15/08/2026
ဝါဆိုလမြတ်၏ အခါသမယတွင် မြတ်သောကုသိုလ်ကောင်းမှုများကို စုပေါင်းပြုလုပ်ရင်း မြန်မာ့ဗုဒ္ဓဘာသာယဉ်ကျေးမှု၏ အစဉ်အလာကောင်းတစ်ရပ်ဖြစ်သော ဝါဆိုသင်္ကန်းဆက်ကပ်လှူဒါန်းခြင်းကို ကောင်းမွန်စံ ကိုယ်ပိုင် အလယ်တန်းကျောင်း တွင် ကြည်နူးချမ်းမြေ့စွာ ကျင်းပပြုလုပ်ခဲ့ကြပါသည်။
ကျောင်းသား၊ ကျောင်းသူများ နှင့် ဆရာ၊ ဆရာမများ ကစုပေါင်းပါဝင်၍ ဝါဆိုသင်္ကန်းများနှင့် လှူဖွယ်ဝတ္ထုပစ္စည်းများကို သံဃာတော်အရှင်သူမြတ်များထံ ရိုသေကြည်ညိုစွာ ဆက်ကပ်လှူဒါန်းခဲ့ကြပြီး ရရှိသည့်ကုသိုလ်အဖို့ဘာဂများကိုလည်း ရေစက်ချ အမျှပေးဝေခဲ့ကြပါသည်။
ဤမြတ်သောအလှူဒါနမှ ရရှိလာသော ကုသိုလ်ကောင်းမှုအစုစုတို့သည် ကျောင်းသား၊ ကျောင်းသူများ နှင့်မိသားစုဝင်များ အားလုံးထံသို့ ရောက်ရှိပြီး ကိုယ်စိတ်နှစ်ဖြာ ကျန်းမာချမ်းသာ၍ မင်္ဂလာအပေါင်းနှင့် ပြည့်စုံကြပါစေကြောင်း ဆုမွန်ကောင်းတောင်းအပ်ပါသည်။ 🙏🏻🌸
