖန်တီးမှုစွမ်းရည်) ပဲဖြစ်ပါတယ်။
ဒါ့ကြောင့်မို့ 4 skills လို့ပဲသုံးသုံး၊ 5 skills လို့ပဲဆိုဆို အင်္ဂလိပ်ဘာသာစကားမှာ အဓိက စွမ်းရည်ကတော့
လေးမျိုးပဲရှိပါတယ်။
ဒီ Skills လေးမျိုးစလုံးမှာလည်း နောက်ထပ် Classification (ခွဲခြားဖော်ပြမှု) တွေရှိတယ် ဆိုပေမယ့်
အင်္ဂလိပ်စာတတ်ဖို့အတွက် မဖြစ်မနေသိရမှာမျိုးတော့ မဟုတ်ပါဘူး။
ဒါ့ကြောင့် ယူသင့်တာကိုယူ၊ ထားသင့်တာကိုထားပြီး စနစ်တကျ လေ့လာဖို့ပဲ လိုပါတယ်။

~ မြန်မာပြည်မှာ အတွေ့ရဆုံး သဘာဝ အင်းဆက်များ ~

~ အတောင်ပံပါရင် မင်းဆီကို... ဆိုတဲ့ ငှက်လေးတွေရဲ့ အခေါ်အဝေါ် ~🐦🦅🦆

~ အကောင်ကြီးကြီးနဲ့ မြန်မာလိုပဲ သိကြတဲ့ တောရိုင်းတိရိစ္ဆာန်တွေကို ဘယ်လိုခေါ်ကြလဲ ~😎

~ အဏ္ဏဝါကောင်လေးတွေရဲ့ ခပ်ဆန်းဆန်း နာမည်လေးတွေ ကျက်ကြမယ် ~🤓

English Grammer ရဲ့ Foundation ဖြစ်တဲ့
~ Eight Parts of Speech ~ (ဝါစဂ် - ၈ မျိုး)

~ နေ့စဥ်နဲ့အမျှ စားသုံးနေရတဲ့ အစိမ်းရောင် vegetables လေးတွေကျက်ကြမယ် ~

apple တို့၊ orange တို့၊ banana တို့လောက်နဲ့ပဲ လှည့်ပတ်ပြောနေတဲ့ သူတွေအတွက် တခြားသော မှတ်သားစရာ Fruits Vocabulary လေးများ ~

အားလုံးပဲ မဂ်လာပါ...

Page ကို Like လုပ်ပေးတဲ့သူတွေအတွက် ကျေးဇူးအများကြီးတင်ပါတယ်။ ကျွန်တော်တို့ရဲ့ English Learning for Society Page ကနေ အဂ်လိပ်စာကို အခြေခံရှိသည်ဖြစ်စေ၊ မရှိသည်ဖြစ်စေ English နဲ့ပတ်သက်လို့ သင်ယူမှု အခက်အခဲရှိတဲ့သူတွေ၊ လေ့လာဖို့အချိန်မအားလပ်တဲ့သူတွေ၊ သင်တန်းတက်ဖို့အဆင်မပြေတဲ့သူတွေအတွက် မိမိအားတဲ့အချိန်လေးတွေမှာ လွယ်လင့်တကူလေ့လာနိုင်စေဖို့ ရည်ရွယ်ပြီး post လေးတွေ တင်ပေးသွားမှာဖြစ်ပါတယ်။

အဂ်လိပ်စာဟာ ဘယ်နိုင်ငံ၊ဘယ်တိုင်းပြည်၊ဘယ်လူ့အဖွဲ့အစည်းမှာမဆို အခြေခံအုတ်မြစ် ဘာသာစကားမဟုတ်ရင်တောင် တိုင်းပြည်တိုးတက်ရေးအတွက် မရှိမဖြစ်လိုအပ်တဲ့ ဘာသာစကားပဲဖြစ်ပါတယ်။

ကျွန်တော်တို့ဟာ အဂ်လိပ်စာကို ငယ်စဥ်ကတည်းက ဘာသာရပ်တစ်ခုအဖြစ် ပညာရေးအခြေခံသင်ရိုးမှာ သင်ကြားခဲ့ရပြီး အခုအခါမှာတော့ ကမ္ဘာနဲ့ချီတဲ့ ဘာသာစကားအဖြစ် လေ့လာသင်ယူနေကြရတာပဲဖြစ်ပါတယ်။

ဒါ့ကြောင့်မို့ ပညာရေးနဲ့လူ့အဖွဲ့အစည်းမှာ အလွန်အရေးပါလှတဲ့ ဒီအဂ်လိပ်စာ၊အဂ်လိပ်စကားကို ကျွန်တော်တို့ တတ်မြောက်ဖို့လိုပါတယ်။

အခုကနေစပြီး ကျွန်တော်တို့ရဲ့ English Learning for Society Page ကနေ နေ့စဥ် English နဲ့ပတ်သက်တဲ့ Education Post လေးတွေကို တင်ပေးသွားမှာဖြစ်ပါတယ်။

ကျွန်တော်တို့ နေ့စဥ်တင်ပေးသွားမယ့် Daily English Topics လေးတွေကတော့....
-အသုံးများပြီး သိထားသင့်တဲ့ Vocabularies (ဝေါဟာရ)လေးတွေ၊
-အခြေခံဖောင်ဒေးရှင်းဖြစ်တဲ့ Grammer(သဒ္ဒါ)ပိုင်းဆိုင်ရာတွေ၊
-နေ့စဥ်ပြောဆိုရမယ့် Conversations (စကားပြော)တွေ၊
-အဂ်လိပ်စာ Quiz(ပဟေဠိ) လေးတွေ၊
-အသုံးများတဲ့ Phrases(စကားစု) နဲ့ Idioms words တွေ၊
-အဂ်လိပ်စာကောင်းကောင်းလေ့လာလို့ရမယ့် movies နဲ့ musics တွေ၊
-English 4 skills ဖြစ်တဲ့ Writing(ရေးနည်း), Reading(ဖတ်နည်း), Speaking(ပြောနည်း), Listening(နားထောင်နည်း)တွေအပြင်
Critical Thinking(စဥ်းစားတွေးခေါ်နည်း) တွေကိုပါ Learners တွေအားလုံးနားလည်အောင် post များနဲ့ တင်ပေးသွားမှာ ဖြစ်ပါတယ်။
ဒါ့ကြောင့်မို့ ကျွန်တော်တို့ရဲ့ English Learning for Society Page လေးမှာ နေ့စဥ် ဝင်လေ့လာနိုင်ပါတယ်။

English ကိုစိတ်ဝင်စားပြီး သင်ယူလေ့လာချင်တဲ့ Learners တိုင်းကိုလည်းဖိတ်ခေါ်ပါတယ်။
မိမိရဲ့ တခြားသော အဂ်လိပ်စာလေ့လာချင်တဲ့ သူငယ်ချင်းတွေရှိရင်လည်း Invite လုပ်နိုင်ပါတယ်။
ဟုတ်ကဲ့ post အဆုံးထိဖတ်ပေးသူတိုင်းကို ကျေးဇူးတင်ပါတယ်နော်။
English စာတွေနဲ့အတူ ကျွန်တော်တို့ အတူတကွ စပြီးလေ့လာကြရအောင်လားခင်ဗျာ။