27/11/2022
#အများကြီး_ဖြေခဲ့ရတယ်
~~~~~~~~~~~~~~~~~~
အသက်ကြီးလာတဲ့ ဖခင်တစ်ယောက်ဟာ ငှက်တစ်ကောင်ကို မြင်တော့ " ဘာငှက်လည်း " လို့ မေးတယ်။ သားဖြစ်သူက " စာကလေးငှက် " လို့ ဖြေတယ်။
ခဏကြာတော့ တစ်ခါ ထပ်မေးတယ်၊ သားဖြစ်သူက တစ်ခါ ဖြေပေးတယ်။
အဲဒီလိုနဲ့ သုံးခါမေးပြီး လေးခါမြောက် မေးမိတော့ သားဖြစ်သူက ဒေါသထွက်ပြီး " စာကလေး ငှက်ပါ၊ ဘယ်နှစ်ခါပြောပြမှ မှတ်မိမှာလည်း " လို့ ပြန်အော် ပြောလိုက်ပါတယ်။
အဲဒီအခါမှာ အဖေ ဖြစ်တဲ့သူက အခန်းထဲ ဝင်သွားပြီး ဒိုင်ယာရီစာအုပ် တစ်အုပ်ကို ယူလာပြီး သူ့သားကို ကောင်းမွန်စွာနဲ့ ပြောပြပါတယ်။
" သား သုံးနှစ်သား အရွယ်လောက်က ပန်းခြံတစ်ခုမှာ အဲဒီငှက်ဟာ ဘာငှက်လည်း မေးလို့ အဖေ ဖြေခဲ့ရတာ နှစ်ဆယ့်တစ်ခါကို ကြည်ကြည်ဖြူဖြူနဲ့ ဂရုဏာသက်စွာ ပြန်ဖြေ ပေးခဲ့တယ် " တဲ့။
ကျွန်တော်တို့ တစ်တွေဟာ မိဘမေတ္တာ ဆိုရင် အမေ့မေတ္တာ ပဲ များတယ်ထင်ပြီး ကွက်ပြီး မြင်တတ်ကြပါတယ်။ တကယ်တော့ အဖေ့မေတ္တာ ဟာလည်း အတူတူ များတာပါပဲ။
အမေက ဗိုက်ထဲ ထည့်ထားရတယ်၊ အဖေက ခေါင်းထဲ ထည့်ထားရတယ်။ အမေက ကလေးကို ချမ်းချမ်းသာသာနဲ့ မွေးဖို့ ကိုယ်ဝန်ရကတည်းက ဘာအလုပ်မှ မလုပ်နိုင်တော့တဲ့အခါ အမေရဲ့ စား, ဝတ်, နေ, ရေး တို့နဲ့ သားသမီးမွေးဖို့ စားရိတ်အားလုံးကို အဖေက ရှာပေးခဲ့ရတာတွေပါ။
အမေ့နို့ရည် ကောင်းမွန်စွာ တိုက်နိုင်အောင်လို့ အဖေက ချွေးထွက်ခံပြီး စားဖို့, သောက်ဖို့, မီးဖွားဖို့ စားရိတ်အားလုံးကို ရှာဖွေပေးခဲ့ရတာပါ။
#အမေ့နို့ရည်ဟာ_အဖေ့ချွေးကနေ_ပြောင်းလဲလာတဲ့_အရာပါ။ #အမေ့နို့ဖိုးနဲ့_အဖေ့ချွေးဖိုး_အတူတူပါပဲ။
မွေးပြီးလို့ လူလား မြောက်အောင်, ပညာတတ် ဖြစ်အောင် ရှာဖွေ ကျွေးမွေးခဲ့ရတာတွေ အတွက် အမေ့ထက် အဖေက အဓိက ကျပါတယ်။
ဒါ့ကြောင့် #ကျွန်တော်တို့တစ်တွေဟာ_မိဘမေတ္တာ_လို့_မြင်လိုက်တာနဲ့ #အမေရော_အဖေကိုပါ_တွဲဖက်ပြီး_မြင်ပေးသင့်ပါတယ်။
မေတ္တာဖြင့် -
#ဦးမြင့်ခိုင်,
Crd.
