What are the opening hours?

Monday 07:00 - 20:00 Tuesday 07:00 - 20:00 Wednesday 07:00 - 20:00 Thursday 07:00 - 20:00 Friday 07:00 - 20:00 Saturday 07:00 - 20:00 Sunday 07:00 - 20:00

Dr. Myat Consultation, Yangon (2026)

04/01/2026

တစ်ခါတလေ
အရမ်းလိုအပ်နေတဲ့ ဆုံးဖြတ်ချက်တစ်ခုကို
မချနိုင်ဘဲ တွေဝေနေမိလား?

“ဘာမှမလုပ်ချင်ဘူး” ဆိုတဲ့ စိတ်ခံစားချက်ကြောင့် ကိုယ့်ကိုယ်ကိုတောင် အပြစ်တင်မိလာတတ်ပါတယ်...

အမှန်ကတော့ အဲ့ဒီလို ဖြစ်နေတာက

• ရွေးချယ်စရာတွေ များလွန်းခြင်း
• စိတ်ထဲမှာ အကြောင်းအရာနှစ်ခု အားပြိုင်နေခြင်း
• ဆုံးဖြတ်ချက်ချလိုက်ပြီး နောင်တရမှာကို စိုးရိမ်နေခြင်း
• စိတ်ဖိစီးမှုများပြီး စိတ်မတည်ငြိမ်ခြင်း တို့ကြောင့် ဖြစ်ပါတယ်

ရွေးချယ်ရခက်တာက လူတိုင်းအတွက်သဘာဝဖြစ်စဉ်ပါ..

ဒါကြောင့် အရေးကြီးတာက ကိုယ့်အခြေအနေကို သေချာမြင်နိုင်အောင် အေးအေးဆေးဆေး ပြန်သုံးသပ်ပြီး ကိုယ်နဲ့ကိုက်ညီတဲ့ဆုံးဖြတ်ချက်ကို ရဲရဲဝံ့ဝံ့ ချနိုင်ဖို့ပါ..

Dr. Myat Su Hlaing
(Educational Psychologist)

💡 ကိုယ့်အခြေအနေနဲ့ ကိုက်ညီတဲ့
စိတ်ပညာအခြေခံ လမ်းညွှန်မှုအတွက် Dr. Myat Consultation မှာ
“Decision & Direction Clarity Session”
နဲ့ “Stress & Anxiety Reset Session”
များကို ရယူနိုင်ပါတယ်...

26/12/2025

မင်္ဂလာပါရှင်
ဒီ page လေးကနေ consultation services တွေကို ပေးခဲ့တာ ၄ နှစ်ကျော် သက်တမ်း ရှိခဲ့ပါပြီ။ Motivation, Goal Seeking , Anxiety တွေနဲ့ပတ်သက်ပြီး ဆွေးနွေးအဖြေရှာပေးခဲ့သလို Study abroad အတွက် လည်းဆွေးနွေးအကြံပေးခဲ့တာမို့ ကျောင်းဝင်ခွင့်ရသူတွေ၊ scholarship ရသူ အများအပြားကို လည်း မွေးထုတ်ပေးခဲ့ပြီး ဖြစ်ပါတယ်..
Consultation Session မှာ..
📚 Motivation တည်ဆောက်ဖို့ လိုအပ်သူများ

🤯 Study Abroad, Scholarship လျှောက်တဲ့အခါ လမ်းညွှန်မှုလိုအပ်ခြင်း
😔 Adult learners တွေမှာ သင်ယူခြင်းနဲ့ပတ်သက်တဲ့ အခက်အခဲများအတွက် အဖြေရှာလိုအပ်ခြင်း
😔 စိတ်ဖိစီးမှုနဲ့ စိုးရိမ်မှုများခြင်း
😟 မျှော်မှန်းချက်အတိုင်း ဖြစ်မလာမှာကို ကြောက်ပြီး စိုးရိမ်မှုများခြင်း

ဒီလိုခံစားနေရတဲ့ ကျောင်းသား/သူတွေ၊ သင်ယူသူတွေအတွက် ဆွေးနွေးပြီး အကြံပေး လမ်းညွှန်ပေး လျက်ရှိပါတယ်..
🔹 Dr. Myat Consultation မှာရရှိနိုင်တဲ့ Service တွေကတော့
• Motivation & Goal Seeking Guidance
• Scholarship & Study Abroad Guidance
• Parent Consultation
• Stress & Anxiety Support တို့ ဖြစ်ပါတယ်။

ဆွေးနွေးအကြံပေးတဲ့ တီချယ်ရဲ့ Profile
Dr. Myat Su Hlaing
(Educational Psychologist)
Diploma in Education (NUE, Japan)
Diploma in Communicative English
B.Ed, M.Ed(Guidance and Counselling)
Ph.D (Educational Psychology)

ဆွေးနွေးလမ်းညွှန်မှုရယူချင်တယ်ဆိုရင် Page ရဲ့ chatbox (သို့မဟုတ်) 09761176126 ကို ဆက်သွယ် စာရင်းပေးနိုင်ပါတယ်ရှင်။

13/12/2025

🍁ရွေးချယ်ရခက်တဲ့အခါ ဆုံးဖြတ်ချက်ကို ပြတ်ပြတ်သားသား မချနိုင်ဘဲ တွေဝေတတ်ကြပါတယ်
ဥပမာ –
• “ငါ ဒီသင်တန်းကို တက်ရမလား?”
• “ဒီပစ္စည်းကို ဝယ်ထားရမလား? ဝယ်လိုက်ပြီး ဈေးကျသွားရင်ရော?”
• “အလုပ်အရင်လုပ်ရမလား၊ ကျောင်းတက်ပြီးမှ အလုပ်ဝင်ရမလား?” စသဖြင့်ပေါ့..

🍁ဒီလိုအခြေအနေတွေမှာ လူတွေ ဆုံးဖြတ်ချက်ချရခက်ပြီး စိတ်မဝံ့မရဲဖြစ်တတ် သလို၊ တစ်ရက်၊ နှစ်ရက် မဟုတ်ဘဲ နှစ်လ၊ သုံးလကြာ စိတ်ထဲတွင် အလှည့်ကျ စဉ်းစားနေတတ်တယ်..
လက်ရှိအချိန်မှာ ပျော်လည်းမပျော်ဘဲ စိတ်ဖိစီးတာပဲ ပိုလာတယ်..

🍁ဘာကြောင့် ဒီလိုဖြစ်ရသလဲ?
🍂အကျိုးဆက်မသေချာခြင်း
• ရွေးချယ်မှုတိုင်းမှာ အကျိုးဆက်ရှိတာကို သိပေမယ့် မခန့်မှန်းနိုင်တာကြောင့် ရွေးရခက်တယ်..
• “ဒီသင်တန်းကို တက်ရင် အချိန်ကုန်တာပဲ အဖတ်တင်မလား စိတ်ပူမိတာ..
🍂ရည်မှန်းချက်နဲ့ မကိုက်ညီခြင်း
• ကိုယ်ဖြစ်ချင်တာနဲ့ တစ်သားတည်း မကျတဲ့အခါ လုပ်ရမလား၊ မလုပ်ရဘူးလား တွေဝေနေတတ်ကြပြန်တယ်..
🍂အခြားသူတွေရဲ့ အမြင်ကို ထည့်စဉ်းစားနေခြင်း
• မိသားစု၊ နဲ့ သူငယ်ချင်းတွေရဲ့ ထင်မြင်ယူဆချက်တွေကြောင့်လည်း ချီတုံချတုံ ဖြစ်နေတတ်တယ်..
🍂ရွေးချယ်မှုတိုင်းမှာ အားနည်းချက်တစ်ခု ရှိနေခြင်း
• ဘယ်ရွေးချယ်မှုကိုမဆို အားနည်းချက်တစ်ခုခုရှိပြီး စိတ်ဖိစီးနေရတတ်တာ..
ဖြစ်လာမယ့် အကျိုးဆက်ကို စိုးရိမ်ခြင်း
• ကိုယ်ရွေးလိုက်တဲ့ လမ်းက လွဲသွားပြီး အချိန်ကုန်လူပမ်း ဖြစ်မှာ ကြောက်တတ်ကြတယ်..
🍂အတွေ့အကြုံနည်းခြင်း
• ရွေးချယ်ရတဲ့ အတွေ့အကြုံနည်းတာ..

🍁ဒီလိုအခြေအနေကို ဘယ်လို ရင်ဆိုင်ရမလဲ?
• အကျိုးဆက်များကို နှိုင်းယှဉ်သုံးသပ်ပါ
• ကိုယ်ရဲ့ ရည်မှန်းချက်၊ တန်ဖိုးနှင့် လိုက်ဖက်မှုကို သုံးသပ်ပါ
• သေချာဆုံးဖြတ်ရန် Professional Guidance ရယူပါ
• စိတ်ဖိစီးမှုကို လျော့စေရန် relaxation, journaling, reflection လုပ်ပါ
ရွေးချယ်ရခက်နေတာက ကိုယ့်ရဲ့ ဆုံးဖြတ်နိုင်စွမ်းကို စမ်းသပ်တာတစ်မျိုးပါပဲ...အကြောင်းအရာကို ကောင်းကောင်းနားလည်သဘောပေါက်မယ်...ဖြစ်လာနိုင်တဲ့ အကျိုးဆက်ကို နှိုင်းယှဉ်သုံးသပ် နိုင်မယ်..
ဒါမှ အမှားနည်းတဲ့ ဆုံးဖြတ်ချက်ကို ပြတ်ပြတ်သားသားရွေးချယ်နိုင်မှာ ဖြစ်ပါတယ်...
𝐃𝐫. 𝐌𝐲𝐚𝐭 𝐒𝐮 𝐇𝐥𝐚𝐢𝐧𝐠
(Educational Psychologist)

***သင်ယူမှုလမ်းကြောင်းမှာ ဆုံးဖြတ်ချက်ချဖို့ တွေဝေပြီး စိတ်ဖိစီးနေရတဲ့သူ‌တွေက တီချယ်နဲ့ ဆွေးနွေးတိုင်ပင်ပြီး Consultation service ရယူချင်တယ်ဆိုရင်
✉️ chatbox
☎️09421736457
တို့ကို ဆက်သွယ်‌စုံစမ်းနိုင်ပါတယ်ရှင်။

09/12/2025

တက္ကသိုလ်ဝင်ခွင့်ရလိုက်တဲ့ အချိန်ဟာ တကယ်တော့ **ဘဝရဲ့ အကြီးမားဆုံး ပန်းတိုင်တစ်ခုကို အောင်မြင်သွားပြီလို့ ထင်ရတဲ့ အခိုက်အတန့်ပါ..
ဒါပေမဲ့ တကယ်တမ်းမှာတော့ အဲ့ဒီအချိန်ကစပြီး ဘဝရဲ့ စစ်မှန်တဲ့ စိန်ခေါ်မှုတွေက တစ်ခုပြီးတစ်ခု တန်းစီပြီး ရောက်လာတာပါ။

တစ်ဖက်မှာ ကိုယ့်ပတ်ဝန်းကျင်၊ ဘာသာစကား၊ အထီးကျန်မှုဆိုတဲ့ အခက်အခဲတွေနဲ့... တစ်ဖက်မှာတော့ ကိုယ့်ကိုယ်ကို "အောင်မြင်မှ ဖြစ်မယ်" ဆိုတဲ့ အတွေးတွေနဲ့ ရင်ဆိုင်ကြံ့ကြံ့ခံနေရပါတယ်...

🔷 ကိုယ့်အိပ်မက်လား၊ မိဘရဲ့ မျှော်လင့်ချက်လား?
ပြည်တွင်းမှာပဲဖြစ်ဖြစ်၊ ပြည်ပမှာပဲဖြစ်ဖြစ် ပညာသင်ယူတဲ့အချိန်မှာ ခံစားရတဲ့ ဖိအားတွေထဲမှာ အလေးနက်ဆုံးနဲ့ အထိခိုက်ဆုံးကတော့ "မိဘတွေအတွက် အောင်မြင်ဖို့" ဆိုတဲ့ စိတ်ခံစားချက်ပါပဲ..

🔹ဒီပညာသင်ခရီးက ပေါ့ပေါ့ပါးပါးမဟုတ်ဘူး။ မိဘတွေဟာ သူတို့ရဲ့ ချွေးနည်းစာ၊ သူတို့ရဲ့ အနာဂတ် ရင်းနှီးမြှုပ်နှံမှု အများကြီးကို ကိုယ့်ပညာရေးမှာ ပုံအောထားရတာပါ။ ဒါကြောင့် "ငါက သူတို့အတွက် ဒီရင်းနှီးမြှုပ်နှံမှုကို အလကား မဖြစ်စေရဘူး” ဆိုတဲ့ အသိစိတ်က ရင်ထဲမှာ အမြဲရှိနေတယ်...

🔹 ဂုဏ်ယူစရာ သားသမီး ဖြစ်ဖို့ ကိုယ့်ရဲ့ အောင်မြင်မှုဟာ ကိုယ့်တစ်ယောက်တည်းရဲ့ အိပ်မက်မဟုတ်တော့ဘဲ၊ မိဘတွေ အားလုံးရဲ့ မျှော်လင့်ချက်၊ ဂုဏ်ယူစရာ၊ ရင်းနှီးမြှုပ်နှံမှုရဲ့ အဖြေဆိုတဲ့ အရာတွေ ဖြစ်လာတယ်။ ဒီအရာတွေက ကိုယ့်စိတ်ကို ပင်ပန်းပေမယ့် ကြံ့ခိုင်အောင် အားတင်းဖို့ တွန်းအား ဖြစ်နေတယ်။
ဖိအားတွေကနေ ခံစားချက်တွေဖြစ်လာတယ်
မိဘတွေရဲ့ မျှော်လင့်ချက်ကို ဖြည့်ဆည်းပေးနိုင်ဖို့နဲ့ သူတို့ရဲ့ ရင်းနှီးမြှုပ်နှံမှုကို "အထောက် အထား"ပြနိုင်ဖို့ ကြိုးစားရင်း ကိုယ့်ရဲ့ စိတ်နေစိတ်ထားတွေ ပြောင်းလဲလာပါတယ်။

🔷အမှားမလုပ်မိဖို့ ဖိအား....... စာတမ်းတစ်စောင် ရေးတဲ့အခါ၊ အိမ်စာတစ်ခု လုပ်တဲ့အခါတိုင်း "ငါ အမှတ်လျှော့မခံရအောင်၊ အမှားမလုပ်မိအောင်" ဆိုတဲ့ စိုးရိမ်စိတ်က လွှမ်းမိုးနေတယ်။ အမှားလုပ်မိရင် ကိုယ့်ကိုယ်ကိုယ် အသုံးမကျသလို ခံစားရတယ်။
🔷အမှတ်မကောင်းမှာကို စိုးရိမ်ခြင်း...... စာမေးပွဲနီးလာရင် အမှတ်မကောင်းမှာကို သိပ်စိုးရိမ်လာတယ်။ (Grade) က ကိုယ့်ရဲ့ ကြိုးစားအားထုတ်မှုကို ပြတဲ့ တစ်ခုတည်းသော အရာလို့ ထင်လာတယ်။
🔷ကိုယ့်ပျော်ရွှင်မှု ပျောက်ဆုံးခြင်း..... ဒီလို ကြိုးစားနေရတဲ့အခါ..."ဒါ ငါ့အတွက် တကယ်လုပ်နေတာလား? ဒါမှမဟုတ် ငါ့မိဘရဲ့ အတွက်ပဲ လုပ်နေရတာလား?" ဆိုတဲ့ မေးခွန်းတွေ ထွက်လာတတ်တယ်။ ကိုယ့်ရဲ့ ပညာသင်ခရီးက ကိုယ့်ရဲ့ ပျော်ရွှင်မှုထက် "တာဝန်" တစ်ခုလို ဖြစ်လာတတ်တယ်။

✅ဒီလို ဖိစီးမှုတွေကို ပေါ့ပါးသွားစေဖို့ ကိုယ့်ရဲ့ အတွေးအခေါ်ပုံစံကို ပြန်လည်ချိန်ညှိဖို့ လိုပါတယ်။

🔹မိဘတွေကို ကိုယ်ခံစားနေရတဲ့ ဖိအားတွေ၊ ပညာရေးစနစ်ရဲ့ ခက်ခဲမှုတွေကို ပွင့်ပွင့်လင်းလင်း ပြောပြပါ။ သူတို့က နားလည်ပြီး လက်ခံပေးတဲ့အခါ ကိုယ့်အနေနဲ့ စိတ်သက်သာရာရပြီး အခက်အခဲတွေကို ဖြေရှင်းမယ့် နည်းလမ်းတွေ စဉ်းစားမိလာနိုင်ပါတယ်..

🔹"ရလဒ်ထက် ကြိုးစားမှုကို အသိအမှတ်ပြုပါ"...အမှတ်မကောင်းဘူးဆိုရင်တောင် ကိုယ်ဒီစာမေးပွဲအတွက် ဘယ်လောက် အချိန်ပေးပြီး ကြိုးစားခဲ့လဲဆိုတာကို ကိုယ့်ကိုယ်ကိုယ် ပြန်ပြောပြပြီး ဂုဏ်ပြုပါ။ သင်ယူနေစဉ် ရလာတဲ့ အသိပညာ၊ အတွေ့အကြုံတွေဟာ GPA ထက် ပိုတန်ဖိုးရှိပါတယ်။

🔹ကိုယ့်ကိုယ်ပိုင် ပန်းတိုင်ကို ပြန်ရှာပါ
"ငါ ဘာကြောင့် ဒီကိုလာခဲ့တာလဲ?".. စိတ်ဖိစီးလာတဲ့အခါ နိုင်ငံခြားမှာ ပညာလာသင်ဖို့ ကိုယ့်ရဲ့ မူလ အိပ်မက်၊ ကိုယ့်ရဲ့ လိုချင်တပ်မက်မှုက ဘာလဲဆိုတာ ပြန်စဉ်းစားပါ။ ကိုယ့်ရဲ့ပညာရေးကို "တာဝန်" အဖြစ်ကနေ "ကိုယ့်ရဲ့ အနာဂတ်အတွက် စိတ်လှုပ်ရှားစရာ ရင်းနှီးမြှုပ်နှံမှု" အဖြစ် ပြောင်းလဲကြည့်ပါ။
အဝေးတစ်နေရာမှာ ပညာသင်နေတဲ့ ကိုယ်ဟာ သတ္တိရှိပြီး ထူးချွန်တဲ့သူတစ်ယောက်ဆိုတာ မမေ့ပါနဲ့။ မိဘတွေ ဂုဏ်ယူဖို့အတွက် ကြိုးစားတာ ကောင်းပါတယ်၊ ဒါပေမဲ့ အဲ့ဒီ ကြိုးစားမှုက ကိုယ့်ရဲ့ ပျော်ရွှင်မှုနဲ့ စိတ်ကျန်းမာရေးကိုတော့ မဖျက်ဆီးပါစေနဲ့။ ကိုယ်တိုင် ပျော်ရွှင်ပြီး အတွေ့အကြုံတွေအများကြီးယူပြီး သင်ယူနေရတာကို မြင်ရတာက မိဘတွေအတွက် အကြီးမားဆုံး ဂုဏ်ယူစရာ ဖြစ်ပါလိမ့်မယ်။

𝐃𝐫. 𝐌𝐲𝐚𝐭 𝐒𝐮 𝐇𝐥𝐚𝐢𝐧𝐠
(𝑷𝒓𝒐𝒇𝒆𝒔𝒔𝒊𝒐𝒏𝒂𝒍 𝑬𝒅𝒖𝒄𝒂𝒕𝒊𝒐𝒏 𝑪𝒐𝒏𝒔𝒖𝒍𝒕𝒂𝒏𝒕)

*ပညာရေး အခက်အခဲ ပြဿနာ၊ စိတ်ဖိစီးမှုတွေအတွက် တီချယ်နဲ့ Consultation ပြုလုပ်ချင်ရင်
✉️ chatbox
☎️09 894 255898 ကိူ ဆက်သွယ် စာရင်းပေးနိုင်ပါတယ်ရှင်။

30/11/2025

တက်ခွင့်ရဖို့ အပြိုင်အဆိုင်ကြိုးစားကြရတဲ့ Seoul National University ကနေ successful candidate အဖြစ်ရွေးချယ်ခံရတဲ့အတွက် Congratulations ပါ..

ဆက်လက်အောင်မြင်ပါစေ 🎊🎊🎊

26/11/2025

“ကြိုးစားလိုက်ရတာပဲ အဖတ်တင်တယ်..ဘာမှလည်း ဖြစ်မလာဘူး” “ ဘဝမှာ ဘာကြောင့် ဒီလောက်တောင်လွဲနေရတာလဲ” အတွေးတွေက ကိုယ်လိုချင်တဲ့ ရလဒ်မရတဲ့အခါ ဆက်တိုက်တွေးမိကြပါတယ်..
ဒီအတွေးတွေဟာ distorted thinking ဖြစ်ပြီး ကိုယ့်စွမ်းရည်နဲ့ အခြေအနေကို သေသေချာချာ ပြန်မသုံးသပ်မိကြဘူး..ဒီတော့
“ငါ တော်တော် ကြိုးစားပြီးပြီ…ဒါပေမယ့် အဆင်မပြေဘူး..ဒီဟာကို လက်လျှော့လိုက်မှ ဖြစ်တော့မယ်”ဆိုတဲ့ negative အတွေးတွေ ဆက်တိုက် ဖြစ်လာတော့တာပါ..အဲ့ဒီ negative အတွေးတွေကြောင့် အပြစ်တင်စိတ် တွေဖြစ်ပြီး negative cycle ကိုဖန်တီးတတ်ပါတယ်။ တကယ်တော့ အဲဒီအတွေးတွေဟာ ကိုယ့်အရည်အချင်းကို လျှော့တွေးသလိုဖြစ်တဲ့အတွက် အခွင့်အလမ်းတွေနဲ့ အလားအလာတွေကို မမြင်နိုင်စေသလို ကြိုးစားနေတဲ့ လမ်းကြောင်းမှာ အတားအဆီးတွေဖြစ်နိုင်ပါတယ်..
ဒီလို အတွေးခေါင်တာတွေကို ရပ်ပြီး ကြိုးစားသမျှ လမ်းမှန်ရောက်စေနိုင်တဲ့ နည်းလမ်းတွေကတော့
💡 ကိုယ်တိုင် အတွေးခေါင်နေတာကို ပြန်သုံးသပ်ပါ
“မအောင်မြင်နိုင်ဘူး” ဆိုတဲ့ စိတ်ထဲက အတွေးတွေဟာ ကိုယ့်စိတ်ကို ဒုက္ခပေးနေတာပါ
အဲဒါကို မတွေးမိအောင် ကြိုးစားပါ၊ ကိုယ့်စွမ်းရည်ကို အရှိအတိုင်း သုံးသပ်ပါ..ကိုယ့်ကိုကိုယ် မညာပါနဲ့..

💡 အခြားဖြစ်နိုင်ခြေတွေကို စဥ်းစားပါ

အနာဂတ်အတွက် ကောင်းတာပဲဖြစ်လာမယ်လို့ တွေးပါ..“အဆင်မပြေဘူး” လို့ ထင်နေရုံနဲ့ လက်လျှော့တာမျိုးမလုပ်ပါနဲ့.. စာမေးပွဲ၊ project၊ သင်တန်းစတဲ့ ပညာရေးဘက်မှာ အောင်အောင်မြင်မြင်ဖြစ်ဖို့ နည်းလမ်းတွေရှိနေနိုင်ပါတယ်..

💡 Action လုပ်ပါ
စိတ်ထဲက negative cycle ကို ကျော်လွှားဖို့ Challenge အသေးစားလေးတွေ ဖန်တီးပြီး လုပ်ကြည့်ပါ..စာမေးပွဲအတွက် study plan တစ်ခုချပြီး လိုအပ်သလို note-taking၊ practice test လုပ်ပါ

ဒီလိုနည်းလမ်းတွေနဲ့ ကိုယ့်စိတ်ထဲက မသေချာမှု၊ မျှော်လင့်ချက်မဲ့မှုတွေကို ဖြေရှင်းပြီး positive mindset ဖန်တီးစေနိုင်ပါတယ်
မျှော်လင့်ချက်မဲ့သလိုဖြစ်နေချိန်မှာ distorted thoughts နားလည်မယ် ၊ alternative possibilities စဥ်းစားမယ် ၊ ကိုယ်တိုင် action လုပ်မယ်..ကြိုးစားအားထုတ်ကြည့်မယ်ဆိုရင်
စိတ်ထဲက မျှော်လင့်ချက်မဲ့မှု ကနေ ရုန်းထွက်နိုင်လာနိုင်မယ်..ဒါ့အပြင် Academic success အတွက် လမ်းကြောင်းဖန်တီးနိုင်ပြီး စွမ်းရည်ကို အပြည့်အဝ အသုံးချနိုင်ပါတယ်
ဒီအချက်တွေအတိုင်းလုပ်နေပေမယ့်မျှော်လင့်ချက်မဲ့သလိုဖြစ်နေတုန်းပဲဆိုရင်တော့ဆရာ/မတွေ၊ပညာရှင်တွေနဲ့ဆွေးနွေးအဖြေရှာသင့်ပါတယ်...
Dr. Myat Su Hlaing

23/11/2025

🏫Sungshin's Women University
📘Data Science major နဲ့ Global Korea Scholarship (GKS) First round Interview အောင်သွားတဲ့ သမီးလေးရေ Congratulations 🎉ပါ။
စနစ်တကျ ကြိုးစားတဲ့သမီးလေး ဆက်လက်အောင်မြင်ပါစေလို့ ဆုတောင်းပေးလိုက်ပါတယ်...

19/11/2025

🔷ကျောင်းအသစ်ပြောင်းရတဲ့သူတစ်ယောက်အတွက် ပတ်ဝန်းကျင်အသစ်မှာ ချက်ချင်းအသားကျဖို့ ထင်သလောက် မလွယ်ပါဘူးအပြောင်းအလဲတစ်ခုခုလုပ်တိုင်း ညှိယူကြရတာ များပါတယ်..ကျွန်မတို့ရောက်သွားတဲ့ပတ်ဝန်းကျင်အသစ်က အရင်ပတ်ဝန်းကျင်နဲ့ သိပ်မကွာခြားရင်တော့ အလွယ်တကူ ညှိယူပြီး အသားကျသွားတတ်ကြတယ်...ဒါပေမယ့် အဲဒီအပြောင်းအလဲကို စရတဲ့အချိန်က ခက်ခဲကြစမြဲပါပဲ..

🔷ဒီတော့ ကျောင်းသားတစ်ယောက်က ကျောင်းအသစ်တစ်ကျောင်းကို ပြောင်းရတဲ့အချိန်မှာ အရာရာတိုင်းက သူ့အတွက် အစိမ်းသက်သက်ဖြစ်နေတတ်တယ်..ကိုယ့်ကို လက်ခံကြမလား..အတန်းထဲကလူတွေက ဘယ်လိုမြင်ကြမလဲ ဆိုတဲ့အတွေးနဲ့ ကျောင်းသွားရမှာ ဝန်လေးနေတတ်ကြပါတယ်..
🔷လူတွေက ကိုယ့်ကိုပဲ ဝိုင်းကြည့်နေသလိုခံစားကြရတယ်.. အုပ်စုလိုက် စာလုပ်နေကြရင် အဲဒီအုပ်စုဆီသွားပြီး စကားသွားပြောလိုက်ရမလားဆိုတဲ့ စိတ်ကလည်း ချီတုံချတုံ ဖြစ်နေတတ်တာမို့ အားငယ်သလိုခံစားရပြန်ပါတယ်..
တခါတလေ အရင်ကျောင်းက သူငယ်ချင်းတွေကို သတိရမိလာပြီး အထီးကျန်တဲ့အချိန်တွေလည်း ရှိလာပြန်တယ်..

“ကျောင်းမပြောင်းဘဲ အရင်ကျောင်းမှာပဲတက်နေရရင် သိပ်ကောင်းမှာပဲ” လို့ ခံစားမိလာတယ်..

ဒီလိုအချိန်မှာ
✅စိတ်ထိန်းချုပ်တတ်ဖို့ အရေးကြီးပါတယ်..
✅အပြောင်းအလဲအတွက် စိုးရိမ်စိတ်တွေကို လျှော့ချတတ်ဖို့ အရေးကြီးပါတယ်
✅ကျောင်းအသစ်မှာ ဘယ်လို ပျော်ပျော်ရွှင်ရွှင် သင်ယူနိုင်မလဲ၊ သူငယ်ချင်းတွေ ဘယ်လို ဖွဲ့မလဲ၊ အတွေ့အကြုံသစ်ကို ဘယ်လို စမလဲ ဆိုတာကို နားလည်သဘောပေါက်ဖို့ လိုအပ်လာပါတယ်
✅နားလည်ပေမယ့် အပြောင်းအလဲကို ရုတ်တရက် လက်မခံနိုင်သေးတဲ့အချိန် ကိုယ့်စိတ်ကို ထိန်းညှိတတ်ရပါမယ်
တစ်ယောက်တည်း handle မလုပ်နိုင်ခဲ့ရင် ကိုယ့်ရည်မှန်းချက်တွေအတွက်ကိုတောင် မစဉ်းစားချင်လောက်အောင် အတွေ့အကြုံသစ်တွေကြား ဖိအားများနေပါလိမ့်မယ်..
ဒါကြောင့် ပတ်ဝန်းကျင်အသစ်မှာ အချိန်တိုအတွင်း အသားကျသွားနိုင်ဖို့ လိုအပ်တဲ့ social skills တွေကို လေ့ကျင့်ယူရပါမယ်..

ကျောင်းအသစ်မှာ သင်ကြားနည်းပုံစံအသစ်တွေကို လိုက်လုပ်နိုင်ဖို့ မှန်ကန်တဲ့ study plan နဲ့ strategies တွေကို သုံးနိုင်ရပါမယ်..

စိုးရိမ်စိတ်တွေ၊ စိတ်လှုပ်ရှားမှုတွေကို ဖြေလျှော့ဖို့လည်း လိုအပ်ပါတယ်..ဒီလိုနည်းလမ်းတွေကို ကြိုးစားပြီး လုပ်နေပေမယ့် ကျောင်းအသစ်မှာ နေရတာမပျော်ဘူးဆိုရင် “ဘာကြောင့် ဒီလိုဖြစ်ရတာလဲ" ဆိုတဲ့ အကြောင်းရင်းကို သိနိုင်အောင် ကျွမ်းကျင်သူတွေနဲ့ တိုင်ပင်ဆွေးနွေးသင့်ပါတယ်..ဒါမှ ပြဿနာအရင်းအမြစ်ကိုနားလည်ပြီး အဖြေရှာလိုက်ရင် ကိုယ့်ရည်မှန်းချက်အတွက် မှန်ကန်တဲ့ Goal ကို လည်းချနိုင်မယ့်အပြင် ကျောင်းနေရာ အသစ်မှာ ပျော်ပျော်ရွှင်ရွှင် သင်ယူနိုင်မှာ ဖြစ်ပါတယ်..✅✅✅
Dr. Myat Su Hlaing
(Education Counselor)

17/11/2025

ကျွန်မတို့ ပတ်ဝန်းကျင်မှာ ကျွန်မတို့ထက်ပိုတော်နေပေမယ့် သူတို့နေရာကို အစားထိုးဝင်သွားမှာ စိုးရိမ်တဲ့သူတွေရှိတတ်ကြပါတယ်...ဒီလိုလူတွေနဲ့ အလုပ်အတူတူလုပ်ရတဲ့အခါ
သူတို့က ကျွန်မတို့ကို ကူညီပေးသယောင်နဲ့အထင်သေးစကားတွေဆိုတတ်ပြန်ပါသေးတယ်..အပေါ်စီးက ပြောဆိုတတ်တဲ့သူတွေက သူတို့ပဲ ဒီအကြောင်းအရာကို နားလည်တယ်..ကျန်တဲ့သူတွေက သူတို့လောက် မလုပ်နိုင်ဘူးဆိုတဲ့ သဘောထားမျိုးနဲ့ သူတို့နေရာကို ဖယ်ပေးရမှာ ကြောက်နေတတ်ကြတာပါ..

ဒီလိုလူတွေနဲ့ ကြုံရရင် ကျွန်မတို့က ကိုယ့်စွမ်းရည်ကို သံသယဝင်လာနိုင်တယ်၊ သူတို့နဲ့ ယှဉ်ပြောဖို့၊ ကိုယ့်အမြင်ကို ထပ်ပြောဖို့တောင် ဝန်လေးလာတတ်ပါတယ်..

အပေါ်စီးဆန်တတ်တဲ့သူတွေဟာ များသောအား ဖြင့် သူတို့စိတ်ထဲမှာ ပြိုင်ဆိုင်လိုစိတ်ပြင်းထန်တတ်ကြတယ်.. တချို့ကတော့ လူအများက သူ့ကို တော်တယ်လို့ သတ်မှတ်ထားတဲ့အခါ အဲဒီစံချိန်ကို မထိခိုက်စေချင်လို့ လုပ်တတ်ကြတယ်..ဒီအချက်တွေကို သိမယ်ဆိုရင်တော့ သူတို့က ကျွန်မတို့ကို ဘယ်လောက်ပဲ အထင်သေးပြီး ပြောဆို ဆက်ဆံပေမယ့် စိတ်အားမငယ်တော့ဘဲ ကိုယ့်တန်ဖိုးကိုပဲ မြှင့်ချင်စိတ်ပေါ်လာပါလိမ့်မယ်

ဒီလိုအပြုအမူတွေကို ရင်ဆိုင်ရတဲ့အခါ
🔷ပထမဆုံး ကိုယ့်တန်ဖိုးဟာ တခြားသူတွေရဲ့ ပြောစကားအပေါ် မူတည်မနေဘူးဆိုတာ အမြဲသတိထားပါ။ ကျွန်မတို့မှာ ကိုယ့်ထင်မြင်ယူဆချက်ကို တင်ပြပိုင်ခွင့်၊ မသိသေးတာတွေကို မေးမြန်းပိုင်ခွင့်၊ တိုးတက်ဖို့ ကြိုးစားပိုင်ခွင့်အားလုံးရှိပါတယ်..
🔷ဒုတိယအနေနဲ့ ကိုယ်ပြောလိုတဲ့ စကားကို အေးအေးဆေးဆေးနဲ့ ပွင့်ပွင့်လင်းလင်းပြောပါ။

🔷နောက်တစ်ချက်အနေနဲ့ အဲဒီလူတွေနဲ့ တတ်နိုင်သလောက် ဝေးဝေးနေပါ...
အပြန်အလှန် အကျိုးဖြစ်စေတဲ့သူတွေ၊ အားနည်းတဲ့အချိန် ဖေးမပေးတဲ့သူတွေနဲ့ ပိုအချိန်ပေးပေါင်းပါ..

အဲဒီလို အထင်သေးပြီး အပေါ်စီးပြောတတ်တဲ့သူတွေနဲ့ အပြန်အလှန် ဆက်ဆံရတဲ့အခါမှာ ကျွန်မတို့ရဲ့ စိတ်ခံစားချက်က တိတ်တိတ်လေး ထိခိုက်ရတတ်ပါတယ်။ တစ်ခါတလေ “သူတို့ထက် နောက်ကျနေတယ်ကွာ” လို့ လွယ်လွယ်ကူကူ ထင်လာနိုင်တယ်... ဒါပေမယ့် အမှန်ကတော့ အဲဒီလိုအပြုအမူတွေက သူတို့ရဲ့ ပြိုင်ဆိုင်လွန်းတဲ့စိတ်ကြောင့်ပါ..

ကျွန်မတို့ကို အထင်သေးသူတွေကို မလိုအပ်ဘဲ ဝေးဝေးကနေ သတ်မှတ်ထားနိုင်တဲ့ distance တစ်ခုထားပါ...ကိုယ့်တန်ဖိုးကို သတ်မှတ်နိုင်တာက ကိုယ်တိုင်ပဲ ဖြစ်ပါတယ်..သူတို့ attitude မပြောင်းလဲနိုင်ပေမယ့် ကိုယ့်တိုးတက်မှုကိုတော့ ပြောင်းလဲနိုင်တာကိုတော့ မမေ့ပါနဲ့နော်..

Dr. Myat Su Hlaing
(Educational Psychologist & Consultant)

Dr. Myat Consultation

04/01/2026

26/12/2025

13/12/2025

09/12/2025

30/11/2025

26/11/2025

23/11/2025

19/11/2025

17/11/2025

Address

Opening Hours

Telephone

Website

Alerts

Contact The School

Shortcuts

Share

Category

Listing takedown request

Monday	07:00 - 20:00
Tuesday	07:00 - 20:00
Wednesday	07:00 - 20:00
Thursday	07:00 - 20:00
Friday	07:00 - 20:00
Saturday	07:00 - 20:00
Sunday	07:00 - 20:00