14/08/2026
ကြိုတင်ကာကွယ် ပြင်းထန် ဝမ်းပျက်၊ဝမ်းလျှောရောဂါ အန္တရာယ်🥰✨
ဒီနေ့မှာတော့ လတ်တလော ဖြစ်ပေါ်နေတဲ့ ပြင်းထန်ဝမ်းပျက် ဝမ်းလျှောရောဂါနှင့်ပတ်သက်ပြီး ကြိုတင်ကာကွယ်လို့ရမယ့် နည်းလမ်းလေးတွေကို ဝေမျှပေးသွားမှာပဲ ဖြစ်ပါတယ်။
မိုးရာသီကို ရောက်ရှိလာပြီဖြစ်တာကြောင့် ရာသီတုပ်ကွေးရောဂါအပြင် လတ်တလော မှာဆိုရင် ဝမ်းပျက်ဝမ်းလျှောရောဂါဟာ ပြင်းထန်စွာ ဖြစ်ပွါးလျက်ရှိပါတယ်။ အသက်အရွယ်မရွေးဖြစ်ပွါးနိုင်တဲ့ ဒီ ဝမ်းပျက်ဝမ်းလျှောရောဂါဟာ အစားအသောက်များမှ တစ်ဆင့်လည်း ကူးစက်နိုင်တဲ့ ရောဂါဖြစ်တာကြောင့် သန့်ရှင်းမှုအားနည်းသော အစားအသောက်များနှင့် ရေများကို တတ်နိုင်စွာ မစားသောက်မိစေဖို့ သတိပြုရှောင်ရှားရမှာပဲ ဖြစ်ပါတယ်။
ဝမ်းပျက်ဝမ်းလျောရောဂါဟာ ရာသီမရွေးဖြစ်ပွာတတ်တဲ့ ရောဂါတစ်မျိုးဖြစ်ပြီး အဓိကအားဖြင့် မိုးဦးကာလနှင့် မိုးအကုန်ဆောင်းအကူးကာလများတွင်ဖြစ်ပွားတတ်ပါတယ်။ ၏
ရောဂါပိုးပါဝင်သည့် ဝမ်းအညစ်အကြေးများရှိနေသော ရောဂါပိုးမွှားများက ယင်ကောင်များမှ တစ်ဆင့်လည်းကောင်း၊ မသန့်ရှင်းသော လက်များမှတစ်ဆင့်လည်းကောင်း ၊ မိလ္လာေပါက်ခြင်း၊ အညစ်အကြေးမြေသြဇာအသုံးပြုခြင်းတို့မှ တစ်ဆင့် အစားအစာ သောက်သုံးရေများထဲသို့ တိုက်ရိုက်ရောက်ရှိကာ စားသုံးသူများကို ကူးဆက်စေပြီး ထိုမှတစ်ဆင့် တစ်ဦးမှတစ်ဦးသို့ ရောဂါကို ဆက်လက်ကူးစက်စေပါတယ်။
ပြင်းထန်ဝမ်းပျက်ဝမ်းလျောရဲ့ ရောဂါလက္ခဏာများမှာ
🔰အရည်ဝမ်းများသွားခြင်း၊
🔰ငါးညှီနံ့နံသော ဆန်ဆေးရည်ကဲ့သို့ ဝမ်းသွားခြင်း၊
🔰အော့အန်ခြင်း၊
🔰နှလုံးခုန်နှုန်းမြန်ခြင်း၊
🔰အရေပြားကြုံ့နိုင်ဆန့်နိုင်အား လျော့နည်းလာြခင်း၊
🔰မျက်တွင်းချိုင့်ဝင်ခြင်း၊
🔰ခံတွင်း၊လျှာနှင့် နှုတ်ခမ်းများခြောက်သွေ့ခြင်း၊
🔰ကြွက်တက်ခြင်းနှင့် သတိလစ်ခြင်းတို့ပဲဖြစ်ပါတယ်။
အထူးသဖြင့် ဝမ်းလျှောတာများလာတဲ့အခါ ခန္ဓာကိုယ်က ရေနဲ့ ဆားဓာတ်တွေ အလွန်အကျွံဆုံးရှုံးနိုင်ပြီး ရေဓာတ်ခမ်းခြောက်ခြင်း ဖြစ်လာနိုင်တဲ့အတွက်ကြောင့် ဝမ်းပျက်ဝမ်းလျောရောဂါကို ကြိုတင်ကာကွယ်နိုင်ရန်
🔹အစာမစားမီနှင့် အစားအစာမပြင်ဆင်မီအချိန်၊ အညစ်အကြေးနှင့် အမှိုက်သရိုက်များ ကိုင်တွယ်ပြီးချိန်နှင့် အိမ်သာမှ ဆင်းပြီးချိန်များတွင် လက်ကိုဆပ်ပြာနှင့် သေချာဆေးကြောပါ။
🔹တစ်ကိုယ်ရေသန့်ရှင်းရေးကို သေချာဂရုစိုက်ပါ။
🔹ယင်လုံအိမ်သာကို ရာနှုန်းပြည့်သုံးစွဲပါ။
🔹ရေကို ကြိုချက်သောက်သုံးပါ။
🔹အစားအစာများကို ကျက်သည်အထိ သေချာချက်ပြုတ်စားသုံးပါ။
🔹ယင်နားစာများ စားသုံးခြင်းကို ရှောင်ကြဥ်ပြီး
🔹မိမိပတ်ဝန်းကျင်တွင် ခြင်၊ယင်မပေါက်ပွားစေရန် ပတ်ဝန်းကျင်ကို အထူးသေချာ သန့်ရှင်းအောင် ဂရုပြုဖို့ လိုအပ်ပါသည်။
ဝမ်းပျက်၊ဝမ်းလျောရောဂါဆိုတာ ပေါ့ဆသင့်တဲ့ ရောဂါမဟုတ်တဲ့အတွက် သံသယရှိပါက အချိန်မီ ကုသမှုခံယူနိုင်ရန် နီးစပ်ရာ ကျန်းမာရေးဌာနများနှင့် ပြည်သူ့ဆေးရုံများသို့ သွားရောက်ကုသသင့်ပါတယ်။
