https://www.facebook.com/115583020142146/

English Basic Knowledge, Pakokku (2026)

12/01/2024

2023 ကတည်းက ရေးခဲ့တဲ့ Article တစ်ခုပါ။ စိတ်တိုင်းမကျတာနဲ့ 2023 သာ ကုန်သွားတယ် မတင်ဖြစ်ခဲ့ပါဘူး။ ခုလည်း မပြင်ဖြစ်တော့လို့ ဒီအတိုင်း တင်လိုက်ပါပြီ။ အဆင်မပြေတာလေးတွေ ရှိခဲ့ရင်လည်း နားလည်ပေးကြပါဗျ။

အားလုံးပဲ မင်္ဂလာပါခင်ဗျာ။ ကျနော်ရဲ့ မပြီးနိုင်မစီးနိုင် Adjective အကြောင်းလေး ဆက်ချင်ပါတယ်။ ရှေ့က အပိုင်းတွေ လေ့လာပြီးတဲ့သူက adjective ကို အခြေခံလောက်တော့ သုံးတတ်လောက်ပါပြီ။ ခုတစ်ခေါက်မှာ ကျနော်တို့ Noun တစ်ခုအတွက် Adjective နှစ်ခု ဒါမှမဟုတ် နှစ်ခုထက်ပိုပြီး ‌ဖော်ပြတော့မယ်ဆိုရင် ဘယ်လို လုပ်ရမလဲ ဆိုတာကို လေ့လာသွားမှာဖြစ်ပါတယ်။

Noun တစ်ခုအတွက် Adjective နှစ်လုံး/သုံးလုံး သုံးရတော့မယ်ဆိုရင် Adjective တွေကို အမျိုးအစားအလိုက် ခွဲခြားသက်မှတ်ပြီး စီပေးရပါတယ်။ ဘယ်လိုခွဲလဲဆိုတော့ General အနေနဲ့ Opinion နဲ့ Fact ဆိုပြီး နှစ်မျိုးခွဲခြားနိုင်ပါတယ်။ Opinion ဆိုတာကတော့ ထင်မြင်ယူဆချက်၊ အမြင်ဖြစ်ပါတယ်။ good, delicious, fantastic တို့က Opinion Adjective တွေ ဖြစ်ပါတယ်။ နောက် fact ဆိုတာကတော့ အချက်အလက်ကို ပြောတာဖြစ်ပါတယ်။ ကျနော်တို့ ဖော်ပြမယ့် Noun ရဲ့ အရောင်၊ အရွယ်အစားစတဲ့ အချက်အလက်တွေကို ဖော်ပြတဲ့ Adjective တွေကို Fact Adjective အဖြစ် သက်မှတ်ပါတယ်။

တကယ်လို့ ကျနော်တို့ သုံးရမယ့် adjective နှစ်လုံးမှာ တစ်လုံးက Opinion ၊ တစ်လုံးက Fact ဖြစ်နေခဲ့ရင် Opinion Adjective ကို Fact Adjective တွေရှေ့မှာထားရပါတယ်။ ဆိုတော့ example မှာ စမ်းသုံးကြည့်ကြရ‌အောင်။

She likes the attractive yellow flowers.

She suggested that I read the critical educational books.

Example တွေကို လေ့လာကြည့်ပါ။ ကိုယ်တိုင်လည်း စမ်းရေးကြည့်ကြပါ။ ရေးကြည့်လို့ အဆင်မပြေရင် လာမေးလို့ ရပါတယ်။

ကဲ... တကယ်လို့ သုံးရမယ့် Adjective တွေက အချက်အလက်အမျိုးအစား (Fact Adj) တွေပဲ ဖြစ်ခဲ့နေမယ်ဆိုရင် ဘယ်လိုခွဲပြီး ရှေ့နောက်ထားရမလဲဆိုတာတော့ နောက်တစ်ပိုင်းမှာ ဆက်ကြတာပေါ့ဗျာ။

အားလုံးပဲ အဆင်ပြေကြပါစေဗျ...

26/11/2023

English Grammar နဲ့ ပတ်သက်ပြီး သိချင်တာ ရှိရင် Page Chatbox ကို လာမေးလို့ ရပါတယ်ခင်ဗျာ...

11/10/2023

Adjective အပိုင်း - 4

အားလုံးပဲ မင်္ဂလာပါခင်ဗျာ။ ပို့စ်ရေးဖို့ တွေးရင်း တွေးရင်းနဲ့ အချိန်တွေ အတော်ကုန်လာပါပြီ။ ရေးစရာ Topic ကလည်း နှစ်ခု ဖြစ်နေတော့ ဘယ်တစ်ခုရေးရမလဲတွေးရင်း အစမ်းရေးကြည့်လိုက် ပြန်ဖျက်လိုက်နဲ့ အတော် ခက်ခဲနေတာပါ။ ခုတစ်ခေါက်အတွက်တော့ ပေါ့ပေါ့ပါးပါး Topic နဲ့ပဲ စလိုက်ကြရအောင်။

ပေါ့ပေါ့ပါးပါးဖြစ်တဲ့ အသုံးများပြီး အသိနည်းတဲ့ Adjective တွေအကြောင်းကို ‌လေ့လာကြရမှာ ဖြစ်ပါတယ်။ အသုံးများပြီး အသိနည်းတဲ့ Adjective ဆို Pronoun Group ထဲက Adjective အကြောင်းကို အရင်ဆုံးပြောကြရမှာပါ။ ဘာတွေ ဖြစ်မလဲ အရင်တွေးကြည့်ရအောင်ဗျာ။

Pronoun - I,me,my,mine,myself မှာဆိုရင် my ဆိုတဲ့ စကားလုံးက Possessive Adjective အမျိုးအစားဖြစ်ပါတယ်။ ဒီအကြောင်းတွေကို Pronoun အကြောင်း ရေးတုန်းက လေ့လာခဲ့ပြီးသားမို့ မဖတ်ကြည့်ရသေးရင်၊ သေချာသိချင်ရင် သွားဖတ်ကြည့်ကြပါဗျ။ Possessive Adjective ဆိုတော့ Adjective တို့ရဲ့ ထုံးစံအတိုင်း နောက်မှာ Noun ထည့် ရေးပေးရပါတယ်။

နောက်တစ်မျိုးကတော့ Quantifiers ။ Quantifiers ဆိုတာ အရေအတွက် ဒါမှမဟုတ် ပမာဏကို ပြတဲ့ စကားလုံးတွေကို ပြောတာပါ။ ဥပမာအနေနဲ့ some, many, a lot of နဲ့ a few တို့ကို လေ့လာကြည့်နိုင်ပါတယ်။ Quantifier တွေရဲ့ နောက်မှာလည်း Noun လိုက်ပေးရပါတယ်။

နောက်ဆုံးတစ်မျိုးက Demonstrative Adjective တွေ ဖြစ်ပါတယ်။ Demonstrative ထဲမှာ this, that, these နဲ့ those တို့ ပါဝင်ပါတယ်။ အဲ့ဒီစကားလုံးတွေက ကျနော်တို့ နေ့တိုင်းသုံးနေကြ စာကြောင်းတွေထဲမှာ အမြဲပါလေ့ရှိပါတယ်။ ဒါကြောင့် သိပ်ရှင်းပြဖို့ မလိုဘူး ထင်ပါတယ်။

ဆိုတော့ ခုလေ့လာခဲ့တဲ့ စကားလုံးတွေဟာ ကျနော်တို့ သုံးနေကြစကားလုံးတွေ ဖြစ်ပြီး Adjective လို့ အသိနည်းတဲ့ စကားလုံးတွေ ဖြစ်ပါတယ်။ ဒီနေ့အတွက်တော့ ဒီလောက်ပါပဲ ခင်ဗျာ။ နောက်ရက်တွေမှာလည်း ဆက် တင်နိုင်အောင် ကြိုးစားပါဦးမယ်။

08/08/2023

Adjective အကြောင်းကို နောက်တစ်ချက် ထပ်လေ့လာရအောင်ဗျာ။ တကယ်လို့ Adjective အကြောင်း ရေးထားတဲ့ ရှေ့က post တွေ မဖတ်ရသေးရင် အဲ့တာတွေ အရင်ဖတ်ဖို့ အကြံပေးချင်ပါတယ်။ ခုတော့ Adjective အကြောင်း ဆက်ကြတာပေါ့။

Adjective ဆိုတာ ဘာလဲ အရင်ပိုစ့်တွေမှာ ပြောခဲ့ပြီးပါပြီ။ ကျနော်တို့ ဂုဏ်ရည်ထူးခြားချက်တွေကို ပြောတဲ့ပုံကို အဆင့်သုံးဆင့် ခွဲခြားထားပါတယ်။ အဲ့အဆင့်တွေကို English လို Degree လို့ သက်မှတ်ပါတယ်။ ပထမအဆင့်အနေနဲ့ ထူးခြားချက်ဂုဏ်ရည်ကို ဖော်ပြတဲ့ ရိုးရိုးအဆင့်ပါ။

Knowing mistakes is important step to success.

အပေါ်ကစာကြောင်းမှာ အမှားကို သိခြင်း (Knowing mistakes) က အောင်မြင်ဖို့အတွက် အဆင့်တစ်ခု ဖြစ်တယ်။ အဲ့တာကိုမှ ဘယ်လိုအဆင့်လဲ ဆိုတဲ့ ဂုဏ်ရည်ကို ဖော်ပြဖို့အတွက် important (အရေးကြီးသော) ဆိုတဲ့ adjective ကို သုံးထားတယ်။ Important က ဂုဏ်ရည်ကို ရိုးရိုးပဲ ဖော်ပြတာ ဖြစ်တဲ့အတွက် အဲ့အဆင့်ကို Positive Degree (D1) လို့ ခေါ်ပါတယ်။

ပစ္စည်းတစ်ခုရဲ့ ကောင်းမွန်ကြောင်းဂုဏ်ရည်ကို ပြောကြတဲ့အခါ အခြားပစ္စည်းတစ်ခုနဲ့ နှိုင်းယှဉ်ပြီး ပြောတတ်ကြပါတယ်။ အဲ့အဆင့်ကို Comparative Degree (D2) လို့ ခေါ်ပါတယ်။ ဘယ်လိုမျိုး ရေးကြလဲဆိုတော့

Staying at comfort zone is more dangerous than staying with challenges.

အထက်ပါစာကြောင်းမှာ အခြေအနေ နှစ်ခုကို နှိုင်းယှဉ်ထားပါတယ်။ စိန်ခေါ်မှုတွေနဲ့ နေရတာ ကြောက်စရာကောင်းပါတယ်။ အဲ့လိုပဲ သက်သောင့်သက်သာနေရတာလည်း ကြောက်စရာကောင်းပါတယ်။ ဒါပေမယ့် သက်သောင့်သက်သာ နေရတာက ပိုပြီးကြောက်စရာကောင်းတယ်ဆိုတဲ့ ဂုဏ်ရည်နှိုင်းယှဉ်မှုကို ဖော်ပြပြဖို့အတွက် more dangerous ဆိုတဲ့ adjective အသုံးပြုထားပါတယ်။ Adjective တစ်ခုရဲ့ D2 Form က များသောအားဖြင့် -er ပေါင်းထားတာ ဒါမှမဟုတ် more နဲ့ တွဲထားတာမျိုး မြင်ရတတ်ပါတယ်။ Informal Adjective တွေလည်း ရှိတတ်ပါတယ်။

Comparative Degree ကို အသုံးပြုတဲ့အခါ နှစ်ခု နှိုင်းယှဉ်တာဖြစ်တဲ့အတွက်ကြောင့် than ကို အသုံးပြုရပါတယ်။ ဒါကြောင့် D2+than ဆိုတဲ့ pattern ကို သုံးကြပါတယ်။

နောက်ဆုံးတစ်ခုကတော့ အများနဲ့ တစ်ယောက် နှိုင်းယှဉ်မှု ဖြစ်ပါတယ်။ အဲ့ဒီနှိုင်းယှဉ်မှုအဆင့်ကိုတော့ Superlative Degree (D3) လို့‌ ခေါ်ကြပါတယ်။ D3 ပုံစံဆိုရင် များသောအားဖြင့် most ဒါမှ မဟုတ် -est ပုံစံတွေ ရှိပါတယ်။သူ့ကို ဒီလို သုံးကြပါတယ်။

That time is the hardest moment in his life.

D3 ကို တွေ့ရများတဲ့ ပုံစံကတော့ အပေါ်က စာကြောင်း Format ပါ။ the + D3 + Noun ပုံစံမျိုး ဖြစ်ပါတယ်။

အားလုံးပဲ အဆင်ပြေကြပါစေဗျာ

09/07/2023

Where can adjective place in a sentence?

Adjective အကြောင်း ဆက်လိုက်ကြရအောင်ဗျာ။ ဒီတစ်ခေါက်မှာ Adj ကို sentence ရဲ့ ဘယ်နေရာတွေမှာ ထားနိုင်သလဲဆိုတာ လေ့လာကြပါမယ်။

Adjective မိတ်ဆက်ပိုစ့်ရဲ့ နောက်ဆုံးမှာ ပြောထားတာ မှတ်မိမယ်ထင်ပါတယ်။ ခုလေ့လာမယ့် Adj တွေက ‌Noun ရဲ့ ရှေ့မှာ နေပြီး Noun ကို support ပေးမယ့် ပုံစံလို့ ပြောခဲ့ပါတယ်။ အဲ့တော့ သူရဲ့ position က adj + Noun ပါ။Attributive Position လို့ ခေါ်ပါတယ်။Example Sentence တွေ အနေနဲ့

Computer and English are essential skills for youth.

နောက်ထပ် position ကတော့ ကျနော် သတိမထားမိပြီး မေ့ခဲ့တဲ့ position တစ်ခုပါ။ အရင်ပိုစ့်တွေမှာ Sentence တစ်ခု တည်ဆောက်ဖို့ Sub နဲ့ Verb လိုပါတယ်လို့ ပြောခဲ့ပါတယ်။ Adj က တတိယမြောက် အရေးပါတဲ့ type တစ်မျိုး ဖြစ်ပါတယ်။ အခု ကျနော်ပြောနေတဲ့ position ကတော့ Verb to be + adj ပုံစံ ဖြစ်ပါတယ်။ သူ့ကတော့ Predicative Position ပါ။ Example အနေနဲ့

You should be careful in driving at night.

နောက်ထပ် တစ်မျိုးကလည်း Verb နောက်ကပဲ လာတာပါ။ Linking Verb တွေ နောက်က လိုက်တဲ့ ပုံစံပါ။ သူကလည်း Predicative Position ပါပဲ။ Linking Verb တွေထဲက တစ်ချို့ကို ထုတ်ပြရရင် become, get နဲ့ turn ။ အဲ့တော့ Example ကို ဆက်သွားလိုက်ပါမယ်။

After facing problems, he becomes strong.

Adj position နှစ်မျိုးကို အသုံးချပြီး sentence တွေ တည်ဆောက်နိုင်ပါတယ်။ နောက်တစ်ပတ်လည်း Adj အကြောင်းပဲ ဆက်ကြတာပေါ့။

02/07/2023

What does adjective do?

ဒီတစ်ခေါက် adjective အကြောင်း ဆက်ကြတာပေါ့‌။ Adjective အကြောင်း ပြောကြတော့မယ်ဆိုရင် အရင်ဆုံး adjective က ဘာလုပ်တယ်ဆိုတာ သိထားဖို့ လိုပါတယ်။ Adjective ရဲ့ အဓိပ္ပါယ်ကို Cambridge English Grammar မှာ ဒီလို ဖော်ပြထားပါတယ်။

An adjective is a word that refers to a characteristic of a noun.

ဘာသာပြန်ရရင် Adjective ဆိုတာ Noun တစ်ခုရဲ့ ထူးခြားချက်ဂုဏ်ရည်ကို ရည်ညွှန်း ဖော်ပြပေးတဲ့ စကားလုံး ဖြစ်ပါတယ်။ ဥပမာစာကြောင်းနဲ့ လေ့လာကြည့်ရအောင်ဗျာ။

Among Myanmar's youth, the Japanese language holds great popularity.

Example စာကြောင်းမှာ great (ကြီးမားသော) ဆိုတဲ့ adjective က popularity (လူကြိုက်များမှု) ဆိုတဲ့ Noun ကို ထောက်ပံ့ပေးထားတာ ဖြစ်ပါတယ်။ ကျနော်တို့ အခုလေ့လာမယ့် adjective တွေက Noun ရှေ့မှာ ထားပြီး သုံးမယ့် ပုံစံပဲ ဖြစ်ပါတယ်။

ဒါကတော့ adjective မိတ်ဆက်လေးပဲ ဖြစ်ပါတယ်။ အားလုံးပဲ အဆင်ပြေကြပါစေဗျာ။

03/04/2022

For

အားလုံးပဲ မင်္ဂလာပါဗျ။ ဒီတစ်ခေါက် Fanboys ကို အဆုံးသတ်လိုက်ကြရအောင်ဗျာ။

အရင်တစ်ခေါက်က ပြောခဲ့သလိုပါပဲ Conjunction ဆိုတာနဲ့ ကျွန်တော်တို့ စိတ်ထဲပေါ်လာတာ သုံးမျိုးပဲ ရှိတာပါ။ အဲ့ဒီ သုံးမျိုးနဲ့ပဲ Basic Sentence တွေ တည်ဆောက်ဖို့အတွက် အဆင်ပြေနေပါပြီ။ ဒါပေမယ့် ဗဟုသုတအနေနဲ့ ဆက်ပြီး သိထားစေချင်လို့၊ လိုအပ်လာရင်လည်း အသုံးပြုတတ်စေဖို့ ဆက်လေ့လာကြရအောင်ဗျာ။

Fanboys မှာ နောက်ဆုံးအနေနဲ့ F ပဲ ကျန်တော့ပါတယ်။ F ကတော့ for ကို ပြောတာပါ။ ကျွန်တော်တော့ for ကို preposition အနေနဲ့ပဲ သိထားတာ။ for ကို Conjunction အနေနဲ့ သုံးတာမမြင်ဖူးဘူး။ အဲ့တာနဲ့ for အကြောင်းကို စာအုပ်တွေ internet ပေါ်ကနေ လေ့လာကြည့်မိတယ်။

For ကို conjunction အနေနဲ့ သုံးရင် because နဲ့ အဓိပ္ပါယ်ချင်း ဆင်တူတယ်။ “အတွက်” လို့လည်း မှတ်လို့ ရတယ်။

စမ်းသုံးကြည့်ကြမယ်ဆိုရင်
He is working here, for he love this company.

For ကို conjunction အနေနဲ့က အသုံးနည်းတာကြောင့် သိထားဖို့ပဲ လိုပါတယ်။ Preposition အနေနဲ့ သုံးတတ်ဖို့တော့ လိုပါမယ်။

အားလုံးပဲ အဆင်ပြေကြပါစေ။
3/4/2022

26/02/2022

လက်ကျန်လေးတွေ ဆက်ရှင်းကြမယ်

အရင်တစ်ပတ်က ကျွန်တော်တို့ သိထားတဲ့ Conjunction သုံးခုအကြောင်းကို လေ့လာခဲ့ပြီပါပြီ။ ကျန်ခဲ့တဲ့ F, N, Y နဲ့ S ကို ဆက်ပြောကြရအောင်ဗျာ။ သူတို့က အသုံးနည်းတဲ့အတွက် sentence တွေ မြင်တွေ့ရ နည်းပါတယ်။

F ကို နောက်ဆုံးမှ ပြောမယ်ဗျာ။ N ကနေ စလိုက်ကြရအောင်။ N ကတော့ nor ကို ပြောတာပါ။ အဓိပ္ပါယ်ကတော့ “သာမက ... လည်းပဲ မ” လို့ သက်မှတ်ထားကြပါတယ်။ and နဲ့ ဆင်တူပေမယ့် သူကတော့ မကြိုက်တာ တူတဲ့အကြောင်း ပြောတဲ့ နေရာမှာ သုံးတယ်။ အငြင်းဝါကျ နှစ်ခုအတွက် သုံးလေ့ရှိပါတယ်။ ဥပမာအနေနဲ့

It isn’t rain, nor is it sunny.
နောက် sentence မှာ nor ပါတဲ့အတွက် not ထည့်စရာ မလိုတော့ပါဘူး။

Y ကတော့ yet ပါ။ “သော်လည်း” လို့ အဓိပ္ပါယ် ရပါတယ်။ but နဲ့ အဓိပ္ပါယ် ဆင်တူပါတယ်။ သူကလည်း ရှေ့က စာကြောင်းရဲ့ သဘောကို နောက်စာကြောင်းက ဆန့်ကျင်နေတဲ့အခါ သုံးပါတယ်။ ဥပမာအနေနဲ့

He is wearing glass, yet he uses phone all the time.
သူက မျက်မှန်တပ်ထားရသော်လည်း ဖုန်းကို တစ်ချိန်လုံး သုံးတယ်ဆိုတဲ့ အဓိပ္ပါယ် ရပါတယ်။

နောက်တစ်ခုအနေနဲ့ s (so - ဒါကြောင့်၊ထိုကြောင့်)။ so ကို ပထမစာကြောင်းနဲ့ အဆက်၊ ရလဒ်အနေနဲ့ နောက်စာကြောင်းကို ဆက်တဲ့ နေရာမှာ သုံးလေ့ရှိပါတယ်။ လေ့လာဖို့အတွက်ဆိုရင်
Chit Ko is rich, so he bought latest model car.
ချစ်ကိုက ချမ်းသာတယ်။ ဒါကြောင့် နောက်ဆုံးပေါ် ကားကို ဝယ်ခဲ့တယ်ဆိုပြီး အဆက်အနေနဲ့ ရေးထားတာဖြစ်ပါတယ်။

For အကြောင်းကိုတော့ နောက်တစ်ပတ်မှ ဆက်ကြတာပေါ့ဗျာ။
အားလုံးပဲ အဆင်ပြေကြပါစေ...
26/2/2022

21/02/2022

Conjunction များ

အရင်တစ်ပတ်က ပြောခဲ့တဲ့ FANBOYS အကြောင်းကို ဒီတစ်ပတ် ပြောပြချင်ပါတယ်။

Conjunction အကြောင်းကို ရေးသားဖို့ လေ့လာကြည့်တဲ့ နေရာမှာ FANBOYS ကို တွေ့ခဲ့တာပါ။ အများအားဖြင့်ကတော့ and, or နဲ့ but ပဲ သုံးလေ့ ရှိတယ်။ ကျွန်တော်လည်း အစက အဲ့လောက်ပဲ သိတာပါ။သိထားတဲ့ စကားလုံး တစ်ခုချင်းစီအကြောင်း ပြောကြည့်ရအောင်။

and ကတော့ ‘နှင့်’ ဆိုတဲ့ သဘောနဲ့ ဆက်သွယ်ပေးတဲ့ Conjunction ပါ။ တစ်ခုနှင့် တစ်ခု ပေါင်းစည်းဆက်သွယ်မှု ကို ပြပါတယ်။ Example အနေနဲ့

Nyo Nyo and Sandar are clever.

ညိုညိုနဲ့ စန္ဒာ တို့ဟာ ထက်မြတ်ကြတယ်လို့ ရေးထားတာပါ။ နှစ်‌ယောက်လုံး တော်တာကို ပြောချင်တာ ဖြစ်ပါတယ်။ပြီးတော့ လို့လည်း သုံးကြပါတယ်။

နောက်တစ်ခုအနေနဲ့ or ကို ဆက်ပြောပါမယ်။ or ကတော့ ဆက်သွယ်ပေးထားတဲ့ နှစ်ခုထဲက တစ်ခုကို ရွေးချယ်တဲ့ စကားလုံးပါ။ အရင်းနှီး or usage ကတော့

We win or they win.

ငါတို့ နိုင်တယ် သို့မဟုတ် သူတို့ နိုင်တယ်။ နှစ်မျိုးထဲက တစ်မျိုးကို ‌ရွေးချယ်တဲ့ သဘောဖြစ်ပါတယ်။

ပြီးတော့ but ။ But က and နဲ့ သဘောတရားချင်း ဆန့်ကျင်ဘက်ပါ။ အရှေ့စာကြောင်းရဲ့ သဘောတရားကို အနောက်စာကြောင်းက ဆန့်ကျင်တဲ့အခါ but နဲ့ ဆက်ပေးရပါတယ်။ ဥပမာအနေနဲ့

Chue Yati is very young but she has a lot of knowledge.

ခြုးရတီက ငယ်တယ်။ ဒါပေမယ့် ဗဟုသုတ အများကြီး ရှိတယ် ဆိုပြီး သဘောတရားချင်း ဆန့်ကျင်နေတာ ဖြစ်ပါတယ်။

ဒီတစ်ပတ်တော့ ဒီလောက်နဲ့ နားကြပါမယ်။ နောက်တစ်ပတ်မှာ ဆက်တွေ့ကြတာပေါ့။
အားလုံး အဆင်ပြေကြပါစေ...
21/2/2022

11/02/2022

Conjunction အကြောင်း

အားလုံးပဲ မင်္ဂလာပါ။ ကျနော်လည်း ခုတစ်လော အလုပ်လေးတွေ ရှိနေလို့ မတင်ဖြစ်တာ အတော်ကြာသွားပါတယ်။ ကဲ ဒီနေ့တော့ စလိုက်ရအောင်ဗျာ.

အရင်လက ပြောခဲ့တာလေးနဲ့ ပြန်စကြရအောင်။ Conjunction are connectors လို့ ပြောခဲ့ပါတယ်။ ဘာတွေ ဆက်သွယ်ပေးသလဲဆိုတာကို example sentence မှာ လေ့လာကြည့်ကြပါမယ်။

example - We have smartphones and laptops.

ပထမဆုံး ဥပမာပေးထားတဲ့ စာကြောင်းကို လေ့လာကြည့်ကြမယ်ဗျာ။ Sentence က basic sentence ဖြစ်လို့ နားလည်မယ်ထင်ပါတယ်။ and ကတော့ Conjunction ပါ။ ဘာလို့လဲဆိုရင် smartphones နဲ့ laptop ဆိုတဲ့ စကားလုံးတွေကို ဆက်ပေးထားလို့ ဖြစ်ပါတယ်။

Conjunction ကို မသုံးဘဲ ရေးကြည့်ကြမယ်ဆိုရင်

- We have smartphones.
- We have laptops.

စာကြောင်းက နှစ်ကြောင်းဖြစ်သွားပါတယ်။ ပုံစံတူ စာကြောင်းတွေ ဖြစ်တဲ့အတွက် စာဖတ်ရတဲ့သူအတွက်လည်း အဆင်မပြေပါဘူး။ Eight Parts of Speech ကို မပိုင်နိုင်သေးသူလို့ သက်မှတ်နိုင်ပါတယ်။

အဲ့တာကြောင့် ပုံစံတူ စာကြောင်းမှ မတူညီတဲ့ စကားလုံးတွေကို conjunction နဲ့ တွဲပေးလိုက်ခြင်းအားဖြင့် ပိုမို ကောင်းမွန်သော Sentence တစ်ခုကို ရရှိမှာ ဖြစ်ပါတယ်။

Conjunction တွေထဲမှာ အသုံးအများဆုံး စကားလုံးတွေကတော့ and, but နဲ့ or တွေပါ။ နောက်ထပ် အသုံးများတာတွေကတော့ for, nor, by, yet နဲ့ so တို့ ဖြစ်ပြီး FANBOYS လို့ အလွယ် မှတ်ထားနိုင်ပါတယ်။ ဒီတစ်ခေါက်တော့ ဒီလောက်နဲ့ပဲ နားပါမယ်...

အားလုံးပဲ အဆင်ပြေကြပါစေ...
11/Feb/2022

29/01/2022

နောက်တစ်မျိုး ဆက်ကြတာပေါ့

Eight parts of speech ကို basic sentence တွေ တည်ဆောက်နိုင်ဖို့ အရေးကြီးဆုံး အမျိုးအစားများကို ခွဲခြားလေ့လာခဲ့ရာ Noun, Verb, Pronoun, Preposition တို့ကို လေ့လာခဲ့ပြီးပါပြီ။ ခုတစ်ခါ Conjunction အကြောင်း လေ့လာဖို့ တွေးမိပါတယ်။

လေးမျိုးပြီးတဲ့အခါ ကျန်ခဲ့တဲ့ လေးမျိုးမှာ အရေးကြီးဆုံးအမျိုးအစားကို ရှာကြည့်တော့ အကုန်လုံးက အရေးကြီးနေပါတယ်။ ဒါပေမယ့် basic sentence တွေကို တည်ဆောက်ရာမှာ အသုံးများ/အများသုံးတဲ့ စာလုံး အမျိုးအစားတွေပဲ အဓိက ထားကြည့်မိတဲ့အခါ အသုံးပြုမှု ကွာခြားတာကို တွေ့ရပါတယ်။

Interjection ကတော့ အသုံးနည်းပါတယ်။ ကျန်တဲ့ သုံးမျိုး adjective, adverb နဲ့ conjunction မှာ adverb က Verb ကို အထောက်အကူပြု ညွှန်းဆိုတဲ့ အမျိုးအစားဖြစ်တာကြောင့် ခဏ နောက်ကို ရွှေ့ထားလို့ ရမယ် ထင်ပါတယ်။ adjective ကလည်း Noun ကို အထူးပြုတာပါပဲ။ ဒါပေမယ့် သူက adverb ထက် ပိုလေးနက်တယ်။

Conjunction နဲ့ adjective မှာ ရွေးရခက်ပါတယ်။ဒါပေမယ့် conjunction ကို ပို prefer ဖြစ်မိလို့ သူ့ကို အရင်ဆုံးလေ့လာကြတာပေါ့ဗျာ။ ဒီတစ်ခေါက်တော့ နည်းနည်းပဲ စထားလိုက်ပါမယ်။

Conjunction are connectors.

Conjunction က ဆက်သွယ်ပေးသူတွေ ဖြစ်ပါတယ်တဲ့။ ဘာတွေ ဆက်သွယ်‌ပေးသလဲဆိုတာကို နောက်တစ်ပတ်မှာ ဆက်လေ့လာကြတာပေါ့။

အားလုံးပဲ အဆင်ပြေကြပါစေဗျာ...
29.1.2021

26/01/2022

T-time

အားလုံးပဲ မင်္ဂလာပါဗျ။ နိုင်ငံရေးအခြေအနေတွေ ကြားထဲမှာ စမတ်ဖုန်းကြောင့် အနည်းနဲ့အများ ဒုက္ခရောက်နိုင်ပါတယ်။ အထူးသဖြင့်တော့ facebook ပေါ့။

အဲ့တာကြောင့် ကျွန်တော်တို့ page ကို telegram မှာ ဖတ်ရှုလေ့လာနိုင်စေရန် ပြင်ဆင်ထားပါတယ်။ Facebook ကနေလည်း ဆက်လက် ဖတ်ရှုနိုင်မှာ ဖြစ်ပါတယ်။ အခက်အခဲ ရှိသူများအတွက် အဆင်ပြေစေရန် ရည်ရွယ်ပြီး ပြောင်းလဲပေးထားတာပါ။

https://t.me/EBKbyK

အားလုံးပဲ အဆင်ပြေကြပါစေ...
26/1/2022

English Basic Knowledge

12/01/2024

26/11/2023

11/10/2023

08/08/2023

09/07/2023

02/07/2023

03/04/2022

26/02/2022

21/02/2022

11/02/2022

29/01/2022

26/01/2022

Address

Telephone

Website

Alerts

Shortcuts

Share

Category

Listing takedown request