14/09/2024
ညိုတို့ရဲ့ အလုပ်လုပ်ပုံက ကာယ၊ဉာဏ ဘယ်အရာကိုအားပြုဦးတည်ပြီးလည်ပတ်နေပါစေ Energy (၄) မျိုးကိုအုတ်မြစ်ချပြီးမှ အလုပ်လုပ်ဖို့လိုအပ်တဲ့အရည်အသွေးထွက်ပေါ်လာပါတယ်။
ဒီ Psychology အရသတ်မှတ်ထားတဲ့ စွမ်းရည် (၄) မျိုးထဲက တစ်ခုခုချို့ယွင်းတဲ့အခါ ကိုယ့်ရဲ့အလုပ်စွမ်းဆောင်ရည် တစ်နည်း ကိုယ့်ရဲ့ဆုံးဖြတ်၊ပိုင်းခြား၊တီထွင်နိုင်စွမ်းတွေ ပင်ပန်းလျော့ကျစေပါတယ်။
ဒီလောက်အရေးကြီးထဲ စွမ်းရည်တွေထဲမှာ ပထမအရေးပါဆုံးက-
⚪𝗣𝗵𝘆𝘀𝗶𝗰𝗮𝗹 𝗘𝗻𝗲𝗿𝗴𝘆
❝ကျန်းမာခြင်းသည် လာဘ်တစ်ပါး❞ ဆိုတဲ့စကားဟာ မမာမကျန်းဖြစ်လာတဲ့အချိန်မှာဆို လူတွေရဲ့သတိလက်လွတ်ခြင်းတွေကို မီးမောင်းထိုးပြလေ့ရှိပါတယ်။
အပြင်ပန်း "ကာယကျန်းမာခြင်း"ဟာ လူတစ်ယောက်စွမ်းရည်ပြည့်ဝနေခြင်းရဲ့ ပထမဦးဆုံးအမှတ်လက္ခဏာဖြစ်တာကြောင့် ခန္ဓာကျန်းမာနေတဲ့အခါ စိတ်သွားတိုင်း ကိုယ်ပါတဲ့အတွက် လိုသလို အလုပ်ကိုပိုတွင်စေပါတယ်။
ဒါ့ကြောင့် လူတွေနေ့စဥ် တက်တက်ကြွကြွအလုပ်လုပ်နိုင်တာဟာ 𝗣𝗵𝘆𝘀𝗶𝗰𝗮𝗹 𝗘𝗻𝗲𝗿𝗴𝘆 ပြည့်ဝနေလို့ပါလို့ ဆိုနိုင်ပြီး အစားအချိန်မှန်ခြင်း၊အိပ်ချိန်စက်ဝန်းမှန်ကန်ခြင်း၊ကိုယ်လက်လှုပ်ရှားမှု အနည်းငယ်ပြုလုပ်ခြင်းဖြင့် 𝗣𝗵𝘆𝘀𝗶𝗰𝗮𝗹 𝗘𝗻𝗲𝗿𝗴𝘆 ကိုဖြည့်စွမ်းရာရောက်ပါတယ်။
⚪𝗘𝗺𝗼𝘁𝗶𝗼𝗻𝗮𝗹 𝗘𝗻𝗲𝗿𝗴𝘆
ဘယ်သူကမှ ဝမ်းနည်းဖို့ရှင်သန်နေကြတာမဟုတ်ဘူး။ကျင်းထဲကျပ်ထဲရောက်နေတဲ့အခြေအနေမှာတောင် ပျော်ရွှင်ဖို့၊စိတ်သက်သာရာရဖို့ ကြိုးစားနေထိုင်နေကြတာဟာ လူသားတွေပါ။
လူသားတွေမှာမပျော်ရွှင်စရာ Negative Emotion တစ်ခုခုလွှမ်းမိုးခံရတဲ့အခါ တိတ်ဆိတ်သွားတာ၊ဒေါသထွက်တာ၊ခွန်းတုံ့ပြန်တာ ၊လူတွေနဲ့မတွေ့ချင်တာ စသဖြင့်ပုံစံမျိုးစုံပြပြီး Negative Emotion နေ့စဥ်လုပ်ငန်းဆောင်တာတွေအထိ အနှောက်အယှက်ပေးပါတယ်။
တစ်နေ့တာကို စိတ်ပျော်နေဖို့၊စိတ်မချမ်းမြေ့တာမျိုးရှိမနေဖို့ကြိုးစားခြင်းဖြင့် သင့်ရဲ့ 𝗘𝗺𝗼𝘁𝗶𝗼𝗻𝗮𝗹 𝗘𝗻𝗲𝗿𝗴𝘆 ကိုအကောင်းဖက်ဆီ ထိန်းသိမ်းထားနိုင်မှာ ဖြစ်ပါတယ်။
⚪𝗠𝗲𝗻𝘁𝗮𝗹 𝗘𝗻𝗲𝗿𝗴𝘆
စိတ်ထိခိုက်စေတဲ့ ပြဿနာ၊အကြောင်းအရာ၊အဖြစ်အပျက်တွေကြုံရတဲ့အခါ
-ညာဘက်ဦးနှောက်က "စိတ်ခံစားမှု"
-ဘယ်ဘက်ဦးနှောက်က "သိမြင်မှု" နဲ့ "တုံ့ပြန်ဖို့လှုံ့ဆော်မှု" ပေးပါတယ်။ ဒါက 𝗠𝗲𝗻𝘁𝗮𝗹 𝗘𝗻𝗲𝗿𝗴𝘆 ဖြစ်ပေါ်လာပုံပါပဲ။
သင်သာပြဿနာတစ်ခုကြုံရတိုင်း အရေးမပါတဲ့အရာကိုဖယ်နိုင်ပြီး အရေးပါတဲ့ရွေးချယ်မှုကို Focus ထားနေတယ်ဆိုရင် တစ်နေ့တာအလုပ်မှာပိုမိုအောင်မြင်မယ်လို့ပြောရင် ငြင်းမယ်မထင်ပါဘူး။
အရေးပါတဲ့အရာတွေပိုသိဖို့ ရင့်ကျက်မှုအတွက် အချိန်ပေးရမှာဖြစ်ပြီး ပြဿနာတွေအပေါ်တွေးတောဆင်ခြင်နိုင်စွမ်း အားကောင်းလာတာနဲ့အမျှသင့်ရဲ့ 𝗠𝗲𝗻𝘁𝗮𝗹 𝗘𝗻𝗲𝗿𝗴𝘆 ပိုပြီးအားကောင်းလာတာကို သင်ကိုယ်တိုင်ခံစားမိပါလိမ့်မယ်။
⚪𝗦𝗽𝗶𝗿𝗶𝘁𝘂𝗮𝗹 𝗘𝗻𝗲𝗿𝗴𝘆
ကိုယ့်ရဲ့ခံယူချက်၊သဘောထားနဲ့အခြားသူတွေအပေါ်အမြင်ဟာ သိစိတ်နဲ့မသိစိတ်ကိုဦးဆောင်နေပြီး ကိုယ်ဘယ်သူလဲဆိုတာ ဖော်ပြနေပါတယ်။
𝗦𝗽𝗶𝗿𝗶𝘁𝘂𝗮𝗹 𝗘𝗻𝗲𝗿𝗴𝘆 ကညိုတို့ရဲ့ Inner Side ကလာတာဖြစ်ပြီး အဲ့ဒီစွမ်းအင်ရဲ့အားကြီးမှုအဆင့်ကို ညိုတို့ရဲ့အမူအကျင့်တွေနဲ့ဆုံးဖြတ်နိုင်ပါတယ်။အစုအဖွဲ့နဲ့သွားတဲ့ အလုပ်ခွင်မှာလည်းအများကြီးကို သက်ရောက်မှုရှိတဲ့ Energy တစ်ခုပါ။
တစ်ဦးတစ်ယောက်ကို ထိခိုက်နစ်နာစေတဲ့ Behavior နည်းပါးလေ 𝗦𝗽𝗶𝗿𝗶𝘁𝘂𝗮𝗹 𝗘𝗻𝗲𝗿𝗴𝘆 ကြီးမားလေလို့ဆိုရမှာပါ။
ဒီ Energy (၄) မျိုးမှာ 𝗣𝗵𝘆𝘀𝗶𝗰𝗮𝗹 𝗘𝗻𝗲𝗿𝗴𝘆 နဲ့ 𝗠𝗲𝗻𝘁𝗮𝗹 𝗘𝗻𝗲𝗿𝗴𝘆 ကတစ်ခုကိုတစ်ခု တိုက်ရိုက်မှီခိုနေပါတယ်။တစ်ခုပြိုလဲတာနဲ့ နောက်တစ်ခုကအလိုလိုအားပျော့လာတတ်ပြီး တစ်ခုကိုသန်မာစေရင်တော့နောက် Energy တစ်ခုကပါ ပြန်အားပြည့်လာနိုင်တာမျိုးပါ။
အားလုံးပဲ မပြိုလဲသင့်တဲ့ ဒီ Energy တွေကိုစောင့်ရှောက်ဖို့ မမေ့ပါနဲ့နော်။
