03/02/2021
မဟာထူးချွန်ကိုယ်ပိုင်အထက်တန်းကျောင်းမှ နောက်ဆုံးတင်ထားသော .ဆရာများကို သင်တန်းပို့ချခြင်း postမှာ January 31 ရက်နေ့ညသန်းခေါင်ကျော်တွင် ကျွန်မ Dr.Soe Nandar Htetတင်ထားခြင်းဖြစ်ပါသည်။ သန်းခေါင်ကျော်တွင် Boostလုပ်မိခြင်းဖြစ်၍ ၁ရက်နေ့ မနက် ၂နာရီတွင် publicသို့ Boostတက်သွားပါသည်။ ထိုအချိန် ထိုနေ့တွင် အာဏာသိမ်းမည်မှန်း ကျွန်မတို့ လုံးဝမသိ၍ အများနည်းတူ အေးချမ်းစွာ မိမိလုပ်ငန်းဆောင်တာများကို လုပ်ဆောင်ခြင်းဖြစ်ပါသည်။ Boostလုပ်ထား၍ ငါးရက်အတွင်း ပြင်မရ ဖျက်မရပါ။(အောက်မှာ Boostလုပ်ထားတဲ့အချိန်ကို ssရိုက်ပြထားပါတယ်)
ထို့ကြောင့်ယခုအချိန် အားလုံးပူပန်သောကရောက်နေချိန် ကျောင်း စာသင်postတက်သွားခြင်းကို တင်သည့်အချိန်အတိအကျ မသိပါဘဲ အချို့က ပြစ်တင်တိုက်ခိုက်ရေးသားနေခြင်းကြောင့် Januaryတလ လုံး အခမဲ့ စာသင်ပေးနေခြင်းဖြစ်ကြောင်း ကျောင်း postများသေချာပြန်ကြည့်စေလိုပါသည်။ ဤ postတင်ခြင်းသည် ဆရာကြီးသဘောမပါပဲ ကျွန်မ Dr.Soe Nandar Htetတစ်ဦးတည်းသဘောဖြင့်တင်ခြင်းဖြစ်ပါသည်။ ဆဲလိုလျင် ကျွန်မကိုဆဲပါ။ တောက်လျောက်အခမဲ့ သင်ပေးမယ်ဆိုတဲ့ ပညာအမွေပေးခဲ့ချင်တဲ့ဆရာကြီးစေတနာကိုမသိပဲ ဝင်ဆဲနေကြလို့အကုသိုလ် အခမဲ့ယူနေကြသလိုပါပဲ။
Febကစပြီး feesအနည်းငယ်ယူပေးဖို့ စီစဥ်ခဲ့တာလည်းကျွန်မပါပဲ။ ဘာလို့ဆို ကျွန်မဝန်ထမ်းတွေ ကျွန်မ ဆရာဆရာမတွေကို အငတ်မထားနိုင်လို့ပါ။ ကျွန်မဝင်ငွေမရှိရင် မိသားစုများစွာလဲပြိုသွားမှာမို့ သမာအာဇီဝကျကျ ကျွန်မတို့တတ်တဲ့ပညာနဲ့ အသက်မွေးနေတာပါ။ ဒါလည်းအများနည်းတူ အေးချမ်းနေချိန် လုပ်နေကြတာပါ။ အခုအများနည်းတူ သောကများစွာနဲ့ ကျမအိပ်ယာထဲဘုန်းဘုန်းလဲပြီး ဒီနေ့မှ စိတ်တင်းအလုပ်လုပ်နိုင်တာပါ။ ဘယ်လို ခက်ခဲနေတဲ့ကာလဖြစ်ဖြသ် အားလုံးအတွက်အားတင်းပြီး ငွေရှာပေးရမှာ ဝန်ထမ်းအားလုံးရဲ့ မိသားစုတွေဟာ ကျွန်မပေါ်မူတည်နေလို့ပါ။
သိစေချင်တာက ကျွန်မတို့လည်း Covidစကတည်းက ဆင်းရဲ သောကရောက်နေကြသူတွေပါပဲ။ကျွန်မတို့နဲ့အနီးစပ်ဆုံးသူတွေသိပါတယ်။ကျွန်မဆို နေ့ညမနားအလုပ်များစွာ
လုပ်ပြီးရုန်းနေရတာပါ။ သူများတွေ ဒေါထွက်ပေါက်ကွဲနေချိန်တောင် ကျွန်မက အလုပ်လုပ်ရင်း မျက်ရည်ကျနေရသူပါ။ ကျွန်မတင်ထားတဲ့ postဟာ အနှောင့်အယှက်ဖြစ်သွားစေရင် အနူးအညွတ်တောင်းပန်ပါတယ်။ အဲဒါဟာ ၃၁ရက်နေ့ညသန်းခေါင်ကျော်မှာရေးတင်ပြီး ၁ရက်နေ့ မနက်၂နာရီမှာ Boost တက်သွားတဲ့ postဖြစ်ပါတယ်။ အဲဒီအချိန်မှာ တလောကလုံး ငြိမ်းချမ်းတုန်းပဲရှိပါသေးတယ်။
သောကပူနေသူချင်းအတူတူ ညိုငြင်တိုက်ခိုက်ခံရခြင်းဟာ ဝဋ်ဆို ဒီလောက်နဲ့ကျေပါစေ။ ဆဲဆိုပြစ်တင်နေသူများ ကျောင်းကို တိုက်ခိုက်ကြသူများ ကျန်းမာချမ်းသာရှိကြပါစေရှင်။
🙏🙏🙏
ဒီအချိန် ဒီစာ ဘာလို့ရေးလဲဆို မသိသူတွေထပ်ဆဲနေရင်
ထပ် အကုသိုလ်ရကြမှာစိုးလို့ပါ။
Dr.Soe Nandar Htet
Director
Mahar Htoo Chun Private High School
Taungdwingyi.
