ျမန္မာႏိုင္ငံကုန္သြယ္ေရေၾကာင္းေကာလိပ္ - MMMC

❇️ ETR Workshop Skill Training Course(Batch 3)

မြန်မာနိုင်ငံကုန်သွယ်ရေကြောင်းကောလိပ် MMMC ၌ ETR Workshop Skill Training Course (Batch 3)ကို ၂၀၂၆ ခုနှစ် မေလ စတုတ္ထအပတ်တွင် ဖွင့်လှစ်မည်ဖြစ်ပါသည်။

🔹သင်တန်းတက်ရောက်ရန် အောက်ပါပညာအရည်အချင်း ပြည့်မှီသူများလျှောက်ထားနိုင်ပါသည်။

⭐️B.Tech/AGTI/ THS/ Dip (YTU) [EP, EC, MC]
⭐️B.Sc (Engineering Electronics)
⭐️B.Sc(Physics)

🔹သင်တန်းတက်ရောက်ရန်လိုအပ်ချက်များမှာ-

(1) DMA Eligible
(2) ပညာအရည်အချင်းထောက်ခံချက် (မူရင်း၊ မိတ္တူ)
(3) ဓာတ်ပုံ (၃)ပုံ
(4) သင်တန်းဝင်ခွင့်လျှောက်လွှာ(MMMC မှယူရန်)

🔹သင်တန်းကာလ ( 780 hours)
( 26 Weeks)

🔹သင်ကြားမည့်ဆရာများ- ကျွမ်းကျင်မှုနှင့်အတွေ့အကြုံပြည့်ဝသော ETO များ ၊ Chief Engineer များ နှင့် ဆရာ/ ဆရာမ များ

၂၀၂၆ ခုနှစ် မေလ စတုတ္ထအပတ်တွင် ဖွင့်လှစ်မည်ဖြစ်သဖြင့် တက်ရောက်လိုသူများ ကြိုတင်စာရင်းသွင်းအပ်နှံနိုင်ပြီ ဖြစ်ပါသည်။

🔹သင်တန်းအပ်နှံနိုင်ရန်အတွက် အသေးစိတ်စုံစမ်းလိုပါက

🔸Glorious Day Education Service Center,
Myanmar Mercantile Marine College Compound,
Ba Yint Naung Main Road,
Kamaryut Township,
Yangon.

Phone / Viber
09 88 11 22 991
09 783 888 001
09 250 086 553
09 88 11 99 100
09 88 11 99 200

တို့သို့ဆက်သွယ်စုံစမ်းနိုင်ပါသည်။

❇️ ETO Workshop Skill Training Course
( Batch 8 )(May- 2026)
✅ မြန်မာနိုင်ငံကုန်သွယ်ရေကြောင်းကောလိပ် (MMMC) တွင်ဖွင်လှစ်မည့် ETO Workshop Skill Training Course (Batch 8)သင်တန်းသို့ တက်ရောက်ရန် အောက်ဖော်ပြပါ ပညာအရည်အချင်း သတ်မှတ်ချက်များနှင့် ကိုက်ညီသူများ လျှောက်ထားနိုင်ပါသည်။

1. BE (Electrical Power) (or)
BE (Electronics) (or)
BE (Mechatronics)
(သို့မဟုတ်)
2. BE (MESE) (MMU)
(သို့မဟုတ်)
3. Diploma in Maritime Electro Technology (MMMC)
(သို့မဟုတ်)
4. Electro-Technical Rating Certificate (AIII/7) လက်မှတ် ရရှိပြီးသူများဖြစ်ရပါမည်။

🔹သင်တန်းတက်ရောက်ရန်လိုအပ်ချက်များ

1. DMA Eligible Letter
2. ပညာအရည်အချင်းထောက်ခံချက် (မူရင်း နှင့် မိတ္တူ)
3. ဓာတ်ပုံ (၃)ပုံ
4. MMMC မှ သင်တန်းဝင်ခွင့်လျှောက်လွှာ

🔹သင်တန်းစတင်မည့်နေ့ရက်။ ။ (4 May 2026)

🔹သင်တန်းကာလ (567.5 hrs)
( 20 Weeks)

🔹အရည်အချင်းနှင့် အတွေ့အကြုံပြည့်ဝသောဆရာ/ဆရာမများ၊ Electro Technical Officer (ETO) များ နှင့် Chief Engineer များမှ သင်ကြားပို့ချ ဆွေးနွေးသွားမည် ဖြစ်ပါသည်။

🔹 လူဦးရေကန့်သတ်ချက်ရှိပါ၍ ကြိုတင်စာရင်း ပေးသွင်း သင်တန်းအပ်နှံနိုင်ပါပြီ။

🔹သင်တန်းတက်ရောက်အပ်နှံရန် နှင့် အသေးစိတ်စုံစမ်းလိုပါက-
🔸Glorious Day Education Service Center,
Myanmar Mercantile Marine College Compound,
Ba Yint Naung Main Road,
Kamaryut Township,
Yangon.

🔸Page Messenger သို့မဟုတ်
Phone / Viber
09 88 11 22 991
09 783 888 001
09 250 086 553
09 958 905 907

✨Potential to be a Professional✨

🔸 ပညာအရည်အချင်း အမှတ်စဉ် (1), (2) နှင့် (3) ရှိသူများ သည် ETO Workshop Skill သင်တန်းပြီးဆုံးအောင်မြင်ပြီး၍ သင်္ဘောပေါ်တွင် ETO Assistant or Trainee အဖြစ်လုပ်ကိုင်နေစဉ်အတွင်း Sea Services (၆)လ ပြည့်ပါက ETR onboard Certificate (AIII/7) ရရှိမည်ဖြစ်ပါသည်။

🔸ဆက်လက်၍ ပညာအရည်အချင်း အမှတ်စဉ် (1),(2),(3) နှင့် (4) ရှိသူများသည် DMA မှ သတ်မှတ်ထားသော Approved Sea Going Service ပြည့်မီပါက ETO Refresher Course သို့ တက် ရောက် ပြီး Electro Technical Officer Certificate (AIII/6) ရရှိရန် DMA မှ စစ်ဆေးသော BOE Examination ဘာသာရပ်(၂)ခုကို ဖြေဆိုရမည် ဖြစ်ပါသည်။
BOE Written & Oral Exam များအောင်မြင်ပြီးပါက
Professional ETO Officer ရာထူးဖြင့် Foreign Going Vessels များတွင် တာဝန်ထမ်းဆောင်နိုင်မည်ဖြစ်ပါသည်။

✨ မြန်မာနိုင်ငံကုန်သွယ်ရေကြောင်းကောလိပ် အရာရှိလောင်းဒီပလိုမာသင်တန်းအမှတ်စဉ်(၁၇) ဒီပလိုမာလက်မှတ်အပ်နှင်းပွဲ အခမ်းအနားကျင်းပ✨

မြန်မာနိုင်ငံကုန်သွယ်ရေကြောင်းကောလိပ် အရာရှိလောင်းဒီပလိုမာသင်တန်းအမှတ်စဉ်(၁၇) ဒီပလိုမာလက်မှတ် အပ်နှင်းပွဲအခမ်းအနားကို ၂၀၂၆ခုနှစ် ဧပြီလ ၃ ရက် နေ့လည်ပိုင်းက MMMC ခန်းမဆောင်၌ ကျင်းပခဲ့သည်။

ဦးစွာ မြန်မာနိုင်ငံကုန်သွယ်ရေကြောင်းကောလိပ် ကျောင်းအုပ်ကြီး ဦးဇော်ဝင်းထွန်းက အရာရှိလောင်းများအား ဒီပလိုမာအောင်လက်မှတ်များအသီးသီး အပ်နှင်းခဲ့သည်။ ထို့နောက် ကျောင်းအုပ်ကြီးက သင်တန်းဆင်း အမှာစကားပြောကြားခဲ့ပြီးနောက် ကျောင်းဆင်းအရာရှိလောင်းများနှင့်အတူ စုပေါင်းအမှတ်တရ ဓာတ်ပုံရိုက်ကူးကာ အခမ်းအနားကိုရုပ်သိမ်းခဲ့သည်။

အခမ်းအနားသို့ မြန်မာနိုင်ငံကုန်သွယ်ရေကြောင်းကောလိပ် ကျောင်းအုပ်ကြီး ဦးဇော်ဝင်းထွန်း၊ ရေကြောင်းပညာဌာန ဌာနမှူး Capt. ဦးကျော်ကျော်ဝင်း၊ အလုပ်ရုံနှင့် နည်းပညာဌာန ဌာနမှူး ဦးထွန်းလင်းဦး၊ ပညာရေးအဖွဲ့ဝင်များ၊ မော်ကွန်းထိန်းနှင့် ဆရာ ဆရာမများ၊ အရာရှိလောင်းများနှင့် ၄င်းတို့၏ မိဘဆွေမျိုးများ၊ ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။

ကုန်သွယ်ရေကြောင်းအရာရှိလောင်း ဒီပလိုမာသင်တန်းအမှတ်စဉ်(၁၇)၌ ရေကြောင်းအရာရှိလောင်း (၁၂၄)ဦး၊ ရေကြောင်းအင်ဂျင်နီယာအရာရှိလောင်း (၁၁၇)ဦး ၊ ရေကြောင်းလျှပ်စစ်နည်းပညာအရာရှိလောင်း (၃၇)ဦး စုစုပေါင်း(၂၇၈)ဦးတို့ တက်ရောက်အောင်မြင်ခဲ့ကြသည်။

🔹မြန်မာနိုင်ငံကုန်သွယ်ရေကြောင်းကောလိပ် အရာရှိလောင်း ဒီပလိုမာသင်တန်းအမှတ်စဉ်(၁၇) သင်တန်းဆင်းပွဲ ကျင်းပ

မြန်မာနိုင်ငံကုန်သွယ်ရေကြောင်းကောလိပ်၊ အရာရှိလောင်း ဒီပလိုမာသင်တန်းအမှတ်စဉ်(၁၇) သင်တန်းဆင်းပွဲအခမ်းအနားကို ၂၀၂၆ခုနှစ်၊ ဧပြီလ(၃)ရက်နေ့ နံနက်ပိုင်းက မြန်မာနိုင်ငံကုန်သွယ်ရေကြောင်းကောလိပ်၌ ကျင်းပခဲ့သည်။

အခမ်းအနားသို့ မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီး ဦးဇော်ဝင်းထွန်း၊ပို့ဆောင်ရေးနှင့် ဆက်သွယ်ရေးဝန်ကြီးဌာနမှ တာဝန်ရှိသူများ၊ ဝန်ကြီးဌာနများမှ ဌာနအကြီးအမှူးများ၊ ဆရာ ဆရာမများ၊ ကျောင်းသားမိဘများ၊ ဧည့်သည်တော်များနှင့်တာဝန်ရှိသူများ တက်ရောက်ခဲ့ကြသည်။

ဦးစွာ မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီးက ကျောင်းဆင်းတပ်ခွဲကို စစ်ဆေးပြီး စစ်ရေးပြတပ်ခွဲများမှ စစ်ကြောင်းပုံဖြင့် ချီတက်အလေးပြုသည်။ ထို့နောက် မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီးက ကုန်သွယ်ရေကြောင်းအရာရှိလောင်း ဒီပလိုမာသင်တန်းတွင် ထူးချွန်ဆုရရှိခဲ့ကြသော စံပြအရာရှိလောင်း(ရေကြောင်း)ဆုရ အရာရှိလောင်း ဆုပိုင်ဖြိုး၊ စံပြအရာရှိလောင်း(အင်ဂျင်နီယာ) ဆုရ အရာရှိလောင်း ရဲသွေးနိုင်၊ စံပြအရာရှိလောင်း (လျှပ်စစ်နည်းပညာ)ဆုရ အရာရှိလောင်း အောင်ကောင်းမြတ်၊ ကုန်သွယ်ရေကြောင်းအရာရှိလောင်း စာပေထူးချွန်ဆုရအရာရှိလောင်း ချမ်းမြေ့ကျော်၊ အင်ဂျင်နီယာအရာရှိလောင်း စာပေထူးချွန်ဆုရ အရာရှိလောင်း စည်သူနိုင်၊ လျှပ်စစ်နည်းပညာအရာရှိလောင်း စာပေထူးချွန်ဆုရ အရာရှိလောင်း စိုင်းကောင်းသန့် တို့အားဂုဏ်ပြုဆုများ ပေးအပ်ချီးမြှင့်ခဲ့ပြီး သင်တန်းဆင်းမိန့်ခွန်းပြောကြားသည်။

ထို့နောက် ပို့ဆောင်ရေးနှင့်ဆက်သွယ်ရေးဝန်ကြီးဌာန အမြဲတမ်းအတွင်းဝန်က ထူးချွန်ဆုရ အရာရှိလောင်း ၆ ဦးနှင့် ၎င်းတို့၏ မိဘများကို တွေ့ဆုံဂုဏ်ပြု အမှာစကားပြောကြားသည်။ ထို့နောက် တက်ရောက်လာသည့် ဧည့်သည်တော်များ၊ တာဝန်ရှိသူများနှင့် ကျောင်းဆင်းအရာရှိလောင်းများနှင့်အတူ စုပေါင်းအမှတ်တရ ဓာတ်ပုံရိုက်ကူးကာ အခမ်းအနားကိုရုပ်သိမ်းခဲ့သည်။

မြန်မာနိုင်ငံကုန်သွယ်ရေကြောင်းကောလိပ်၊ ရေကြောင်းအရာရှိလောင်း ဒီပလိုမာသင်တန်း အမှတ်စဉ်(၁၇)၌ ရေကြောင်းအရာရှိလောင်း ၁၂၄ ဦး၊ ရေကြောင်းအင်ဂျင်နီယာအရာရှိလောင်း ၁၁၇ ဦး၊ ရေကြောင်းလျှပ်စစ် နည်းပညာအရာရှိလောင်း ၃၇ ဦး စုစုပေါင်း ၂၇၈ ဦးတို့ တက်ရောက်အောင်မြင်ခဲ့ကြသည်။

✨ Jadeoriental Ship Management (JSM) ကုမ္ပဏီမှ Scholarship ပေးအပ်ပွဲ အခမ်းအနားကျင်းပ✨

မြန်မာနိုင်ငံကုန်သွယ်ရေကြောင်းကောလိပ်၊ ၂၀၂၅ -၂၀၂၆ ပညာသင်နှစ်၊ Scholarship ပေးအပ်ပွဲ အခမ်းအနားကို (၁၇.၃.၂၀၂၆) ရက်နေ့က ကျင်းပပြုလုပ်ခဲ့ရာ အခမ်းအနားတွင် မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီး ဦးဇော်ဝင်းထွန်းမှ အဖွင့်အမှာစကားပြောကြားခဲ့ပါသည်။ ထို့နောက် Jadeoriental Ship Management (JSM) ကုမ္ပဏီမှ Managing Director ဦးဝင်းလှိုင်မှ နှုတ်ခွန်းဆက်စကားပြန်လည်ပြောကြားခဲ့ပါသည်။

ဆက်လက်၍ JSM/ HANA/ DORVAL ကုမ္ပဏီမှ တာဝန်ရှိသူများမှ အရာရှိလောင်း ဒီပလိုမာသင်တန်း အမှတ်စဉ်(၁၇) (CD-51, CE-49)မှ ရေကြောင်းအရာရှိလောင်း (၁၆)ဦး၊ ရေကြောင်းအင်ဂျင်နီယာအရာရှိလောင်း (၁၇)ဦး စုစုပေါင်း (၃၃)ဦးတို့အား Scholarship Award များ အသီးသီး ပေးအပ်ခဲ့ကြပါသည်။

အဆိုပါ အခမ်းအနားသို့ မြန်မာနိုင်ငံကုန်သွယ်ရေကြောင်းကောလိပ် ကျောင်းအုပ်ကြီး ဦးဇော်ဝင်းထွန်း၊ ရေကြောင်းပညာဌာန ဌာနမှူး Capt. ဦးကျော်ကျော်ဝင်း၊ အလုပ်ရုံနှင့်နည်းပညာဌာန ဌာနမှူး ဦးထွန်းလင်းဦး၊ မော်ကွန်းထိန်း ဦးတင့်နောင်ထူး၊ ဆရာ/ဆရာမများ၊ JSM/ HANA/ DORVAL ကုမ္ပဏီမှ တာဝန်ရှိသူများ၊ အရာရှိလောင်းများ၏ မိဘဆွေမျိုးများ တက်ရောက်ခဲ့ကြပါသည်။

❇️ အရာရှိလောင်း ဒီပလိုမာသင်တန်း အမှတ်စဉ်(၁၉) တွေ့ဆုံပွဲ အခမ်းအနားကျင်းပ

မြန်မာနိုင်ငံကုန်သွယ်ရေကြောင်းကောလိပ်၊ အရာရှိလောင်း ဒီပလိုမာသင်တန်း အမှတ်စဉ်(၁၉) တွေ့ဆုံပွဲ အခမ်းအနားကို (၁၂.၃.၂၀၂၆)ရက်နေ့တွင် ကျင်းပပြုလုပ်ခဲ့ပါသည်။

အခမ်းအနားတွင် ရေကြောင်းပညာဌာန ဌာနမှူး Capt. ဦးကျော်ကျော်ဝင်း၊ အလုပ်ရုံနှင့်နည်းပညာဌာန ဌာနမှူး ဦးထွန်းလင်းဦး၊ မော်ကွန်းထိန်း ဦးတင့်နောင်ထူးနှင့် သက်ဆိုင်ရာ ဘာသာရပ်အသီးသီးမှ ဆရာ/ဆရာမများက မိတ်ဆက်စကားများ ပြောကြားခဲ့ကြပြီး သင်ကြားပို့ချမည့် ဘာသာရပ်ဆိုင်ရာများ၊ သင်တန်းနှင့်စပ်လျဥ်း၍ လိုက်နာရမည့် စည်းကမ်းချက်များ၊ သိသင့်သိထိုက်သည်များကို ရှင်းလင်းပြောကြားခဲ့ကြပါသည်။

✨ အရာရှိလောင်း ဒီပလိုမာသင်တန်း အမှတ်စဉ်(၁၉) သင်တန်းဖွင့်ပွဲ အခမ်းအနားကျင်းပပြုလုပ်✨

မြန်မာနိုင်ငံကုန်သွယ်ရေကြောင်းကောလိပ်၊ အမှတ်စဉ်(၁၉) အရာရှိလောင်း ဒီပလိုမာသင်တန်း၊ သင်တန်းဖွင့်ပွဲ အခမ်းအနားကို (၁၉.၁.၂၀၂၆)ရက်နေ့၌ ကျင်းပပြုလုပ်ခဲ့ရာ မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီး ဦးဇော်ဝင်းထွန်းမှ အရာရှိလောင်း ဒီပလိုမာသင်တန်း အမှတ်စဉ်(၁၉)သို့ တက်ရောက်ခွင့်ရရှိသော ရေကြောင်းအရာရှိလောင်း (၁၄၀)ဦး၊ ရေကြောင်းအင်ဂျင်နီယာအရာရှိလောင်း (၁၄၀)ဦးနှင့် ရေကြောင်းလျှပ်စစ်နည်းပညာအရာရှိလောင်း (၄၀)ဦး၊ စုစုပေါင်း (၃၂၀)ဦးတို့အား တွေ့ဆုံအမှာစကားပြောကြားခဲ့ပါသည်။

အဆိုပါ သင်တန်းဖွင့်ပွဲ အခမ်းအနားသို့ မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီး ဦးဇော်ဝင်းထွန်း၊ရေကြောင်းပညာဌာန ဌာနမှူး Capt. ဦးကျော်ကျော်ဝင်း၊ အလုပ်ရုံနှင့်နည်းပညာဌာန ဌာနမှူး ဦးထွန်းလင်းဦး၊ စီမံရေးရာဌာန ဌာနမှူး ဦးစိုးသန်း၊မော်ကွန်းထိန်း ဦးတင့်နောင်ထူး၊ ဆရာ/ဆရာမများနှင့် တာဝန်ရှိသူများ တက်ရောက်ခဲ့ကြပါသည်။

🔹အရာရှိလောင်း ဒီပလိုမာသင်တန်း အမှတ်စဉ်(၁၉)သို့ တက်ရောက်မည့် သင်တန်းသားများ၏ မိဘ၊အုပ်ထိန်းသူများနှင့် တွေ့ဆုံပွဲပြုလုပ်

အရာရှိလောင်း ဒီပလိုမာသင်တန်း အမှတ်စဉ်(၁၉)သို့ တက်ရောက်ခွင့်ရရှိသူ သင်တန်းသားများသည် (၁၈.၁.၂၀၂၆)ရက်နေ့ နံနက်ပိုင်းတွင် မိဘ/အုပ်ထိန်းသူများနှင့်အတူ မြန်မာနိုင်ငံကုန်သွယ်ရေကြောင်းကောလိပ်သို့ လာရောက်သတင်းပို့ အပ်နှံကြပါသည်။

ထို့နောက် နေ့လည်(၂:၀၀) နာရီ၌ အရာရှိလောင်း သင်တန်းသားများ၏ မိဘ၊ အုပ်ထိန်းသူများနှင့် တွေ့ဆုံပွဲအခမ်းအနားကို မြန်မာနိုင်ငံကုန်သွယ်ရေကြောင်းကောလိပ်၊ Multimedia ခန်းမ၌ ကျင်းပပြုလုပ်ခဲ့ရာ မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီး ဦးဇော်ဝင်းထွန်းမှ အရာရှိလောင်းဒီပလိုမာသင်တန်းနှင့်စပ်လျဉ်း၍ သိသင့်သိထိုက်သည်များကို ရှင်းလင်းပြောကြားခဲ့ပါသည်။ ထို့နောက် မိဘ/အုပ်ထိန်းသူများနှင့် ရင်းရင်းနှီးနှီးတွေ့ဆုံနှုတ်ဆက်၍ သိလိုသည့်မေးမြန်းမှုများကို ပြန်လည်ဖြေကြားပေးခဲ့ပါသည်။

🔹 MMMC ဒီပလိုမာ အရာရှိလောင်း သင်တန်းသားများ၏ အတန်းတင်စာမေးပွဲ ကျင်းပလျက်ရှိ

မြန်မာနိုင်ငံကုန်သွယ်ရေကြောင်းကောလိပ်၊ အမှတ်စဉ်(၁၇)ဒုတိယနှစ် ဒီပလိုမာအရာရှိလောင်းသင်တန်းနှင့် အမှတ်စဉ်(၁၈)ပထမနှစ် ဒီပလိုမာအရာရှိလောင်းသင်တန်းတို့၏ အတန်းတင်စာမေးပွဲအား (၅.၁.၂၀၂၆)ရက်နေ့မှ (၁၆.၁.၂၀၂၆)ရက်နေ့အထိ ဖြေဆိုလျက်ရှိရာ မြန်မာနိုင်ငံကုန်သွယ်ရေကြောင်းကောလိပ်၊ ကျောင်းအုပ်ကြီး ဦးဇော်ဝင်းထွန်းနှင့် တာဝန်ရှိသူများမှ စာမေးပွဲဖြေဆိုနေမှုအား ကြည့်ရှုစစ်ဆေးကြပါသည်။