Yan Naing Tun

Yan Naing Tun don't forget trying

တန်ဖိုး———————————————————————-တစ်ခါက အလွန်ဆာလောင်နေတဲ့ သိမ်းငှက်တစ်ကောင်ဟာ အစာရလိုရငြား ကောင်းကင်မှာပျံသန်းရင်း လိုက်ရှ...
17/12/2023

တန်ဖိုး
———————————————————————-

တစ်ခါက အလွန်ဆာလောင်နေတဲ့ သိမ်းငှက်တစ်ကောင်ဟာ အစာရလိုရငြား ကောင်းကင်မှာပျံသန်းရင်း လိုက်ရှာတယ်။

အဲ့လိုရှာရင်း တစ်နေရာလည်းရောက်ရော မြေပြင်မှာ နီနီရဲရဲနဲ့ အရာတစ်ခုကို တွေ့တော့ တဟုန်ထိုးပြေးဆင်းလာတယ်။

အနားရောက်တော့မှ အသားတုံးမဟုတ်ဘဲ၊ ပတ္တမြားခဲ ဖြစ်နေတာကို တွေ့လိုက်ရတယ်။

သိမ်းငှက်လည်းစိတ်ပျက်သွားပြီး

အသားတုံးမှတ်လို့ ဆင်းလာတာကို ဘာအတုံးကြီးမှန်းလည်းမသိဘူးဆိုပြီး ကျော်ခွကာ ကောင်းကင်ကို ပျံတက်သွားတော့တယ်။

ဒီပုံပြင်လေးက ပေးချင်တဲ့ သင်ခန်းစာကတော့

ဘယ်လောက်ပဲအဖိုးတန်နေနေ တန်ဖိုးမသိတဲ့လူအတွက်တော့ တန်ဖိုးမရှိပါဘူး ဆိုတာပါပဲ။

Crd; original writer
YNT

10/12/2023

တဖြည်းဖြည်းသိလာတာ
ဘဝကို အထာကျကျဖြတ်သန်းချင်ရင်

ရလဒ်တွေပေါ်မှာ အရမ်းကြီး
ခံစားချက်မထားနဲ့။
လုပ်ရပ်တွေအပေါ်မှာသာ
ပြီးအောင်လုပ်ဖို့ အာရုံစိုက်။

လူတွေက ပုံပြင်တွေဖန်တီးမှာပဲ။​
သူတို့ပုံပြင်နဲ့ ကိုယ့်ပုံပြင်
တူနေစရာမလိုဘူး။
ကိုယ့်အဓိပ္ပာယ်ဖွင့်ဆိုချက်နဲ့ကိုယ်ပဲ။

Crd;Dr,Phyo Paing
YanNaingTun

03/12/2023

မိမိဘဝကို ကုသိုလ်နဲ့မစိမ်းပါစေနဲ့ ။

မနက်မိုးလင်းတဲ့အခါ
ဂုဏ်တော်ပွားရင်းနိုးထလိုက်ပါ ။
မျက်နှာသစ်ရင်း
မေတ္တာတွေပွားဖြစ်အောင်
ကြိုးစားပါ ။

တစ်နေ့တာရဲ့
စစအရာရာအဆင်ပြေမှုကို
ကုသိုလ်က ပေးပါလိမ့်မယ် ။

အိပ်ယာဝင်ရင်လည်း
ဘုရားရှိခိုးတဲ့ကုသိုလ်ယူပါ ။

စိတ်ထဲကနေ
သရဏဂုံ သုံးပါးကိုလည်း
ရသလောက်ရွက်ပါ ။

မိမိတို့ရဲ့တစ်နေ့တာ
အချိန်ဇယားထဲမှာ
ကုသိုလ်ကောင်းမှုဟာ
မဖြစ်မနေ ပါနေဖို့လိုပါတယ် ။

Crd;သာရ ဂ ဝေ သီ

26/08/2023

ကိုယ်ပိုင်အချိန်ထားရှိဖို့ အရေးကြီးလား?

နေ့တဓူဝမှာ လှုပ်ရှားရှန်းကန်ရင်း ကိုယ်ပိုင်အချိန်ထားရှိဖို့အတွက်ကိုတောင် မေ့လျော့နေဖူးပါသလား?

များသောအားဖြင့် တခြားကိစ္စတွေမှာ အာရုံစိုက်နေရင်း ကိုယ်ပိုင်အချိန်ထားရှိဖို့အတွက်နဲ့၊ ကိုယ်ပိုင်အချိန်ထားရှိခြင်းရဲ့ အကျိုးကျေးဇူးတွေကိုလဲ မေ့လျော့နေတတ်ပါတယ်။

နေ့တဓူဝ လှုပ်ရှားရုန်းကန်နေရတဲ့ ယနေ့ခေတ်လို အချိန်အခါမျိုးမှာ ကိုယ်ပိုင်အချိန်ထားဖို့က အရေးကြီးပါတယ်။

တစ်နေ့တာမှာ ကိုယ်ပိုင်အချိန်တစ်ခုကို ထားရှိလိုက်တဲ့အခါမှာ.......

✅ စိတ်ပင်ပန်းမှုတွေကိုဖြေဖျောက်နိုင်ပါတယ်။

နေ့ရက်တိုင်းမှာ အမျိုးမျိုးသောလူတွေ အကြောင်းအရာတွေနဲ့ဘဲ ဆက်နွယ်ပက်သက်နေရတဲ့အခါမှာ ကိုယ့်ရဲ့ အတွေးတွေနဲ့ခံစားချက်တွေကိုလစ်လျူရှုထားမိသလိုဖြစ်နေနိုင်ပါတယ်။ ဒီလိုအချိန်မှာ စိတ်ပင်ပန်းမှုတွေဖြေဖျောက်နိုင်ဖို့အကောင်းဆုံးနည်းလမ်းကတော့ ကိုယ်ပိုင်အချိန်ထားရှိတာဘဲဖြစ်ပါတယ်။

✅ အာရုံစူးစိုက်မှုကို ပိုအားကောင်းစေနိုင်ပါတယ်။

ကိုယ်ပိုင်အချိန်တစ်ခုထားရှိပြီး အနားယူလိုက်ပြီးတဲ့အခါမှာ အာရုံစူးစိုက်မှုတွေ ပိုအားကောင်းလာစေနိုင်ပါတယ်။ ဒါ့အပြင် ကိုယ်ပိုင်အချိန်ထားရှိခြင်းကနေ ဆန်းသစ်တဲ့အကြံဉာဏ်တွေထွက်လာနိုင်ပြီး၊ အလုပ်လုပ်ဆောင်နိုင်စွမ်းကိုလဲပိုပြီးကောင်းမွန်စေပါတယ်။

✅ ကိုယ့်ကိုယ်ကိုယ်ပိုပြီးနားလည်သွားစေနိုင်ပါတယ်။

ကိုယ့်ကိုယ်ကိုယ်နားလည်ဖို့အတွက်ဆိုရင် အရေးကြီးတဲ့အချက်က ကိုယ်ပိုင်အချိန်ထားရှိဖို့ပါဘဲ။ ကိုယ်ပိုင်အချိန်တစ်ခုထားရှိပြီး ကိုယ်ဝါသနာပါတဲ့အရာတွေကိုပြုလုပ်နိုင်သလို၊ ကိုယ့်အတွက် အဓိပ္ပါယ်တစ်ခုကိုလဲရှာဖွေနိုင်ပါတယ်။

ကိုယ်ပိုင်အချိန်မထားရှိတဲ့လူတစ်ယောက်က ရေရှည်မှာ စိတ်ဓါတ်ကျခြင်း၊ စိုးရိမ်ပူပန်မှုလွန်ကဲခြင်းတို့လို စိတ်ကျန်းမာရေးပြဿနာတွေသာမက၊ ကိုယ်ခန္ဓာကျန်းမာရေးမှာပါ ဆိုးကျိုးသက်ရောက်မှုတွေရှိလာနိုင်ပါတယ်။

မိတ်ဆွေတို့ရော ကိုယ်ပိုင်အချိန်တွေထားရှိဖြစ်ကြရဲ့လား?

Crd; Dream Lab

14/07/2023

ဒီနေ့ မနက် စာဖတ်ရင်းနဲ့ အတွေးလေးတစ်ခု ဝင်လာတယ်။
ဝင်လာတဲ့အတွေးကို ချရေးထားလိုက်တယ်။
ချရေးထားတဲ့ အတွေးလေးတစ်ခုကို မျှဝေလိုက်တယ်၊ ဖတ်ကြည့်နိုင်ပါတယ်။

"to change life, to change habit"

ဘဝကို ပြင်ချင်ရင် အကျင့်ကို ပြင်ပါ .. တဲ့။

ကောင်းလိုက်တဲ့ ဘ၀ ဆိုတာ ..
ကောင်းမွန်တဲ့အကျင့်ကောင်းများရှိခြင်း ရဲ့ ရလဒ်ဖြစ်သလို၊
မကောင်းလိုက်တဲ့ဘ၀ ဆိုတာလဲ ..
မကောင်းတဲ့အကျင့်ဆိုးများရှိခြင်း ရဲ့ ရလဒ်ပါပဲ။

ဒါကြောင့် အကျင့်ကို ပြင်တာ .. ဘဝကို ပြင်တာနဲ့ အတူတူပါပဲ၊
အကျင့်ကောင်းတွေကို တည်ဆောက်တာ .. ဘဝကောင်းကိုတည်ဆောက်တာပါပဲ။

ဘ၀ ကို ပြင်ချင်ရင် အကျင့် ကို ပြင်ပါ။

တစ်ခုတော့ရှိတယ်။
တစ်ခါတစ်လေ ထပြီး ကောက်ရိုးမီးရှို့လုပ်တာက အကျင့်မဟုတ်ဘူး။
နေ့စဉ်ဆက်တိုက်..
စဉ်ဆက်မပျက်..
လုပ်ရင်း..
ကြိုးစားရင်း.. နဲ့ အကျင့်ဖြစ်လာတာ။

ဒါကြောင့် .. နေ့စဉ်လုပ်တဲ့အရာလေးတွေဂရုစိုက်ပါ။
ဒီနေ့ ငါ ဘာတွေလုပ်နေလဲ ?
ဘာတွေ လုပ်သင့်တာလဲ ?
လုပ်သင့်တာတွေလုပ်နေရဲ့လား ?
လုပ်သင့်တာတွေလုပ်ရင်း .. ဘဝကို ဖန်တီးနေတာလား ဒါမှမဟုတ်
ဖြစ်ချင်သလိုဖြစ် .. ဘ၀ ကို စွန့်ပစ်နေတာလား ?

အရာ (၃) ခု ကိုဂရုစိုက်၊
"ဒီနေ့ " ကို ဂရုစိုက် ၊
"မနက်ဖြန်" ကို ဂရုစိုက်၊
"နေ့စဉ်ဆက်တိုက်" ကို ဂရုစိုက်၊
အကျင့်တွေဖြစ်လာလိမ့်မယ်။

အကျင့်ဆိုတာ "ဒီနေ့" နဲ့ စတယ်.. ဒီနေ့ ငါ ဘာစလုပ်မလဲ ?

#မာသင်
မာသင်ရဲ့ ဖီလော်ဆော်ဖီဒိုင်ယာရီ

09/07/2023

#အရမ်းကောင်းတဲ့စာသားပါ
===================

ပန်းတိုင်ကိုရောက်ဖို့အတွက်
လူတွေရဲ့ မျက်လုံးတွေကို မကြည့်ပါနဲ့
ကိုယ့်လမ်းကိုသာကြည့်ပါ။

အောင်မြင်မှု ရဖို့အတွက်
လူတွေရဲ့စကားတွေကို နားထောင်မနေပါနဲ့ ။
ကိုယ့်ဆုံးဖြတ်ချက်ကိုသာ
ခိုင်ခိုင်မာမာချပါ။

ဘဝတက်လမ်းအတွက်
လူတွေရဲ့ အမူအယာတွေကို ဂရုမစိုက်ပါနဲ့။
ကိုယ်လုပ်သင့်တာကို ရဲရဲဝံ့ဝံ့လုပ်ပါ။

စကားများများ ပြောမိရင်
ရူးနေလားလို့ အထင်ခံရလိမ့်မယ်။

စကားပြန်မပြောရင်လည်း
မာနကြီးတယ်လို့ အထင်ခံရလိမ့်ယ်။

အမြဲတမ်းပြုံးနေရင်
ပေါတောတောလို့ အထင်ခံရလိမ့်မယ်။

တည်တည်ကြည်ကြည် နေမိရင်လဲ
ဘဝင်မြင့်နေတယ်လို့ အထင်ခံရလိမ့်မယ်။

ကိုယ့်ဘဝကို ကိုယ်တိုင်သိနေတာပဲ လို့
သူတစ်ပါးကို မထိခိုက်ပဲ
ကိုယ်အဆင်ပြေသလို နေထိုင်တတ်ဖို့က အရေးကြီးပါတယ်။

သူတစ်ပါးလဲကျနေရင် စေတနာသန့်သန့်နဲ့
ကိုယ်တတ်နိုင်သလောက် ဆွဲထူပေးလိုက်ပါ။

ကိုယ်လဲကျနေရင်တော့ ကိုယ်တိုင်ပဲ
ပြန်ထနိုင်အောင်ကြိုးစားပါ။
ဘာကြောင့်လဲဆိုတော့
ကိုယ့်လို စိတ်ဓာတ်မျိုးက သူတစ်ပါးဆီမှာ ရှိချင်မှရှိမှာ။

မနေ့ကဆိုတာ အတိတ်တခုပါ
မနက်ဖြန်ဆိုတာလဲ အိပ်မက်တစ်ခုပါပဲ။
ဒီနေ့သာလျှင် ဘဝတစ်ခုလေ
ဘဝဆိုတာ ပျော်လည်းတစ်နေ့ မပျော်လည်းတစ်နေ့ပါပဲ။

အကောင်းဆုံးဖြစ်အောင်
ဘယ်လိုဖြတ်သန်း ရမလဲဆိုတာ
ကိုယ့်အပေါ် မှာပဲ မူတည်တယ်။

အရိုးသားဆုံး လူတစ်ယောက် မဖြစ်သေးရင်တောင်
ကိုယ့်ကိုယ်ကို မလိမ်မိစေနဲ့၊ ယုံကြည်မှု မပျက်စေနဲ့
ကိုယ်အတွက် ယုံကြည်ရဆုံးက
ကိုယ်တစ်ယောက်တည်းပဲ ရှိပါတယ်။

စာဖတ်မိတ်ဆွေအားလုံး အောင်မြင်မှုပန်းတိုင်ကို
အမြန်ဆုံးလျှောက်လှမ်းနိုင်ကြပါစေ..............
....

😄😄
28/06/2023

😄😄

23/06/2023

လူတော်တော်များများက တစ်ခုခုကို စတင်မယ်လို့ စဥ်းစားလိုက်တာနဲ့ ပြီးပြည့်စုံမှ စမယ်ဆိုပြီးအရင်တွေးလိုက်တယ်။

ကိုယ်ပြီးပြည့်စုံတာနဲ့ တခြားသူတွေက ကိုယ်ရောက်​ချင်တဲ့ နေရာကို အရင်​ရောက်နှင့်နေပြီး နောက်ထပ် အသစ်တောင်ပြန်စနေလောက်ပြီ။

ဒါက ပတ်ဝန်းကျင်အများဆုံးတွေ့နေရတဲ့ ပြဿနာ
တစ်ခု။

ကြီးကျယ်ခမ်းနားတဲ့ အောင်မြင်မှုတွေရဲ့ နောက်ကွယ်မှာရှိနေတဲ့ ခြေလှမ်းသေးသေးလေးတွေကို လူတွေသိပ်သတိမထားမိကြဘူး။

သိခဲ့ရင်လည်း မသိချင်ယောင်ဆောင်နေတာပိုများနေတယ်။

ဒီနေ့ အချိန်ဆွဲလိုက်တဲ့အရာတွေအကုန်လုံးက မနက်ဖြန်အတွက် နောင်တ တွေဆိုတာမမေ့ပါနဲ့......

ဒါကြောင့်ဘဝကိုအပြောင်းအလဲတွေစတင်​ချင်တယ်ဆို
Zig Zigla ပြောခဲ့သလိုပဲ -

ဘဝမှာ "တစ်ခုခုကိုစတင်ဖို့အတွက် ကြီးကျယ်ခမ်းနားနေဖို့ မလိုပါဘူး၊ မင်းကြီးကျယ်ခမ်းနားဖို့ အတွက်တော့ စတင်ဖို့လိုလိမ့်မယ်" တဲ့

ကြီးကျယ်ခမ်းနားတဲ့အရာတွေအတွက် လုပ်စရာရှိရင်ချက်ချင်းလုပ်တတ်တဲ့ သတ္တိလိုတယ်။

ဒါကြောင့် ဘဝမှာ ပြီးပြည့်စုံမှစတင်မယ်ဆိုတဲ့ ရည်မှန်းချက်တွေကိုသေချာ စဥ်းစားပါ။

မနက်ဖြန်မှာနောင်တ မရအောင် ​ချက်ခြင်းစလုပ်ပါလို့ပြောချင်ပါတယ်။


နေ့စဉ်စာတစ်အုပ်ဖတ်ပါ

28/05/2023

ကိုယ်နည်းနည်းလေးကောင်းတာနဲ့
ကိုယ့်အမှားအားလုံးကိုခွင့်လွှတ်ပေးတတ်တဲ့ လူတစ်ချိူ့ရှိတယ် ။
သူတို့ကို တန်ဖိုးထားရမယ်။
ဘာလို့လဲဆိုတော့ ကိုယ်အမှားလေးတစ်ခုလုပ်မိတာနဲ့
ကောင်းခဲ့တာတွေ အားလုံးကို မေ့ပစ်လိုက်တတ်ကြတဲ့လူတွေက
ပိုများနေလို့ပါ။
Crd;

25/03/2023

ကိုယ့်ဆီကို လူများများလာဝယ်အောင်
➖➖➖➖➖➖➖➖➖➖➖➖➖➖➖➖

သားရေးသမီးရေး အဆင်မပြေလို့ ဗေဒင်လေး မေးချင်လို့ ဘယ်ဗေဒင်ဆရာကောင်းလဲဆိုပြီး ရပ်ကွက်ထဲက အဒေါ်ကြီးတွေကို လိုက်မေးကြည့်လိုက်ရင် ဘယ်ဗေဒင်ဆရာကတော့ မှန်တာ၊ ငါ့တုန်းက ဘယ်လိုဟောလိုက်တာ၊ သွားမေးချင်တယ်ဆိုရင် လိပ်စာဘယ်လောက်ဘယ်လောက်၊ အိမ်နံပါတ် ဘယ်လောက်ဘယ်လောက် စသည်ဖြင့် အသေးစိတ် လမ်းညွှန်လိုက်လိမ့်မယ်။

ကျွန်တော်ဘာကိုပြောချင်တာလဲဆိုတော့ ရောင်းရဖို့အတွက် လူတိုင်းကို လိုက်ပြီး အာရုံစိုက်နေတာထက် ကိုယ့်ဆီလာတဲ့လူတွေကို အာရုံစိုက်လိုက်တာက ပိုပြီး ရောင်းရစေနိုင်တယ်လို့ ပြောချင်တာပါ။

နည်းနည်းနားရှုပ်သွားမယ်ထင်ပါတယ်။ ဒီလိုပါ။ ဗေဒင်ဆရာတစ်ယောက်ဟာ သူ့ဆီ လူများများ ဗေဒင်လာမေးဖို့အတွက် Marketing တကူးတက လိုက်ဆင်းနေစရာမလိုဘဲ သူ့ဆီလာမေးတဲ့လူတိုင်းကိုသာ အမှန်ဆုံး၊ အထိရောက်ဆုံးဖြစ်အောင် ဟောနိုင်လိုက်မယ်ဆိုရင် တဆင့်စကား တဆင့်နားကနေ သူ့ဆီကို လူများများလာမေးအောင် ပြုလုပ်နိုင်ပါလိမ့်မယ်လို့ ဆိုလိုချင်တာ ဖြစ်ပါတယ်။

ပြောချင်တာက ကျွန်တော်တို့ ပစ္စည်းပဲရောင်းရောင်း၊ Product ပဲထုတ်ထုတ်၊ Service ပဲပေးပေး၊ ကိုယ့် Product ကို အသုံးပြုတဲ့၊ ကိုယ့် Service ကို ရယူတဲ့ လူတိုင်းကို အကောင်းဆုံးနဲ့ အထိရောက်ဆုံးဖြစ်အောင် ကူညီပေးဖို့ပါပဲ။

Law of 250 အရ လူတစ်ယောက်ရဲ့နောက်မှာ နောက်ထက် လူအယောက် 250 ရှိပါတယ်တဲ့။ သင်လူတစ်ယောက်ကို အကောင်းမွန်ဆုံးဝန်ဆောင်မှုပေးလိုက်ခြင်းဟာ အဲ့ဒီလူနောက်မှာရှိတဲ့ လူအယောက် 250 လုံး၊ ဒါမှမဟုတ် တချို့တဝက်ကို သင့်ဆီမှာ ဝန်ဆောင်မှုရယူအောင် လုပ်လိုက်ခြင်း တစ်မျိုးပါပဲ။

ဒါကြောင့် လူတိုင်းကို လိုက်ပြီးအာရုံစိုက်မနေပါနဲ့။ သင့်ဆီလာတဲ့ တစ်ဦးတစ်ယောက်ခြင်းစီတိုင်းကိုသာ အာရုံစိုက်ပါ။ သင့်ဆီလာတဲ့ တစ်ဦးတစ်ယောက်ခြင်းစီတိုင်းကိုသာအာရုံစိုက်ပြီး အကောင်းဆုံးဖြစ်အောင် လုပ်ပေးနိုင်လေလေ သင့်ဆီကို လာဝယ်မယ့်လူတွေ များလေလေပါပဲလို့ အကြံပေးချင်ပါတယ်။



01/03/2023

"ကျွန်တော်ကြိုးစားရဦးမယ်"

ကိုယ့်အပေါ် ကြင်နာသူတွေကို
ပြန်ဂရုစိုက်တတ်ဖို့အတွက်
ကျွန်တော် ကြိုးစားရဦးမယ်။

ကိုယ့်အပေါ် ခွင့်လွှတ်သည်းခံပြီး
နားလည်ပေးသူတွေကို
ပြန်ပြီး နားလည်ပေးတတ်ဖို့အတွက်
ကျွန်တော် ကြိုးစားရဦးမယ်။

စစ်မှန်တဲ့ သူငယ်ချင်းကောင်းတွေ
ရှားပါးလာတဲ့ ခေတ်ကြီးမှာ
အပေါ်ယံမဟုတ်တဲ့ သူငယ်ချင်းအပေါင်းသင်းတွေကို
တန်ဖိုးထားတတ်ဖို့အတွက်
ကျွန်တော် ကြိုးစားရဦးမယ်။

အချစ်စစ် မဟုတ်တဲ့
အတုအယောင်အချစ်မျိုးတွေနဲ့တွေ့တဲ့အခါ
ဘဝပါယိုင်နဲ့မသွားအောင် တည်ငြိမ်နိုင်ဖို့အတွက်
ကျွန်တော် ကြိုးစားရဦးမယ်။

ငွေမရှိလို့ အနှိမ်ခံရတဲ့ဘဝကနေ
လွတ်မြောက်ဖို့အတွက် ချွေတာသင့်တာချွေတာဖို့
ကျွန်တော် ကြိုးစားရဦးမယ်။

လူတွေရဲ့ ကဲ့ရဲ့မှုတွေ အပြစ်တင်ဝေဖန်မှုတွေကို
လိုက်ပြီး ဂရုမစိုက်တတ်တဲ့
လူတစ်ယောက်ဖြစ်ဖို့အတွက်
ကျွန်တော် ကြိုးစားရဦးမယ်။

ဝမ်းနည်းမှုတွေ သိမ်ငယ်မှုတွေနဲ့
နာကျင်စရာတွေကို ရင့်ကျက်စွာဖြတ်ကျော်နိုင်တဲ့
လူတစ်ယောက် ဖြစ်ဖို့အတွက်
ကျွန်တော် ကြိုးစားရဦးမယ်။

လောကဓံရဲ့ရိုက်ခတ်မှုဒဏ်တွေကို
အပြုံးနဲ့ကျော်လွှားနိုင်တဲ့ လူတစ်ယောက်ဖြစ်အောင်
ကျွန်တော် ကြိုးစားရဦးမယ်။

ဘဝကို လွယ်လွယ်နဲ့
အရှုံးပေးသူ တစ်ယောက်မဖြစ်အောင်
ကျွန်တော် ကြိုးစားရဦးမယ်။

ကျွန်တော် ကြိုးစားရဦးမယ်။
ကျွန်တော် ကြိုးစားရမယ်။
ကျွန်တော် ကြိုးစားမှ ဖြစ်မယ်။
ကြိုးစားပါအပျင်းမထူပါနဲ့။
crd.
📝✍️ #ဘဝရဲ့ခရီးသည် 🕊️✍️

13/02/2023

ဘယ်အရာမှကြာရှည်မတည်မြဲဘူးဆိုတာသိနေရင်
စိတ်ကိုပျော်ရွှင်အောင်နေသင့်တာပေါ့

Address

Shwebo

Telephone

+959265938937

Website

Alerts

Be the first to know and let us send you an email when Yan Naing Tun posts news and promotions. Your email address will not be used for any other purpose, and you can unsubscribe at any time.

Shortcuts

Share

Category