https://www.facebook.com/107233842217107/

IEA Private School, Shwe Chan Thar Street, Pakokku (2026)

29/08/2026

🎻✨ တယောကြိုးသံစဉ်များနှင့်အတူ စိတ်ရှည်သည်းခံမှုကို သင်ယူနေကြသည့် IEA သမီးငယ်များ ✨🎻

တယော (Violin) ဆိုတာ တူရိယာတွေထဲမှာ သင်ယူရ အခက်ခဲဆုံးနဲ့ အနုစိတ်ဆုံး အနုပညာတစ်ခု ဖြစ်ပါတယ်။

အသံခလုတ် အမှတ်အသား (Fret) မပါတဲ့ လက်ကွက်ပေါ်မှာ မီလီမီတာ အနည်းငယ်မျှ လွဲချော်ရုံနဲ့ သံစဉ်လွဲသွားနိုင်သလို၊ လေးတံ (Bow) ကို ဆွဲကိုင်ထိန်းညှိပုံ၊ မေးစေ့နှင့် ပခုံးကြား ညှပ်ထားရသည့် ကိုယ်ဟန်အနေအထားတို့ဟာ ကလေးငယ်တို့အတွက် အစပိုင်းမှာ လုံးဝ မလွယ်ကူလှပါဘူး။

လက်ချောင်းလေးတွေ နာကျင်တဲ့ကြားက သံစဉ်မှန်တစ်ချက် ရရှိဖို့ အကြိမ်ကြိမ် အခါခါ စိတ်ရှည်လက်ရှည် လေ့ကျင့်နေကြတဲ့ပုံရိပ်များ

23/08/2026

Weekend Story: IEA ရဲ့ ဂီတအချိန် 🎸

စာသင်ခန်းထဲက ပင်ပန်းမှုတွေကို ဂီတတူရိယာသံစဉ်လေးတွေနဲ့ အနားပေးရင်း၊ စိတ်ကူးစိတ်သန်းတွေကို လွတ်လပ်စွာ ပုံဖော်နေကြတဲ့ အပတ်စဉ် ပိတ်ရက် ဂီတအချိန်လေးပဲ ဖြစ်ပါတယ်။

Disclaimer:
We do not own the rights to this music/audio. All credits belong to the respective owner/artist. (Used for educational & non-commercial purposes only).

14/08/2026

🏃‍♂️🤸‍♀️ IEA ကာယအချိန် လှုပ်ရှားမှုများ: သားသားမီးမီးတို့၏ ကျန်းမာရွှင်လန်း တက်ကြွဖွယ် အမှတ်တရ ပုံရိပ်များ ⚽🏸

ကျောင်းစာသင်ခန်းထဲမှာ အာရုံစူးစိုက် ကြိုးစားခဲ့သမျှကို ကာယချိန် (P.E Time) ရောက်တာနဲ့ ကစားကွင်းထဲမှာ လွတ်လပ်ပေါ့ပါးစွာ ရယ်မောပြေးလွှားရင်း စိတ်ဖိစီးမှုတွေကို ဖြေဖျောက်လိုက်ကြတဲ့ သားသားမီးမီးတို့ရဲ့ အချိန်လေးပဲ ဖြစ်ပါတယ်။ 🏛️✨

09/08/2026

⚽✨ Girls Can Play Too! IEA မိန်းကလေးများ၏ Football Training & Team Building Session ✨⚽

"ဘောလုံးကစားခြင်း" ဆိုတာ ယောက်ျားလေးတွေအတွက်ပဲ မဟုတ်ပါဘူး။ IEA အနေနဲ့ မိန်းကလေးများလည်း အားကစားမှတစ်ဆင့် ကျန်းမာကြံ့ခိုင်မှု၊ ယုံကြည်မှုနှင့် အသင်းအဖွဲ့စိတ်ဓာတ် (Teamwork) များရရှိအောင် လုပ်ဆောင်လျက်ရှိပါတယ်။ 🏛️🌟

ဒီ Session မှာတော့
⚽ Football Training: ဘောလုံးနှင့် အကျွမ်းတဝင်ရှိစေရန် အခြေခံ ဘောလုံးထိန်းနည်း၊ ပေးနည်း (Basic Passing & Ball Control) လေ့ကျင့်ခန်းများကို စနစ်တကျ မိတ်ဆက်ပေးခဲ့သည့်အပြင်၊

🤝 Team Building: လေ့ကျင့်ခန်းများမှတစ်ဆင့် သူငယ်ချင်းအချင်းချင်း ယုံကြည်မှု တည်ဆောက်ခြင်း၊ ပူးပေါင်းဆောင်ရွက်တတ်သည့် အသင်းအဖွဲ့စိတ်ဓာတ် (Team Spirit) များကိုပါ တပါတည်း ပျိုးထောင်ပေးခဲ့တာ ဖြစ်ပါတယ်။

ပထမဆုံး လေ့ကျင့်သည့် ရက်ဖြစ်သည့်အတွက် သမီးလေးများအနေဖြင့် ဘောလုံးနှင့် အကျွမ်းတဝင် မရှိသေးဘဲ အနည်းငယ် အခက်အခဲလေးများ ရှိခဲ့ကြပါတယ်။ ဒါပေမဲ့ မဆုတ်မနစ် ကြိုးစားချင်စိတ်နှင့် စူးစမ်းချင်စိတ်တို့ကြောင့် မဆုတ်မဆိုင်းဘဲ ရဲရဲဝံ့ဝံ့ ပါဝင်ခဲ့ကြတာကို တွေ့ရခဲ့ပါတယ်။

07/08/2026

ကျောင်းဆင်းချိန်

မိုးသားတိမ်လိပ်တို့က ကောင်းကင်ယံထက်တွင် အုံ့မှိုင်းညို့ဆိုင်းနေကာ မွန်းလွဲပိုင်း၏ နေခြည်နုတို့မှာလည်း တဖြည်းဖြည်း မှေးမှိန်စပြုနေပြီဖြစ်သည်။ IEA Campus (1) ၏ ရှေ့မျက်နှာစာရှိ သစ်ရိပ်ညိုတို့အောက်တွင် သားသားမီးမီးတို့အား မျှော်လင့်တကြီး စောင့်ကြိုနေကြသော မိဘ၊ အုပ်ထိန်းသူ တို့မှာ မွန်းလွဲ (၃) နာရီ မတိုင်မီကပင် ကြိုတင်ရောက်ရှိနေကြလေပြီ။

မိဘများအတွက်မူ တစ်နေ့တာ အလုပ်ပင်ပန်းသမျှတို့သည် ကျောင်းတံခါးဝမှ ထွက်လာမည့် ကလေးငယ်၏ ရွှန်းလန်းသော မျက်နှာလေးကို မြင်တွေ့လိုက်ရသည့် ခဏ၌ပင် နှင်းစက်အတိုင်း ပျောက်ကွယ်သွားရမြဲဖြစ်၏။ ပြတင်းပေါက်မှတစ်ဆင့် မိဘတို့၏ ရိပ်ကနဲ ပုံရိပ်တို့ကို မြင်တွေ့လိုက်ရသော ကလေးငယ်တို့မှာလည်း အိမ်ပြန်ချိန်နီးပြီဟူသော အသိစိတ်ဖြင့် မိမိတို့၏ စာအုပ်စာတမ်းတို့ကို ပျော်ရွှင်တက်ကြွစွာဖြင့် သိမ်းဆည်းနေကြသည်။

ကျောင်းဆင်းချိန်ဆိုသည်မှာ ကလေးတိုင်း၏ ခေါင်းထဲတွင် မရေမတွက်နိုင်သော အတွေးပေါင်းစုံဖြင့် ကမ္ဘာငယ်လေးတစ်ခု ဖန်တီးနေသည့် အချိန်လည်း ဖြစ်ပါသည်။ (“ဒီနေ့ အိမ်ပြန်ရောက်ရင် မေမေ ဘာမုန့်ကျွေးမလဲ”၊ “အိမ်ရောက်ရင် သူငယ်ချင်းတွေနဲ့ ဘယ်လိုဆော့ရမလဲ”၊ “ဒီနေ့ အိမ်စာတွေ အများကြီး ပါလာမလား”) စသည့် ရိုးသားဖြူစင်သော အတွေးလေးများဖြင့် ကလေးငယ်တို့၏ မျက်နှာထက်တွင် စိတ်လှုပ်ရှားမှုတို့ ပြည့်နှက်နေတတ်သည်။ လာမကြိုသေးဘဲ ခဏမျှ နောက်ကျနေပါကလည်း "ငါ့ကို လာမကြိုတော့ဘူးလား" ဟူသော စိုးရိမ်စိတ်ဖြင့် မျက်ရည်ဝိုင်းရရှာသည့် ငယ်ဘဝ ကျောင်းဆင်းချိန် အမှတ်တရလေးများကိုလည်း အားလုံးပင် ကြုံဖူးခဲ့ကြမည် ဖြစ်ပါသည်။

နာရီလက်တံ (၃) နာရီသို့ ဆိုက်ရောက်လာသည်နှင့်အမျှ ကျောင်းရှေ့မြေကွက်လပ်တွင် ကျောင်းသားတို့၏ အမည်နာမတို့ကို စည်းချက်ညီညီ ခေါ်ယူနေသော ဆရာမတို့၏ ပဲ့တင်သံများနှင့်အတူ ကလေးငယ်များမှာလည်း ကျောင်းဆောင်အောက်သို့ တစ်ဖွဲ့ပြီးတစ်ဖွဲ့ ဆင်းသက်လာကြပြီဖြစ်သည်။ မိဘ၊ အုပ်ထိန်းသူ တို့ ရောက်ရှိမလာသေးသော ကလေးငယ်အချို့မှာမူ မိမိတို့၏ အမည်နာမ ခေါ်သံကို စိတ်အားထက်သန်စွာ နားစွင့်နေရင်းမှပင် သူငယ်ချင်းများနှင့်အတူ ဆော့ကစားကာ ကြည်နူးဖွယ် ကလေးဘဝအချိန်တိုလေးကို ဖန်တီးနေကြလေသည်။

ကျောင်းဆောင်အောက်သို့ ဆင်းလာသည်နှင့် ကလေးငယ်တို့မှာ မိမိတို့ကို စောင့်ကြိုနေသော မိဘ၊ အုပ်ထိန်းသူတို့၏ မျက်နှာကို မြင်လိုက်ရသည့်အခါ၌ပင် ပျော်ရွှင်မှုတို့ အပြည့်နှင့် အပြေးအလွှား သွားရောက် ပွေ့ဖက်လိုက်ကြပုံမှာ မြင်ရသူအဖို့ ကြည်နူးဖွယ်ပင် ဖြစ်သည်။

"ဒီနေ့ ကျောင်းမှာ ဘာတွေသင်ခဲ့လဲ"၊ "စာတွေ ကောင်းကောင်းရေးနိုင်ရဲ့လား" ဟူသော မိဘတို့၏ ချစ်ခင်ယုယစွာ မေးမြန်းစကားများမှာလည်း မြင်ရသူအဖို့ စိတ်ကြည်စရာ မြင်ကွင်းပါပဲ။ ကလေးငယ်တို့မှာလည်း ကျောင်းတွင် ကြုံတွေ့ခဲ့ရသော အဖြစ်အပျက်ကလေးများကို လက်ဟန်ခြေဟန်နှင့် တက်ကြွစွာ ပြန်လည်ပြောပြနေကြရာ ထိုမြင်ကွင်းမှာ မေတ္တာတရားတို့ ထုံမွှမ်းနေသည့် ပုံရိပ်တစ်ခုပင်။ အချို့ကလေးငယ်တို့မှာမူ မိမိတို့ကို လာကြိုသူ၏ နောက်ကျောကို လှမ်းဖက်ရင်း သို့မဟုတ် လက်ကိုတွဲကာ လမ်းလျှောက်ရင်းဖြင့် ပြန်လည်ထွက်ခွာသွားကြပုံမှာလည်း ကလေးတို့၏ ဘဝအတွက် ကြည်လင်ရွင်လန်းသော အချိန်အခါများ ဖြစ်ပါသည်။

Campus (1) မှ ကျောင်းသားတို့မှာ G3-G4 အရွယ်များဖြစ်ကြသည့်အတိုင်း တက်ကြွလန်းဆန်းသော စွမ်းအင်တို့ဖြင့် ပြည့်နှက်နေကြသူများ ဖြစ်သည်။ လာမကြိုသေးသော ကလေးငယ်တို့မှာလည်း ထိုစွမ်းအင်တို့ကို အကျိုးရှိရှိ အသုံးချကာ ဘောလုံးကစားကွင်းဆီသို့ ပျော်ရွှင်စွာ ချီတက်ကြပြီး၊ သူငယ်ချင်းများနှင့်အတူ ဘောလုံးကို အလုအယက် လိုက်ကစားရင်း ကလေးဘဝ၏ တက်ကြွမှုနှင့် ရွှင်လန်းမှုကို ထုတ်ဖော်ပြသနေကြလေသည်။

06/08/2026

IEA Weekend Activities: အားကစားနှင့် ဂီတကို ပျော်ရွှင်စွာ သင်ယူနေကြသည့် သားသားမီးမီးတို့၏ ပိတ်ရက် လှုပ်ရှားမှု ပုံရိပ်များ

ကျောင်းစာတင်မကဘဲ ကလေးတို့ရဲ့ ကျန်းမာသန်စွမ်းမှု၊ ဝါသနာနှင့် စွမ်းရည်များကို ပါ ပံ့ပိုးပေးနိုင်ရန်အတွက် IEA မှာ အပတ်စဉ် ပိတ်ရက်မှာ အားကစားနှင့် ဂီတအထူး သင်တန်းများကို စနစ်တကျ စီစဉ်ပေးလျက် ရှိပါတယ်။ 🏛️✨

⚽ အားကစားကဏ္ဍ (Sports Session):

Football Training: ကစားကွင်းကြီးထဲမှာ ဘောလုံးအားကစားကို စနစ်တကျ သင်ယူချင်သည့် ကျောင်းသားများအတွက် သီးသန့် ဘောလုံးလေ့ကျင့်ရေး (Football Training Session) ကို လေ့ကျင့်ပေးလျက် ရှိပါတယ်။

Futsal Playtime: ကျန်ရှိသည့် ကျောင်းသားများအတွက် ဖူဆယ်ကွင်းအတွင်း ပျော်ရွှင်စွာ အချင်းချင်း ပူးပေါင်းကစားနိုင်သည့် Futsal Playtime Session လေးများကို စီစဉ်ပေးထားပါတယ်။

🎸 ဂီတကဏ္ဍ (Guitar Class):

ဂီတချိန် Guitar Class မှာလည်း ကလေးတို့၏ သင်ယူမှုအဆင့်အလိုက် ထိရောက်စေရန် ခွဲခြားသင်ကြားပေးလျက် ရှိပါသည်။

Intermediate Level: မနှစ်ကတည်းက အခြေခံ သင်ယူခဲ့ပြီးသား သားသားမီးမီးတို့အတွက် တက်မြောက်မှု အဆင့်မြင့်လာစေမည့် Session တစ်ချိန်၊

Beginner Level: ဒီနှစ်မှ စတင်သင်ကြားမည့် သားသားမီးမီးတို့အတွက် အခြေခံမှစ၍ သေချာပြသပေးမည့် Beginner Session တစ်ချိန် ဆိုပြီး သီးသန့် ခွဲခြားကာ သင်ကြားပေးလျက် ရှိပါတယ်။ 🎶

💻 နည်းပညာကဏ္ဍ (Computer Specialized Skills - Coming Next Week!):
ဒါ့အပြင် လာမည့်အပတ် ကျောင်းဆင်းချိန်များမှ စတင်၍ အတန်းကြီး ကျောင်းသား၊ ကျောင်းသူများအတွက် ခေတ်နှင့်အညီ မရှိမဖြစ် လိုအပ်သည့် Computer Specialized Skills (ကွန်ပျူတာ အထူးပြုစွမ်းရည်) သင်ခန်းစာများကိုပါ စနစ်တကျ ဖြည့်စွက်သင်ကြား ပေးသွားတော့မည် ဖြစ်ပါတယ်။ 🚀

အားကစား၊ ဂီတနှင့် Computer Specialized Skills အထူး Class များနှင့် Session များအားလုံးအတွက် မိဘများဘက်မှ မည်သည့် ထပ်ဆောင်း ကုန်ကျစရိတ် အပိုမှ ပေးဆောင်ရန် မလိုဘဲ IEA ၏ ဘက်စုံပြုစုပျိုးထောင်မှု သင်ရိုးများအဖြစ် အခမဲ့ ပါဝင်လေ့လာခွင့် ရရှိပါမည်။

05/08/2026

🌅 မနက်ခင်းကို အေးချမ်းစွာဖြင့် စတင်ကြသည့် Campus II က သားသားမီးမီးတို့၏ အမှတ်တရ ပုံရိပ်များ ☀️

နံနက်ခင်းတိုင်းမှာ သားသားမီးမီးတို့ရဲ့ စိတ်နှလုံး အေးချမ်းတည်ငြိမ်စေဖို့၊ အာရုံစူးစိုက်မှု ပိုမိုအားကောင်းလာစေဖို့နဲ့ ယဉ်ကျေးလိမ္မာသည့် အလေ့အကျင့်ကောင်းများ စွဲမြဲစေဖို့အတွက် IEA Campus 2 မှာ မနက်ခင်း ဘုရားရှိခိုးခြင်းနှင့် စိတ်အေးချမ်းရာ အစီအစဉ်လေးများကို မနက်တိုင်း မှန်မှန် ပြုလုပ်ပေးလျက် ရှိပါတယ် ✨

ကျောင်းစာတင်မကဘဲ စိတ်နေစိတ်ထားနှင့် အကျင့်စာရိတ္တ ပိုင်းဆိုင်ရာပါ ဘက်စုံ ထက်မြက်စုံလင်သည့် လူငယ်များဖြစ်အောင် IEA မှ အစဉ်အမြဲ ဂရုစိုက် ထိန်းကျောင်းပေးလျက် ရှိပါတယ် 🌟

29/07/2026

ဓမ္မစကြာအခါတော်နေ့ (ဝါဆိုလပြည့်နေ့) မင်္ဂလာအပေါင်းနှင့် ပြည့်စုံပါစေ

ဒီနေ့ကျရောက်သည့် သပ္ပါယ်လှသော ဝါဆိုလပြည့် (ဓမ္မစကြာအခါတော်နေ့) တွင် IEA မိသားစုဝင်များ၊ ကျောင်းသား၊ ကျောင်းသူများ၊ ဆရာ၊ ဆရာမများနှင့်တကွ မိဘပြည်သူများအားလုံး ကိုယ်၏ကျန်းမာခြင်း၊ စိတ်၏ချမ်းသာခြင်းတို့နှင့် ပြည့်စုံကြပါစေကြောင်း ဆုမွန်ကောင်း တောင်းအပ်ပါတယ်။

ဝါဆိုလပြည့်နေ့သည် ဂေါတမမြတ်စွာဘုရားရှင်၏ -
✨ ပဋိသန္ဓေ ယူတော်မူသောနေ့
✨ တောထွက်တော်မူသောနေ့
✨ တရားဦး ဓမ္မစကြာဒေသနာတော်ကို စတင်ဟောကြားတော်မူသောနေ့
✨ သံဃာရတနာ စတင်ပေါ်ပေါက်ခဲ့သည့် အထူးခြားဆုံးနှင့် မင်္ဂလာအပေါင်းနှင့် ပြည့်စုံသော သမိုင်းဝင် အခါတော်နေ့မြတ် ဖြစ်ပါတယ်။

မြတ်စွာဘုရားရှင် ဟောကြားတော်မူခဲ့သည့် ဓမ္မစကြာဒေသနာတော်၏ အနှစ်သာရများအတိုင်း မကောင်းမှုကို ရှောင်၊ အကောင်းကို ဆောင်ရွက်ပြီး သတိတရား၊ ပညာတရားတို့ဖြင့် ငြိမ်းချမ်းသာယာသော ဘဝများကို တည်ဆောက်နိုင်ကြပါစေကြောင်း ဆုတောင်းလိုက်ရပါတယ်။

21/07/2026

📝 သင်ယူဆည်းပူးခဲ့သမျှ အသိပညာနဲ့ ကြိုးစားအားထုတ်မှုများကို ဆန်းစစ်သည့် ကျောင်းစာမေးပွဲကို IEA ရဲ့ Campus 1, 2, 3 ကျောင်းဝင်းအသီးသီးမှာ ဖြေဆိုလျှက်ရှိကြတဲ့ ကျောင်းသား၊ ကျောင်းသူများ၏ပုံရိပ်များ ။ 📝

🌟 စာမေးပွဲကာလအတွင်း အားစိုက်ထုတ်ထားကြသည့် ကျောင်းသား၊ ကျောင်းသူများအားလုံး မိမိတို့ မျှော်မှန်းထားသည့် ရလဒ်ကောင်းများကို ထူးချွန်ထက်မြက်စွာဖြင့် ပိုင်ဆိုင်နိုင်ကြပါစေ 🌟

19/07/2026

(၇၉) နှစ်မြောက် အာဇာနည်နေ့ အထိမ်းအမှတ် အခမ်းအနားနှင့် လှုပ်ရှားမှုပုံရိပ်များ

ပြီးခဲ့သည့် သောကြာနေ့က IEA ရဲ့ Campus (1) နှင့် (2) မှာ (၇၉) နှစ်မြောက် အာဇာနည်နေ့ကို ကြိုဆိုဂုဏ်ပြုတဲ့အနေနဲ့ ကျောင်းဝင်းအတွင်း
အထိမ်းအမှတ် အခမ်းအနားလေးများကို ပြုလုပ်ခဲ့ကြပါတယ်။ 🏛️✨

Campus 1 ရဲ့ အပတ်စဉ် Assembly အစီအစဉ်မှာတော့ ကျောင်းသား၊ ကျောင်းသူများကို နိုင်ငံ့သမိုင်းကြောင်းနဲ့ အာဇာနည်နေ့ရဲ့ တန်ဖိုးရှိလှတဲ့ အနှစ်သာရတွေကို သိရှိနားလည်စေဖို့အတွက် အာဇာနည်ခေါင်းဆောင်ကြီးများ၏ စွန့်လွှတ်ပေးဆပ်မှု သမိုင်းကြောင်းတွေကို သေသေချာချာ ဆွေးနွေးပြောကြားပေးခဲ့ပါတယ်။ 💡✍️

တစ်ချိန်တည်းမှာပဲ Campus 2 ရဲ့ သားသားမီးမီးလေးများကိုလည်း အာဇာနည်နေ့နဲ့ ပတ်သက်ပြီး သိသင့်သိထိုက်တဲ့ သမိုင်းဗဟုသုတတွေကို သေချာရှင်းလင်း ပြောကြားပေးခဲ့ပါတယ်ဗျာ။ ဒါ့အပြင် အာဇာနည်နေ့ အထိမ်းအမှတ် ဂုဏ်ပြုသီချင်းများ ဖွင့်လှစ်ပေးခဲ့တဲ့အပြင်၊ ကျောင်းက ဆရာမကိုယ်တိုင် တယော (Violin) နဲ့ ငြိမ့်ညောင်းစွာ တီးခတ်ပေးခဲ့ပါတယ်။ 🎻

IEA Private School

29/08/2026

23/08/2026

14/08/2026

09/08/2026

07/08/2026

06/08/2026

05/08/2026

29/07/2026

21/07/2026

19/07/2026

Address

Website

Alerts

Contact The School

Shortcuts

Share

Category

Listing takedown request