12/03/2022
ခုရက်ပိုင်း အန်ပီး ဝမ်းပျက်ဝမ်းလျှောကလေးတွေ
အတွေ့ရများလာလို့
ပြန်ဝေမျှပေးလိုက်ရပါတယ်
မေမေတို့မှားနေကြတဲ့ ဓာတ်ဆားထုပ်တွေ
🛑🛑🛑ဒါတွေက
မသောက်သင့်တဲ့ဆေးတွေ
မဟုတ်ပါဘူးနော်
ဓာတ်ဆားမဟုတ်တာပြောတာပါ
🚨ဆေးဆိုင်ကအစ ဆရာဝန်တွေအဆုံး
အတော်များများတွေ့နေရတာပါ
ဒီဆေးတွေကို ဓာတ်ဆားလို့ပြောရောင်းကြတယ်
🚨ဒီဆေးတွေဟာ ဝမ်းသွားလို့ ဝမ်းချုပ်လို့
ပုံမှန်ဖြစ်မနေတဲ့ အူတွင်းက လိုအပ်တဲ့ဘက်တီးရီးယားပိုးဖြည့်ပေးတဲ့ဆေးတွေပါ probiotic လို့ခေါ်ပါတယ်။
ဝမ်းချုပ်ရင် ဝမ်းလျှောရင် သုံးလို့ရပါတယ်
သုံးလဲသုံးကြပါတယ်၊
အကျိုးလည်းရှိပါတယ်၊ ပေးလို့ရပါတယ်၊
ဒီဆေးတွေဟာ လုံးဝဓာတ်ဆားမဟုတ်တာပါ။
🚨🚨🚨ကလေးတွေ အန်ရင်ဝမ်းလျှောရင်
ရေဓာတ် ဆားဓာတ်တွေ ဆုံးရှုံးပါတယ်
ပြည့်ဖြည့်ဖို့ ရေနဲ့ဓာတ်ဆားမဖြစ်မနေလိုအပ်ပါတယ်။
🚦 WHO ORS,က အဆင်အပြေဆုံး ဓာတ်ဆားပါ
ကလေးမို့လို့ ကလေးဓာတ်ဆားတိုက်ရတာ မဟုတ်ပါဘူး၊
အရသာမကြိုက်တဲ့အခါ ကလေးဓာတ်ဆားတွေ
အနံအရသာပါတာတွေ တိုက်လို့ရပါတယ်
ယုတ်စွအဆုံး ဓာတ်ဆားရည်မဝင်ရင်တောင်
ကြက်စွပ်၊ အုန်းစိမ်းရည်၊ ထမင်းရည်ဆားအနည်းငယ်ခပ်တိုက်လို့ အဆင်ပြေပါတယ်။
📯ဓာတ်ဆားမဟုတ်တဲ့ဆေးတွေကို ဓာတ်ဆားဆိုပီး
ရေတဖန်ခွက်နဲ့ဖျော်တိုက်ကြတယ်
အမှုန့်နဲ့တဇွန်းစာလည်းတိုက်ကြတယ်
🚨🚨ဓာတ်ဆားအစားထိုး လုံးဝမဟုတ်ပါ🚨🚨
🚦မှားတိုက်ပေါင်းများလွန်းလို့
ရေနဲ့ဆားတကယ်လိုအပ်တဲ့ အခြေအနေတွေမှာ
ရေဓာတ်ခမ်းခြောက်၊ သွေးတွင်းဆားဓာတ်ပြောင်း
(Dehydration and electrolyte imbalance) ဖြစ်ပီး
အသက်အန္တရာယ်ရှိတဲ့အထိ ဆိုးသွားတဲ့ကလေးတွေ
မြင်ရတာ များလှပါပီ။
📯တချိန်က icu ရောက်နေတဲ့ လူနာလေးရဲ့မိခင်ဆီကတိုက်တဲ့ဓာတ်ဆားပြပါဆိုပီး
တောင်းထားလို့ ထွက်လာတာတွေပါ၊
🚨နောက်ထပ်အရေးကြီးတာက ဓာတ်ဆားထုပ်တွေဖျော်တော့မယ်ဆိုရင် ဖျော်စပ်ရမယ့် ပမာဏကို
အတိအကျသိဖို့လိုပါတယ်၊ အညွုန်းသေချာဖတ်ပါ၊
ရေတစ်ဖန်ခွက် (၂၀၀ml) နဲ့ဖျော်တဲ့ ဓာတ်ဆားလား?
ရေတစ်လီတာ(၁၀၀၀ml) နဲ့ဖျော်တဲ့ဓာတ်ဆားလား?
သေချာစွာဖတ်ပီးမှ ဖျော်ပါ။
ဓာတ်ဆားဝင်လျှင်ပီးရော ရေနည်းနည်းနဲ့အကုန်ဖျော်လို့ မရပါဘူး၊ရေများလို့လည်း မရပါဘူး။
အသက်အန္တရာယ်ရှိပါတယ်။
🔔မေမေတို့ ဆင်ခြင်နိုင်ကြစေဖို့ ဆန္ဒပြုလျှက်။🔔
📣သားသားမီးမီးလေးတို့ရဲ့ဖြစ်လေ့ဖြစ်ထရှိသော ရောဂါအခြေအနေများကို ကလေး အထူးကု ဆရာဝန် နှင့်လည်း online messenger မှတဆင့် ဆွေးနွေးတိုင်ပင် ကုသ နိုင်ပါတယ်။အရေးပေါ်အခြေအနေကတော့ ဆေးရုံသာပြသသင့်ပါတယ်။📣
🔔သားသားမီးမီးလေးတို့၏ ကျန်းမာရေးနှင့်ပတ်သတ်သော ဆောင်ရန်ရှောင်ရန်များနှင့် ကလေး ကျန်းမာရေး အသိပညာ ဗဟုသုတ များကိုပါ ဝေမျှပေးမှာဖြစ်လို့ page လေးကို like and share လုပ်ပေးကြနော်။🔔
11/02/2022
Covid 19 ၏မျိုးကွဲများနှင့် သင့်ကလေးကျန်းမာရေး
အပိုင်း(၂) မပြင်းထန်သော Covid -19 ရောဂါလက္ခဏာများ
ကိုဗစ်ကူးစက်ခံထားရသော ကလေးအများစုသည် ပျော့ပျောင်းသောလက္ခဏာများသာ ဖြစ်ကြပါတယ်။
ကလေးများဟာ ရောဂါအကူးခံရဆုံးအုပ်စုဖြစ်ပါတယ်။
ကာကွယ်ဆေးမရသေးတဲ့အုပ်စု ဖြစ်နေတာကြောင့်ပါ။
⚠️⚠️အဖြစ်များသောရောဂါလက္ခဏာများ
ဖျားခြင်း၊
ချောင်းဆိုး၊ အသက်ရှူမဝ/အသက်ရှုကြပ်ခြင်း၊
လေပြွန်ရောင်၍ အသံမြည်ခြင်း
ပင်ပန်းနွမ်းနယ်ခြင်း၊ကြွက်သားများနာကျင်ခြင်
လည်ချောင်းနာခြင်း၊
ဝမ်းလျှောခြင်း၊
အနံ့ဆုံးရှုံးခြင်း၊ အရသာပျက်ခြင်း
စသဖြင့် ဖြစ်ပါတယ်။
ရောဂါရာဇဝင်မေးရင် အိမ်မှမိသားစုဝင်တယောက်ယောက်မှာ ရောဂါလက္ခဏာရှိနေတတ်ပါတယ်၊ သို့မဟုတ် ကျောင်းသွား ကျုရှင်သွား ကူးစက်နိုင်ခြေရှိနေတတ်ပါတယ်။
📌ဘယ်အရွယ်တွေ ကူးစက်နိုင်ခြေရှိလဲ?
ရက်သား၊လသားမှစလို့ အရွယ်စုံ ကလေးတိုင်း ကူးစက်နိုင်ပါတယ်။
📌ကိုဗစ်လက္ခဏာရှိတဲ့လူနာတိုင်း ဟုတ်မဟုတ်စစ်ဆေးဖို့လိုသလား?
ကလေးကိုဗစ်အများစုက ရောဂါမပြင်းထန်ခြင်းကြောင့် ကုသပုံများမှာ သာမာန်အအေးမိချောင်းဆိုးကဲ့သို့သာဖြစ်ပါတယ်။
Home Isolationလုပ်နိုင်သော ကလေးများအတွက် မဖြစ်မနေစစ်ဆေးဖို့မလိုပါ၊
မပြင်းထန်သော ကိုဗစ်ကုသပုံများ
အရေးကြီးဆုံးမှာ Home Isolationဖြစ်ပါတယ်၊
အိမ်မှာသာနေထိုင်ပါ၊
မိခင်မှာ ကိုဗစ်လက္ခဏာရှိနေပါကလည်း
Maskဂရုစိုက်တပ်ပီး ကလေးငယ်ကို နို့တိုက်နိုင်ပါတယ်
🔖အဖျားအတွက်- Paracetamol
🔖ချောင်းဆိုးနှာစေးခြင်းအတွက် သာမာန်နှာစေးချောင်းဆိုးပျောက်ဆေးများ
🔖အသက်ကြီးသောကလေးများနှင့် ဆယ်ကျော်သက်အရွယ်များတွင် ဆားရည်နွေးဖြင့် ပလုတ်ကျင်းခြင်းကဲ့သို့သော လည်ချောင်းကို သက်သာစေသောဆေးရည်များ
🔖အရည်နှင့်အစာများ- ဖျားနေသောကလေးသည် ရေဓာတ်ပိုလိုအပ်ပါသည်၊
အရည်ပိုတိုက်ပေးပါ
အာဟာရပြည့်ဝသောအစားအစာများကျွေးပေးပါ။
🔖ပဋိဇီဝဆေး(Antibiotics)များ- ဆရာဝန်ညွုန်ကြားချက်မရှိပါက မလိုအပ်ပါ။
🔖ကိုဗစ်ကုသဆေး(Antiviral)များ- ကလေးများတွင် ညွုန်ကြားချက်မရှိပါ
သာမာန်ကိုဗစ်လက္ခဏာများအတွက်
တစ်နေ့လျှင် 2-3 ကြိမ် အသက်ရှူနှုန်းကိုရေတွက်ခြင်း၊
ရင်ဘတ်ချိုင့်ခြင်း၊ပြာခြင်း၊
လက်မောင်းခြေသလုံးအေးစက်ခြင်း၊
ဆီးထွက်မထွက်၊
အောက်ဆီဂျင်တိုင်းတာခြင်း၊
အရည်ဝင်မဝင်စောင့်ကြည့်ခြင်း လုပ်ရပါ့မယ်၊
အထူးသဖြင့် ကလေးငယ်များအတွက် စောင့်ကြည့်ရပါ့မယ်။
ပုံမှန်မဟုတ်သော လက္ခဏာများတွေ့ရှိပါက
သင့်ဆရာဝန်ကို ချက်ချင်းအကြောင်းကြားပါ။
သိချင်သောအချက်အလက်များကို
Comment တွင်မေးနိုင်ပါတယ်
Online မှတဆင့် ကလေးအထူးကုဆရာဝန်ဖြင့် ဆက်သွယ်ပြသနိုင်ပါတယ်။
ဤ pageမှ ဖော်ပြထားသော စာသားများ ပုံများအား share ခြင်းမှလွဲ၍ copy ကူးယူခြင်း လုံးဝမပြုလုပ်ပါရန် မေတ္တာရပ်ခံပါသည်။
ေးအထူးကုဆေးခန်း
06/02/2022
COVID-19 ၏ မျိုးကွဲအသစ်များနှင့်သင့်ကလေး၏ကျန်းမာရေး
အပိုင်း (၁)
Covid မဟုတ်သော အရေးကြီးလက္ခဏာများအကြောင်း
COVID-19 (Omicron မျိုးကွဲအပါအဝင်)ဟာ ယေဘုယျအားဖြင့် ကလေးများတွင်လူကြီးနှင့်ယှဥ်လျှင် အပျော့စားဖျားနာမှုသာဖြစ်စေပါတယ်။
Omicronသည် ယခင်မျိုးကွဲများနှင့်နှိုင်းယှဉ်ပါက (ကလေးများနှင့် လူကြီးများတွင်) ပိုမိုလွယ်ကူစွာ ကူးစက်နိုင်သော်လည်း ပိုမိုပြင်းထန်သောရောဂါကို မဖြစ်စေပါဘူး။ဒါပေမယ့် ယခုအချိန်မှာ လူတိုင်း COVID-19 ဖြင့် ဗျာများနေချိန်မို့ သင့်ကလေး၏ ရောဂါလက္ခဏာတိုင်းသည် COVID-19 ကြောင့်ဟုတ်မဟုတ် သိထားရန်မှာ အမှန်တကယ်ပဲ အရေးကြီးပါတယ်။
ကလေးများအား အမှန်တကယ်နေမကောင်းဖြစ်စေနိုင်သည့်Covid 19မဟုတ်သည့် 'အခြား' ရောဂါပိုးများဟာ ဆက်လက်တည်ရှိနေသေးပြီး covid မဟုတ်ဘူးဆိုပေမယ့် ရောဂါပြင်းထန်မှုကို သတိမထားမိပဲ ဆေးရုံဆေးခန်းပြသဖို့ နှောင့်နှေးနေရတာမရှိဖို့ အရေးကြီးပါတယ်။
ဒါကြောင့် သင့်ကလေး အရေးကြီးအခြေအနေဖြစ်နေပီလား?
ဆရာဝန်ပြသဖို့လိုနေပီလား?
ဆိုတာကို အောက်ပါအချက်များကိုသေချာဖတ်ရှုပီး မှတ်သားထားသင့်ပါတယ်။
အချက်အလက်များကို
Traffic Light နဲ့ သတ်မှတ်ထားပီး
Covid အပါအဝင် ဘယ်ရောဂါမဆို
အဆင့်သတ်မှတ်ချက်အနေဖြင့်
အရေးပေါ်အခြေအနေ (အနီရောင်)
အရေးကြီးအခြေအနေ(အဝါရောင်)
စောင့်၍ရသောအခြေအနေ(အစိမ်းရောင်)
Colour များဖြင့် ဖော်ပြထားပါတယ်။
❗အနီရောင် 🆘🆘🆘 အရေးပေါ်လက္ခဏာများ❗
သင့်ကလေးတွင် အောက်ပါအချက်များရှိပါက-
1️⃣ ဖြူဖတ်လာခြင်း၊ အရေပြားအကွက်များပေါ်လာခြင်း၊ ထိတွေ့မိသောအခါတွင် ပုံမှန်မဟုတ်သော အေးစက်နေခြင်း။
2️⃣ အသက်ရှုရပ်ခြင်း (apnoeas)၊ ပုံမှန်မဟုတ်သော အသက်ရှုပုံစံရှိခြင်း သို့မဟုတ် ငြီးငြူနေခြင်း
3️⃣ အသက်ရှူရခက်ခဲနေခြင်း - စကားမပြောနိုင်/စားရန် သို့မဟုတ် နို့သောက်ရန်ပင် အသက်ရှူမဝခြင်း။
4️⃣နှုတ်ခမ်းပတ်လည်ပြာနေခြင်း
5️⃣ တက်ခြင်း၊သတိလစ်ခြင်း
6️⃣မရပ်မနားငိုနေခြင်း၊နှိုးရခက်ခြင်း သို့မဟုတ် တုံ့ပြန်မှုမရှိခြင်း
7️⃣ အဖျားကြီးပီး ကိုယ်တွင်အနီစက်များထွက်ခြင်း
8️⃣အသက်တစ်လအောက်ကလေးများတွင်အပူချိန် 38°C / 100.4°F သို့မဟုတ် ပိုဖျားနေခြင်း
9️⃣ ဆယ်ကျော်သက် ယောင်္ကျားလေးတွေမှာ ဝှေးစေ့နာကျင်မှုရှိခြင်း
ထိုအချက်များရှိနေလျှင် မိမိရင်သွေးငယ်သည်အရေးပေါ်အကူအညီလိုအပ်နေပါပီ။
အနီးဆုံး အရေးပေါ်ဌာနသို့ချက်ချင်း။သွားပါ
⚠️အဝါရောင် ⚠️ အရေးကြီးလက္ခဏာများ
သင့်ကလေးတွင် အောက်ပါတို့ထဲမှ တစ်ခုခုရှိပါက
1️⃣ ရင်ဘတ်နံရိုးအောက်ရှိ ကြွက်သားများ၊ လည်ပင်း သို့မဟုတ် နံရိုးများကြား ချိုင့်၍ အသက်ရှူနေခြင်း၊
2️⃣ ရေဓာတ်ခမ်းခြောက်နေခြင်း (မျက်တွင်းချိုင့်လာခြင်း၊ ပျော့ဖတ်လာခြင်း သို့မဟုတ် ၁၂နာရီကြာသည်အထိ ဆီးမသွားခြင်း)
3️⃣နှိုးရခက်ခြင်း၊မှိန်းခြင်း (အလွန်အမင်းငြိမ်သွားခြင်း) သို့မဟုတ် ဆက်တိုက်ငိုခြင်း (လုံးဝချော့၍မရခြင်း) - အထူးသဖြင့် အဖျားကျပီးနောက်မှိန်းနေခြင်း
4️⃣ပြင်းထန်စွာ ဂတ်ဂတ်တုန်နေခြင်း သို့မဟုတ် ကြွက်သားနာကျင်ခြင်းများ ရှိခြင်း
5️⃣ အသက် ၁-၃ လအတွင်း ကလေးများ အပူချိန် 38°C / 100.4°F သို့မဟုတ် အထက်ရှိလျှင်
6️⃣အသက် ၃-၆ လအတွင်းကလေးငယ်များ 39°C / 102.2°F နှင့်အထက်ရှိလျှင်
7️⃣ ကလေးအားလုံးတွင် ၅ရက်နှင့်အထက် အဖျား ၃၈ ဒီဂရီစင်တီဂရိတ်ထက် ပိုဖျားလျှင်
8️⃣ဆက်တိုက်အန်ခြင်း နှင့်/သို့မဟုတ် ပြင်းထန်ဝမ်းဗိုက်နာခြင်း များရှိလျှင်၊ဆီးနှင့်ဝမ်းတွင် သွေးပါလျှင်
9️⃣ လက်များ သို့မဟုတ် ခြေထောက်များ ထိခိုက်ဒဏ်ရာရခြင်း လှုပ်ရှားမှု လျော့နည်းလျှင် ဦးခေါင်းဒဏ်ရာရပီး မှိန်းလျှင်၊တက်လျှင်
🔟 မိဘများမှ ကလေးအခြေအနေပိုဆိုးလာတယ်ဟုယူဆလျှင်
သင့်မိသားစုဆရာဝန်ထံ ချက်ချင်းဆက်သွယ်ပြီး သင့်ကလေးကို ထိုနေ့တွင်ပင် ကြည့်နိုင်ရန် ပြသင့်ပါတယ်။
🚸လက္ခဏာများသည် 4 နာရီ သို့မဟုတ် ထို့ထက်ပို၍ ဆက်လက်ရှိနေပါက အနီးဆုံး အရေးပေါ်ဌာနသို့ ခေါ်ဆောင်သွားရန် စီစဥ်သင့်ပါတယ်။🚸
🌲အစိမ်းရောင် စောင့်ကြည့်ရန်လိုသောလက္ခဏာများ 🌲
အကယ်၍ အထက်ဖော်ပြပါ လက္ခဏာများ တစ်ခုမှ မပါဝင်လျှင် အစိမ်းရောင်အခြေအနေအဖြစ်သတ်မှတ်ပါသည်။
သင့်ကလေးစောင့်ရှောက်မှုကို အိမ်တွင် ဆက်လက်စောင့်ကြည့်နိုင်ပါတယ်။ သင့်ကလေးတွင် COVID-19 ၏ လက္ခဏာများ (အပူချိန်မြင့်မားခြင်း၊ ဆက်တိုက် ချောင်းဆိုးခြင်းသို့မဟုတ် 24 နာရီအတွင်း 3 နာရီထက်ပို၍ ချောင်းဆိုးနေလျှင် သို့မဟုတ် အရသာ/အနံ့ပျောက်ခြင်း) ရှိပါက သင့်ကလေးအတွက် covid စစ်နိုင်ရန် စီစဉ်ပေးပါ။ သင်နှင့် သင့်ကလေး၏ ရလဒ်များ ပြန်မလာမချင်းမည်သူမဆို အိမ်တွင် (သီးသန့် isolation) ရှိနေရပါမည်။
သင့်ကလေး၏ စောင့်ရှောက်မှုကို အိမ်တွင် ဆက်လက် ဆောင်ရွက်ပါ။ လိုအပ်ပါကသင့်ကလေးအတွက် စိုးရိမ်နေသေးပါက ကျန်းမာရေးဝန်ထမ်းများထံတွင် Online မှတဆင့် အကြံဉာဏ်များရယူပါ။
Ref: NHS children website
ဆက်လက်ပီး
ကလေးများအတွက် Covid လက္ခဏာများ
ဆေးရုံတင်ရန်လိုအပ်သော အခြေအနေများ
ကာကွယ်ဆေးများ
ကာကွယ်နည်းများ
မိခင်များနှင့် covid ရောဂါ အကြောင်းများကို
ဆက်လက်ဖော်ပြပေးသွားမှာဖြစ်လို့
ဆက်လက်ဖတ်ရှုပေးဖို့ ဖိတ်ခေါ်ပါတယ်
ဤ pageမှ ဖော်ပြထားသော စာသားများ ပုံများအား share ခြင်းမှလွဲ၍ copy ကူးယူခြင်း လုံးဝမပြုလုပ်ပါရန် မေတ္တာရပ်ခံပါသည်။
ေးအထူးကုဆေးခန်း
12/12/2021
မဂ်လာပါ
မင်မင် ကိစ္စလေးတွေရှိလို့ page မှာ post မတင်ဖြစ်တာ နှစ်ပတ်လောက်ရှိပါပီ
စောင့်ဖတ်နေတဲ့ မေမေဖေဖေ ဦးဦးဒေါ်ဒေါ်တွေရှိရင် တောင်းပန်ပါတယ်နော်
မင်္ဂလာပါ
📣ဒီနေ့ပြောပြပေးမှာကတော့
အသက်၃လကလေးငယ်လေးတွေရဲ့ ဖွံ့ဖြိုးမှုဖြစ်စဥ်လေးတွေအကြောင်းပဲ ဖြစ်ပါတယ်။
မေမေဖေဖေတို့အနေနဲ့ မိမိကလေးလေးတွေ
အများကလေးနည်းတူဖွံ့ဖြိုးရဲ့လား?
ဘာတွေ နောက်ကျနေပီလဲ?
အမြဲလို စိတ်ပူတတ်ကြတဲ့အတွက်
အသက် တစ်လချင်းစီရဲ့ ဖွံ့ဖြိုးတိုးတက်မှုဖြစ်စဥ်လေးတွေကို ပုံများနှင့်တကွ အသေးစိတ်ဖော်ပြပေးသွားမှာဖြစ်လို့ post လေးကို share ဖို့ မမေ့ကြနဲ့နော်။
🐷သင့်ကလေးလေး အသက်သုံးလကျော်လာတဲ့အခါ သူမဟာ လုံးဝမှီခိုနေတဲ့ မွေးကင်းစကလေးကနေ တက်ကြွပြီး တုံ့ပြန်မှုရှိတဲ့ ကလေးငယ်တစ်ဦးအဖြစ် သိသိသာသာ ပြောင်းလဲသွားပါလိမ့်မယ်၊
🐷ဗိုက်ပေါ်တွင် လှဲလျောင်းနေသည့်အခါ ခေါင်းနှင့် ရင်ဘတ်ကို မြှင့်ထားပီး လက်နှစ်ဖက်နဲ့ ခန္ဓာကိုယ်အပေါ်ပိုင်းကို မတ်မတ်လေးနေပီး မှောက်တတ်ပါပီ။ခြေထောက်များကို ဆန့်ထုတ်ပြီး ဗိုက်ပေါ် သို့မဟုတ် နောက်ကျောပေါ်တွင် လဲလျောင်းနေသည့်အခါ ကန်ကျောက်တတ်နေပါပီ။
🐷လက်သီးဆုပ်လေး ဖွင့်တတ်ပါပီ၊လက်ကိုပါးစပ်ထဲ ထည့်တတ်နေပါပီ၊ အရုပ်တွေကို ဆုပ်ကိုင်ပြီး လှုပ်ယမ်းတတ်လာတာကြောင့် ဂျောက်ဂျက်လေးပေးဆော့လို့ရပါပီ။တွဲလောင်းချိတ်ဆွဲထားသော အရုပ်များကို လက်ဖြင့် ပွတ်ဆွဲတတ်နေပါပီ။
🐷မျက်နှာတွေကို စေ့စေ့ကြည့်တတ်နေပါပီ၊
ရွေ့လျားနေသော အရာများကို လိုက်ကြည့်နေပါပီ၊ရင်းနှီးသော အရာဝတ္ထုများနှင့် အဝေးကလူများကို ကြည့်ပီးသိနေပါပီ၊လက်နှင့် မျက်လုံးများကို ပေါင်းစပ်ပြီး စတင်အသုံးပြုတတ်လာပါပီ၊မြှူတဲ့အသံကြောင့် ပြုံးပြတတ်နေပါပီ၊ ဂူဂူဂါဂါအသံလေးတွေ ထွတ်တတ်လာပါပီ၊
အသံ၏ဦးတည်ချက်ဆီသို့ဦးတည်လှည့်ကြည့်တတ်နေပါပီ။
🐷လူမှုဆက်ဆံရေးမှာ အပြုံးပန်းပွင့်လာပါတော့တယ်။တခြားသူတွေနဲ့ ကစားရတာ နှစ်သက်ပြီး ကစားတာ ရပ်သွားတဲ့အခါ ငိုနိုင်ပါတယ်။
မျက်နှာနှင့် ခန္ဓာကိုယ်ကို ပိုမိုဆက်သွယ်ပြောဆိုနိုင်ပြီး ဖော်ပြနိုင်စွမ်းရှိလာပါတယ်။
🐷ကလေးတစ်ဦးစီသည် ၎င်း၏ကိုယ်ပိုင်နည်းလမ်းနှင့် ၎င်း၏ကိုယ်ပိုင်နှုန်းဖြင့် ကြီးထွားလာသော်လည်း အချို့သောမှတ်တိုင်များကို မရောက်ရှိပါက အထူးဂရုစိုက်ရန် လိုအပ်သော ဆေးဘက်ဆိုင်ရာ သို့မဟုတ် ဖွံ့ဖြိုးမှုဆိုင်ရာ ပြဿနာများကို အချက်ပြနိုင်သည်။ ဤအသက်အရွယ်တွင် သင့်ကလေးတွင် အောက်ပါသတိပေးလက္ခဏာများ တွေ့ရှိပါက သင့်ကလေးအထူးကုဆရာဝန်နှင့် ဆွေးနွေးပါ။
🔔ကျယ်လောင်သော အသံများကို တုံ့ပြန်ပုံမပေါ်လျှင်
🔔အသက်နှစ်လအထိ သူ့လက်တွေကို သတိမပြုမိလျှင်
🔔မေမေ့အသံကို နှစ်လအထိ မပြုံးပြတတ်လျှင်
🔔နှစ်လမှ သုံးလအတွင်း မျက်လုံးဖြင့် ရွေ့လျားနေသော အရာများကို လိုက်မကြည့်တတ်လျှင်
🔔 အသက်သုံးလထိ အရာဝတ္ထုတွေကို ဆုပ်ကိုင်မထားတတ်လျှင်
🔔သုံးလမှာ ခေါင်းကို ကောင်းကောင်းမထိန်းနိုင်သေးလျှင်
🔔အရုပ်များကို သုံးလမှ လေးလကြာအောင် လက်လှမ်းမယူတတ်လျှင်
🔔သုံးလေးလလောက်ထိ အသံမထွက်လျှင်
🔔လေးလလောက်ကြာရင် သူ့ပါးစပ်ထဲကို အရာဝတ္ထုတွေ မထည့်တတ်သေးလျှင်
🔔မျက်လုံးတစ်ဖက် သို့မဟုတ် နှစ်ဖက်စလုံးကို လမ်းကြောင်းအားလုံးကို ရွှေ့ရာတွင် အခက်အခဲရှိလျှင်
🔔မျက်နှာအသစ်များကို ဂရုမစိုက်ခြင်း၊ သို့မဟုတ် မျက်နှာသစ် သို့မဟုတ် ပတ်ဝန်းကျင်ကြောင့် အလွန်ထိတ်လန့်ပုံရလျှင်
🔔လေးလမှငါးလအတွင်း Tonic neck reflex ရှိသေးလျှင်
ဖွံဖြိုးမှု ပုံမှန်မဟုတ်သောအခြေအနေဟု ယူဆနိုင်ပါသည်။
🌸ပွင့်သောပန်းတိုင်း လန်းဆန်းကြပါစေ။🌸
https://www.facebook.com/100901722395941/posts/119517780534335/
ဒါကတော့ ရှေ့မှာဖော်ပြပီးဖြစ်တဲ့ မွေးစမှ အသက်တစ်လအရွယ်ထိ ဖွံ့ဖြိုးမှုဖြစ်စဥ်တွေပဲ ဖြစ်ပါတယ်
https://www.facebook.com/100901722395941/posts/120776870408426
အသက်နှစ်လအရွယ်ထိ ဖွံ့ဖြိုးမှုဖြစ်စဥ်တွေပဲ ဖြစ်ပါတယ်
♥️ထပ်ဖော်ပြပေးမယ့် post မှာတော့
အသက် ၄ လရဲ့ ဖွံ့ဖြိုးမှုဖြစ်စဥ်လေးတွေကို ဖော်ပြပေးသွားမှာဖြစ်လို့ Noti လေးတွေ on ထားကြဦးနော်။♥️
👷ဘေဘီလေးတွေကျန်းမာရေးအတွက် Page လေးကို like and share လေး လုပ်ပေးကြပါဦး။👷
📢Messenger မှတဆင့် ကလေးအထူးကုဆရာဝန်ဖြင့်လည်း သင့်ရင်သွေးရဲ့ ဖွံ့ဖြိုးမှု ပြသနာများကို တိုင်ပင်ဆွေးနွေးနိုင်ပါတယ်။📢
29/11/2021
မင်္ဂလာပါ
📣ဒီနေ့ပြောပြပေးမှာကတော့
အသက်နှစ်လအထိ ကလေးငယ်လေးတွေရဲ့ ဖွံ့ဖြိုးမှုဖြစ်စဥ်လေးတွေအကြောင်းပဲ ဖြစ်ပါတယ်။
မေမေဖေဖေတို့အနေနဲ့ မိမိကလေးလေးတွေ
အများကလေးနည်းတူဖွံ့ဖြိုးရဲ့လား?
ဘာတွေ နောက်ကျနေပီလဲ?
အမြဲလို စိတ်ပူတတ်ကြတဲ့အတွက်
အသက် တစ်လချင်းစီရဲ့ ဖွံ့ဖြိုးတိုးတက်မှုဖြစ်စဥ်လေးတွေကို ပုံများနှင့်တကွ အသေးစိတ်ဖော်ပြပေးသွားမှာဖြစ်လို့ post လေးကို share ဖို့ မမေ့ကြနဲ့နော်။
အသက်နှစ်လ ပြည့်လာတဲ့အခါ
***************************
🐌အာရုံကြောနဲ့ကြွက်သားလေးတွေ ပိုသန်မာလာကြပါပီ
🐌မတ်မတ်ကလေး ချီလို့အဆင်ပြေလာပီ
🐌Tummy time ပေးဖို့ဗိုက်ကလေးပေါ် မှောက်ထားကြည့်ရင် ခေါင်းလေးတွေ ထူနိုင်လာပါပီ
🐌sucking reflexလို့ခေါ်တဲ့ တုံ့ပြန်မှုလေးတွေ ပိုသိသာလာပါတယ်၊ ပါးစပ်ထဲဝင်သမျှ စုပ်ဖ်ု့ကြိုးစားနေကြပါတယ်၊
🐌 သူတို့ကိုသူတို့ stress သက်သာအောင်ရော
အာရုံပြောင်းအောင်ရော လက်သီးဆုပ်လေးတွေကို ပါးစပ်ထဲထည့်ဖို့ တချိန်လုံးကြိုးစားနေပါလိမ့်မယ်၊ လက်လေးပါးစပ်ထဲရောက်ရင် လက်စုပ်ပီး ငြိမ်နေတတ်ပါပီ၊
🐌အရုပ်လေးတွေနဲ့ မဆော့တတ်သေးပေမယ့်
အရောင်တောက်တောက် အရုပ်လေးတွေ ခုတင်အမိုးပေါ်က တွဲလောင်းလေးတွေ လိုက်ကြည့်နေပါပီ၊ လက်ထဲအရုပ်ထည့်ပေးရင် ကိုင်ကြည့်ဖ်ု့ကြိုးစားပေမယ့် မကိုင်တတ်သေးပါဘူး၊
🐌 တစ်နေ့ကို ၁၅-၁၆နာရီထိ အိပ်ပါလိမ့်မယ်၊
မေမေတော့ အားပီ မထင်လိုက်ပါနဲ့၊ ဗိုက်ဆာတိုင်းနို့ထစို့မှာမို့ ညဘက်တွေ တောက်လျှောက်နိုးနေတာလည်းဖြစ်နိုင်တာမို့ မေမေတို့ပင်ပန်းရမယ့် ကာလများပါပဲ၊
🐌 ဒီအချိန်ကစပီး sleep training စလုပ်ပေးနိုင်ပါပီ၊ baby လေးအိပ်ရင် သူ့အိပ်ရာထဲထည့်သိပ်လို့ရပါပီ၊အိပ်ရာဘေးမှာ အရုပ်တွေ မထားပေးပါနဲ့ဦး၊ကလေးကိုသိပ်တဲ့အခါ မှောက်ရက်မသိပ်ရပါ၊ နိုးနေချိန်တွေမှာ tummy time အတွက်လေ့ကျင့်ပေးနိုင်ပါတယ် (ဘေးမှာ တယောက်ယောက်အမြဲရှိပါစေ)။
🐌 မိခင်နို့ သို့မဟုတ် formula နို့ကို ၃-၄ နာရီခြားဆက်တိုက်ပေးရပါ့မယ်၊ ပေါင်ချိန်တက်မတက် စစ်ဆေးရပါ့မယ်၊ BCG ကာကွယ်ဆေး ထိုးပေးရပါ့မယ်၊ အီးအီးက သောက်တဲ့နို့ပေါ်မူတည်ပီး ဝမ်းပျော့ပျော့မာမာဖြစ်နိုင်ပါတယ်၊
🐌 သူတို့ရဲ့ အာရုံခံစားမှုလေးနဲ့ အနီးဆုံးကလူတွေကို မှတ်မိနေပါပီ၊ ၁၈လက်မအကွာအဝေးအတွင်းမှာ ပုံရိပ်တွေကို ရှင်းရှင်းလင်းလင်းမြင်နိုင်ပါတယ်၊ နို့တိုက်ချိန်မြင်ရတဲ့ မေမေ့မျက်နှာကို
မှတ်တတ်နေပါပီ၊မေမေ့အသံကိုလည်း သိနေပါပီ၊
🍎ဘေဘီလေးကို စကားများများပြောပေးပါ၊ ပြန်ပြုံးပြပီး ဂူဂူးဂါးဂါး ပြန်ပြောပါလိမ့်မယ်၊ ဘေဘီလေးကို နှိပ်ပေးပါ၊ သီးချင်းဆိုပြပေးပါ၊
🌸ပွင့်သောပန်းတိုင်း လန်းဆန်းကြပါစေ။🌸
https://www.facebook.com/100901722395941/posts/119517780534335/
ဒါကတော့ ရှေ့မှာဖော်ပြပီးဖြစ်တဲ့ မွေးစမှ အသက်တစ်လအရွယ်ထိ ဖွံ့ဖြိုးမှုဖြစ်စဥ်တွေပဲ ဖြစ်ပါတယ်
♥️ထပ်ဖော်ပြပေးမယ့် post မှာတော့
အသက် ၃ လရဲ့ ဖွံ့ဖြိုးမှုဖြစ်စဥ်လေးတွေကို ဖော်ပြပေးသွားမှာဖြစ်လို့ Noti လေးတွေ on ထားကြဦးနော်။♥️
👷ဘေဘီလေးတွေကျန်းမာရေးအတွက် Page လေးကို like and share လေး လုပ်ပေးကြပါဦး။👷
📢Messenger မှတဆင့် ကလေးအထူးကုဆရာဝန်ဖြင့်လည်း သင့်ရင်သွေးရဲ့ ဖွံ့ဖြိုးမှု ပြသနာများကို တိုင်ပင်ဆွေးနွေးနိုင်ပါတယ်။📢
25/11/2021
မင်္ဂလာပါ
📣ဒီနေ့ပြောပြပေးမှာကတော့
မွေးကင်းစကနေ အသက်တစ်လထိ ကလေးငယ်လေးတွေရဲ့ ဖွံ့ဖြိုးမှုဖြစ်စဥ်လေးတွေအကြောင်းပဲ ဖြစ်ပါတယ်။📣
မေမေဖေဖေတို့အနေနဲ့ မိမိကလေးလေးတွေ
အများကလေးနည်းတူဖွံ့ဖြိုးရဲ့လား?
ဘာတွေ နောက်ကျနေပီလဲ?
အမြဲလို စိတ်ပူတတ်ကြတဲ့အတွက်
အသက် တစ်လချင်းစီရဲ့ ဖွံ့ဖြိုးတိုးတက်မှုဖြစ်စဥ်လေးတွေကို ပုံများနှင့်တကွ အသေးစိတ်ဖော်ပြပေးသွားမှာဖြစ်လို့ post လေးကို share ဖို့ မမေ့ကြနဲ့နော်။
မွေးကင်းစမှ အသက် ၁လ ထိ
***************************
🐌ခေါင်းမခိုင်ကြသေးပါဘူး၊
🐌ပက်လက်လေးချထားရင် ခေါင်းလေးတစ်ဖက်ကို စောင်းစောင်းနေတာကို
မြင်ရပါလိမ့်မယ်၊
🐌ဗိုက်ကလေးပေါ် မှောက်ထားကြည့်ရင်
မှောက်ရက်ကလေးအတိုင်း ခေါင်းထူဖို့ ကြိုးစားပေမယ့် မထူနိုင်ကြသေးပါဘူး။
🐌လက်ခြေတွေရဲ့ reflexလို့ခေါ်တဲ့ တုံ့ပြန်မှုလေးတွေ မပျောက်သေးပါဘူး၊
🐌ခေါင်းလေးမ,ပီး ပြန်ချတဲ့အခါ လန့်သလို လက်ကားသွားတဲ့ Moro's reflexလေး
ရှိနေတုန်းပါပဲ၊
🐌အမြင်အာရုံအနေနဲ့က အလင်းအမှောင်နဲ့ အဖြူအမဲက်ုသာ မြင်နိုင်ကြသေးတဲ့အတွက်
အလင်းစူးစူးမြင်ရင် လိုက်ကြည့်တာ အရောင်တောက်တောက်မြင်ရင် ခဏစိုက်ကြည့်တာလောက်သာ လုပ်နိုင်မှာပါ၊
🐌အသံကတော့ မမွေးခင်ထဲက ကြားနိုင်တဲ့အတွက် အသံကြားရင် ငြိမ်သွားတာ ကိုယ်လေးတောင့်သွားတာမျိုးတွေ့ရပါလိမ့်မယ်၊
🐌ခံစားချက်ကို ဖော်ပြတာကတော့ ငိုတာပဲလုပ်နိုင်တဲ့အတွက် ဗိုက်ဆာရင် ငိုမယ်
သေးစိုရင်ငိုမယ် အဆင်မပြေရင်ငိုတာပဲလုပ်နိုင်ပါသေးတယ်၊
🐌 ငိုနေတဲ့ဘေဘီလေးကို ချီလိုက်ရင် ဗိုက်ထဲမှာလို ထွေးပွေ့ပီးသားဖြစ်တဲ့အတွက် အငိုတိတ်သွားတတ်ကြပါတယ်
🐌 သူတို့ရဲ့ အာရုံခံစားမှုလေးနဲ့ အနီးဆုံးကလူတွေကို မှတ်မိနိုင်ဖို့ ကြိုးစားနေကြပါပီ၊
အသက်တစ်လနဲ့ တစ်လခွဲအတွင်း ပထမဆုံး
လူကိုပြုံးပြတတ်လာပါပီ၊
🍎ဘေဘီလေးကို
စကားများများပြောပေးပါ
🍎သူ့မျက်နှာလေးကိုကြည့်ပီးစကားပြောပါ
(နို့နို့သောက်မှာလား၊ အိပ်တော့မှာလား စသဖြင့်)
🍎 Tummy time များများလုပ်ပေးပါ၊
မပြောတတ်ပေမယ့် သူတို့လေးတွေလဲ ပက်လက်ပဲနေရတာ ညောင်းပါတယ်၊
ခဏခဏ မှောက်ရက်လေးထားပေးပါ
(ဘေးကစောင့်ရှောက်သူရှိချိန်သာ)
🍎မိခင်နို့သာ တိုက်ပေးပါ၊
🌸ပွင့်သောပန်းတိုင်း လန်းဆန်းကြပါစေ။🌸
♥️ထပ်ဖော်ပြပေးမယ့် post မှာတော့
အသက် ၂လရဲ့ ဖွံ့ဖြိုးမှုဖြစ်စဥ်လေးတွေကို ဖော်ပြပေးသွားမှာဖြစ်လို့ Noti လေးတွေ on ထားကြဦးနော်။♥️
👷ဘေဘီလေးတွေကျန်းမာရေးအတွက် Page လေးကို like and share လေး လုပ်ပေးကြပါဦး။👷
📢Messenger မှတဆင့် ကလေးအထူးကုဆရာဝန်ဖြင့်လည်း ဖွံ့ဖြိုးမှု ပြသနာများကို တိုင်ပင်ဆွေးနွေးနိုင်ပါတယ်။📢
23/11/2021
မဂ်လာပါ
📣ဒီနေ့ပြောပြပေးမှာကတော့
သူငယ်နာလို့ အများခေါ်ကြတဲ့
၆လအောက်ကလေးငယ်လေးတွေမှာဖြစ်ပွားတဲ့
ရောဂါအကြောင်းဖြစ်ပါတယ်၊အဂ်လိပ်လို
Beri Beriလို့ခေါ်ပါတယ်။📣
🐝BeriBeri ဘယ်ရီဘယ်ရီ ဆိုတာ
"အလွန်အားနည်းတာ" လို့အဓိပ္ပါယ်ရပါတယ်။
၆လအောက်ကလေးရုတ်တရက်သေဆုံးတာရဲ့ တရားခံမှာ ဘယ်ရီဘယ်ရီလည်း တစ်ခုအပါအဝင်ဖြစ်ပါတယ်။
🐝ဘယ်ရီဘယ်ရီ သူငယ်နာဆိုတာ ဘာလဲ?
ဘယ်ရီဘယ်ရီ သူငယ်နာရောဂါသည် ဗီတာမင် B1 ဟုခေါ်သော thiamineဓာတ် ချို့တဲ့ခြင်းကြောင့်ဖြစ်ပါတယ်။B1ဟာ ရေတွင်ပျော်ဝင်နိုင်သော၊ဗီတာမင်ဖြစ်ပြီး ဇီဝဖြစ်စဉ်လမ်းကြောင်းများစွာတွင် အရေးကြီးအင်ဇိုင်းအဖြစ်လုပ်ဆောင်ပါတယ်။ အကြံပြုထားသောနေ့စဉ်စားသုံးမှုပမာဏကတော့ 1.2 mg ဖြစ်ပါတယ်၊လုံလောက်သော B1 ပမာဏ မရရှိလျှင် နှလုံးသွေးကြောများ၊ ကြွက်သားများ၊ အစာအိမ်နှင့် အူလမ်းကြောင်းနှင့် အာရုံကြောစနစ်များကို ထိခိုက်နိုင်ပါတယ်။
🐝ဘာကြောင့် Beri Beri ဖြစ်တာလဲ?
Beriberi သည် ကမ္ဘာ့အချို့နေရာများတွင် အစုလိုက်ဖြစ်ပွားပြီး ဆန်စပါးစားသုံးမှုနှင့် ဆက်စပ်နေနိုင်ပါတယ်၊ ဆန်တွင်ပါဝင်သောဗီတာမင်B1 ပါရှိသော အပြင်ဘက်အပေါ်ယံလွှာကို ဖယ်ရှားလိုက်သောအခါ ဆန်တွင် B1 မပါဝင်တော့ပါ၊အလွန်ဖြူအောင်ချွတ်ထားသောဆန်များ၊အစားအသောက်ရှောင်သူများနှင့်/သို့မဟုတ် ငါးခြောက်သာ စားသုံးမှုရှိသော အခြေအနေများတွင် ဖြစ်ပွားတတ်ပီး၊နို့တိုက်မိခင်များ အစားရှောင်သောအခါ၊ thiamine ဓာတ်ကိုဖျက်သည့် ဓာတ်ပါဝင်သော ငါးခြောက်သာစားသုံးမှုများသောအခါ မိခင်တွင် B1 ဓာတ်ချို့တဲ့လာတတ်ပါတယ်၊အဆိုပါရောဂါသည် မိခင်နို့သာ အဓိကထားသောက်ရသော 1 လနှင့် 4 လကြားရှိ ကလေးငယ်များကို အဓိကထိခိုက်စေပါတယ်၊
🐝လူကြီးမှာ ဘယ်ရီဘယ်ရီက ဘယ်လိုလက္ခဏာတွေနဲ့ လာတတ်သလဲ?
လူကြီးတွေမှာ ရောဂါလက္ခဏာပြရတဲ့အထိ ချို့တဲ့နိုင်တာက အပေါ်က ပြောခဲ့တဲ့ အစားရှောင်တဲ့ မိခင်တွေ အပြင် အရက်အလွန်အကျွံသောက်သူတွေမှာတွေ့ရတတ်ပါတယ်၊
အစောပိုင်းလက္ခဏာအနေနဲ့
⛔ပင်ပန်းနွမ်းနယ်ခြင်းနှင့် အားမရှိခြင်း
⛔ယားယံခြင်း
⛔အိပ်ငိုက်ခြင်း၊ စိတ်ဓာတ်ကျခြင်း၊ အာရုံစူးစိုက်မှုအားနည်းခြင်း
⛔အစားအသောက်ပျက်ခြင်း, ပျို့, အန်,
⛔ဝမ်းဗိုက်နာကျင်ခြင်း
နောက်ပိုင်းပိုဆိုးလာတဲ့ လက္ခဏာအနေနဲ့
⛔ခြေလက်များ ထုံကျင်ခြင်း၊
⛔တုန်ခါမှုအာရုံဆုံးရှုံးခြင်း
⛔ခြေထောက်ကြွက်သားများ အားနည်းပြီးကြွက်တက်ခြင်း။
⛔နှလုံးကြွက်သားအားနည်းပီး အမောဖောက်ခြင်း
တွေ့ရတတ်ပါတယ်။
🐝နို့စို့အရွယ်မှာ ဘယ်ရီဘယ်ရီက ဘယ်လိုလက္ခဏာတွေနဲ့ လာတတ်သလဲ?
နို့စို့ကလေး B1 ချို့တဲ့လျှင်
⛔ငိုလျှင်အသံပျောက်လာခြင်း
⛔ရုတ်တရက် အသက်ရှုရခက်ခဲပီး နှလုံးအမောဖောက်ခြင်း၊
⛔သတိလစ်ခြင်း၊တက်ခြင်းများ ဖြစ်ပွားနိုင်ပီး
ရုတ်တရက် သေဆုံးနိုင်တဲ့အန္တရာယ်ရှိနိုင်ပါတယ်။
ကလေးကိုစမ်းသပ်တဲ့အခါမှာ
အာဟာရချို့တဲ့တဲ့ လက္ခဏာတွေ တွေ့ရတတ်ပါတယ်၊ ဖြူဖျော့ပီးဖောနေနိုင်ပါတယ်၊
စမ်းသပ်ကြည့်ရင် ပုံမှန်ထက် နှလုံးကြီး အသည်းကြီးနေတာမျိုးတွေ့ရတတ်ပါတယ်၊
🐝ရောဂါရှိကြောင်းဘယ်လိုသိနိုင်မလဲ?
သွေးဖောက်စစ်လို့ B1ဓာတ်ချို့တဲ့နေတာထက်
မိခင်က အစားရှောင်တဲ့ ရာဇဝင်ရှိပီး ခြေလက်ထုံကျင်တာရှိနေမယ်၊ ကလေးမှာ ဖော်ပြပါ လက္ခဏာတွေရှိနေမယ်ဆိုရင် လူနာကို B1 ဆေးပေးလိုက်တာနဲ့ သိသိသာသာ လက္ခဏာတွေ သက်သာလာတတ်ပါတယ်။
သောက်ဆေးပေးဖို့လိုမလား
ထိုးဆေးပေးဖို့လိုမလားဆိုတာ ကို သင့်ဆရာဝန်က ဆုံးဖြတ်ပေးပါလိမ့်မယ်။
အရေးကြီးတာက ရောဂါလက္ခဏာသက်သာပီးရင်တောင် လိုအပ်တဲ့ B1ဓာတ်ကိုဆက်လက်ရနေဖို့အတွက် အနည်းဆုံး ၃လခန့် B1 ဓာတ်ပါတဲ့ဆေးတမျိုးမျိုး ပေးထားသင့်ပါတယ်။
လိုအပ်ရင် မိခင်ကိုပါ အားဆေးပေးရပါ့မယ်။
🔔အရေးကြီးဆုံးအချက်ကတော့ ရှေးရိုးစွဲအယူတွေဖြစ်တဲ့ ထမင်းရေငှဲ့ချက်တာမျိုး၊မီးနေသည်ကို အစားအလွန်ရှောင်ခိုင်းတာမျိုး၊ ငါးခြောက်နဲ့ ဟင်းခါးတမျိုးသာကျွေးတာမျိုးကို အထူးတလည်ရှောင်သင့်ပါတယ်၊ မိခင်များအနေနဲ့ ကိုယ်ဝန်ဆောင်အားဆေးကို ကလေးနို့တိုက်နေစဥ်ကာလတစ်လျှောက်လုံး ဆက်လက်တိုက်ကျွေးသင့်ပါတယ်။🔔
🌸ပွင့်သောပန်းတိုင်း လန်းဆန်းကြပါစေ။🌸
♥️ထပ်ဖော်ပြပေးမယ့် post မှာတော့
နောက်ထပ် ကလေးရောဂါလက္ခဏာတွေကို ဖော်ပြပေးသွားမှာဖြစ်လို့ Noti လေးတွေ on ထားကြဦးနော်။♥️
👷ဘေဘီလေးတွေကျန်းမာရေးအတွက် Page လေးကို like and share လေး လုပ်ပေးကြပါဦး။👷
📢Messenger မှတဆင့် ကလေးအထူးကုဆရာဝန်ဖြင့်လည်း တိုင်ပင်ဆွေးနွေးနိုင်ပါတယ်။📢
19/11/2021
မဂ်လာပါ
📣ဒီနေ့ပြောပြပေးမှာကတော့
Strawberry Nevus(စတော်ဘယ်ရီမှဲ့)လို့ခေါ်တဲ့ကလေးငယ်များမှာ တွေ့ရတတ်သော သွေးကြောထုံးအမှတ်လေးတွေအကြောင်းဖြစ်ပါတယ်။📣
👷အရေပြားရဲ့ စတော်ဘယ်ရီမှဲ့(Strawberry Nevus)ဆိုတာ ဘာလဲ?👷
📢စတော်ဘယ်ရီမှဲ့(hemangioma) သည် ၎င်း၏အရောင်ကြောင့် အမည်ပေးထားသော အနီရောင် မွေးရာပါ အမှတ်အသား ဖြစ်ပါတယ်။ အရေပြား နီပီးဖုဖောင်းနေခြင်းသည် အရေပြားမျက်နှာပြင်နှင့် နီးစပ်သော သွေးကြောများ စုစည်းမှုမှ ဖြစ်ပေါ်လာတာဖြစ်ပါတယ်။မွေးရာပါ အမှတ်အသားဖြစ်လို့ ငယ်ရွယ်သော ကလေးများနှင့် မွေးကင်းစကလေးများတွင် အဖြစ်များပါတယ်။
မွေးရာပါ အမှတ်အသားဟု ခေါ်သော်လည်း စတော်ဘယ်ရီမှဲ့သည် အမြဲတမ်း မွေးရာပါမဟုတ်ပဲ ကလေးအသက် ရက်သတ္တပတ်များစွာရှိသောအခါမှ အမှတ်အသားသည်လည်း ပေါ်လာနိုင်ပါတယ်။စတော်ဘယ်ရီမှဲ့လေးများဟာ များသောအားဖြင့် အန္တရာယ်ကင်းပြီး ပုံမှန်အားဖြင့် ကလေးအသက် 10 နှစ်ဝန်းကျင်တွင် ပျောက်ကွယ်သွားတတ်ပါတယ်။📢
👷Port Wine Stain နဲ့ စတော်ဘယ်ရီမှဲ့တူသလား?👷
📢 Port Wine Stain လို့ခေါ်တဲ့(စာနီ သို့မဟုတ် ခရမ်းရောင် မွေးရာပါ အမှတ်အသား)ဟာ စတော်ဘယ်ရီမှဲ့နဲ့ မတူပါဘူး၊ အဘယ်ကြောင့်ဆိုသော် port wine stainဟာမျက်နှာပေါ်တွင်သာ အများဆုံးဖြစ်တတ်ပြီး ပြန်မပျောက်နိုင်သောကြောင့်ဖြစ်ပါတယ်။
သွေးကြောထုံးခြင်းကြောင့်ဖြစ်တာလည်း မဟုတ်ပါဘူး။📢
👷စတော်ဘယ်ရီမှဲ့ရဲ့လက္ခဏာတွေက ဘာတွေလဲ👷
📢စတော်ဘယ်ရီမှဲ့သည် နေရာတိုင်းတွင် ရှိနိုင်သော်လည်း အဖြစ်အများဆုံးနေရာများမှာ-
မျက်နှာ၊ဦးရေပြား၊ကျောနှင့်ရင်ဘတ်တို့မှာဖြစ်ပါတယ်၊နီနေသောနေရာကို အနီးကပ်ကြည့်လျှင် သွေးကြောငယ်များ နီးကပ်စွာ ကပ်လျက်ရှိသည်ကို တွေ့ရတတ်ပါတယ်။ကလေးငယ် ၁၀ယောက်မှာ ၁ယောက်ခန့်အထိ တွေ့ရများတတ်ပါတယ်။
စပေါ်ခါစမှာ မှိန်မှိန်လေးဖြစ်တတ်ပေမယ့် ကြီးလာတဲ့အခါ အနီရောင်တောက်တောက် ဖြစ်လာတတ်ပါတယ်။
နောက်အုပ်စုတစ်ခုကတော့ အပေါ်ယံအရေပြားမှာမဟုတ်ပဲ ပိုမိုနက်ရှိုင်းသောတစ်ရှူးများတွင်ဖြစ်တတ်တဲ့ Deep hemangiomasအုပ်စုဖြစ်ပါတယ်၊အပြာ သို့မဟုတ် ခရမ်းရောင် ရှိတတ်ပီး၎င်းတို့ကို cavernous hemangiomas ဟုလည်းလူသိများပါတယ်။📢
👷ဘာကြောင့် စတော်ဘယ်ရီမှဲ့ကို အထူးတဆန်းပြေနေတာလဲ? အရေးကြီးလို့လား?👷
📢စတော်ဘယ်ရီ nevus သည် အန္တရာယ်ဖြစ်ခဲပီး အချို့က မှိန်သွားသောအခါ မီးခိုးရောင် သို့မဟုတ် အဖြူရောင် အမာရွတ်များ ကျန်ရစ်နိုင်ပါတယ်။အမာရွတ်တွေဟာသည် ပတ်ဝန်းကျင်ရှိ အရေပြားနှင့် သိသိသာသာ ကွဲပြားတတ်ပါတယ်၊
အရေးကြီးဆုံးနဲ့ အပြင်းထန်ဆုံးအခြေအနေကတော့ကြီးမားသောစတော်ဘယ်ရီမှဲ့ဟာသည် အသက်အန္တရာယ်ရှိနိုင်ပါတယ်။သွေးကြောတွေစုထုံးနေတာဖြစ်လို့ ဦးခေါင်းတွင်းလိုနေရာမျိုး၊ တအားကြီးလွန်းတာမျိုးတွေမှာ အန္တရာယ်ရှိတတ်ပါတယ်၊အသက်ရှူခြင်း၊ အမြင်အာရုံနှင့် အကြားအာရုံတို့ကိုလည်း ထိခိုက်စေနိုင်ပါတယ်။တည်နေရာပေါ် မူတည်ပီး ကြီးမားသော စတော်ဘယ်ရီမှဲ့တွေဟာကိုယ်တွင်းအင်္ဂါများလုပ်ဆောင်မှုကိုရှုပ်ထွေးစေနိုင်ပါတယ်။ hemangioma ၏အရွယ်အစားကိုအကဲဖြတ်ရန်နှင့်အန္တရာယ်ရှိမရှိဆုံးဖြတ်ရန် အရေးကြီးပါတယ်။📢
👷စတော်ဘယ်ရီမှဲ့ ကို ဘယ်လိုကုသမလဲ?👷
📢စတော်ဘယ်ရီမှဲ့အများစုဟာ အန္တရာယ်မရှိဘဲ အချိန်နှင့်အမျှ ပျောက်ကွယ်သွားသောကြောင့် ကုသမှုကို မလိုအပ်ပါ။
📢လိုအပ်ပါက သင့်ဆရာဝန်က အောက်ပါကုသမှုတွေပေးပါလိမ့်မယ်။
1.လိမ်းဆေး၊ သောက်ဆေးသို့မဟုတ် ထိုးဆေးများ
2.လေဆာကုသမှု
3.ခွဲစိတ်မှု
ဘယ်လိုကုသသင့်သလဲဆိုတာကို သင့်ဆရာဝန်ကဆုံးဖြတ်ပေးပါလိမ့်မယ်။
🎈အောက်မှာပြထားတဲ့ ပုံတွေက အပေါ်ပုံက
စတော်ဘယ်ရီမှဲ့ (Strawberry Naevus) ဖြစ်ပီး အောက်ပုံကတော့ စာနီမှတ် (port wine stain)
ဖြစ်ပါတယ်။🎈
🌸ဗဟုသုတရဖို့အတွက် post လေးကို share ပေးကြပါဦး။🌸
📢Messenger မှတဆင့် ကလေးအထူးကုဆရာဝန်ဖြင့်လည်း တိုင်ပင်ဆွေးနွေးနိုင်ပါတယ်။📢
18/11/2021
မဂ်လာပါ
📣ဒီနေ့ပြောပြပေးမှာကတော့
Staph Skin Infection လို့ခေါ်တဲ့ မွေးကင်းစကလေးငယ်များမှာ တွေ့ရတတ်သော အရေပြားပိုးဝင်ပြသနာအကြောင်းဖြစ်ပါတယ်။📣
🎈Staph Skin Infection ဆိုတာဘာလဲ?🎈
📢Staph ဆိုတာ လူ့ခန္ဓာကိုယ်အရေပြားမှာ ပုံမှန်ရှိနေတတ်တဲ့ဘက်တီးရီးယားမျိုးဖြစ်ပီး ပုံမှန်ရှိနေတဲ့ အနေအထားမှာ အန္တရာယ်မပေးတတ်ပါဘူး။
အရေပြားလန်တဲ့အခါ ကွဲသွားတဲ့အခါမှာ ပိုးအဆမတန်များပြားလာတဲ့အခါမှာ အရေပြားကိုပြသနာပေးတဲ့ ပိုးအမျိုးအစားဖြစ်ပါတယ်။အရေပြားပြည်တည်ခြင်းမှစလို့ အသက်ဆုံးရှုံးတဲ့အထိဖြစ်နိုင်ပါတယ်။📢
🎈မနေ့က ဖော်ပြတဲ့ ETN နဲ့ ဘာကွာလဲ?🎈
📢ETN က ပုံမှန်မွေးကင်းစလေးတွေမှာ တွေ့နေကျအရေပြားပြသနာဖြစ်ပီးတော့ SSI ကတော့ ပိုးဝင်မှပဲတွေ့ရတတ်တာမျိုးပါ။📢
https://www.facebook.com/100901722395941/posts/116736684145778/
ဒါက မနေ့က ဖော်ပြခဲ့တဲ့ ETN အကြောင်း link ဖြစ်ပါတယ်
🎈Staph Skin Infectionဘယ်လိုကူးစက်နိုင်သလဲ?
📢ကူးစက်နိုင်ခြေအများဆုံးကတော့ မသန့်တဲ့လက်တွေကတဆင့်ဖြစ်ပါတယ်။ ပိုးသယ်ဆောင်ထားတဲ့ လက်တွေကတဆင့် လက်မဆေးပဲ ကလေးကိုင်တဲ့အခါ ကလေးသန့်ရှင်းရေးလုပ်တဲ့ အခါ နူးညံ့တဲ့ ကလေးအရေပြားက ခံနိုင်ရည်မရှိတဲ့အတွက် ပိုးဝင်နိုင်ပါတယ်။ မသန့်ရှင်းတဲ့ အနှီး၊အဝတ်အစားများမှလည်း ကူးစက်နိုင်ပါတယ်။ ရှားရှားပါးပါးအနေဖြင့် မိခင်မွေးလမ်းကြောင်းမှာ ပိုးရှိနေလျှင်လည်း ကူးစက်နိုင်ပါတယ်။📢
🎈ဘယ်လိုလက္ခဏာတွေနဲ့ လာတတ်သလဲ?🎈
📢ပိုးဝင်ပီး ၁-၂ရက်အတွင်း အရေပြားနီရဲတတ်ပါတယ်။အရေကြည်ဖု (သို့) ပြည်ဖု ဖြစ်လာတတ်ပါတယ်။လည်ပင်းကြား၊ ဂုတ်၊ကျော နှင့် ပေါင်လိုနေရာတွေမှာမျက်နှာနှင့် လက်ချောင်း ခြေချောင်းများထက်အတွေ့ရများပါတယ်၊သန့်ရှင်းရေး အားနည်းတဲ့ နေရာတွေမှာ ပိုအဖြစ်များပါတယ်၊ ပြည်ဖုပတ်လည်က ရဲနေတတ်ပါတယ်၊ အပေါ်ပုံကို ကြည့်ပါ။
ပိုဆိုးလာတဲ့အခါမှာ ပြည်ဖုပိုကြီးလာတာမျိုး၊ တစ်ခုနဲ့တစ်ခုဆက်သွားတာမျိုး ဖြစ်နိုင်ပါတယ်၊
ပေါက်ထွက်သွားပီး အရေပြားလန်ပီး ကျန်ခဲ့တတ်ပါတယ်။📢
🎈ဘယ်လိုအခြေအနေတွေက ပြင်းထန်တတ်သလဲ?
📢ပြည်ဖုတွေ များလာပီဆိုလျှင်
အဆမတန် ကြီးလာပီဆိုလျှင် အရေးကြီးပါတယ်၊
အရေပြားတစ်ခုလုံးကွာထွက်တဲ့အထိ ပြင်းထန်နိုင်ပါတယ်၊ (Staph Scalded Skin Syndrome)
အောက်ပုံကို ကြည့်ပါ၊ အရေခွံကျွတ်ပီး နီရဲနေပါတယ်၊ ရေဓာတ်ဆုံးရှုံးချင်းနဲ့ ပိုးထပ်ဝင်ချင်းကြောင့် သေဆုံးနိုင်ပါတယ်၊
နောက်ထပ်တစ်ခုက ပိုးက သွေးထဲရောက်သွားလျှင်
Toxic Shock Syndrome လို့ခေါ်တဲ့ သွေးတွင်းပိုးဆိပ်တက်အခြေအနေနဲ့ သေဆုံးနိုင်ပါတယ်၊ ဆေးကုလို့ လိုက်မမီပါဘူး၊ဆေးရုံတွေမှာလည်း တွေ့ရမရှားပါဘူး။📢
🎈အပေါ်ပုံကနေ အောက်ပုံ ပြောင်းဖို့ အချိန်ဘယ်လောက်ကြာသလဲ?🎈
📢အချိန် ၂-၄ ရက်အတွင်း ပြောင်းနိုင်ပါတယ်၊
မပေါ့ဆသင့်ပါဘူး၊ အရေးအကြီးဆုံးအချက်က
ပိုးဝင်တာဖြစ်တဲ့အတွက် ဆေးမြီးတို တိုင်းရင်းဆေးများ၊ သနပ်ခါးများ လုံးဝလုံးဝ မသုံးသင့်ပါဘူး၊
ပေါက်ပြဲနေတဲ့အရေပြားဖြစ်လို့ ပိုးဝင်လွယ်တဲ့အတွက် ဆေးမြီးတိုသုံးမှ ပိုဆိုးဖို့ပဲရှိပါတယ်။📢
🎈Staph Skin Infection ကို ဘယ်လိုကုသရမလဲ?🎈
📢ပြည်ဖု တစ်ခုနှစ်ခုလောက်ဆိုလျှင် တစ်ကိုယ်ရေးသန့်ရှင်းရေးသေချာလုပ်ပီး ဆေးလိမ်းရုံနဲ့ သက်သာသွားနိုင်ပေမယ့် များလာလျှင်တော့ သောက်ဆေး (သို့) ထိုးဆေးလိုအပ်ပါတယ်၊ အခြေအနေပေါ်မူတည်ပီး ပြန့်နှုန်းမြန်လွန်းတဲ့အတွက် တတ်ကျွမ်းသူထံ အမြန်ဆုံးပြသဖို့ အရေးကြီးပါတယ်။📢
🎈ဘယ်လိုအချိန် ဆေးရုံ သွားသင့်သလဲ?🎈
📢ကလေးမှိန်း၊နို့မစို့၊ဖျား၊ဆီးမသွားနိုင်တာ၊ အနာတွေများလာတာ၊အရေခွံကွာလာတာတွေဆိုလျှင် ဆေးရုံ ချက်ချင်းတက်ရောက်ကုသဖို့ လိုအပ်ပါတယ်၊
နောက်ကျလျှင် အသက်မီရန် ခက်ခဲပါတယ်။📢
🎈ဘယ်လိုကာကွယ်ရမလဲ?🎈
📢သန့်ရှင်းရေးပါပဲ။ ကလေးမကိုင်မီ လက်ဆေးပါ။
လူအများကြီး မွေးကင်းစကလေးကိုကိုင်တွယ်ခြင်းမှရှောင်ပါ၊ ကလေးသန့်ရှင်းရေးလုပ်ပီးလက်ပြန်ဆေးပါ၊
ကလေးအဝတ်အစား၊မိခင်အဝတ်အစားများကို နေပူမှာ ခြောက်သွေ့အောင်လှန်းပါ၊ဖြစ်နိုင်လျှင် မီးပူတိုက်ပီးမှသုံးပါ။ ကလေးကို ချက်မကြွေခင် ရေမချိုး သေးသည့်အချိန်တွင်လည်း ရေပတ်တိုက်ပေးနိုင်ပါတယ်၊
နားနောက်၊လည်ပင်းကြား၊ချိုင်းကြား၊ပေါင်ကြား ရေစွတ်ထားသော အဝတ်သန့်နှင့် နေ့စဥ်သန့်ရှင်းရေးလုပ်ရပါ့မယ်၊ သန့်ရှင်းရေးလုပ်တိုင်း ပြည်ဖုလေးတွေရှိမရှိကြည့်ပေးပါ။📢
🌸ပွင့်သောပန်းတိုင်း လန်းဆန်းကြပါစေ။🌸
♥️ထပ်ဖော်ပြပေးမယ့် post မှာတော့
နောက်ထပ် ကလေးကရေပြားရောဂါလက္ခဏာတွေကို ဖော်ပြပေးသွားမှာဖြစ်လို့ Noti လေးတွေ on ထားကြဦးနော်။♥️
👷ဘေဘီလေးတွေကျန်းမာရေးအတွက် Page လေးကို like and share လေး လုပ်ပေးကြပါဦး။👷
📢Messenger မှတဆင့် ကလေးအထူးကုဆရာဝန်ဖြင့်လည်း တိုင်ပင်ဆွေးနွေးနိုင်ပါတယ်။📢
17/11/2021
မဂ်လာပါ
📣ဒီနေ့ပြောပြပေးမှာကတော့
Erythema toxicum neonatorum (ETN) လို့ခေါ်တဲ့ ကျန်းမာသော မွေးကင်းစကလေးငယ်များမှာ အဖြစ်များသော အရေပြားပြသနာအကြောင်းဖြစ်ပါတယ်။
📣၎င်းကို တစ်ခါတစ်ရံတွင် erythema toxicum၊ ကလေးဝက်ခြံ သို့မဟုတ် မွေးကင်းစကလေးတွင်ဖြစ်တတ်သော အနီဖုများလို့ခေါ်ပါတယ်။အသက်တစ်လအောက် ဘေဘီလေးတွေမှာတွေ့ရတတ်ပါတယ်။
🎈erythema toxicum neonatorum ကိုဘာတွေကဖြစ်စေသလဲ?🎈
🔔အကြောင်းရင်းကို အတိအကျ မသိရသေးပါ။ အဖုအပိမ့်များ ရှိနေသော်လည်း ရောဂါပိုးကြောင့် မဟုတ်ပါ။ကလေး၏ ကိုယ်ခံအားစနစ်၏ ပုံမှန်အကျိုးသက်ရောက်မှုဖြစ်နိုင်ခြေ အပါအဝင် အမျိုးမျိုးသော အယူအဆများကို ပညာရှင်များကအကြံပြုထားကြပါတယ်။ဓာတ်မတည့်မှုပြဿနာလည်းမဟုတ်သလို ကလေးနို့တိုက်သည်ဖြစ်စေ နို့ဗူးတိုက်သည်ဖြစ်စေ ၎င်းနှင့်လည်း မသက်ဆိုင်တတ်ပါဘူး။
🎈erythema toxicum neonatorum က ဘယ်လောက်အဖြစ်များလဲ?🎈
🔔 ETN သည် အလွန်အဖြစ်များပါတယ်။မွေးကင်းစကလေး 10 ယောက်တွင် 4 ယောက် သို့မဟုတ် 5 ယောက်အထိတွေ့ရတတ်ပါတယ်။ လမစေ့ဘဲမွေးတဲ့ကလေးတွေနဲ့ ယှဉ်ရင် သက်တမ်းပြည့်မှာမွေးတဲ့ကလေးတွေမှာ ပိုအဖြစ်များပုံရပါတယ်။
🎈ဘယ်ကလေးငယ်တွေ erythema toxicum neonatorum ရနိုင်လဲ?🎈
🔔ပျမ်းမျှအားဖြင့် ETN သည် အသက် 3 နှင့် 14 ရက်ကြား ကျန်းမာသော ကလေးငယ်များတွင် ဖြစ်ပွားတတ်ပါတယ်။ ယေဘုယျအားဖြင့်၊ မွေးစတွင် ပိုကြီးသောကလေးငယ်များ၊ နွေရာသီ သို့မဟုတ် ဆောင်းဦးပေါက်တွင် မွေးဖွားသောကလေးငယ်များတွင် ပိုအဖြစ်များပုံရပါတယ်။
🎈erythema toxicum neonatorum ၏အဖုတွေ ဘယ်လိုထွက်တတ်သလဲ?🎈
🔔 ETN ၏ အဖုများသည် ယေဘူယျအားဖြင့် မျက်နှာနှင့် ခန္ဓာကိုယ်တွင်အဓိကအနီကွက်များဖြစ်ပွားပီး လက်နှင့် ခြေထောက်များတွင်လည်း ဖြစ်တတ်သည် (သို့သော် လက်ဖဝါး သို့မဟုတ် ခြေဖဝါးများတွင် ဖြစ်ခဲသည်)။papules ဟုခေါ်သော အကွက်သေးသေးလေးများသည် အဖြစ်များပါတယ်။ တခါတရံတွင် သေးငယ်သော ပြည်ဖုများ (pustules) သို့မဟုတ် အရည်ပြည့်နေသော အရည်ကြည်ဖုများ (vesicles) များ ရှိတတ်ပါတယ်။ နေရာများစွာ သို့မဟုတ် အလွန်နည်းနိုင်သည်။အဖုများသည် ယာယီဖြစ်နိုင်ပြီး တစ်ခါတစ်ရံမှာ အစက်အပြောက်အသစ်များပေါ်လာသော်လည်း နာရီပိုင်းအတွင်း ပျောက်သွားနိုင်ပါတယ်။ကလေးက နေကောင်းနေပုံရပြီး အဖုက ဘာကိုမှ အနှောင့်အယှက်ပေးပုံမပေါ်ပါဘူး။
🎈erythema toxicum neonatorum အတွက် ကုသမှုကဘာလဲ?🎈
🔔ETN အတွက် သီးခြားကုသမှု မလိုအပ်ပါ။ အဖုသည် အထူးတလည်ကုသစရာမလိုဘဲ လုံးလုံးသက်သာသွားမှာဖြစ်ပါတယ်။ ပုံမှန်အားဖြင့် အဖုသည် ရက်အနည်းငယ်သာ ကြာတတ်ပီး အားလုံးနီးပါးမှာ နှစ်ပတ်အတွင်း လုံးဝပျောက်ကင်းသွားပါတယ်။ရံဖန်ရံခါတွင်အသက် 6 ပတ်အထိဖြစ်နိုင်သလို ပုံမှန်အားဖြင့် ပြန်ဖြစ်နှုန်းက ပျော့ပါတယ်။
🎈မေမေတွေ ဘာကိုစိုးရိမ်ကြသလဲ??🎈
📣မိတ်ဖုတွေလား? ပြည်ဖုတွေလား? ပိုးဝင်တာလား?
ရေချိုးလိုက်လို့လား? ဆပ်ပြာမတည့်လို့လား?
လားပေါင်းများစွာနဲ့ စိတ်ပူတတ်ကြလို့
မွေးကင်းစလေးတွေမှာ အရမ်းကို common ဖြစ်တဲ့
ETN အကြောင်းပြောပြပေးရခြင်းဖြစ်ပါတယ်။
လက်မသန့်လို့ကူးစက်တတ်တဲ့ ပြည်ဖုနဲ့ ကွာပါတယ်။
ဘာဆေးများလိမ်းစရာမလိုအပ်ပေမယ့် တအားများလာရင် ကလေးကို ပွပွချောင်ချောင်အနှီးလေးသာ ပတ်ထားသင့်ပါတယ်၊တအားလုံအောင်ထုတ်မထားသင့်ပါ၊ baby moisturizer လိုမျိုး၊ No rash လို cream မျိုး လိမ်းပေးလို့ရပါတယ်။📣
♥️ထပ်ဖော်ပြပေးမယ့် post မှာတော့
ကူးစက်တတ်တဲ့ ကလေးပြည်ဖုနဲအရေးကြီးရောဂါလက္ခဏာတွေကို ဖော်ပြပေးသွားမှာဖြစ်လို့
Noti လေးတွေ on ထားကြဦးနော်။♥️
👷ဘေဘီလေးတွေကျန်းမာရေးအတွက် Page လေးကို like and share လေး လုပ်ပေးကြပါဦး။👷
📢Messenger မှတဆင့် ကလေးအထူးကုဆရာဝန်ဖြင့်လည်း တိုင်ပင်ဆွေးနွေးနိုင်ပါတယ်။📢
12/12/2021
12/12/2021
29/11/2021
25/11/2021
23/11/2021
19/11/2021
18/11/2021
17/11/2021