14/06/2026
ကျေးဇူးတင်မှတ်တမ်းလွှာ သို့မဟုတ်
ဒဿမအကြိမ်တိုင်ခဲ့ပြီဖြစ်တဲ့ ဘွဲ့နှင်းသဘင်
Future Light Academy ရယ်လို့ စတင်သန္ဓေတည်ခဲ့တဲ့အချိန်ကစလို့ ဝန်းရံကူညီပေးခဲ့ကြသူအတတ်ပညာရှင်များ၏ ပံ့ပိုးမှုများကြောင့် ကျောင်းတော်ကြီး၏ အသက်ရှုသံမှာ မပင်မပန်း ပုံမှန်အတိုင်းသာလျှင် ယနေ့အချိန်ထိ တည်တံ့ရှင်သန်လန်းဆန်းနေဆဲဖြစ်ပါတယ်ခင်ဗျာ။
အကယ်ဒမီရဲ့ ဂုဏ်အရပ်ရပ်ကိုတည်ဆောက်ပေးခဲ့ကြသူအတတ်ပညာရှင်များအပြင် မိသားစုဝင်များသဖွယ် ချစ်ခင်လေးစားကြရပါတဲ့ အကယ်ဒမီသင်တန်းဆင်း ဘွဲ့ရမောင်မယ် ဆရာဆရာမများ ၊ မိဘများ ၊ ကျောင်းတည်ထောင်သူများ ၊ စီမံခန့်ခွဲကြီးကြပ်ရေးအရာရှိကြီးများ ၊ ပြန်တမ်းဝင်အရာရှိကြီးများ ၊ အငြိမ်းစားဌာနဆိုင်ရာအတိုင်ပင်ခံကြီးများ နဲ့ သင်တန်းတက်ရောက်အောင်မြင်ခဲ့ကြပြီးတဲ့ နယ်ပယ်အသီးသီးမှ သင်တန်းဆင်းမောင်မယ်တို့အားလည်း အထူးပင်အောက်မေ့သတိရကျေးဇူးတင်ရလျက်ရှိပါသည် ။
အဆိုပါ ဘွဲ့ရမောင်မယ်များကို အသိပညာ အတတ်ပညာများမျှဝေဖြန့်ဖြူးပေးကြပါသော ဖြန့်ဖြူးဆဲလည်းဖြစ်ကြပါသော အကယ်ဒမီပညာရေးအဖွဲ့မှ ပညာရေးဘာသာရပ်များ၏ ပညာရှင် ပါမောက္ခဆရာမကြီးများရဲ့ အင်အား ခွန်အားများကိုလည်း အလားတူပင်တစိမ့်စိမ့်အောက်မေ့ကြည်နူးပီတိဖြစ်ရလျက်ရှိပါသည်။
သင်ကြားသင်ယူမှု လုပ်ငန်းစဉ်များအားလုံးကို ချောမွေ့ဖြောင့်ဖြူးစေရန် စနစ်တစ်ခု စံထား၍ ခွဲခြမ်းစိတ်ဖြာစီမံပေးကြပါသော အကယ်ဒမီ၏ စီမံခန့်ခွဲရေးရာဆရာဆရာမများ၏ စိတ်ခွန်အား ကိုယ်လုပ်အားတို့အားလည်း အကယ်ဒမီ၏ နှလုံးသားများသဖွယ်မှတ်ယူအောက်မေ့လျက်ရှိပါသည်။
အဖက်ဖက်မှ ဝိုင်းဝန်းဖေးမပါရမီဖြည့်ပေးခဲ့ကြပါသော ဖြည့်လက်စလည်းဖြစ်ကြပါသော အကယ်ဒမီ၏မိသားစုဝင်များအားလုံးကို အကယ်ဒမီကြီး၏ ရေသောက်မြစ်သဖွယ် မှတ်ယူအားကိုးတန်ဖိုးထားလျက်ဖြစ်ကာ ပထမအကြိမ်ဘွဲ့နှင်းသဘင်မှသည် ယခု ဒဿမအကြိမ်ဘွဲ့နှင်းတိုင်အောင် အစဉ်တစိုက်အားကြိုးမာန်တက်ကူညီပေးခဲ့ကြသည့် မိသားစုဝင်များအားလုံးကို သစ်တစ်ပင်ကောင်း ငှက်တစ်သောင်းနားနိုင်သည့်ပမာယူ၍ ဆက်လက်ကြိုးစားသွားမည့်အကြောင်းပြောကြားရင်း ဤကျေးဇူးတင်မှတ်တမ်းလွှာဖြင့် ဖော်ပြပါပုဂ္ဂိုလ်များအားလုံးကို မှတ်တမ်းတင်ဖော်ပြအပ်ပါသည်။
Future Light Academy
