28/06/2021
💚“ငါတန်ဖိုးအထားဆုံးအရာဟာ ငါ့စိတ်ပဲ။
ငါ့စိတ်ကို ယုတ်နိမ့်စေမယ့်အတွေးတွေ သဘောထားတွေကို အမြစ်တွယ်ခွင့်မပေးဘူး။မကောင်းတဲ့အတွေးတွေ သဘောထားတွေကို သိ,သိပြီး ပယ်မယ်”လို့ ဆုံးဖြတ်ပြီး အလေ့အကျင့်လုပ်ရင် တစ်နေ့တခြား စိတ်ထားမြင့်မားတဲ့သူ ဖြစ်လာမယ်။တစ်ခုခုကို ထိထိရောက်ရောက်လုပ်လိုက်ရင် ကိုယ့်ဘဝတစ်ခုလုံး အရည်အသွေး တိုးတက်လာမယ်။ဘဝရဲ့အရည်အသွေးဟာ စိတ်ရဲ့အရည်အသွေးပေါ်မှာမူတည်တယ်။”
💚လူတစ်ယောက်မှာ အရေးကြီးဆုံးက “ စိတ် ” လို့ပြောရင် အားလုံးလက်ခံကြမယ်ထင်ပါတယ်။
💚စိတ်နေမကောင်းရင် လူနေမကောင်းတာထက် အဆပေါင်းများစွာခံစားရပါတယ်။
💚ဒီစာအုပ်လေးကတော့ စိတ်ရဲ့ကျန်းမာရေးအတွက်ရော ၊ လက်တွေ့လူနေမှုဘဝထဲမှာ နေထိုင်တတ်မှုအတွက်ရော ၊အတွေးအခေါ်အတွက်ရော အင်အားဖြစ်စေမယ့် အားဆေးလေးပဲဖြစ်ပါတယ်။
💚ငယ်ရွယ်တဲ့သူတွေက ဆရာတော်တွေရေးသားထားတဲ့စာအုပ်လေးတွေကို တွေ့တဲ့အခါ တွေးမိတာက ဆိုလိုတဲ့အဓိပ္ပာယ်တွေကို ငါနားလည်ပါ့မလား ဘာသာရေး သပ်သပ်ကြီးဆို စိတ်ဝင်စားပါ့မလား ဒါမျိုးလေးတွေ တွေးမိတတ်ကြပါတယ်။
💚ဒီစာအုပ်လေးကတော့ လုံးဝကို အသက်အရွယ်မရွေး ဖတ်ကိုဖတ်ကြည့်ရမယ့်စာအုပ်လေးတစ်အုပ်ဖြစ်ပါတယ်နော်။
💚ခုလို အချိန်တွေမှာဆို ပိုပြီးစိတ်ရဲ့ကျန်းမာရေးတွေ ထိခိုက်နေမယ်ထင်ပါတယ်။စာအုပ်ဖတ်ဖို့လည်းအချိန်သပ်သပ်ကြီးမပေးနိုင်ကြဘူးဆိုတာနားလည်ပါတယ်။
💚ဒါကြောင့် စာပုဒ်သေးသေးလေးတွေ ခွဲခြားထားပြီး တစ်နေ့ကို 10မိနစ်လောက် အချိန်ပေးပြီး ဖတ်ရုံနဲ့တင် စိတ်ရဲ့အေးချမ်းမှုကို ခံစားနိုင်မှာပဲဖြစ်ပါတယ်။
💚စာအုပ်လေးဖတ်ရင်း စိတ်ရဲ့အေးချမ်းမှုတွေကို ခံစားရင်း “တွေးမိတိုင်းပျော်နိုင်ကြပါစေရှင်”....
#ဆရာတော်ဦးဇော်တိက #တွေးမိတိုင်းပျော်တယ်
