15/08/2026
ပုဂ္ဂလိကပညာရေးနှင့်ပတ်သက်ပြီး သတိပြုစရာအချက်များ (၂၁)
*********************************************************
Post အမှတ်(၂၀)မှာ International Baccalaureate (IB) သင်ရိုးညွှန်းတမ်း အကြောင်းကို ရေးခဲ့ပါတယ်။ အဲဒီမှာရှေ့ကတင်ပြပြီးခဲ့တဲ့ Myanmar National Curriculum KG+12 ၊ Cambridge ၊ Pearson curriculum သင်ရိုးညွှန်းတမ်းနဲ့ သင်ပြီးတဲ့ကလေးတွေ IB curriculum ကို ဘယ်လိုကူးပြောင်း သင်ယူနိုင်တယ် ဆိုတဲ့ အကြောင်းတွေကို မိဘပြည်သူတွေ သိစေဖို့ရေးသားခဲ့ပါတယ်။
ဒီနေ့ Post မှာတော့ American Curriculum အကြောင်းကို ရေးပါမယ်။ အမေရိကန်နိုင်ငံမှာ ပြည်နယ်ပေါင်း (၅၀)ခု ရှိတယ်ဆိုတာအားလုံး အသိဘဲဖြစ်တယ်။ သင်ရိုးညွှန်တမ်းတွေ၊ ပညာရေးဥပဒေတွေဟာ ပြည်နယ် တစ်ခုနဲ့တစ်ခု မတူညီနိုင်ပါဘူး။ ဘာလို့ပါလဲ ပြည်နယ်တွေကို ဖက်ဒရယ်စနစ်အရ ပြည်နယ်အလိုက် သင်ရိုး ညွှန်းတမ်းတွေ၊ ပြည်နယ်အလိုက် ပညာရေးဥပဒေတွေကို ရေးဆွဲဆောင်ရွက်ခွင့် ပြုထားလို့ဘဲဖြစ်ပါတယ်။
မြန်မာနိုင်ငံမှာလဲ American Curriculum သုံးနေတဲ့နိုင်ငံ တကာသင်ရိုးသင် ကျောင်းတွေရှိပါတယ်။ ဒါပေမဲ့ အရေအတွက်အနေနဲ့ တော်တော်လေး နည်းတာတွေ့ရပါတယ်။ သင်ရိုးညွှန်းတမ်း အကြောင်းပြောရင် အခြေခံ ပညာဖွဲ့စည်းပုံ စနစ်ကိုပါ ထည့်ပြောရပါမယ်။ အမေရိကန်က ပြည်နယ်အများစု မှာသုံးတာက KG+12 စနစ်ပါ မြန်မာနိုင်ငံနဲ့ စနစ်တစ်ခုလုံးခြုံပြောရင် အတူတူပါဘဲ။
အမေရိကန်မှာ ပြည်နယ်အများစုမှာ သုံးတာက KG + 5-3-4 စနစ် (KG+ Elementary 5/ Middle 3/ High 4) ဖြစ်တယ်။ တစ်ချို့ပြည်နယ်တွေမှာ KG+6-3-3 စနစ် သုံးတာလဲရှိပါတယ်။ တစ်ချို့ပြည်နယ် တွေက ကျောင်းအနည်း စုမှာလဲ KG+5-4-3 စနစ် သုံးတာတွေ့ရပြန်ပါတယ်။ ပြည်နယ်အများစု သုံးတာက KG+ 5-3-4 ဖြစ်လို့ မြန်မာ KG+5-4-3 နဲ့ နှိုင်းယှဉ် ကြည့်နိုင်ပါတယ်။
American Curriculum နဲ့ပတ်သက်ပြီး သိသင့်တဲ့အချက်လေးတွေကို ပြောပါမယ်။ အထူးသဖြင့်တော့ ပြည်နယ် အများစုမှာ သုံးနေတဲ့ KG+ 5 -3-4 စနစ်ကို ပြောပါမယ်။
(၁) Pre-school (year1-2) (အသက် 3-4) (2 Years)
Kindergarten- KG (အသက် 5) (Pre-elementary) (1 Year)
(၂) Elementary (အသက် 6–10) (Grade 1 -5) (5 Years)
(၃) Middle School (Junior High School) (Early adolescence) (အသက် 11–13) (Grade 6 –8) (3 Years)
(၄) High School (College Preparation) (အသက် 14–18) (Grade 9-12) (4 Years)
စနစ်ကိုကြည့်ရင် မြန်မာနိုင်ငံKG+12 နဲ့ အသက်သတ်မှတ်ချက်တွေရော အတန်းဖွဲ့စည်းပုံရော အတူတူပါဘဲ။ ဒါပေမဲ့ ကွာခြားချက်က အမေရိကန်စနစ်မှာ အလယ်တန်း က ၃ နှစ်သင်ဖြစ်ပါတယ်။ အလယ်တန်းဆင့်ပြီးရင် Grade 8 နဲ့ စာသင်နှစ် ၈ နှစ်ပြီးပါတယ်။ မြန်မာ KG+12 မှာ က ၄ နှစ်သင် ဖြစ်တဲ့အတွက် မြန်မာမှာ အလယ်တန်း အဆင့်ပြီးရင် Grade 9 အထိ စာသင်နှစ် ၉ နှစ်ဖြစ်ပါတယ်။ အမေရိကန် KG+12 မှာ အထက်တန်း အဆင့် grade 9 မှ 12 အထိဖြစ် တာကြောင့် အထက်တန်းပြီးဖို့ ၄ နှစ်သင်ယူကြရပါတယ်။ မြန်မာ KG+12 က Grade 10 မှ 12 အထိ ၃ နှစ်သင်ယူကြ ရပါတယ်။ အထက်တန်းအဆင့်ပြီးသည် အထိကြည့်ရင် ယေယုယျ တူညီ တယ်လို့ပြောနိုင်ပါတယ်။
မူလတန်းကြိုအတန်းတွေနဲ့ သူငယ်တန်း နဲ့ပတ်သက်လို့ American Curriculum Preschool Year 1-2 နဲ့ KG တန်းတွေကတော့ ဘယ်သင်ရိုးဖြစ်ဖြစ် သိပ်မကွာလှပါဘူး
ကစားခြင်းဖြင့် သင်ယူတဲ့ Play-based Teaching Methodology ကို သုံးပါတယ်။
English Language & Literacy သင်ယူမှုနယ်ပယ်အတွက် Phonics, Stories တွေ၊ Math သင်ယူမှု နယ်ပယ် အတွက် Numbers, Shapes, Patterns တွေ၊ Science သင်ယူမှုနယ်ပယ်အတွက် Plants, Animals, Nature စတာတွေ၊ Social Studies သင်ယူမှုနယ်ပယ်အတွက် Family, Community အကြောင်းတွေကို သင်ယူစေပါ တယ်။ ဒါ့အပြင် Art & Music နဲ့ Physical Education (PE)တို့ကိုလဲ အရေးကြီးတဲ့ သင်ယူမှုနယ်ပယ်တွေအဖြစ် သင်ယူစေပါတယ်။
မူလတန်းအဆင့် (Elementary School -Grade 1-5) မှာ သင်တဲ့ဘာသာတွေကတော့-
• English Language Arts (ELA)
• Mathematics
• Science
• Social Studies
• Art, Music, PE
• Optional: Foreign Language (Spanish, French) စတာတွေဖြစ်တယ်။
အဓိက က Foundational academic skills, curiosity-building ကို ဦးစားပေးပါတယ်။
အလယ်တန်းအဆင့် (Middle School Grade 6-8) မှာ သင်တဲ့ဘာသာတွေကတော့-
• English Language Arts (ELA)
• Math
• Science
• Social Studies
• Technology & Computer Skills
• Health Education
• Electives: Drama, Design, Robotics, Music, Foreign Language စတာတွေဖြစ်တယ်။
အဓိက က Abstract thinking ၊ analytical skills နဲ့ independence တို့ကိုဦးစားပေးကြောင်း တွေ့ရပါတယ်။
အထက်တန်းအဆင့် (Grade 9-12) မှာသင်တဲ့ ဘာသာရပ်တွေကို လေ့လာကြည့်မယ်ဆိုရင်တော့ ယေဘု ယျအားဖြင့်-
English : American Literature, British Lit, Writing, Journalism
Math: Algebra I/II, Geometry, Pre-Calculus, AP Calculus
Science: Biology, Chemistry, Physics, AP Environmental
Social Studies: US History, Economics, Civics, AP Psychology
Foreign Language: Spanish, French, Chinese
PE / Health: Physical Fitness, Health Ed
Electives: Computer Science, Art, Music, Business, Psychology တို့ဖြစ်ပါတယ်။
အထက်တန်းအဆင့်မှာ Credit Unit အသုံးပြုပြီး အထက်တန်းအဆင့်ပြီးမြောက်ဖို့ အတွက် ဘာသာရပ် အားလုံးပေါင်း Credit Unit 22-26 အထိ ရရှိဖို့လိုအပ်ပါတယ်။ Credit Unit တွက်ပုံ အသေးစိတ်ကိုတော့ မပြော တော့ပါဘူး။ အထက်တန်းအဆင့် ပြီးဆုံးရင် High School Diploma ပေးပါတယ်။ မြန်မာနိုင်ငံမှာတော့ KG+12 ပြီးရင် High School Completion Certificate-HSCC ပေးတာနဲ့ အတူတူပါဘဲ။
American Curriculum မှာ Grade 9-12 အတွင်းမှာ Career Readiness / College Preparation အတွက် Student Pathways ကို ရွေးချယ်တတ်ကြပါတယ်။
တက္ကသိုလ်တက်ဖို့ အတွက် AP Subject (Advanced Placement Subjects) တွေကို ဘာသာတွဲ အလိုက် တက္ကသိုလ်အတွက် ပြင်ဆင်ပြီး AP Exam ဖြေရတာတွေရှိပါတယ်။ ပုံမှန်အားဖြင့် AP subject ၁ ခု မှ ၃ ခု ထိ ယူတဲ့ ကလေးတွေရှိသလို၊ အချို့တော်တဲ့ ကလေးတွေက Ap subject ၄ ခု ကနေ ၆ ခုအထိ ယူတတ်တဲ့ ကလေးတွေ လဲရှိပါတယ်။ အရမ်းထူးချွန်ပြီး “အမေရိကန်နိုင်ငံရဲ့ နာမည်ကြီး Ivy League တက္ကသိုလ်များ (ဥပမာ - Harvard, Yale, Princeton, Columbia, etc.) ကိုတက်ဖို့ အထူးပြင်ဆင်မှုလုပ်နေတဲ့ ကျောင်းသားများအတွက် ကြိုတင်ပြင်ဆင် သင်ကြား မှုအစီအစဉ် (preparation program) တက်တဲ့ ကလေးတွေကတော့ AP subject ၇ ခု ကနေ ၁၀ ထိ ဖြေဆို ဖို့ပြင်ဆင်ကြတာတွေ့ရပါတယ်။ AP Exams ကို G10/ G11/ G12 အတန်းတွေမှာ ပြင်ဆင် ဖြေဆိုကြရတာ တွေ့ရပါ တယ်။ နမူနာအချို့ အနေနဲ့ -
STEM Pathway (Science, Technology, Engineering, Maths)
ပုံမှန် Subject Track
Algebra I, Geometry, Algebra II
Biology, Chemistry, Physics
AP Calculus / AP Stats
AP Physics / AP Comp Sci
Engineering Design (optional)
(AP Subject 4 ခု ပါတာတွေ့ရပါမယ်။)
ဆရာဝန်, အင်ဂျင်နီယာ, Data Science, Architecture စတဲ့လုပ်ငန်းအတွက် အထူးသင့်လျော်တဲ့ ဘာသာတွဲ လမ်းကြောင်း ဖြစ်ပါတယ်။
Arts / Humanities Pathway
ပုံမှန် Subject Track
English Literature, World History
AP Psychology, AP US History
Foreign Language (Spanish/French)
Music, Visual Art, Drama
AP Art History, AP English Language
Law, Literature, Journalism, International Relations, Education စတဲ့နယ်ပယ်တွေအတွက် သင့်တော်တဲ့ ဘာသာတွဲ လမ်းကြောင်းဖြစ်ပါတယ်။
အထက်တန်း ၄ နှစ် တက်တဲ့အခါ Grade 9-10 မှာ General Foundation (Core Subjects ) တွေကို သင်ယူရ တာဖြစ်ပြီး Grade 11 -Grade 12 မှာတော့ Pathway Specific AP Subjects သို့မဟုတ် Electives Subjects တွေကို သင်ယူကြရပါတယ်။ AP Test တွေကို ကလေးတွေအနေနဲ့ AP Subjects ကို သင်ပြီးတဲ့နောက်မှာ May လမှာ (AP Test Period) မှာ College Board ကပေးတဲ့ AP Exam ကို ဖြေရတာ ဖြစ်ပါတယ်။
AP Test Format & Scoring: နဲ့ပတ်သက်ပြီး-
• တစ်ဘာသာရပ်စီအတွက် အစမ်းစာမေးပွဲ ၁ ခု ရှိပါတယ်။
• Score Scale: 1 to 5
o 5 = Extremely well qualified
o 4 = Well qualified
o 3 = Qualified
o 2 = Possibly qualified
o 1 = No recommendation
တက္ကသိုလ်ဝင်ဖို့ အနည်းဆုံး-
• Score of 3+: ကို တက္ကသိုလ်တချို့က အသိအမှတ်ပြုပါတယ်။
• Score of 4–5: U.S & International universities အများစုက college credit သို့မဟုတ် advanced placement ပေးကြပါတယ်။
AP Subject ဖြေလို့ရတဲ့ အမှတ်နဲ့ High School Diploma ပေါင်းပြီး တက္ကသိုလ်ဝင်ခွင့်သတ်မှတ်ပါတယ်။
တစ်ချို့ Ivy League နှင့် top-tier universities တွေအတွက် ဘယ်လိုသတ်မှတ်ပါသလဲ -
• GPA ≥ 3.5+
• SAT/ACT Score (Optional at some schools)
• AP Subjects ≥ 3–5 subjects (with scores 4–5)
• Recommendation Letters
• Personal Statement/Essay
ကမ္ဘာမှာအမြင့်ဆုံးတက္ကသိုလ်တွေမို့လို့ ဒါတွေလိုတာပါ။ ဒီလောက်ခက်ခဲတာဖြစ်ပါတယ်။ သာမာန်တက္ကသိုလ် တွေကဒီ လောက်မခက်ခဲပါဘူး။
အမေရိကန်သင်ရိုးအသုံးပြုသင်ကြားရင် KG+12 ပြီးလို့ High school Diploma ရပြီးရင် AP subject ဖြေဆိုတဲ့ Result နဲ့ အမေရိကန်က ဘယ်ပြည်နယ်က တက္ကသိုလ်ကောလိပ်တွေကိုမဆို တက်နိုင်ပါတယ်။ မြန်မာပြည်မှာ အမေရိကန်သင်ရိုးသုံး နေတဲ့ကျောင်းအချို့ ရှိပါတယ် အရေအတွက်နည်းပါတယ်။ ၇ ကျောင်း လောက် ပဲရှိတယ်လို့ သိရပါတယ်။
အဲဒီအမေရိကန်သင်ရိုးသင်ကျောင်းတွေကို Cambridge/ Pearson/ IB curriculum နဲ့ အမျိုးသား သင်ရိုးညွှန်း တမ်းသင်ကျောင်းတွေက ကလေးတွေ ကူးပြောင်းသင်ယူနိုင်သလို ဘယ်သင်ရိုးကိုသင်သင် အပြန်အလှန်ကူး ပြောင်းသင်ယူလို့ရပါတယ်။ အမေရိကန်သင်ရိုးသင် ကျောင်းကနေ ကျန်တဲ့ သင်ရိုးသင်ကျောင်းတွေကိုလဲ ကူး ပြောင်းသင်ယူလို့ရပါတယ်။ Placement Test / Entry test တွေ ဖြေဆိုဖို့တော့ လိုအပ်ပါတယ်။
မိဘတွေအနေနဲ့ အမေရိကန်သင်ရိုးသင် KG+5-3-4 ကို KG ကနေ Year 12 အထိ အမေရိကန် သင်ရိုး သင်ကျောင်း တွေမှာ တက်ရောက်သင်ယူမယ်ဆိုရင် ၁၃ နှစ်စာ ကုန်ကျစရိတ်ကို တွက်ကြည့်ရင် ကလေး တစ် ယောက်အတွက် ဘယ်လောက်ကုန်ကျမလဲ သိနိုင်ပါတယ်။ နမူနာအနေနဲ့ ပြောရရင် မြန်မာ KG+-5-4-3 နဲ့ အသက် အတန်းစာသင်နှစ် သိပ်မကွာတာဖြစ်လို့ မိမိတို့အတွက် သက်သာအောင် ဥပမာ အလယ်တန်းပြီး မှ ကူးပြောင်းသင်ယူမယ်ဆိုရင် အမေရိကန်သင်ရိုး Grade 10 မှာစဝင် လို့ရနိုင်ပါတယ်။ Grade 10, 11 ,12 သုံးနှစ်တက်ပြီး Diploma ရရင် AP Test ဖြေပြီး အမေရိကန် တက္ကသိုလ်တွေတက်လို့ ရနိုင်ပါတယ်။
မိဘတွေကို စရိတ်အသက်သာဆုံး နည်းကိုအကြံပြုပါရစေ။ နိုင်ငံတော်အစိုးရ ပညာရေးဝန်ကြီးဌာနက ဖွင့်လှစ်ထားတဲ့ အခြေခံပညာကျောင်းတွေဟာ အခမဲ့သင်ပေးနေတဲ့ ကျောင်းတွေပါ။ မြန်မာ KG+12 ပြီးလို့ ရှိရင် High School Completion Certificate-HSCC ထုတ်ပေးပါတယ်။ အထက်တန်းပြီး မြောက်ကြောင်း လက်မှတ်ပါ။ Matriculation Exam အောင်ရင် မြန်မာနိုင်ငံအတွင်း အဆင့်မြင့် တက္ကသိုလ်တွေကို တက်နိုင် သလို နိုင်ငံတကာတက္ကသိုလ် တွေကလဲလက်ခံပါတယ်။ အမေရိကန်နိုင်ငံကို ဥပမာ ပေးပြီးပြောပါမယ်။
တက္ကသိုလ်ဝင်ဖို့ လိုအပ်သောအချက်များ (USA)
လိုအပ်ချက် ဖော်ပြချက်
High School Completion : Myanmar Grade 12 (Matriculation pass)
Official Transcript: Grade 10–12 မှ အမှတ်စာရင်း/အသေးစိတ်သင်ရိုး
English Proficiency Test : TOEFL iBT, IELTS, Duolingo English Test
Standardized Test: (optional but helpful) SAT or ACT
Application Essay: US universities မှာ common requirement ဖြစ်
Recommendation Letters: ထောက်ခံစာ (teachers/school admin မှ)
လိုအပ်ချက်အချို့ကို နမူနာ အဖြစ်ဖော်ပြခြင်းသာဖြစ်ပါတယ်။ Matriculation အောင်တဲ့ ကလေးတွေ Scholarship လျှောက်လို့တက်ခွင့်ရတဲ့ ကလေးတွေအများကြီးပါ။ ဒီ KG +12 စနစ်သစ် မစခင် ၂၀၁၄ ခုနှစ် လောက်မှာ သမ္မတပညာသင်ဆုနဲ့ အဲဒီတုန်းက စနစ်ဟောင်း Grade 11, Matriculation Exam အောင်တဲ့ ကလေးတွေကို နိုင်ငံတကာ တက္ကသိုလ်တွေတက်ဖို့ စေလွှတ်ခဲ့ဖူးပါတယ်။ နိုင်ငံတော်စရိတ်နဲ့ ပညာသင်စေလွှတ် ခဲ့တာဖြစ်ပါတယ်။ ဒါကလဲတကယ်ရှိခဲ့တာပါ။
Matriculation Exam မအောင်ဘဲ High School Completion Certificate ရထားတဲ့ ကလေးတွေ အနေနဲ့ကော ဘယ်လိုအခွင့်အလမ်းတွေရှိနေပါသလဲ ။ USA မှာ ရှိတဲ့ Community College တက်ပြီး Associate Degree ကို ယူနိုင်သလို တက္ကသိုလ်ကိုဆက် တက်နိုင်တဲ့အခွင့်အရေးလဲ ရှိတယ်ဆိုတာ အသိပေးချင်ပါတယ်။
နောက်တစ်ခုက နိုင်ငံခြားတိုင်းပြည်တွေက တက္ကသိုလ်တွေ နဲ့ကောလိပ်တွေမှာ ဘွဲ့ရအောင် တက်ရောက်သင် ယူရမယ်ဆိုရင် သုံးစွဲရမဲ့အသုံးစရိတ်ဟာ အလွန်မြင့်မားများပြားတာကို တွက်ကြည့်ရင်သိနိုင်ပါတယ်။ အဲဒီတော့ မြန်မာပြည်က တက္ကသိုလ်တွေမှာ ပထမဘွဲ့ရအောင်သင်ပြီး၊ မဟာဘွဲ့နဲ့ ပါရဂူဘွဲ့တွေကို နိုင်ငံခြား တက္ကသိုလ်တွေမှာ တက်ဖို့ဆောင်ရွက်မယ်ဆိုရင် ကုန်ကျစရိတ် အလွန်သက်သာတာကို တွေ့ရမှာဖြစ်ပါတယ်။
မဟာဘွဲ့တွေ နဲ့ ပါရဂူဘွဲ့တွေတက်ရောက် သင်ယူဖို့အတွက် ပိုပြီးစရိတ်သက်သာ တဲ့အပြင် အမြတ်ထွက်တဲ့ နည်းကတောာ့ ပညာသင်ဆုလျှောက်ထား တက်ရောက်တာပါ။ ပညာသင်ဆုတွေမှာ နိုင်ငံခြားတိုင်းပြည် အစိုးရတွေနဲ့ အဖွဲ့အစည်းတွေကပေးတဲ့ ပညာသင်ဆုဟာ လုံလောက်တဲ့အပြင် ပိုလျှံတာဖြစ်တဲ့အတွက် ပညာလဲ သင်ယူခွင့်ရ အကျိုးအမြတ်လဲ ရှိတာမျိုးဖြစ်ပါတယ်။ ပညာသင်ဆုနဲ့တက်ရောက်ခွင့် ရရင်တော့ မိဘတွေ သက်သာနိုင်တဲ့အခြေအနေပါ။ ဘွဲ.၊ မဟာဘွဲ့၊ ပါရဂူဘွဲ့အတန်းတိုင်းမှာ ပညာသင်ဆုတွေရှိတဲ့အတွက် ကလေးတွေနဲ့မိဘတွေအတွက် အခွင့်အလမ်းကောင်းဖြစ်ကြောင်းအသိပေးချင်ပါတယ်။
အဲဒီတော့ မိဘတွေအနေနဲ့ KG ကစ နိုင်ငံတကာသင်ရိုးနဲ့သင် အထက်တန်းပြီး၊ တက္ကသိုလ်တက်ဘွဲ့ရပြီးမှ မဟာဘွဲ့တွေ၊ ပါရဂူဘွဲ့တွေတက်မယ်ဆိုရင် ကုန်ကျမဲ့ ကုန်ကျစရိတ်ကို တွက်ကြည့်ပြီး ဘယ်အချိန် ဘယ်အတန်းက ဖြတ်ဝင်ရင် ဘယ်လောက်သက်သာမလဲ ဆိုတာကို စဉ်းစားနိုင်လိမ့်မယ်ထင်ပါတယ်။ ပညာသင်ဆုတွေကို ဘယ်နိုင်ငံ၊ ဘယ်တက္ကသိုလ်တွေမှာ ဘယ်လို လျှောက်လို့ရတယ်ဆိုတာကိုသိဖို့လိုပါတယ်။
နောက်တစ်ခုက ပထမဆုံးတက္ကသိုလ်ဝင်ခွင့် ရတဲ့အခါ မိမိ စရိတ်နဲ့တက်ရတာဖြစ်ပေမဲ့ ပညာသင်ယူနေရင်း ပညာသင်ဆုလျှောက်လို့ရသွားတဲ့ကလေးတွေလဲရှိပါတယ်။ အဲလိုဆိုရင်မိဘတွေ ပိုသက်သာနိုင် တာမျိုးဖြစ် နိုင်ပါတယ်။ နောက်တစ်ခုက တစ်ချို့နိုင်ငံတွေနဲ့ တက္ကသိုလ်တွေမှာ Student Loan Programme တွေ ရှိတတ်ပါတယ်။အဲဒီ Loan Programme တွေရှိရင်လဲ ချေးငွေရယူပြီးဘွဲ့ရတာနဲ့ အဲဒီနိုင်ငံမှာ အလုပ် လုပ်ရင်းပြန်ဆပ်နိုင်တဲ့ အခြေအနေဖြစ်တဲ့အတွက် တော်တော်ကောင်းတဲ့ အစီအစဉ်မျိုးဘဲဖြစ်ပါတယ်။ အလုပ်အကိုင်ရဖို့ အာမခံချက်ပါရှိတဲ့သဘောပါ။
မိဘတွေ အကောင်းဆုံးအသက်သာဆုံးအခြေအနေ အနေအထားတွေကို ရွေးချယ်နိုင်ကြပါစေလို့ ဆန္ဒပြုလို က်ရပါတယ်။ လာမဲ့ Post အမှတ် (၂၂) မှာ တော့ Singapore-Cambridge Curriculum အကြောင်း ရေးပါအုံးမယ်။
KLW (14-7-20250 (12:55 AM)
"Be Confident, Be Inspired, Be a Leader"
☎️Phone : 09456060208, 09456060209
🏢Address : No.(9 C), Nyana Aung Myae Road, Zabuthiri Township,Nay Pyi Taw.
(မြို့မဈေးအနီး ၊ ဉာဏအောင်မြေလမ်း) သုခတော်ဝင်အိမ်ယာအနီး
