Apricus School of English Language

Duolingo English Test က (Speaking နဲ့ Writing) Production ပိုင်းမှာ အမှတ်ဘယ်လိုပေးလဲ (Part-2)

အားလုံးပဲမင်္ဂလာပါရှင်။ 😄
ပြီးခဲ့တဲ့ တစ်ပတ်တုန်းက duolingo writing နဲ့ speaking အမှတ်ပေးစည်းမျဉ်းရဲ့
🔸 content
🔸discourse coherence
🔸lexis (vocabulary)
🔸grammar 4ပိုင်းကို ပြောပြပေးပြီးသွားပြီဆိုတော့ ဒီတစ်ပတ်မှာ ကျန်တဲ့
🔸fluency
🔸pronunciation ကိုဆက်ပြီးပြောပြပေးသွားမှာပဲဖြစ်ပါတယ်ရှင်။

Part 1 ကိုမဖတ်လိုက်ရသေးရင်တော့ ဒီ link မှာပြန်ဖတ်ကြည့်လို့ရပါတယ်နော်။

https://www.facebook.com/share/p/GPDvvHm8xPAa9jhN/?mibextid=WC7FNe

🔸Fluency

Duolingo English Test ရဲ့ အမှတ်ပေးစည်းမျဉ်းထဲမှာ fluency ကလည်း ပါဝင်နေပါတယ်။
➡️ fluency ပိုင်းမှာဆိုရင်တော့ ပထမဆုံးအနေနဲ့ speed ကိုကြည့်ပါတယ်။ ဒီမှာ သတိထားရမှာက speed ဆိုတာမြန်မြန်ပြောလေ အမှတ်တက်လေကို ပြောတာမဟုတ်ပါဘူး။ speed ဆိုတာက ကိုယ်ပြောလိုက်တဲ့ နှုန်းက နားထောင်မယ့်သူ သေချာ နားလည်ပြီး ရှင်းလင်းနေတဲ့ speed မျိုးနဲ့ပြောဖို့ကို ရည်ညွှန်းတာပါ။
➡️နောက်တစ်ခုကတော့ chunking ပါ။ chunking ဆိုတာက စာကြောင်းပြောတဲ့အခါ ကြားထဲမှာ pause လေးတွေထည့်ပြီးပြောတာမျိုးကိုရည်ညွှန်းတာပါ။ နောက်တစ်မျိူး natural pauses လို့လည်းပြောနိုင်ပါတယ်။ ရုတ်တရက် idea ပျောက်သွားလို့ ရပ်သွားတာမျိုးမဟုတ်ဘဲ ကိုယ်ပြောလိုက်တဲ့စကား ပိုရှင်းစေဖို့၊ highlight လုပ်ချင်တဲ့အပိုင်းလေးတွေ ပိုထင်းစေဖို့ ကိုယ်စကားပြောနေတာကို ဖြတ်ဖြတ်ပြီး ပြောတာမျိုးပဲဖြစ်ပါတယ်။
➡️ နောက်ဆုံးတစ်ခုကတော့ breakdowns and repairs ကိုလည်းကြည့်ပါသေးတယ်။ ကိုယ်စကားပြောရင်းထစ်သွားတာ ၊ ပြောစရာကုန်သွားတာမျိုးဖြစ်တဲ့အချိန်တွေမှာ umm တို့ uh တို့ like တို့ကိုသုံးလေ့ရှိပါတယ်။ တစ်ခါတစ်လေ ပြောတာမျိုးက အမှတ်အပေါ် သက်ရောက်မှု အများကြီးမရှိပေမယ့် ဒါတွေပဲ ခဏခဏ ထပ်ပြောတာမျိုးက အမှတ်လျော့နိုင်ပါတယ်။ ဒါ့ကြောင့် ကိုယ်သုံးမယ့် filler words တွေကို မထပ်အောင်လည်းကြိုပြီးပြင်ဆင်ထားသင့်ပါတယ်။
ဥပမာ - I can't say for sure , as far as I can tell အစရှိတာမျိုးတွေပဲဖြစ်ပါတယ်။

🔸pronunciation

Pronunciation အပိုင်းကဆိုရင်တော့speaking မေးခွန်းတွေမှာ ထည့်ပြီး ကြည့်တဲ့အပိုင်းတစ်ခုပါ။
➡️ ပထမဆုံးတစ်ခုကတော့ intelligibility ပါ။ အလွယ်ပြောရရင်တော့ ဖြေဆိုတဲ့သူ ပြောလိုက်တဲ့စကားကို သေချာနားလည်သဘောပေါက်နိုင်လား ဆိုတာကိုရည်ညွှန်းတာပါ။
➡️နောက်တစ်ပိုင်းကတော့ individual sounds ပါ။ စကားလုံးထဲမှာပါတဲ့ vowel, consonant တွေရဲ့ အသံထွက်ကို သေချာထွက်လားဆိုတာကိုကြည့်ပါတယ်။
➡️ဒီ့အပြင် word stress တွေကိုလည်းကြည့်ပါသေးတယ်။ စကားလုံးတွေရဲ့ အသံ ဖိတဲ့ဖော့တဲ့ နေရာတွေကို မှန်၊ မမှန်စစ်ဆေးတာပါ။ ဥပမာ - water ဆိုတဲ့စကားလုံးကိုပြောတဲ့အခါ stress က "wa" ဆိုတဲ့နားမှာ ထည့်ပြီးပြောရတာမျိုးပါ။
➡️ words stress အပြင် sentence stress ကလည်းအရေးကြီးပါတယ်။ သဘောတရားကတော့ အပေါ်က word နဲ့တူတူပါပဲ။ ဘယ်နားမှာ stress ထည့်ပြီး ဖိပြောလဲဆိုတာကိုကြည့်တာပါ။ ဒါပေမယ့် ဒီအပိုင်းကတော့ စာလုံးတစ်လုံးချင်းကိုကြည့်တာမဟုတ်ဘဲ စာကြောင်းတစ်ကြောင်းလုံးကိုကြည့်တာပါ။
➡️နောက်ဆုံးတစ်ခုကတော့ intonation ပါ။ ကိုယ်စကားပြောတဲ့အခါ အသံအနိမ့် အမြင့်နဲ့ပြောရဲ့လားဆိုတာကိုကြည့်ပါတယ်။ ဥပမာ- statement တွေဆိုရင် စာကြောင်းအဆုံးမှာ အသံချလိုက်တာမျိုး၊ yes/no question တွေဆို အသံတက်သွားတာမျိုးကိုပြောတာပဲဖြစ်ပါတယ်။

ဒီလောက်ဆိုရင်တော့ duolingo ရဲ့ အမှတ်ပေးစည်းမျဉ်းတွေကိုသေချာသိသွားကြပြီလို့ထင်ပါတယ်။ စာမေးပွဲအတွက် လေ့ကျင့်တဲ့အခါ အမှတ်ပေးစည်းမျဉ်းနဲ့တိုက်ပြီးလေ့ကျင့်တာက ပို အမှတ်တက်စေတာဖြစ်လို့ အမှတ်ပိုတက်ချင်တယ်ဆိုရင်တော့ ကိုယ်လေ့ကျင့်ပြီးတဲ့အခါ ဒီ အမှတ်ပေးစည်းမျဉ်းနဲ့ ပြန်ပြီး analyze လုပ်ပြီး လိုချင်တဲ့ target score တွေရကြပါစေလို့ Apricus ကဆုတောင်းပေးလိုက်ပါတယ်❤️

Duolingo English Test က (Speaking နဲ့ Writing) Production ပိုင်းမှာ အမှတ်ဘယ်လိုပေးလဲ (Part-1)

အားလုံးပဲမင်္ဂလာပါရှင်။ 😄
အားလုံးသိကြတဲ့အတိုင်းပဲ Duolingo English Test ဟာ ပိုပြီးတိကျတဲ့ result တွေကိုပေးဖို့ အမြဲတမ်း update တွေလုပ်နေပါတယ်။ Duolingo English Test 2024 official guide မှာဆိုရင်လည်း Duolingo Team ရဲ့ အမှတ်ပေးစည်းမျဉ်းကို modify လုပ်ထားတာတွေ့ရမှာဖြစ်ပါတယ်။ ဒီနေ့မှာတော့ အဲ့ဒီ အမှတ်ပေးစည်းမျဉ်းမှာဘာတွေပါလဲဆိုတာအသေးစိတ်ရှင်းပြပေးသွားမှာပါ။

Duolingo English Test မှာတွေ့ရမယ့် Writing နဲ့ Speaking မေးခွန်းတွေကတော့ Summarize the conversation, Write about the photo, Speak about the photo, Interactive Writing, Read then speak, Listen then speak, Writing sample နဲ့ Speaking Sample မေးခွန်းတွေပဲဖြစ်ပါတယ်။

Duolingo ရဲ့ အမှတ်ပေးစည်းမျဉ်းမှာ Writing မေးခွန်းတွေအတွက်ဆိုရင်
🔸 content
🔸discourse coherence
🔸lexis (vocabulary)
🔸grammar 4ပိုင်းကိုကြည့်ပြီး

Speaking မေးခွန်းအတွက်ဆိုရင်တော့
🔸content
🔸discourse coherence
🔸lexis (vocabulary)
🔸grammar
🔸fluency
🔸pronunciation ဆိုပြီး 6 ပိုင်းခွဲပြီးအမှတ်ပေးပါတယ်။

ဒီတော့ အမှတ်ပေးစည်းမျဉ်းထဲကတစ်ပိုင်းချင်းစီကဘာတွေကိုရည်ညွှန်းလဲဆက်ကြည့်ကြရအောင် 😉

🔸content

Content ဆိုတာကတော့ ကိုယ်ဖြေလိုက်တဲ့အဖြေမှာပါတဲ့ အကြောင်းအရာတစ်ခုလုံးကိုရည်ညွှန်းပါတယ်။
➡️ပထမဆုံးတစ်ချက်ကတော့ task relevance ပါ။ မေးထားတဲ့မေးခွန်းနဲ့ဘယ်လောက်ကိုက်ညီမှုရှိလဲဆိုတဲ့အချက်ဖြစ်ပါတယ်။ သူကတော့ မေးခွန်းထဲမှာမေးထားတဲ့အချက်နဲ့ ကိုယ်ဖြေလိုက်တဲ့အဖြေက ဘယ်လောက်ဆက်စပ်မှုရှိလဲဆိုတာကိုကြည့်ပါတယ်။ တကယ်လို့ ကိုယ်ကမေးခွန်းနဲ့မကိုက်ညီတဲ့ အကြောင်းအရာတွေဖြေမိတယ်ဆိုရင်တော့ ဒီအပိုင်းမှာအမှတ်လျော့နိုင်ပါတယ်။အဲ့ဒီအပြင် မေးခွန်းမှာပါတဲ့အချက်တွေအကုန်လုံးကိုလည်းဖြေဖို့လိုပါတယ်။ ဥပမာ - Tell me about your recent trip. Where did you go? With whom did you go there? လို့မေးထားတယ်ဆိုရင် သွားတဲ့နေရာအပြင် အတူသွားခဲ့တဲ့သူတွေအကြောင်းကို ပါထည့်ပြောရမှာဖြစ်ပါတယ်။
➡️နောက်တစ်ချက်ကတော့ style ပဲဖြစ်ပါတယ်။ style ဆိုတာကတော့ တကယ်လို့ကိုယ့် experience နဲ့ပတ်သတ်တဲ့မေးခွန်းမျိုးတွေဖြေတဲ့အခါ တခြားသူတစ်ယောက်ကိုပြန်ပြောပြနေတဲ့ပုံစံမျိုးနဲ့ပြောသလို၊ အကြောင်းအရာတစ်ခုခုကို ရှင်းပြတဲ့အခါ ပိုပြီး formal ဆန်တဲ့အသုံးအနှုန်းမျိုးသုံးတာကိုရည်ညွှန်းတာပါ။ ပြောရရင်တော့ မေးခွန်းနဲ့ကိုက်ညီတဲ့ပုံစံမျိုးနဲ့ဖြေနိုင်တာမျိုးကိုပြောတာပဲဖြစ်ပါတယ်။
➡️နောက်တစ်ချက်ကတော့ development ပဲဖြစ်ပါတယ်။ Developmemt ဆိုတာက ကိုယ့်အဖြေကိုဘယ်လို ရှင်းပြလဲဆိုတာကိုကြည့်တာပါ။ အကောင်းဆုံးကတော့ main idea တစ်ခုကိုပြောပြီးတာနဲ့နောက်က supporting idea တွေထပ်ထည့်ပေးတာမျိူး၊ ဥပမာတွေနဲ့ ရှင်းပြပေးတာမျိုးပဲဖြစ်ပါတယ်။
➡️နောက်ဆုံးတစ်ခုကတော့ effect on the audience ပါ။ သူကတော့ ကိုယ်ပြောတာကိုနားထောင်နေတဲ့သူ၊ ကိုယ်ရေးထားတာကိုဖတ်နေတဲ့သူဆီကို ကိုယ်ပြောချင်တဲ့ အကြောင်းအရာကို ရှင်းရှင်းလင်းလင်းနဲ့ စိတ်ဝင်စားဖို့ကောင်းအောင် ပြောပြနိုင်လားဆိုတဲ့အချက်ပါ။

🔸ဒုတိယတစ်ပိုင်းကတော့ coherence ပါ။ သူကတော့ ကိုယ့်အဖြေကဘယ်လောက်ပြေပြစ်မှုရှိလဲဆိုတာကိုကြည့်တာပါ။
➡️ ပထမဆုံးအနေနဲ့ကတော့ clarity ကိုကြည့်ပါတယ်။ ဘယ်လောက်ရှင်းရှင်းလင်းလင်းဖြေထားလဲဆိုတာကို ကြည့်တာပါ။ ဒီမှာသတိထားရမှာ ရှင်းရှင်းလင်းလင်းပြောတယ်ဆိုတာ simple sentence တွေ A1 vocabulary တွေသုံးတာကိုပြောတာမဟုတ်ပါဘူး❌ လွယ်ကူတဲ့အသုံးအနှုန်းတွေနဲ့ဖြေထားတာမဟုတ်ဘဲ အဖြေကဘယ်လောက် ရှင်းလင်းမှုရှိလဲဆိုတာကိုကြည့်တာဖြစ်ပါတယ်။
➡️ဒုတိယတစ်ခုကတော့ cohesion ပါ။ အဖြေဖြေတဲ့အခါမှာ အချက်တစ်ခုနဲ့တစ်ခုဆက်တဲ့အချိန် ဘယ်လောက်ချောမွေ့မှုရှိလဲဆိုတာကိုကြည့်ပါတယ်။ ဒီအတွက်အမှတ်တက်ဖို့ဆိုရင်တော့ linking words တွေကိုထည့်သုံးသင့်ပါတယ်။ ဥပမာ - In addition, as a result, besides စတဲ့အသုံးအနှုန်းမျိုးတွေထည့်သုံးတာပဲဖြစ်ပါတယ်။
➡️ နောက်ဆုံးအချက်က progression of your thoughts ဖြစ်ပါတယ်။ ကိုယ်ဖြေထားတဲ့အဖြေတွေက logical ကျလား (သဘာဝကျလား)ဆိုတာကိုကြည့်ပြီး အမှတ်ပေးတာပါ။ ဥပမာ ကိုယ်ပြောမယ့်အကြောင်းအရာတစ်ခုခုအတွက် reason ပေးမယ်ဆိုရင် ကိုယ်ပေးလိုက်တဲ့ reason ကအဓိပ္ပာယ်ရှိနေလား သဘာဝကျရဲ့လားဆိုတာကိုကြည့်တာပါ။
➡️ writing မေးခွန်းတွေမှာဆိုရင်တော့ structure ကိုပါထည့်ပြီးတော့ကြည့်ပါသေးတယ်။ ဒီအတွက် writing ရေးတဲ့အခါ introduction နဲ့ conclusion ကိုထည့်ရေးသင့်ပါတယ်။❗

🔸Vocabulary

Duolingo ရဲ့ speaking နဲ့ writing မေးခွန်းတွေမှာ vocabulary ကိုလည်းကြည့်ပြီးအမှတ်ပေးပါတယ်။
➡️ lexical diversity ကအမှတ်ပေးတဲ့အထဲမှာပါတာဖြစ်လို့ တတ်နိုင်သလောက်စာလုံးတွေမထပ်ဘဲ synonym တွေပြောင်းပြီးရေးသင့်ပါတယ်။ ဥပမာ- ကိုယ်က teacher လို့ရေးရမယ့်နေရာ 3ခုရှိတယ်ဆိုရင် teacher လို့ 3 ခါလုံးမရေးဘဲ educator, professor, instructor အစရှိတဲ့စကားလုံးတွေတစ်မျိုးစီပြောင်းသုံးတာမျိုးကိုပြောတာပဲဖြစ်ပါတယ်။
➡️နောက်တစ်ခုကတော့ sophistication ပါ။ ဘယ်လောက် advanced ဖြစ်တဲ့စာလုံးတွေကိုသုံးနိုင်လဲကြည့်ပါတယ်။ သဘောကတော့ interesting ဆိုတဲ့စကားလုံးသုံးတာထက် fascinating ဆိုတဲ့စကားလုံးမျိုးသုံးတဲ့အခါပိုပြီး အမှတ်ရနိုင်တာမျိုးပါ။ အဲ့ဒီအတွက်ကြောင့် ကိုယ်သိထားတဲ့စကားလုံးတွေထဲက advanced အဖြစ်ဆုံးစကားလုံးတွေကို ထည့်ပြီးဖြေဆိုသင့်ပါတယ်။
➡️ ဒီလိုသုံးတဲ့နေရာရမှာလည်း advanced ဖြစ်ရင်ပြီးရောဆိုပြီးထည့်သုံးလို့မရပါဘူး။ ကိုယ်ပြောမယ့်အကြောင်းအရာ နဲ့ ကိုယ်သုံးလိုက်တဲ့စကားလုံး ကိုက်ညီမှုရှိ၊မရှိလည်းပြန်ကြည့်ရပါမယ်။
➡️ vocabulary အပိုင်းမှာ word formation ဆိုတဲ့အပိုင်းကိုလည်းကြည့်ပါတယ်။ သူကတော့ adjective, adverb, noun သုံးပုံသုံးနည်းတွေမှန်ရဲ့လားဆိုတာကိုစစ်တာဖြစ်ပါတယ်။
➡️ writing မေးခွန်းအတွက်ဆိုရင်တော့ spelling ကိုပါကြည့်ပြီးအမှတ်ပေးတာဖြစ်တဲ့အတွက် spelling ကိုပါသတိထားရပါမယ်။ Writing မေးခွန်းတွေအတွက် American spelling ရော British spelling ကိုပါလက်ခံပေးတယ်လို့ Duolingo Team ကပြောထားပါတယ်။

🔸Grammar

နောက်ထပ်သတိထားရမယ့် အမှတ်ပေးစည်းမျဉ်းတွေထဲကတစ်ခုကတော့ Grammar ပါ။
➡️Duolingo English Test မှာကြည့်တဲ့ grammar အပိုင်းတွေထဲကတစ်ခုကတော့ grammatical complexity ပါ။ သူပြောချင်တာကတော့ ကျောင်းသားက grammar structure တွေဘယ်လောက်များများသုံးနိုင်လဲဆိုတာပါ။ ဒီတော့ ကိုယ်က grammar pattern များများသုံးနိူင်လေ ဒီအပိုင်းမှာအမှတ်ပိုများနိုင်ချေရှိလေပါပဲ။
➡️ ဒါပေမယ့် pattern များများသုံးရုံနဲ့တော့ အမှတ်မတက်ပါဘူး။ ဘာ့ကြောင့်လဲဆိုတော့သူက grammatical accuracy ကိုပါကြည့်သေးတာကြောင့်ပါ။ Grammatical accuracy ဆိုတာကတော့ grammar ဘယ်လောက်မှန်လဲဆိုတာကိုကြည့်တာပဲဖြစ်ပါတယ်။ ဒီအတွက်ကြောင့် ကျောင်းသားက grammar structure များများသုံးတဲ့အပြင် အဲ့ဒီ သုံးလိုက်တဲ့ sentence တွေကလည်းမှန်နေမှ အမှတ်တက်မှာဖြစ်ပါတယ်။
➡️Grammar ပိုင်းမှာ punctuation ကလည်အမှတ်ပေးတာဖြစ်တဲ့အတွက် ( . , ?) အစရှိတာတွေကို မှန်မှန်ကန်ကန် အသုံးပြုဖို့လည်းဂရုစိုက်ရပါမယ်။

ဒီတော့ အမှတ်ပေးစည်းမျဉ်း ၆ပိုင်းထဲက ၄ပိုင်းကိုတော့သေချာသိသွားပြီလို့ထင်ပါတယ်။ကျန်တဲ့အမှတ်ပေးစည်းမျဉ်းတွေကို Part 2 မှာဆက်ပြီးပြောပြသွားမှာဖြစ်လို့ page ကို Like & Follow လေးလုပ်ထားဖို့မမေ့နဲ့နော် 😉

Writing မေးခွန်းတွေမှာ ဒီ အမှတ်ပေးစည်းမျဉ်း ၄ခုနဲ့ကြည့်ပြီး အမှတ်ပေးတာဖြစ်တဲ့အတွက် writing မေးခွန်းတွေလေ့ကျင့်ရင်း part 2 ကိုစောင့်ပေးကြပါဦးနော် ✨

Content

Duolingo English Test ဖြေတဲ့အခါ subscore တစ်ခုခုမှာအမှတ်အရမ်းနည်းနေတယ် ဘယ်လိုလုပ်ရမလဲ ❓❓

Duolingo English Test ဖြေတဲ့အခါ Literacy, Comprehension, Conversation နဲ့ Production ဆိုပြီး Subscore 4ခုနဲ့ ခွဲပြီးပေးပါတယ်။

🔺ကိုယ်က ဘယ်အပိုင်းမှ အားနည်းလဲဆိုတာသိမှ အဲ့ဒီအပိုင်းကို ပိုပြီးလေ့ကျင့်ရမှာဖြစ်လို့ Literacy, Comprehension, Conversation, Production ဘယ်အပိုင်းမှာ အားနည်းလဲ အရင်စစ်ကြည့်ဖို့ လိုပါတယ်။

gurully.com
arno.com
အစရှိတဲ့ website တွေမှာ free mock test တွေဖြေကြည့်လို့ရပါတယ်။ အဲ့ဒီ test တွေက result ပါပြန်ထုတ်ပေးတဲ့အတွက် အဲ့ဒီ test တွေကနေဘယ်အပိုင်းအမှတ်နည်းနေလဲ အရင်စစ်ကြည့်သင့်ပါတယ်။

🔺ပြီးရင်ကိုယ်ဘယ်အပိုင်းအမှတ်နည်းနေလဲဆိုတာပေါ်မူတည်ပြီး အဲ့ဒီအပိုင်းကိုအမှတ်ပေးတဲ့မေးခွန်းတွေကို ပြန်လေ့ကျင့်ကြည့်သင့်ပါတယ်။

ဥပမာ - ကိုယ်က conversation ပိုင်းမှာ အမှတ်နည်းနေတယ်ဆိုရင် (Read Aloud, Listen and Type, Listen & Respond, Listen then Speak, Speak about the Photo, Read then Speak, Speaking Sample) မေးခွန်းတွေကိုပြန်လေ့ကျင့်ဖို့လိုပါတယ်။
*ဘယ်မေးခွန်းတွေပြန်ကြည့်သင့်လဲဆိုတာ subscore တစ်ခုချင်းစီအလိုက် ကြည့်ရမယ့် မေးခွန်းတွေကို commemt က ပုံမှာလည်းပြထားပေးပါတယ်နော်*

🔺နောက်တစ်ချက်ကတော့ အမှတ်ပေးစည်းမျဉ်းနဲ့ကိုက်မကိုက် ပြန်ကြည့်ဖို့လိုပါတယ်။

အဓိကကတော့ open questions တွေဖြစ်တဲ့ Speaking နဲ့ Writing မေးခွန်းတွေမှာပြန်စစ်ဖို့လိုတတ်ပါတယ်။ open question တွေမှာ အမှတ်ပေးတဲ့အခါ ( content, discourse coherence, vocabulary, grammar, fluency, pronunciation) ဆိုပြီး အပိုင်း ၅ ပိုင်းနဲ့ပေးပါတယ်။

အမှတ်ပေးစည်းမျဉ်းနဲ့ပတ်သတ်ပြီးတော့လည်း နောက်ရက်တွေမှာဆက်ပြီးသေးစိတ်ပြောပြပေးသွားမှာဖြစ်လို့ stay tuned ပါနော် 🔔
ကျောင်းသားကျောင်းသူတွေလည်း အပေါ်ကပြောတဲ့အတိုင်း ကိုယ့်ရဲ့ score ကို analyze လုပ်ပြီး target score တွေရကြပါစေလို့ ဆုတောင်းပေးလိုက်ပါတယ်ရှင့် ❤️

အားလုံးပဲမင်္ဂလာပါရှင်☺️
ကျောင်းသားတွေမေးလေ့ရှိတဲ့ Duolingo ဖြေတဲ့အခါ ဒီပစ္စည်းတွေသုံးလို့ရလားဆိုတဲ့အကြောင်းနဲ့ပတ်သတ်ပြီး ဒီနေ့မှာ ရှင်းပြပေးသွားမှာပဲဖြစ်ပါတယ်။

🔺Desktop/Laptop (✅)
Duolingo Test ဖြေတဲ့အခါ desktop နဲ့ဖြစ်ဖြစ် laptop နဲ့ဖြစ်ဖြစ် ဖြေလို့ရပါတယ်။ Phone နဲ့တော့ လုံးဝဖြေလို့မရပါဘူး။

🔺External Keyboard(✅)

Laptop နဲ့ဖြေတဲ့အခါ ကိုယ့်ရဲ့ Laptop မှာပါတဲ့ keyboard ကအကြောင်းတစ်ခုခုကြောင့် ဖြေလို့ အဆင်မပြေ ရင် external keybaord နဲ့သုံးလို့ရပါတယ်။ ⚠️ ဒါပေမယ့် သတိထားရမှာတစ်ခုက laptop မှာပါတဲ့ keyboard ကိုသုံးလိုက် external keyboard ကိုသုံးလိုက် လုပ်လို့ မရပါဘူး ❌ ။စာမေးပွဲဖြေတဲ့တစ်လျှောက်မှာ keyboard တစ်ခုတည်းကိုပဲအသုံးပြုရမှာဖြစ်ပါတယ်။

🔺Mouse (✅)

Mouse ကလည်း keybaord လိုပါပဲ။ တကယ်လို့ ကိုယ့်ရဲ့ laptop မှာပါတဲ့ Touch pad က အဆင်မပြေရင် Mouse နဲ့ပြောင်းသုံးလို့ရပါတယ်။ ⚠️ ဒါပေမယ့် touch pad နဲ့သုံးလိုက် mouse နဲ့သုံးလိုက် လုပ်လို့မရပါဘူး❌ စာမေးပွဲဖြေစဉ်တောက်လျှောက်မှာ ( Mouse သို့မဟုတ် touch pad) တစ်ခုတည်းကိုပဲ ရွေးချယ် အသုံးပြုရမှာဖြစ်ပါတယ်။

🔺 External speakers (✅)

Duolingo ဖြေတဲ့အခါမှာ external speaker တွေလည်းအသုံးပြုခွင့်ပေးထားပါတယ်။ ဒါပေမယ့် စာမေးပွဲမဖြေခင်မှာ battery ရှိ၊မရှိ အသံသေချာကြားရ၊မကြားရ သေချာစစ်ထားဖို့လိုပါတယ်။

🔺 External We**am(✅)

ကိုယ်သုံးမယ့် computer မှာ camera မပါတာဖြစ်ဖြစ်၊ ပါတဲ့ camera ကမကြည်လို့ဖြစ်ဖြစ် external We**am ကို သုံးခွင့်ရှိပါတယ်။ ဒါပေမယ့် camera ထားတဲ့နေရာက ကိုယ့်မျက်နှာ တစ်ခုလုံးကို သေချာမြင်ရဖို့အတွက် Duolingo Team ကတော့ ကိုယ့်ရဲ့ eye-level နားတစ်ဝိုက်မှာထားဖို့အကြံပြုထားပါတယ်။

🔺Headphone/ Earphone (❌)

Duolingo Test ဖြေတဲ့အခါ Headphone , Earphone တော့လုံးဝ အသုံးပြုခွင့်မရှိပါဘူး။

—————————————————————
ဒီလောက်ဆိုရင်တော့ အကုန်လုံးပဲ Duolingo ဖြေတဲ့အခါ ကဘယ် equipment တွေသုံးလို့ရတယ်၊ ဘာတွေတော့ရှောင်ရမလဲဆိုတာ တော်တော်လေးသိသွားကြပြီလို့ထင်ပါတယ်။ 😇

Duolingo နဲ့ပတ်သတ်ပြီး သိချင်တဲ့အကြောင်းအရာတွေရှိတယ်ဆိုရင်လည်း comment မှာပြောသွားခဲ့ပေးပါဦးနော်။ ❤️

အားလုံးပဲ မင်္ဂလာပါရှင် ☺️
ကျောင်းသား ကျောင်းသူတွေအတွက် အသုံးဝင်စေမယ့် english class တွေကိုအမြဲဖွင့်လှစ်ပေးခဲ့တဲ့ Apricus မှာ မကြာခင် အတန်းသစ်လေးဖွင့်ပေးတော့မှာဖြစ်လို့ ဘယ်လိုအတန်းဖြစ်မလဲဆိုတာသိရအောင် အကုန်လုံး stay tuned ပါနော်🥳🥳

📌“The correct date format for IELTS Listening”

🔺ကျောင်းသားအများစုမေးကြတဲ့ မေးခွန်းတစ်ခုရှိပါတယ်။ အဲ့ဒါဟာ IELTS Listening ဖြေတဲ့အခါ နေ့စွဲတွေကို ဘယ်လိုရေးသင့်လဲဆိုတာပါပဲ။
ဒီမေးခွန်းကို မဖြေခင် သိထားရမဲ့ အရေးကြီးတဲ့ အချက်ကတော့ "မေးခွန်းက ခွင့်ပြုထားတဲ့ စာလုံးအရေအတွက်ကို ကျော်မရေးဖို့ပါ။" ကိုယ်ရေးတဲ့ နေ့စွဲပုံစံဟာ မှန်ပေမယ့်လည်း စာလုံးအရေအတွက် သတ်မှတ်ချက်ကျော်သွားရင် အမှတ်မရပါဘူးနော်။
🔺IELTS Listening မှာ နေ့စွဲတွေကို အဖြေအနေနဲ့ရေးတော့မယ်ဆိုရင် မှန်ကန်တဲ့ပုံစံအမျိုးမျိုးရှိပါတယ်။
ဥပမာ - (၄) လပိုင်း (၂၄) ရက်ဆိုရင် -
24th April
April 24
24 April အစရှိသဖြင့် ရေးလို့ရပါတယ်။
ဒီလိုပုံစံနဲ့ ရေးမယ်ဆိုရင် လတွေရဲ့ စာလုံးပေါင်းတွေနဲ့ (-th), (-rd), (-st) ဆိုတဲ့ ordinal number တွေ မှားမရေးဖို့ ဂရုစိုက်ရပါမယ်။
🔺ဒီထက်လွယ်ကူတဲ့ နည်းကတော့ နေ့စွဲတွေကို ကိန်းဂဏန်းတွေနဲ့ ရေးခြင််းဖြစ်ပါတယ်။
ဥပမာ - ဖေဖော်ဝါရီ (၁၉) ရက် ဆိုရင်
19/02 (British English)
02/19 (American English)
နှစ်မျိုးလုံးနဲ့ ကြိုက်ရာရေးနိုင်ပါတယ်။
ဒီလိုရေးနည်းက စာလုံးပေါင်းအမှားတွေကို လျော့နည်းစေပြီး စာလုံးရေသတ်မှတ်ချက် (၁) လုံးပဲပေးထားတဲ့ မေးခွန်းတွေမှာလည်း ဖြေလို့ရပါတယ်။
ဒါဆိုရင် IELTS မှာ နေ့စွဲတွေနဲ့ပတ်သက်ပြီး နားလည်လောက်ပြီ ထင်ပါတယ်။ IELTS နဲ့ ပတ်သက်နဲ့ tips တွေကို ဖတ်ချင်ရင် Apricus ကို follow လုပ်ထားဖို့ မမေ့ပါနဲ့နော်။

Ref: https://ielts.idp.com/prepare/article-how-to-write-the-date-correctly

📌IELTS Reading Question Types (Part 3)
အရင်နေ့တွေက IELTS Reading စာမေးပွဲမေးခွန်းပုံစံ (1-7) တွေကို ရှင်းပြခဲ့ပါတယ်။ ဒီနေ့မှာတော့ ကျန်ရှိနေသေးတဲ့ မေးခွန်းပုံစံ (၅) မျိုးကို ကြည့်ရအောင်နော်။

🔺(8) Sentence Completion
ငယ်ငယ်တည်းက ကျောင်းသားအများစုနဲ့ ရင်းနှီးပြီးသားဖြစ်တဲ့ ကွက်လပ်ဖြည့်မေးခွန်းပုံစံနဲ့ ဆင်တူပါတယ်။ မေးခွန်းစာကြောင်းက ကွက်လပ်မှာ ညွှန်းကြားချက်က ခွင့်ပြုထားတဲ့ စာလုံးအရေအတွက် အတွင်းမှာ မှန်ကန်တဲ့အဖြေကို ရေးရမှာဖြစ်ပါတယ်။ အဖြေတွေဟာ စာလုံး (သို့) နံပါတ်တွေဖြစ်နိုင်ပြီး ညွှန်းကြားချက်က ခွင့်ပြုထားတဲ့ အရေအတွက်ထက်ပိုရေးရင် အမှတ်မရပါဘူး။ Hyphenated words တွေဖြစ်တဲ့ "self-service, anti-theft" လိုမျိုး စာလုံးတွေကို စာလုံးတစ်လုံးအနေနဲ့ပဲ ရေတွက်ရမှာဖြစ်ပါတယ်။

🔺(9) Summary, note, table, flow-chart completion
အခုပြောမယ့် မေးခွန်းပုံစံအားလုံးရဲ့အဖြေတွေဟာ ညွှန်ကြားချက်ကပေးထားတဲ့ စာလုံးအရေအတွက်အတွင်းမှာပဲရှိနေဖို့ သတိပြုရပါမယ်။
- Summary မေးခွန်းအမျိုးအစားကတော့ Reading Passage ရဲ့ တစ်စိတ်တစ်ပိုင်းကို စာပိုဒ်အတိုအနေနဲ့ အနှစ်ချုပ်ပေးထားမှာဖြစ်ပြီး လိုအပ်တဲ့စာလုံးကို ဖြည့်ပေးရမှာဖြစ်ပါတယ်။
- Note Completion ကတော့ Reading Passage ကအချက်အလက်တွေကို bullet points တွေနဲ့ မှတ်စုထုတ်ပေးထားမှာဖြစ်ပြီး လိုအပ်တဲ့စာလုံးတွေကို ကွက်လပ်ဖြည့်ပေးရမှာ ဖြစ်ပါတယ်။
- Table Completion ကတော့ ဇယားပုံစံနဲ့ Reading Passage က အကြောင်းအရာတွေကို ဇယားနဲ့အမျိုးအစားခွဲပေးထားမှာဖြစ်ပြီး လိုအပ်တဲ့စာလုံးတွေကို ကွက်လပ်ဖြည့်ပေးရမှာ ဖြစ်ပါတယ်။
- Flow-chart Completion ကတော့ Reading Passage မှာပါတဲ့ ဖြစ်စဉ်တွေရဲ့အဆင့်ဆင့်ကို ဘောင်ခတ်ရေးပေးထားပြီး မြှားတွေနဲ့ တစ်ဆင့်ချင်းဖော်ပြထားပါမယ်။ ဘောင်ခတ်ထားတဲ့အဆင့်တွေထဲက ကွက်လပ်တွေမှာ လိုအပ်တဲ့စာလုံးကို ထည့်ပေးရမှာဖြစ်ပါတယ်။ တစ်ခါတစ်ရံမှာ ဖြစ်နိုင်ချေရှိတဲ့ အဖြေတွေကို ရွေးချယ်စရာလည်း သီးသန့်ပေးထားတတ်ပါတယ်။

🔺(10) Diagram Label Completion
Reading Passage နဲ့သက်ဆိုင်တဲ့ ပုံတစ်ပုံကိုပေးထားပြီး ပုံထဲမှာပါတဲ့အရာတွေကို ခေါင်းစဉ် (label) တပ်ပေးရမှာ ဖြစ်ပါတယ်။ ဒီလိုမေးခွန်းအမျိုးအစားတွေဟာ စက်တစ်ခုရဲ့အလုပ်လုပ်ပုံတွေ၊ အဆောက်အအုံတစ်ခုရဲ့အစိတ်အပိုင်းတည်နေရာတွေ အစရှိတဲ့ Reading Passage ထဲက ပုံနဲ့ဖော်ပြလို့ရတဲ့ အပိုင်းတွေကို ရွေးမေးတတ်ပါတယ်။

🔺(11) Short-answer questions
ဒီမေးခွန်းအမျိုးအစားကတော့ အခြားပုံစံတွေလို Sentence အနေနဲ့ ပေးထားမှာမဟုတ်ပဲ Question form နဲ့မေးမှာပါ။ ဒါကြောင့်ကွက်လပ်ဖြည့်ရတာမျိုး မရှိပဲ Question word ရဲ့ အဖြေကို ညွှန်ကြားချက်ကပေးထားတဲ့ စာလုံးအရေအတွက်နဲ့ကိုက်ညီအောင် ရေးပေးရမှာဖြစ်ပါတယ်။ ဒုတိယမေးခွန်းရဲ့အဖြေဟာ စာပိုဒ်ထဲမှာ ပထမမေးခွန်းရဲ့အဖြေနောက်မှ အစီအစဉ်အတိုင်း လာပါတယ်။

ဒီလောက်ဆိုရင်တော့ IELTS Reading အကြောင်း နားလည်လောက်ပြီထင်ပါတယ်။ နောက်နေ့တွေမှာလည်း Apricus Page ကနေ IELTS စာမေးပွဲအတွက် အထောက်အကူဖြစ်စေမဲ့ အကြောင်းအရာတွေကို မျှဝေပေးဦးမှာမို့ စောင့်ကြည့်ဖို့ မမေ့ပါနဲ့နော်။

IELTS Reading Question Types (Part 2)
IELTS Reading မှာ မေးလေ့ရှိတဲ့ မေးခွန်းအမျိုးအစား (၄) မျိုးကို အရင်နေ့ အပိုင်း (၁) မှာ ဖော်ပြခဲ့ပါတယ်။ ယခု အပိုင်း (၂) အနေနဲ့ ဆက်လေ့လာကြည့်ရအောင်။

🔺(5) Matching Headings
ဒီမေးခွန်းအမျိုးအစားမှာ skimming technique သုံးဖို့ အရေးကြီးပါတယ်။ Reading passage မှာပါတဲ့ စာပိုဒ်တွေကို ပေးထားတဲ့ခေါင်းစဉ်ထဲက သင့်တော်တဲ့ခေါင်းစဉ် ရွေးတပ်ပေးရမှာဖြစ်ပါတယ်။ စာပိုဒ်အရေအတွက်ထက် ခေါင်းစဉ်အရေအတွက် အမြဲပိုများပြီး ပေးထားပါလိမ့်မယ်။ ခေါင်းစဉ်တစ်ခုချင်းစီမှာပါတဲ့ keywords တွေ General Nouns တွေကို လိုင်းတားထားသင့်ပါတယ်။ သတိထားရမှာက ကိုယ်ရွေးလိုက်တဲ့ခေါင်းစဉ်သည် စာပိုဒ်ထဲမှာပါတဲ့ အကြောင်းအရာတစ်ခုတည်းကို ကိုယ်စားမပြုဘဲ တစ်ပိုဒ်လုံးကိုခြုံပြီး ကိုယ်စားပြုနိုင်မယ့်ခေါင်းစဉ်မှ အဖြေမှန်ဖြစ်ပါလိမ့်မယ်။ ရွေးပြီးသားခေါင်းစဉ်တွေကို ထပ်ဖတ်ပြီးအချိန်မဖြုန်းမိအောင် ခြစ်ပစ်ထားသင့်ပါတယ်။

🔺(6) Matching features
ပေးထားတဲ့ မေးခွန်းစာကြောင်းတွေနဲ့ ကိုက်ညီဆက်စပ်မှုရှိတဲ့ လူပုဂ္ဂိုလ်၊ အင်္ဂါရပ်၊ အသက်အပိုင်းအခြား၊ သမိုင်းခုနှစ် အစရှိတာတွေကို တွဲ‌ပေးရမှာဖြစ်ပါတယ်။ ဥပမာ - ပေးထားတဲ့ မေးခွန်းစာကြောင်းတွေက စမ်းသပ်ချက်ဆိုင်ရာ အကြောင်းအရာတွေဖြစ်ပြီး တွဲပေးရမှာကတော့ ၎င်းစမ်းသပ်ချက်တွေကို ပြုလုပ်ခဲ့တဲ့ သိပ္ပံပညာရှင်နာမည်တွေ ဖြစ်နိုင်ပါတယ်။ လွယ်ကူတဲ့နည်းလမ်းကတော့ တွဲရမည့်နာမည်တွေကို စာပိုဒ်ထဲမှာ Scanning technique နဲ့ရှာပြီး အနီးအနားက စာကြောင်းတွေကို ဖတ်ကြည့်ရင်း အဖြေရှာတွေ့နိုင်ပါတယ်။

🔺(7) Matching sentence endings
ဒီမေးခွန်းအမျိုးအစားကတော့ မေးခွန်းစာကြောင်းရဲ့ ပထမတစ်ပိုင်းကိုသာ ရေးထားမှာဖြစ်ပြီး ပေးထားတဲ့ ဒုတိယအပိုင်းတွေထဲက လိုက်ဖက်တဲ့အပိုင်းတစ်ခုရွေးပြီး စာကြောင်းအပြည့်ဖြစ်အောင် တည်ဆောက်ပေးရမှာဖြစ်ပါတယ်။ မေးခွန်းစာကြောင်းပထမပိုင်းအရေအတွက်ထက် ပေးထားတဲ့ ဒုတိယအပိုင်းတွေက အမြဲများတတ်ပါတယ်။ ပထမအပိုင်းနဲ့ ဒုတိယအပိုင်းကို တွဲပေးတဲ့အခါ English Grammar အရ ကိုက်ညီမှုရှိမရှိ၊ တွဲဖက်ရေးသားလေ့ရှိတဲ့ Cause and effect (အကျိုးနဲ့အကြောင်း)၊ Problems and solutions (ပြဿနာနဲ့ အဖြေ) တွေ ပါဝင်မှုရှိမရှိ စစ်ဆေးခြင်းအားဖြင့် အဖြေမှန်ရှာတွေ့နိုင်ပါတယ်။

နောက်နေ့တွေမှာလည်း ကျန်ရှိနေသေးတဲ့ Reading Question Types တွေကို ဆက်လက်ဖော်ပြပေးသွားပါဦးမယ်။

IELTS Reading Question Types (Part 1)
IELTS Reading မှာ စာပိုဒ်ရှည် (၃) ခုပါပြီး မေးခွန်းပေါင်း (၄၀) ကို မိနစ် (၆၀) အတွင်း ဖြေရမှာဖြစ်ပါတယ်။ မေးလေ့မေးထရှိတဲ့ မေးခွန်းပုံစံတွေကို လေ့လာကြည့်ရအောင်။

🔺(1) Multiple Choice
ဒီမေးခွန်းအမျိုးအစားမှာတော့ ပေးထားတဲ့မေးခွန်းစာကြောင်းဟာ Question အနေနဲ့လည်း လာနိုင်ပြီး Part of the sentence (စာကြောင်းတစ်ခုရဲ့ ပထမတစ်ပိုင်း) အနေနဲ့လည်း ပေးထားတတ်ပါတယ်။
ပေးထားချက် (၄) ခု (A,B,C,D) မှာဆိုရင် အဖြေ (၁) ခု
ပေးထားချက် (၅) ခု (A-E) မှာဆိုရင် အဖြေ (၂) ခုနဲ့
ပေးထားချက် (၇) ခု (A-G) မှာဆိုရင် အဖြေ (၃) ခု မေးတတ်ပါတယ်။ မေးခွန်းတွေက စာပိုဒ်ထဲက ပေးထားချက်တွေရဲ့ အစီအစဉ်အလိုက်အတိုင်းသာ မေးပါတယ်။

🔺(2) Identifying Information
ဒီမေးခွန်းမျိုးကတော့ ပေးထားချက်စာကြောင်းတွေကို 'true' , 'false' , 'not given' (အမှန်၊ အမှား၊ ပေးထားချက်မရှိ) စသည်ဖြင့် ခွဲခြားပေးခိုင်းတာဖြစ်ပါတယ်။ ကျောင်းသားအများစုမှားလေ့ရှိတာကတော့ 'false' နဲ့ 'not given' ပါ။ 'false' ဆိုတဲ့အဖြေကို ပေးထားချက်စာကြောင်းဟာ စာပိုဒ်ထဲက အကြောင်းအရာနဲ့ ဆန့်ကျင်ဘက်ဖြစ်မှသာ ရွေးရမှာဖြစ်ပြီး 'not given' အဖြေကိုတော့ ပေးထားချက်နဲ့ပတ်သက်ပြီး စာပိုဒ်ထဲမှာ ထောက်ခံ (သို့) ဆန့်ကျင်ထားတာမရှိရင် ရွေးရမှာဖြစ်ပါတယ်။ ကိုယ့်ရဲ့ ပြင်ပဗဟုသုတတွေကို လုံးဝထည့်သွင်းစဉ်းစားလို့မရဘဲ စာပိုဒ်ရဲ့ ပေးထားချက်ပေါ်မူတည်ပြီးသာ ဆုံးဖြတ်ရပါမယ်။

🔺(3) Identifying writer's views/ claims
ဒီမေးခွန်းမျိုးကတော့ စာရေးသူရဲ့အဖြေနဲ့ ပေးထားချက်စာကြောင်းတွေဟာ ကိုက်ညီမှုရှိမရှိ မေးထားတာဖြစ်ပါတယ်။ အရှေ့ကပြောခဲ့တဲ့ 'true' , 'false' , 'not given' နဲ့ ဖြေဆိုစဉ်းစားပုံတူညီပြီး ကွဲပြားတာဆိုလို့ 'true' , 'false' အစား ကိုက်ညီရင် 'Yes' , ဆန့်ကျင်ရင် 'No' ရေးပေးရမှာဖြစ်ပါတယ်။

🔺(4) Matching Information
စာဖြေသူတွေဟာ ပေးထားတဲ့မေးခွန်းစာကြောင်းထဲမှာပါတဲ့ တိကျတဲ့အချက်အလက်၊ ဥပမာ၊ အကြောင်းပြချက်၊ နှိုင်းယှဉ်ချက် အစရှိတာတွေကို စာပိုဒ်ထဲမှာ ပါဝင်မှုရှိမရှိ စစ်ဆေးရမှာဖြစ်ပြီး ကိုက်ညီတဲ့ စာပိုဒ်နဲ့ တွဲပေးရမှာဖြစ်ပါတယ်။ စာပိုဒ်တွေကို အင်္ဂလိပ်အက္ခရာ (letters) တွေ တပ်ပေးထားမှာဖြစ်ပြီး စာပိုဒ်တစ်ပိုဒ်ဟာ ပေးထားတဲ့ မေးခွန်းစာကြောင်းတစ်ခုထက်ပိုတဲ့ အဖြေလည်းဖြစ်နိုင်ပါတယ်။ ဥပမာစာကြောင်းနံပါတ် 1 နဲ့ 2 ရဲ့ အဖြေဟာ Paragraph A တစ်ခုထဲမှာပါတာမျိုးလည်းဖြစ်နိုင်ပြီး ဒီလိုအချိန်မှာ မေးခွန်းထိပ်ဆုံးမှာ စာတစ်ပိုဒ်ကို တစ်ခါထပ်ပိုပြီး အဖြေအဖြစ်သုံးနိုင်ကြောင်းကို ဖော်ပြထားပါလိမ့်မယ်။ (You can use any letter more than once).
ဒီမေးခွန်းအတွက် Scanning technique ကို သုံးဖို့အရေးကြီးပါတယ်။

တရားဝင်ထုတ်ပြန်ထားတဲ့ မေးခွန်းအမျိုးအစား (၁၁) ခု အနက် (၄) ခုကို ဖော်ပြခဲ့ပါတယ်။ နောက်အမျိုးအစားတွေကို ဆက်လက်စောင့်ကြည့်ဖတ်ရှုပါဦးနော်။

IELTS READING

🔺IELTS reading ကို မြန်မြန်နဲ့မှန်မှန် ဘယ်လို ဖြေကြမလဲ။

https://m.facebook.com/story.php?story_fbid=287402403679504&id=100072292405300&mibextid=qC1gEa

🔺Skimming Vs Scanning

https://m.facebook.com/story.php?story_fbid=287887923630952&id=100072292405300&mibextid=qC1gEa

🔺 IELTS Reading Question Types (Part 1)

https://m.facebook.com/story.php?story_fbid=289874016765676&id=100072292405300&mibextid=qC1gEa

🔺IELTS Reading Question Types (Part 2)

https://m.facebook.com/story.php?story_fbid=292133586539719&id=100072292405300&mibextid=qC1gEa

IELTS Reading Question Types (Part 3)

https://m.facebook.com/story.php?story_fbid=296141449472266&id=100072292405300&mibextid=qC1gE

📌“IELTS Reading အတွက် စာဖတ်နည်းများ
- Skimming vs Scanning”

IELTS Reading မေးခွန်းတွေမှာ သုံးရလေ့ရှိတဲ့ skimming နဲ့ scanning စာဖတ်နည်းတွေကို လေ့လာကြည့်ရအောင်။

🔴Skimming is reading quickly to find the general overview of the passage.
Skimming ဆိုတာ စာပ်ုဒ်တစ်ခုလုံးရဲ့ ယေဘုယျခြုံငုံသုံးသပ်ချက်၊ အဓိကဆိုလိုရင်းကို သိအောင် အမြန်ဖတ်နည်းဖြစ်ပါတယ်။

🔺Skimming လုပ်တဲ့အခါမှာ အဓိကထားပြီး ဖတ်ရမယ့်နေရာတွေကတော့ စာပိုဒ်ရဲ့ခေါင်းစဉ်၊ ပထမဆုံးနဲ့ နောက်ဆုံးစာကြောင်းတွေ ဖြစ်ပါတယ်။ စာရေးသူရဲ့ အဓိကဆိုလိုရင်းက ခုဖော်ပြခဲ့တဲ့နေရာတွေမှာရှိတာကြောင့် skimming technique ကို "Identifying a writer's views or claims" နဲ့ "Matching heading" မေးခွန်းအမျိုးအစားတွေမှာ သုံးကြပါတယ်။
🔺Skimming လုပ်ဖို့လေ့ကျင့်တဲ့အခါ Reading passage တစ်ပုဒ်လုံးကို (၂) မိနစ်ထက်မကြာစေဘဲ ဖတ်သင့်ပါတယ်။ အရေးကြီးတဲ့အဓိပ္ပာယ်ပေးနိုင်တဲ့ Nouns, Verbs တွေကို အဓိကအာရုံစိုက်သင့်ပြီး articles (a, an, the) နဲ့ prepositions (in, of) အစရှိတာတွေကို ကျော်ဖတ်ရပါမယ်။

Vs

🔴Scanning is reading quickly to find specific details within the passage.
Scanning ဆိုတာ စာပိုဒ်တစ်ခုမှာ ပါဝင်တဲ့ တိကျတဲ့ အသေးစိတ်အချက်အလက်တွေကို ရှာတွေ့အောင် အမြန်ဖတ်နည်းဖြစ်ပါတယ်။
🔺Scanning လုပ်တဲ့အခါမှာ မေးခွန်းထဲမှာပါတဲ့ key words (အဓိကစာလုံး) တွေဟာ အရေးကြီးပါတယ်။ Scanning လုပ်ဖို့အတွက် ရွေးချယ်သင့်တဲ့ စာလုံးတွေက နာမည်တွေ၊ နေ့စွဲတွေ၊ နံပါတ်တွေနဲ့ အချိန်တွေဖြစ်ပါတယ်။
🔺Scanning လုပ်လို့ရတဲ့ question type တစ်ခုကို ဥပမာပေးရမယ်ဆိုရင်တော့ "True, False, Not Given" ဖြစ်ပါတယ်။
Eg: The Semi-arid land of the Sahel is found only in Mali.
ဒီမေးခွန်းစာကြောင်းမှာဆိုရင် "Sahel" နဲ့ "Mali" တို့က ပြောင်းလဲရေးလို့မရတဲ့ နာမည်တွေဖြစ်ပြီး Capital letter (စာလုံးအကြီး) နဲ့ စရေးထားတာကြောင့် Scan လုပ်ဖို့ ရွေးချယ်သင့်တဲ့ key words ဖြစ်ပါတယ်။
စာပိုဒ်ထဲမှာ အခြားဘယ်စာလုံးကိုမှ မဖတ်ဘဲ "Sahel" နဲ့ "Mali" ကိုသာ အမြန်ရှာဖတ်ခြင်း (scanning) ဟာ ပေးထားတဲ့မေးခွန်းရဲ့ မှန်၊မမှန်ကို အချိန်တိုအတွင်း သိစေပါတယ်။

အခုပြောသွားတဲ့ Skimming နဲ့ Scanning techniques တွေကို သက်ဆိုင်ရာ မေးခွန်းအလိုက် ယှဉ်တွဲလေ့ကျင့်မယ်ဆိုရင် IELTS Reading ဟာ အလွယ်လေးဖြစ်သွားမှာ အမှန်ပါပဲရှင်။