Taungoo Education Degree College

08/07/2022

ပဲခူးတိုင်းဒေသကြီး၊ တောင်ငူခရိုင်၊ ကျောက်ကြီးမြို့နယ်
မုန်းဒေသမှ စစ်ဘေးရှောင်ပြည်သူများအတွက်

တောင်ငူပညာရေးဒီဂရီကောလိပ် ကျောင်းသား၊ကျောင်းသူများ၊ ဆရာမများနှင့် အရပ်ဖက်ပြည်သူအချို့ ၏ စုပေါင်းလှူဒါန်းမှု

https://www.facebook.com/111123177037024/posts/593350478814289/

03/07/2022

တောင်ငူပညာရေးဒီဂရီကောလိပ် CDM ကွန်ရက် စတင်ဖွဲ့စည်း၊

NCDM များအား Social Punishmentများ စတင်ပြုလုပ်သွားမည်ဟုသိရ

https://www.facebook.com/101760632601895/posts/102943902483568/

15/05/2022

"အဖော်မဲ့ရင်ခွင်"

ငါ့ရဲ့ အဖြူရောင်လွင်ပြင်လေးထဲမှာ
မသမာသူတွေက
ခြေလှမ်းတွေလှမ်း
အနီရောင်မြေဖြူတောင့်တွေကိုင်လို့
လူငယ်တွေရဲ့ဘဝ
နိုင်ငံတော်ရဲ့ အနာဂတ်ကို ဖျက်စီးနေကြလေရဲ့။

အတုယောင်တွေကြားထဲ
နေ့တိုင်း ငါ့မှာ တိတ်တဆိတ် မျက်ရည်ကျရပေါ့

ဓမ္မကို တန်ဖိုးထားတဲ့ မင်းတို့တတွေ
ငါ့ဆီပြန်လာတဲ့အခါ
အောင်ပွဲတွေနဲ့အတူ ပြန်လာခဲ့ပေးပါ
မင်းတို့ကို ငါစောင့်နေလေရဲ့...

#အဖော်မဲ့ကျောင်းတော်ကြီး

11/05/2022

စစ်အာဏာရှင်တို့ဖွင့်လှစ်သော
ကျောင်းများတွင် တက်ရောက်မည့် ၂၀၁၉အောင် ပထမနှစ်နှင့်
၂၀၂၀အောင် ပထမနှစ် ကျောင်းသား၊ကျောင်းသူများကို အသိအမှတ်ပြုမည်မဟုတ်ကြောင်း
တောင်ငူပညာရေးဒီဂရီကောလိပ်ကျောင်းသားများသမဂ္ဂမှထုတ်ပြန်

တောင်ငူပညာရေးဒီဂရီကောလိပ်ကျောင်းသားများသမဂ္ဂ


၂၀၁၉အောင်ပထမနှစ်နှင့် ၂၀၂၀အောင်ပထမနှစ်
ကျောင်းသား၊ကျောင်းသူများထံ အသိပေးခြင်း

​ကြေညာချက်အမှတ် - ၁/၂၀၂၂
နေ့စွဲ-၁၀/၅/၂၀၂၂

စစ်အာဏာသိမ်းမှု တစ်နှစ်ကျော်ကြာလာခဲ့ပြီဖြစ်သော်လည်း
လူထုအာဏာဖီဆန်ရေးလှုပ်ရှားမှု CDMကြောင့် စစ်ကောင်စီယန္တရားအား ကောင်းစွာမလည်ပတ်နိုင်သည်မှာ
ယနေ့အချိန်ထိပင်ဖြစ်ပါသည်။

မလည်ပတ်နိုင်သော စစ်ကောင်စီယန္တရား၏ တစ်စိတ်တစ်ဒေသဖြစ်သော ပညာရေးကဏ္ဍတွင်မူ
အရည်အချင်းမပြည့်ဝသူများ၊ တိုးဝှေ့ခြင်းကိုဝါသနာပါကြသောသူများဖြင့်သာ စစ်ကောင်စီယန္တရား လည်ပတ်လျက်ရှိပေသည်။

တရားမဝင် အကြမ်းဖက်စစ်ကောင်စီသည် နိုင်ငံတော်၏အာဏာကို အဓမ္မလုယူပြီးချိန်မှစ၍ အကြမ်းဖက်နှိမ်နင်းမှုများ၊ လူ့အခွင့်အရေးချိုးဖောက်မှုများစွာကို ယနေ့ထိ ကျူးလွန်လျက်ရှိပေသည်။ စစ်အာဏာရှင်တို့၏ လူမဆန်စွာ နှိမ်နင်းသတ်ဖြတ်မှုများကြောင့် ကျောင်းသားလူငယ်များ၊ ဆရာ၊ဆရာမများ၊ ကလေးသူငယ်များ၊ အမျိုးသမီးများ၊ သက်ကြီးရွယ်အိုများ၊ ပြည်သူလူထု၏ အသက်အိုးအိမ်စည်းစိမ်များ နေ့စဥ်နှင့်အမျှ ဆုံးရှုံးနေခဲ့ရပါသည်။

သို့ဖြစ်ပါ၍ တောင်ငူပညာရေးဒီဂရီကောလိပ်ကျောင်းသား၊ ကျောင်းသူများအနေဖြင့် အသက်သွင်းရန်ကြိုးစားနေသော စစ်အာဏာရှင်တို့၏ ယန္တရားများတွင် ပူးပေါင်းပါဝင်ခြင်းမပြုကြဘဲ CDMersများနှင့်အတူ အဆုံးထိ ဆက်လက်တိုက်ပွဲဝင်ပေးကြပါရန် အသိပေးတောင်းခံအပ်ပါသည်။

ထို့ပြင် တရားမဝင်အကြမ်းဖက်စစ်ကောင်စီမှ ဖော်ဆောင်သောပညာရေးသည် လုံးဝ တရားမဝင်သည်ဖြစ်ရာ
စစ်အာဏာရှင်တို့ဖွင့်လှစ်သော ကျောင်းများတွင် တက်ရောက်မည့် ၂၀၁၉အောင် ပထမနှစ်နှင့် ၂၀၂၀အောင် ပထမနှစ် ကျောင်းသား၊ကျောင်းသူများကိုလည်း အကျွန်ုပ်တို့ တောင်ငူပညာရေးဒီဂရီကောလိပ်ကျောင်းသားများသမဂ္ဂမှ လုံးဝ(လုံးဝ) အသိအမှတ်ပြုမည်မဟုတ်ကြောင်း ထုတ်ပြန်ကြေညာလိုက်သည်။

တောင်ငူပညာရေးဒီဂရီကောလိပ်ကျောင်းသားများသမဂ္ဂ

13/04/2022

တောင်ငူပညာရေးဒီဂရီကောလိပ်ကျောင်းသား၊လူငယ်များ၏ သင်္ကြန်အကြိုနေ့ လှုပ်ရှားမှုပုံရိပ်များ

#13/4/2022

26/02/2022

၂၀၂၂ခုနှစ်၊ ဖေဖော်ဝါရီလ ၂၆ရက်နေ့တွင်
စစ်အာဏာရှင်စနစ်တိုက်ဖျက်ရေးအတွက် ပြည်သူ့လက်နက်ကိုင်တော်လှန်ရေးဆင်နွှဲနေသော

ပြည်သူ့တော်လှန်ရေးတပ်ဦး (PRF)သို့
"တောင်ငူပညာရေးဒီဂရီကောလိပ်" မှ
အုတ်တစ်ချပ် သဲတစ်ပွင့်အနေဖြင့် ပါဝင်ခဲ့ပါသည်။

10/12/2021

တောင်ငူဟာ ပြည်သူအများရဲ့ ဆန္ဒနဲ့တစ်ထပ်တည်းကျနေမယ်လို့ ယုံကြည်ပြီးသားပါ

ယနေ့မှတ်တမ်းပုံရိပ်လေးများကို ဒီပိုစ့်အောက်မှာ တစ်စုတည်း သိမ်းထားပါရစေ။



Photo - internet

08/12/2021

တောင်ငူပညာရေးဒီဂရီကောလိပ်
PPtt(7/2020) သင်တန်းသားများထံသို့ အသိပေးခြင်း

ဖေဖော်ဝါရီ ၁ရက်၊ ၂၀၂၁တွင် နိုင်ငံတော်၏အာဏာကို
မတရားရယူသိမ်းပိုက်ထားသော တရားမဝင်အကြမ်းဖက်စစ်ကောင်စီသည် တိုင်းပြည်၏ယန္တရားများကို လည်ပတ်ရန်ကြိုးစားနေသော်လည်း
၁၀လပြည့်သည့်တိုင်အောင် ယခုအချိန်ထိ မအောင်မြင်သေးပေ။

မအောင်မြင်ရသည့် အကြောင်းအရင်းမှာ
ကျောင်းသားလူငယ်၊ ရဟန်းရှင်ပြည်သူလူထုအပေါင်းတို့သည် အကြမ်းဖက်စစ်ကောင်စီအား နည်းလမ်းမျိုးစုံတို့ဖြင့် ပူးပေါင်းပါဝင် တော်လှန်ဆန့်ကျင်နေသောကြောင့် ဖြစ်ပေသည်။
ထို့ကြောင့် ကျွန်ုပ်တို့သည် စစ်အာဏာရှင်စနစ် အမြစ်ပြတ်ပျောက်ကွယ်သွားသည်ထိ
အမျိုးမျိုးသော နည်းလမ်းများဖြင့် တော်လှန်ဆန့်ကျင်နေရန် လိုအပ်ပေသည်။

တရားမဝင်အကြမ်းဖက်စစ်ကောင်စီ၏ လုပ်ငန်းဖော်ဆောင်မှုအားလုံးသည် အလိုအလျောက်တရားမဝင်သည်ဖြစ်၍ စစ်ကောင်စီလက်အောက်တွင် တာဝန်ထမ်းဆောင်နေသော ဝန်ထမ်းများ၊ စစ်ကောင်စီဖွင့်လှစ်သော ကျောင်းများတွင် တက်ရောက်သူများသည်လည်း တရားဝင်ခြင်းရှိမည်မဟုတ်ပေ။

သို့ဖြစ်ပါ၍ 15, 12, 2021တွင် ဖွင့်လှစ်မည့်
PPtt(7/2020) သင်တန်းသားများအနေဖြင့်
တရားမဝင်အကြမ်းဖက်စစ်ကောင်စီဖွင့်လှစ်သော
ကျောင်းများတွင် မတက်ရောက်ခြင်းဖြင့်
စစ်ကျွန်ပညာရေးအား သပိတ်မှောက်တော်လှန်ကြရန် တိုက်တွန်းနှိုးဆော်အပ်ပါသည်။

တောင်ငူပညာရေးဒီဂရီကောလိပ်ကျောင်းသားများသမဂ္ဂ

#ပုံဟောင်း

16/11/2021

ယခုအသုံးပြုနေသော
Taungoo Education Degree College Pageသည်

TGOEDC ၏ CDM ဆရာမ၊ ဆရာမကြီးများ ၊
ကျောင်းသားများသမဂ္ဂဗဟိုအလုပ်အမှုဆောင်အဖွဲ့ဝင်များနှင့်
တိုင်ပင်ဆွေးနွေးကာ စုစည်းတည်ထောင်ထားသော
တရားဝင်စာမျက်နှာတစ်ခုဖြစ်ပါသည်။

တောင်ငူပညာရေးဒီဂရီကောလိပ်တွင်
ကျောင်းPage မရှိသေးသဖြင့်
လိုအပ်ချက်များအရ
2021, June 16တွင်
စတင်တည်ထောင်ခဲ့ခြင်းဖြစ်ပါသည်။

သို့ဖြစ်ပါ၍ တောင်ငူပညာရေးဒီဂရီကောလိပ် ကျောင်းသား၊ကျောင်းသူများအနေဖြင့် ကျောင်းနှင့်သက်ဆိုင်သော
ကိစ္စအရပ်ရပ်အား ဤစာမျက်နှာမှ
အသိပေးအကြောင်းကြားသွားမည်ဖြစ်ကြောင်း
အစီရင်ခံအပ်ပါသည်။
Taungoo Education Degree College Students' Union Pageတွင်လည်း
ကျောင်းနှင့်သက်ဆိုင်သည်များကို ဝင်ရောက်မေးမြန်းလေ့လာနိုင်ပါသည်။

တရားမဝင် အကြမ်းဖက်စစ်ကောင်စီလက်အောက်ခံ
NCDM ကျောင်းအုပ်၊ ပါမောက္ခ၊ ဆရာ၊ဆရာမများ၊
NCDMရုံးအဖွဲ့ဝင်များ၏
အသိပေးအကြောင်းကြားမှုများသည်
လုံးဝ (လုံးဝ)တရားမဝင်ကြောင်း
တောင်ငူပညာရေးဒီဂရီကောလိပ် ကျောင်းသား၊ကျောင်းသူများထံ
အသိပေးတင်ပြအပ်ပါသည်။

16/11/2021

တောင်ငူပညာရေးဒီဂရီကောလိပ်
သင်္ချာဌာနမှ ဒေါ်လဲ့ကြည်ဖြူသည်

သူမ၏အမေကြောင့် NCDM (CDMစာရင်းများ အတည်မပြုခင်ချိန်ကတည်းက ) လုပ်လိုက်ရသော်လည်း
စစ်ကောင်စီမှပေးသော အရည်အချင်းမဲ့PhDသင်တန်းအား
လူမသိသူမသိ ပညာဥာဏ်မဲ့စွာဖြင့်တက်ရောက်ခဲ့ပါသည်။

ဒေါ်လဲ့ကြည်ဖြူသည် တော်လှန်ရေးကာလအတွင်း
လက်သုံးချောင်းထောင်ကာ ဆန္ဒပြပွဲများတွင် ပါဝင်ခဲ့သော်လည်း
NCDMတစ်ယောက်ဖြစ်သည့်အပြင်
စစ်ကောင်စီမှပေးသော PhDသင်တန်းအား တက်ရောက်ပြီးထားသူတစ်ယောက်ဖြစ်ပါသည်။

ယခင်အသုံးပြုခဲ့သော Facebook accountအား အသုံးမပြုတော့ဘဲ ယခုအခါ accountအသစ်တစ်ခုဖွင့်လျက်
အသုံးပြုနေပါသည်။ လက်ရှိaccountအသစ်အား
Profile lockချထားကြောင်းလည်း တွေ့ရှိရပါသည်။

သူမ၏ အပြောနှင့်လုပ်ရပ်များသည် လုံးဝ ကွာခြားနေသောကြောင့်
သူမ၏ အောက်တန်းကျသောစိတ်ဓာတ်အား
သိရှိစေရန် ကျောင်းသားပြည်သူအပေါင်းအား အသိပေးအပ်ပါသည်။

15/11/2021

တောင်ငူပညာရေးဒီဂရီကောလိပ်
Physicsဌာနမှ ဒေါ်ဇင်နှင်းဝေသည်
CDMမှ NCDMသို့ ကူးပြောင်းသွားခဲ့ပြီဖြစ်ပါသည်။

Removalထွက်ထားပြီးသော်လည်း
လောက်ကောင်ဘောမ အကြီးအကဲများ၏ မက်လုံးများကိုယုံစားကာ
"လျို့ဝှက်"ဖြင့် NCDMပြန်ဖြစ်ခဲ့ပါသည်။

တောင်ငူပညာရေးဒီဂရီကောလိပ်ကျောင်းအုပ် ဒေါ်စန်းစန်းမြင့်သည်
TGOEDCရှိ CDMersထံသို့
မဟုတ်မမှန် အလိမ်အညာများကိုသုံးခြင်း၊ လူမလာခိုင်းဘဲ အဝင်စာရင်း( လျိူ့ဝှက် ) ပြခြင်းများဖြင့်
CDMersကို ကျောင်းသို့ လျို့ဝှက်စွာဖြင့်ပြန်လာရန် ဖုန်းဆက်ဆွဲခေါ်ခဲ့ပါသည်။

အချိန်ကာလမှာ အနည်းငယ်ကြာပြီဖြစ်သော်လည်း
နှစ်ဖက်ခွနေသော Physicsဌာနမှ ဒေါ်ဇင်နှင်းဝေ၏ လုပ်ရပ်အား
ရွံရှာစက်ဆုပ်သောကြောင့် ကျောင်းသားပြည်သူအပေါင်းအား
အသိပေးရခြင်းဖြစ်ပါသည်။