13/04/2022
"Aimai: Ambiguity and the Japanese"
(ဂျပန်စိတ်ထား - ၁)
ဂျပန်ဝေါဟာရ"အအိမအိ"သည် EnglishဝေါဟာရAmbiguityနှင့်
အဓိပ္ပါယ်တူပါလိမ့်မည်။
တစ်စုံတစ်ရာတွင် အဓိပ္ပါယ်ပေါင်းများစွာ ပါဝင်နေသည့် အခြေအနေမျိုးကို ဆိုလိုပါသည်။
အချိန်တိုအတွင်း ယတိပြတ်ဆုံးဖြတ်ပြီး ကောက်ချက်ချရန်ခက်သည့်သဘောမျိုး၊ နားလည်ရန်ခက်သည့်သဘောမျိုးကို ခေါ်ဆိုချင်သည့်သဘောမျိုး ဖြစ်ပါသည်။
တစ်နည်းအားဖြင့် "အအိမအိ"ဟူသည်...
တည့်တည့်မပြောဘဲ ကွေ့ဝိုက်ပြောခြင်း၊
ထိန်းထိန်းသိမ်းသိမ်း၊ မယုတ်မလွန်ပြောခြင်းကိုကျင့်သုံးသည့်
အလေ့အထ၊ အရေးအသား၊ ပေါင်းသင်းဆက်ဆံရေးပုံစံတစ်ခု ဖြစ်ပါသည်။
မိမိအဖွဲ့အစည်း၏ဆန္ဒကို မလွန်ဆန်ချင်မှု၊
စုပေါင်းဆောင်ရွက်မှုကို အလေးပေးမှု၊
အများစု၏သဘောဆန္ဒကို မဆန့်ကျင်မှုတို့မှ မြစ်ဖျားခံလာခဲ့သည် ဆိုသော်ငြားလည်း...
နောက်ပိုင်းတွင် ဂျပန်လူမျိုးတိုင်းလိုလို၏ အလေ့အကျင့်တစ်ခုသဖွယ် ဖြစ်လာခဲ့ပါသည်။
ဤသို့ဖြင့်...ဂျပန်လူမျိုးများသည်...
မိမိ၏ပုဂ္ဂလိကထင်မြင်ယူဆချက်များကို ထုတ်ဖေါ်ပြောဆိုခြင်းမျိုး မရှိတော့ပါ။
မရေမရာသဘောမျိုး၊ အဓိပ္ပါယ်အမျိုးမျိုးထွက်သော စကားများကို ရွေးချယ်ပြောဆိုနေကြပါသည်။
အကျိုးဆက်အားဖြင့်...
တစ်ဦးကိုတစ်ဦး ပွင့်ပွင့်လင်းလင်း ဝေဖန်ခြင်းမျိုးများ ဆိတ်သုဉ်းလာခြင်းနှင့်
အမှားနှင့်အမှန်ကိုလည်း ဘက်တစ်ဘက်တွင် တိကျစွာ၊ ခိုင်ခိုင်မာမာ ရပ်တည်ခြင်းမျိုးများကို ဂျပန်လူမျိုးများထံမှ မျှော်လင့်ရန်မဖြစ်နိုင်ပါ။
မည်သို့ပင်ဖြစ်စေကာမူ...
ဂျပန်စာကို လေ့လာသင်ယူနေကြသူများ၊
ဂျပန်များနှင့် လက်တွဲ အလုပ်လုပ်ကိုင်မည့်သူများအနေနှင့်မူ...
ဤ"အအိမအိ"သဘောတရားကို
ဂျပန်အကျင့်၊ Japan Cultureတစ်ခုအနေဖြင့် သိထားသင့်ကြကြောင်းပါ။
Credit to...
"The Japanese Mind" by Roger J. Davies & Osamu Ikeno
"ဂျပန်စိတ်ထား" by ဘိုဘိုဟန်
