Teacher Wendy

14/09/2025

✨✨✨Life skills ကို ဘာကြောင့် သင်ကြားရသလဲဆိုတာကို ရှင်းပြပေးပါမယ်ရှင်

✨ Life Skills သင်ကြားရတဲ့အကြောင်းအရင်းများ

👑နေ့စဉ်ဘဝမှာ အသုံးဝင်ဖို့

စျေးဝယ်တာ၊ ငွေသုံးတာ၊ အချိန်ထိထိရောက်ရောက် စီမံတာတွေမှာ အထောက်အကူဖြစ်တယ်။

👑ကိုယ်တိုင် ဆုံးဖြတ်တတ်ဖို့

အခက်အခဲတွေကြုံလာတဲ့အချိန် အခြားသူကိုသာ မလိုက်ရောက်ဘဲ ကိုယ်တိုင် ဆုံးဖြတ်နိုင်စေတယ်။

👑လူအများနဲ့ ဆက်ဆံတတ်ဖို့

သူများနဲ့ ညီညွတ်ပြီး အဖွဲ့လိုက်အလုပ်လုပ်နိုင်တယ်။
မိသားစု၊ သူငယ်ချင်း၊ မိတ်ဆွေတွေနဲ့ မကောင်းတဲ့အမြင် မဖြစ်ပေါ်အောင် ကူညီပေးပါတယ်။

👑ယုံကြည်မှုရှိဖို့

ကိုယ့်ကိုယ်ကို ယုံကြည်လာပြီး ဘာဆက်လုပ်မလဲဆိုတာ သိနိုင်စွမ်း ရှိလာစေတယ်။

👑အနာဂတ်အတွက် အဆင်သင့်ဖြစ်ဖို့

နောင်အလုပ်အကိုင်၊ ကျောင်း၊ ဘဝမှာ လိုအပ်တဲ့ ကျွမ်းကျင်မှုတွေ (problem solving, teamwork, communication) ရရှိလာတယ်။
👉
“Life skills သင်ကြားရတဲ့အကြောင်းအရင်းက တက္ကသိုလ်စာတမ်းအောင်ရန်မဟုတ်ဘဲ နေ့စဉ်ဘဝအတွက် အသုံးဝင်ပြီး အနာဂတ်ဘဝအောင်မြင်ဖို့ အခြေခံကျွမ်းကျင်မှုတွေ ရရှိစေဖို့ပဲဖြစ်ပါတယ်

အနာဂါတ်အလုပ်အကိုင်အတွက်အတတ်ပညာသင်ပေးရင်လုပ်ငန်း
ထဲမှာဘယ်လိုပေါင်းသင်ဆက်ဆံရမယ်
Group work နဲ့အလုပ်လုပ်တတ်ရမယ်ဆိုတာသင်ပေးရသလိုပေါ့

ငွေရှာနည်းသင်ပေးရင်ငွေစုနည်းပါ
တစ်ပါတည်းသင်ပေးရမယ်မဟုတ်လား

Tr Thazin Phyo Wai

07/09/2025

🌸Hello 🌸

Page ကလေးခုမှပြန်သုံးရတော့ Mes လေးတွေခုမှတွေ့လို့ပါရှင်

အတန်းလေးတွေက မကြော်ငြာပေးမယ့် သင်တန်းသားအဟောင်းလေးတွေနဲ့တင်လည်ပတ်နေတဲ့အတန်းတွေရှိပါတယ်

🌺Social Studies
🌺History

နှစ်မျိုးပဲသင်တာပါ အတန်းလေးတွေကတော့ သူဟာနဲ့သူလည်ပတ်နေတာတွေရှိပါတယ်

တစ်ချို့စိတ်ဝင်စားလို့လာမေးတော့ အတန်းတွေက တစ်ဝက်လောက်ရောက်နေတာမို့ ကျောင်းသားသစ်တွေ join မရဘူးဖြစ်နေတာရယ်

အတန်းသစ်စရင် ဆက်သွယ်ပေးဖို့ပြောထားတာကိုမဆက်သွယ်ခဲ့ရတာတွေရယ်ကြောင့်

Page လေးကိုသေချာပြန်သုံးပါမယ်ရှင်

⭐️Oxford Social Studies
⭐️Oxford History

သင်ရိုးမှာဘာတွေပါလဲဆိုတာ နောက်ရက်သေချာရှင်းပြပေးပါမယ်

Page ကိုစောင့်ကြည့်ပေးပါဦးရှင်✨✨✨✨✨✨

04/05/2024

အတန်းရဲ့ နောက်ဆုံးနေ့လေး သူတို့ကိုယ့်အတွက်လုပ်ပေးတဲ့အမှတ်တရ 💜

History ဟာကိုယ်သင်ရင် ပိုစိတ်ဝင်စရာကောင်းလို့
History ကို ပိုချစ်လာတယ်ဆိုလို့ ကျေးဇူးပါ ကလေးတို့ရေ. 😊

# # # back song က favourite song
ဖြစ်တဲ့ Talyor ရဲ့ cruel summer
ကိုမှတ်ထားပြီး ဖွငိ့ပေးသေးတာနော် 😇😇😇

19/04/2024

"ငွေရေးကြေးရေးအရ လွတ်လပ်မှုရှိဖို့က
အဓိကအချက်ပါ။ အမျိုးသမီးတစ်ယောက်ဟာ ငွေရေးကြေးရေးအရ အမှီအခိုကင်းရင်
သူ့ဘာသာသူ ဘဝကို ဖြတ်သန်းနိုင်စွမ်း
ရှိတယ်လို့ အမေ အမြဲပြောလေ့ရှိပါတယ်။
ဒါကကျွန်မ ရဖူးသမျှထဲမှာ အမှန်ကန်ဆုံး
အကြံဉာဏ်ဖြစ်မယ်လို့ ထင်ပါတယ်။ ဘဝမှာ ဘယ်ကိုသွားနေပါစေ ဘယ်သူနဲ့လက်ထပ်ရပါစေ၊ သုံးသည်ဖြစ်စေ မသုံးစွဲသည်ဖြစ်စေ ငွေရေးကြေးရေးအရ အမှီအခိုကင်းရပါမယ်"

"ပညာရေးက ကျွန်မအတွက် အမြဲတမ်း
အရေးကြီးတယ်။ ဆိုလိုတာက
ပညာတတ်ရင် တခြားသူအပေါ်
မှီခိုနေစရာ မလိုပါဘူး"

ဒီစကားတွေက အမျိုးသမီးတွေထဲ စံပြတစ်ယောက်ဖြစ်တဲ့ Priyanka Chopra. ပြောခဲ့တဲ့မှတ်သားဖွယ်ရာစကားတွေပဲဖြစ်ပါတယ်

အခုတလောအတန်းသူလေးတွေကို ပြောပြဖြစ်နေတဲ့စကားလေးတွေမလို့ အမှတ်တရတင်ထားတာဖြစ်ပါတယ်ရှင်. ☺

18/03/2024

ကျွန်မသင်ရတဲ့ အငယ်ဆုံးတန်း က
ကလေးလေးတွေ......💓💓💓💓

☺.. Homework ပေးထားတာတွေမမှတ်မိရင် တဂျီဂျီမေးတယ်
☺အတန်းပိတ်ရင် ဘာလို့ပိတ်တာလဲ တဂျီဂျီမေးတယ်
☺ကျွန်မအကြောင်းသိချင်တာရှိရင်လဲ ​တဂျီဂျီမေးတယ်
☺အိမ်စာတွေ လုပ်ပြီးရင်လဲ သူတို့လုပ်ထားတာ လှမလှကို တဂျီဂျီမေးတယ်

မိဘတွေက အားနာတဲ့အကြောင်းဖုန်းဆက်ပြောကြတယ်

ကျွန်မအတွက်ကတော့ စိတ်ညစ်စရာလို့မတွေးမိသလို ..စိတ်ရှုပ်စရာလို့လဲ တစ်ခါမှမတွေးမိဘူး

သူတို့ mes လေးတွေက ကိုယ့်အတွက်တော့ ပြုံးချင်စရာပါ...☺☺☺

ဘာလို့လဲဆို ဒီအရွယ် ကလေးငယ်တွေဟာ ဒီလိုပြုမူ တတ်ကြလို့ပါပဲ....

🤗မလုပ်နဲ့နော်လို့ မဟန့်တားခဲ့သလို မေးသမျှလဲ အကုန်စိတ်လိုလက်ရဖြေပေးခဲ့တာချည်းပဲ...

😔သူတို့လေးတွေအခုအရွယ်ကနေဒီထက်အသက်လေးတစ်နှစ်လောက် ကြီးသွားရင်တောင် သူတို့ ကို
အခုလို mes ပို့ပါဦး မေးပါဦးဆိုရင်တောင် ပြောကြတော့မှာမဟုတ်ဘူး.........
ဒီအရွယ်ဒီအသိနဲ့ မေးချင်တာ ဆရာမအပေါ် ဂျီကျချင်တာဟာ ပုံမှန်ပါပဲ မေမေတို့ရေ 💞💞💞💞

ချစ်ခြင်းများစွာဖြင့်

17/03/2024

နိုင်ငံမှားပြီး မွေးလာတယ် လို့ ဘယ်တော့မှမတွေးဘူး

နိုင်ငံတခုကို ပြန်လည်တည်ဆောက်ဖို့
အနာဂတ်ပေါင်းများစွာကို ကယ်တင်ဖို့
ရွေးချယ်ခံထားရတဲ့ (Chosen ones) သူတွေထဲက
တယောက်လို့ပဲယူဆတယ်

ကဲ ဘယ်လောက်တောင် ငါတို့ဟာ ကြီးမြတ်ကြသလဲ
❣❣❣❣

ဒီအပေါ်က စာလေးကို Dr Nyein က တင်ထားတာပါ ။သူကအယူတစ်မျိုးကို ဆိုလိုချင်ပေမယ့် ကျွန်မ တို့အတွက်ကတော့ တစ်ခါတစ်ရံ ကျွန်မ သင်ခန်းစာတစ်ခုသင်လို့ ကိုယ်ရည်ရွယ်ထားတဲ့ ရည်ရွယ်ချက်ပေါက်မြောက်အောင်သင်နိုင်ရင်ကျွန်မစိတ်ကြီးဝင်တယ်ရှင် 💓💓💓 ကျွန်မလဲ အဲလိုတွေးမိတယ် လို့ ပြောချင်တာပါ။

12/03/2024

ဒါလေးက ဆယ်ကျော်သက် သားသားမီးမီးတို့မေမေတွေ ဖတ်ဖို့ပါရှင်.

ဆယ်​ကျော်သက်နဲ့ ​ပေါင်းသင်းဆက်ဆံ​ရေး စွမ်းရည်

​မေ​မေတစ်​ယောက်အ​နေနဲ့ ဆယ်​ကျော်သက် သမီး​လေးကို
ဖြည့်ဆည်း​ပေးချင်တဲ့ စွမ်းရည်​တွေထဲမှာ social skills ​တွေလည်း ပါဝင်ပါတယ်။
ဘက်စုံထူးချွန်တဲ့ လူငယ်​လေး ဖြစ်လာဖို့ ​မေ​မေတို့ အစွမ်းကုန် ပံ့ပိုး​ပေး​လေ့ရှိတဲ့ အားကစား၊ ဂီတ၊ ပန်းချီ၊ ဘာသာစကား စတဲ့ ပညာရပ်​တွေလိုပဲ ​ပေါင်းသင်းဆက်ဆံ​ရေးကလည်း မဖြစ်မ​နေ ​လေ့ကျင့်သင်ကြားပေးသင့်တဲ့ ​သင်ခန်းစာ တစ်ခုပါ။
ဘယ်​​​​နေရာမှာပဲ ​နေ​နေ၊ ဘာအလုပ်ပဲ လုပ်လုပ်၊ ဘယ်​လောက်ပဲ ​တော်​တော် လူ​တွေနဲ့ မ​ပေါင်းဘဲ ​နေလို့မရပါဘူး။
မိတ်​ဆွေ​ပေါပြီး လူချစ်လူခင် များတာဟာ အားကျစရာ​ကောင်းတဲ့ အရည်အချင်းတစ်ရပ်ပါပဲ။
မိဘ​တွေနဲ့ ခွဲပြီး အ​ဝေးကို လွှတ်လိုက်ရတဲ့ တစ်​နေ့မှာ ​ပေါင်းသင်းဆက်ဆံ​ရေး မ​ကောင်းရင်၊ လူ​တွေနဲ့ အဆင်​ပြေ​ပြေ မ​နေတတ်ရင် ရင်တမမ စိတ်မချ ဖြစ်​နေရမှာပါ။

အခု​ခေတ် က​လေးအများစုက ဖုန်း​တွေ၊ ကွန်ပျူတာ​တွေကို အ​ဖော်လုပ်ပြီး ကြီးလာကြတာဆို​တော့ ​ပေါင်းသင်းဆက်ဆံ​ရေးမှာ သိသိသာသာ အားနည်းကြပါတယ်။
ဒီကြားထဲ Covid ​ကြောင့် နှစ်နှစ်​လောက် အိမ်တွင်း​အောင်း​နေရတဲ့အခါ သူစိမ်း​တွေနဲ့ မ​ပေါင်းတတ်၊ မခင်တတ်၊ ခပ်စိမ်းစိမ်း​နေတတ်တဲ့ က​လေး​လေး​တွေ ဖြစ်လာကြပါတယ်။
မျက်နှာချင်းဆိုင် စကား​ပြောရတာထက် လိုင်း​ပေါ်မှာ စကား​ပြောရတာကို အားသန်ကြပါတယ်။

ဆယ်​ကျော်သက် အရွယ် ​ရောက်လာပြီ ဆိုရင် ​ပေါင်းသင်းဆက်ဆံ​ရေး ကွန်ယက်က ငယ်ငယ်တုန်းကထက် ပိုပြီး ကျယ်ပြန့်လာဖို့ လိုပါတယ်။
အ​ခြေခံ လူမှု​ရေး ကျင့်ဝတ်​တွေကို စပြီး ​လေ့လာ သင်ယူရ​တော့မှာပါ။
လူကြီး​တွေရဲ့ ကမ္ဘာမှာ လိုက်​လျောညီ​ထွေ ​နေတတ်​အောင် ပြင်ဆင်ရတဲ့ သ​ဘောပါပဲ။

ဆယ်​ကျော်သက်အရွယ်မှာ က​လေးတုန်းကထက် ပိုပြီး
🟨 ယဥ်​ကျေးလာရမယ်
🟨 ကြင်နာတတ်ရမယ်
🟨 စာနာတတ်ရမယ်
🟨 ကူညီမျှ​ဝေတတ်ရမယ်
🟨 တစ်ဖက်သားကို ​လေးစားရမယ်
🟨 အလှည့်​ပေးတတ်ရမယ်
🟨 မတူကွဲပြားမှု​တွေကို နားလည်​ပေးနိုင်ရမယ်
🟨 အနိုင်အရှူံးကို တည်တည်ငြိမ်ငြိမ် ရင်ဆိုင်လက်ခံနိုင်ရမယ်
🟨 ပြဿနာ​တွေကို ​ပြေ​ပြေလည်လည် ​ဖြေရှင်းတတ်ရမယ်။

က​လေးတုန်းက အကျင့်​တွေ ဖြစ်တဲ့
✖️ စွာတာ
✖️ တစ်ကိုယ်​ကောင်းဆန်တာ
✖️ ဆရာလုပ်တာ
✖️ ကြွားတာ
✖️ စိတ်​ကောက်တာ
✖️ အနိုင်လိုချင်တာ​တွေကို တဖြည်းဖြည်း ​ပြင်သွားရမှာပါ။

ဆယ်​ကျော်သက် အရွယ်ရဲ့ သဘာဝ
⚠️ စိတ်ထိခိုက်ခံစားလွယ်တာ
⚠️ အစွဲအလမ်းကြီးတာ
⚠️ ပိုင်ဆိုင်လိုစိတ်များတာ
⚠️ အလိုက်မသိတာ
⚠️ မပွင့်လင်းတာ
⚠️ ရှက်တတ်တာ
⚠️ သိမ်ငယ်စိတ် ဝင်လွယ်တာ
⚠️ စူပုပ်ပုပ်​နေတတ်တာ
⚠️ စိတ်အ​ပြောင်းအလဲ မြန်တာ
တွေကလည်း အချင်းချင်း မိတ်​ဆွေ ဖြစ်ဖို့ အဟန့်အတား​တွေ ဖြစ်​နေတတ်ပါတယ်။

➡️ က​လေးကို သက်တူရွယ်တူ​တွေနဲ့ အထိအ​တွေ့ပြန်များလာ​အောင် အခွင့်အလမ်း​တွေ ဖန်တီး​ပေးရပါမယ်။
➡️ ( ဖြစ်နိုင်ရင် ) Online class ​တွေ သင်တန်း​တွေထက် physical class ​တွေကို ​ရွေးသင့်ပါတယ်။
➡️ ​ကျောင်းမှာ၊ ရပ်ကွက်ထဲမှာ ဝါသနာပါတဲ့ အသင်းအဖွဲ့​တွေ၊ social activities ​တွေမှာ ပါဝင်ခိုင်းပါ။
➡️ အသင်းအဖွဲ့နဲ့ လုပ်ရတဲ့ အားကစားမျိုးကို အား​ပေးပါ။
➡️ သူငယ်ချင်း​တွေ အိမ်ကို အလည်​ခေါ်​တာမျိုး၊ သူငယ်ချင်းအိမ်ကို သွားလည်တာမျိုး၊ သူငယ်ချင်း​တွေနဲ့ ခရီးတို ထွက်တာမျိုး​တွေကို ခွင့်ပြု​ပေးပါ။

မိတ်​ဆွေများများရှိဖို့ လိုသလို မိတ်​ဆွေ​ကောင်း ရဖို့ကလည်း အ​ရေးကြီးပါ​သေးတယ်။
ပျော်ရွှင်တက်ကြွ​နေတဲ့ ဆယ်​ကျော်သက်​လေး ဖြစ်လာဖို့ ပတ်ဝန်းကျင်​ကောင်း လိုပါတယ်။
အချင်းချင်း အ​ကောင်းမြင်​ပေး၊ ​ဖေးမဂရုစိုက်​ပေးပြီး မနာလိုစိတ် ကင်း​ဝေးတဲ့ အသိုင်းအဝိုင်း​လေးမှာ ​နေထိုင်ခွင့်ရရင် က​လေး​ရော မိဘပါ စိတ်ချမ်းသာရပါတယ်။

မ​ကောင်းတဲ့ ပတ်ဝန်းကျင်ကို​ရောက်ပြီး
အပြိုင်အဆိုင်များလွန်းတဲ့ သူ​တွေ
body shaming လုပ်တတ်သူ​တွေ
အနိုင်ကျင့်တတ်သူ​တွေ
အပြစ်တင်၊ အပြစ်လွှဲချတတ်သူ​တွေနဲ့ ကြုံရရင် က​လေးမှာ နိစ္စဓူဝ စိတ်ဆင်းရဲ​ရပါတယ်။
ဖယ်ကြဥ်ထားတာ၊ ​​လှောင်​ပြောင်တာ၊ အတင်း​ပြောတာ၊
ခွဲခြားဆက်ဆံခံရတာ​​​တွေကြောင့် ကိုယ့်ကိုယ်ကိုယ် ယုံကြည်မှု​တွေ ကျဆင်းပြီး စိတ်ကျန်းမာ​ရေး ထိခိုက်တဲ့အထိ ဒုက္ခ​ဖြစ်နိုင်ပါတယ်။

မ​ကောင်းတာ လုပ်တတ်တဲ့ သူငယ်ချင်း​တွေ​ကြောင့် မ​ကောင်းမှု​တွေ အတူတူ လုပ်ဖြစ်သွားတာမျိုးလည်း ရှိပါတယ်။
မကောင်းတဲ့ အကျင့်​တွေက ပိုပြီးကူးလွယ်တဲ့အတွက် peer pressure ကို မကျော်လွှားနိုင်ရင် အန္တရာယ် ကြီးပါတယ်။
ဘယ်သူ​တွေနဲ့ ​ပေါင်း​နေလဲ ဆိုတာ မိဘက မျက်​ခြေမပြတ် ​သိ​နေဖို့ လိုပါတယ်။ သူငယ်ချင်း​တွေရဲ့ မိဘ​တွေနဲ့ပါ ခင်ခင်မင်မင်ရှိထားရင် ပို​ကောင်းပါတယ်။
မကောင်းတာလုပ်ဖြစ်​အောင် တိုက်တွန်းတဲ့ ပတ်ဝန်းကျင်မျိုး၊ ကိုယ့်အ​ပေါ် မ​ကောင်းတဲ့ ပတ်ဝန်းကျင်မျိုးဆို အချိန်မဆွဲဘဲ ရုန်းထွက်နိုင်ရပါမယ်။

သူငယ်ချင်း​တွေ တိုးပြီး အ​ပေါင်းအသင်း​တွေ စုံလာတဲ့အခါ
ပြသနာ​တွေ များလာတာလည်း ထုံးစံပါပဲ။
လူကြီးပုံဖမ်းပြီး သန်မာချင်​ယောင် ​ဆောင်​နေကြ​​ပေမဲ့ သူငယ်ချင်း​တွေနဲ့ ပတ်သက်လာရင် ခံနိုင်ရည် နည်းကြပါတယ်။
ငယ်ငယ်ထဲက က​လေး​ပြောတာ​တွေ အချိန်​ပေးပြီး နား​ထောင်ခဲ့ရင်၊ စိတ်လုံခြုံမှု​တွေ၊ ယုံကြည်မှု​တွေ တည်​ဆောက်ခဲ့ရင်​တော့ က​လေးက သူငယ်ချင်း​ပြဿနာ​တွေ ​မေ​မေ့ဆီ ရင်ဖွင့်လာဦးမှာပါ။ ဂရုတစိုက် နား​ထောင်​ပေးပြီး သူကိုယ်တိုင် ​ကိုင်တွယ်ဖြေရှင်းနိုင်အောင် ကူညီ​ပေးရမှာပါ။ ​မေ​မေက တည်တည်ငြိမ်ငြိမ်နဲ့ ​ဒေါသမကြီးဖို့​ အ​ရေးကြီးပါတယ်။

လူချစ်လူခင်များလို့ ကိုယ့်ကိုယ်ကိုယ် အ​ကောင်းမြင်ပြီး စိတ်​ကျေနပ်မှု ရတဲ့အခါ​တွေ ရှိသလို သူငယ်ချင်း​တွေ​ကြောင့်ပဲ ဝမ်းနည်းအားငယ် စိတ်အလိုမကျ ဖြစ်ရတဲ့ အခိုက်အတန့်​တွေလည်း ရှိပါတယ်။
သူငယ်ချင်းဆိုတာကလည်း အများကြီး ​ပေါင်းကြည့်ပြီးမှ ဘယ်သူက ကိုယ့်အ​ပေါ်​ကောင်းတယ်၊ ဘယ်သူက အန္တရာယ် ​ပေးနိုင်တယ်၊ ဘယ်သူ့ကို ဘယ်လို​​ကိုင်တွယ်​ရမယ်၊ peer pressure ကို ဘယ်လို ​ကျော်လွှားရမယ် ဆိုတာမျိုး​တွေ သိလာတာပါ။ အ​တွေ့အကြုံ​တွေ အများကြီးလိုပါတယ်။
​နေ့စဥ် ကြုံရတဲ့ ပေါင်းသင်းဆက်ဆံ​ရေး ပြဿနာ​လေးတွေကပဲ က​လေး​ကို ရင့်ကျက်တဲ့ လူငယ်​လေးဖြစ်လာ​အောင် ​လေ့ကျင့်​ပေးသွားမှာပါ။

​ဒေါက်တာ ​မေမွန်
၁၁ မတ် ၂၀၂၄

[ သမီးအတွက် ​လေ့လာရင်း ​ရေးဖြစ်တဲ့ စာ​လေးပါ။
လူချစ်လူခင်များတဲ့ ဆယ်​ကျော်သက်​လေး ဖြစ်လာဖို့ ​မေ​မေက ဘယ်လို ​လေ့ကျင့်​ပေးနိုင်သလဲ ဆိုတာ မနက်ဖြန် ဆက်​တင်​ပေးပါမယ်။ ]

12/03/2024

ကျွန်မကလေးတွေ နားလည်နိုင်တဲ့အရွယ်ရောက်လာတဲ့အခါ Taylar ရဲ့မိန့်ခွန်းတစ်ချို့ ထည့်ပြောဖို့
စဥ်းစားထားတယ်....

''''''ကျွန်မတို့ဘဝမှာ အားလုံးကိုသယ်ဆောင်သွားလို့မရဘူး ေလးလံလာတဲ့အခါ ဘယ်အရာတွေကို ကျွန်မတို့နဲ့အတူတူသယ်ဆောင်သွားရမယ်...
ဘယ်အရာတွေကိုတော့ ထားပစ်ခဲ့ရမယ်ဆိုတာ ဆုံးဖြတ်နိုင်ဖို့လိုအပ်တယ် ''''''' ဆိုတာလေး

ကျွန်မတို့ အားလုံးကို တဂါယ်ပဲ သယ်ဆောင်မသွားနိုင်ဘူးမဟုတ်လား

💘တစ်ချို့သူတွေကတော့ပက်သက်ရတာပင်ပန်းလို့ လမ်းခုလတ်မှာတင် ဆက်ဆံရေးတွေရပ်တန့်ပစ်ခဲ့ရတယ်

💘တစ်ချို့သူတွေကတော့ သူတို့အနားမှာနေရတာသဘောကျလို့ ဘဝတစ်လျောက်လုံးမိတ်ဆွေသူငယ်ချင်း အဖြစ်အတူခေါ်ဆောင်သွားတယ်

💘တစ်ချို့သူတွေကျတော့ ကိုယ်က ဘယ်လောက်အနားမှာရှိနေစေချင်ပေမယ့် ကိုယ့်ကို ထားရစ်ခဲ့ကြတယ်....

ကျွန်မတို့လူသားတွေဖြစ်လို့ ထားရစ်ခဲ့မယ့်သူနဲ့
ခေါ်သွားမယ့်သူ ဆုံးဖြတ်ချက် မှားမိတာမျိုးလဲ​ြကံုကောင်းကြုံနိုင်ပါတယ်.... အဲဒီအခါကျတော့လဲခံနိုင်ရည်ရှိစေချင်တယ် ။

ကျွန်မတို့အမှားတွေလဲမကင်းနိုင်ပြန်ဘူးလေ

20/01/2024

ပြိုင်ပွဲတစ်ခုကနေပြောပြတဲ့ Respect အကြောင်း

ကျွန်မတို့အိမ်ဟာ အကပြိုင်ပွဲတွေ အတော်ကြည့်တဲ့အိမ်လို့ဆိုနိုင်ပါတယ် အမေက မြန်မာအကတွေသဘောကျပြီး ကျွန်မညီမလေးက အခုခေတ်အကပြိုင်ပွဲတွေ သဘောကျလို့်ပါပဲ .....☺☺☺

ညီမလေးကြည့်တဲ့ အကပြိုင်ပွဲ နေ့ဆို အိမ်ကအမေအပြင် အဖေပါလိုက်ကြည့်တော့ ကိုယ်ပါသတိထားမိလာတယ် .....☺☺☺☺

တစ်ခါ တစ်ခါဆို ''ဟာ... မိုက်တယ်ကွာ. ''ဆိုတာတွေတောင်ပါလာသေးတယ် အဲလိုနဲ့ ကိုယ်ပါ ကြည့်ဖြစ်လာတယ်ပေါ့........ 😊

Street Dance of China ဆိုတဲ့ အစီစဥ်လေးပါပဲ
ဒါကို ခုခေတ်လူငယ်တော်တော်များများလဲ သိကြမယ်ထင်ပါတယ်........

ပြိုင်ပွဲမှာ တဂါယ်အရည်ချင်းရှိသူတွေပဲ လာပြိုင်ကြသလို တဂါယ်အရည်ချင်းရှိမှသာ တစ်ဆင့်ပြီးတစ်ဆင့် တက်သွားနိုင်မှာဖြစ်ပါတယ်

😊😊တဂါယ်အကပညာကိုထဲထဲဝင်ဝင် တတ်မြောက်သူတွေ
😊😊အနှစ်နှစ်အလလ. လေ့ကျင့်ထားကြသူတွေ
😊😊အကပညာကို တဂါယ်ရူးသွပ်ကြသူတွေ
😊😊တဂါယ် သက်လုံကောင်းအောင်ကျငိ့ထားသူတွေ သာလာပြိုင်ကြတယ်ဆိုတာ ကျွန်မလို အကအကြောင်းမသိတဲ့သူတောင်.. ''သြော် ဒီလိုဖြစ်လာဖို့တော်တော် အချိန်ပေး လေ့ကျင့်ထားကြတာပဲ'' ဆိုတာ သိစေမြင်စေပါတယ် .......အောင်မြင်မှု ဆိုတာ အလကားမရဘူး ဆိုတာ အဲဒီပြိုင်ပွဲကြည့်ရင် ပိုသိလာပါလိမ့်မယ်.......

ကျွန်မပြောချင်တဲ့ အပိုင်းလေးရောက်လာပါပြီ.....

ပြိုင်ပွဲ ရဲ့ plan အရ တစ်ပဲွဲပြီးရင်တစ်ယောက်ပြုတ်ပြီးနောက်ဆုံး final မှာ ကျန်တဲ့တစ်ယောက်က winner. ဖြစ်လာမှာဖြစ်ပါတယ်.....

ပြိုင်ပွဲကိုကြည့်ရင်း သိလာတာက လာပြိုင်ကြတဲ့သူတွေဟာ ဝမ်းစာ ပြည့်ပြီးသားလူတွေ ချည်းမို့ တစ်ယောက်နဲ့ တစ်ယောက် Support အပြည့်အဝ ပေးကြပြီး

ရှုံးသွားတဲ့အခါ လဲစိတ်ရင်းနဲ့ အမှန်တဂါယ်နှစ်သိမ့်ပေးကြတယ်

😊😊လိမ်လို့မရတဲ့အထဲမှာစိတ်ခံစားချက်တွေကအဓိကပဲ မဟုတ်လား

သူတို့ရဲ့ အရည်အချင်းတွေကိုလေးစားရသလို တစ်ဦးနဲ့ တစ်ဦး respect ထားတာမြင်ရတာဟာလဲ
တဂါယ်ကိုဂုဏ်ယူစရာ စိတ်ဓာတ်ပိုင်ရှင်တွေပါပဲ...

ဘာဖြစ်လို့လဲ ဆို အခုလိုနေရာရောက်လာဖို့ ဘယ်လောက်ကြိုးစားခဲ့ရတယ် အချိန်တွေဘယ်လောက်ကုန်ခဲ့တယ်... ဘာတွေပေးဆပ်ခဲ့ရတယ်ဆိုတာ တခြားသူတွေထက်သူတို့က ပိုသိကြလို့ပါပဲ...

ကိုယ့်အတွက်သတ်မှတ်ထားတဲ့နေရာတစ်ခုဟာ သူများကို တွန်းတိုက်ပြီးမှ ရတာဟာနေရာမှန်မဟုတ်ပါဘူးဆိုတာ......ကောင်းကောင်းသိကြတဲ့သူတွေပါပဲ ။

ကျွန်မတို့တွေအတုယူသင့်တဲ့စိတ်ထားလေးတွေရှိကြတဲ့သူတွေပါပဲ။

ကြားဖူးတဲ့စကားလေးတွေရှိတယ်

''မပြည့်တဲ့အိုး ဘောင်ဘင်ခတ်တယ်'''

''အကြွေစေ့တွေက အသံပိုကျယ်ပါတယ်''

တဲ့ ကျွန်မတို့ရော

⭐ သူများကို တွန်းတိုက်နေတုန်းလား

⭐သူများနေရာရမှာစိုးတဲ့စိတ်နဲ့ပူပန်နေရတုန်းပဲလား

ဒါဆိုသေချာတယ် သင်ဟာ အကြွေစေ့လေးဖြစ်နေတုန်းပဲ မပြည့်တဲ့အိုးလေးဖြစ်နေတုန်းပဲ ဆိုတာသတိရပါ.......☺

15/01/2024

💖💖💖

15/01/2024

မပြောပြခဲ့ဖူးတဲ့ Disney ပုံပြင်တွေ 💃💃💃💃

ဟိုတစ်နေ့က စာအုပ်ဝင်ဝယ်တော့ ...Princess ပုံလှလှ လေးတွေ ရွေးနေတဲ့ ၅ နှစ်အရွယ်
ကလေးလေးကို သမီးဒီပုံလေးတွေကြိုက်လို့လားလို့မေးမိတော့ ကလေးလေးမေမေက အိမ်မှာလဲ Princess ကားတွေပဲပြတယ်သူကလဲ ဒါပဲကြည့်တယ်တဲ့💞
...💃💃💃ကျွန်မတို့ မ ိန်းကလေးအများစုဟာ
ဒီလိုဇာတ်လမ်းလေးတွေသိပ်ကြိုက်တာပေါ့☺☺

ဒါပေမယ့် ငယ်ငယ်တုန်းကတော့ Princess လေးတွေကို လှလို့ကြည့်တယ်ပေါ့ ကြီးလာလို့ အသိဉာဏ်တစ်ခုရှိလာပြီ တွေးတတ်လာတဲ့အခါ
Princess လေးတွေကို အားကျနေလို့မရဘူး ဆိုတာ လေးထည့်ပြောစေချင်ပါတယ်....... 😊

ဘာဖြစ်လို့လဲ ဆိုတော့ .
💠..အန္တရာယ် တွေကြုံလာရင် ကိုယ်တိုင်မဖြေရှင်းပဲ ဖြေရှင်းပေးမယ့်သူ စောင့်မျှော်နေမှာဆိုးလို့

💠 မာယာများတဲ့လောကကြီးမှာ လူကဲမခတ်ပဲ တွေ့ရာလူအပေါ် စိတ်သဘောထားတွေ အရမ်းကောင်းပေးရင် ငါကံကောင်းလာမယ်လို့ ထင်မိမှာ ဆိုးလို့

လောကကြီးမှာ ကျွန်မတို့ အန္တရာယ်တွေ အခက်ခဲ တွေ ကြုံလာတဲ့ အခါ ကိုယ်တိုင်ဖြေရှင်းမှ ရပါမယ်
ဒါဟာ အမှန်တရာ း လက်ခံဖို့ လိုပါတယ်

ကိုယ့်ဘေးနားမှာ ကိုယ့်အပေါ် စစ်မှန်တဲ့ လူတွေကို ကောင်းပေးရင် ရပါပြီ လူတိုင်းအပေါ် တော့ကောင်းပေးစရာမလိုဘူးမလား.....

တစ်ခါတစ်ရံ ကိုယ့်အပေါ်ကောင်းပါတယ်လို့ ထင်တဲ့သူတွေအပေါ် အမှန်တဂါယ်ယုံကြည်မိလို့ ကိုယ်ထင်သလိုမဟုတ်တဲ့အခါ
ကျွန်မတို့ ........စိတ်ဒဏ်ရာတွေရကြပါတယ်

💪💪
တစ်ချို့အချိန်တွေမှာ ကျွန်မတို့ fight လုပ်ရတဲ့ အချိန်တွေရှိမယ်

💪💪
တစ်ချို့အချိန်တွေမှာ ပြင်းပြင်းထန်ထန် ကြိုးစား
မှရမယ့် အပိုင်းတွေရှိမယ်

💪💪
တစ်ချို့ အချိန်တွေမှာ ပြိုလဲစရာတွေနဲ့ ကြုံတဲ့အခါ
ဘယ်သူ့အကူအညီမှမပါပဲ ကိုယ်တိုင်ပြန်ထနိုင်ရမယ်

😊ကျွန်မစာသင်သက် တစ်လျောက်လုံးတော့
ဒီလိုမျိုးပုံပြင်လေးတွေ မပြောပြမိသလောက်ပါပဲ...

☺☺ဘာလို့လဲ ဆိုကျွန်မတို့ အခက်ခဲကို ဘယ်မင်းသားလေးကမှ လာဖြေရှင်းပေးမှာ မဟုတ်လို့ပါပဲ...
ထိုက်သင့်တဲ့ အောင်မြင်မှု တွေရဖို့ ကိုယ့်ကိုယ်တိုင်ကြိုးစားရမယ်

ဘယ်လိုပြသနာမျိုးကိုမဆို ​ဖြေရှင်းနိုင်တဲ့အင်အားတွေ ခုအရွယ်ကတည်းကထည့်ပေးပြီး
..ဒါဟာပုံပြင်သက်သက်ပဲ ဆိုတာ
သူတို့​လေးတွေကို သိစေချင်ယုံပါ....

(ဒီစာလေးတွေဟာTeacher Wendy Page အပိုင်ဖြစ်ပြီး Share လိုရပါတယ် .ကူးယူဖော်ပြခြင်းသည်းခံပါရှင်)


# Teacher Wendy