12/07/2026
ယနေ့ခေတ်မှာ Necktie ဟာ Business ဝတ်စုံ၊ မင်္ဂလာပွဲ၊ ဘွဲ့နှင်းသဘင်နဲ့ တရားဝင်အခမ်းအနားတွေမှာ မရှိမဖြစ် ဖက်ရှင်ပစ္စည်းတစ်ခု ဖြစ်လာပါပြီ။ ဒါပေမယ့် ဒီ Necktie လေးရဲ့ နောက်ကွယ်မှာ နှစ်ပေါင်း ၃၅၀ ကျော် သမိုင်းကြောင်းတစ်ခု ရှိနေပါတယ်။
📖 Necktie ရဲ့ အစ
၁၇ ရာစုအလယ်ပိုင်း (၁၆၃၀–၁၆၆၀ ဝန်းကျင်) မှာ ခရိုအေးရှား (Croatia) စစ်သားတွေဟာ သူတို့ရဲ့ လည်ပင်းမှာ အဝတ်စတစ်စကို ချည်နှောင်ဝတ်ဆင်လေ့ရှိပါတယ်။ အဲဒီပုံစံဟာ အဝတ်အစားအလှဆင်မှုသာမက တပ်ဖွဲ့ကို ခွဲခြားသိနိုင်ဖို့လည်း အသုံးဝင်ခဲ့တယ်လို့ သမိုင်းမှတ်တမ်းတွေမှာ ဖော်ပြထားပါတယ်။
နောက်ပိုင်းမှာ ပြင်သစ်ဘုရင် Louis XIV လက်ထက်မှာ ခရိုအေးရှားစစ်သားတွေရဲ့ လည်ပင်းချည်ပုံစံကို သဘောကျခဲ့ပြီး ပြင်သစ်တော်ဝင်နန်းတော်မှာ စတင်ခေတ်စားလာခဲ့ပါတယ်။ “Croat” ဆိုတဲ့ စကားလုံးကနေ ပြင်သစ်ဘာသာစကား Cravate ဆိုတဲ့အမည် ပေါ်ပေါက်လာခဲ့ပြီး၊ ဒါဟာ ယနေ့အသုံးပြုနေတဲ့ Necktie ရဲ့ အစဖြစ်တယ်လို့ သမိုင်းပညာရှင်အများစုက လက်ခံထားကြပါတယ်။
၁၉ ရာစုအတွင်း အင်္ဂလန်နိုင်ငံမှာ Necktie ချည်နည်းတွေ၊ ဒီဇိုင်းတွေ ပိုမိုဖွံ့ဖြိုးလာခဲ့ပြီး Business Fashion ရဲ့ အရေးပါတဲ့ အစိတ်အပိုင်းတစ်ခု ဖြစ်လာခဲ့ပါတယ်။ ၁၉၂၀ ပြည့်နှစ်မှာ အမေရိကန်ဒီဇိုင်နာ Jesse Langsdorf က ယနေ့ခေတ် Necktie အများစုမှာ အသုံးပြုနေတဲ့ 45-degree bias cut နည်းလမ်းကို မိတ်ဆက်ခဲ့ပြီး Tie တွေ ပိုလှပ၊ ပိုအကြမ်းခံလာစေခဲ့ပါ
✨Necktie တစ်ချောင်းဟာ အဝတ်အစားတစ်ခုထက် ပိုပါတယ်။
* Professionalism (ပရော်ဖက်ရှင်နယ်ဆန်မှု)
* Confidence (ယုံကြည်မှု)
* Respect (လေးစားမှု)
* Personal Style (ကိုယ်ပိုင်စတိုင်)တွေကို ဖော်ပြပေးနိုင်တဲ့ Accessories တစ်ခုဖြစ်ပါတယ်။
AYK မှာတော့ Necktie တစ်ချောင်းကို ဖန်တီးတဲ့အခါ အရည်အသွေး၊ သေသပ်တဲ့ လက်ရာနဲ့ ဝတ်ဆင်သူရဲ့ ပုံရိပ်ကို မြှင့်တင်ပေးနိုင်ဖို့ အလေးထားပြီး ချုပ်လုပ်ပေးလျက်ရှိပါတယ်။
👔 AYK – သမိုင်းအစဉ်အလာကို လေးစားပြီး ခေတ်မီစတိုင်ကို ဖန်တီးပေးတဲ့ Necktie Brand။
