16/12/2025
ကလေးပိုမွေးဖို့ ည ၁၀ နာရီကျော်ရင် အင်တာနက် ဖြတ်မယ်လို့ ရုရှား စဉ်းစား
ရုရှား နိုင်ငံဟာ လက်ရှိရင်ဆိုင်နေရတဲ့ လူဦးရေ အကြီးအကျယ် ကျဆင်းနေတဲ့ ပြဿနာကို ဖြေရှင်းဖို့အတွက် တော်တော်လေး ဆန်းပြားပြီး ထူးခြားတဲ့ နည်းလမ်းတစ်ခုကို စဉ်းစားလာပါတယ်။ ဒါကတော့ ည ၁၀ နာရီကျော်တာနဲ့ လျှပ်စစ်မီးနဲ့ အင်တာနက်လိုင်းတွေကို ကန့်သတ်ပစ်မယ့် အစီအစဉ်ပါပဲ။
ဒီအစီအစဉ်ရဲ့ နောက်ကွယ်က အဓိက စိတ်ကူးကတော့ "Screen Time လျှော့ပြီး အချစ်တွေ တိုးစေဖို့" ပါပဲ။ ညဘက်တွေမှာ ဖုန်းသုံး၊ အင်တာနက် သုံးနေမယ့်အစား စုံတွဲတွေအနေနဲ့ အပြင်လောကမှာ အတူတူ အချိန်ကုန်ဆုံးကြမယ်ဆိုရင် မိသားစုဘဝကို ပိုပြီး အာရုံစိုက်လာနိုင်မယ်လို့ တာဝန်ရှိသူတွေက ယူဆထားကြပါတယ်။
ရုရှား အနေနဲ့ အရင်က ငွေကြေးထောက်ပံ့တဲ့ နည်းလမ်းတွေနဲ့ မွေးဖွားနှုန်းကို မြှင့်တင်ဖို့ ကြိုးစားခဲ့ပေမယ့် မအောင်မြင်ခဲ့ပါဘူး။ ဒါကြောင့် အခုလို သမားရိုးကျမဟုတ်တဲ့ နည်းလမ်းဘက်ကို လှည့်လာတာပါ။ ဒေသဆိုင်ရာ အာဏာပိုင်တွေကဆိုရင် စုံတွဲတွေအတွက် Romantic ဆန်တဲ့ date night တွေ ဖန်တီးပေးဖို့အထိတောင် ဆွေးနွေးနေကြပါတယ်။
ဒါပေမဲ့ ဒီအကြံဉာဏ်အပေါ် ဝေဖန်မှုတွေလည်း ရှိနေပါတယ်။ လူဦးရေစာရင်း ပညာရှင်တွေကတော့ "အင်တာနက် ပိတ်ရုံနဲ့တော့ ကလေးတွေ ပိုမွေးလာမှာ မဟုတ်ဘူး" လို့ ထောက်ပြကြပါတယ်။ စီးပွားရေး တည်ငြိမ်မှု၊ အိမ်ရာ အခက်အခဲနဲ့ ကလေးစောင့်ရှောက်ရေး ကိစ္စတွေကို အရင်ဆုံး ဖြေရှင်းပေးဖို့ လိုအပ်တယ်လို့ ဆိုပါတယ်။
ဘယ်လိုပဲဖြစ်ဖြစ် ဒီသတင်းဟာ ရုရှား ပြည်တွင်းမှာသာမက နိုင်ငံတကာမှာပါ လူပြောများနေပြီး တကယ်ပဲ ဒီနည်းလမ်းက အလုပ်ဖြစ်မလားဆိုတာ စောင့်ကြည့်ရမယ့် အခြေအနေ ဖြစ်နေပါတယ်။
Crd Digital Time
