What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

https://www.facebook.com/805043979567368/

OIAC.2 ကိုယ်ပိုင်အထက်တန်းကျောင်း, Naypyidaw (2026)

18/08/2026

🎨 Grade-3 ကလေးတို့ရဲ့ စိတ်ကူးယဉ် အနုပညာကမ္ဘာ - ART TIME 🎨
OIAC.2 ကိုယ်ပိုင်အထက်တန်းကျောင်းရဲ့ Grade-3 ကျောင်းသား/သူလေးများမှ "ရေဆေးဖြင့်ပုံကူးယူခြင်းအနုပညာ" သင်ခန်းစာကို ပျော်ရွှင်တက်ကြွစွာ သင်ယူဖန်တီးနေကြပုံလေးတွေပဲ ဖြစ်ပါတယ်! 🖌️✨
အနုပညာသင်ခန်းစာမှ ရရှိနိုင်သည့် အကျိုးကျေးဇူးများ
ဖန်တီးနိုင်စွမ်း တိုးတက်ခြင်း: ရောင်စုံရေဆေးများကို စိတ်ကြိုက်အသုံးပြုရင်း ကလေးတို့၏ စိတ်ကူးစိတ်သန်းများကို လွတ်လပ်စွာ ပုံဖော်ခွင့်ရရှိခြင်း
အာရုံစိုက်မှုနှင့် လက်ကြောစိမ်းလေ့ကျင့်မှု: ဆေးစုတ်တံကို စနစ်တကျ ကိုင်တွယ်၍ ပုံကူးယူခြင်းဖြင့် သေးငယ်သော ကြွက်သားများနှင့် အာရုံစိုက်မှုကို မြှင့်တင်ပေးနိုင်ခြင်း
သင်ယူလိုစိတ် တိုးတက်ခြင်း: စာတွေ့သင်ခန်းစာများအပြင် ပျော်ရွှင်စရာ အနုပညာလှုပ်ရှားမှုများ ပါဝင်ခြင်းကြောင့် သင်ယူလိုစိတ်ကို ပိုမိုတက်ကြွစေခြင်း
ကျောင်းသား/သူလေးတို့၏ လှပဆန်းသစ်သော ဖန်တီးမှုပုံရိပ်များကို ကြည့်ရှုနိုင်ရန် မျှဝေပေးလိုက်ရပါသည်။ ❤️

14/08/2026

ဝမ်းပျက်ဝမ်းလျှော မဖြစ်အောင် ကာကွယ်နည်းများ
၁။ သောက်သုံးရေနှင့် အစားအစာ သန့်ရှင်းရေး
ရေကို ဆူပွက်အောင် ကျိုပါ: သောက်သုံးရေကို အနည်းဆုံး ၁ မိနစ်ခန့် ဆူပွက်အောင် ကျိုချက်ပြီးမှ သောက်သုံးပါ သို့မဟုတ် စနစ်တကျ သန့်စင်ထားသော ရေဆိုးထုတ်စနစ်ပါ ရေကိုသာ သောက်ပါ။
အစားအစာများကို ပူပူနွေးနွေး စားပါ: ချက်ပြုတ်ပြီးခါစ ပူပူနွေးနွေး အစားအစာများကို သုံးဆောင်ပါ။ အပြင်တွင် ကြာရှည် အေးစက်အောင် ထားထားသော အစာများကို ရှောင်ကြဉ်ပါ။
ယင်မနားအောင် ဖုံးအုပ်ပါ: အစားအသောက်များကို ယင်ကောင်၊ ကြွက်နှင့် ပိုးမွှားများ မနားနိုင်စေရန် အုပ်ဆောင်း သို့မဟုတ် အဖုံးပါသော ဘူးများဖြင့် သေချာဖုံးအုပ်ထားပါ။
သစ်သီးနှင့် ဟင်းသီးဟင်းရွက်များကို ဆေးကြောပါ: အစိမ်းစားမည့် သစ်သီးများနှင့် ဟင်းသီးဟင်းရွက်များကို မစားမီ သန့်ရှင်းသော ရေဖြင့် စနစ်တကျ ပြောင်စင်အောင် ဆေးကြောပါ။
၂။ လက်သန့်ရှင်းရေး (Hand Hygiene)
အောက်ပါ အခြေအနေများတွင် လက်ကို ဆပ်ပြာနှင့် ရေဖြင့် အနည်းဆုံး စက္ကန့် ၂၀ ကြာအောင် စနစ်တကျ ပွတ်တိုက်ဆေးကြောပါ-
အစာမစားမီနှင့် အစာပြင်ဆင်/ချက်ပြုတ်ခြင်း မပြုမီ
အိမ်သာတက်ပြီးချိန်
ကလေးငယ်များ၏ အညစ်အကြေး သို့မဟုတ် သေးခံ (Diapers) လဲလှယ်ပေးပြီးချိန်
အမှိုက် သို့မဟုတ် မသန့်ရှင်းသော ပစ္စည်းများကို ကိုင်တွယ်ပြီးချိန်
၃။ အိမ်သာနှင့် ပတ်ဝန်းကျင် သန့်ရှင်းရေး
ယင်လုံအိမ်သာ အသုံးပြုပါ: မစင်မှတစ်ဆင့် ရောဂါပိုးမွှားများ အစားအသောက်နှင့် ရေထဲသို့ ကူးစက်ခြင်း မရှိစေရန် ယင်လုံအိမ်သာကို သန့်ရှင်းစွာ သုံးစွဲပါ။
အမှိုက်များကို စနစ်တကျ စွန့်ပစ်ပါ: အိမ်ပတ်ဝန်းကျင်တွင် ယင်ကောင်နှင့် ပိုးမွှားများ မပေါက်ဖွားနိုင်စေရန် အမှိုက်များကို အဖုံးပါသော အမှိုက်ပုံးထဲ၌သာ စွန့်ပစ်ပါ။
၄။ ကလေးငယ်များအတွက် အထူးကာကွယ်နည်းများ
မိခင်နို့တစ်မျိုးတည်း သီးသန့်တိုက်ပါ: ကလေးမွေးစမှ အသက် (၆) လအထိ မိခင်နို့တစ်မျိုးတည်းသာ တိုက်ကျွေးခြင်းဖြင့် အူလမ်းကြောင်း ခုခံအားကို မြှင့်တင်ပေးပါ။
ကာကွယ်ဆေး တိုက်ကျွေးပါ: ကလေးငယ်များတွင် ပြင်းထန် ဝမ်းပျက်ဝမ်းလျှောဖြစ်စေသည့် Rotavirus ကာကွယ်ဆေး ကို သတ်မှတ်ထားသော အသက်အရွယ်အလိုက် စနစ်တကျ တိုက်ကျွေး/ထိုးနှံထားပါ။
အဓိက သတိပြုရန် - "သန့်ရှင်းသော ရေ၊ သန့်ရှင်းသော လက်နှင့် သန့်ရှင်းသော အစားအစာ" သည် ဝမ်းပျက်ဝမ်းလျှော ရောဂါမှ ကင်းဝေးစေရန် အထိရောက်ဆုံးသော ဒိုင်းကာများ ဖြစ်ကြပါတယ်။

13/08/2026

✨ 2026-2027 ပညာသင်နှစ် ပထမအကြိမ်မိဘ/ဆရာ တွေ့ဆုံပွဲ အောင်မြင်စွာ ကျင်းပပြီးစီး ✨
ဒီနေ့မှာ ကျင်းပခဲ့တဲ့ OIAC.2 ကိုယ်ပိုင်အထက်တန်းကျောင်း ရဲ့ "ပထမအကြိမ် မိဘ/ဆရာ ပညာရေးဆွေးနွေးပွဲ" လေး အောင်မြင်စွာ ပြီးမြောက်သွားခဲ့ပါပြီ။ 👏

ဆရာနှင့် မိဘများအကြား ကလေးငယ်တွေရဲ့ ပညာရေးအနာဂတ်အတွက် ရင်းနှီးပွင့်လင်းစွာ တိုင်ပင်ဆွေးနွေးနိုင်ခဲ့ကြပါတယ်။ မအားလပ်တဲ့ကြားက အချိန်ပေးတက်ရောက်ပေးကြတဲ့ မိဘအုပ်ထိန်းသူများအားလုံးကိုလည်း အထူးပဲ ကျေးဇူးတင်ရှိပါတယ် ခင်ဗျာ။ ❤️
ရှေ့ဆက်ပြီးတော့လည်း ရင်သွေးငယ်များ၏ ပညာရေးအတွက် အတူတကွ လက်တွဲကြိုးပမ်းသွားပါမည်။
#မိဘဆရာတွေ့ဆုံပွဲ ာသင်နှစ် #ကိုယ်ပိုင်အထက်တန်းကျောင်း

08/08/2026

‎🎓 ပညာရေးဆွေးနွေးပွဲ Online Webinar 🎓
‎"တက္ကသိုလ်ဝင်စာမေးပွဲအောင်မြင်မှု၏ နောက်ဆက်တွဲများကို ဘယ်လိုပြင်ဆင်၊ ကြုံဆုံ ရင်ဆိုင်ကြမလဲ"
‎တက္ကသိုလ်ဝင်စာမေးပွဲ အောင်မြင်ပြီးသူများ/ကျောင်းသား၊ ကျောင်းသူများနှင့် မိဘအုပ်ထိန်းသူများအတွက် ရှေ့ဆက်ရမည့် ပညာရေး၊ ဘဝခရီးလမ်းနှင့် ပတ်သက်၍ အကျိုးရှိစေမည့် (၂) နာရီကြာ Online Webinar လေးတစ်ခု ပြုလုပ်သွားမှာဖြစ်ပါတယ်ခင်ဗျာ။
‎💡 ဆွေးနွေးပွဲတွင် ပါဝင်မည့် အကြောင်းအရာများ
‎ပြည်တွင်း/ပြည်ပ တက္ကသိုလ်၊ ကောလိပ်များ လျှောက်ထားတက်ရောက်ရာတွင် ထည့်သွင်းစဉ်းစား ပြင်ဆင်ရမည့် အချက်အလက်များ
‎AI နည်းပညာ ထွန်းကားလာသည့် ခေတ်သစ် တွင် အမှန်တကယ် လိုအပ်ပြီး အသုံးဝင်မည့် အသိပညာ၊ အတတ်ပညာများကို ကြိုတင်လေ့လာပြင်ဆင်နည်းများ
‎လူငယ်ဘဝ ရင်ဆိုင်ရမည့် စိန်ခေါ်မှုများ၊ မသေချာမှုများ ကို နားလည်သဘောပေါက်ပြီး အခက်အခဲများကို အောင်မြင်စွာ ရင်ဆိုင်ကျော်လွှားနိုင်မည့် အတွေ့အကြုံများ
‎🎙️ Speaker မိတ်ဆက်
‎ကိုဇေယျမျိုးကျော် (OiAC ကျောင်းသားဟောင်း)
‎OiAC ကိုယ်ပိုင်အထက်တန်းကျောင်း (၂၀၁၃-၂၀၁၄) နဝမတန်းမှစ၍ တက်ရောက်ခဲ့သူ
‎တက္ကသိုလ်ဝင်စာမေးပွဲ ဓာတုဗေဒ နှင့် ဇီဝဗေဒ (၂) ဘာသာ ဂုဏ်ထူးဖြင့် အောင်မြင်ခဲ့သူ
‎ရန်ကုန်တက္ကသိုလ် မှ စိတ်ပညာ (B.Sc. Hons) ရရှိခဲ့ပြီး အင်္ဂလိပ်စာစွမ်းရည်ပြိုင်ပွဲများတွင် ထူးချွန်ဆုများ ရရှိခဲ့သူ
‎University of Stirling (UK) မှ မဟာသိပ္ပံဘွဲ့ (အထူးအောင်) ရရှိခဲ့သူ
‎Algonquin College (Canada) တွင် Child and Youth Care ပညာရပ်ကို ဆက်လက်သင်ယူ လက်တွေ့လုပ်ကိုင်နေသူ
‎ZYMK Self Development Business ကို ဦးဆောင်တည်ထောင်ထားသူ
‎📅 Webinar အသေးစိတ် အချက်အလက်များ
‎နေ့ရက်: ၁၁ - ၀၈ - ၂၀၂၆ (အင်္ဂါနေ့)
‎အချိန်: ည (၈) နာရီမှ (၁၀) နာရီအထိ
‎နေရာ: Zoom Meeting Online (၁ ရက်အလိုတွင် Meeting Link ပို့ပေးပါမည်)
‎Registration Fees: တဦးလျှင် 10000 ကျပ် (တစ်သောင်းကျပ်တိတိ)
‎📝 စာရင်းပေးသွင်းရန်
‎စိတ်ပါဝင်စားသည့် မိဘအုပ်ထိန်းသူများ၊ ကျောင်းသား/သူများအနေဖြင့် (၁၀-၈-၂၀၂၆) (တနင်္ဂနွေနေ့) နောက်ဆုံးထား၍ အောက်ပါ Google Form တွင် အချက်အလက်များ ဖြည့်သွင်းကာ Register ပြုလုပ်ပေးပါရန် လေးစားစွာ အသိပေးအပ်ပါသည်။
‎
‎https://docs.google.com/forms/d/e/1FAIpQLSerPvbAOP449cxD0QWTnNApBRW9TE-NjlHCeyOOrH8embqluQ/viewform?usp=header

05/08/2026

OiAC.2 ကိုယ်ပိုင်အထက်တန်းကျောင်း၏ ၂၀၂၆ - ၂၀၂၇ ပညာသင်နှစ် စုပေါင်းဝါဆိုသင်္ကန်း ကပ်လှူပူဇော်ပွဲနှင့် တရားတော်နာယူပွဲ အခမ်းအနားကို ၂၀၂၆ ခုနှစ်၊ ဩဂုတ်လ (၅) ရက် (ဗုဒ္ဓဟူးနေ့) နံနက်ပိုင်းက ကျောင်းဝင်းအတွင်း အောင်မြင်စွာ ကျင်းပပြုလုပ်ခဲ့ပါသည်။ 🙏✨

🌸 အခမ်းအနား မြင်ကွင်းနှင့် ကုသိုလ်တော်များ

အဆိုပါ မင်္ဂလာအခမ်းအနားတွင် ကျောင်းတည်ထောင်အုပ်ချုပ်သူ၊ ကျောင်းအုပ်ဆရာမကြီး၊ ဆရာ/ဆရာမများ၊ ရုံးဝန်ထမ်းများနှင့် ကျောင်းသား/ကျောင်းသူများ၊ မိဘပြည်သူများ စုပေါင်း၍ -

သံဃာတော်အရှင်သူမြတ်များအား ဝါဆိုသင်္ကန်းနှင့် လှူဖွယ်ဝတ္ထုအစုစုတို့ကို ဆက်ကပ်လှူဒါန်းခဲ့ကြပါသည်။

တရားတော်များ နာယူကြည်ညို၍ ရေစက်သွန်းချ အမျှဝေဝေငှခဲ့ကြပါသည်။

🙏 ဆုမွန်ကောင်းတောင်းလွှာ

ယနေ့ ပြုလုပ်ခဲ့သော စုပေါင်းဝါဆိုသင်္ကန်း ကပ်လှူပူဇော်ပွဲ ကုသိုလ်ကောင်းမှုအစုစုတို့ကြောင့် ဆရာ၊ ဆရာမများ၊ ကျောင်းသား/သူများနှင့် မိဘပြည်သူအပေါင်း စိတ်၏ချမ်းသာခြင်း၊ ကိုယ်၏ကျန်းမာခြင်းတို့နှင့် ပြည့်စုံကြပါစေကြောင်း ဆုမွန်ကောင်းတောင်းအပ်ပါသည်။

အမျှ... အမျှ... အမျှ... ယူတော်မူကြပါကုန်လော့။ 🌸

#ဝါဆိုသင်္ကန်းကပ်လှူပူဇော်ပွဲ ာသင်နှစ် #

28/07/2026

ဝါဆိုလပြည့်နေ့တွင် ဘေးဘယာဝေးကွာ ကောင်းကျိုးလိုအင်ဆန္ဒတွေ ပြည့်ဝကြပါစေလို့ OiAC 2 ကိုယ်ပိုင်အထက်တန်းကျောင်းမှ ‌ဆုတောင်းမေတ္တာပို့သအပ်ပါတယ်ခင်ဗျာ။🙏🙏🙏

28/07/2026

✨ ကျောင်းသား/သူတို့၏ စာပေပညာတင်မကဘဲ လူမှုကူညီရေးစိတ်ဓာတ်နှင့် ဗဟုသုတများကိုပါ တိုးပွားစေခဲ့သည့် "ကြက်ခြေနီ အကြောင်း သိကောင်းစရာ" ဟောပြောပွဲ ✨
OiAC 2 ကိုယ်ပိုင်အထက်တန်းကျောင်းတွင် ကျောင်းသား၊ ကျောင်းသူများအတွက် အလွန်ပင် ဗဟုသုတရရှိပြီး တန်ဖိုးရှိလှသည့် "ကြက်ခြေနီ အကြောင်း သိကောင်းစရာ ဟောပြောပွဲ" လေးကို အောင်မြင်စွာ ကျင်းပပြုလုပ်ခဲ့ပါတယ်။ ⛑️❤️
ယခုဟောပြောပွဲတွင် မြန်မာနိုင်ငံကြက်ခြေနီအသင်းမှ တာဝန်ရှိသူများက လာရောက်၍ -
🔹 ကြက်ခြေနီအသင်း၏ သမိုင်းကြောင်းနှင့် အခြေခံမူများ
🔹 လူသားချင်းစာနာထောက်ထားမှုဆိုင်ရာ ကူညီစောင့်ရှောက်ရေး လုပ်ငန်းများ
🔹 အရေးပေါ်အခြေအနေများတွင် သိရှိလိုက်နာရမည့် အခြေခံ ရှေးဦးပြုစုခြင်းဆိုင်ရာ ဗဟုသုတများကို စိတ်ပါဝင်စားဖွယ် ရှင်းလင်းဟောပြောပေးခဲ့ကြပါတယ်။
ကျောင်းသား၊ ကျောင်းသူများအနေဖြင့်လည်း စာတွေ့တင်မကဘဲ လက်တွေ့ပါ အသုံးဝင်မည့် အသိပညာများနှင့် ပတ်ဝန်းကျင်ကို ကူညီစောင့်ရှောက်လိုသည့် စိတ်ဓာတ်ကောင်းများကို ရရှိခဲ့ကြပါတယ်။ 👏
တန်ဖိုးရှိလှသော ဗဟုသုတများကို မေတ္တာရှေ့ထား၍ လာရောက်မျှဝေပေးခဲ့ကြသည့် မြန်မာနိုင်ငံကြက်ခြေနီအသင်း မှ တာဝန်ရှိသူများနှင့် စေတနာ့ဝန်ထမ်းများအားလုံးကို OiAC 2 မိသားစုမှ အထူးပင် ကျေးဇူးတင်ရှိအပ်ပါသည်။ ❤️✨
#ကြက်ခြေနီ #အသိပညာပေးဟောပြောပွဲ

27/07/2026

🎉 ဂုဏ်ယူဝမ်းမြောက်စွာ မှတ်တမ်းတင်အပ်ပါသည် 🎉
O!AC.2 ကိုယ်ပိုင်အထက်တန်းကျောင်းမှ ကျောင်းသား/ကျောင်းသူလေးများသည် ဇူလိုင်လ (၁၉) ရက်နေ့တွင် ကျရောက်ခဲ့သော အာဇာနည်နေ့ အထိမ်းအမှတ်အဖြစ် ကျင်းပပြုလုပ်ခဲ့သည့် ပြိုင်ပွဲများတွင် တက်ကြွစွာ ပါဝင်ယှဉ်ပြိုင်ခဲ့ကြပါသည်။ 🏆
ယခုအပတ် ကျောင်း၏ Assembly အချိန်တွင်တော့ အဆိုပါပြိုင်ပွဲ၌ ထူးချွန်စွာ ဆုရရှိခဲ့ကြသော ကျောင်းသား/ကျောင်းသူများအား ဂုဏ်ပြုဆုများ အသီးသီး ချီးမြှင့်ပေးအပ်ခဲ့ပါသည်။ 🥇🥈🥉
ဆုရရှိသွားကြသော သားငယ်၊ သမီးငယ်များအားလုံးကို ကျောင်းအုပ်ကြီး၊ ဆရာ/ဆရာမများနှင့်တကွ သူငယ်ချင်းများအားလုံးက လှိုက်လှဲစွာ ဂုဏ်ယူဝမ်းမြောက်ပါကြောင်းနှင့် ရှေ့ဆက်၍လည်း ဒီထက်မက ထူးချွန်အောင်မြင်သော လူရည်ချွန်၊ သားကောင်းသမီးရတနာလေးများ ဖြစ်ကြပါစေဟု ဆုတောင်းမေတ္တာ ပို့သအပ်ပါသည်။ 🌟
ဆုပေးပွဲ အခမ်းအနားမှ အမှတ်တရ ပုံရိပ်လေးများကို ပရိသတ်ကြီးနှင့်အတူ ဝေမျှလိုက်ရပါသည်။ 👇

22/07/2026

🎯 ဇူလိုင်လ အခန်းဆုံးတက်မြောက်မှု စစ်ဆေးအကဲဖြတ် စာမေးပွဲဖြေဆိုခြင်း 📝
OiAC 2 ကိုယ်ပိုင်အထက်တန်း‌‌ေကျာင်းမှ
ကျောင်းသား/ကျောင်းသူများရဲ့ ပြီးခဲ့တဲ့လပိုင်းတစ်လျှောက် လေ့လာသင်ယူခဲ့မှု တိုးတက်မှုကို တိုင်းတာစစ်ဆေးပေးမယ့် ဇူလိုင်လအတွက် အခန်းဆုံးတက်မြောက်မှု စစ်ဆေးအကဲဖြတ် စာမေးပွဲကြီးကို စတင်ကျင်းပနေပါပြီ။
မိမိတို့ရဲ့ ကြိုးစားအားထုတ်မှုနဲ့ သင်ခန်းစာများကို ဘယ်လောက်အထိ နားလည်တတ်မြောက်ထားလဲဆိုတာကို ဖော်ထုတ်ပြသနိုင်မယ့် အခွင့်အရေးတစ်ခု ဖြစ်တာကြောင့် ကျောင်းသား/ကျောင်းသူများအားလုံး စိတ်ရောကိုယ်ပါ အကောင်းဆုံးကြိုးစားဖြေဆိုကြဖို့ တိုက်တွန်းအားပေးလိုက်ပါတယ်ရှင်။ 🌟
✨ လူငယ်တိုင်း အနာဂတ်တောက်ပဖို့အတွက် အတူတူကြိုးစားကြစို့ ✨

19/07/2026

(၇၉) နှစ်မြောက် အာဇာနည်နေ့ 🇲🇲

မြန်မာ့လွတ်လပ်ရေးအတွက် အသက်ပေးလှူသွားကြသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီး (၉) ဦးတို့၏ ကျေးဇူးတရားများကို OIAC.2 ကိုယ်ပိုင်အထက်တန်းကျောင်း မှ အစဉ်အမြဲ အောက်မေ့သတိရလျက်ရှိပါသည်။
ယနေ့ကျရောက်သော (၇၉) နှစ်မြောက် အာဇာနည်နေ့တွင် အာဇာနည်ခေါင်းဆောင်ကြီးများအား လေးမြတ်စွာ ဦးညွှတ်ဂါရဝပြုအပ်ပါသည်။

OIAC.2 ကိုယ်ပိုင်အထက်တန်းကျောင်း

18/08/2026

14/08/2026

13/08/2026

08/08/2026

05/08/2026

28/07/2026

28/07/2026

27/07/2026

22/07/2026

19/07/2026

Address

Opening Hours

Telephone

Website

Alerts

Contact The School

Shortcuts

Share

Category

Listing takedown request

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00