Thuwunna Educational Services

“ကျောင်းသင်ရိုးညွှန်းတမ်းတွေကို နားလည်လွယ်အောင် သင်ကြားပေးတဲ့ Online Class အတန်းများ ရှာနေပါသလား? 🤔
ဒါဆိုရင် ဒီ Post ကို ကြည့်လိုက်ပါ နော်👇”

Student Reviews 👇

https://www.facebook.com/share/18hk2jas8X/?mibextid=wwXIfr

Online သင်ကြားမှုပုံစံ👇

✅Online သင်ကြားမှုပုံစံကတော့ Zoom Application ဖြင့် Face to Face သင်ကြားပေးမှာဖြစ်တဲ့အတွက် အပြင်မှာ ဆရာနှင့်တိုက်ရိုက်သင်ကြားသကဲ့သို့ ထိတွေ့သင်ယူနိုင်ခြင်း။
✅ နားမလည်လိုက်သောစာများနှင့်လွတ်သွားသောစာများမရှိရအောင် Recording Video file များပြန်လည်ပို့ပေးခြင်း။
✅စာသင်ချိန်ပြီးတိုင်းမှာလည်း သင်ခန်းစာများ အိမ်စာများကို Record Book ဖြင့်လုပ်ပေးခြင်း။
✅မှတ်ရလွယ်ကူပြီး နားလည်ရလွယ်ကူသော Note များဖြင့် စနစ်တကျ သင်ကြားပေးခြင်း။

✅ဒါ့အပြင်ကျောင်းသား/သူများရဲ့ အရည်အချင်းများ အမြဲသိရဖို့အတွက်
*တစ်ပတ်တစ်ခါ သင်ပြီးသည်များကို Tutorial Test နဲ့ Exam များ ပုံမှန်စစ်ပေးသည်။
*မေးခွန်းပုံစံနှင့်အညီ သင်ရိုး တစ်ဝက်နှင့်သင်ရိုးကုန်ဟူ၍ စာမေးပွဲ (၂)ကြိမ် စစ်ဆေးပေးပါသည်။

✅ကျောင်းသား/သူဘက်မှ စာသင်ချိန်ပျက်ရက်များကိုလည်း အစားထိုးပြန်ဝင်ပေးခြင်း။
✅Teaching Plan အတိုင်း စနစ်တကျ ထိရောက်စွာ သင်ကြားပေးခြင်း။
✅မိဘများနှင့်လည်း ကျောင်းသား/သူ တိုး၏တိုးတက်ပြောင်းလဲမှုများကို တစ်လတစ်ခါ ဆွေးနွေးပေးခြင်း။

TES ရဲ့ အတန်းများ နဲ့ပတ်သက်ပြီး စုံစမ်းမေးမြန်းလိုပါက
💬 Page Chat Box
📞09-740845470
📞09-950545066
🗓️ Monday to Sunday
⏰ 9:00 AM - 6:00PM အတွင်း အသေးစိတ်ကိုလည်း ဆက်သွယ်မေးမြန်းနိုင်ပါတယ် ။

G12 အစိုးရစစ်စာမေးပွဲခန်းဝင်လျှင် သိထားသင့်သည့် စည်းကမ်းချက်များ

​G12 စာမေးပွဲကြီးဖြေဆိုဖို့ ရက်ပိုင်းပဲ လိုတော့တာကြောင့် အဆင်ပြေပြေဖြေဆိုနိုင်အောင် အတွေ့အကြုံကောင်းများနှင့် လိုက်နာရန်အချက်များကို စုစည်းမျှဝေပေးလိုက်ပါတယ်။

​(၁) စာမေးပွဲခန်းအတွင်း အခြေအနေ

​စောင့်ကြပ်မှု: အခန်းတစ်ခန်းမှာ အခန်းစောင့်ဆရာမ (၂) ယောက် စောင့်ကြပ်မှာဖြစ်ပြီး အပြင်ဘက်တွင်လည်း (Round) တာဝန်ခံများ ရှိနေပါမည်။

​စစ်ဆေးမှု: စာမေးပွဲခန်းမဝင်ခင်မှာ ဆရာ/ဆရာမများက ပစ္စည်းစစ်ဆေးမှုများကို စေ့စေ့စပ်စပ် ပြုလုပ်ပါလိမ့်မည်။

​လူစုံမှု: အနယ်နယ်အရပ်ရပ်က ဆရာ/ဆရာမများနှင့် ကျောင်းပေါင်းစုံ၊ နေရာစုံမှ ကျောင်းသား/သူများ အတူတကွ တွေ့ကြုံရမည့် ပတ်ဝန်းကျင်ဖြစ်ပါသည်။

​(၂) စာမေးပွဲဖြေဆိုခွင့်ကတ်

​မူရင်းကတ်: မြန်မာစာဖြေသည့် ပထမဆုံးနေ့မှာတင် "မူရင်းကတ်" ကို သိမ်းဆည်းသွားပါမည်။

​ယာယီကတ်: ၎င်းအစား ထုတ်ပေးမည့် "ယာယီကတ်" ကို နောက်ရက်များတွင် မပျောက်မပျက်ဘဲ မဖြစ်မနေ ယူဆောင်လာရပါမည်။

(၃) Calculator အသုံးပြုမှု

​စစ်ဆေးခြင်း: Calculator ကို စစ်ဆေးသည့်ဆရာရှိသလို၊ တချို့ကတော့ Data များ Clear လုပ်ခိုင်းပြီး အဖုံးများကို သိမ်းဆည်းထားတတ်ပါသည်။

​အရန်ပစ္စည်း: တကယ်လို့ Calculator မေ့ကျန်ခဲ့ပါကလည်း အခန်းတိုင်းတွင် အရန်သင့်သုံးနိုင်အောင် စီစဉ်ပေးထားမှာဖြစ်ပါသည်။

​(၄) အရေးကြီးသည့် စည်းကမ်းချက်များ

​အချိန်: စာမေးပွဲစမည့်အချိန်ထက် အနည်းဆုံး မိနစ် ၃၀ ခန့် စောရောက်အောင် သွားပါ။

​ခွင့်ပြုချက်: အဖြေလွှာအပိုတောင်းခြင်း၊ အိမ်သာသွားလိုခြင်းများရှိပါက အခန်းစောင့်ဆရာမကို ယဉ်ကျေးစွာ ခွင့်ပြုချက်တောင်းနိုင်ပါတယ်။

​တားမြစ်ပစ္စည်း: ဖုန်း၊ Smart Watch၊ စာရွက်စာတမ်းနှင့် အမှတ်အသားပါသော ပေတံဗူးများ လုံးဝ (လုံးဝ) ယူဆောင်ခြင်းမပြုရ။

​နောက်ဆုံးစစ်ဆေးခြင်း: စာမေးပွဲပြီးရန် ၁၅ မိနစ်အလို သတိပေးခေါင်းလောင်းတီးချိန်တွင် ခုံနံပါတ်နှင့် အဖြေလွှာအတွဲအစပ်များကို သေချာပြန်စစ်ပါ။

(၅) ပါသွားရမည့် ပစ္စည်းစာရင်း
​✅ဖြေဆိုခွင့်ကတ် (သို့) ယာယီကတ်
​✅ဘောပင် (အပြာ) အပို (၂) ချောင်းခန့်
​✅ခဲတံ၊ ခဲဖျက် နှင့်
​✅ကြည်လင်ပြတ်သားသော ပေတံအကြည်
​✅Calculator (ခွင့်ပြုထားသည့် Model)

Grade-12 စာမေးပွဲဖြေဆိုမည့် ကျောင်းသား/သူ
တို့အတွက် နောက်ဆုံးအချိန် အကြံပြုချက်များ

စာမေးပွဲဖြေဆိုဖို့ ရက်ပိုင်းပဲ လိုတော့တဲ့အတွက် စိတ်လှုပ်ရှားနေကြပြီလား? အားလုံးပဲ အောင်မြင်စွာ ဖြေဆိုနိုင်ဖို့ ဒီအချက်လေးတွေကို သတိပြု ပြင်ဆင်သွားကြရအောင်။

၁။ ကျန်းမာရေးကို နံပါတ် (၁) ထားပါ
စာမေးပွဲရက်အတွင်း ဖျားနာတာမျိုးမဖြစ်အောင် အစားအသောက် ဆင်ခြင်ပါ။
ညဖက် အလွန်အမင်း အိပ်ရေးပျက်မခံပါနဲ့။ အိပ်ရေးဝမှသာ စာမေးပွဲခန်းထဲမှာ ဦးနှောက်က ကြည်လင်ပြီး မှတ်ဉာဏ်ကောင်းမှာပါ။

၂။ စာမေးပွဲအသုံးအဆောင်များ ကြိုတင်ပြင်ဆင်ပါ
ခဲတံ၊ ဘောပင် (အပိုပါပါစေ)၊ ပေတံ၊ ခဲဖျက် နဲ့ လိုအပ်တာ တွေကို အိတ်တစ်လုံးထဲမှာ စနစ်တကျ ကြိုထည့်ထားပါ။

ဖြေဆိုခွင့်ကတ်ပြား ကို မပျောက်ရှအောင် ဂရုစိုက်ပြီး ယူဆောင်သွားဖို့ မမေ့ပါနဲ့။

၃။ မြန်မာစာအတွက် အထူးသတိပြုရန်
မြန်မာစာဟာ ပထမဆုံးဘာသာရပ်ဖြစ်လို့ စိတ်အေးအေးထားဖြေပါ။

အမှတ်အလွယ်တကူရနိုင်တဲ့ မေးခွန်းနံပါတ် ၁။ နဲ့ ၂။ ကို တိတိကျကျလေး ပြန်နွေးပါ။

လက်ရေးသပ်ရပ်မှုနဲ့ သတ်ပုံမှန်ကန်မှုက အမှတ်ပေးစည်းမျဉ်းမှာ အရေးကြီးပါတယ်။ စာစီစာကုံးရေးရင် အပိုဒ်ခွဲတာ၊ စကားပုံသုံးတာမျိုး ဂရုစိုက်ပါ။

၄။ စာမေးပွဲခန်းထဲမှာ လိုက်နာရန်
မေးခွန်းလွှာရရချင်း အကုန်လုံးကို တစ်ခေါက် အမြန်ဖတ်ကြည့်ပါ။

ကိုယ်သေချာရတဲ့ မေးခွန်းကို အရင်ဦးစားပေးဖြေပါ။

အချိန်ကို ခွဲဝေသုံးစွဲပါ။ မေးခွန်းတစ်ခုတည်းမှာ အချိန်အကြာကြီး မပေးမိပါစေနဲ့။

စာပြန်စစ်ဖို့ အချိန် (၁၀) မိနစ်ခန့် ချန်ထားပါ။

၅။ စိတ်ဓာတ်ခိုင်မာပါစေ
ဘာသာရပ်တစ်ခု ဖြေပြီးသွားတိုင်း အဖြေတိုက်တာမျိုး သိပ်မလုပ်ပါနဲ့တော့။ ပြီးခဲ့တာကို ထားခဲ့ပြီး နောက်နေ့ဖြေရမယ့် ဘာသာရပ်ကိုပဲ အာရုံစိုက်ပါ။

ကျောင်းသား/သူ အားလုံး စာမေးပွဲမှာ ထူးထူးချွန်ချွန်နဲ့ အောင်မြင်ကြပါစေကြောင်း ဆုမွန်ကောင်းတောင်းပေးလိုက်ပါတယ်!

“ကျရှုံးမှာကိုမကြောက်ပါနဲ့…..

စာမေးပွဲဖြေတဲ့အခါ အာရုံမလွင့်အောင် ဘယ်လိုလုပ်မလဲ?

​၁။ မေးခွန်းကို အစအဆုံး အရင်ဖတ်ပါ
​မေးခွန်းစာရွက်ရတာနဲ့ ချက်ချင်းအလုအယက် မဖြေပါနဲ့ဦး။ (၅) မိနစ်လောက် အချိန်ပေးပြီး မေးခွန်းတစ်ခုလုံးကို အရင်ဖတ်ပါ။ ဒါက ဦးနှောက်ကို "ငါ ဘာတွေဖြေရတော့မယ်" ဆိုတာ ကြိုတင်အချက်ပေးလိုက်တာဖြစ်လို့ အာရုံစူးစိုက်မှုကို မြှင့်တင်ပေးပါတယ်။

​၂။ သိတာကို အရင်ဖြေပါ
​မသိတဲ့မေးခွန်းမှာ အချိန်ကုန်ခံပြီး စဉ်းစားနေရင် စိတ်ပူပန်မှု (Panic) ဖြစ်လာပြီး အာရုံပျက်တတ်ပါတယ်။ ရေရေလည်လည် သိတာကို အရင်ဖြေလိုက်တဲ့အခါ "ငါဖြေနိုင်သားပဲ" ဆိုတဲ့ ယုံကြည်မှုကြောင့် စိတ်တည်ငြိမ်ပြီး အာရုံစိုက်ရတာ ပိုလွယ်ကူလာပါတယ်။

​၃။ တစ်ကြိမ်မှာ မေးခွန်းတစ်ခုပဲ ကြည့်ပါ
​မေးခွန်းနံပါတ် (၁) ကို ဖြေနေရင် နံပါတ် (၁၀) အတွက် ကြိုမပူပါနဲ့။ လက်ရှိဖြေနေတဲ့ စာကြောင်းပေါ်မှာပဲ အာရုံထားပါ။ တခြားမေးခွန်းတွေကို ခေတ္တမေ့ထားတာက အမှားအယွင်း နည်းစေပါတယ်။

​၄။ အသက်ကို ပြင်းပြင်းရှူပါ (Deep Breathing)
​ဖြေနေရင်း အာရုံလွင့်လာတာ ဒါမှမဟုတ် ရင်တုန်လာတာမျိုး ဖြစ်ရင် ခဏလေး နားလိုက်ပါ။ မျက်စိမှိတ်ပြီး အသက်ကို ပြင်းပြင်း (၃) ကြိမ်လောက် ရှူသွင်းရှူထုတ် လုပ်လိုက်ပါ။ ဒါက ဦးနှောက်ဆီ အောက်ဆီဂျင် ပိုရောက်စေပြီး အာရုံပြန်ရစေပါတယ်။

​၅။ ပတ်ဝန်းကျင်ကို ဂရုမစိုက်ပါနဲ့
​ဘေးကသူတွေ စာရွက်တောင်းတာ၊ အမြန်ဖြေနေတာတွေကို လုံးဝကြည့်မနေပါနဲ့။ လူတစ်ယောက်နဲ့တစ်ယောက် စာဖြေပုံချင်း မတူပါဘူး။ ကိုယ့်စာရွက်နဲ့ ကိုယ့်ကလောင်အဖျားမှာပဲ အာရုံကို မြှုပ်နှံထားပါ။

​အမှတ်တရ လက်ဆောင်စကား:
"စာမေးပွဲဆိုတာ အမှတ်တွေတင်မကဘူး၊ မင်းရဲ့ စိတ်ရှည်သည်းခံမှုကိုပါ စမ်းသပ်တာပါ။"
​ဒီအချက်လေးတွေကို လိုက်နာရင် အာရုံစူးစိုက်မှု အပြည့်နဲ့ ဖြေဆိုနိုင်မှာ အသေအချာပါပဲ။

ာမင်းခန့်နိုင်
(ကထိက၊ မြန်မာစာဌာန)

တက္ကသိုလ်ဝင်စာမေးပွဲ ဖြေဆိုမည့်သူများ သိရှိလိုက်နာရန် စည်းကမ်းချက်များနှင့် ပြစ်ဒဏ်များ

​စာမေးပွဲဖြေဆိုသူများအနေဖြင့် စည်းကမ်းဖောက်ဖျက်မှု ကျူးလွန်ပါက အောက်ဖော်ပြပါ ပြစ်ဒဏ်များအတိုင်း အရေးယူခြင်း ခံရမည်ဖြစ်ပါသည်။

​⚠️ (၁) နှစ် ပိတ်သိမ်းမည့် ပြစ်ဒဏ်များ
​စာမေးပွဲခန်းအတွင်းသို့ မှတ်စုစာရွက်များ၊ Programmable Calculator များ ယူဆောင်လာခြင်း။
​ဖုန်း၊ နာရီ၊ Smart Pen၊ Smart Glasses၊ Bluetooth Devices စသည့် ဆက်သွယ်ရေးပစ္စည်းများ ယူဆောင်လာခြင်း။
​အဖြေလွှာတွင် မေးခွန်းနှင့် မသက်ဆိုင်သော စာများ ရေးသားခြင်း။

​⚠️ (၂) နှစ် ပိတ်သိမ်းမည့် ပြစ်ဒဏ်များ
​အဖြေလွှာတွင် ညစ်ညမ်းသော၊ မဖွယ်မရာသော အကြောင်းအရာများ ရေးသားခြင်း။
​စာစစ်သူကို ခြိမ်းခြောက်၊ ဆဲဆိုသည့် စာများ ရေးသားခြင်း။
​အထောက်အထား မပြနိုင်ဘဲ အင်္ကျီလက်၊ အဝတ်အစားများတွင် ကူးယူလာပြီး ခိုးချခြင်း။
​ယူဆောင်လာသော မှတ်စုများနှင့် Calculator များကို ထုတ်ယူအသုံးပြုခြင်း။
​ဖုန်းနှင့် ဆက်သွယ်ရေးပစ္စည်းများကို အသုံးပြုခြင်း။
​ပြင်ပမှ အဖြေများပါသော စာရွက်များဖြင့် အစားထိုးခြင်း၊ ဖြည့်စွက်ခြင်း။
​ခုံနံပါတ် အစားထိုး ပြင်ဆင်ရေးသားခြင်း။
​တစ်ဦးနှင့်တစ်ဦး အဖြေလွှာချင်း လဲလှယ်ခြင်း သို့မဟုတ် ကူးပေးခြင်း။

​⚠️ (၃) နှစ် ပိတ်သိမ်းမည့် ပြစ်ဒဏ်များ
​အဖြေလွှာ သို့မဟုတ် မေးခွန်းလွှာကို ဆုတ်ဖြတ်ခြင်း၊ အပြင်သို့ ယူဆောင်သွားခြင်း။
​စာမေးပွဲဖြေဆိုခွင့်ကတ်ပြားကို ပြင်ဆင်ခြင်း၊ အချက်အလက် ဖျက်ဆီးခြင်း။
​အရက်သေစာ သို့မဟုတ် မူးယစ်ဆေးဝါး သုံးစွဲ၍ စာမေးပွဲဖြေဆိုရန် လာရောက်ခြင်း။
​ကြီးကြပ်ရေးမှူးများ၏ တားမြစ်ချက်ကို မနာခံခြင်း၊ ကန့်လန့်ဆန့်ကျင်ပြုခြင်း။
​လူစားထိုး ဖြေဆိုခြင်း။
​ပြင်ပနှင့် ဆက်သွယ်ပြီး မေးခွန်းပေါက်ကြားအောင် ပြုလုပ်ခြင်း။

​⚠️ (၄) နှစ် ပိတ်သိမ်းမည့် ပြစ်ဒဏ်များ
​စာမေးပွဲကျင်းပခြင်းကို အနှောင့်အယှက်ဖြစ်စေရန် ကြံစည်ခြင်း၊ ဆူပူအောင်ပြုလုပ်ခြင်း။
​ကြီးကြပ်ရေးမှူးနှင့် ဆရာ/ဆရာမများကို ကိုယ်ထိလက်ရောက် ကျူးလွန်စော်ကားခြင်း။
​ကြီးကြပ်ရေးမှူးများကို ရိုင်းစိုင်းစွာ ဆဲဆိုခြင်း၊ ခြိမ်းခြောက်ခြင်း သို့မဟုတ် လက်နက်ဖြင့် ခြိမ်းခြောက်ခြင်း။

​မှတ်ချက်။ ။ စာမေးပွဲဖြေဆိုမည့် ကျောင်းသား/သူများအနေဖြင့် မိမိတို့၏ အနာဂတ်အတွက် စည်းကမ်းများကို တိကျစွာ လိုက်နာကြရန် တိုက်တွန်းနှိုးဆော်အပ်ပါသည်။


​ #တက္ကသိုလ်ဝင်စာမေးပွဲ #စာမေးပွဲစည်းကမ်းချက်များ

တက္ကသိုလ်ဝင်စာမေးပွဲ မြန်မာစာ ဖြေဆိုရာမှာ သတိပြုရမည် အချက်များ

မေးခွန်း ၁။ (က) မှား/မှန်

မှားလျှင် (မှား)၊ မှန်လျှင် (မှန်) ဟု ဝိုက်ကွင်း ( ) ဖြင့် ဖော်ပြပေးရမည်။

သာဓက -
ခေတ်စကားပြေကို ပီမိုးနင်း ရေးပါသည်။
အဖြေ။
(မှား) ✅
မှား ❌

(မှတ်ချက် - သင်တန်း တစ်ခုနှင့်တစ်ခု ညွှန်ကြားချက်ချင်း မတူပါ။ သို့သော် ဝိုက်ကွင်းဖြင့် ဖြေဆိုပေးခြင်းက ပို၍ စိတ်ချရပါတယ်။)

မေးခွန်း ၁။ (ခ) ကွက်လပ်ဖြည့်

စကားလုံး မပိုရ မလိုရပါ။

သာဓက -
စိန္တကျော်သူဦးဩသည် သက္ကရာဇ် ၁၁၂၂ ခုနှစ်တွင် ____ ပျို့ကဗျာကို
စီရင်ရေးဖွဲ့ခဲ့သည်။

အဖြေ။
ဩဝါဒထူး ✅
ဩဝါဒထူးပျို့ ❌

မေးခွန်း ၁။ (ဂ) အဖြေမှန်ရွေး

ဝိုက်ကွင်းနှင့်တကွ အက္ခရာနှင့် အဖြေစာသားကို အပြည့်အစုံ ဖော်ပြပေးရမည်။

သာဓက -
အဖြူနှင့်အနက်သည် ____ အမျိုးအစား ဖြစ်ပါသည်။
(က) ရသစာတမ်း (ခ) ဆောင်းပါး (ဂ) ဝတ္ထုတို

အဖြေ။
(က) ရသစာတမ်း ✅
(က) ❌
က ❌
ရသစာတမ်း ❌

မေးခွန်း ၂။ (က) ခက်ဆစ်အဖွင့်
ပုဒ်မ ချပြီးနောက် ရေးထားသော ဝိုက်ကွင်းအတွင်းရှိ စာသားများကို ထည့်မဖြေ၍ ရသည်။

ပုဒ်မ မချမီ ရေးထားသော ဝိုက်ကွင်းအတွင်းရှိ စာသားများကိုကား မဖြစ်မနေ ထည့်ဖြေပေးရမည်။

သာဓက -
တက်တက်စင် = အကုန်အစင်။ လုံးဝ။ ✅
တက်တက်စင် = အကုန်အစင်
✅
တက်တက်စင် = လုံးဝ။ ✅

အသည်းအသန် = (ရောဂါ) လွန်ကဲပြင်းထန်စွာ။ ✅

အသည်းအသန် = လွန်ကဲပြင်းထန်စွာ။ ❌

မေးခွန်း ၂။ (ခ) အလင်္ကာ
အလင်္ကာ ဖြေဆိုရာမှာ-
-အလင်္ကာမှန် (၁/၂ မှတ်) ၊ -အလင်္ကာမြောက်ကြောင်းမှန် (၁/၂ မှတ်) ရမည်။
"အလင်္ကာအမည်မှားလျှင် ၁ မှတ်မှ မရတော့ပါ။"

မေးခွန်း ၂။ (ဂ) ရေသည်စကားစပ်
စကားစပ် ဖြေဆိုရာမှာ အချက် ၆ ချက် မှန်ရမည်။ "စားစပ်ကို စာဟန်ဖြင့်သာ ရေးရမည်။" စကားပြောဟန် မရေးရပါ။

မေးခွန်း ၂။ (ဃ) အပြောသင်ခန်းစာ
အပြောသင်ခန်းစာ (မှတ်စု) ဖြေဆိုရာမှာ "ပြည်စုံလွန်းမက ပြည့်စုံအောင်ရေးနိုင်မှ" အမှတ်ပြည့် ရနိုင်သည်။ ထူးချွန်မှတ်ဖြတ်ထားသဖြင့် ပြည့်ပြည့်စုံစုံ ရေးသားနိုင်လျှင် ပိုကောင်းသည်။

မေးခွန်း ၃။ ကဗျာမေးခွန်းရှည်
ကဗျာစာသား အကိုးအကားများ ပါရမည်။ ခေါင်းစဉ် တပ်ပေးသင့်သည်။

မေးခွန်း ၄။ စကားပြေမေးခွန်းရှည်
စကားပြေစာသား အကိုးအကားများ ပါရမည်။ ခေါင်းစဉ် တပ်ပေးသင့်သည်။

မေးခွန်း ၅။ ပြဇာတ်မေးခွန်းရှည်
ပြဇာတ်စာသား အကိုးအကားများ ပါရမည်။ ခေါင်းစဉ် တပ်ပေးသင့်သည်။

မေးခွန်း ၆။ စာစီစာကုံး
စာစီစာကုံး ဖြေဆိုရာမှာ ၅ ပိုဒ်လုံး ထိမိအောင် ရေးရန်။ တစ်ပိုဒ်ချင်း အကဲဖြတ် အမှတ်ပေးသည်။

မေးခွန်း ၇။ အဆိုဆွေးနွေး
အဆိုဆွေးနွေး ဖြေဆိုရာမှာ ၄ ပိုဒ်လုံး ထိမိအောင် ရေးရန်။ တစ်ပိုဒ်ချင်း အကဲဖြတ် အမှတ်ပေးသည်။

ကျောင်းသား/သူ များ အားလုံး ထူးချွန်စွာ အောင်မြင်ကြပါစေ။

G-12 (စနစ်သစ်) English အမှတ်ပေးစည်းမျဉ်းများနှင့် လမ်းညွှန်ချက်များ

​စာမေးပွဲဖြေဆိုမည့် ကျောင်းသား/သူများ အမှတ်မဆုံးရှုံးရအောင် အောက်ပါအချက်များကို အထူးသတိပြုစေလိုပါတယ် -

​1️⃣ Initial Letter: Capital/Small letter မှားရင် (½) မှတ် လျှော့ပါတယ်။ Uncountable noun ကို 's' ပိုထည့်ရင် အမှတ်မရပါဘူး။

2️⃣ Grammar: မှားရင် (0) မှတ်ပါ။ (½) မှတ် မရှိပါ။ Not only...but also ကို အကြီးနဲ့စရင် Inversion သုံးပေးရပါမယ်။

3️⃣ Poem: မေးခွန်းဖြေတဲ့အခါ ကဗျာစာသားအတိုင်း ပြန်မကူးပါနဲ့။ မိမိဘာသာ စကားပြေ (Own words) နဲ့ ရေးမှ အမှတ်ပြည့်ရပါမယ်။

4️⃣ Seen Passage: Word form မပြောင်းဘဲ စာပိုဒ်ထဲကအတိုင်း ပြန်ကူးရင် (½) မှတ်ပဲ ရပါမယ်။

5️⃣ Unseen: Same meaning ရှာတဲ့အခါ စာလုံးပေါင်း လုံးဝမမှားပါစေနဲ့။

6️⃣ Dialogue: Box ထဲကအတိုင်း တိတိကျကျ ပြန်ကူးရပါမယ်။ ကိုယ့်သဘောနဲ့ကိုယ် "?" တွေ "s" တွေ ထည့်ခြင်း မပြုရပါ။

7️⃣ Letter: Format မှန်ရင် (၃) မှတ် စရပါမယ်။ Body မပါရင် အမှတ်မပေးပါ။

8️⃣ Essay: စာမျက်နှာ (၁ မျက်နှာခွဲ/၂ မျက်နှာ) ရေးသားပါ။ G-12 Level နဲ့ ဆီလျော်တဲ့ အသုံးအနှုန်း ဖြစ်ရပါမယ်။

​ဒီအချက်တွေကို သေချာလေ့လာထားခြင်းဖြင့် အမှတ်ကောင်းကောင်း ရရှိနိုင်ကြပါစေ။

၂၀၂၆ခုနှစ်တက္ကသိုလ်ဝင်စာမေးပွဲအတွက်
အမေးများသော English Grammar ခေါင်းစဉ်းများ