20/08/2026
#အခမဲ့ ပညာဒါန (၁လ) သင်တန်း ဖွင့်လှစ်ပါမည်
Golden Gate Training Center မှ
ဦးစီးဖွင့်လှစ်သွားမဲ့ တတိယအကြိမ်မြောက်
သက်မွေးပညာရပ်ဆိုင်ရာ သင်တန်းဖြစ်တဲ့
အဲယားကွန်း တပ်ဆင်၊ ပြုပြင်ခြင်းသင်တန်းကို
ပါဝင်လျှောက်ထားနိုင်ဖို့အတွက် သင်တန်းနဲ့
ပက်သက်တဲ့ အချက်အလက်လေးတွေကို
မျှဝေပေးလိုက်ပါတယ်။
သူငယ်ချင်းအပေါင်းအသင်းတွေကိုလည်း
လက်တို့လိုက်ကြအုံးနော် 👀
🌿သင်တန်းတွေကဘယ်တော့လဲ ???
ခုသင်တန်းကို ၂၀၂၆ ခုနှစ်၊ စက်တင်ဘာလ ၁ရက်နေ့မှာ စတင်ဖွင့်လှစ်သွားမှာပါ။ သင်တန်းကာလ စုစုပေါင်း (၁) လ၊ နာရီ (၁၂၀) ကြာမြင့်မည် ဖြစ်ပြီး အပတ်စဉ် တနင်္လာ မှ သောကြာ၊ မနက် (၉) နာရီ မှ ညနေ (၄) နာရီ အထိ ကို စာတွေ (၄၀%)၊ လက်တွေ့ (၆၀%) ဖြင့် သင်ကြားပေးသွားမှာ ဖြစ်ပါတယ်။
🌲ဘယ်လိုလျှောက်ရမှာလဲ ???
ဩဂုတ်လ (၁၀) ရက်နေ့ ကနေ
ဩဂုတ်လ (၂၃) ရက်နေ့အထိ၊ မနက် (၁၀) နာရီ ကနေ ညနေ (၃) နာရီ အတွင်း အောက်မှာဖော်ပြထားတဲ့ လိပ်စာမှာ သင်တန်းကျောင်းသို့ လူကိုယ်တိုင်လာရောက်ပြီး သင်တန်းလျှောက်လွှာ မှာဖြည့်စွက်ခဲ့လို့ရပါတယ်။ ပြန်လည်ဆက်သွယ်လို့
ရနိုင်မဲ့ ဖုန်းနံပါတ် ရေးထားခဲ့ဖို့တော့ မမေ့နဲ့နော်။
⛪သင်တန်းလျှောက်လွာ ဖြည့်ရမဲ့နေရာက
(အမှတ် ၄၀၄-၂၆၃၊ သိမ်ဖြူလမ်းနှင့် မဟာဗန္ဓုလလမ်းထောင့်၊ ၉ ရပ်ကွက်၊ ဗိုလ်တထောင် မြို့နယ်၊ ရန်ကုန်မြို့)
🥳 သင်တန်းဖွင့်လှစ်ရခြင်း၏ အဓိကရည်ရွယ်ချက်မှာ ပညာအရည်အချင်းနိမ့်ပါးပြီး ဝင်ငွေရရှိမှုနည်းပါးနေသည့် လူငယ်၊ လူရွယ်များကို ခိုင်မာသည့် အသက်မွေးဝမ်းကြောင်းပညာရပ်တစ်ခုကို တက်မြောက်ကာ အလုပ်အကိုင် အခွင့်အလမ်း ရရှိစေခြင်းဖြင့် ဝင်ငွေတိုးပွားစေနိုင်ရန်ဖြစ်ပါသည်။ 🥳
🤗 ဘယ်သူတွေလျှောက်ထားလို့ရနိုင်မလဲ??
သင်တန်းများကို အသက် ၁၆ နှစ်မှ ၄၀ နှစ်ကြား အတွင်းရှိ အမျိုးသား၊ အမျိုးသမီး (ကျား/မ) မရွေး ပါဝင်လျှောက်ထားနိုင်မည် ဖြစ်ပါသည်။
ဉီးစားပေးရွေးချယ်သွားမည့် အခြေခံ အချက်အလက်များမှာ အောက်ပါအတိုင်းဖြစ်ပါသည်။
- အသက်မွေး၀မ်းကျောင်းပညာရပ်ကို စိတ်၀င်စားပြီး အမှန်တကယ် လုပ်ငန်းခွင်သို့ ၀င်ရောက်ရန် စိတ်အားထက်သန်သူ အမျိုးသမီးများ (နည်းပညာတက္ကသိုလ် ဆက်လက်တက်ရောက်ရန် အခက်အခဲရှိသော၊ နည်းပညာကျောင်းပြီးထားပြီး လက်ရှိအလုပ်အကိုင်မရှိသော အမျိုးသမီးများ)
- အတန်းပညာအရ နိမ့်ပါးပြီး အလုပ်အကိုင်အခွင့်အလမ်းနည်းပါးသူများ၊
- လူနည်းစု တိုင်းရင်းသား လူမျိုးစုများ၊
- ပြည်တွင်း/ ပြည်ပ ပြောင်းရွေ့လုပ်သားများ၊
- မိသားစုကို ဉီးစီးဉီးဆောင် ရှာဖွေကျွေးမွေးနေရသူများ၊
- ဝင်ငွေ ပမာဏ နည်းပါးလွန်းသူများ၊
- မသန်စွမ်းသူများ (သင်တန်း သင်ခန်းစာများကို သင်ယူရန် အရည်အချင်းပြည့်မီသူ)
- သင်တန်းကာလ (၁လ) ပြီးဆုံးပါက လုပ်ငန်းခွင်တွင် အမှန်အကန်တကယ် လုပ်ကိုင်ရန် ရည်ရွယ်ချက်ရှိသူ၊
- အမှန်တကယ် စိတ်ဝင်စားပြီး သင်တန်းကာလ တလျှောက်လုံး ပျက်ရက်မရှိပဲ တက်ရောက်နိုင်သူ၊
*သင်တန်းတစ်ခုဆီတွင် သင်တန်းသားဦးရေ
၂၀ခန့်ကိုသာ လက်ခံပေးသွားမှာဖြစ်ပါတယ်*
☘️ ဘယ်လောက်ပေးရမှာလဲ??
ရွေးချယ်ခံရသူသင်တန်းသား/သူ များသည် သင်တန်းကာလတစ်လျှောက်တွင် လိုအပ်မည့် စာရွက်စာတန်းများ၊ သင်ကြားရေး အထောက်အကူပစွည်းများ၊ သင်တန်းမှ သတ်မှတ်ထားသည့် လုပ်ငန်းသုံး လက်တွေ့ပစ္စည်းများ အစရှိသည်တို့ကို သင်တန်းမှ ထောက်ပံ့ပေးသွားမည်ဖြစ်ပြီး သင်တန်းသားဘက်မှ မည်သည့်ငွေကြေးကုန်ကျမှုမှ ရှိမည်မဟုတ်ပါ။ 🆓
⚠️ ဘာတွေသိထားရအုံးမလဲ??⚠️
- သင်တန်းလျောက်လွှာဖြည့်ပြီးပါက
သင့်လျော်သည့် အင်တာဗျုး လူတွေ့ဖြေဆိုမှုပြုလုပ်ရန် လျောက်ထားသူအနေနဲ့ လာရောက်ရန်လိုအပ်ပြီး အမှန်တကယ်လိုအပ်သူများကို ဦးစားပေးရွေးချယ်မှာဖြစ်ပါတယ်။ သင်တန်းသား/သူ
၂၀ဦးသာလျင် ကန့်သတ် သတ်မှတ်ထားတာဖြစ်လို့ လျောက်လွှာတင်ပြီးလျှင် ပြန်လည်ဆက်သွယ်ရနိုင်မဲ့ ဖုန်းနံပါတ်ကို ရေးသားဖြည့်စွပ်ဖို့ မမေ့ရန်လိုပါတယ်။
- ရွေးချယ်ခံရသည့် ကျောင်းသား/သူ အနေနဲ့
သင်တန်းကာလ (၁လ) ပြီးဆုံးပါက သင်တန်းကျောင်းဘက်မှ လုပ်ငန်းရှင်များနှင့် ဆက်သွယ်ကာ အလုပ်အကိုင် ချိတ်ဆက်ပေးမည်ဖြစ်ပြီး လုပ်ငန်းခွင်သို့ (O.J.T) On Job Training အစမ်းခန့်ကာလ (၁လ) ဝင်ရောက် လုပ်ကိုင်နိုင်ရပါမည်။
ပြီးလျှင် လုပ်ငန်းရှင်များက ဆက်လက်အလုပ်ခန့်အပ်ပေးခြင်းနှင့် အလုပ်ခွင်သို့ ဝင်ရောက်နိုင်ရန် ထပ်မံချိတ်ဆက်ပေးခြင်းများကို ကူညီဆောင်ရွက် ပေးသွားပါမည်။
ℹ သင်တန်းနှင့် ပက်သက်၍ အထက်ပါအချက်အလက်များအပြင် ထပ်မံသိရှိ စုံစမ်းလိုသည်များရှိပါက အောက်ပါ ဖုန်းနံပါတ်များသို့
ရုံးချိန်အတွင်း ဆက်သွယ်မေးမြန်းနိုင်ပါသည်။
📱09795321795
📱09773269266
