𝐂𝐨𝐚𝐜𝐡-𝐇𝐧𝐢𝐧 𝐎𝐧𝐥𝐢𝐧𝐞.𝐄𝐱𝐩𝐞𝐫𝐭 𝐁𝐮𝐬𝐢𝐧𝐞𝐬𝐬

ကိုယ့်ကိုယ်ကိုယ် အကောင်းဆုံးတွေနဲ့
ထိုက်တန်တယ်လို့ ယုံကြည်ထားဖို့လိုတယ်။
ခေါင်းထဲမှာ ယုံကြည်တဲ့အတိုင်း
အပြင်လောက ဖြစ်လာတာပဲ။

ကိုယ်ကတော့ အဲ့အယူအဆပဲထားတယ်။..

အကြည်ဓာတ် (Positive Vibe) ဆိုတာ သူ့ဟာသူ အလိုအလျောက်ရလာတာ မဟုတ်ဘဲ တည်ဆောက်ယူရတဲ့ အရာပါ။

လူတစ်ချို့ကို ကြည့်လိုက်ရင် ပင်ကိုယ် အကြည်ဓာတ် အခံ ရှိတယ်လို့ ထင်ရတယ်မလား။ အဲဒါဟာ သူ့ကုသိုလ်နဲ့ သူလာတာ ဘာညာဆိုတာကို ခဏထား။ သူတို့ရဲ့ ဘဝနေထိုင်မှုပုံစံ၊ အတွေးအခေါ် သဘောထားတွေကို လိုက်ပြီး ကြည့်ကြည့်လိုက်။ အပြုသဘောဆောင်တဲ့ အမူအရာတွေ၊ အပြုသဘောဆောင်တဲ့ အတွေးအခေါ် သဘောထားတွေ ရှိကြတယ်။

အကြည်ဓာတ်ဆိုတာ ရုပ်ချောတာ၊ မချောတာနဲ့ မဆိုင်ဘူးနော်။ အသားမည်းတာ၊ ပိန်တာ၊ ဝတာ၊ ပုတာ၊ ရှည်တာ၊ ဆင်းရဲတာ၊ ချမ်းသာတာနဲ့လဲ မဆိုင်ဘူး။

အကြည်ဓာတ်ဆိုတာ လူတစ်ယောက်ရဲ့ အတွင်းစိတ် နှလုံးသားကနေ ရောင်ပြန်ဟပ်လာတဲ့ ဓာတ်တစ်မျိုးပဲ။

အကြည်ဓာတ်ရှိတဲ့သူတွေဟာ မျက်နှာလေးမြင်ရတာနဲ့ကို အေးချမ်းစေတယ်။ အသံလေးကြားရတာနဲ့ ငြိမ်းချမ်းစေတယ်။ သူတို့လုပ်သမျှ၊ ပြောသမျှ အရာရာတိုင်းက ပုံစံတစ်မျိုးနဲ့ ဆွဲဆောင်မှု ရှိတယ် စသဖြင့်ပေါ့။

အကြည်ဓာတ်ရအောင် ဘယ်လိုလုပ်ရမှာလဲလို့ ကျွန်မကို ခဏခဏ လာမေးကြတယ်။ အကြည်ဓာတ်ရအောင် မျက်နှာကို အလှတွေပြင်၊ skincareတွေလုပ်ရမှာလား?

No! လူတစ်ယောက်မှာ အကြည်ဓာတ်ရဖို့ ပထမဆုံး လုပ်ရမဲ့ အလုပ်က စိတ်ကို ပြင်ဖို့ပါ။

ကိုယ့်စိတ်ကို ကိုယ်ပြန်ကြည့်ဖို့ လိုတယ်။ အတွင်းစိတ်မှာ ဘာတွေ သိမ်းဆည်းသိုလှောင်ထားလဲ။ နာကျင်မှုတွေ၊ မုန်းတီးမှုတွေ၊ မနာလိုမှုတွေ၊ မာနတွေ၊ အတ္တတွေ များလွန်းနေလား။ စိိတ်မှာ အညစ်အကြေး များလွန်းရင် လူကို ဘယ်လောက် လှအောင်ပြင်ပြင် ရုပ်မထွက်ဘူးနော်။

စိတ်ရဲ့ အရောင်ဟာ မျက်နှာမှာ လာဟပ်တယ်။
ဒါကြောင့် ကိုယ့်စိတ်မှာ ရှိတဲ့ ပူလောင်မှုတွေ၊ မာနကြီးခြင်းတရားတွေကို လွှတ်ချ။ ခွင့်လွှတ်စရာ ရှိတာ ခွင့်လွှတ်။ လူတွေကို မေတ္တာထားတတ်အောင် ကြိုးစား။ ကိုယ် ရရှိနေတဲ့ ချစ်ခြင်းမေတ္တာတွေကိုလဲ လက်ခံ အသိအမှတ်ပြု။ ကျေးဇူးတရားကို ချီးမွမ်းတတ်အောင် အမြဲ လေ့ကျင့်။

ကိုယ့်ကိုယ်ကိုယ်လဲ ချစ်ခင် ဂရုစိုက်။ အိပ်ရေးဝအောင်အိပ်။ အိပ်ရေးဝမှ စိတ်ကြည်တာ။ အတွေးတွေကို အတတ်နိုင်ဆုံး အပြုသဘောဆောင်တဲ့ဘက်က တွေး။ Positive Energyရှိတဲ့သူတွေနဲ့ပဲ များများပေါင်း။ Environmentကောင်းရင် ကိုယ့်ဘဝပါ ပြောင်းတယ်။

တကယ်တော့လေ အကြည်ဓာတ်ရဖို့ဆိုတာ မသိလိုက် မသိဘာသာနေနေမိတဲ့ အပြုအမူတွေ၊ အတွေးအခေါ်တွေကို ပြောင်းလဲရာက စတင်တာပါပဲ။

Mindset is everythingပဲ။
ကိုယ့်ရဲ့ အတွေးအခေါ်တွေကို ပြောင်းလဲနိုင်ရင် ဘဝကြီး တစ်ခုလုံးကိုလဲ ပြောင်းလဲနိုင်စွမ်းရှိပါတယ်။

လစ်ဟာသွားတဲ့ ကွက်လပ်တွေကို ဖြည့်ရင်း ရှေ့ဆက်နေဖို့ပဲ လိုပါတယ်။

ဘဝမှာ ကိုယ်တန််ဖိုးထားတဲ့အရာကို ရုတ်တရက် ဆုံးရှုံးလိုက်ရတဲ့အခါ၊ လက်လွှတ်ပေးလိုက်ရတဲ့အခါ နှလုံးသားမှာ ကွက်လပ်အကြီးကြီးတစ်ခု လစ်ဟာသွားတတ်ပါတယ်။ ဆုံးရှုံးရချိန်မှာလည်း နာကျင်ရသလို ဆုံးရှုံးပြီးတဲ့နောက်မှာ လစ်ဟာသွားတဲ့ ကွက်လပ်ကြီးကို ဖြည့်နေရတာကလည်း နာကျင်မှုပါပဲ။

တစ်ချို့ ဒဏ်ရာတွေဟာ သေရာပါပါပဲ။
အရှင်းပျောက်သွားတယ် ဆိုတာမျိုုးမရှိဘူး။
သက်သာအောင်ပဲ ကုလို့ရတယ်။ အမာရွတ်ကလေးတော့ ကျန်တယ်။ အဲဒီအမာရွတ်ကလေးကို မြင်တိုင်းလည်း အမာရွတ်ကလေးရဲ့ အတိတ်ဇာတ်ကြောင်းကို ပြန်သတိရကြစမြဲပဲ။ ဒီတော့ ရှေ့ဆက်တယ်ဆိုတာက ဖြစ်ခဲ့သမျှကို မေ့ခဲ့တာမဟုတ်ဘဲ အမှတ်တရတွေနဲ့အတူ အကောင်းဆုံးနေထိုင်သွားခြင်းပဲ။

လူတွေက ဒါကြောင့် ကွက်လပ်တွေကို ဖြည့်ဖို့ ဆက်ကြိုးစားကြတယ်။ တစ်ယောက်နဲ့တစ်ယောက် ကွက်လပ်ဖြည့်ပုံတွေက မတူဘူး။ ကိုယ့်အပေါ် ကောင်းတဲ့ လူတစ်ယောက်နဲ့ အစားထိုးပြီး ဖြည့်ချင်ဖြည့်မယ်။ ကိုယ့်ကိုယ်ကိုယ်ပဲ ပိုချစ်လိုက်ပြီးတော့ ဒီကွက်လပ်ကိုဖြည့်ချင်ဖြည့်မယ်။ ဒါမှမဟုတ် ဘာသာရေးဘက် ပိုဖိလုပ်ပြီး ငြိမ်းချမ်းမှုနဲ့ ဖြည့်ချင်ဖြည့်မယ်။ တစ်ခါတလေမှာ လစ်ဟာသွားတဲ့အရာတွေကို လစ်ဟာသွားတဲ့အတိုင်း ဒီတိုင်းပဲထားလိုက်ကြတဲ့ အစားထိုးမရတဲ့ ကွက်လပ်တွေလည်း ရှိလိမ့်မယ်။

ဘာပဲဖြစ်ဖြစ်ပေါ့လေ။ Healingဟာ ပုံစံမျိုးစုံနဲ့ လာတယ်။ ကိုယ့်ကိုယ်ကိုယ် ပိုချစ်လိုက်တာသည်လည်း Healing။ ဘာသာရေးတွေပိုလုပ်တာသည်လည်း Healing။ သူများကို ကူညီတာကလည်း healingပဲ။ ကျန်းမာအောင်နေထိုင်တာသည်လည်း healingပဲ။ လှလှလေးနေတာသည်လည်း healingပဲ။

Healingဖြစ်ဖို့ ဒါလုပ်ရမယ်၊ ဒါလုပ်ရမယ်ဆိုတဲ့ သတ်မှတ်ချက်တွေမရှိဘူး။ တစ်ယောက်နဲ့တစ်ယောက် ဖြည့်ရတဲ့ ကွက်လပ်တွေလည်း တူမှမတူကြတာ healing ဖြစ်စေတဲ့နည်းတွေလည်း တူမှာမဟုတ်ဘူး။

အဓိကက ကိုယ့်အတွက် အဆင်ပြေတဲ့ နည်းနဲ့ ကွက်လပ်တွေကို ဖြည့်ဖို့ပဲ။ တစ်ခုတော့ ရှိတယ်။ ကွက်လပ်ဖြည့်တာ မှန်ဖို့လိုတယ်။ ကိုယ့်ကြောင့် သူများ မထိခိုက်စေဖို့တော့ လိုတယ်။ စိတ်ဒဏ်ရာတွေကို လက်ဆင့်မကမ်းနဲ့။ မဆိုင်တဲ့သူတွေအပေါ် ပုံမချနဲ့။

ဘာကြောင့်ပဲ ဒဏ်ရာ ရခဲ့ရခဲ့၊ ကိုယ့်မှာရှိရင် ကိုယ့်ဒဏ်ရာပါပဲ။ ကိုယ့်တာဝန်ကိုယ်ယူပြီးတော့ ကုစားရှေ့ဆက်နိုင်ဖို့ပဲ လိုပါတယ်။

မလုပ်လိုက်ရမှာကိုပဲ ကြောက်ပါ‼️

ဖတ်စေချင်လို့

ဘဝခရီး တိုတိုလေးမှာ
ကိုယ်ကိုကိုယ် ဂရုစိုက်ပါ
ကိုယ်ဖြတ်တည် ရှင်သန်လိုမူကို ဂရုစိုက်ပါ။

ကိုယ်တိုင် move on လုပ်နေရတဲ့အခိုက်အတန့်တွေကို ရင်ဆိုင်နေရတဲ့အခါ...

-ကိုယ့်ရဲ့ခံစားချက်တွေကို ကိုယ်တိုင်ကအရင် လက်ခံပေးလိုက်ပါ၊မင်းခံစားချက်တွေကို မင်းကိုယ်တိုင်က အသိအမှတ်ပြုနိုင်မှ ရှေ့ဆက်လို့ရမှာပါ...

-အဆက်အသွယ်ဖြတ်ပါ၊ မင်းမေ့ပစ်ချင်တဲ့သူ ၊ဒါမဟုတ် မင်းကို မလိုအပ်တော့တဲ့ ရပ်ဝန်းတွေကို အဆက်အသွယ်မလုပ်မိအောင် နေကြည့်ပါ၊အစပိုင်းခက်ခဲနေပေမယ့် တဖြည်းဖြည်း ..
အဆင်ပြေသွားဖို့လိုပါတယ်...

-သင့်အပေါ် support ကောင်းကောင်းပေးနိုင်သူတွေနဲ့ ဝန်းရံပေးပါ၊ အပြုသဘောဆောင်ဆောင်ပြီး ဂရုတစိုက်ရှိတဲ့သူငယ်ချင်းတွေကြောင့် မင်းရဲ့အထီးကျန်မှုတွေကို သက်သာအောင်ကူညီပေးနိုင်ပါတယ်...

-မင်းကို မလိုအပ်တော့သူ၊ မချစ်ပေးနိုင်တော့တဲ့သူတွေကို ခဏခဏ မတွေးမိအောင်ကြိုးစားပါ၊ လွယ်တော့မလွယ်ကူပေမယ့် မင်းကိုယ်တိုင် ​ အတိတ်ကနေရုန်းထွက်နိုင်ဖို့က အရေးကြီးတယ်လေ...

-မိမိကိုယ်ကို သနားကြင်နာတတ်အောင် လေ့ကျင့်ပါ၊မေတ္တာဖြင့် ခွင့်လွတ်နားလည်မှုဖြင့် မင်းကိုယ်မင်း ဆက်ဆံပေးပါ...

မင်းကိုယ်မင်း ကုစားခြင်းတွေ၊ move on လုပ်တာတွေက မင်းရဲ့ ကိုယ်ရေးကိုယ်တာခရီးတစ်ခု ဆိုတာမမေ့ပါနဲ့...၊တစ်ယောက်နဲ့တစ်ယောက်ကလည်း
ကျော်ဖြတ်ရတာတွေက မတူညီနိုင်ပါဘူး...

မင်းရဲ့ တောက်ပသောနေ့ရက်များအတွက် အချိန်တော့ပေးရမှာပါ...၊
အရေးကြီးဆုံးက မင်းကိုယ်မင်း လွတ်လပ်အောင်နေပြလိုက်ပါ...။

ဟယ်ရီဟိန်း

လေးစားစွာဖြစ့်

ဘဝဆိုတာ တိုတိုလေး။
ကိုယ့်ကို အာရုံခဏခဏလာနှောက်ရင်
ဘဝ equation ထဲက ထုတ်လိုက်တယ်။
ခံစားနေဖို့ အချိန်သိပ်မရှိဘူး။
တစ်ကိုယ်ကောင်းဆန်သလိုလိုဖြစ်ပေမယ့်
ဘဝမှာ နေရထိုင်ရတာ
လတ်ဆတ်ချင်ရင်တော့ လုပ်ရမှာပဲ။

Phyo Paing @ Derek

တိတ်တဆိတ်နိုးထပြီး
တိတ်တဆိတ်နေထိုင်မယ်။

စာဖတ်မယ်
စာရေးမယ်
ကော်ဖီတွေသောက်မယ်
ရုပ်ရှင်ဇာတ်ကားတွေ ကြည့်မယ်
ဘာသာစကားသစ်တွေ နေ့စဉ်မပျက် သင်ယူမယ်။

ကမ္ဘာကြီးနဲ့လူတွေရဲ့အကြောင်း၊လူတွေရဲ့လုပ်ရပ်ကို
အဝေးကနေပဲ အေးအေးဆေးဆေး ထိုင်ကြည့်နေမယ်။

ဘာကိုမှပိုင်ဆိုင်မထားသူမို့
ဘာတစ်ခုမှဆုံးရှုံးစရာမရှိဘူး။

ဘယ်အရာအပေါ်မှာမှ
ရယူလိုစိတ်တွေ၊
စွဲလမ်းစိတ်တွေ၊
လိုတာထက် သံယောဇဉ်တွေ မထားမိတော့
အတွင်းစိတ်ကငြိမ်းချမ်းပြီး
ဘဝဟာလွတ်လပ်ပေါ့ပါးတယ်။

ကမ္ဘာကြီးက နေချင်စရာကောင်းပါတယ်
နေတတ်ရင်ပေါ့။

တွေ့ဆုံခဲ့ရ 😊