https://www.facebook.com/107749740998103/

ပြည်ငြိမ်း-အဝေးသင်တက္ကသိုလ်, Yagon (2026)

08/05/2025

ပထမနှစ် Assignment အဖြေစာအုပ်များ
ပါရမီ အဝေးသင် ကျူရှင်တွင် ဝယ်ယူနိုင်ပါပြီ

12/02/2024

ကျောင်းသားကျောင်းသူများအနေနဲ့ယာယီဆိုင်းငံ့ကာလဖြင့်ကင်းလွတ်ခွင့်ရရှိမှာဖြစ်ပြီး၂နှစ်ထက်မပိုသောကာလကိုသာထမ်းဆောင်ရမည်ဟုသိရ

28/01/2024

ကျောင်းသားဘဝတုန်းက

ဆရာ၊ဆရာမတွေကို တန်ဖိုးထားရမှန်း မသိဘူး

အဖြူအစိမ်းကို တန်ဖိုးမထားမိဘူး (တစ်ခါတလေ အဖြူအင်္ကျီမဝတ်ချင်လို့ အပေါ်လက်ရှည်တောင်ထပ်လိုက်သေး)

အတန်းဖော်သူငယ်ချင်းတွေကို တန်ဖိုးမထားမိဘူး။

ဆယ်တန်းစာမေးပွဲ ပြီးဆုံးတဲ့နေ့က အားလုံးပျော်နေကြတော့ ပေါင်းခဲ့တဲ့သူငယ်ချင်းတွေကိုတောင် ကောင်းကောင်း နှုတ်မဆက်ခဲ့လိုက်ရဘူး။

ငါတို့တွေ အပြင်မှာဆုံကြမယ်လေ၊ဖုန်းတွေဆက်ကြမယ်၊လိုင်းပေါ်ကနေစကားတွေပြောကြမယ်၊အိမ်လည်းလာလည်နော်ဆိုပြီး နှုတ်ဆက်သွားတဲ့သူငယ်ချင်းလည်း အစပိုင်းမှာအဆက်အသွယ်ရှိပေမယ့် နောက်ပိုင်းတဖြည်းဖြည်းစိမ်းလာလိုက်တာ လမ်းမှာတွေ့ရင်တောင် နှုတ်မဆက်ကြတော့ဘူး။

အရင်တုန်းကတန်ဖိုးမထားမိတဲ့ အရာတွေဖြစ်တဲ့ ကျောင်းတက်ခေါင်းလောင်းထိုးသံကို ဘာလို့ခုမှ‌ရင်ခုန်နေတာလိမ့်။

ဘင်ခရာသံတွေကြားရင် ဘာလို့ရင်ထဲတစ်မျိုးကြီးဖြစ်သွားပါလိမ့်။

ကျောင်းတက်တုန်းက တွေ့မှာဆိုးလို့ရှောင်ခဲ့တဲ့ ဆရာမရဲ့ခြင်းတောင်းကို ခုမှဘာလို့ ကူသယ်ပေးချင်နေတာပါလိမ့်။

စာသင်ခုံမှာစည်းခြားပြီး နေရာအများကြီးယူရင် ရန်ဖြစ်ခဲ့တဲ့ သူငယ်ချင်းတွေကို ဘာလို့သတိတွေရနေတာပါလိမ့်။

ယမ်ယမ်ခေါက်ဆွဲကိုဘယ်ချိန်ပဲစားစား အတန်းထဲမှာ အသံမြည်အောင်ချေပြီး စားခဲ့ရတဲ့ ယမ်ယမ်လောက် ဘာလို့အရသာမရှိတော့တာပါလိမ့်။

အဖြူအစိမ်းဝတ်ပြီး စက်ဘီးလေးတွန်းသွားတဲ့ ကျောင်သူကျောင်းသားတွေမြင်ရင် ဘာလို့ရင်ထဲကြည်နူးမိတာပါလိမ့်။

သောကြာနေ့ရဲ့ နောက်ဆုံးချိန်ဖြစ်တဲ့ သန့်ရှင်းရေးအချိန်မှာ အဖွဲ့လိုက်ကြီးလုပ်ရတဲ့ သန့်ရှင်းရေးတွေက အမှတ်တရဖြစ်လာလိမ့်မယ်လို့ မတွေးခဲ့မိဘူး။

အခုချိန်မှာ ခဏလောက်များ အဖြူအစိမ်းဝတ်ခွင့်ရမယ်ဆိုရင် အပေါ်လက်ရှည်ထပ်ဖြစ်ပါဦးမလား။

အင်္ကျီအဖြူပေါ်ဘောပင်မှင်တွေ
ပေအောင်လုပ်မိတဲ့သူငယ်ချင်းကို ရန်ထောင်မိပါဦးမလား။

မဖြစ်နိုင်တော့ပေမယ့် ဆန်ပြုတ်တိုက်တဲ့နေ့တွေမှာ ဇလုံနဲ့ဇွန်းယူပြီး ကျောင်းသွားချင်သေးတယ်။

စာသင်ချိန်အကူးအပြောင်းမှာ ရှေ့ထွက်ပြီး ကျောက်သင်ပုန်းဖျက်ချင်သေးတယ်။

မုန့်စားဆင်းချိန် အိမ်သာနားမှာသွားပြီး အချိန်ဖြုန်းချင်သေးတယ်။

နေ့လယ်ထမင်းစားချိန် ကျောင်းရှေ့ဂိမ်းဆိုင်ထဲခိုးဝင်ချင်သေးတယ်။

Crushရှိတဲ့အတန်းရှေ့ ခဏခဏဖြတ်လျှောက်ချင်သေးတယ်။

နွေရောက်ခါနီး တမာရွက်၊ကုက္ကိုရွက်ခြောက်တွေကြွေရင် လိုက်ဖမ်းပြီး စာအုပ်ကြားညှပ်ထားချင်သေးတယ်။

နွေရာသီကျောင်းပိတ်ရက်နီးလို့ နှုတ်ဆက်ပွဲလုပ်တဲ့အခါ သူငယ်ချင်းတွေကို ရေနဲ့ပတ်ချင်သေးတယ်။

တနင်္လာနဲ့သောကြာနေ့မနက်မှာ ဘောလုံးကွင်းနားကအလံတိုင်ရှေ့ တန်းစီချင်သေးတယ်။

အတန်းပိုင်ဆရာမရဲ့ အလေးပေးမှုကိုလိုချင်သေးတယ်။

အမြဲတမ်းထိုင်လွမ်းနေတာမဟုတ်ပေမယ့် တိုက်ဆိုင်မှုတွေရှိရင် အရမ်းကိုသတိရမိပါတယ်။

အခုချိန်မှာ မတွေ့ဖြစ်ကြတော့‌တဲ့ သူငယ်ချင်းတွေကို သတိရစွာဖြင့်

အလွမ်းရယ်မပြေဘူး.....ကျောင်းသားဘဝ
ငါတို့ကျောင်းသားဘဝ.....
PARKHANJOON 😢😢😢

26/01/2024

ညီမဘာဆက်လုပ်ရမှန်းမသိတော့ပါဘူးရှင်၊ တဲ့
မိတ်ဆွေညီမတစ်ယောက်က ရင်လာဖွင့်ထားတဲ့စာလေး💔

အကုန်လုံးညီမ မှားခဲ့တာပါ။သူနဲ့ညီမ စခင်တာလွန်ခဲ့တဲ့ ငါးနှစ်လောက်တည်းကပါ။ညီမကို လိုလေသေးမရှိအောင် ဂရုစိုက်တာပါ။ဒါပေမယ့် သူပါးစပ်က ဘယ်တော့မှ ချစ်တယ်ဆိုပြီး ဖွင့်မပြောခဲ့ဖူးပါဘူး။ညီမ ရည်းစားတွေထားလည်း သူဘာမှမပြောပေမယ့် သူ့ဘာသူတော့အသည်းကွဲပိုစ့်တွေ အမြဲတင်ပါတယ်။တင်တိုင်းလည်းညီမ မသိမမြင်အောင်တင်တာပါ။ညီမ မွေးနေ့တိုင်းမိဘတွေတောင်မလုပ်ပေးတဲ့ ကိစ္စမျိုးတွေက အစလုပ်ပေးနေကြပါ။ညီမ ထားခဲ့တဲ့ရည်းစားတွေ မလုပ်ပေးတဲ့ ကိစ္စမျိုးတွေပါလုပ်ပေးတာပါ။ညီမ ရည်းစားနဲ့ ညီမ စကားပြောဖို့ ဖုန်းဘေမရှိလို့ သူ့ကိုပြောတာ နှစ်ယောက်လုံးကို ဘေဖြည့်ပေးတယ်။ ဘယ်ကိစ္စမဆို ဘေးနာအမြဲရှိနေပေးတဲ့သူပါ။ ညီမ နဲ့သူ နားလည်မှုလွဲပြီး ခဏ ခဏ ဘလော့ဆဲလည်းဘယ်တော့မှထွက်မသွားဘဲ နင်ဒုက္ခရောက်မှာမို့လို့ငါရှိနေပေးတာလို့အမြဲပြောပါတယ်။ညီမ ပျော်နေ အဆင်ပြေနေတဲ့အချိန်ဆို သူ့ဘာသူမရှိသလိုနေတာပါ။သူရှိနေတာ အိမ်လိုလုံခြုံနွေးထွေးမှုမျိုးရနေတာမျိုးပါ။တအားရင့်ကြတ်ပြီး လုပ်ငန်းအတည်တကျနဲ့ လူကြီးဆန်ဆန်နေတဲ့သူမျိုးပါ။ ဘယ်လောက်ဆိုးဆိုး ဒုက္ခဘယ်လောက်ပေးပေးတစ်ချက်မငြီးတဲ့သူပါ။

နောက်ဆုံး ညီမအရင်ကောင်လေးက မိန်းမရှုပ်တယ်။မိန်းကလေးတွေအများကြီးဘဝပျက်ဖူးတယ်ပြောကို မနာလို လို့ပြောတာဆိုပြီးပစ်ပစ်ခါခါပြောပြီး အကုန် ဘလော့ပြီးမောင်းထုပ်ခဲ့တာတောင် နင်ဒုက္ခရောက်ရင်ဖုန်းဆက်ပါဆိုပြီးမှာခဲ့တာ။တကယ်ပဲ သူပြောသလိုဖြစ်လာတာပါ ညီမကောင်လေးနဲ့ ကိုယ်ဝန်ရပြီး တာဝန်မယူဘဲဖြတ်ပြီးနောက်မိန်းမယူသွားလို့ ငိုယိုပြီးသွားတောင်းပန်တာ နေပြည်တော်ကနေ ညတွင်းချင်းဆင်းလာပြီး ပိုက်ဆံပါယူလာပြီး လူမသိအောင် အကုန်ဖြေရှင်းပေးခဲ့တယ်။ အဲ့ထိတောင် သူတစ်ခါမှ ချစ်တယ်လို့မပြောဘဲ စည်းတအားစောင့်ခဲ့တာပါ။ သူ့မိတ်ဆွေညီမ မိတ်ဆွေအားလုံး သူညီမကိုချစ်နေမှန်းသိကျပါတယ်။ညီမကိုယ်တိုင်လည်း ခံစားမိပါတယ်။ညီမ သူငယ်ချင်းကို သူဖွင့်ပြောပြီးငိုတာသူငယ်ချင်းကပြန်လာပြောပြပါတယ်။ အစစအရာရာပြည့်စုံပြီး အားကျခဲ့ရတဲ့ သူအဲ့လို ငိုတာ ပထမဆုံးမြင်ဖူးတယ်လို့တောင်ပြောခဲ့တာ။
ညီမ သူငယ်ချင်းတွေဆို သူနဲ့တွဲဖို့ပဲ အမြဲပြောပေမယ့် သူ့ကိုဘယ်တော့မှ ပြန်မချစ်ခဲ့ပါဘူး။ သူကလည်း အခုချိန်ထိ ဘာလေးမဆို လုပ်ပေးနေကျပါ။ အချစ်ကို လုပ်ရက်နဲ့ပဲအမြဲ ပြတဲ့သူပါ။

ပြီးခဲ့တဲ့လက ညီမ ရည်းစားထားဖြစ်တော့ သူ့ကိုမပြောမိဘူး။ နောက်နေ့မှ သိရတာ သူဆေးရုံတက်လိုက်ရတယ်တဲ့။ညီမ သူငယ်ချင်းက ဖွင့်ပြောဖို့ သွားပြောခိုင်းတာ သူပြန်ပြောတဲ့စကားကြောင့် အံ့သြပြီး ညီမ ငိုမိတဲ့အထိပဲ၊ သူတစ်သက်လုံးထိန်းလာတဲ့ သိက်ခါကို အကျမခံနိုင်ဘူးတဲ့ ဘယ်အချိန်ပဲဖြစ်ဖြစ် ညီမ ဘာပဲဖြစ်ဖြစ် သူအမြဲရှိတယ်ဆိုတာကို ညီမ ယုံကြည်ထားတာမို့ အဲ့ယုံကြည်မှုကိုလည်းမဖြတ်ချင်ဘူးတဲ့၊ နှစ်ဦးပေါင်းဖက်ရမှ ချစ်တာမဟုတ်ပါဘူးဆိုပြီး ပြောခဲ့တာပါရှင်။

လွန်ခဲ့တဲ့လေးရက်က သူဖုန်းဆက်တယ် အားရင်ခဏတွေ့ရအောင်တဲ့၊ ညီမ ချက်ချင်းသွားတွေ့တာ သူ့ကို ကြည့်ရတာ ခါတိုင်းနဲ့လုံးဝမတူလို့မေးကြည့်တော့ သူ့ဘေးနားက ကောင်မလေးနဲ့ မိတ်ဆက်ပေးပါတယ်။ သူ့အမေ သဘောတူတဲ့ကောင်မလေးတဲ့ နောက်လထဲမှာ မင်္ဂလာဆောင်တော့မှာတဲ့ မိတ်ဆက်ပေးချင်လို့တဲ့။ ညီမတို့အကြောင်းအကုန်ပြောပြထားပြီးသားမို့ ညီမတစ်ယောက်ရတယ်ပဲသဘောထားပါတဲ့။ သူက မင်္ဂလာဆောင်ပြီးတာနဲ့ သူ့အမတွေနေတဲ့ ဒူဘိုင်းကို နှစ်ယောက်တူတူအခြေချတော့မှာပြောပြီး ပြန်သွားပါတယ်။

ညီမ အခုမှ အရူးဖြစ်နေပါပြီ။သူ့ကိုတကယ်ချစ်မိနေတာပါ။ သူမရှိရင်ဆိုတဲ့ အတွေးနဲ့ ငိုနေတာအခုထိပါပဲရှင်။ ညီမ သူ့ကိုပြန်လိုချင်ပါတယ်။ ညီမ ဘာဆက်လုပ်သင့်လဲဟင်။တကယ်ဘာမှမလုပ်နိုင်မစားနိုင်နဲ့ တကယ် အဆင်ပြေတော့လိုပါ။သူ့ကိုပြန်လိုချင်ပါတယ်။ အတိုးချပြီးချစ်ပေး ဂရုစိုက်ပေးချင်ပါတယ်။ဘာလုပ်ရမလဲပြောပြပေးကြပါအုံးရှင်။သူ့သူငယ်ချင်းတွေဆီဖုန်းဆက်မေးတော့လည်း ဖိတ်စာရိုက်ဖို့သွားနေကြပြီပြောပါတယ်။Social media ကနေရော ဖုန်းတွေပါညီမကို အကုန် ဘလော့သွားခဲ့ပါပြီ။ ညီမ ငိုတာကလွဲပြီးဘာမှ မလုပ်တက်တော့ဘူး။ ဒူးထောက်ရထောက်ရပါ။ ညီမသူ့ကိုပြန်လိုချင်တယ်ရှင်😔😔😔😔😔

အကောင်းဆုံးအကြံကိုပေးလိုက်ချင်ပါတယ်ညီမလေးရေ။ အေးချမ်းတော့မယ့်သူ့ဘဝလေးကိုလွတ်လပ်ခွင့်ပေးလိုက်ပါလို့ပြောရင်း......