Inno Vertex Research & Solution

“လုပ်ငန်းအတွေ့အကြုံ (Experience) ဆိုတာ သင့်ရဲ့ အကြီးမားဆုံး 'အားသာချက်' ဖြစ်နိုင်သလို... တစ်ခါတစ်လေမှာ 'ထောင်ချောက်' လည်း ဖြစ်သွားနိုင်ပါတယ်။"

စီးပွားရေးလောကမှာ နှစ်ပေါင်းများစွာ ဖြတ်သန်းလာတဲ့ လုပ်ငန်းရှင်ကြီးတွေရဲ့ "Gut Feeling" (ပင်ကိုအသိစိတ်) ဆိုတာ တန်ဖိုးဖြတ်လို့မရပါဘူး။ အစ်ကိုတို့၊ အမတို့ ဒီနေရာကို ရောက်လာတာ ကံကောင်းလို့ မဟုတ်ပါဘူး။ ဆုံးဖြတ်ချက်တွေကို ရဲရဲဝံ့ဝံ့ ချမှတ်နိုင်ခဲ့လို့ပါ။
ဒါပေမဲ့... သတိထားရမယ့် အချက်တစ်ချက် ရှိပါတယ်။
လွန်ခဲ့တဲ့ (၅) နှစ်က အလုပ်ဖြစ်ခဲ့တဲ့ နည်းလမ်းတွေဟာ၊ ဒီနေ့ခေတ်မှာ အလုပ်ဖြစ်ဦးမယ်လို့ ဘယ်သူမှ အာမခံလို့ မရတော့ပါဘူး။ ဈေးကွက်၊ နည်းပညာနဲ့ လူတွေရဲ့ အပြုအမူတွေက အရမ်းပြောင်းလဲမြန်လွန်းပါတယ်။
ကျွန်တော်တို့ Inno Vertex နဲ့ လာရောက်ဆွေးနွေးကြတဲ့ လုပ်ငန်းရှင်အများစုမှာ ဒီလို အလွဲလေးတွေ တွေ့ရတတ်ပါတယ် -

❌ "ငါတို့တုန်းက ကြော်ငြာမထည့်လည်း ရောင်းရတာပဲ"
(လက်တွေ့မှာ Competitors တွေက Digital Data တွေနဲ့ Customer မျက်စိရှေ့အရောက် စည်းရုံးနေကြပါပြီ)

❌ "ဝန်ထမ်းဆိုတာ ဒီလိုအုပ်ချုပ်မှ ငြိမ်တာ"
(လက်တွေ့မှာ Gen Z Talent တွေက အမိန့်ထက် Culture နဲ့ Value ကို ပိုတန်ဖိုးထားလာကြပါပြီ)
❌ "ငါ့အထင်တော့ ဒီပစ္စည်းလေး လူကြိုက်များလောက်တယ်"
(လက်တွေ့မှာ Data အရ Customer တွေ လိုချင်နေတာက တခြားပုံစံ ဖြစ်နေတတ်ပါတယ်)

"Intuition is good, but Data represents Reality."

Inno Vertex မှာ ကျွန်တော်တို့ ယုံကြည်တာက -
လုပ်ငန်းရှင်တစ်ယောက်ရဲ့ "အတွေ့အကြုံ (Experience)" ကို ခိုင်မာတိကျတဲ့ "သုတေသန (Research)" နဲ့ ပေါင်းစပ်လိုက်တဲ့အခါ မရေရာမှု (Uncertainty) တွေ ပျောက်ပြီး၊ အမှန်ကန်ဆုံး ဆုံးဖြတ်ချက် (Clarity) ကို ရရှိလာမှာ ဖြစ်ပါတယ်။
သင့်ရဲ့ "ထင်မြင်ချက်" တွေကို "Data" နဲ့ အတည်ပြုဖို့ လိုအပ်နေပြီလား?

Dr. Arkar Htet
Inno Vertex Research & Solutions

သင့်လုပ်ငန်းရဲ့ အခက်အခဲတွေကို တစ်နေရာတည်းမှာ ဖြေရှင်းပေးမယ့် Exclusive Partner - EXECUTIVE CIRCLE

လုပ်ငန်းတစ်ခုကို ဦးစီး run နေရတဲ့ Business Owner တွေ၊ CEO တွေနဲ့ Director တွေအနေနဲ့ နေ့စဉ် ကြုံတွေ့နေရတဲ့ စိန်ခေါ်မှုတွေက မနည်းပါဘူး။

"အတိုင်ပင်ခံ (Consultant) ငှားမလား?" စဉ်းစားပြန်ရင်လည်း ငွေကြေးကုန်ကျစရိတ် မြင့်မားခြင်း၊

HR, Marketing, Finance စသဖြင့် ကဏ္ဍတစ်ခုချင်းစီအတွက် သီးခြားငှားရမ်းရခြင်း၊

ဌာနအချင်းချင်း ချိတ်ဆက်မှုအားနည်းခြင်း စတဲ့ အခက်အခဲတွေ ရှိနေပါသလား?

ဒါတွေအားလုံးကို တစ်ခါတည်း အဖြေရှာပေးမယ့် Executive Circle (EC) ရှိနေပါပြီ။

💎 Executive Circle (EC) ဆိုတာ ဘာလဲ?

EC ဆိုတာ Inno Vertex Research & Solution မှ ဦးစီးပြီး လုပ်ငန်းရှင်များနှင့် အကြီးတန်းအမှုဆောင်များ (C-Suite Level) ပါဝင်ဖွဲ့စည်းထားတဲ့ အထူးအစီအစဉ်တစ်ခုဖြစ်ပါတယ်။ သင့်လုပ်ငန်းရဲ့ ပြဿနာတွေ၊ ပြုပြင်ပြောင်းလဲမှုတွေနဲ့ ဖွံ့ဖြိုးတိုးတက်ရေးအတွက် စာတွေ့လက်တွေ့ကျွမ်းကျင်သူ ပညာရှင်များက လက်တွေ့ကျကျ ဖြေရှင်း အကောင်အထည်ဖော်ပေးမယ့် နေရာတစ်ခုဖြစ်ပါတယ် ။

🌟 ဘာကြောင့် Executive Circle ကို ရွေးချယ်သင့်တာလဲ?

✅ Ph.D. Level ပညာရှင်များ ကိုယ်တိုင်ဦးစီးခြင်း စာတွေ့လက်တွေ့ ကျွမ်းကျင်ရုံသာမက ကိုယ်ပိုင်လုပ်ငန်းများပါ ပိုင်ဆိုင်ထားသော Ph.D. Level ပညာရှင်များ၊ သက်ဆိုင်ရာနယ်ပယ်အလိုက် Expert Level ရောက်နေသူများက သင့်လုပ်ငန်းအတွက် အနီးကပ် အကြံပေးဆွေးနွေးပေးမှာ ဖြစ်ပါတယ် ။

✅ One-Stop Solution & Cost Effective အကြံပေးတစ်ယောက် ငှားရမ်းခနှင့် ညီမျှသော ကုန်ကျစရိတ်ဖြင့် သင့်လုပ်ငန်းခွင် အခက်အခဲအားလုံးကို တစ်နေရာတည်းတွင် ဖြေရှင်းနိုင်မှာဖြစ်သလို၊ ဝန်ထမ်းများအတွက် သီးသန့် သင်တန်းစရိတ်များလည်း ကုန်ကျတော့မှာ မဟုတ်ပါ ။

✅ Exclusive Meeting & Networking ရက်သတ္တပတ် (၂) ပတ်လျှင် တစ်ကြိမ် 5-Star Hotel ကြီးများတွင် ပြုလုပ်မည့် Executive Cycle Meeting သို့ တက်ရောက်ရင်း၊ အစားအသောက်သုံးဆောင်ကာ One on One သီးသန့် ဆွေးနွေးတိုင်ပင်ခွင့် ရရှိပါမည် ။

✅ Dynamic Growth Tools ခေတ်နှင့်အညီ ပြောင်းလဲနေသော Dynamic Information များ၊ သီအိုရီများ၊ Tools & Techniques များကို မျှဝေပေးမည့်အပြင် သင့်လုပ်ငန်းနှင့် ကိုက်ညီသော System, Procedures, Process နှင့် Policy များကိုပါ ချမှတ်နိုင်မှာ ဖြစ်ပါတယ် ။

🎯 ဘယ်သူတွေ တက်ရောက်သင့်လဲ?

လုပ်ငန်းကို စနစ်တကျ တည်ထောင်ပြီး စီးပွားရေးလုပ်လိုသူများ

BOD အဆင့်ရှိသူများ

C-Suite Level အမှုဆောင်အရာရှိများ

Global Standard Quality နဲ့ Local Accessibility ကို ပေါင်းစပ်ထားတဲ့ Inno Vertex ရဲ့ ဝန်ဆောင်မှုနဲ့အတူ သင့်လုပ်ငန်းကို အမြင့်ဆုံး (Vertex) သို့ အရောက်လှမ်းလိုက်ပါ။

ဘယ်တော့စမလည်း?

February, 2026 စတင်မှာဖြစ်ပါတယ်။

ကန့်သတ် လူဦးရေ

၁၅ ယောက် သီးသန့်

စိတ်ဝင်စားပါက ယခုပဲ ဆက်သွယ်စုံစမ်းနိုင်ပါပြီ

- 🏢 Inno Vertex Research & Solutions

📍 No. 505, Gandawin (2) Street, Industrial Zone (5), Hlaing Tharyar Township, Yangon.

☎️ +9595059648, +9595413753, +9595086672

📧 [email protected], [email protected]

Inno Vertex Research and Solutions Company

Inno Vertex Research and Solutions Co., Ltd. is a Myanmar-based research and data solutions firm specializing in empowering organizations to make confident, evidence-based decisions. The company operates in Myanmar and Southeast Asia, focusing on delivering affordable, credible, and context-specific research, consulting, and training services for emerging markets.
Inno Vertex was established to bridge the gap between expensive global consulting standards and less rigorous local providers by combining international methodologies with deep local market expertise. The company's name signifies its commitment to delivering Innovative (Inno) and Top-Quality (Vertex, meaning the highest point) solutions that help clients reach their peak potential through clarity and data.
The firm offers integrated, end-to-end solutions through its three core divisions:
1. Vertex Research: Delivers rigorous, context-specific research, including market studies, feasibility analysis, and monitoring & evaluation (M&E).
2. Vertex Advisory: Transforms research findings into practical, locally relevant strategies, covering areas like business expansion planning, risk assessment, and organizational diagnostics.
3. Vertex Academy: Focuses on capacity building through training programs, research methods workshops, and leadership development to ensure clients can sustain their success.
Inno Vertex serves a diverse clientele, including SMEs, NGOs, Corporates, Educational Institutions, and Entrepreneurs. It is led by a PhD-led team with expertise in management, engineering, economics, and data science, ensuring academic credibility and practical solutions.

Inno Vertex Research and Solutions Co., Ltd. သည် မြန်မာနိုင်ငံအခြေစိုက် သုတေသနနှင့် ဒေတာဆိုင်ရာ ဖြေရှင်းချက်ကုမ္ပဏီတစ်ခုဖြစ်ပြီး အဖွဲ့အစည်းများအား ယုံကြည်စိတ်ချရသော၊ အထောက်အထားအခြေပြု ဆုံးဖြတ်ချက်များချနိုင်ရန် အဓိကထား ကူညီပေးလျက်ရှိပါသည်။ ကုမ္ပဏီသည် မြန်မာနှင့် အရှေ့တောင်အာရှရှိ ဖွံ့ဖြိုးတိုးတက်ဆဲဈေးကွက်များအတွက် စျေးနှုန်း သင့်တင့်၊ ယုံကြည်စိတ်ချရပြီး ဒေသလိုအပ်ချက်နှင့် ကိုက်ညီသော သုတေသန၊ အကြံပေးနှင့် သင်တန်းဝန်ဆောင်မှုများကို ပေးအပ်ရာတွင် အထူးပြုပါသည်။
Inno Vertex ကို နိုင်ငံတကာ အကြံပေးစံနှုန်းများ (Global Consulting Standards) နှင့် ဒေသတွင်း ဈေးကွက်ကျွမ်းကျင်မှု (Local Market Expertise) တို့ကို ပေါင်းစပ်ခြင်းဖြင့် ဈေးကြီးလွန်းသော နိုင်ငံတကာ အကြံပေးလုပ်ငန်းများနှင့် အရည်အသွေးအားနည်းသော ပြည်တွင်းဝန်ဆောင်မှုများ အကြား ကွာဟချက်ကို ပေါင်းကူးရန် တည်ထောင်ခဲ့ခြင်းဖြစ်ပါသည်။ ကုမ္ပဏီ၏ အမည်နာမ သည် ဆန်းသစ်သော (Inno) နှင့် အမြင့်ဆုံးသော အရည်အသွေး (Vertex) တို့ကို ပေါင်းစပ်၍၊ သုံးစွဲသူ များအား ရှင်းလင်းပြတ်သားမှုနှင့် အထောက်အထားအခြေပြု ဆုံးဖြတ်ချက်များဖြင့် ၎င်းတို့၏ အောင်မြင်မှု အမြင့်ဆုံးအမှတ်သို့ ရောက်ရှိစေရန် ကတိပြုခြင်းဖြစ်သည်။
ကုမ္ပဏီသည် အောက်ပါ လုပ်ငန်းဌာနကြီး သုံးခုမှတစ်ဆင့် ဘက်စုံပြီးပြည့်စုံသော ဝန်ဆောင်မှုများကို ပေးအပ်နေပါသည်။
1. Vertex Research: ဈေးကွက်နှင့် ကဏ္ဍဆိုင်ရာ လေ့လာဆန်းစစ်ချက်များ၊ ဖြစ်နိုင်ခြေ ဆန်းစစ်ချက်များနှင့် စောင့်ကြည့်လေ့လာ အကဲဖြတ်ခြင်း (M&E) အပါအဝင် တိကျပြီး ဒေသဆိုင်ရာ သုတေသနများကို ဆောင်ရွက်ပေးပါသည်။
2. Vertex Advisory: သုတေသနရလဒ်များကို လက်တွေ့ကျသော မဟာဗျူဟာများအဖြစ်သို့ ပြောင်းလဲပေးပြီး လုပ်ငန်းချဲ့ထွင်ရေး အစီအစဉ်များ၊ စွန့်စားရမှု အကဲဖြတ်ခြင်းနှင့် အဖွဲ့အစည်း ဆိုင်ရာ ဆန်းစစ်ခြင်းတို့ကို အဓိကထား၍ အကြံပေးပါသည်။
3. Vertex Academy: ခေါင်းဆောင်မှု၊ စီမံခန့်ခွဲမှုနှင့် သုတေသနနည်းလမ်းများဆိုင်ရာ သင်တန်းများ၊ အလုပ်ရုံဆွေးနွေးပွဲများမှတစ်ဆင့် စွမ်းဆောင်ရည် တည်ဆောက်မှုကို အဓိကထား၍ သုံးစွဲသူများ ရေရှည်အောင်မြင်မှု ရရှိစေရန် ကူညီပေးပါသည်။
Inno Vertex သည် လုပ်ငန်းငယ်နှင့် အလတ်စားများ (SMEs)၊ NGO များ၊ ကော်ပိုရိတ်များ၊ ပညာရေးအဖွဲ့အစည်းများနှင့် စွန့်ဦးတီထွင်လုပ်ငန်းရှင်များ အပါအဝင် ဖောက်သည်အမျိုးအစားစုံကို ဝန်ဆောင်မှုပေးနေပြီး၊ စီမံခန့်ခွဲမှု၊ အင်ဂျင်နီယာဘာသာ၊ စီးပွားရေးပညာနှင့် ဒေတာသိပ္ပံဘာသာ ရပ်များမှ ပါရဂူဘွဲ့ရများ ဦးဆောင်သည့် အဖွဲ့ဖြင့် လုပ်ကိုင်ပြီး ပညာရပ်ဆိုင်ရာ ယုံကြည်ကိုးစားရမှုနှင့် လက်တွေ့ကျသော ဖြေရှင်းချက်များကို အာမခံပါသည်။

Send a message to learn more

"ရောင်းမနေပါနဲ့၊ သူဝယ်အောင် လုပ်ပါ" Sandler Selling System

Salesperson တွေရဲ့ အကြီးမားဆုံး အမှားတစ်ခုကို ပြောပါဆိုရင်၊ အဲဒါကတော့ "အရမ်း ရောင်းချင်လွန်းနေတာ" (Over-eagerness to sell) ပါပဲ၊Customer နဲ့ တွေ့တာနဲ့ ကိုယ့် Product ဘယ်လောက်ကောင်းကြောင်း၊ Feature တွေ ဘယ်လောက်စုံကြောင်း၊ ကိုယ့် Company က ဘယ်လောက် တော်ကြောင်း (Presentation/Pitching) တွေ တရစပ် ပြောကြတယ်။ Customer က မေးခွန်းတစ်ခု မေးတာနဲ့ အဖြေကို အရှည်ကြီး ရှင်းပြတယ်၊ ပြီးတော့ Proposal အချိန်ကုန်ခံပြီး ရေးတင်တယ်။ နောက်ဆုံးတော့ Customer ဆီက ဘာစကား ကြားရလဲဆိုရင်တော့"အရမ်းကောင်း ပါတယ်၊ ကျွန်တော်တို့ အစည်းအဝေး ပြန်ထိုင်ပြီး စဉ်းစားလိုက်ဦးမယ်ဆိုတာပါဘဲ။"

ဒီစကား ကြားလိုက်ရပြီဆိုရင်၊ Salesperson တော်တော်များများဟာ "မျှော်လင့်ချက်" နဲ့ စောင့်ဆိုင်း ရပါတော့တယ်။ ဒါဟာ "Free Consulting" (အခမဲ့ အကြံပေးခြင်း) လုပ်ပေးလိုက်ရပြီး Deal က ပျောက်သွားတဲ့ သမားရိုးကျ အရောင်းပုံစံ (Traditional Selling) ပါပဲ။ ဒီနေရာမှာ Salesperson က "အပူကပ်သူ" (Needy Vendor) ဖြစ်နေပြီး၊ Customer က "အပေါ်စီး" (Power Position) က ရောက်နေတယ်။ ဒီပြဿနာကို အမြစ်ကနေ ဖြေရှင်းဖို့ David Sandler တီထွင်ခဲ့တဲ့ နည်းစနစ်တစ်ခု ရှိပါတယ်။ အဲဒါကတော့ Sandler Selling System ပါပဲ။

Sandler System ရဲ့ အဓိက ဒဿနကတော့ "ရောင်းဖို့ မကြိုးစားပါနဲ့၊ Customer က ကိုယ့်ဆီက ဘာလို့ ဝယ်သင့်လဲ ဆိုတာကို သူ့ကိုယ်သူ ရှင်းပြခိုင်းပါ" (Stop selling, make them justify why they should buy from you) ဆိုတာပါပဲ။ ဒါဟာ သမားရိုးကျ Sales ကို လုံးဝ ပြောင်းပြန်လှန်လိုက်တာပါ။ Salesperson ကို "ဆရာဝန်" (Doctor) တစ်ယောက်ရဲ့ နေရာမှာ ထားပါတယ်။

လူနာ (Customer) က ဆရာဝန်ဆီ လာတယ်၊ ဆရာဝန် (Salesperson) က "ဘာဖြစ်လာတာလဲ?" ဆိုပြီး ရောဂါလက္ခဏာ (Pain) ကို မေးတယ်။ လူနာက "ခေါင်းကိုက်တယ်" လို့ ပြောရုံနဲ့ ဆရာဝန်က ဆေးမ ပေးသေးဘူး၊ "ဘယ်လို ကိုက်တာလဲ"၊ "ဘယ်အချိန်ကတည်းကလဲ"၊ "ဘာလုပ်လိုက်ရင် ပိုဆိုးလဲ" ဆိုပြီး "Pain Funnel" (နာကျင်မှုကို နက်ရှိုင်းစွာ တူးဆွခြင်း) ကို သုံးတယ်။ ရောဂါ (Problem) ကို သေချာ သိပြီဆိုမှ "ဆေးကုသမှု ခံယူဖို့ ဆန္ဒရှိလား"၊ "ဆေးဖိုး (Budget) တတ်နိုင်ရဲ့လား" ဆိုတာကို မေးတယ်၊အားလုံး ကိုက်ညီမှ "ဆေး" (Solution) ကို ပေးပါတယ်။

Sandler System မှာ Salesperson ဟာ "အတိုင်ပင်ခံ" (Consultant) ဖြစ်ပြီး၊ Customer နဲ့ တန်းတူ ရပ်တည်ရပါတယ်၊ ဒီလိုရပ်တည်နိုင်ဖို့ အဓိက လက်နက် ၃ ခုကို ကြည့်ရအောင်။

1. Up-Front Contract (UFC) - ကြိုတင် သဘောတူညီချက်

ဒါက Sandler ရဲ့ အထိရောက်ဆုံး နည်းစနစ်ပါ၊ "စဉ်းစားဦးမယ်" ဆိုတဲ့ စကားလုံးကို ပျောက်သွားစေတဲ့ နည်းလမ်းပါ၊ ဘယ်လို အစည်းအဝေး၊ ဘယ်လို ဖုန်း Call မဆို မစတင်ခင်မှာ ဒီ Meeting ရဲ့ ရည်ရွယ် ချက်၊ အချိန်၊ မျှော်မှန်းရလဒ် ကို နှစ်ဦးနှစ်ဖက် ကြိုတင် သဘောတူထားတာပါ။

ဥပမာ: "မင်္ဂလာပါ အစ်ကို။ ဒီနေ့ ကျွန်တော်တို့ မိနစ် ၃၀ လောက် စကားပြောကြမယ်၊ ကျွန်တော်က အစ်ကိုတို့ရဲ့ လက်ရှိ ကြုံနေရတဲ့ ပြဿနာကို နားထောင်မယ်၊ ကျွန်တော်တို့ Solution က အဲဒါကို ဖြေရှင်းနိုင်မလား ကြည့်မယ်၊ အကယ်၍ အစည်းအဝေးအပြီးမှာ ဒါက အစ်ကိုတို့အတွက် အဆင်မ ပြေဘူး၊ မကိုက်ညီဘူးလို့ ထင်ရင် 'No' လို့ ပွင့်လင်းစွာ ပြောပေးပါ၊ ကျွန်တော် လုံးဝ စိတ်မဆိုးပါဘူး။

တစ်ကယ်လို့ ဒါက အစ်ကိုတို့ ရှာနေတဲ့ အဖြေ ဖြစ်တယ်၊ ရှေ့ဆက်ဖို့လည်း စိတ်ဝင်စားတယ် ဆိုရင် တော့၊ ကျွန်တော်တို့ နောက်တစ်ဆင့် ဘာဆက်လုပ်ကြမလဲ (ဥပမာ - Management Team နဲ့ Demo ထပ်ပြမလား၊ ဒါမှမဟုတ် Proposal တင်ရမလား) ဆိုတာကို သဘောတူကြရအောင်။ ဒီလိုဆို အဆင် ပြေမလား ခင်ဗျာ" ဒီလို UFC ကြိုတင် ချုပ်ထားခြင်းအားဖြင့်၊ Salesperson က အချိန်ကုန်ခံပြီး Presentation ပြအပြီးမှာ "စဉ်းစားဦးမယ်" ဆိုတဲ့ မရေရာတဲ့ အဖြေနဲ့ ကျန်ခဲ့မှာ မဟုတ်တော့ပါဘူး။ "Yes" သို့မဟုတ် "No" ဆိုတဲ့ ရှင်းလင်းတဲ့ အဖြေတစ်ခု ရကိုရပါမယ်။

2. Pain Funnel - နာကျင်မှု (Pain) ကို ရှာဖွေခြင်း

Sandler က "No Pain, No Sale" (နာကျင်မှု မရှိရင်၊ အရောင်း မဖြစ်) လို့ ဆိုထားပါတယ်၊ Customer တွေဟာ "ရှိရင် ကောင်းတာပေါ့" (Nice-to-have) ဆိုတဲ့ အရာတွေအတွက် ပိုက်ဆံမသုံးပါဘူး၊ သူတို့ရဲ့ "မရှိမဖြစ်" (Must-have) လိုအပ်နေတဲ့ "Pain" အတွက်ပဲ ပိုက်ဆံသုံးကြတာများပါတယ်။

Salesperson ရဲ့ အလုပ်ဟာ Feature တွေ ရှင်းပြဖို့ မဟုတ်ဘူး၊ Pain ကို တူးဆွဖို့ပါ။ Customerအနေနဲ့ "ကျွန်တော်တို့ရဲ့ Report တွေက ထွက်တာ ကြာနေတယ်။" (ဒါက Surface Problem) ဖြစ်နေပြီး၊
Sandler Salesperson အနေနဲ့ "ဟုတ်ကဲ့၊ 'ကြာတယ်' ဆိုတာ ဘယ်လောက်ကြာတာကို ဆိုလိုတာပါလဲ၊"

"တစ်ပတ်လောက် စောင့်ရတယ်ဆိုပါဆို့"

Sandler Salesperson အနေဖြင့်"အဲဒီ Report က တစ်ပတ်ကြာတော့ အစ်ကို့ရဲ့ လုပ်ငန်းမှာ ဘာတွေ ဆက်ဖြစ်လဲဆိုတာ" (Business Pain ကို ရှာ ရမယ်) "Management ကို အချိန်မီ မတင်နိုင်ဘူး၊ သူတို့ ဆုံးဖြတ်ချက်တွေ နောက်ကျကုန်တယ်"
"အဲဒီလို ဆုံးဖြတ်ချက်တွေ နောက်ကျတော့ အစ်ကို့အပေါ်မှာရော ဘယ်လို သက်ရောက်မှု ရှိလာလဲ" (Personal Pain ကို ထပ်ရှာ) "အစည်းအဝေးတိုင်း ကျွန်တော် အဆူခံနေရတာပေါ့ဗျာ၊ ဒီကိစ္စကြောင့် ကျွန်တော် ညဘက်တောင် ကောင်းကောင်း အိပ်မပျော်ဘူး" ဒီ "ညဘက် အိပ်မပျော်တဲ့" Pain ကို ရှာတွေ့ပြီဆိုမှ ကိုယ့် Solution က အဲဒါကို ဘယ်လို ဖြေရှင်းပေးနိုင်မလဲ ဆိုတာကို တင်ပြရမှာပါ။

3. Reversing - မေးခွန်းကို မေးခွန်းဖြင့် ပြန်ဖြေခြင်း

သမားရိုးကျ Salesperson တွေဟာ Customer က မေးသမျှကို ဖြေဖို့ အမြဲ ကြိုးစားတယ်၊ ဒါကြောင့် သူတို့ဟာ "စစ်ဆေးခံရတဲ့" (Interviewed) အခြေအနေကို ရောက်သွားပြီး Meeting ကို ထိန်းချုပ် နိုင်စွမ်း (Control) ပျောက်သွားတယ်၊ Sandler က Customer ရဲ့ မေးခွန်းနောက်က "ရည်ရွယ်ချက် အမှန်" (True Intent) ကို သိဖို့ "Reversing" သုံးခိုင်းပါတယ်။

Customer "ခင်ဗျားတို့ရဲ့ စျေးနှုန်းက ဘယ်လောက်လဲ"

Traditional Salesperson "ကျွန်တော်တို့ စျေးက Package A က ... Package B က ..." (Control ပျောက်သွားပြီ)

Sandler Salesperson "ဒါက အရေးကြီးတဲ့ မေးခွန်းတစ်ခုပါ၊ အစ်ကိုက စျေးနှုန်းကို မေးတယ်ဆိုတော့၊ ဒီ Solution အတွက် Budget ကို စဉ်းစားထားပြီးပြီလို့ ကျွန်တော် ယူဆလို့ ရမလား ခင်ဗျာ" (Control ပြန်ယူလိုက်သည်)

Customer "ခင်ဗျားတို့ Service က X ကုမ္ပဏီထက် ပိုကောင်းတာ သေချာလား"

Sandler Salesperson "မေးခွန်းကောင်းတစ်ခုပါ၊ 'ပိုကောင်းတယ်' ဆိုတာကို အစ်ကို့အနေနဲ့ ဘယ်လို သတ်မှတ်ထားပါသလဲ (ဥပမာ - Service Speed လား၊ Cost လား)" (Customer ရဲ့ စံနှုန်းကို ပြန်မေးတာပါ)

Sandler Selling System ဆိုတာ "လှည့်စားရောင်းချခြင်း" (Manipulation) မဟုတ်ပါဘူး၊ ဒါဟာ Salesperson ကို "အပူကပ်သူ" အဖြစ်ကနေ "တန်ဖိုးရှိတဲ့ အတိုင်ပင်ခံ" (Valued Consultant) အဖြစ် ပြောင်းလဲပေးတဲ့ "စိတ်ပညာ အခြေခံ" (Psychology-based) လုပ်ငန်းစဉ် (Process) တစ်ခု ဖြစ်ပါ တယ်။

Salesperson တွေအနေနဲ့ ကိုယ့် Product ကို "ရောင်း" ဖို့ ကြိုးစားနေတာထက်၊ Customer ရဲ့ "Pain" ကို "ကုသ" ဖို့ ကြိုးစားသင့်ပါတယ်၊ Deal ကို "ပိတ်" (Close) ဖို့ အတင်းအကျပ် လုပ်နေတာထက်၊ ဒီ Deal က ကိုယ့်အချိန်နဲ့ ထိုက်တန်ရဲ့လား ဆိုတာကို "စစ်ဆေး" (Qualify) လုပ်နေရပါမယ်။

"မဝယ်မယ့်သူ" (Unqualified Lead) တွေနောက်ကို အချိန်ကုန်ခံပြီး လိုက်နေမယ့်အစား၊ "တကယ် ဝယ်မယ့်သူ" (Qualified Buyer) နဲ့ ရိုးသားပွင့်လင်းစွာ ဆွေးနွေးနိုင်ဖို့ Sandler System က လမ်းညွှန် ပေးပါလိမ့်မယ်။ အရောင်းပညာဆိုတာ အောက်ကျို့ တောင်းပန်ခြင်း မဟုတ်၊ ပြဿနာကို တိတိကျကျ ဖြေရှင်းပေးခြင်းသာ ဖြစ်ပါတယ်။

We Don't Motivate. We Engineer Your Growth.

Inno Vertex Executive Circle

စျေးကွက်ပတ်ဝန်းကျင် (Marketing Environment)

စီးပွားရေးလုပ်ငန်းတစ်ခုရဲ့ အောင်မြင်မှု သို့မဟုတ် ကျရှုံးမှုဟာသူရဲ့ ထုတ်ကုန် သို့မဟုတ် ဝန်ဆောင်မှု အရည်အသွေးပေါ်တွင်သာ မူတည်နေတာမျိုးမဟုတ်ဘဲ လုပ်ငန်းတည်ရှိနေတဲ့ ပတ်ဝန်းကျင်ရှိ အင်အားစုတွေ (Forces) နှင့် မည်သို့ အပြန်အလှန် တုံ့ပြန်ဆောင်ရွက်နေသလည်း ဆိုတဲ့ အချက်ပေါ်မှာ ကြီးစွာ မူတည်နေပါတယ်၊ ဒီအင်အားစုတွေရဲ့ စုစည်းမှုကို "စျေးကွက်ပတ်ဝန်းကျင် (Marketing Environment)" ဟု ခေါ်ဆိုပါတယ်။

Marketing Environment ဆိုတာဟာ လုပ်ငန်းတစ်ခုရဲ့ စျေးကွက်ရှာဖွေရေး စီမံခန့်ခွဲမှု (Marketing Management) ကသူရဲ့ ပစ်မှတ်ဖောက်သည် (Target Customers) တွေနှင့် အောင်မြင်သော ဆက်ဆံ ရေး တည်ဆောက်နိုင်မှု၊ ထိန်းသိမ်းနိုင်မှုတို့အပေါ် သက်ရောက်မှုရှိတဲ့ လုပ်ငန်း "အတွင်းပိုင်း" နှင့် "အပြင်ပိုင်း" မှ အင်အားစုတွေ၊ အခြေအနေတွေ အားလုံးကို ဆိုလိုတာဖြစ်တယ်။ဒီပတ်ဝန်းကျင်ဟာ အငြိမ် (Static) မဟုတ်ဘဲ အစဉ်အမြဲ ပြောင်းလဲနေတဲ့ (Dynamic) သဘောသဘာဝ ရှိတတ်ကြပြီး၊ အောင်မြင်တဲ့ Marketer တစ်ဦးဟာ ဒီပတ်ဝန်းကျင်ကို နားလည်ရန်၊ စောင့်ကြည့်ရန် နှင့် လိုက်လျောညီထွေ ပြောင်းလဲရန် လိုအပ်ပါတယ်။

Marketing Environment ကို အဓိကအားဖြင့် မိုက်ခရိုပတ်ဝန်းကျင် (Microenvironment)၊ မက်ခရိုပတ်ဝန်းကျင် (Macroenvironment) ဆိုပြီးအပိုင်းနှစ်ပိုင်း ခွဲခြားနိုင်တယ်၊

မိုက်ခရိုပတ်ဝန်းကျင် (The Microenvironment)

မိုက်ခရိုပတ်ဝန်းကျင် ဆိုတာ ကုမ္ပဏီနှင့် တိုက်ရိုက်နီးကပ်စွာ ဆက်စပ်နေပြီး၊ ဖောက်သည်တွေကို ဝန်ဆောင်မှုပေးနိုင်စွမ်းအပေါ် တိုက်ရိုက် သက်ရောက်မှုရှိတဲ့ အင်အားစုတွေ ဖြစ်တယ်၊ ကုမ္ပဏီအနေ နဲ့ဒီအင်အားစုတွေကို အတိုင်းအတာတစ်ခုအထိ လွှမ်းမိုးနိုင်၊ ထိန်းချုပ်နိုင်စွမ်း ရှိပါတယ်။

ကုမ္ပဏီ၊စျေးကွက်ရှာဖွေရေးဌာနတစ်ခုတည်းက ဖောက်သည်ကို ဝန်ဆောင်မှုပေးတာမျိုးမဟုတ်ပါဘူး။ အောင်မြင်တဲ့ စျေးကွက်အစီအစဉ်တွေ ဖြစ်မြောက်ဖို့ ကုမ္ပဏီတွင်းရှိ အခြားဌာနတွေ (ဥပမာ - ဘဏ္ဍာရေး၊ သုတေသနနှင့်ဖွံ့ဖြိုးတိုးတက်ရေး (R&D)၊ ထုတ်လုပ်ရေး၊ လူ့စွမ်းအားအရင်းအမြစ်) အားလုံးနှင့် အတူတကွ ပူးပေါင်းဆောင်ရွက်ရပါတယ်၊ ဌာနအားလုံးဟာ "ဖောက်သည်ကို ဗဟိုပြုခြင်း (Customer Focus)" ဟူသော တူညီတဲ့ ရည်မှန်းချက် ရှိရပါမယ်။

ကုန်ကြမ်းပေးသွင်းသူများ (Suppliers) ကုန်ကြမ်းများ၊ ဝန်ဆောင်မှုများ ပေးသွင်းသော ပုဂ္ဂိုလ်များ သို့မဟုတ် ကုမ္ပဏီများအနေနဲ့ ကုန်ကြမ်းရရှိမှု၊ အရည်အသွေး၊ ဈေးနှုန်း နှင့် ပို့ဆောင်ချိန်တို့ဟာ ကုမ္ပဏီရဲ့ နောက်ဆုံးထုတ်ကုန်အပေါ် တိုက်ရိုက် သက်ရောက်မှု ရှိပြီး Supplier များနှင့် ရေရှည် ကောင်းမွန်တဲ့ ဆက်ဆံရေး တည်ဆောက်ခြင်း (Supplier Relationship Management)ဟာ အလွန် အရေးကြီးပါတယ်။

စျေးကွက်ကြားခံများ (Marketing Intermediaries)တွေဟာ ကုမ္ပဏီရဲ့ ထုတ်ကုန်တွေကို ပစ်မှတ် ဖောက်သည်တွေထံ ရောက်ရှိအောင် ကူညီရောင်းချ၊ ဖြန့်ဖြူး၊ အရောင်းမြှင့်တင်ပေးသူများ ဖြစ်ပြီး၊ လက်လီ/လက်ကား ရောင်းချသူများ (Resellers): (ဥပမာ - City Mart, Sein Gay Har)ကုန်စည် ဖြန့်ဖြူးရေး ကုမ္ပဏီတွေ (Physical Distribution Firms): (ဥပမာ - ပို့ဆောင်ရေး၊ ဂိုဒေါင်)စျေးကွက် ဝန်ဆောင်မှု အေဂျင်စီတွေ (Marketing Services Agencies): (ဥပမာ - ကြော်ငြာအေဂျင်စီ၊ သုတေသန ကုမ္ပဏီ)၊ဘဏ္ဍာရေး ကြားခံတွေ (Financial Intermediaries): (ဥပမာ - ဘဏ်များ၊ အာမခံကုမ္ပဏီများ) ဒီကြားခံတွေနှင့် ကောင်းမွန်တဲ့ "မိတ်ဖက်ဆက်ဆံရေး (Partnership)" တည်ဆောက်နိုင်မှသာထိရောက် တဲ့ ဖြန့်ဖြူးမှု ဖြစ်မြောက်နိုင်မှာဖြစ်ပါတယ်။

(Customers) ဖောက်သည်တွေဟာ မိုက်ခရိုပတ်ဝန်းကျင်ရဲ့ အရေးကြီးဆုံး အစိတ်အပိုင်း ဖြစ်ပြီး၊ လုပ်ငန်းတွေအနေနဲ့ မတူညီတဲ့ ဖောက်သည်စျေးကွက် (Customer Markets) အမျိုးအစားတွေကို နားလည်ရန် လိုအပ်ပါတယ်။စားသုံးသူ စျေးကွက် (Consumer Markets)တစ်ဦးချင်း အိမ်သုံးအတွက် ဝယ်ယူသူများ၊ စီးပွားရေး စျေးကွက် (Business Markets): ပြန်လည်ထုတ်လုပ်ရန် သို့မဟုတ် လုပ်ငန်း သုံးအတွက် ဝယ်ယူသူများ၊ ပြန်လည်ရောင်းချသူ စျေးကွက် (Reseller Markets): အမြတ်ဖြင့် ပြန်ရောင်းရန် ဝယ်ယူသူများ၊အစိုးရ စျေးကွက် (Government Markets): ပြည်သူ့ဝန်ဆောင်မှုအတွက် ဝယ်ယူသော အစိုးရအဖွဲ့အစည်းများ၊နိုင်ငံတကာ စျေးကွက် (International Markets): နိုင်ငံရပ်ခြားမှ ဝယ်ယူသူတွေပါဝင်ပါတယ်။

လုပ်ငန်းတစ်ခုဟာ ဖောက်သည်တွေရဲ့ လိုအပ်ချက်ကို ပြိုင်ဘက်တွေထက် ပိုမိုကောင်းမွန်စွာ ဖြည့်ဆည်းပေးနိုင်မှသာ အောင်မြင်နိုင်မှာဖြစ်တာကြောင့် မိမိရဲ့ ပြိုင်ဘက်တွေဟာ ဘယ်သူတွေလည်း၊ သူတို့ရဲ့ မဟာဗျူဟာ (Strategy)၊ အားသာချက် (Strength)၊ အားနည်းချက် (Weakness) များကို အမြဲတမ်း လေ့လာသုံးသပ်နေရပါမယ်၊ ပြိုင်ဘက်တွေထက် သာလွန်တဲ့ တန်ဖိုး (Superior Value) ကို ပေးနိုင်ဖို့ အရေးကြီးဆုံး ဖြစ်တယ်။

Public ဆိုတာက ကုမ္ပဏီရဲ့ ရည်မှန်းချက်တွေ အောင်မြင်မှုအပေါ် စိတ်ဝင်စားမှု (Interest) ရှိတဲ့ သို့မဟုတ် သက်ရောက်မှု (Impact) ရှိနိုင်တဲ့ မည်သည့်အုပ်စုကိုမဆို ဆိုလိုတာဖြစ်တယ်၊Public မှာ ဘဏ်များ၊ ရင်းနှီးမြှုပ်နှံသူများ၊သတင်း၊ မီဒီယာများ၊အစိုးရ (Government Publics)ရဲ့ ဥပဒေ၊ စည်းမျဉ်းများ၊ ရပ်ရွာလူထု (Local Publics)အရ လုပ်ငန်းတည်ရှိရာ ပတ်ဝန်းကျင်ရှိ လူအဖွဲ့အစည်း၊
လုပ်ငန်းတွင်းအများပြည်သူ (Internal Publics) ဖြစ်တဲ့မိမိရဲ့ ဝန်ထမ်းတွေ၊ ဒါရိုက်တာဘုတ်အဖွဲ့ဝင် တွေပါဝင်ပါတယ်။

မက်ခရိုပတ်ဝန်းကျင် (The Macroenvironment)

မက်ခရိုပတ်ဝန်းကျင် ဆိုတာ ကုမ္ပဏီက ထိန်းချုပ်နိုင်စွမ်း မရှိတဲ့၊ သို့သော် လုပ်ငန်းရဲ့ အခွင့်အလမ်း (Opportunities) နှင့် ခြိမ်းခြောက်မှု (Threats) တွေကို ဖန်တီးပေးတဲ့ ပိုမိုကျယ်ပြန့်သည့် လူ့အဖွဲ့အစည်း ဆိုင်ရာ အင်အားစုများ ဖြစ်တယ်။ ဒါတွေကို PESTEL သို့မဟုတ် DESTEP စသည့် အတိုကောက် အမည်တွေနဲ့ ခွဲခြမ်းစိတ်ဖြာလေ့ ရှိပါတယ်။

လူဦးရေဆိုင်ရာ ပတ်ဝန်းကျင် (Demographic Environment) လူဦးရေရဲ့ အရွယ်အစား၊ သိပ်သည်းမှု၊ တည်နေရာ၊ အသက်၊ ကျား/မ၊ အလုပ်အကိုင်၊ လူမျိုး စသည်တို့ကို လေ့လာခြင်း ဖြစ်တယ်။
ဥပမာ: လူငယ်ဦးရေ များပြားလာခြင်း (Youth Bulge)၊ သက်ကြီးရွယ်အို ဦးရေ တိုးပွားလာခြင်း (Aging Population)၊ မြို့ပြသို့ ရွှေ့ပြောင်းနေထိုင်မှု (Urbanization) တွေဟာ ထုတ်ကုန်နှင့် ဝန်ဆောင်မှု ဝယ်လိုအားကို တိုက်ရိုက် ပြောင်းလဲစေတယ်။

စီးပွားရေး ပတ်ဝန်းကျင် (Economic Environment) စားသုံးသူတွေရဲ့ ဝယ်နိုင်စွမ်း (Purchasing Power) နှင့် ငွေသုံးစွဲမှုပုံစံ (Spending Patterns) အပေါ် သက်ရောက်မှုရှိတဲ့ အချက်တွေ ဖြစ်တယ်၊
ဥပမာ: နိုင်ငံရဲ့ စီးပွားရေး တိုးတက်မှု (GDP Growth)၊ ငွေကြေးဖောင်းပွမှု (Inflation)၊ အတိုးနှုန်း (Interest Rates)၊ အလုပ်လက်မဲ့နှုန်း (Unemployment)၊ လူတစ်ဦးချင်း ဝင်ငွေ (Per Capita Income)တို့ ဖြစ်ပြီး စီးပွားရေးကျဆင်းချိန်မှာ စားသုံးသူတွေဟာ ဈေးနှုန်းကို ပိုမို သတိထားလာကြလေ့ရှိတယ်။

သဘာဝပတ်ဝန်းကျင် (Natural Environment)ဟာလုပ်ငန်းတွေအတွက် လိုအပ်တဲ့ သဘာဝ အရင်းအမြစ်တွေ (Natural Resources) နှင့် စျေးကွက်ရှာဖွေရေး လုပ်ဆောင်ချက်တွေကြောင့် ဖြစ်ပေါ်လာတဲ့ သဘာဝပတ်ဝန်းကျင်ဆိုင်ရာ သက်ရောက်မှုတွေ ဖြစ်တယ်၊ဥပမာ: ကုန်ကြမ်း ရှားပါးလာခြင်း၊ ရာသီဥတု ပြောင်းလဲမှု (Climate Change)၊ ရေရှည်တည်တံ့မှု (Sustainability) နှင့် "Green Marketing" တို့ကို စားသုံးသူများ ပိုမို အာရုံစိုက်လာကြပါတယ်။

နည်းပညာ ပတ်ဝန်းကျင် (Technological Environment)အပိုင်းဟာ အလျင်မြန်ဆုံး ပြောင်းလဲနေတဲ့ အင်အားစု ဖြစ်ပြီးနည်းပညာသစ်တွေဟာ စျေးကွက်သစ်များ၊ အခွင့်အလမ်းသစ်များ ဖန်တီးပေးသလို၊ ရှိရင်းစွဲ လုပ်ငန်းတွေကိုလည်း အကြီးအကျယ် ခြိမ်းခြောက်နိုင်တဲ့အင်အားရှိပါတယ်၊ဥပမာ: အင်တာနက်၊ မိုဘိုင်းလ်ဖုန်း၊ E-commerce၊ Artificial Intelligence (AI)၊ Social Media တို့ဟာ စီးပွားရေးလုပ်ငန်းတွေရဲ့ လုပ်ကိုင်ပုံကို အမြစ်ကနေ ပြောင်းလဲစေခဲ့ပါတယ်။

နိုင်ငံရေးနှင့် ဥပဒေ ပတ်ဝန်းကျင် (Political & Legal Environment)မှာ အစိုးရရဲ့ မူဝါဒများ၊ ဥပဒေများ၊ စည်းမျဉ်းစည်းကမ်းများ နှင့် နိုင်ငံရေး တည်ငြိမ်မှုတို့ ဖြစ်ပါတယ်၊ဒီအချက်ဟာ စီးပွားရေးလုပ်ငန်းတွေ လုပ်ကိုင်ရန် "ကစားကွင်းရဲ့ စည်းကမ်းများ (Rules of the Game)" ကို သတ်မှတ်ပေးနိုင်ပါတယ်။
ဥပမာ: စီးပွားရေးဆိုင်ရာ ဥပဒေများ (Competition Law)၊ စားသုံးသူ ကာကွယ်ရေး ဥပဒေ (Consumer Protection Law)၊ အခွန် (Tax) မူဝါဒများ၊ ကုန်သွယ်မှု မူဝါဒတွေကို ဆိုလိုတာဖြစ်တယ်။

လူမှုရေးနှင့် ယဉ်ကျေးမှု ပတ်ဝန်းကျင် (Socio-Cultural Environment) မှာလူ့အဖွဲ့အစည်းရဲ့ အခြေခံ ယုံကြည်မှု (Beliefs)၊ တန်ဖိုး (Values)၊ ခံယူချက် (Perceptions) နှင့် အပြုအမူ (Behaviors) တွေ ဖြစ်ပါတယ်၊ဥပမာ: ကျန်းမာရေးကို ပိုမို လိုက်စားလာခြင်း (Health Consciousness)၊ အလုပ်နှင့်ဘဝ မျှတမှု (Work-Life Balance) ကို တန်ဖိုးထားလာခြင်း၊ ဒေသန္တရ ယဉ်ကျေးမှု ရိုးရာအစဉ်အလာတို့ကို ဆိုလိုတာဖြစ်ပြီး၊ဒီအချက်တွေဟာ စားသုံးသူတွေရဲ့ ရွေးချယ်မှုအပေါ် လွှမ်းမိုးမှု ကြီးမားပါတယ်။

Marketing Environment ကို လေ့လာခြင်း (Environmental Scanning) ဟာ တစ်ကြိမ်တည်း ပြုလုပ်ရမည့် အလုပ် မဟုတ်ပါဘဲ စဉ်ဆက်မပြတ် လုပ်ဆောင်ရမည့် လုပ်ငန်းစဉ် (Continuous Process) ဖြစ်ပါတယ်၊

ပတ်ဝန်းကျင်မှ ပြောင်းလဲမှုတွေ ဖြစ်ပေါ်လာမှသာ လိုက်လံ ဖြေရှင်းတဲ့ နည်းလမ်းဟာ နောက်ကျ တတ်ပြီး အခွင့်အလမ်းတွေ လက်လွှတ်ဆုံးရှုံးနိုင်သလို၊ ခြိမ်းခြောက်မှုတွေကို မခုခံနိုင်ဘဲ ဖြစ်တတ်ပါတယ်။

အောင်မြင်တဲ့ လုပ်ငန်းတွေဟာ Proactive ဖြစ်အောင် အမြဲ ကြိုးစားကြလေ့ရှိပြီး သူတို့ရဲ့ Marketing Environment ကို စဉ်ဆက်မပြတ် စောင့်ကြည့် သုံးသပ်ခြင်း (Monitoring & Analysis) မှတဆင့် မိမိတို့ရဲ့ မဟာဗျူဟာ (Strategy) တွေကို အချိန်နှင့်တပြေးညီ ပြင်ဆင်ပြောင်းလဲခြင်းအားဖြင့် စျေးကွက်ရဲ့ လိုအပ်ချက်တွေကို အထိရောက်ဆုံး ဖြည့်ဆည်းပေးနိုင်သူတွေ ဖြစ်ကြပါတယ်။


-Solution
-Service
-Training

Marketing Information System (MIS) ကို ဘယ်လိုတည်ဆောက်မလဲ?

ယနေ့ခေတ် ဒစ်ဂျစ်တယ်စီးပွားရေး လောကမှာ "Data is the new oil" (ဒေတာဟာ ရေနံအသစ် ဖြစ်တယ်) လို့ဆိုကြပါတယ်၊ဒါပေမယ့်ရေနံစိမ်းကို တူးဖော်ရုံဖြင့် အသုံးမဝင်သေးသကဲ့သို့ပင်၊ ဒေတာတွေကို စုဆောင်းရုံသက်သက်နဲ့တော့ လုပ်ငန်းအတွက် အကျိုးမရှိနိုင်ပါဘူး၊ ဒီဒေတာတွေကို သတင်းအချက်အလက် (Information) အဖြစ် ပြောင်းလဲပြီး၊ မှန်ကန်တဲ့ စီမံခန့်ခွဲမှု ဆုံးဖြတ်ချက်တွေ ချမှတ်နိုင်မှသာလျှင် တန်ဖိုးရှိလာမှာဖြစ်ပါတယ်။

ဒီနေရာမှာ Marketing Information System (MIS) ရဲ့ အခန်းကဏ္ဍဟာ အလွန် အရေးပါလာပါတယ်၊ MIS ဆိုတာကတော့ လုပ်ငန်းတစ်ခုရဲ့ မားကတ်တင်းဆိုင်ရာ ဆုံးဖြတ်ချက်တွေ ချမှတ်ဖို့အတွက် လိုအပ်တဲ့ သတင်းအချက်အလက်တွေကို စုဆောင်းခြင်း၊ ခွဲခြမ်းစိတ်ဖြာခြင်းနှင့် ဖြန့်ဝေခြင်းတို့ကို စနစ်တကျ ဆောင်ရွက်ပေးတဲ့ လုပ်ငန်းစဉ်တစ်ခု ဖြစ်တယ်။

ထိရောက်တဲ့ MIS တစ်ခု တည်ဆောက်ဖို့အတွက် အဓိက အစိတ်အပိုင်း (၄) ခုကို ခိုင်မာစွာ တည်ဆောက်ထားရန် လိုအပ်ပါတယ်။

Internal Records (အတွင်းပိုင်း မှတ်တမ်း)

MIS ရဲ့ အခြေခံအကျဆုံးနှင့် အလွယ်ကူဆုံး ရယူနိုင်တဲ့ သတင်းအချက်အလက်တွေဟာ လုပ်ငန်းတွင်းကနေ ရရှိခြင်း ဖြစ်ပါတယ်၊ဘယ်ပစ္စည်းက ဘယ်ဒေသမှာ အရောင်းရဆုံးလဲ၊ ဘယ်ရာသီမှာ ရောင်းအားတက်သလဲဆိုတဲ့ (Sales Records)အရောင်းစာရင်းတွေ၊ဖောက်သည် အချက်အလက်တွေ (Customer Database) ကနေ ဝယ်ယူသူများရဲ့ အသက်၊ နေရပ်၊ ဝယ်ယူမှု အကြိမ်အရေအတွက်ကိုသိနိုင်မယ်၊ဘဏ္ဍာရေး အစီရင်ခံစာတွေကနေ မားကတ်တင်း အသုံးစရိတ်နှင့် ပြန်ရငွေ (ROI) တွက်ချက်မှုစာရင်းတွေ၊ ဒီအချက်အလက်တွေကို စနစ်တကျ သိမ်းဆည်းထားခြင်းအား ဖြင့် လက်ရှိလုပ်ငန်း အခြေအနေကို အချိန်နှင့် တပြေးညီ သိရှိနိုင်ပါတယ်။

Marketing Intelligence (ဈေးကွက်ထောက်လှမ်းရေး)

လုပ်ငန်းတွင်း အချက်အလက်တွေသာမက ပြင်ပပတ်ဝန်းကျင်မှ သတင်းများကိုပါ မျက်ခြေမပြတ် စောင့်ကြည့်နေရန်လည်း လိုအပ်ပါတယ်၊ပြိုင်ဘက်တွေကို လေ့လာခြင်းအားဖြင့် ပြိုင်ဘက်များရဲ့ ဈေးနှုန်းအပြောင်းအလဲ၊ ပရိုမိုးရှင်းအသစ်များ၊ ထုတ်ကုန်သစ် မိတ်ဆက်မှုတွေကို သိနိုင်မယ်၊

ဈေးကွက် လမ်းကြောင်းတွေ (Market Trends)ကနေ သုံးစွဲသူတွေရဲ့ အကြိုက် ပြောင်းလဲလာမှု၊ နည်းပညာ အပြောင်းအလဲတွေကိုသိနိုင်မယ်၊ဆိုရှယ်မီဒီယာ နားတောင်ခြင်း (Social Listening)ကနေ Facebook, TikTok,LinkedIn တို့မှာ မိမိအမှတ်တံဆိပ်အကြောင်း လူတွေ ဘာပြောနေကြသလဲ သိနိုင်မယ်၊ ဒီစနစ်ဟာ ပြင်ပ အန္တရာယ်တွေနှင့် အခွင့်အလမ်းတွေကို ကြိုတင်သိမြင်နိုင်စေဖို့ ကူညီပေးနိုင်ပါတယ်။

Marketing Research (ဈေးကွက်ဖော်ဆောင်မှု သုတေသန)

အပေါ်က နှစ်ချက်ကနေ မရရှိနိုင်တဲ့၊ တိကျတဲ့ ပြဿနာတစ်ခုကို အဖြေရှာဖို့ လိုအပ်လာရင်တော့ Marketing Research ကို သီးသန့် ပြုလုပ်ရမှာဖြစ်ပါတယ်၊

ဥပမာ - ထုတ်ကုန်အသစ် မိတ်ဆက်ဖို့အတွက် ဖောက်သည်တွေရဲ့ သဘောထားကို စစ်တမ်းကောက်ယူခြင်း (Surveys)၊ လူတွေ့မေးမြန်းခြင်း (Interviews) များ ပါရမှာဖြစ်ပြီး (အခြားနည်းလမ်းများလည်းရှိပါသေးတယ်)၊ ဒါဟာ MIS ရဲ့ "စီမံချက်အခြေပြု (Project-based)" အစိတ်အပိုင်း ဖြစ်ပြီး လိုအပ်မှသာ လုပ်ဆောင်လေ့ ရှိပါတယ်။

Marketing Decision Support System - MDSS (ဆုံးဖြတ်ချက် အထောက်အကူပြု စနစ်)

စုဆောင်းရရှိလာတဲ့ ဒေတာအမြောက်အမြားကို လူ့ဦးနှောက်ဖြင့်သာ တွက်ချက်ဖို့ ခက်ခဲတာကြောင့် နည်းပညာအကူအညီ လိုအပ်လာပါတယ်၊Data Analytics Tools တွေကနေရရှိလာတဲ့ ဒေတာတွေကို ကွန်ပျူတာ ဆော့ဖ်ဝဲများ အသုံးပြုပြီး ခွဲခြမ်းစိတ်ဖြာခြင်း၊ ဂရပ်တွေ၊ ဇယားတွေနဲ့ သရုပ်ဖော်ပြီး ပြုလုပ်နိုင်ပါတယ်၊ အသုံးအများဆုံး tools တွေကတော့ SPSS, Smart-PLS, SEM-AMOS တို့ကို အသုံးများကြပါတယ်။ ဒီနေ့ခေတ်မှာတော့ AI နည်းပညာတွေ အသုံးပြုပြီး အနာဂတ် အရောင်း ခန့်မှန်းခြင်း (Sales Forecasting) တွေကိုပါ တိကျစွာ လုပ်ဆောင်လာနိုင်ပြီ ဖြစ်တယ်။

ထိရောက်တဲ့ MIS တစ်ခု တည်ဆောက်ခြင်းဟာ ငွေကုန်ကြေးကျတဲ့သော နည်းပညာတွေကို ဝယ်ယူတပ်ဆင်ခြင်းသက်သက် မဟုတ်ပါဘူး၊ မှန်ကန်တဲ့ ဒေတာတွေကို၊ မှန်ကန်တဲ့ အချိန်မှာ၊ မှန်ကန်တဲ့ ဆုံးဖြတ်ချက် ချမှတ်သူတွေလက်ထဲကို ရောက်ရှိအောင် စီမံခန့်ခွဲခြင်းသာဖြစ်ပါတယ်။

လုပ်ငန်းရှင်တွေအနေနဲ့ မိမိတို့လုပ်ငန်း အရွယ်အစားနှင့် ကိုက်ညီသော MIS စနစ်တစ်ခုကို အဆင့်လိုက် စတင် တည်ဆောက်သွားခြင်းအားဖြင့် ပြိုင်ဆိုင်မှုပြင်းထန်တဲ့ ဈေးကွက်ထဲမှာ ခိုင်မာတဲ့ ခြေလှမ်းများဖြင့် ရှေ့ဆက်နိုင်မှာ ဖြစ်ကြောင်း အကြံပြု ရေးသားလိုက်ရပါတယ်။

လူကြီးမင်းတို့ လုပ်ငန်းအနေနဲ့ လုပ်ငန်းကို စနစ်တကျနဲ့တည်ဆောက်ပြီး မှန်ကန်တဲ့ဆုံးဖြတ်ချက် တွေကို ချမှတ်ပြီး အနာဂတ်မှာ အေးဆေးစွာ လုပ်ငန်းတွေတိုးချဲ့ချင်ရင်တော့ Inno Vertex Research & Solution ကိုဆက်သွယ်ပြီး ဝန်ဆောင်မှု့တွေ ရယူနိုင်ပါပြီ။




-Training

Market Research နှင့် Marketing Research ဘာကွာသလဲ။

စီးပွားရေးလောကမှာ လုပ်ငန်းရှင်တွေ၊ မားကတ်တာ (Marketers) တွေအကြား မကြာခဏ ရောထွေးလေ့ရှိပြီး အဓိပ္ပာယ် တူညီတယ်လို့ ထင်မှတ်မှားတတ်ကြတဲ့ ဝေါဟာရနှစ်ခု ရှိပါတယ်၊ ဒါကတော့ Market Research (ဈေးကွက်သုတေသန) နှင့် Marketing Research (ဈေးကွက်ဖော်ဆောင် မှုဆိုင်ရာသုတေသန) တို့ ဖြစ်ကြပါတယ်။အပေါ်ယံကြည့်လျှင်တော့ ဆင်တူတယ်လို့ထင်ရပေမယ့် စာလုံးပေါင်းသတ်ပုံမှာ 'ing' ပါခြင်း၊ မပါခြင်းကဲ့သို့ပင် လက်တွေ့လုပ်ငန်းခွင် အသုံးချမှုနယ်ပယ် (Scope) နှင့် ရည်ရွယ်ချက် (Purpose) တွေမှာ သိသာထင်ရှားစွာ ကွာခြားမှုတွေ ရှိနေပါတယ်။

Market Research ဆိုတာ "ဈေးကွက်" (Market) တစ်ခုတည်းကိုသာ သီးခြားပြုလုပ်တဲ့ သုတေသန ဖြစ်ပြီး၊ အဓိက အာရုံစိုက်မှုဟာ တိကျတဲ့ ဈေးကွက်တစ်ခုရဲ့ အခြေအနေ၊ အရွယ်အစားနှင့် ဒီဈေးကွက် အတွင်းမှာရှိတဲ့ ကစားသမားတွေကို လေ့လာခြင်း ဖြစ်တယ်။ လွယ်ကူအောင် ပြောရရင်တော့ - "ဘယ်သူတွေ ဝယ်နေလဲ၊ ဘာတွေ ရောင်းနေကြလဲ၊ ဈေးကွက်က ဘယ်လောက်ကြီးလဲ" ဆိုတဲ့ မေးခွန်းတွေကို အဖြေရှာတာမျိုးဖြစ်တယ်။

Market Research မှာ အဓိကပါဝင်သော အစိတ်အပိုင်းတွေကတော့ Market Size & Trends လို့ခေါ်တဲ့ ဈေးကွက်ရဲ့ လက်ရှိအရွယ်အစား၊ အတက်အကျ လမ်းကြောင်းတွေ၊ Target Demographics လို့ဆိုတဲ့ ဝယ်ယူသူတွေရဲ့ အသက်အရွယ်၊ ဝင်ငွေ၊ နေထိုင်မှုဘဝပုံစံ (မိမိဖောက်သည် ဖြစ်လာနိုင်သူတွေကို လေ့လာခြင်း)၊ Competitor Analysis လို့ပြောတဲ့ ပြိုင်ဘက်တွေ ဘာလုပ်နေသလဲ၊ သူတို့ရဲ့ အားသာချက်၊ အားနည်းချက်တွေကို လေ့လာတာဖြစ်ပါတယ်။

ဥပမာအားဖြင့် - ကုမ္ပဏီတစ်ခုဟာ အချိုရည်အသစ်တစ်မျိုး ထုတ်လုပ်ချင်တဲ့အခါ လက်ရှိ အချိုရည် ဈေးကွက်တွင် လူဘယ်နှဦး သောက်သုံးနေသလဲ၊ ပြိုင်ဘက် ဘယ်နှဦးရှိသလဲ ဆိုသည်ကိုသာ ကွက်ပြီး လေ့လာခြင်းဟာ Market Research ဖြစ်ပါတယ်။

Marketing Research ဟာ Market Research ထက် ပိုမိုကျယ်ပြန့်တဲ့ အဓိပ္ပာယ်ကို ဆောင်ပြီး၊ဈေးကွက် တစ်ခုတည်းကိုသာမက ကုမ္ပဏီရဲ့ "ဈေးကွက်ဖော်ဆောင်ရေး လုပ်ငန်းစဉ်တွေ(Marketing Processes)" တစ်ခုလုံးကိုပါ လွှမ်းခြုံလေ့လာတဲ့ သုတေသနကိုဆိုလိုတာဖြစ်တယ်။

Marketing Research ဟာ 4Ps (Product, Price, Place, Promotion) လို့ခေါ်တဲ့ (marketing Mix) မားကတ်တင်း ဒေါက်တိုင်ကြီး (၄) ခုစလုံးနှင့် သက်ဆိုင်တဲ့ ပြဿနာတွေကို အဖြေရှာရန် ပြုလုပ်ခြင်း ဖြစ်ပါတယ်။ Product Research သဘောအရ မိမိထုတ်ကုန်ကို ဖောက်သည်တွေ ကြိုက်ရဲ့လား၊ ဘာတွေ ပြင်ဆင်သင့်သလဲ၊ Pricing Research သဘောအရ သတ်မှတ်ထားတဲ့ ဈေးနှုန်းကို ဖောက်သည် တွေ လက်ခံနိုင်စွမ်း ရှိမရှိ၊ Promotion Research အရ မိမိတို့ ပြုလုပ်လိုက်တဲ့ ကြော်ငြာ ကမ်ပိန်းတွေ ထိရောက်မှု ရှိမရှိ (Advertising Effectiveness)၊ Distribution Research အရ ပစ္စည်းဖြန့်ဖြူးမှု လမ်းကြောင်း မှန်ကန်မှု ရှိမရှိ ဆိုတာကိုလေ့လာတာပါ။

ဆိုလိုတာကတော့ Marketing Research ဟာ ဈေးကွက်အကြောင်း (Market Research) ကိုပါ မိမိရဲ့ အစိတ်အပိုင်းတစ်ခုအနေဖြင့် ထည့်သွင်းလေ့လာလေ့ရှိပြီး၊ ဒီကနေရရှိလာတဲ့ ဒေတာတွေကို အသုံးပြု ကာ မားကတ်တင်းဗျူဟာတွေကို ပြင်ဆင်ခြင်း၊ ဆုံးဖြတ်ချက်ချခြင်းတွေ ပြုလုပ်ဖို့ အထောက်အကူ ပြုစေပါတယ်။

စီးပွားရေးလုပ်ငန်းတစ်ခု အောင်မြင်ဖို့အတွက် ဒီသုတေသနနှစ်မျိုးစလုံး လိုအပ်ပါတယ်၊ Market Research က ကိုယ့်ကို စစ်မြေပြင် (ဈေးကွက်) ရဲ့ မြေအနေအထားကို ပြောပြမှာဖြစ်ပြီး၊ Marketing Research ကတော့ ဒီစစ်မြေပြင်မှာ ဘယ်လိုလက်နက် (ထုတ်ကုန်)၊ ဘယ်လိုဗျူဟာ (ဈေးနှုန်း၊ ကြော်ငြာ) သုံးပြီး တိုက်ပွဲဝင်ရမလဲ ဆိုတာကို ဆုံးဖြတ်ရာမှာ ကူညီပေးပါလိမ့်မယ်။

ဒါ့ကြောင့် လုပ်ငန်းရှင်တွေအနေနဲ့ မိမိတို့ လိုအပ်နေတာဟာ ဈေးကွက်အခြေအနေကို သိလိုရုံ သက်သက်လား၊ ဒါမှမဟုတ် မိမိတို့ရဲ့ မားကတ်တင်း ဗျူဟာတွေကို ပြန်လည်သုံးသပ် ပြင်ဆင် လိုခြင်းလား ဆိုတဲ့ ရည်ရွယ်ချက်ပေါ် မူတည်ပြီး မှန်ကန်တဲ့ သုတေသန အမျိုးအစားကို ရွေးချယ် အသုံးချသင့်ပါတယ်။

အတုအယောင် အတိုင်ပင်ခံ (Fake Consultant)

ယနေ့ခေတ် စီးပွားရေးလောကမှာ"Consultant" ဆိုတဲ့ အမည်နာမဟာ အလွန် ခေတ်စားလာသလို လုပ်ငန်း အတွေ့အကြုံ အနည်းငယ် ရှိရုံ၊ သို့မဟုတ် သင်တန်းတစ်ခုခုမှ Certificate တစ်စောင် ရရုံမျှဖြင့် မိမိကိုယ်ကို Consultant လို့ တံဆိပ်ကပ်ပြီး ဈေးကွက်ထဲကို ဝင်ရောက်လာသူများ ဒုနဲ့ဒေး ရှိနေပါတယ်။

လုပ်ငန်းရှင်တွေ အနေနဲ့ အစစ်အမှန် ပညာရှင် (Real Expert) နှင့် အတုအယောင် (Fake Consultant) ကို ခွဲခြားနိုင်စွမ်း မရှိခဲ့ရင် ငွေကုန်ရုံသာမက လုပ်ငန်းပါ လမ်းမှား ရောက်သွားနိုင်တဲ့ အန္တရာယ် ရှိနေနိုင်ပါတယ်။ ဒီအတုအယောင် Consultant တို့ရဲ့ အဓိက လက္ခဏာရပ်တွေကို ခွဲခြမ်းစိတ်ဖြာ ကြည့်ရအောင်ပါ။

လက်တွေ့မကျတဲ့ "ရွှေရောင် ကတိများ" (Overpromising)

Fake Consultant တွေရဲ့ အထင်ရှားဆုံး လက္ခဏာမှာ "အလွန်အမင်း ကောင်းမွန်တဲ့ ကတိတွေ" ပေးခြင်း ဖြစ်ပါတယ်၊"ခင်ဗျားတို့ရဲ့ အရောင်းကို တစ်လအတွင်း သုံးဆ တက်စေရမယ်"၊ "ပြဿနာ အားလုံးကို တစ်ပတ်အတွင်း ဖြေရှင်းပေးမယ်" စတဲ့ လက်တွေ့မကျ၊ ချိုမြိန်တဲ့ စကားလုံးတွေနဲ့ လုပ်ငန်းရှင်ကို မြှူဆွယ်တတ်ကြပြီး အတွေ့အကြုံရင့် ပညာရှင် အစစ်အမှန်များကမူ မည်သည့် အရာကမျှ ညတွင်းချင်း မဖြစ်နိုင်ကြောင်း သိရှိသလို၊ တိကျတဲ့ အချက်အလက် မရရှိသေးမီ မည်သည့် ကတိကိုမျှ အလွယ်တကူ မပေးတတ်ကြပါ။

Buzzwords များနှင့် ရှုပ်ထွေးစေခြင်း (Confusing with Jargon)

သူတို့ဟာ မိမိတို့ရဲ့ အရည်အချင်း မပြည့်မီမှုကို ဖုံးကွယ်ရန်အတွက် နားလည်ရခက်သော အင်္ဂလိပ် စကားလုံးကြီးများ (Buzzwords)၊ ရှုပ်ထွေးသော သီအိုရီ အသုံးအနှုန်းများကို တမင် အသုံးပြု ပြောဆို တတ်ကြတယ်၊လုပ်ငန်းရှင်က နားမလည်လို့ ပြန်မေးလျှင်လည်း ပိုမို ရှုပ်ထွေးအောင် ရှင်းပြပြီး၊ လုပ်ငန်းရှင်ကို အားငယ်သွားအောင်၊ သူတို့ကို အထင်ကြီးသွားအောင် စိတ်ပညာပိုင်းအရ ကစားတတ် ကြပါတယ်။ အမှန်တကယ် တတ်ကျွမ်းသူဟာ အခက်ခဲဆုံး အရာကို အလွယ်ကူဆုံး နားလည်အောင် ရှင်းပြနိုင်စွမ်း ရှိရပါမယ်။

"တစ်ဆိုဒ်တည်းစီး" အဖြေများ (One-Size-Fits-All Solutions)

Fake Consultant တွေဟာ ကိုယ်ပိုင် တွေးခေါ်နိုင်စွမ်းနှင့် ပြဿနာ ဖြေရှင်းနိုင်စွမ်း နည်းပါးကြ သလို သူတို့ဟာ အခြားနေရာမှ ရထားတဲ့ ပုံသေကားကျ အဖြေတွေ (Templates)၊ အင်တာနက်မှ ကူးချ ထားတဲ့ မဟာဗျူဟာတွေကို လုပ်ငန်းတိုင်းတွင် လိုက်လံ အသုံးပြုတတ်ကြလေ့ရှိတယ်။

လုပ်ငန်းတစ်ခုနှင့် တစ်ခု သဘာဝချင်း မတူညီကြောင်း သူတို့ နားမလည်ကြသလို သူတို့ရဲ့ အစီရင်ခံစာ (Report) တွေဟာ လှပသေသပ်သော်လည်း၊ ကုမ္ပဏီအမည် ပြောင်းလိုက်ရုံဖြင့် မည်သည့် လုပ်ငန်း အတွက်မဆို သုံးလို့ရနေတဲ့ "Copy-Paste" အလုပ်တွေသာ ဖြစ်နေတတ်ပါတယ်။

လက်တွေ့ အကောင်အထည်ဖော်မှုတွင် မပါဝင်ခြင်း (No Implementation, Just Talk)

သူတို့ဟာ ပြောဆိုအကြံပေးရာမှာ အလွန် ကောင်းမွန်သလို ရှိသော်လည်း၊ လက်တွေ့ မြေပြင်မှာ ဘယ်လို အကောင်အထည်ဖော်ရမလည်းဆိုတဲ့ (Ex*****on Plan) ကို မေးမြန်းတဲ့အခါ ရှောင်ဖယ်သွားတတ်ပြီး အိယောင်ဝါးလုပ်တတ်ပါတယ်။ "ဒါက ခင်ဗျားတို့ ဝန်ထမ်းတွေရဲ့ အပိုင်းလေ" လို့ ပြောကာ တာဝန်ယူမှုမှ ရှောင်တိမ်းနေတတ်ပါတယ်၊ အမှန်တကယ်တော့ သူတို့ကိုယ်တိုင်လည်း ဘယ်လို လက်တွေ့ လုပ်ရမယ်ဆိုတာကို မသိရှိတာကြောင့် ဖြစ်တယ်။

အတိတ်က အောင်မြင်မှု အထောက်အထား မရှိခြင်း (Lack of Verifiable Track Record)

"ကျွန်တော် ဟိုကုမ္ပဏီကြီးကို အကြံပေးခဲ့ဖူးတယ်၊ ဒီလုပ်ငန်းကြီးကို အောင်မြင်အောင် လုပ်ပေးခဲ့ဖူးတယ်" လို့သာ ပါးစပ်ကပြောနေသော်လည်း၊ လက်တွေ့ကျတဲ့ အထောက်အထား (Reference) ပြရန် ဝန်လေးနေတတ်ကြပါတယ်၊

ကိုယ်က သူတို့ ယခင် လုပ်ပေးခဲ့ဖူးတဲ့ Client တွေနှင့် စကားပြောခွင့် တောင်းဆိုလျှင် ဆင်ခြေအမျိုးမျိုး ပေးကာ ငြင်းဆန်တတ်ကြသလို၊ Recommendations Contact ‌တောင်းရင်လည်း ပေးလေ့မရှိကြပါဘူး။

အတုအယောင် Consultant တစ်ယောက်ကို ငှားရမ်းမိတာဟာ ဆေးပညာ နားမလည်သူကို ခွဲစိတ်ခွင့် ပေးလိုက်သလိုပဲ အလွန် အန္တရာယ် များပြီး လုပ်ငန်းရှင်တွေ အနေနဲ့ Consultant ငှားရမ်းမယ် ဆိုရင် သူတို့ရဲ့ စကားလုံး အလှအပတွေထက်၊ သူတို့၏ရဲ့လက်တွေ့ကျတဲ့ အတွေ့အကြုံ၊ ဂုဏ်သိက္ခာနှင့် ယခင် လက်ရာတွေကို သေချာစွာ စိစစ် လေ့လာပါတယ်။

တကယ်လို့ လူကြီးမင်းတို့ လုပ်ငန်းမှာ အတိုင်ပင်ခံ၊ ဈေးကွက်သုတေသနနဲ့ လုပ်ငန်းခွင်သင်တန်းတွေ လိုအပ်နေပြီဆိုရင်တော့ လုပ်သက်လည်းပြည့်ဝ၊ကိုယ်ပိုင်လုပ်ငန်းတွေလည်းရှိပြီး ပညာရေးနောက်ခံပါ တောင့်တင်းခိုင်မာမှု့ရှိတဲ့ ဒေါက်တာ (၄)ယောက်ဦးဆောင်တဲ့ Inno Vertex Research & Solution Company အသင့်ရှိနေပါတယ်။