Straight Forward Language Academy

ကျွန်တော်တို့တွေဟာ Facebook, TikTok, Instagram ကြည့်ရင်း အချိန်ကုန်တတ်ကြပါတယ်။ အဲဒီအချိန်တွေကို အကျိုးရှိအောင် သုံးကြည့်ရအောင် 💯

English Creators တွေကို Follow လုပ်ပါ 🎭

ဟာသလုပ်တဲ့သူဖြစ်ဖြစ်၊ အစားအသောက်ပြတဲ့သူဖြစ်ဖြစ် နိုင်ငံခြားသား Content Creator တွေကို Follow လုပ်ထားရင် သူတို့ပြောတဲ့ အသုံးအနှုန်းတွေကို အမှတ်မထင်ဘဲ ကြားနေရပါလိမ့်မယ်။

၂။ Thinking in English (အင်္ဂလိပ်လို တွေးကြည့်ပါ) 💬

ဒါက ဘယ်သူ့ကိုမှ ပြောပြနေစရာမလိုတဲ့ ကိုယ်ပိုင်လေ့ကျင့်ခန်းတစ်ခုဖြစ်ပါတယ်နော်။

🔸မနက်အိပ်ရာထရင်
I need to brush my teeth.
(ငါ သွားတိုက်ဖို့ လိုပြီ)

🔸လမ်းလျှောက်နေရင်း မြင်ရတာတွေကို
That's a beautiful flower.
(ဒီပန်းလေး လှလိုက်တာ)

စိတ်ထဲကနေ မြန်မာလို မတွေးဘဲ အင်္ဂလိပ်လို တွေးကြည့်တဲ့အကျင့်က စကားပြောတဲ့အခါ တုံ့ဆိုင်းမနေတော့ဘဲ လျင်မြန်လာစေပါတယ်။

၃။ ကိုယ့်ကိုယ်ကိုယ် Reviewer လုပ်ပါ 💁

ကိုယ်စားတဲ့ မုန့်၊ ကိုယ်သုံးတဲ့ ဖုန်း ဒါမှမဟုတ် ကိုယ်ကြည့်တဲ့ ရုပ်ရှင်အကြောင်းကို Review ပေးတဲ့ပုံစံနဲ့ အသံသွင်းကြည့်ပါ။
This coffee is a bit sweet but I like it. စသဖြင့် ၁ မိနစ်စာလောက် ပြောကြည့်ပါ။

၄။ Shadowing နည်းလမ်းကို သုံးပါ 👄

ဒါက ကလေးလေးတွေ စကားစသင်သလိုမျိုး လိုက်ပြောတာပါ။
TED Talk ဒါမှမဟုတ် Podcast တစ်ခုခုကို နားထောင်ရင်း သူတို့ပြောတဲ့ လေယူလေသိမ်း (Intonation) အတိုင်း တစ်ထပ်တည်း လိုက်ပြောကြည့်ပါ။

စာလုံးပေါင်းထက် အသံအတက်အကျနဲ့ ဝါကျဖွဲ့စည်းပုံကို အလိုလို နားယဉ်သွားစေပါတယ်။

၅။ နေ့စဉ်သုံး ပစ္စည်းတွေကို နာမည်ကပ်ပါ (Labeling) 🔖

အိမ်က ပစ္စည်းတွေကို အင်္ဂလိပ်လို ဘယ်လိုခေါ်လဲဆိုတာ သိဖို့ Sticky Notes လေးတွေနဲ့ ကပ်ထားပါ။

ဥပမာ- ရေခဲသေတ္တာပေါ်မှာ Refrigerator၊ မှန်ပေါ်မှာ Mirror စသည်ဖြင့် နေ့တိုင်း မြင်နေရတဲ့အတွက် အလွတ်ကျက်စရာမလိုဘဲ မှတ်မိသွားပါလိမ့်မယ်။

အင်္ဂလိပ်စာဟာ တောင်ကြီးတစ်တောင်လိုမျိုး တစ်ခါတည်း တက်ရသလိုမျိုး မဟုတ်ပါဘူး။ တစ်နေ့ကို စာလုံးအသစ် ၃ လုံး ပဲ သိအောင်လုပ်ပါ။ တစ်နှစ်ဆိုရင် စာလုံးပေါင်း ၁,၀၀၀ ကျော် သိသွားပါလိမ့်မယ်။

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

အလုပ်အင်တာဗျူးမှာ ကိုယ်မသိတဲ့ မေးခွန်းတစ်ခု မေးခံရတဲ့အခါ "I don't know" (ကျွန်တော် မသိဘူး) လို့ တုံးတိကြီး ပြောလိုက်ရင် ကိုယ့်ရဲ့ အရည်အချင်းကို အားနည်းစေသလို ဖြစ်သွားနိုင်ပါတယ်။ အဲ့ဒီအစား အခုလို ယဉ်ယဉ်ကျေးကျေးနဲ့ ပညာသားပါပါ တုံ့ပြန်လို့ ရပါတယ်ဗျာ ✔️

အခြေအနေအလိုက် သုံးလို့ရမယ့် နည်းလမ်းလေးတွေကို ခွဲပြီး ရေးပေးလိုက်ပါတယ်နော်

၁။ အဖြေကို ရှာပေးနိုင်ကြောင်း ပြောချင်ရင် ✨

I don’t have that information right now, but I can find out and get back to you.

(အခုလောလောဆယ် အဖြေမရှိသေးပေမဲ့၊ ကျွန်တော် ရှာဖွေပြီး ပြန်ပြောပေးပါ့မယ်။)

၂။ လေ့လာသင်ယူဖို့ အသင့်ပဲလို့ ပြောချင်ရင် ✨

I haven't worked with that yet, but I'm very eager to learn it.

(အဲ့ဒါနဲ့ ပတ်သက်ပြီး အတွေ့အကြုံ မရှိသေးပေမဲ့၊ သင်ယူဖို့ အရမ်းစိတ်အားထက်သန်ပါတယ်ခင်ဗျ။)

အတိုကောက် မှတ်ထားဖို့ 💡

That’s a great question, let me think for a moment.

(မေးခွန်းကောင်းလေးပါ၊ ခဏလောက် စဉ်းစားပါရစေ။)

I’m not familiar with that, but I’m a quick learner.

(ဒါကို အကျွမ်းတဝင် မရှိပေမဲ့၊ ကျွန်တော်က သင်ယူတာ မြန်ပါတယ်။)

ဒါဆို တိုတိုနဲ့လိုရင်းရောက်မယ့် စကားလုံးအသစ်လေးတွေကို သိသွားပြီဆိုတော့ လက်တွေ့ကျင့်သုံး ကြည့်လိုက်ရအောင်‌နော် 👐

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

အင်္ဂလိပ်စာကို စာအုပ်ကြီးတွေနဲ့ပဲ အချိန်အကြာကြီး လေ့လာရမယ်လို့ တွေးထားရင် ပျင်းစရာကောင်းနေမှာ အမှန်ပါပဲ။ တကယ်တော့ ဘာသာစကားဆိုတာ "သင်ယူရမယ့် ဘာသာရပ်တစ်ခု" ထက် "အသုံးချရမယ့် ဆက်သွယ်ရေးကိရိယာတစ်ခု" ဖြစ်ပါတယ်။

အင်္ဂလိပ်စာ သင်ယူရတာ မပျင်းရအောင် အခုပဲ ပြောင်းလဲလုပ်ဆောင်နိုင်တဲ့ ပျော်စရာနည်းလမ်းကောင်းလေးတွေကို ဝေမျှပေးလိုက်ပါတယ်။

၁။ ရုပ်ရှင်နဲ့ ဇာတ်လမ်းတွဲတွေကို အသုံးချပါ 📽️

ဒါဟာ အထိရောက်ဆုံးနဲ့ အပျော်ဆုံးနည်းလမ်းဖြစ်ပါတယ်။Netflix/YouTubeမှာ ကိုယ်ကြိုက်တဲ့ ဇာတ်လမ်းကို အင်္ဂလိပ်စာတန်းထိုး (English Subtitle) နဲ့ ကြည့်ပါ။

၂။ အသံထွက်အတုယူပါ 🗣️

ဇာတ်ဆောင်တွေ ပြောတဲ့ လေယူလေသိမ်းနဲ့ စကားလုံးတွေကို လိုက်ပြောကြည့်ပါ။သိပြီးသားဇာတ်လမ်းကို ပြန်ကြည့်တာကလည်း ဇာတ်လမ်းကို နားလည်ပြီးသားဖြစ်လို့ ဘာသာပြန်ကို အာရုံစိုက်စရာမလိုဘဲ အင်္ဂလိပ်စကားလုံးတွေကို ပိုသတိထားမိစေပါတယ်။

၃။ သီချင်းနားထောင်ရင်း စာသား (Lyrics) ရှာပါ 🎧

သီချင်းဆိုရတာ ဝါသနာပါရင် သီချင်းတစ်ပုဒ်ကို နားထောင်တဲ့အခါ Lyrics ကို ရှာဖတ်ပါ။စကားလုံးအသစ်တွေကို သီချင်းဆိုရင်း မှတ်မိသွားပါလိမ့်မယ်။သီချင်းထဲက Slang (အသုံးအနှုန်း) လေးတွေကို သိလာရတာက စာအုပ်ထဲကထက် ပိုပြီး စိတ်ဝင်စားဖို့ကောင်းပါတယ်။

၄။ ဝါသနာတူရာကို အင်္ဂလိပ်လို ရှာဖွေပါ 🔎

သင်က ဟင်းချက်ရတာ ဝါသနာပါသလား၊ ဒါမှမဟုတ် နည်းပညာအကြောင်း စိတ်ဝင်စားသလား။ကိုယ်စိတ်ဝင်စားတဲ့ အကြောင်းအရာတွေကို YouTube မှာ အင်္ဂလိပ်လို ရှာကြည့်ပါ။စာဖတ်ရတာ ကြိုက်ရင်လည်း ကိုယ်နှစ်သက်တဲ့အကြောင်းအရာကို အင်္ဂလိပ်လို ရေးထားတဲ့ Blog လေးတွေ ဖတ်ပါ။

၅။ ကိုယ့်ကိုယ်ကိုယ် ပြန်ပြောပါ (Self-Talk) 👁️‍🗨️

ဘယ်သူမှ မရှိတဲ့အချိန်မှာ ကိုယ်လုပ်နေတဲ့ အရာတွေကို အင်္ဂလိပ်လို ရေရွတ်ကြည့်ပါ။

ဥပမာ- I am making coffee now.(ငါ အခု ကော်ဖီဖျော်နေတယ်)။

ဒါက စကားပြောတဲ့အခါ တုံ့ဆိုင်းမနေတော့ဘဲ နှုတ်ကျိုးသွားအောင် ကူညီပေးပါတယ်။

အင်္ဂလိပ်စာဆိုတာ ကျက်ရမယ့် စာပုဒ်တွေမဟုတ်ဘဲ ခံစားကြည့်ရှုရမယ့် အနုပညာတစ်ခုလို သဘောထားကြည့်ပါ။ အခုပဲ ကိုယ်နှစ်သက်တဲ့ နည်းလမ်းတစ်ခုကို ရွေးပြီး စတင်လိုက်ရအောင်။ သင်ယူမှုမှာ ပျော်ရွှင်နိုင်ပါစေနော် ✨

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

Listening စွမ်းရည်ဟာ တစ်ပတ်အတွင်းမှာ ကျွမ်းကျင်သူ။မဖြစ်နိုင်ပေမဲ့ နားရည်ဝသွားအောင် လုပ်လို့ရတဲ့ ထိရောက်တဲ့ နည်းလမ်းတွေရှိပါတယ်။ အခုပြောပြမယ့် "Active Listening Strategy" ကို တစ်နေ့ (၁) နာရီကနေ (၂) နာရီအထိ အချိန်ပေးဖို့ လိုအပ်ပါတယ်နော် 🙋

၁။ Shadowing Technique (အရိပ်လိုလိုက်ပြောခြင်း)

ဒါက Listening ရော Speaking အတွက်အထိရောက်ဆုံးနည်းလမ်းပါ။ ကိုယ်နားထောင်နေတဲ့ Audio (သို့) Video က ပြောသူရဲ့ နောက်ကနေ (၀.၅) စက္ကန့်လောက်ပဲ နောက်ကျပြီး လေယူလေသိမ်း၊ အဖြတ်အတောက်အတိုင်း ထပ်တူလိုက်ပြောပါ။ နားက အသံတွေကို ပိုဖမ်းမိလာပြီး Native Speaker တွေရဲ့ စကားပြောနှုန်းကို အမီလိုက်နိုင်လာပါလိမ့်မယ် 💯

၂။ The 1.25x Speed Hack
နားကို ပိုပြီးအလုပ်လုပ်ခိုင်းတဲ့ နည်းလမ်းပါ။

ကိုယ်နားထောင်နေကျ Podcast ဒါမှမဟုတ် YouTube Video ကို အမြန်နှုန်း 1.25x နဲ့ နားထောင်ပါ။ (၁၅) မိနစ်လောက် အသားကျသွားပြီဆိုမှ Normal Speed (1.0x) ကို ပြန်ပြောင်းလိုက်ပါ။ Normal Speed နဲ့ ပြန်နားထောင်တဲ့အခါ စကားလုံးတွေက ပိုနှေးသွားသလို ခံစားရပြီး တစ်လုံးချင်းစီကို ပိုပြီး ရှင်းရှင်းလင်းလင်း ကြားရပါလိမ့်မယ် 🔊

၃။ Script မပါဘဲ အရင်နားထောင်ပါ
စာတန်းထိုး (Subtitle) ကို အားကိုးလွန်းရင် နားက ပျင်းသွားတတ်ပါတယ်။

အဆင့် (၁): Subtitle ပိတ်ပြီး (၂) မိနစ်စာ Video ကို နားထောင်ပါ။ ဘာတွေပြောသွားလဲ ခန့်မှန်းပါ။

အဆင့် (၂): Subtitle ဖွင့်ပြီး ပြန်ကြည့်ပါ။ ကိုယ်မသိလိုက်တဲ့ စကားလုံးတွေကို မှတ်ပါ။

အဆင့် (၃): Subtitle ပြန်ပိတ်ပြီး နောက်ဆုံးတစ်ခေါက် ပြန်နားထောင်ပါ။ အခုဆိုရင် အကုန်လုံးကို ရှင်းရှင်းလင်းလင်း ကြားနေရပါပြီ 🔇

၄။ "Dead Time" ကို အသုံးချပါ (Passive Immersion)

ဦးနှောက်ကို အင်္ဂလိပ်စာနဲ့ အမြဲထိတွေ့နေအောင် လုပ်ထားခြင်းပါ။

လမ်းလျှောက်နေချိန်၊ ဘတ်စ်ကားစီးနေချိန် ဒါမှမဟုတ် အိမ်အလုပ်လုပ်နေချိန်တွေမှာ နားကြပ်တပ်ပြီး အင်္ဂလိပ် Podcast (သို့) သတင်းတွေကို နောက်ခံအသံ (Background noise) အနေနဲ့ ဖွင့်ထားပါ။စကားလုံးတွေရဲ့ အသံထွက် (Flow) ကို ဦးနှောက်က အလိုအလျောက် မှတ်သားသွားပါလိမ့်မယ် 🧠

၅။ နေ့စဉ် (၁၅) မိနစ် Dictation လုပ်ပါ
ကြားတဲ့အတိုင်း ချရေးတဲ့ နည်းလမ်းပါ။

Video တစ်ခုကို တစ်ကြောင်းချင်းစီ ရပ်ပြီး ကြားလိုက်တဲ့အတိုင်း ချရေးပါ။ ပြီးရင် Script နဲ့ ပြန်တိုက်ပါ။ ကိုယ်က ဘယ်လို အသံတွဲ (Connected Speech) တွေကို နားမလည်တာလဲဆိုတာ အတိအကျ သိနိုင်ပါတယ် 📝

Listening လေ့ကျင့်တဲ့အခါ အစပိုင်းမှာ အကုန်လုံးနားမလည်ရင် စိတ်ဓာတ်မကျပါနဲ့။ နားလည်တာထက် "နားရည်ဝဖို့" က ပိုအရေးကြီးပါတယ်။

သင်ယူမှုတိုင်းမှာ Consistency (မှန်မှန်ကန်ကန်လုပ်ခြင်း) က အဓိကကျတဲ့အတွက် ဒီနည်းလမ်းတွေကို တစ်ပတ်တိတိ ဇွဲရှိရှိ စမ်းကြည့်ပေးပါ။ တစ်ပတ်ပြည့်တဲ့အခါ သိသိသာသာ အပြောင်းအလဲရှိလာမှာ သေချာပါတယ်နော် 🌟

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

အင်္ဂလိပ်စာ လေ့လာတဲ့အခါ "Had had" ကို မြင်ရင် အရေးအသား မှားနေတယ်လို့ ထင်တတ်ကြပါတယ်။ တကယ်တော့ သူက Grammar အရ မှန်ကန်ရုံတင်မကဘဲ အဆင့်မြင့်မြင့် ရေးသားပြောဆိုရာမှာ မရှိမဖြစ် လိုအပ်တာပါ‼️

ဘယ်လိုနေရာမှာ သုံးတာလဲ ❓

အတိတ်က အကြောင်းအရာတစ်ခုကို နောင်တရတာ ဒါမှမဟုတ် နဂိုက မဖြစ်ခဲ့တာကို ဖြစ်ချင်ခဲ့တယ် လို့ ပြောချင်တဲ့အခါ (Past Regret) မှာ သုံးပါတယ်။

ဥပမာ မေးခွန်းလေးတစ်ခု ကြည့်ရအောင် - I wish I __ more time to travel last year.

(A) have (B) had (C) had had ✅ (D) would have

ဘာကြောင့် (C) ဖြစ်ရတာလဲ? ဝါကျထဲမှာ last year (မနှစ်က) ဆိုတဲ့ အတိတ်ကာလ ပါနေလို့ပါ။

🔸ပထမ had က Past Perfect ရဲ့ Formula အရ လာတဲ့ helping verb ဖြစ်ပါတယ်။

🔸ဒုတိယ had ကတော့ ရှိသည်/ပိုင်ဆိုင်သည် (Have) ရဲ့ Verb 3 (Past Participle) ဖြစ်ပါတယ်။

နှိုင်းယှဉ်ကြည့်ရအောင် -

✨ လက်ရှိအတွက် (Present Wish)

I wish I had more money now.
(အခု ငါ့မှာ ပိုက်ဆံပိုရှိရင် ကောင်းမှာပဲ။)

✨ အတိတ်အတွက် (Past Wish/Regret)

I wish I had had more money last year.
(မနှစ်က ငါ့မှာ ပိုက်ဆံပိုရှိခဲ့ရင် ကောင်းမှာပဲ။)

အနှစ်ချုပ်မှတ်ရန်: အတိတ်ကကိစ္စကို "I wish" နဲ့ ပြန်ပြောရင် "had + V3" ကို သုံးရတာမို့လို့ "had had" ဖြစ်လာရတာပါနော်

ဒီ Post လေးက အသုံးဝင်တယ်ဆိုရင် Like & Share လုပ်ထားဖို့ မမေ့နဲ့ဦးနော်! 📌

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

ယနေ့ခေတ်မှာ အင်္ဂလိပ်စာဆိုတာ ဘာသာစကားတစ်ခုထက်ပိုပြီး Global Key လို့ တင်စားလို့ရပါတယ်။ အင်္ဂလိပ်စာ ကျွမ်းကျင်ခြင်းက သင့်ရှေ့က ပိတ်နေတဲ့ တံခါးတွေကို ဘယ်လိုတွန်းဖွင့်ပေးမလဲဆိုတာ အချက် (၄) ချက်နဲ့ ဝေမျှပေးချင်ပါတယ်နော် 💁

၁။ အကန့်အသတ်မဲ့ ဗဟုသုတများဆီသို့ (The Gateway to Information) 💡

အင်တာနက်ပေါ်မှာရှိတဲ့ အချက်အလက် ၅၀% ကျော်ဟာ အင်္ဂလိပ်လို ဖြစ်ပါတယ်။

• ကမ္ဘာကျော် တက္ကသိုလ်တွေရဲ့ Free သင်တန်းတွေ တက်မလား?

• နောက်ဆုံးပေါ် နည်းပညာ သတင်းတွေကို ဖတ်မလား?

• မိမိနှစ်သက်တဲ့ ဘာသာရပ်ကို သုတေသန လုပ်မလား?

အင်္ဂလိပ်စာ တတ်ထားရင် ဘယ်သူ့ဘာသာပြန်ကိုမှ စောင့်နေစရာမလိုဘဲ iInformation Source ကို တိုက်ရိုက် လက်လှမ်းမီသွားမှာ ဖြစ်ပါတယ်နော် 👍

၂။ အဆင့်မြင့် အလုပ်အကိုင်နှင့် ဝင်ငွေ (High-Paying Career Path) 💼

မြန်မာနိုင်ငံမှာတင်မဟုတ်ဘဲ နိုင်ငံတကာ လုပ်ငန်းခွင်တွေမှာ အင်္ဂလိပ်စာက standard တစ်ခု ဖြစ်လာပါပြီ။

✔️ နိုင်ငံတကာ ကုမ္ပဏီကြီးတွေ (MNCs) မှာ အလုပ်ရဖို့။

✔️ Remote Job လုပ်ပြီး ဒေါ်လာနဲ့ ဝင်ငွေရှာဖို့။

✔️ လုပ်ငန်းခွင်မှာ ဆက်သွယ်ပြောဆိုမှု (Communication) ကောင်းမွန်လို့ ရာထူးတိုး မြန်ဆန်ဖို့။

ဒီအချက်တွေအားလုံးအတွက် အင်္ဂလိပ်စာက အဓိက လိုအပ်ချက်ပဲဖြစ်ပါတယ်နော် 🥳

၃။ နိုင်ငံတကာ ပညာသင်ဆုများ (Scholarship Opportunities) 🏆

ကိုယ့်ရဲ့ ပညာရေးကို အဆင့်မြှင့်တင်ဖို့ Fully Funded Scholarships တွေ လျှောက်တော့မယ်ဆိုရင် IELTS သို့မဟုတ် TOEFL ကဲ့သို့ အင်္ဂလိပ်စာ အရည်အချင်းစစ်လက်မှတ်က ပထမဆုံး လိုအပ်တဲ့ လက်မှတ်ပါ။ အင်္ဂလိပ်စာ တတ်ထားရင် ကမ္ဘာ့အဆင့်မီ ပညာရေးကို အခမဲ့ သင်ယူခွင့်ရဖို့ လမ်းစ ပွင့်သွားပါပြီ။

၄။ ယုံကြည်မှုနှင့် Networking (Confidence & Connection) 💪

ဘာသာစကားတစ်ခုကို ကျွမ်းကျင်တာက သင့်ရဲ့ Self-confidence ကို အများကြီး တိုးတက်စေပါတယ်။

🔸နိုင်ငံခြားသားတွေနဲ့ အားမနာတမ်း စကားပြောနိုင်ခြင်း။

🔸နိုင်ငံတကာက ကျွမ်းကျင်ပညာရှင်တွေနဲ့ မိတ်ဆွေဖွဲ့နိုင်ခြင်း (Networking)

ဒီလို လူမှုနယ်ပယ် ကျယ်ပြန့်လာတာနဲ့အမျှ သင့်ဆီကို အခွင့်အလမ်းသစ်တွေ အလိုလို ရောက်လာပါလိမ့်မယ်နော်

အင်္ဂလိပ်စာဟာ လေ့လာရတာ အချိန်ပေးရပေမယ့် တစ်သက်စာအတွက် ပြန်ရမယ့် ရင်းနှီးမြှုပ်နှံမှု ကတော့ တန်ဖိုးဖြတ်လို့ မရပါဘူးနော် 👍

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

ပျော်ရွှင်စရာ (၇၈) နှစ်မြောက် လွတ်လပ်ရေးနေ့တွင် မြန်မာပြည်သူပြည်သားအားလုံး စိတ်ချမ်းသာ၊ ကိုယ်ကျန်းမာဖြင့် လိုအင်ဆန္ဒများ ပြည့်ဝကြပါစေဟု ( Straightforward language Academy ) မိသားစုမှ ဆုမွန်ကောင်းတောင်းအပ်ပါသည် ခင်ဗျာ။

#လွတ်လပ်ရေးနေ့
#မြန်မာ

#မြန်မာလူငယ်တိုင်းအင်္ဂလိပ်စကားပြောတတ်ရမည်

🎭 အင်္ဂလိပ်စာမှာ Idiom တွေက စကားလုံးတွေရဲ့ တိုက်ရိုက်အဓိပ္ပာယ်အတိုင်း မဟုတ်ဘဲ သွယ်ဝိုက်တဲ့ အဓိပ္ပာယ်ရှိပါတယ်။ ဒါဆို သူတို့ ဘယ်ကနေ စတင်ဖြစ်ပေါ်လာသလဲဆိုတာကို တူတူ လေ့လာ ကြည့်ရအောင်။

1️⃣ 𝐁𝐫𝐞𝐚𝐤 𝐚 𝐥𝐞𝐠 🍀

အဓိပ္ပာယ်: Good Luck (ကံကောင်းပါစေ)

နောက်ခံသမိုင်း: ရှေးခေတ် ပြဇာတ်လောက (Theater) ကနေ ဆင်းသက်လာတာပါ။ အနုပညာရှင်တွေကြားမှာ "ကံကောင်းပါစေ" လို့ တိုက်ရိုက်ပြောရင် ပြောင်းပြန်ဖြစ်တတ်ပြီး "ကံဆိုးတတ်တယ်" လို့ အယူအဆရှိခဲ့ကြပါတယ်။ ဒါကြောင့် ကံကောင်းစေချင်တဲ့အခါ ပြောင်းပြန်ဖြစ်အောင် "ခြေထောက်ကျိုးပါစေ" လို့ ဆုတောင်းပေးကြရာကနေ အခုဆိုရင် စင်ပေါ်တက် ဖျော်ဖြေမယ့်သူတွေကို အားပေးတဲ့စကား ဖြစ်လာပါတယ်။

2️⃣ 𝐂𝐫𝐨𝐜𝐨𝐝𝐢𝐥𝐞 𝐭𝐞𝐚𝐫𝐬 🐊

အဓိပ္ပာယ်: False display of grief (ဟန်ဆောင်မျက်ရည် သို့မဟုတ် အတုအယောင် ဝမ်းနည်းမှု)

နောက်ခံသမိုင်း: ရှေးဟောင်းဒဏ္ဍာရီတွေအရ မိကျောင်းတွေဟာ သူတို့ဖမ်းစားမယ့် သားကောင်တွေကို ဆွဲဆောင်ဖို့အတွက် လူငိုသံလိုမျိုး အသံပြုပြီး မျက်ရည်ကျပြလေ့ရှိတယ်လို့ ယုံကြည်ခဲ့ကြပါတယ်။ တကယ်တော့ မိကျောင်းတွေ အစာစားတဲ့အခါ မျက်လုံးနားက ဂလင်း (Glands) တွေ အလုပ်လုပ်ပြီး အရည်ထွက်တာကို လူတွေက ဝမ်းနည်းလို့ ငိုတယ်လို့ ထင်ခဲ့ကြတာပါ။ ဒါကြောင့် ဟန်ဆောင်ငိုတာကို "မိကျောင်းမျက်ရည်" လို့ ခေါ်ကြတာဖြစ်ပါတယ်။

3️⃣ 𝐁𝐮𝐭𝐭𝐞𝐫𝐟𝐥𝐢𝐞𝐬 𝐢𝐧 𝐦𝐲 𝐬𝐭𝐨𝐦𝐚𝐜𝐡 🦋

အဓိပ္ပာယ်: To feel very nervous (အရမ်းရင်ခုန် စိတ်လှုပ်ရှားနေတာ)

နောက်ခံသမိုင်း: ဒါကတော့ သိပ္ပံနည်းကျ အချက်အလက်နဲ့ ဆိုင်ပါတယ်။ လူတွေဟာ စိုးရိမ်စိတ်များတဲ့အခါ ခန္ဓာကိုယ်ထဲက Adrenaline ဓာတ်တွေ ထွက်လာပြီး အစာအိမ်ဆီကို သွေးရောက်တာ နည်းသွားတတ်ပါတယ်။ အဲဒီအခါ အစာအိမ်ထဲမှာ တစ်ခုခု လူးလွန့်နေသလို ခံစားရတာကို လိပ်ပြာလေးတွေ ပျံသန်းနေသလို တင်စားပြီး ၁၉၀၀ ပြည့်နှစ်ဝန်းကျင်က စာရေးဆရာတွေက စတင်သုံးနှုန်းခဲ့ကြတာပါ။

4️⃣ 𝐁𝐮𝐫𝐧 𝐭𝐡𝐞 𝐦𝐢𝐝𝐧𝐢𝐠𝐡𝐭 𝐨𝐢𝐥 🏮

အဓိပ္ပာယ်: To work or study late into the night (ညဉ့်နက်သန်းခေါင်အထိ အလုပ်လုပ်ခြင်း သို့မဟုတ် စာကျက်ခြင်း)

နောက်ခံသမိုင်း: လျှပ်စစ်မီး မပေါ်ခင်ခေတ်က လူတွေဟာ ညဘက် စာဖတ်ချင်ရင် ဒါမှမဟုတ် အလုပ်လုပ်ချင်ရင် ဆီမီးခွက် (Oil Lamps) တွေကို အားကိုးခဲ့ရပါတယ်။ ညဉ့်နက်တဲ့အထိ ဆီမီးခွက်ထဲက ဆီတွေကို လောင်ကျွမ်းစေပြီး အလုပ်လုပ်ရတာကို ရည်ညွှန်းရာကနေ ဒီနေ့ခေတ်အထိ သုံးစွဲနေကြတာ ဖြစ်ပါတယ်။

ဒါကြောင့် Idiom တွေကို အလွတ်ကျက်တာထက် သူတို့ရဲ့ သမိုင်းကြောင်းကို သိထားရင် ပိုမှတ်မိလွယ်သလို သုံးရတာလည်း ပိုပျော်စရာကောင်းတာမို့ ဝေမျှပေးလိုက် ပါတယ်နော်။

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

နှစ်သစ်မှာ စိတ်သစ်လူသစ်နဲ့ ကြိုးစားချင်တဲ့ လူငယ်တွေအတွက် လာမဲ့ 𝗝𝗮𝗻𝘂𝗮𝗿𝘆 လမှာ ကြိုက်နှစ်သက်ရာ Classတွေကိုတက်ရောက်နိုင်ဖို့ SFL ကနေပြီး ဖွင့်လှစ်ပေးလိုက်ပါပြီနော် 🙆

သင်ကြားနိုင်တဲ့ တန်းခွဲတွေကတော့

• Foundation class

• Elementary class

•Pre-intermediate class

• Intermediate class

• Business English Class

• One On One Special Class

• အုပ်စုဖွဲ့သင်ကြားမှု Group Class စတဲ့ လစဉ်တန်းခွဲများကို တက်ရောက်နိုင်ပါပြီ 📝

📍ဒါ့အပြင် အခြေခံအနည်းအငယ်ရှိပြီး Level up လုပ်ချင်သူများအတွက် Daily Use Conversation တွေအပြင် Reading, Writing, Listening, Speaking တွေကိုပါ လေ့လာခွင့်ရပြီး effective ဖြစ်စေမည့် အတန်းလေးတွေလဲပါဝင်ပါတယ်နော်👏🏻

❗ဘယ်လိုလူတွေတက်ရောက်သင့်လဲ?

◾လုပ်ငန်းခွင်အတွက် English စာလိုအပ်နေသူများ

◾နိုင်ငံခြားတွင် ပညာဆက်လက်သင်ယူမည့်သူများ

◾Global Language ဖြစ်တဲ့ English Language ကို Level Upgrade လုပ်ချင်သူများ

◾အချိန်ညှိလို့ရတဲ့အတွက်ကြောင့် အလုပ်တစ်ဖက်နဲ့ အချိန်မပေးနိုင်သူများ

◾အခြေခံကနေစတင်‌လေ့လာလိုသူများ

◾English လိုပြောဖို့ရှက်နေသူများအတွက် Best Choice ဖြစ်စေမှာပါ။

⏳Time – Flexible

📍Location – Tamwe, Yangon.

☎️Contact – 09 794 035 213 / 09 771 230 569

📩စိတ်ဝင်စားတဲ့သူလေးတွေက စာရင်းပေးသွင်းဖို့ Page Messenger ကိုအခုပဲ လှမ်းလာလိုက်တော့နော်😍


#မြန်မာလူငယ်တိုင်းအင်္ဂလိပ်စကားပြောတတ်ရမည်

အေးချမ်းလှတဲ့ ဆောင်းရာသီ နဲ့အတူ Christmas နေ့လေးမှာ မိဘပြည်သူများအားလုံး ပျော်ရွှင်ခြင်းနှင့် ကံကောင်းခြင်းများစွာ ရရှိပိုင်ဆိုင်နိုင်ကြပါစေကြောင်း "Straightforward Straight Forward Language Academy 'မိသားစုမှ ဆုမွန်ကောင်း တောင်းပေးလိုက်ပါတယ်


#မြန်မာလူငယ်တိုင်းအင်္ဂလိပ်စကားပြောတတ်ရမည်

Slang ဆိုတာဘာလဲ?

Slang ဆိုတာ informal / casual speech အတွက် သုံးတဲ့ စကားလုံးသို့မဟုတ် စကားစု ဖြစ်ပါတယ်။ ရုံးပိုင်းဆိုင်ရာနဲ့အထက်လူကြီးကို စကား‌ပြောတဲ့ နေရာမှာ မသုံးကြပေမယ့် friends, social media, casual conversation တွေမှာ အသုံးများကြပါတယ်။

Popular English Slangs 🌟

Hang out → သွားလည်မယ်/လည်ပတ်ကြတဲ့အခါပြောပါတယ်

Catch up → မကြာမီ တွေ့ပြီး စကားပြောမယ်

Couch potato → အမြဲတန်း TV ကြည့်ပြီး ပျင်းရိ နေသူ

Spill the tea → အတင်းတုတ်တဲ့နေရာမျိုးမှာသုံးပါတယ်

Ghost → ကိုယ်နဲ့ စကားပြောနေတဲ့ လူတယောက်က ရုတ်တရက် ဘာမှမပြောပဲ ထွက်သွားတဲ့အချိန်မှာအသုံးများတယ်ယ် (in social media)

Slang အသုံးနည်း Tips 🌟

Friends / peers နဲ့သာသုံးပါ‌နော်။ Formal situations (school, office) မှာ မသုံးရပါဘူး‌‌နော် Slang‌ တွေကို သုံးမယ်ဆို နားလည်ပြီးမှ အသုံးပြုရင် ပိုအဆင်ပြေပါလိမ့်မယ်။

Example Sentences 🌟

“The party last night was lit!” → မနေ့က ပါတီက ပျော်စရာကောင်းတယ်။

“Do you want to hang out this weekend?” → စနေနေ့ကျရင် တွေ့ကြမလား?

Knowledge Tip 🌟

Slang တွေကို daily life context နဲ့ သင်ယူနိုင်ပြီး
Social media post / movie / song မှာလည်းလေ့ကျင့်နိုင်ပါတယ်နော်။

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်

Past Simple နဲ့ Present Perfect အကြောင်းကို ရိုးရှင်းပြီး နားလည်လွယ်‌‌အောင် ရှင်းပြထားပါတယ်ရှင့် 🙆

🌟 Past Tense (အရင်တုန်းက ပြီးသွားတဲ့ ဖြစ်စဉ်များ)

အရင် ဖြစ်ပြီးသွားတဲ့ အလုပ်နဲ့ ဖြစ်ရပ်များကို ပြောချင်တဲ့အခါ သုံးပါတယ်။

Eg: yesterday, last week,month/,year, in 2010, ago .

Structure:

Subject + Verb (past form)

(1) I visited my grandmother yesterday.
မနေ့က ငါ့အဖွားဆီအလည်သွားခဲ့တယ်။

(2) She watched a movie last night.
သူမ မနေ့ညက ရုပ်ရှင်တစ်ခု ကြည့်ခဲ့တယ်။

(3) They went to Bagan two weeks ago.
လွန်ခဲ့တဲ့ နှစ်ပတ်တုန်းက သူတို့ ပုဂံသွားကြတယ်

မှတ်ချက်: အချိန်တိကျပြီး ပြီးဆုံးသွားတဲ့ ဖြစ်ရပ်များတွင်သာ သုံးပါတယ်။

🌟 Present Perfect (ပြီးခဲ့တဲ့ အကြောင်း နဲ့ အခုအချိန်ထိ အကျိုးသက်ရောက်မှု ရှိနေတုန်းအရာ )

အရင်ကတည်းကဖြစ်ပြီး အခုအချိန်ထိ အကျိုးသက်ရောက်မှုရှိတဲ့ အလုပ်၊ အတွေ့အကြုံကို ပြောချင်တဲ့အခါ သုံးပါတယ်။

Eg: already, yet, just, ever, never, recently, so far

Structure:

Subject + have/has + past participle (Verb 3)

I have visited Bagan.
ငါ ပုဂံ ကိုအလည်သွားခဲ့ပြီးပြီ။

She has just finished her homework.
သူမ အိမ်စာတွေ လုပ်ပြီးသွားပြီ။

They have never eaten sushi before.
သူတို့ အရင်တုန်းက ဆူရှီမစားဖူးဘူး။

🔴 မှတ်ချက်: အချိန်အတိအကျ မပြောဘဲ အတွေ့အကြုံ / အကျိုးသက်ရောက်မှုတွင်သာ အဓိကထားသုံးပါတယ်။

📚 Rule of Thumb:

အချိန်အတိအကျ ပြောရမယ် → Past Simple

အချိန်မပြောဘဲ အတွေ့အကြုံ / အကျိုးသက်ရောက်မှု → Present Perfect

💡သင်တန်းစုံစမ်းရန် -

📍 Location – SFL, Tamwe, Yangon

📞 Contact – 09 794 035 213 / 09 771 230 569





#မြန်မာလူငယ်တိုင်းအင်္ဂလိပ်စကားပြောတတ်ရမည်