Chuu May May

တတိယလူ🚶‍♀️
တတိယလူဆိုရင် လူတိုင်း ထင်ကြ တွေးကြမှာက စနိုက်ကြော်/ဖောက်ပြန်/ခြံခုန် အဲ့လိုမျိုးတွေ အဓိက တွေးမိကြမှာပါ အခုပြောမယ့် တတိယလူကတော့ အဲ့အဆင့်ထိမရောက်သလို အမျိုးသမီးတိုင်းလိုလို တတိယလူ ဖြစ်ဖူးနိုင်ပါတယ် နမူနာအနေနဲ့ပြောရမယ်ဆိုရင် အမျိုးသားရောင်းတဲ့ဆိုင်မှာ မုန့်ဝယ်တယ်ပေါ့ အဲ့ဆိုင်ထဲမှာ သူ့အမျိုးသမီးလည်း ရှိတယ်ပေါ့ ကောင်မလေးတစ်ယောက်ကလည်း လမ်းလည်းကြုံလို့ ၃/၄ ခေါက်လောက် ဆက်တိုက်ဝယ်မိတယ်ပေါ့ အဲ့တော့ မိန်းမလုပ်သူက ပြောပြီ "အဲ့ကမလေး ရှင့်များကြိုက်နေလားမသိဘူးနော် ရက်တိုင်းလိုလို မုန့်ဝယ်တယ် ပြီးတော့ မျက်နှာကလည်းပြုံးနေတာပဲ တခုခုတော့ တခုခုပဲ" အမှန်တော့ ဟိုက လမ်းကြုံလို့ဝယ်တာ ရိုးရိုးသားသား သူ့ယောက်ျားကို စိတ်ထဲတောင်မရှိဘူး ဒါပေမယ့် ဟိုဘက်မှာတော့ လင်မယားက သတ်နေပြီ 😁 ယောက်ျားလုပ်သူကလည်း မရောင်းရရင်နေပါ အဲ့ကမလေး စျေးလာမဝယ်ပါစေနဲ့လို့ ဆုတွေတောင်တောင်း မိန်းမလုပ်သူ နားပူတာမခံနိုင်လို့... အဲ့ဒါက ကိုယ်တောင်မသိလိုက်ဘဲ အလကားနေ တတိယလူဖြစ်သွားရတဲ့အချက်တစ်ခုပါပဲ နောက်တစ်မျိုးကတော့ နမူနာအနေနဲ့ Marketing ဆင်းတဲ့အမျိုးသမီးလေးတွေပေါ့ သူတို့ပစ္စည်းရောင်းရအောင် သိသိ မသိသိ ကိုကြီးရေ/ဦးရေ ခေါ်ပြီး ဇွတ်ရောင်း ဟိုနွားပြာကြီးတွေကလည်း အိမ်ကမိန်းမအသံကိုသာ နားမထောင်ချင်တာ ဒါမျိုးကျ ဖြီးနေတာပဲ အဲ့တာကို မိန်းမကတွေ့တော့ သူ့ယောက်ျားကိုလည်းပြော တဖက်မိန်းကလေးကိုလည်းပြောတော့ ဟိုဘက်ကလည်း သူ့ပစ္စည်းရောင်းချင်လို့ ကပ်တာဆိုပေမယ့် မိန်းမဆိုတော့ တိုတာပေါ့ ဘယ်လိုပဲဖြစ်ဖြစ် နှစ်ဘက်လုံးဆင်ခြင်သင့်ပါတယ် ဒါကတော့တတိယလူဖြစ်သွားနိုင်တဲ့ ယေဘူယျအချက်တချို့ပါ
တခါတလေကျ ကျမတို့တောင် ကိုယ်ကိုယ်တိုင်မသိနိုင်ဘဲ တတိယလူဖြစ်သွားနိုင်သလို ကိုယ့်အကျိုးအမြတ်ဘာတစ်ခုမှ မရဘဲ သူများအိမ်ထောင်ကို မထိတထိသွားစချင်ကြတဲ့ သိသိရဲ့နဲ့ တတိယလူအဖြစ် နေထိုင်သွားချင်ကြတဲ့ အမျိုးသမီးတွေလည်းရှိကြပါတယ်
အိမ်ထောင်ရှိမှန်းသိရင် တတိယလူအဖြစ်မခံကြပါနဲ့
ကိုယ့်အလှကို ပြချင် ကြွားချင်ရင် လူပျိုတွေ ရိုက်သတ်လို့ မကုန်ပါဘူး အိမ်ထောင်သည်တွေကို သွားမထိပါနဲ့
" တွေ့လား နင့်ယောက်ျား ငါ့အလှ နုပျိုမှုမှာ မျောနေပြီ" ဆိုပြီး ဂုဏ်ဆာတဲ့ပုံမဖမ်းပါနဲ့ ယောက်ျားဆိုတာ အလကားရရင်တော့ ကြည့်မှာပါပဲ ယူမှာပါပဲ မယားကြီးဆိုတာကလည်း အရင်က လှပနုပျိုုဖူးသူဆိုတာမမေ့ပါနဲ့ ကိုယ်လည်း တချိန်အိုတဲ့အခါ ကိုယ့်ကိုလည်း ပစ်သွားမှာပါပဲ လှပတဲ့မိသားစုဘဝလေးတွေကို ကိုယ့်အတ္တတစ်ခု ရလိုမှုတစ်ခု တဏှာကြောင့်တော့ မဖျက်စီးလိုက်ပါနဲ့ ကိုယ်လည်း တစ်ချိန်မိသားစု​ ရမလာဘူးလို့ ဘယ်သူပြောနိုင်မလဲလေ ဝဋ်မလည်အောင်နေထိုင်ကြဖို့ တိုက်တွန်း အကြံပေးချင်ပါတယ်

#တတိယလူ
#ဖောက်ပြန်ခြင်း

ခုခေတ်က Proကျကျကြွားတတ်လာကြပြီလို့ပဲ ပြောရမလားပဲ 😁😁
တချို့က သူတို့ဆီမှာ တကယ်လည်းရှိတယ် ပြည့်စုံတယ် ချမ်းသာတယ်ပေါ့ရှင့် ဒါပေမယ့် ငါက ချမ်းသာတယ်လို့ တိုက်ရိုက်ထုတ်မကြွားဘူး ပညာရှိနည်းနဲ့ လူစုံပြီဆို စပြီ ငါ့မှာ ဘာမရှိလို့ ဘာမလုပ်ရတာဆိုပြီး ပြောလာပြီ အချိန်ကိုက် အဲ့အချိန်မှာပဲ ဇာတ်ပို့ရမယ့် အိမ်နီးနားချင်းကလည်း ကြွားမယ်မှန်းသိပေမယ့် ပြောပေးရှာပါတယ် " အမယ် မဟုတ်တာ သိပါတယ်နော် အန်တီတို့က ချမ်းသာမှန်း အဟင်း ဟင်း "
အဲ့ကျ ဂွင်ထဲရောက်ပြီဆိုတာနဲ့ ကြွားချင်နေတဲ့
အန်တီကြီးလည်း တဟဲဟဲနဲ့ ထရယ်ပါတော့တယ်
သူ့တဟဲဟဲရဲ့ အဓိပ္ပါယ်ကတော့ ငါချမ်းသာမှန်းသိပြီးတာပါပဲ ဆိုတဲ့ အဓိပ္ပါယ်ပါပဲ...
profesional ကျကျကြွားတတ်ကြပါစေ.....


#အကြွားပို့စ်

အဓိကကတော့ အမျိုးသမီးတွေကို ပြောချင်တာပါ..
ကျမတို့အမျိုးသမီးတွေအနေနဲ့ ကောင်းတဲ့ပြောင်းလဲခြင်းတွေကို လက်ခံကြိုဆိုသင့်ပါတယ် ဘယ်သူ့ကြောင့်ပြောင်းလဲတာပဲဖြစ်ဖြစ်ပါ...
ဥပမာ မွေးထားတဲ့သားက ချွေးမကြောင့်ဖြစ်စေ မြေးကြောင့်ဖြစ်စေ အရက်မသောက်တော့တာ ဆေးလိပ်မသောက်တော့တာဆိုရင် ဝမ်းသာပေးသင့်ပါတယ် အဲ့လိုမဟုတ်ဘဲ တခြားမကောင်းတဲ့ဘက်ကနေပြီး " ဟွန်း ငါ မသောက်နဲ့ ပြောတုန်းက သောက်တယ် ခုမှ မိန်းမပြောမှ မသောက်တော့တာ တော်တော် မွေးရကျိုးနပ်တဲ့သား " အဲ့လိုမတွေးကြပါနဲ့ ဘယ်သူ့ကြောင့်ပဲ ပြောင်းလဲပါစေ ကောင်းသောပြောင်းလဲခြင်းတွေကို ကောင်းတဲ့ဘက်ကနေတွေးပြီး လက်ခံပေးကြပါလို့ တိုက်တွန်းပါရစေ...

#ယောက္ခမ
#ချွေးမ
#ကောင်းသောပြောင်းလဲခြင်း

ကျမတို့ငယ်ငယ်က ကြားဖူးတဲ့စကားလေးတစ်ခွန်းရှိပါတယ်... အပြင်မီး အတွင်းသယ်မလာနဲ့ အတွင်းကမီးလည်း အပြင်ထုတ်မသွားနဲ့တဲ့ အခုခေတ်ကတော့
ကိုယ့်မိသားစုပြသနာတွေ ချစ်သူကြားကပြသနာတွေ
ကိုယ့်အတိတ်အကြောင်းတွေ အကုန်ပဲ Fb မှာပဲ တက်ရှင်းကြတယ်😁😁😁 မသိရင် မကြီးဇူက သူတို့ကို Online တရားရုံးကြီးဖွင့်ထားပေးသလိုပဲ ကိုယ့်ဘာသာ နှစ်ယောက်တည်း/ မိသားစုချင်း/သူငယ်ချင်း အချင်းချင်း ဖြစ်တဲ့ပြသနာကို ကိုယ့်ဘာသာရှင်းရင်မရဘူးလားမသိဘူး လိုင်းပေါ်တက်ရှင်းမှ ခေတ်မီတယ်ထင်သလားလည်းမသိဘူး လိုင်းဖွင့်တာနဲ့ ဟိုအမျိုးသမီးရဲ့လင်က ဟိုအမျိုးသမီးရဲ့ လင်ကြီးဆိုတာကတစ်မျိုး ဟိုအမျိုးသားတို့ဇနီးမောင်နှံက ဂေါက်ကြောင်ဆိုတာကတဖုံ အမျိုးစုံ ကြိုးခုန်နေကြတာ တွေ့ရပါတယ် အဲ့ဟာတွေကို ပပျောက်စေချင်ရင် လုံးဝ Like/ comment/ share ခြင်းမလုပ်ကြပါနဲ့ အခုဟာကကျတော့ မုန်းတယ် မုန်းတယ်နဲ့ ပွဲဆို ရှေ့ဆုံးကရောက်နေတယ် မုန်းတဲ့အကြောင်းတွေမန့် ဒီကြားထဲ ကိုယ်တင်အားမရဘူး share ပါ share လိုက်သေးတော့ သွားပြီပေါ့ အတံရှည်ရကြတော့ လူတိုင်းပါလိုက်တင်ကုန်ကြတော့ online တရားရုံးကြီးကိုဖြစ်လို့ပါပဲရှင် တင်တဲ့သူတွေအနေနဲ့ကလည်း လိုင်းပေါ်တင်လိုက်လို့ ကိုယ်သိက္ခာ
ကျသွားရုံအပြင် ရနိုင်တာကတော့ အဆဲခံရတာပဲရှိပါ့မယ် အဲဒီတော့ အရာရာခက်ခဲနေကြတဲ့အချိန်မှာ အသက်နဲ့လိုက်ဖက်တဲ့ အတွေးအခေါ်တွေ တွေးကြပြီး Fb ကို သုံးကြပါလို့ပဲ တိုက်တွန်းပါရစေ....

ဒီတစ်ခေါက်ကတော့ KTV အကြောင်းလေး ပြောပြချင်ပါတယ်... KTV ဆိုတာကတော့ ယောက်ျားလေးတိုင်းနီးပါးသွားကြတဲ့နေရာမို့ အမျိုးသားတွေအတွက်ကတော့ စိမ်းမနေတဲ့ အမည်နာမတစ်ခုပါ အမျိုးသမီးတွေအတွက်ကတော့ အဲ့ဒီနာမည်ကြားရုံနဲ့ စိတ်နာစရာ စိတ်တိုစရာ ရွံစရာကြီးလို့ပဲ ခံစားမိကြမှာပါ ဘာလို့လဲဆိုရင်တော့
ကိုယ့်အမျိုးသား သို့ ရည်စား/ချစ်သူ နဲဲ့ပတ်သက်ပြီး
သိလာရတဲ့နေရာဖြစ်လို့ပါပဲ ကျမအခုပြောတဲ့ KTV က Family ktv ကိုပြောတာမဟုတ်ပါဘူး ကောင်မလေးတွေကို အခကြေးငွေနဲ့ ခေါ်လို့ရတဲ့ KTV ကိုပြောတာပါ🎤🎤

အရင်ဆုံး KTV အကြောင်းကိုသိသလောက်အရင်ရှင်းပြပါရစေ လိုအပ်တာလည်းရှိနိုင်ပါတယ် ဘာလို့လဲဆိုတော့ ကျမက ဆော်ခေါ်ပြီး မထိုင်ဘူးလို့ပါ😁 KTV မှာ ကြယ်စင်တို့ လမင်းတို့ကို ဆက်ရှင်နဲ့ ခေါ်ထိုင်ကြပါတယ် မုန့်ဖိုးက သပ်သပ်ပေးရပါတယ် ပါး နှုတ်ခမ်း နမ်းလို့ရပြီး တခြားနေရာတွေပါ အဆင့်တက်ချင်တက်လို့ရပါတယ် ကိုယ်နဲ့ကြည်ပြီး ငွေလျှံရင် ခေါ်ပါအိပ်လို့ရပါတယ် သူတို့ဂျာကြီးက မရဘူးပြောပေမယ့် ခေါ်အိပ်လို့ရပါတယ် အဲ့တော့ အမျိုးသမီးများ ဘယ်အဆင့်ထိရလဲ
မမေးကြပါနဲ့ အဆုံးစွန်ဆုံးထိရပါတယ်...

ကျမ KTV အကြောင်း ဘယ်လိုသိသွားလဲဆိုတော့ တနေ့ ကျမတို့ သူငယ်ချင်းတွေ စုပြီးမုန့်စားနေတုန်း ဘာရယ်မဟုတ်ဘဲ လိုင်းပေါ်မှာတွေတဲ့ ktv ကစော်တစ်ယောက်နဲ့ လိုက်ပြေးတဲ့သတင်းတစ်ခုအကြောင်းပြောရင်း ကျမကတော့ ktv က စော်တွေကို ရွံကြောင်း ထပြောမိပါတယ် အဲ့မှာ ကျမသူငယ်ချင်းရဲ့ သူငယ်ချင်းက ထပြန်သွားပါတယ် ကျမနဲ့လည်းမခင်သလို ကျမသူငယ်ချင်းနဲ့ ခင်တဲ့သူမို့ ဘာလို့ရုတ်တရက်ထပြန်တာလဲ အကုန်ထမေးကြပါတယ် အဲ့တော့ သူငယ်ချင်းက ပြောပြပါတယ် ထပြန်သွားတဲ့ကောင်မလေးရဲ့အစ်မက ktv မှာလုပ်တာလို့ ပြောပါတယ် အဲ့တော့ ကျမတို့သူငယ်ချင်းတွေပိုလို့တောင် အံ့သြကုန်ပါတယ် သူ့ကြည့်ရတာ အရမ်းချမ်းသာတဲ့ပုံပါ ပြီးတော့ သူအမက Law နဲ့ဘွဲ့ရထားတာပါ အဲ့တော့မှ ရှင်းပြပါတယ် သူငယ်ချင်းက.......... သူ့အမက Uni တက်တုန်း Ktv မှာငွေရလွယ်လို့ လုပ်မိရင်း မထွက်နိုင်တော့တာပါ အခုဆောက်ထားတဲ့တိုက် ကား အကုန်လုံး အဲ့ပိုက်ဆံကနေ ရပြီးဝယ်ယူထားတာလို့ သိခဲ့ရတယ် အခု ယူထားတဲ့ယောက်ျားကိုလည်း ktv မှာတွေ့ပြီး အပိုင်ကိုင်ထားတဲ့အပြင် သားလေးတစ်ယောက်ပါမွေးထားပါတယ် အဲ့အစ်မက သူ့သားလေးတစ်နှစ်လောက်ထိပဲ ခဏနားပြီး သူ့သားလေးတစ်နှစ်ကျော်တာနဲ့ ktv မှာပြန်လုပ်ခဲ့သလို အဲ့ဒါကိုလည်း သူ့အမျိုးသားက မတားတဲ့အပြင် သူကိုယ်တိုင် ကားနဲ့ ဖောက်သည်ဆီ လိုက်ပို့ပါတယ်တဲ့ ကြားရတဲ့ကျမတို့အုပ်စုလည်း သူတို့လင်မယားရူးများနေကြသလားလို့တောင်ထင်မိပါတယ်...... ငွေရပေါက်ကို လွယ်လွယ်လိုက်ပြီး ပျက်စီးနေကြပုံပါပဲ...
အဓိက ကျမပြောချင်တာက အမျိုးသားများ အပေါ်ကအဖြစ်လေးကို ဖတ်ကြည့်ပြီး စဥ်းစားကြပါ ကိုယ်တစ်ယောက်ထဲသုတ်နေတဲ့ မျက်နှာသုတ်ပုဝါနဲ့ လူတကာသုတ်နေတဲ့ဟာနဲ့ ဘယ်ဟာကို ပိုမြတ်နိုးသင့်လဲ Ktv ကကောင်မလေးတွေမှာ အိမ်ထောင်သည်လည်း ဖြစ်ချင်ဖြစ်နိုင်တယ် ကလေးလည်းရှိချင်ရှိနိုင်တယ် အနည်းဆုံးရည်းစားတော့ရှိမှာပဲ အပျိုလည်းမဖြစ်နိုင်သလို ကာမပိုင်ရှိနေတာလည်း ဖြစ်နိုင်ပါတယ် တော်တော်ငရဲကြီးတဲ့အလုပ်ပါနော် အမျိုးသားတို့ရေ ပြီးတော့ ညရဲ့အမှောင် မီးရောင်ရဲ့အလှမှာ နူနေတဲ့သူတောင်လှပါတယ်နော် ဝဲခြောက်မှန်းမသိ ဝဲစိုမှန်းမသိ ပွတ်သပ်ပြီး မနက်ပြန်တွေ့တောင် မမှတ်မိနိုင်တဲ့ ရုပ်ရည်တွေအများကြီးပါ ဆန္ဒကို သိက္ခာနဲ့ထိန်းပြီး ရောဂါတွေကို အိမ်ကမိန်းမဆီ သယ်မလာကြပါနဲ့လို့​​ပြောချင်ပါတယ်
ktv က မိန်းမ မကောင်းလေးတွေပြောချင်တာကတော့ Human Right တို့ ဥပဒေတို့ ထားလိုက်ပါအုန်း ကြယ်စင်တို့က မအေအို လုပ်ကျွေးနေရတာတို့ မရှိလို့ လုပ်စားရတာတို့ အသနားခံမနေကြပါနဲ့ မရှိလို့သာနေတော့မယ် ကိုယ်တွေထက်တောင်ချမ်းသာသေးတယ် မရှိလို့လုပ်စားရင်လည်း အေးအေးဆေးဆေးလုပ်စားပါ မယားရှိလင်ကို ချုလို့ရပါတယ် ဒါပေမယ့် မိသားစုကို မဖျက်ဆီးကြပါနဲ့ အစ်မ/ညီမတို့ရေ..
အိမ်ထောင်ရှိအမျိုးသားတွေအနေနဲ့လည်း အိမ်က မိန်းမအတွင်းခံကျ လျှော်ပေးဖို့ လှန်းပေးဖို့ကျ ဘုန်းတွေ ကံတွေပြောနေပေမယ့် လူတကာသုတ်နေတဲ့ လက်နှီးစုတ်တွေရဲ့ ထမိန်အောက်ကျ မကြောက်မရွံ့ ဘုန်းကံတွေလည်း မမြင်တော့ဘူး မွှန်နေကြတာက မြင်မကောင်းပါဘူးနော် တချိန်က ကိုယ်မြတ်နိုးရတဲ့မိန်းကလေး
အဲ့မိန်းကလေးရဲ့ နုပျိုမှူတွေကိုကျ ကိုယ့်အတွက်နဲ့စတေးခိုင်းပြီး အိုသွားတဲ့အခါကျမှ မြက်နုလိုက်ကြိုက်မနေကြဖို့နဲ့ သားသမီးမျက်နှာထောက်ကြဖို့ အကြံပေးပါရစေ...


#ဖောက်ပြန်ခြင်း

ယနေ့ခေတ်လက်ရှိအခြေအနေအရ လင်မယားနှစ်ယောက်လုံးရှာမှသာ မိသားစုစားလောက်တဲ့အချိန်ဖြစ်နေတော့ သားသမီးကိုပစ် အဘိုးအဘွား သို့ အိမ်အကူတွေနဲ့ ထားခဲ့ပြီး အလုပ်ထွက်လုပ်ကြတာ တွေ့နေရပါတယ်
ကျွန်မပတ်ဝန်းကျင်မှာတွေ့နေရတဲ့မိသားစု ၃ စု အကြောင်း ပြောပြချင်ပါတယ်....
ပထမမိသားစုကတော့ အလယ်အလတ်တန်းစားပါပဲ အဖေက အရက်တခါတလေသောက်ပါတယ် ပြောရမယ်ဆို ကိုကောင်းပေါ့နော် အမေကတော့ အလှအပရယ် ကားလေးတစ်စီးရယ် အလုပ်ရယ်မှာ အသားကျနေတဲ့ မေမေတစ်ယောက်ပေါ့ သူတို့မှာ နှစ်နှစ်ကျော် သမီးလေးတစ်ယောက်ရှိပါတယ် ကလေးလေးက အရွယ်နဲ့မလိုက်အောင် ညှက်လွန်းပြီး အစားအစာလည်း ဂရုစိုက်ကျွေးပုံမရပါဘူး လင်မယားနှစ်ယောက်လုံးအလုပ်လုပ်တဲ့အတွက် နှစ်နှစ်ကျော်ကလေးကို တနေကုန် မူကြိုပို့ထားပါတယ် အဲ... ညနေဆိုလင်မယားနှစ်ယောက်လုံးပြန်လာသလို ကလေးလေးကိုလည်း မူကြိုကနေကြိုလာခဲ့ပေမယ့် ကလေးအပေါ် အချိန်မပေးကြပါဘူး မိန်းမဖြစ်သူက ဖုန်းသုံးနေသလို ယောက်ျားလုပ်တဲ့သူက ကောင်းနေတတ်ပါတယ် တခါတလေ အသံသဲ့သဲ့ကြားရတာကတော့ "နင့်ကိုငါစိတ်မရှည်တော့ဘူး သတ်ပစ်လိုက်ရမလားတဲ့"... အသံကြားပြီး နောက်နေ့ကျွန်မနဲ့ လမ်းမှာ မတော်တဆဆုံမိတဲ့အခါ အဲ့အစ်မက ချိုသာစွာ ပြုံးပြပြီး နှုတ်ဆက်ပါတယ် " ကျွန်မလေ သူနှုတ်ဆက်တဲ့အချိန် သူ သူများတွေကို လောကွတ်တွေပြုနေတဲ့အချိန်မှာ တွေးမိတာက ဘာလို့ ကိုယ့်ကလေးအပေါ်ကျ အဲ့လို ပြုံးပြုံးလေး စိတ်မထားနိုင်ရတာလဲ? ???

ဒုတိယမိသားစုကလည်း လင်မယားနှစ်ယောက်လုံးအလုပ်လုပ်ပါတယ် Company ဝန်ထမ်းတွေပေါ့ နှစ်ယောက်လုံးအစောကြီးအလုပ်သွားကြပြီး ၃နှစ်အရွယ်သမီးလေးကို အဘိုးနဲ့ထားခဲ့ပါတယ် ယောက်ျားရော မိန်းမရောက အရမ်းဂေါ်ကြပါတယ် မိန်းမက ဖုန်းအမြဲပြောနေတတ်သလို ယောက်ျားကလည်း သူ့တက်တူးနဲ့ဆံပင်နဲ့ကို အမြဲသနေတတ်ပါတယ် တနေ့ Store ဆိုင်တစ်ခုမှာ ၁၀၀တန်ပူဖောင်းလေးဝယ်ပေးဖို့ ပူဆာနေတာ တွေ့မိပါတယ် အမေဖြစ်သူက ဖအေလာမှ ဝယ်ပေးမယ်လို့ပြောပါတယ် ဒါပေမယ့် ဖအေလာပေမယ့်လည်း ဖအေက ဝယ်မပေးတဲ့အတွက် ကလေးခဗျာ တက်မတတ် ငိုနေခဲ့ပါတယ် အဲ့အချိန် ကျွန်မတွေးဖြစ်တာက ဆံပင်တွေဆေးဆိုးတာနဲ့ တက်တူးနဲ့ဆို သိန်းချီနေမှာသေချာပါတယ် ဘာလို့ ကလေးလေး ၁၀၀ကျ နှမြောနေလဲ... စည်းကမ်းလို့မပြောပါနဲ့ တခါတလေကျ ဘာမဟုတ်တာလေးဝယ်ပေးလို့ ရသွားတဲ့ ကိုယ့်သားသမီးလေးရဲ့ ပျော်ရွှင်မှုကလေ ဘာနဲ့မှ မလဲနိုင်တာ သတိထားမိရင် မြင်မှာပါ
တတိယမိသားစုကတော့ ငွေလျှံပါတယ် ယောက်ျားလုပ်သူက စီးပွားရှာတော်သလို မိန်းမဖြစ်သူကလည်း တော်ပါတယ် ဝန်ထမ်းတွေပေါ့ ကလေးနှစ်ယောက်ရှိပါတယ် အဲ့ကလေးလေးတွေကတော့ မိဘအနားမကပ်ရပါဘူး အားရင်လည်း Golf ရိုက်တယ် လင်မယားနှစ်ယောက် date တယ် Spa သွားတယ် စုံလို့ပါပဲ အဲ့ကလေးလေးတွေခဗျာ အဘိုး အဘွားနဲ့ပဲ နေရပါတယ် လင်မယားနှစ်ယောက်က လုံးဝ အဆင့်အတန်းမြင့်မြင့်နေပါတယ် ဘာသာစကား မိတ်ဆွေကအစပါပဲ ဒါပေမယ့် သူတို့ကလေးနှစ်ယောက်ကတော့ သူတို့နဲ့တခြားစီပါပဲ အမြဲ နေမကောင်းဖြစ် ၁၂လလုံးနှာစေးလိုက် ချောင်းဆိုးလိုက် လုံးလည်ချာလည်လိုက်နေပါတယ် အမြဲတမ်း ညစ်တီးညစ်ပတ်ပုံစံလေးပေါက်ပြီး ၅ နှစ်လောက်ထိ Diaper ဝတ်ပေးထားတုန်းပါပဲ တနေ့သူ့အဘွားနဲ့တွေ့တော့ သူမြေးက ဘာအသားမှ မစားတဲ့အကြောင်း မျှစ်တစ်မျိုးသာစားကြောင်း ပြောတော့ ကျမ ဘာပြန်ပြောရမှန်းမသိဖြစ်နေပေမယ့် သူ့အဘွားကတော့ အရေးမကြီးတဲ့ပုံနဲ့ပဲ ပြောသွားပါတယ် ကြားရတဲ့ကျမကတော့ ကလေးအတွက်လိုအပ်တဲ့ ပရိုတင်းဓာတ်တွေ အစုံတွေးမိပြီးကလေး ၂ ယောက်နေမကောင်းဖြစ်တာ ဘာ့ကြောင့်ဆိုတာ သွယ်ဝိုက်စွာတွေးမိနေပါတော့တယ် ထပ်မကြာခင် သူ့အမေနဲ့တွေမိတော့လည်း သူ့အမေရဲ့ Fashion မိတ်ကပ်တွေက အရမ်းမိမိုက်နေပြီး သူ့အလုပ်မှာ ဘယ်လောက်ပင်ပန်းကြောင်း သူဘယ်လောက်တော်ကြောင်းတွေကို သူ့အမျိုးသားက ပြော​ပြနေခဲ့တဲ့အချိန် မှာ ကျမကတော့ နှာရည်လေးတွေနဲ့ သူ့ကလေးလေးတွေရဲ့မျက်နှာလေးတွေရယ် အမေနဲ့အတူတူ ဆော့နေတဲ့ ကလေးကို ငေးကြည့်နေတဲ့ သူတို့ရဲ့ ညှိုးငယ်နေတဲ့မျက်နှာလေးတွေကိုပဲ မြင်ယောင်မိနေပါတော့တယ်...
ဘယ်အရာပဲဖြစ်ဖြစ် အစွန်းမရောက်ဖို့ မြတ်စွာဘုရားရှင်ကိုယ်တိုင် ဟောကြားခဲ့ပါတယ် အလုပ်ထွက်လုပ်ခဲ့ရင်တောင် အားတဲ့အချိန် ကလေးကို အချိန်ပေးပါ သူတို့လေးတွေ လိုအပ်တာ ကြိုက်တာမှန်သမျှ ဝယ်ပေးဖို့ပဲလေ လို့ မပြောပါနဲ့ သူတို့လိုချင်တာ မေမေ ဆိုရင်ရော ဘယ်လိုလုပ်မလဲ... Ok me time လိုချင်တယ်ဆို ကလေးမမွေးပါနဲ့ အိမ်အကူနဲ့ ထားခဲ့မယ်ဆို မမွေးပါနဲ့ ၂၄ နာရီ ထိန်းနေတဲ့မေမေတွေကို မေးကြည့်ပါ အဲ့အရွယ်လေးတွေကို စိတ်တိုတဲ့အချ်န် ရိုက်ချင်တဲ့အချိန် မရှိဘူးလားလို့ ရှိပါတယ်နော် မိဘတောင် တခါတလေ စိတ်တိုမိသေးတာ မူကြိုက ဆရာမက ဘာသားနဲ့ထုထားလို့လဲ အိမ်အကူအမျိုးသမီးကရော ဘာမို့လို့လဲ အသက်ကြီးပြီး သူ့ခန္ဓာကိုယ်ရဲ့ ယန္တရားကို မှန်အောင်လည်ပတ်နိုင်ဖို့ မနည်းထိန်းနေတဲ့အဘိုးအဘွားတွေကရော BLW တွေ ECCD တွေ Montessories နည်းတွေထားလိုက်အုန်း sleep routine တွေ ဘယ်လိုလုပ်ပေးနိုင်မလဲ အစားအစာကို မျှတအောင်ဘယ်လိုကျွေးမလဲ အီးအီးပါဖို့ ဘယ်လို train မလဲ? ?
ကဲ အဲ့တော့ မိဘတွေအနေနဲ့ မထိန်းနိုင်ရင်မယူကြပါနဲ့ ယောက်ျားနားကပ်ချင်ရင်လည်း ကလေးမယူကြသေးပါနဲ့အုန်း အလုပ်မှ အလုပ်ဆိုလည်း ကလေးမယူပါနဲ့ လွတ်လပ်ချင်ရင်လည်း မယူပါနဲ့ ကိုယ်ကိုယ့်ကိုကျ တာဝန်တွေဇွတ်ကျေပြီး me time ပေးရတာနဲ့ skincare ရတာနဲ့ bar သွားရတာနဲ့ ကလေးကျ ဖြစ်သလိုထားပြီး မအားဘူးဆိုတဲ့ခေါင်းစဥ်အောက်မှာ ကလေးလေးတွေရဲ့ စိတ်ဓာတ်တွေကို မရိုက်ချိုးကြပါနဲ့လို့ပဲ အကြံပေးပါရစေ....🙏🙏🙏

မိဘတွေဖတ်ဖို့စာ
အဓိကကတော့ သမီးမိန်းကလေးမွေးထားတဲ့ မေမေ ဖေဖေတွေ ဖတ်ကြည့်သင့်ပါတယ် မြန်မာပြည်မှာ မိန်းကလေးမွေးရင် ဗိုင်းကောင်းကျောက်ဖိနေရမယ် သွန်သင်ရမယ် ရည်းစားမထားနိုင်အောင် တင်းကျပ်မယ် အိမ်ပြင်ပေးမထွက်ဘူး မျိုးစုံ ထိန်းချုပ်ထားကြပါတယ်
အဲ့အယူအဆက လုံးဝမှားပါတယ် မေမေဖေဖေတို့ရေ
သဘာဝကို ဆန့်ကျင်လို့မရပါဘူးနော် ဘယ်လိုပျိုးထောင်သင့်သလဲဆိုတော့ အဓိကက မေမေက သူငယ်ချင်းလို အမေလို ငယ်ငယ်ကတည်းက စောင့်ရှောက်သင့်ပါတယ် ဒါမှ သူ့ကိစ္စအဝဝ ကောင်းသည် ဆိုးသည် အကုန်သိရမှာပါ မဟုတ်ရင်တော့ အမေကို အရမ်းကြောက်ရတယ် မပြောရဲတဲ့အခြေအနေဆိုရင်တော့ သူစိမ်းတွေကို ပိုအားကိုးပါလိမ့်မယ် ဥပမာ သူငယ်ချင်း ချစ်သူပေါ့ သူတို့က အကောင်းကို ညွှန်ပြပေးရင်တော့ မဆိုးဘူးပေါ့ လမ်းမှားသာအရောက်ပို့လိုက်ရင် မေမေတို့ရင်ကွဲနာ ကျပါလိမ့်မယ် အဲ့တော့ ခံစားချက်ကို ထိန်းချုပ်ပြီး သူငယ်ချင်းပေါင်း ပေါင်းပါ....
နောက်တစ်ချက်ကတော့ ဟိုမသွားရဘူး ဒီမသွားရဘူးမလုပ်ပါနဲ့ စည်းကမ်းတကျ သွားခိုင်းပါ ယုံကြည်မှုပေးပါ ဥပမာ semester တခုနဲ့တခုကြား အိမ်မှာနေရတဲ့အချိန်ဆို ဇွတ် တချက်လွှတ်အမိန့်နဲ့ အိမ်တွင်းမပုန်းခိုင်းပါနဲ့ ကြောက်လို့ မဖြစ်တဲ့အခြေအနေမို့သာ ငြိမ်နေချင်နေမယ် ကျောင်းစဖွင့်တာနဲ့ သွားပြီ ဒိုးပြီ တခြားကလေးထက် နှစ်ဆပျက်စီးတတ်ပါတယ် လူငယ်သဘာဝရဲ့ လွတ်လပ်မှုကို သွားပြီး ထိန်းချုပ်ရင် ယောက်ျားနောက်လိုက်ပြေးတတ်ပါတယ် မဆိုင်ဘူးလို့ မတွေးပါနဲ့ မေမေတို့ရေ ဆိုင်ပါတယ်နော် မအေမိဘဆိုတာသိပ်ချစ်တတ်တာလေ ကိုယ့်သမီးလေး လေဝှေ့ရင်တောင် ကြိုက်တာမဟုတ်ဘူး သူ့ချစ်သူကတော့လား သူ​မွေးထားရတာမှမဟုတ်တာ အကုန်ခေါ်သွားမှာပဲ အဲ့တော့နေရတာ ပျော်ပြီပေါ့ ချစ်သူနဲ့နေရတဲ့အချိန် သွားချင်ရာသွား စားချင်ရာစား ဘဝကြီးက လွတ်လပ်ပြီး ပျော်ဖို့အရမ်းကောင်းသလောက် အိမ်ရောက်တာနဲ့ အခန်းထဲမှာ မွန်းကြပ် ဒီကြားထဲ ဖအေက ကြပ်ကြပ်သတိထားနော်ဆိုတဲ့အကြည့် မအေက ရည်းစားများထားနေသလားဆိုတဲ့ သံသယအကြည့်တွေအောက်မှာ နေရတာ မပျော်တော့ဘူး အဲ့တော့ ရိုင်းရိုင်းပြောရရင် " လင်နောက်လိုက်ပြေးပြီပေါ့"
သေချာစဥ်းစားကြည့်ပါ အဲ့လိုအခြေအနေတွေဖြစ်စေချင်လား မဖြစ်စေချင်ရင် ပညာရှိနည်းနဲ့ ပျိုးထောင်ပါ စိတ်ကိုထိန်းပါ လျော့ပါ အတ္တလျော့ပါ ငါမွေးထားတာပဲဆိုပြီး လုပ်ချင်တိုင်းလုပ်လို့မရပါဘူး သူတို့လေးတွေက သက်ရှိပါ ခံစားချက်ရှိပါတယ် အဲ့ဒါကြောင့် သေချာနူးညံ့စွာကိုင်တွယ်ဖြေရှင်းကြဖို့ပဲ အကြံပေးချင်ပါတယ်
❤ မိဘရဲ့အချစ်တွေကို သားသမီးတွေကနားလည်ပြီး မိဘတွေကလည်း အတ္တကင်းကင်းနဲ့ ချစ်နိုင်ကြပါစေ❤

ကျမတို့ဟာ အရွယ်ရောက်လာတာနဲ့ မိဘရင်ကိုစုံကန်ပြီး အချစ်ဆိုတဲ့အရာနောက်ကို တန်းတန်းမတ်မတ်လိုက်သွားတတ်ကြပါတယ် လူ့သဘာဝပေပဲမို့ အပြစ်ပြောလို့တော့မရပါဘူး...
မိဘက သဘောကျတဲ့သူဆိုရင်တော့ မိဘ(အဓိကက အမေပေါ့နော်) မခံစားရဘူးလားဆိုတော့ အရမ်းခံစားရပါတယ် အရိပ်တကြည့်ကြည့်နဲ့ မအိပ်နိုင် မစားနိုင် နို့တိုက် ကျွေးမွေး ယုယလာရတဲ့သမီးလေးက ကိုယ့်ဆီက ထွက်သွားမယ်ဆိုတော့ အရမ်းခံစားရတာပေါ့ ဒါပေမယ့် ကိုယ်ကိုယ်တိုင်လေ့လာကျေနပ်တဲ့သူလက်ထဲဆိုတော့ စိတ်နည်းနည်းသက်သာရာရတာပေါ့လေ👩‍👧
မိဘက သဘောလုံးဝမကျ ကိုယ့်မိဘအပေါ်လည်း မိုက်ရိုင်း စော်ကား စိတ်ဓာတ်အဆင့်အတန်းက နုံခြာ ဒါကို ကိုယ်က ချစ်မိနေတဲ့အချိန်(မွှန်နေတဲ့အချိန်) ပေါ့နော်
အဲ့မှာ အဓိကကျပါပြီ မိဘတွေရဲ့ကဏ္ဍကလေ လုံးဝလုံးဝ မကန့်ကွက်ပါနဲ့ စိတ်တိုမပြပါနဲ့ အမေက အချစ်တွေကိုပြသပါ ပိုပြီးနူးညံ့ပါ ဒေါသသံမပါပါနဲ့ သဘောတူချင်ယောင်ဆောင်ပါ အနုနီးနဲ့ ကိုယ့်ဘက်ဆွဲခေါ်ပါ ပညာရှိပါ နောက်တစ်ချက်က အဲ့ကောင်ဆိုးလေးက ကိုယ့်ကိုသာ ထိခိုက်ပါစေ ကိုယ့်ဘက်က လုံးဝ ပြန်မလုပ်ပါနဲ့ korea စကားနဲ့ပြောရမယ်ဆိုရင် (ဖိရဲဂျာ) ခံရသူပေါ့ အဲ့လိုအခြေအနေရောက်ရင် ပိုကောင်းပါတယ် ဒါမှ ကိုယ့်သမီးက ပြန်ပါလာမှာပါ
☄ အဲ့လိုပညာသားမပါဘဲ ရိုက်လိုက် နှက်လိုက် ဆဲလိုက် ဆိုလိုက် လုပ်လို့ကတော့ ဟိုကောင်ဆိုးလေးနောက်ကို သေချာပေါက်ပါသွားမှာပါ ☄
သမီးလေးရဲ့ ကဏ္ဍကတော့ အရွယ်က ချစ်တတ်ပြီး အချစ်ကို ဘဝလို့မှတ်နေတဲ့အရွယ်ဆိုတော့ ချစ်သူ ကောင်း မကောင်း ဆိုး မဆိုး မမြင်နိုင်တော့သလို မိဘရဲ့သွေးမျက်ရည်လည်း သမီးမမြင်နိုင်တော့ပါဘူး အဲ့အချိန်မှာ စိတ်အေးအေးထားပါ သေချာတွေးပါ ဆိုးတဲ့လူကတော့ တော်ရုံပြန်မကောင်းလာပါဘူး ထပ်ပြီးပြောချင်တာက ကိုယ့်မိဘကို စော်ကားဖူးရင် လုံးဝမယူပါနဲ့ အခုချိန်မှာ မွှန်နေလို့ ခွင့်လွှတ်နိုင်ပေမယ့် အမွှန်ပြေရင် ရန်ဖြစ်ကြပါလိမ့်မယ် အိမ်ထောင်ရေး မသာယာပါဘူး
အဓိက ရွေးချယ်သင့်တာက ငွေကြေးချမ်းသာဖို့ထက် စိတ်ဓာတ်အဆင့်အတန်းချမ်းသာဖို့လိုပါတယ် ကိုယ့်အမေကို စိတ်ဆင်းရဲအောင်မလုပ်ပါနဲ့ ကိုယ်ကိုယ်တိုင်လည်း ချီးတွင်းထဲ ခုန်မချပါနဲ့ မိဘတွေအနေနဲ့ကလည်း သားသမီးကို ကိုယ့်အိမ်လေးကို ခင်တွယ်အောင်လုပ်ပါ မတင်းကျပ်ပါနဲ့ စိတ်ထွက်ပေါက်အနေနဲ့ လမ်းမှားမရောက်အောင် ထိန်းပါ သားသမီးလေးတွေက သက်ရှိပါနော် ကိုယ့်ခံစားချက်အတိုင်းမနေနိုင်ပါဘူး ပုံမသွင်းပါနဲ့ ချစ်ကြောက်ရိုသေဖြစ်အောင်နေပါ ရွံကြောက်ကြီးမဖြစ်ပါစေနဲ့..
သမီးလေးတွေအနေနဲ့လည်း ဖူးစာဖက် မှားတွေ့ပြီး အမဲစက် မထင်ဖို့ ဥာဏ်ရှိပါ တွေးပါ တောပါ ယောက်ျားတယောက်အချစ်ဆိုတာ အမေတစ်​ယောက်အချစ်ရဲ့ အပုံတစ်ရာပုံတောင် တစ်ပုံမရှိပါဘူး ဒါတွေပြောလို့လည်း တဖက်စွန်းရောက်ပြီး ဘာလဲ မိဘကြိုက်မှ ယူရမှာလားဆိုတော့ မဟုတ်ပါဘူး မိဘကိုတိုင်ပင်ပြီး ပြောဆိုတော့ အမှားနည်းတာပေါ့လေ အိမ်က အမေ့ကိုလည်းချစ်ပြီး အမေနဲ့တိုင်ပင်ပြီး လက်ထပ်ယူကြပါလို့ အမေတွေကလည်း အတ္တကင်းကင်းနဲ့ရွေးချယ်ပေးပြီး လှပတဲ့အတောင်ပံလေးတွေနဲ့အတူ လောကသဘာဝအရ လွတ်လပ်စွာပျံသန်းခွင့်ပေးလိုက်ကြပါလို့ပဲ အကြံပေးချင်ပါတယ်ရှင့်
🙏 ဒီမှာတစ်ချက်ပြောချင်တာက ယောက်ျားတွေအကုန်မကောင်းဖူးလို့မဆိုလိုပါဘူး ပက်ကျ်လိုတွယ်ကပ်ပြီး စိတ်ဓာတ်အဆင့်အတန်းနည်းပါးပြီး ကိုယ်ထိလက်ရောက်စော်ကားတတ်တဲ့ အမျိုးသားများကိုသာ ဆိုလိုပါတယ်ရှင့်...

ထက်မြက်တဲ့မိန်းမဖြစ်အောင် လုပ်ဖို့က လွယ်ပါတယ်
ကလေးတစ်ယောက်ကို ၂၄လုံး စိတ်နှစ်ပြီး စောင့်ရှောက်နိုင်တဲ့ မေမေတစ်ယောက်ဖြစ်ဖို့က မလွယ်ပါဘူး.....
ဒီအချက်မှန်တယ်ဆိုတာ အလုပ်ရော ကလေးကိုရော စောင့်ရှောက်ဖူးသူတိုင်းသိမှာပါ.....
ဒါဟာ ငြင်းမရတဲ့အမှန်တရားတစ်ခုဆိုတာ ဒီစာကို ဖတ်နေတဲ့ မေမေတိုင်း သိကြမှာပါ👩‍👧‍👧

Private group တွေမှာပဲဖြစ်ဖြစ် အိမ်ထောင်ရေးgroup တွေမှာပဲဖြစ်ဖြစ် အမေးများတဲ့မေးခွန်းတွေနဲ့ ပတ်သက်ပြီး အမှန်တရားတွေ ပြောပြချင်ပါတယ်...
ညီမကောင်လေးက အတူနေချင်နေတယ် ပေးရမလား/ မပေးရဘူးလားဟင်? မပေးရင်လည်း သူ စိတ်ကွက်သွားမှာကြောက်တယ် မချစ်ဘူးထင်ခံရမှာလည်း ကြောက်တယ်....
အဖြေကတော့ အခုခေတ်ကလေးတွေရဲ့ အထာနဲ့ဆို My Body My Choice ပဲ ဒါတွေကတော့ မဆန်းတော့ပါဘူးပေါ့ မေးသူကိုယ်တိုင်ကလည်း စိတ်မပြတ်သားလို့ ၅၀% လောက်စိတ်ပါလို့ မေးကြတဲ့သဘောရှိပါတယ် တစ်ခု
စဥ်းစားပါ ကိုယ်က စိတ်ပူပန်တတ်တဲ့သူလား စိတ်အားငယ်တတ်တဲ့သူလား တွေးကြောက်တဲ့သူလား ကိုယ်က အဲ့လိုမျိုးလူဆို သွားမပေးမိပါစေနဲ့ ပြီးမှ ကိုယ်ဝန်ရမှာကြောက်ရတာကတမျိုး သူထားသွားရင် ငါက အပျိုမစစ်ဘူးဆိုပြီး စိတ်အားငယ်ရမှာက တစ်ဖုံ... ပြီးမှ လိုင်းပေါ်တတ်ပြီး ကိုယ်ဝန်ရနိုင်လားဟင် ဆိုပြီး Psycho မဖောက်ကြပါနဲ့ ညီမ/အမဆို့ရေ.... သေချာစဥ်းစားပါ ဒီ တဏှာထဲကို ဆင်းသက်ဖို့ မိနစ်ပိုင်းလောက်က ထိန်းဖို့ခက်ကြပါတယ် နားလည်ပါတယ် ပြီးရင် တကယ့်လောကကို ပြန်ရောက်သွားပါပြီ ....
ကောင်လေးတွေကတော့ အပူမရှိပါဘူးနော် ဘာလို့လဲဆို တားဆေးကလည်း သူတို့ မသောက်ရပါဘူး ယုတ်စွအဆုံး ရသွားလို့ ၉လလွယ် ဆယ်လဖွားကလည်း သူတို့မလွယ်ရသလို မွေးပြီးထိန်းရင်လည်း အမေကပဲ ထိန်းရတာ အများဆုံးပါ ဘယ်လောက်ချစ်တဲ့ယောက်ျားပဲဖြစ်ဖြစ် သူတို့ ကိုယ်ချင်းမစာနိုင်ကြပါဘူးနော် သမီးရည်းစားဘဝမှာ အရမ်းချစ်ပါတယ် ကိုယ်အတူတူနေချင်ပါတယ်ဆိုရင် ကိုယ်ကလည်း နေချင်တယ် ယုံကြည်မှုရှိတယ် S*x education ကိုလေ့လာထားတယ် ဒါဆို Condom သုံးပါ ရောဂါမရ ကိုယ်ဝန်မရတဲ့အကောင်းဆုံးနည်းပါ ပေါက်မပေါက်စစ်ပါ ပေါက်ရင် အရေးပေါ်ဆေး ထပ်သောက်ပါ ဒါကိုမှ ယောက်ျားလေးဘက်က အလွှာမခြားချင်တာတွေ ကမ္ဘာဝေးတာတွေ ရီးတီးယားတားတွေပြောနေရင် "နင် အရင်ဆေးစစ်ပြီး သားကြောသွားဖြတ်ချည်လို့သာ" ပြောလိုက်ပါ စိတ်အလိုလိုက်တဲ့မိနစ်ပိုင်းက Safe ဖြစ်ရင်ဖြစ် မဖြစ်နိုင်ရင် လက်မခံကြဖို့ပဲ အကြံပြုပါရစေ...
My Body My Choice ပါ ဒါပေမယ့် ကိုယ်တာဝန်ယူနိုင်တဲ့အလုပ်ပဲ ကိုယ်လုပ်ပါ ဘယ်လူသားတစ်ယောက်ကိုမှ ဒုက္ခမပေးပါနဲ့ မွေးထားတဲ့အမေနဲ့ မမွေးရသေးတဲ့ကလေးကို လုံးဝဒုက္ခမပေးပါနဲ့ တဒင်္ဂသာယာမှုက ယောက်ျားလေးတွေအတွက်ပါပဲ မိန်းကလေးတွေမှာတော့ " လား " ပေါင်းများစွာနဲ့ ဒုက္ခဖြစ်တတ်ပါတယ်
ကိုယ့်ရှေ့ စီနီယာတွေလည်း အများ​ကြီးရှိကြမှာပါ ကိုယ့်ခန္ဓာကိုယ်ကို ကိုယ်ချစ်ပြီး ပညာရှိရှိတွေးခေါ်ပါ
တစ်ခုသတိပေးချင်တာကတော့📣 ချစ်သူဘဝမှာ အိမ်ထောင်သည်လို နေထိုင်တဲ့အမျိုးသမီးလေးတွေ Condom မသုံးဘဲ ချစ်သူကို အလိုလိုက်ပြီး တားဆေးတွေကို နှစ်ချီသုံးတဲ့သူတွေ ရှိကြတာတွေ့ရပါတယ် အဲ့ဒါ side effect ရှိပါတယ်နော် ဝလာတာတွေ မဲလာတာတွေ ပိန်ညှောင်လာတာတွေ ဂုတ်သားတက်လာတာတွေ ကံမကောင်းရင် တားဆေးအချိန်ကြာသောက်တာကြောင့် တကယ်လည်း လက်ထပ်ပြီး ကလေးယူမယ်ဆိုတော့ ကလေးက မရတော့လို့ ယောက်ျားက ပစ်သွားတဲ့သူတောင်ရှိပါတယ် ကိုယ်က ကိုယ့်ခန္ဓာကိုယ်ကို ပေးဆပ်ပြီး ချစ်ပေမယ့် သူကြောင့်ဖြစ်လာတဲ့ ခန္ဓာကိုယ်အပြောင်းအလဲတွေကြောင့်လည်း ထားခဲ့ခံရတတ်ပါတယ်.... အဲ့လိုလူမဆန်တဲ့အမျိုးသားတွေလည်းရှိလို့ စဥ်းစားပါ ချင့်ချိန်ပါ အသက်လုမွေးပေးထားတဲ့အမေ့ကိုလည်း ထည့်တွက်ပြီး ကိုယ့်ဘဝပျက်အောင်မလုပ်ကြပါနဲ့လို့ လူစိတ်ရှိတဲ့အမျိုးသားကိုပဲ ချစ်ကြိုက်ကြပါလို့ အကြံပြုပါရစေ

အမျိုးသားတွေ ဖောက်ပြန်ကြရင် အရင်ခံရတာက မိန်းမပါ ပြီးရင် ကလေးတွေပါ တစ်ယောက်နဲ့တစ်ယောက်တော့မတူကြပေမယ့် များသောအားဖြင့် အမေလုပ်တဲ့သူက အဲ့ချိန်မှာ လင်ပူမိနေပါပြီ သူ့ဇောက သူ့ယောက်ျားဆီမှာပဲ ရှိပါတော့တယ် နို့စို့အရွယ်ကလေးတွေ ကျောင်းနေအရွယ်ကလေးတွေ သူမသိတော့ပါဘူး ကလေးစိတ်ခံစားချက်လည်း ထည့်မစဥ်းစားနိုင်တော့ပါဘူး တချို့အမျိုးသမီးတွေဆို ဖအေ ဖောက်ပြန်တာသိအောင် ကလေးတွေရှေ့ ဖုန်းခေါ်ပြီး ဆဲတာမျိုးတွေ ကလေးနဲ့အတူ လိုက်ဖမ်းတာမျိုးတွေပါလုပ်ကြပါတယ် အဲ့အချ်န် ဖြစ်နေတဲ့စိတ်နဲ့ဆိုရင်တော့ လုပ်မိကြမှာပါပဲ ဒါပေမယ့် တစ်ခုပဲ တွေးပါ ခြံခုန်သွားတဲ့နွားထက် ပိုတန်ဖိုးရှိ ပိုချစ်ရတဲ့ ကိုယ့်သားသမီးလေးတွေကိုပဲ ပိုချစ်ပေးပြီး စိတ်အေးအေးနဲ့ ဖြေရှင်းပါ ကလေးတွေရှေ့ရေးကိုပဲ ထည့်
တွက်ပြီး စီးပွားရှာပါ ကျန်းမာအောင်နေပါ လှအောင်နေပါ သင်ခန်းစာယူပြီး ကလေးတွေအတွက် ပထွေး ထပ်မပေးပါနဲ့...
ကိုယ့်ပစ္စည်းစစ်မှန်ရင် သူများနောက်ဘယ်တော့မှမပါဘူး✳
ပါသွားပြီဆိုလည်း ဖြည့်တွေးလိုက်ပါ ငါဝဋ်ကျွတ်ပြီ ငါ့ဝဋ်တွေအကုန် မယားငယ်ဆီပေးလိုက်ရပြီ ပျော်ပလိုက်ပါ👩‍👧
💠ပြောတော့လွယ်ပြီး ထားဖို့ခက်တာက စိတ်မလို့ အချိန်ယူပါ
💠အချိန်အတိုင်းအတာတစ်ခုရောက်သွားဖို့ပဲ လိုတာမို့ အရူးလိုမလုပ်မိကြပဲ ပညာရှိနည်းနဲ့သာ ဖောက်ပြန်တဲ့နွားကို ညှင်းပန်းနှိပ်စက်ကြပါ ကိုယ့်ကိုယ်ကို ချစ်ပါ နွားကြောင့် ကိုယ့်ကိုယ်ကို မနှိပ်စက်ကြပါနဲ့ သူရဲကောင်း အမျိုးသမီးအပေါင်းတို့ရေ...📣

မေမေတွေဟာ သားသားမီးမီးလေးတွေကို တစ်ယောက်တည်း ထိန်းကျောင်းပြီး စည်းကမ်းလေးတွေကို ကိုယ့်နည်းကိုယ့်ဟန်နဲ့ အလေ့အကျင့်ဖြစ်အောင် သင်ပေးကြပါတယ် ဥပမာ screen time လုံးဝမရှိအောင် ph ဆိုလုံးဝမပြဘဲ သီချင်း ကဗျာလေးတွေဖွင့်ပြတာမျိုး ၊ ချောင်းဆိုးမယ့် အစားအစာတွေ မစားဖြစ်အောင် သေချာသင်​ပေးထားတာမျိုးလေးတွေကို ဂရုတစိုက်နဲ့ လုပ်ပေးထားကြပါတယ် အဲ့ဒီလို စည်းကမ်းတွေကို သားသားမီးမီးလေးတွေကလည်း မေမေ့စကားနားထောင်ပြီး လိုက်နာကြပေမယ့် မေမေဟာ လူသားတစ်ယောက်မလို့ အိမ်သာတက်ချိန် တကိုယ်ရည်သန့်ရှင်းရေးလုပ်ချိန် စတဲ့အချိန်တွေမှာ အိမ်သားတစ်ယောက်ယောက်က ကလေးကို ကူညီပြီး ထိန်းပေးကြတာတွေ့ရပါတယ် အဲ့မှာဇာတ်လမ်းစပါတယ် ....
📣 ဖေဖေကူထိန်းပေးတဲ့အခါ
မေမေပေးမပြတဲ့ဖုန်းကို ဖေဖေက သူထိန်းရသက်သာအောင်ပြပါတယ် အဲ့တော့ ကလေးစိတ်ထဲမှာ စည်းကမ်းပျက်သွားပါပြီ မေမေပြန်ရောက်လာလို့ မကြည့်ရဘူးဆိုပြီး ဖုန်းပိတ်လိုက်ရင် စဂျီပြီးငိုပါတယ် ဒါဟာ ကလေးအပြစ်မဟုတ်ပါဘူး..​ ဖုန်းပြတဲ့ အဖေ့အပြစ်ပါ အပြစ်က အဖေ့မှာရှိပေမယ့် ခံရရင်အမေက ခံရပါတယ် ဘာလို့လဲဆိုတော့ မေမေက ချော့ရပါတယ် ပြန်ရှင်းပြရပါတယ် ကလေးက စိတ်မကွက်အောင်...ကလေးတစ်ယောက်ရဲ့ဦးနှောက်နဲ့ အဖေက သူ့မျက်လုံးကို ပျက်အောင်လုပ်တယ်လို့ မသိပါဘူး အမေက ပိတ်ပင်တာပဲ မြင်မှာပါ
👎 အဲ့တော့ ဖေဖေများ မှတ်ထားပါ ဖုန်းမကြည့်ဘဲ မနေနိုင်ရင် ဖင်ကြားထဲသာ ညှပ်ထားကြပါ ကိုယ့်သားသမီးရဲ့ ကျန်းမာရေးကို ထိခိုက်အောင်မလုပ်ကြပါနဲ့ 👎
📣 ဘွားဘွားကူထိန်းပေးတဲ့အခါ
ဘွားဘွားကတော့ တည့်တာ မတည့်တာ သူမသိပါဘူး မအေမကျွေးတဲ့ jelly chocolate candy တွေ ကျွေးပါလိမ့်မယ် မကျွေးဖို့ပြောရင် မသိအောင် ခိုးကျွေးပါတယ် ပြီးရင်လည်း စကားနာထိုးပါတယ်😂 "အမလေး ငါမွေးလို့ လူဖြစ်လာတာပါအေ ညည်းတုန်းကလည်း ဒီလိုမွေးလာတာပါ အဖြစ်သည်းမနေနဲ့" လို့ ပြောပါလိမ့်မယ်.. ဒါကတော့ ကိုယ့်မာတာမိခင်အပြောပါ
ယောက်ခမဆိုရင်တော့ ဗီတိုအာဏာနဲ့ ပြောပါလိမ့်မယ့် "ကျွေးပါ ဘာမှမဖြစ်ဘူး" ငါ့သားလည်း ငါဒီလိုပဲ ထိန်းလာတာ 😋 အဲ့လိုပြောပါလိမ့်မယ်..
ဘွားဘွားတွေကိုလည်း တစ်ခုပြောချင်တာက ခေတ်မတူတော့ပါဘူးခင်ဗျာ ဇွတ်မပြောကြပါနဲ့လို့ပဲ ပြောချင်ပါတယ် ကိုယ့်သားသမီးကိုယ်ကြိုက်သလိုထိန်းပါ သူ့ခေတ်သူ့အခါအရ သူ့သားသမီး သူထိန်းနေတဲ့ ချွေးမ(သို့) သမီးကို စိတ်ဒုက္ခမပေးကြပါနဲ့လို့ပဲ ပြောချင်ပါတယ်
😍 မြေးကိုချစ်တာသိပါတယ် ဒါပေမယ့် ချွေးမရဲ့ ဆုံးဖြတ်ချက်ကိုလည်းလေးစားပေးပါ
ကလေးတစ်ယောက်ကို physically mentally ဘက်စုံ ကောင်းအောင် ပြုစုပျိုးထောင်နေတဲ့ မေမေတွေကို မိသားစုဝင်တွေကိုယ်တိုင် ဖျက်လို့ဖျက်စီးမလုပ်ဘဲ အားပေးကူညီကြပါလို့ အကြံပြုချင်ပါတယ်