Pa-O Youth Network - PYN

ခွန်စောလွင်၊ အမျိုးသားလွှတ်တော်ကိုယ်စားလှယ်၊ တရားလွှတ်တော်ရှေ့နေ၊ ပအိုဝ်းဥပဒေကူညီမှုအသင်း၊ ခွန်ထူးကျော် တရားလွှတ်တော်ရှေ့နေ၊ ခွန်စောလှဟန် ပအိုဝ်းဥပဒေကူညီမှုအသင်း တို့မှ လူငယ်စွမ်းရည်မြှင့်သင်တန်းသို့ ဥပဒေရေးရာ သိကောင်းစရာအကြောင်းကို လာရောက်ဝေမျှပေးခြင်းပုံရိပ်ပါ

ခွန်စောလွင်၊ စွိုးခွိုꩻလွတ်တောႏနမ်းခြောင်ꩻတင်၊ တရာꩻလွှတ်တောႏရှေ့နေႏ၊ ခွန်ထူးကျော်၊ တရားလွှတ်တောႏရှေ့နေႏ၊ခွန်စောလှဟန် စွဲကမ်းကို ပအိုဝ်းဥပဒေႏအစွိုꩻ သီး လွဥ်ဖန်းဖြယ်ဖေႏ သေထွိုက်သေသင်ꩻခရာႏ ဥပဒေႏရေꩻရာႏသွူသြ

ဆရာႏခွန်စောအောင် ဖန်းဖြယ်ဖေႏ "တယ်ႏဆို့ꩻယွုမ်းအံႏမုꩻ(Trust Building)" သွူသြ

ပအိုဝ်ႏလိုꩻယွဲးအာႏရဲင်ꩻ - PYN(ဗဟိုႏ) တွမ်ႏ ထီသိမ်ႏဒေႏသ ရပ်မွိုးရပ်ဖါဆွန်ꩻစူဗွောင်သွဥ်လွေꩻဖေႏ အမုဲင်− (၂) လိုꩻယွဲးစွန်ꩻထီထင်သွဥ်တန်ꩻ

ပအိုဝ်ႏလိုꩻယွဲးအာႏရဲင်ꩻ - PYN တွမ်ႏ ထီသိမ်ႏဒေႏသ ရပ်မွိုးရပ်ဖါဆွန်ꩻစူဗွောင်သွဥ်လွေꩻဖေႏ အမုဲင်− ၂ လိုꩻယွဲးစွန်ꩻထီထင်သွဥ်တန်ꩻ ပထမနီꩻကို ဖြားဒုံခွန်မောင်ကောင်း ဒေါ့ꩻလွေꩻဖေႏ သွဥ်တန်ꩻအင်းရွယ်ႏချက် တွမ်ႏ လိုꩻယွဲးအွဥ်ငါ (လူငယ်) ဒေါ့ꩻလွေꩻဖေႏ သွဥ်တန်ꩻငေါဝ်းတမာ
−−−−−−−−−−−−−−−−−−−−−−−−−−−−−−−−−−−−−−−
သွဥ်တန်ꩻထင်ႏသား အဖြာꩻပေါင်ꩻ တရျာꩻလွို

#‌ပအိုဝ်ႏလိုꩻယွဲးအာႏရဲင်ꩻ(PYN)နမ်းခြောင်ꩻတင်စွိုꩻ
🕊

သတ္တမအလဲင်ႏ ပအိုဝ်ႏစွိုးခွိုꩻညီႏလာႏခံႏ အကို ကကျွထင်ႏလွဉ်ဒါႏ #ပအိုဝ်ႏလိုꩻယွဲးအာႏရဲင်ꩻ(PYN)နမ်းခြောင်ꩻတင်စွိုꩻဖုံႏ နဝ်ꩻသွူ။

ပအိုဝ်ႏလိုꩻယွဲးအာႏရဲင်ꩻစွိုꩻ(PYN) ဖန်းဖြယ်ကိုလွေꩻဖေႏ လိုꩻယွဲးအတာႏ ထာꩻသေပညာႏ ကျောင်ꩻတွူးလုံးကို

**********

နေင်ႏ ၂၀၂၅ ဗာႏ၊ မေလာ(၂၃)နီꩻ၊ ဝေင်ꩻနယ်ႏတောင်ႏကီꩻ၊ အွိုင်ႏဖာမွိုန်း၊ ဒုံတွူးလုံး၊ သဟဓမ္မိကဗုဒ္ဓအကယ်ဒမီ(ကျောင်ꩻတွူးလုံး)ကို ဗွေႏသံဃာႏတောႏဖုံႏ ကအွဉ်ငါဗွောင်သွဉ်လွေꩻဖေႏဒါႏ လိုꩻယွဲးအတာႏ "ပေါင်ꩻကွိုက်ꩻဆွိုက်ဆံႏရေꩻသွဉ်တန်ꩻ"အကို ပအိုဝ်ႏလိုꩻယွဲးအာႏရဲင်ꩻစွိုꩻ(PYN) ဥက္ကဌ ဆရာႏခွန်ကြည် တွမ်ႏ အွဉ်အကိုရေꩻ(၁) ခွန်လှစိုး သီး ဖန်းဖြယ်ကိုလွေꩻဖေႏ "လိုꩻယွဲးဘဝတိုꩻတက်ရေꩻအတာႏ မွဉ်းဖျင်ဗာႏသꩻနုဲင်းမုဲင်ꩻ"၊ "ဗွောင်လုဲင်းအခေႏခံႏစီꩻပွာꩻရေꩻမဲ့နား" တွမ်ႏ "အခေႏခံႏပေါင်ꩻကွိုက်ꩻသွုပ်သံႏရေꩻပညာႏ"ဖုံႏ နောဝ်ꩻသွူ။ သွဉ်တန်ꩻနောဝ်ꩻ ဗွောင်လွေꩻ (၁၀)နီꩻ၊ သွဉ်တန်ꩻထင်ႏသားနောဝ်ꩻ အောဝ်ႏ အဖြာꩻပေါင်ꩻ(၁၀၃)ဖြာꩻအကျောင်ꩻ သေထွꩻဗာႏနုဲင်းနောဝ်ꩻသွူ။

#ပအိုဝ်ႏလိုꩻယွဲးအာႏရဲင်ꩻစွိုꩻ(PYN)

ပအိုဝ်ႏလိုꩻယွဲးအာႏရဲင်ꩻစွိုꩻ(PYN) တွမ်ႏ အွိုင်ႏထမ်းယံꩻ ရပ်မွိုးရပ်ဖာ ဆွန်ꩻစူမာꩻလွေꩻ "လိုꩻယွဲးစွန်ꩻထီထင်သွဉ်တန်ꩻ"

****************

နေင်ႏ ၂၀၂၅ ဗာႏ၊ မတ်လာ (၁၅)နီꩻတွမ်ႏ (၁၆)နီꩻ၊ ဝေင်ꩻနယ်ႏသီႏသဲင်ႏ၊ အွိုင်ႏထမ်းယံꩻ၊ ရပ်တန်ပင်အွဉ်း၊ ကျောင်ꩻတွိုက်တန်ပင်အွဉ်းကို ပအိုဝ်ႏလိုꩻယွဲးအာႏရဲင်ꩻစွိုꩻ(PYN)တွမ်ႏ အွိုင်ႏထမ်းယံꩻ ရပ်မွိုးရပ်ဖာသီး ဆွန်ꩻစူဝင်ꩻတဲင် မာꩻလွေꩻ "လိုꩻယွဲးစွန်ꩻထီထင်သွဉ်တန်ꩻ"နောဝ်ꩻသွူ။

သွဉ်တန်ꩻအကို ပအိုဝ်ႏစွိုးခွိုꩻအစွိုꩻ(PNO)၊ အွဉ်အကိုရေꩻ(၂)၊ ဆရာႏစောခွန်ကျော်ဝင်းနောဝ်ꩻ ဖန်းဖြယ်ဒေါ့ꩻခြုဲင်းနယ်လွေꩻ "လိုꩻယွဲးတွမ်ႏ ပအိုဝ်ႏခမ်းထီနုဲင်ႏငံႏရေꩻ"အခရာႏ၊ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ၊ ဗဟိုႏကောႏမတီႏအစွိုꩻနွို့၊ ဝေင်ꩻနယ်ႏတောင်ႏကီꩻဥက္ကဌ ဖြားခွန်ဆရာႏဒုနောဝ်ꩻ ဖန်းဖြယ်ဒေါ့ꩻခြုဲင်းနယ်လွေꩻ "ပအိုဝ်ႏလိုꩻယွဲးတွမ်ႏယေန်ႏငဲးမု"အခရာႏဖုံႏနောဝ်ꩻသွူ။

ပအိုဝ်ႏလိုꩻယွဲးအာႏရဲင်ꩻစွိုꩻ(PYN)၊ ဥက္ကဌ ဆရာႏခွန်ကြည်တွမ်ႏ အွဉ်အကိုရေꩻ(၁) ခွန်လှစိုး သီးဖုံႏနောဝ်ꩻ ဖန်းဖြယ်ဆွေꩻနွေꩻလွေꩻဖေႏ "လိုꩻယွဲးတွမ်ႏ ဘဝကောဝ်ႏထွန်ႏ"၊ "စီႏမံႏဖန်းဖြယ်ရွဉ်"၊ "ဒေါ့ꩻထာꩻလိုꩻအမျာႏဆငါ"၊ "သꩻဓာတ်ယံလိုꩻယွဲး"၊ "ထာꩻထီႏတွမ်ႏထာꩻယူႏယံလိုꩻယွဲး"၊ "ထာꩻမာꩻရွယ်ꩻမူꩻယံလိုꩻယွဲး" တွမ်ႏ "ခြွိုင်ႏသန်ꩻပျောႏသွင်ႏလိုꩻယွဲး"အခရာႏဖုံႏ နုဲင်းနောဝ်ꩻသွူ။

သွဉ်တန်ꩻကိုနောဝ်ꩻ ကျောင်ꩻတန်ပင်အွဉ်း ဗွေႏဆရာႏတောႏတွမ်ႏ ဗွေႏစင်တန်ဖုံႏ၊ ပအိုဝ်ႏလိုꩻယွဲးအာႏရဲင်ꩻစွိုꩻ(PYN) ဝေင်ꩻနယ်ႏသီႏသဲင်ႏဥက္ကဌ ခွန်မောင်ႏတီး၊ အွိုင်ႏထမ်းယံဥက္ကဌ၊ ရပ်မွိုးရပ်ဖာဖုံႏတွမ်ႏ ခွန်ထွန်းငြိမ်း (သုဲင်ꩻခေါဝ်)သီးဖုံႏလဲ့ ဒေါ့ꩻခြုဲင်းနယ်လွေꩻဖေႏ လိုꩻယွဲးဖုံႏအတာႏ ထာꩻသေပညာႏတွမ်း ငေါဝ်းဖေႏအာႏတမာ နုဲင်းနောဝ်ꩻဖုံႏသွူ။ ကထင်ႏလွဉ်ဒါႏ သွဉ်တန်ꩻသားဖုံႏနောဝ်ꩻ ထွာဒျာႏ အွိုင်ႏထမ်းယံꩻကို ကအောဝ်ႏဒါႏ ဒုံပေါင်ꩻစွုမ်ႏ မူႏနံꩻခိုဗင်ႏဖုံႏနောဝ်ꩻသွူ။ သွဉ်တန်ꩻသားအဖြာꩻပေါင်ꩻနောဝ်ꩻ အောဝ်ႏလွေꩻ အဖြာꩻ(၂၀၀)လွို နောဝ်ꩻသွူ။

ငေါဝ်းနိုꩻဆောႏတမာ။ ။ ရပ်မုဲင်ꩻတရိုꩻတောဝ်း မဉ်ႏမဲဉ်ဗွောင်ဒါႏ "လိုꩻယွဲးစွန်ꩻထီထင်သွဉ်တန်ꩻ"နုဲင်းဆကီနောဝ်ꩻနောဝ်ꩻ သွုပ်ထေ့နွောင်ꩻဒျာႏ ဖုန်း 09668847755 နောဝ်ꩻအကျောင်ꩻ ရေႏမိုးလိုꩻယွဲးစွန်ꩻထီထင်ရေꩻအတာႏတဲင် နိုꩻဆောႏတမာ နုဲင်းနောဝ်ꩻသွူ။

ပအိုဝ်ႏလိုꩻယွဲးအာႏရဲင်ꩻစွိုꩻ(PYN)

ပအိုဝ်ႏလိုꩻယွဲးအာႏရဲင်ꩻစွိုꩻ(PYN)ဗဟိုႏ ဥက္ကဌ ဆရာခွန်ကြည်တွမ်ႏ အွဥ်အကိုရေꩻခွန်လှစိုး လင်ꩻဖေႏအာႏ ကလောဝေင်ꩻနယ်ႏ၊ ပအိုဝ်ႏလိုꩻယွဲးစွိုꩻ(KPYO)အွဥ်ငါꩻ ကမာꩻလွေꩻဒါႏ ထွာနွောင်ꩻလိတ်ပအိုဝ်ႏဆရာႏတွမ်ႏ လိုꩻယွဲးစွန်ꩻထီထင်သွဥ်တန်ꩻသား ကလောဝေင်ꩻနယ်ႏ၊ ဒုံပဲရင်းတောင်ကို မတ်တန်ꩻ
==================
ဖေဖော်ဝါရီလာ ၁၉ နီꩻ၊ ၂၀၂၅ ၊ အထူးဒေသ၆
-OYouthNetwork #ပဲရင်းတောင် #တွေ့ဆုံပွဲ #ခွန်ကြည် #လူငယ်ရေးရာ

ပအိုဝ်ႏလိုꩻယွဲးအာႏရဲင်ꩻစွိုꩻ(PYN)ဗဟိုႏတွမ်ႏ ဒုံထီတလိ ရပ်မွိုးရပ်ဖါ ဆွန်ꩻစူဝင်ꩻတဲင် မာꩻလွေ လိုꩻယွဲးမော့ꩻခွဲးပွယ်ꩻ
====================================

ပအိုဝ်ႏလိုꩻယွဲးအာႏရဲင်ꩻစွိုꩻ(PYN)ဗဟိုႏ တွမ်ႏ ဒုံထီတလိ ရပ်မွိုးရပ်ဖါ ဆွန်ꩻစူဝင်ꩻတဲင် ဖေဖော်ဝါရီလာ ၈ နီꩻ၊ မွူးနီꩻ စနေႏ၊ ပင်လောင်ꩻဝေင်ꩻနယ်ႏ၊ အွိုင်ႏတလာပဲင်ꩻ၊ ဒုံထီတလိဗွေႏဗွန်ကျောင်ꩻကိုယို မာꩻလွေꩻ ဒုံအရန်ႏ လိုꩻယွဲးအွဥ်ငါ မော့ခွဲးပွယ်ꩻ နဝ်ꩻသွူ။

ဟန်ႏသနီꩻ ဒုံထီတလိကို ကမာꩻလွေꩻဒါႏ လိုꩻယွဲးမော့ꩻခွဲးပွယ်ꩻကိုနဝ်ꩻ ဆွေꩻနွေꩻတွိုင်ႏပင်ႏလွေꩻဝင်ꩻ လိုꩻယွဲးကအဝ်ႏမော့ꩻလွေꩻဒါႏအယပ်အခုဲင်ႏကိစ္စ၊ လိုꩻယွဲးတွမ်ႏ လွောင်ႏဗူႏရေꩻကိစ္စ၊ လိုꩻယွဲးတဖြာꩻကလိုႏအပ်ဒါႏ စွန်ꩻထီ(အထီအသွီႏ)ကိစ္စ၊ လိုꩻယွဲးတွမ်ႏထွို့ꩻဗူႏရေꩻကိစ္စ၊ လိုꩻယွဲးတွမ်ႏအပြောင်ꩻအလုဲင်ႏကိစ္စဖုံႏ နဝ်ꩻသွူ။

#ထီတလိ #တွေ့ဆုံပွဲ #လူငယ်ရေးရာ