Khaing Family Group

18/08/2024

တစ်ကျော့ပြန် ခြိမ်းခြောက်လာတဲ့ မျောက်ကျောက်ရောဂါ ..

အခု နိုင်ငံတကာသတင်းတွေမှာ တစ်ကျော့ပြန် ရေပန်းစားနေတဲ့ ရောဂါကတော့ မျောက်ကျောက်ရောဂါ (Monkey Pox) ပဲ ဖြစ်ပါတယ်။ ထိုရောဂါမှာ ရောဂါအသစ် ဟုတ်မနေပဲ ရေရှားပြီး မိုးနည်းသော အာဖရိကနိုင်ငံတစ်ချို့မှာ ဖြစ်လေ့ရှိနေကျ ရောဂါ တစ်ခု ဖြစ်ပါသည်။

ယခုအခါ၌ ဖြစ်လေ့ဖြစ်ထမရှိသော နေရာဒေသတစ်ချို့မှာပါ ဖြစ်ပွါးလာသောကြောင့် ကမ္ဘာ့ကျန်းမာရေးအဖွဲ့အစည်းမှ ပြည်သူ့ကျန်းမာ​ရေး အ​ရေးပေါ်အခြေအနေအဖြစ် ပြန်လည်ကြေငြာလိုက်ခြင်း ဖြစ်ပါတယ်။

မျောက်ကျောက်ရောဂါ ကာကွယ်ဖို့အတွက် အဓိကတော့ ထုံးစံအတိုင်း ကျွန်တော်တို့တွေ နှာခေါင်းစည်း (mask) တွေ တပ်ဖို့ မမေ့သင့်ပါ။ လက်ကို သေချာစွာဆေးကြောပြီး တစ်ကိုယ်ရေသန့်ရှင်းရေးကိုလည်း အလေးပေး ဆောင်ရွက်ရပါမည်။

လိင်မှတစ်ဆင့် ကူးစက်တယ်ဆိုတာ ထုတ်ပြန်ချက် အတိအကျမရှိသေးပေမယ့် လိင်ဆက်ဆံတိုင်း ကွန်ဒုံးသုံးပေးကြပါ။

ဒီအချိန်မှာ ကိုယ်ခံအားကောင်းအောင် နေထိုင်ကြဖို့ မမေ့ပါနှင့်။
အားလုံး နေကောင်းကျန်းမာကာ ကပ်ရောဂါဘေး ဝေးကြပါစေ။

ဒေါက်တာ ထူးကိုကို

28/07/2024

Zero to Hero ဖြစ်စေမယ့်

Khaing Family Private School ရဲ့ Special English Class

အခြေခံလုံးဝမရှိ အင်္ဂလိပ်နဲ့ပက်သတ်လို့ ဘာမှမသိတဲ့ အင်္ဂလိပ်စာကိုကြောက်တဲ့ သင့်ကလေးရဲ့ အင်္ဂလိပ်စာအရည်အသွေးကို Khaing Family Private School ရဲ့ Special Classကို joinပြီး သင်ကြားလိုက်ကြရအောင်။

သင့်ကလေးငယ် အတန်းတွေသာကြီးလာတယ် English စာအခြေခံမပိုင်နိုင်သေးလို့ စိတ်ညစ်နေရပြီလား?

ကလေးငယ်တွေရဲ့ တောက်ပတဲ့ အနာဂတ်က မိဘ၊ ဆရာတွေရဲ့ လက်ထဲမှာရှိနေတာကြောင့် သင့်ကလေးရဲ့ ပညာရေးအတွက် အကောင်းဆုံးဖြစ်အောင် စဉ်းစားထားတယ်ဆိုရင် သင့်ကလေးရဲ့ English Skill ကို Khaing Family Private School နဲ့

အတူလက်တွဲပြီး မြှင့်တင်လိုက်ကြရအောင်နော်။

Khaing Family Private School ရဲ့ Special English Class ကအခြေခံလုံးဝမရှိသေးတဲ့ သားသားမီးမီးတို့အတွက် အခြေခံကစလို့ စနစ်တကျနဲ့ ကျွမ်းကျင်တက်မြောက်လာအောင် သင်ကြားပေးနိုင်ပါတယ်။

English မှာအခြေခံလည်းဖြစ်အဓိကကျတဲ့ ဝါစင်္ဂရှစ်မျိုး Eight Parts of Speech , အခြေခံဝါကျတည်ဆောက်ပုံ Subject - Verb - Object တွေကအစ ပိုင်ပိုင်နိုင်နိုင်ဖြစ်အောင်အခြေခံခိုင်မာအောင်

တစ်ဆင့်ချင်းစီ နားလည်သင်အထိ စည်းစနစ်တကျ

သင်ကြားပေးမှာပဲဖြစ်ပါတယ်။

အတန်းကြီးပေမယ့် English စာအခြေခံမပိုင်နိုင်သေးတဲ့လူငယ်တွေအတွက် အဓိကထားပြီး သင်ကြားပေးမယ့် Special Class တစ်ခုဖြစ်တာကြောင့် ဖေဖေ မေမေတို့ရဲ့ ရင်သွေးရတနာလေးတွေကိုထားသင့်တဲ့ English စာတန်းခွဲလေးတစ်ခုဖြစ်ပါတယ်။

အခုခေတ်ကလေးတွေ အများစုက အင်္ဂလိပ်စာကို လေ့လာနေကြတာမို့ ကိုယ့်ကလေးငယ်ကိုလည်း English ဘာသာစကားကြောင့် ခြေတစ်လှမ်းနောက်မကျရလေအောင် Khaing Family Private School ရဲ့ ဒီ Special Class တန်းခွဲလေးမှာတက်ရောက်ဖို့ တိုက်တွန်းလိုက်ပါရစေရှင်။

သင်ကြားပေးမဲ့ ဆရာကတော့..
U Thura Min Htet (Saya Thura)

B.A.(Hons)English, Diploma in English (SEAMEO CHAT), Diploma in English Language Teaching Methodology(YUOE),
Executive Diploma in Educational Administration(UK)

09/12/2023

ကလေးတွေကို ငွေကြေးစီမံခန့်ခွဲတတ်အောင် သင်ပေးပါ….
💸💸💸💸💸💸💸💸💸💸💸
လူကြီးဘဝမှာ ငွေကြေးကို စနစ်တကျမသုံးတတ်တာ၊ လက်ဖွာတာ၊ အသုံးအဖြုန်းကြီးတာတွေဆိုတာ ကလေးဘဝမှာ ငွေကြေးနဲ့ပတ်သက်တဲ့စည်းကမ်းမလုပ်ပေးခဲ့လို့ပါ။ ကျနော်တို့နိုင်ငံက လူကြီးတော်တော်များများက ငွေကြေးစီမံခန့်ခွဲခြင်းဆိုတာဟာ ကလေးတွေနဲ့မဆိုင်ဘူးလို့ မှတ်ယူထား ကြပါတယ်။ ဘယ်အရွယ်ပဲရောက်ရောက် ကလေးတွေကိုယ်တိုင်စီမံဖို့ တာဝန်ပေးခြင်းထက် ကိုယ်တိုင်ဝင်ပြီး စီမံခန့်ခွဲဖို့ အားသန်ကြပါတယ်။ ကလေးတွေကို ငယ်စဉ်ကတည်းက ငွေကြေးကိုစီမံခန့်ခွဲတတ်အောင် လေ့ကျင့်ပျိုးထောင်ပေးဖို့လိုအပ်ပါတယ်။

ကလေးတွေကို ငွေကြေးစီမံတတ်အောင် ဘယ်လိုလေ့ကျင့်ပေးကြမလဲ..

ငွေကြေးစီမံခန့်ခွဲခြင်းကို အရိုးရှင်းဆုံး စဉ်းစားကြည့်ရင် (၃)ပိုင်းရှိပါတယ်။
ငွေကြေးကို
– ရရှိခြင်း
– ထိန်းသိမ်းခြင်း
– သုံးစွဲခြင်း တို့ဖြစ်ပါတယ်။
ဒီအပိုင်းသုံးပိုင်းလုံးကို ကလေးတွေရဲ့ အသက်အရွယ်အလိုက် နားလည်နိုင်မဲ့ နည်းလမ်းတွေနဲ့ တဖြည်းဖြည်း သင်ကြားပေးသွားရပါမယ်။

ဘယ်လိုနည်းတွေနဲ့သင်ကြားပေးလို့ရသလဲ…?
ကလေးတွေအတွက် အကောင်းဆုံးသင်ကြားမှုက ဆော့ကစားခြင်းပဲဖြစ်ပါတယ်။ ကစားနည်းဖြင့် သင်ကြားခြင်းက ကလေးတွေကို ပျော်ရွှင်စေသလို သင်မှန်းမသိ သင်ယူသွားတာတွေက တစ်ဘဝလုံးစာအကျိုးရှိစေမှာပါ။
Pretend Play ဖြင့် ဈေးရောင်းဈေးဝယ်တမ်းကစားစေခြင်းဖြင့် စတင်လို့ရပါတယ်။ ပိုက်ဆံအတု၊ ပစ္စည်းအတုတွေနဲ့ ကစားစေခြင်းက ကလေးတွေရဲ့ စီးပွားရေးဘဝ၊ လုပ်ငန်းရှင်ဘဝ အစပဲဖြစ်ပါတယ်။ ဒီကစားနည်းကိုကစားတဲ့အခါ လူကြီးတွေဖြစ်တဲ့ ဆရာ/ဆရာမ၊ မိဘ တို့ရဲ့ အကူအညီလည်းလိုအပ်ပါတယ်။
နောက်တစ်ခုက Needs and Wants Game တွေကစားပေးပါ။ သုံးမဲ့ငွေပမာဏထက် ဈေးဝယ်စာရင်းကို ပိုများထားပြီး မလိုတဲ့ဟာတွေကို မဝယ်ပဲ ပြန်လျော့စေတဲ့ကစားနည်းများ ကစားခြင်းဖြင့် ကလေးတွေအနေနဲ့ ကြီးလာတဲ့အခါမှာလည်း impulse ဆိုတဲ့ စိတ်ခံစားမှုကို မထိန်းနိုင်ဘဲ မြင်သမျှအကုန်ဝယ်ချင်တဲ့ Buying Disorder လိုပြဿနာမျိုးတွေကို ကြိုတင်ကာကွယ်ပြီးသားဖြစ်ပါတယ်။

ဘာတွေသင်ကြားပေးရမလဲ…?

(၁) ငွေကြေးနဲ့ရင်းနှီးအောင်သင်ပေးပါ။
(၂) ငွေကြေး၊ပိုက်ဆံဆိုတာဘာလဲ သင်ရပါမယ်။
(၃) အလုပ်နဲ့ငွေကြေးဆက်စပ်ပုံကို သေချာနားလည်အောင်ရှင်းပြရပါမယ်။
(၄) အလုပ်နဲ့ငွေကြေးဆက်စပ်ပုံကို သေချာနားလည်အောင်ရှင်းပြရပါမယ်။
(၅) ငွေကြေးကို ချစ်မြတ်နိုးစိတ်မွေးပေးပါ။
(၆) နေ့စဉ်ပုံမှန်အလုပ်တစ်ခုခုခိုင်းထားပြီး ပုံမှန်ဝင်ငွေလေးတစ်ခုပေးထားပါ။
(၇) ငွေကြေးအပေါ်တပ်မက်စိတ်မလွန်စေဖို့အတွက် ငယ်ငယ်ကတည်းက ကိုယ်ပိုင်ဝင်ငွေထဲက လှူဒါန်းတတ်တဲ့ အလေ့အကျင့်ရအောင် လုပ်ပေးပါ။
(၈) ကြိုတင်စာရင်းလုပ်ပြီး စာရင်းထဲကအတိုင်း ဝယ်တတ်တဲ့ အလေ့အကျင့်ဖြစ်အောင် လေ့ကျင့်ပါ။
(၉) လိုချင်တာတွေတွေ့တိုင်း.. discount ချတာတွေ့တိုင်း မဝယ်မိစေဖို့ စိတ်ကိုထိန်းချုပ်တတ်ဖို့ (Impulse control) ကို လေ့ကျင့်ပေးပါ။
(၁၀) နည်းနည်းကြီးတဲ့ ကလေးတွေမှာဆိုရင် “မိုနိုပိုလီ”လို ကစားနည်းတွေက ကလေးတွေကို ငွေကြေး၊ ဘဏ်စနစ်၊ အိမ်ခြံမြေ၊ ပထဝီဗဟုသုတ၊ အခွန်စနစ်စတာတွေနဲ့ ရင်းနှီးသွားစေမှာပါ။
(၁၁) ကလေးနဲ့တူတူဈေးဝယ်ပါ
“ကလေးက ကလေးလိုနေ”ဆိုတဲ့ အကျင့်လုံးဝမလုပ်ပါနဲ။
ကလေးတစ်ယောက်ကို တကယ်တိုးတက်၊ထက်မြက်၊ဖြစ်ထွန်းစေချင်ရင် “လူကြီးလိုသဘောထားဆက်ဆံပေးပါ”လို့ပဲ တိုက်တွန်းလိုက်ပါရစေ….။

ကလေးများအားလုံး ထက်မြက် အောင်မြင်တဲ့သူတွေ ဖြစ်လာကြပါစေ….
🙏🙏🙏

24/11/2023