Teacher Poe Pre School

Teacher Poe Pre School "The more we study ,the more we discover our ignorance."

ဘယ်စိတ်ခံစားချက်( emotions) တွေကို မွေးမြူကြမလဲ ❤️💙💜💛❤️--------------------------------------------------ကောင်းတဲ့၊ ဆိုး...
12/01/2024

ဘယ်စိတ်ခံစားချက်( emotions) တွေကို
မွေးမြူကြမလဲ ❤️💙💜💛❤️
--------------------------------------------------

ကောင်းတဲ့၊ ဆိုးတဲ့ စိတ်ခံစားချက် (emotion) မျိုးစုံဟာ ကျွန်မတို့လူသားတိုင်းမှာနေ့စဉ် ရှိကြပါတယ်။ ပျော်ရွှင်တာ၊ ဝမ်းနည်းတာ၊ ဒေါသထွက်တာ၊ စိတ်ရှုပ်တာ၊ စိတ်လှုပ်ရှားတာ၊ ဂုဏ်ယူတာ၊ အချစ်ခံရတယ်လို့ခံစားရတာ၊ သနားကြင်နာတတ်တာ တွေဟာ လူတစ်ယောက်ရဲ့ နေ့စဉ်အောင်မြင်မှုတွေအတွက် ခွန်အားဖြစ်နိုင်သလို ကျရှူံးမှုအတွက် တွန်းအားဖြစ်သွားတတ်ပါတယ်။

ဒါကြောင့် အောင်မြင်မှုအတွက် ခွန်အားဖြစ်စေတဲ့ မှန်ကန်တဲ့ စိတ်ခံစားချက်ထားရှိခြင်းကို ဘယ်လိုများများလုပ်ယူသင့်သလဲ ဆိုတာကိုပြောပြပေးသွားမှာဖြစ်ပါတယ်။

Rule of success ဖြစ်တဲ့ အောင်မြင်မှုအတွက် လိုအပ်တဲ့ စိတ်ခံစားချက် (၃)ချက်ရှိပါတယ်။

၁) သနားဂရုဏာရှိမှု (empathy)

တခြားသူတစ်ယောက်အပေါ် နားလည်ပေးခြင်း၊ စာနာတတ်ခြင်း၊ ပျော်ရွှင်ခြင်း၊၊ အောင်မြင်ခြင်းတွေကို ထပ်တူခံစားပေးနိုင်ခြင်း တွေကို သနားဂရုဏာရှိခြင်း (empathy) လို့ဆိုကြပါတယ်။ တခြားသူတစ်ယောက်ရဲ့ ရှူထောင့်ကနေကြည့်ပေးနိုင်ပြီး နားလည်ပေးနိုင်တဲ့သူကသာ တခြားသူတွေကို ဝမ်းနည်းနေတဲ့အချိန်၊ ခက်ခဲနေတဲ့အချိန်တွေကနေ ကျော်လွှားနိုင်အောင် ကူညီပေးနိုင်မယ်။ ရှေ့ဆောင်လမ်းပြပေးနိုင်မယ်လို့ Daniel Goleman(Emotional intelligence expertပညာရှင်ကပြောထားပါတယ်။

နောက်တစ်ချက်က ကြင်နာသနားတတ်တဲ့သူတွေဟာ မတူညီတဲ့အရာတွေကို တန်းတူညီတူဖြစ်အောင် စွမ်းဆောင်ချင်ကြတယ်။ လူတွေရဲ့ မတူညီမှုတွေကို အဲဒီလူရှုထောင့်ကနေ ကြည့်ပေးနိုင်ပြီး နားလည်ပေးနိုင်တာကြောင့် တခြားသူတွေ စိတ်ရှုပ်၊ စိတ်မကောင်းဖြစ်နေတဲ့အချိန်မှာ ပတ်ဝန်းကျင်အခြေအနေကို ရိပ်စားမိတတ်ကြတယ်။ ဒါကြောင့် သက်‌ဆိုင်ခြင်းမရှိတဲ့ စကားလုံးတွေနဲ့ ဒေါသကိုဆွစေတဲ့အရာမျိုးတွေကို ရှောင်ရှားနိုင်ပြီး လူမှုဆက်ဆံရေးကောင်းစေလို့ အောင်မြင်ခြင်းလမ်းစကို လျှောက်လှမ်းနိုင်မှာဖြစ်ပါတယ်။

၂) စိတ်ဓာတ်တက်ကြွမှုရှိခြင်း( motivation)

Motivation ရှိတဲ့သူတွေဟာ ကိုယ့်ရည်မှန်းကို အာရုံစိုက် (stay focus) ထားနိုင်ပြီး ကိုယ်သွားမယ့်လမ်းတလျှောက် အခက်အခဲဘယ်လောက်ရှိပါစေ ရှေ့ဆက်သွားနိုင်ကြတယ်။ ဒါဟာ အောင်မြင်ခြင်းအတွက် လိုအပ်တဲ့ စိတ်ခံစားချက်ဖြစ်ပါတယ်။

Motivation သာ မရှိခဲ့ရင် ကိုယ့်ကိုယ်ကိုယ် သံသယဝင်ပြီး ဘဝကိုလွယ်လွယ်အရှူံးပေးတတ်ကြတယ်။ ကိုယ်တိုင် ကိုယ့်ဘဝကို ကြိုးစားရမဲ့အစား တခြားသူရဲ့အကူအညီကို စောင့်နေတတ်ကြတယ်။ နောက်ဆုံးမှာ တခြားသူတွေရဲ့ကြိုးဆွဲရာကကြရတဲ့ အနေအထားကို ရောက်သွားတတ်ကြပါတယ်။လူတစ်ယောက်ကို motivate ဖြစ်စေတဲ့ အရာနဲ့ အခြားသူတစ်ရောက်ရဲ့ motivate ဖြစ်စေတဲ့ အရာကတော့ တူချင်မှတူနိုင်ပါမယ်။ ဥပမာ- ကျွန်မသာ ကလေးအမေတစ်ယောက်မဖြစ်ခဲ့ရင် အခြားမိဘတွေနဲ့ ကလေးတွေကိုကူညီဖို့ motivate ဖြစ်ချင်မှဖြစ်မယ်။ ဒီတော့ ကျွန်မရဲ့ ကလေးတွေက ကျွန်မကို ဒီအလုပ်ဆက်လုပ်ဖို. motivate ဖြစ်စေတယ် လို့ပြောနိုင်တယ်။ နောက်တခါ ကိုယ့်ရဲ့ vision အနာဂတ် အမြင်ကလည်း ကိုယ့်ကို motivate လုပ်နိုင်လိမ့်မယ်။ လကမ္ဘာကို သွားချင်တဲ့ သူက သူ့ရဲ့ အခန်းကို space ship တွေ လကမ္ဘာပေါ်အခြေချခဲ့တဲ့ သူတွေရဲ့ အကြောင်းတွေ ပုံတွေက သူ့ကို motivate ဖြစ်စေလိမ့်မယ်။ လကမ္ဘာကို မသွားချင်တဲ့ လူအတွက်ဒါက တန်ဖိုးမရှိတဲ့ အမှိုက်ဖြစ်ကောင်းဖြစ်မယ်။ ကိုယ့် vision ကို ရောက်ပြီးသားသူတွေအကြောင်းကို လေ့လာတာ သွားနေတဲ့ သူတွေနဲ့ မိမိကိုယ်ကိုယ် ၀န်းရံထားတာက ကိုယ်ဆက်သွားဖို့ စိတ်ခွန်အားဖြစ်စေပါတယ်။ ဉပမာ positive parenting လမ်းကိုသွားနေတဲ့မိဘ တွေ အ​နေနဲ. တူရာsupport group တွေမှာ၀င် နေပါ။
ဒါကြောင့် ဘဝအောင်မြင်ခြင်းအတွက် အရေးပါတဲ့ motivation ရှိဖို့ဆိုရင် ကိုယ့်ရဲ့ရည်ရွယ်ချက်ကို သိအောင်အရင်ကြိုးစားရပါမယ်။ ပြီးရင် ကိုယ့်ရဲ့ ရည်ရွယ်ချက်နဲ့ align ဖြစ်တဲ့ ပတ်ဝန်းကျင်ကိုတည်ဆောက် ထားရှိရပါမယ်။ ဒါမှသာ ရည်မှန်းချက်တွေကို တဖြည်းဖြည်းနဲ့ နီးကပ်လာအောင် ဆက်သွားဖို့အတွက် တွန်းအားဖြစ်စေပါတယ်။

၃) စိတ်ရှည်ခြင်း (patience)

စားမြန်မြန်၊ သွားမြန်မြန် ခေတ်ကိုရောက်ရှိလာတဲ့ technology ခေတ်မှာ စိတ်ရှည်ခြင်းဆိုတာ တကယ်ကိုလိုအပ်တဲ့ စိတ်ခံစားချက်ဖြစ်ပါတယ်။ အရာရာကို မြန်ဆန်တိကျတာကို ဦးစားပေးလာတဲ့အခါ စိတ်မရှည်ခြင်းကို အစပျိုးရာရောက်စေပါတယ်။ အထူးသဖြင့် အနောက်တိုင်းယဉ်ကျေးမှုတွေမှာ ပိုဆိုးလာကြပြီး ဖြည်းဖြည်းနဲ့ အေးဆေးလုပ်တတ်တဲ့ လူမျိုးဆိုရင် တစ်ခုခုမှားယွင်းနေတယ်လို့အထင်ရောက်သွားစေပါတယ်။
တကယ်တော့ လူသားတွေ သတိမေ့နေတဲ့အရာတစ်ခုရှိပါတယ်။ အဲဒါက ဒီနေ့အလုပ်လုပ် နောက်နေ့မှာ ချက်ချင်းသူဌေးဖြစ်လာကြမှာမဟုတ်ပါဘူး။ အခုရေတွင်းတူးအခုရေကြည်သောက်ဖို. မဖြစ်နိုင်ပါဘူး။ Get rich quick scheme တွေကြည့်ရင်များသောအားဖြင့် အလိမ်အညာများ ရေရှည်မတည်မြဲတာများပါတယ်။
ဒီဘက်ခေတ် social media မှာဆိုရင်နေ့ချင်းညချင်း followers တွေတိုးလာဖို့အတွက် knowledgeရှိတဲ့ အကြောင်းအရာတွေ entertain ဖြစ်တာတွေဖန်တီးမျှဝေရမယ့်အစား လူ အကြည့်များဖို့ အတွက် လူအဆဲခံရတဲ့အကြောင်းအရာ ဖန်တီးတာမျိုး တွေ လုပ်ဆောင်နေကြတာလည်း မကြာခဏစိတ်မ ကောင်းစရာ တွေ့ရတတ်ပါတယ်။ ဒီလို အရာတွေရဲ့ အောင်မြင်မှုဆိုတာကလည်း ခဏသာပဲဖြစ်လာကြတာ သတိထားမိကြမှာပါ။ Follower တွေရှိနေသေးတယ်ဆိုရင်တောင် ဝုန်းကနဲ ထ နာမည်ကြီးလာပြီး အခု ဘာတွေဆက်လုပ်ဆောင်နေကြလဲ ဆိုတာ သေချာကြည့်ရင် မြင်တွေ့နိုင်ပါလိမ့်မယ်။

လူတစ်ယောက်အတွက် အောင်မြင်ခြင်းကို တစ်လကို ဝင်ငွေဘယ်လောက်ထိရလဲ၊ followers တွေ ဘယ်လောက်များလဲ။ ဘာတွေပိုင်ဆိုင်နေလဲ ဆိုတာတွေနဲ့ တိုင်းတာတာမဟုတ်ပါဘူး။

ဖြည်းဖြည်းနဲ့ မှန်မှန် စိတ်ရှည်တတ်တဲ့သူတွေဟာ ကိုယ့်ရည်မှန်းချက်ပန်းတိုင်အတွက် ရည်ရှည်ကိုကြည့်တတ်ကြတယ်။ Delayed gratification လို့ခေါ်ပါတယ်။ အဓိကက စိတ်ရှည်ပြီး consistency ရှိကာ ကိုယ့်ရည်ရွယ်ချက်အတိုင်း ရည်ရှည်ထိန်းသိမ်းနိုင်စွမ်းရှိသူတွေကသာ တကယ့်အောင်မြင်ခြင်းလမ်းကြောင်းမှန်ကို လျှောက်နိုင်ကြတာဖြစ်ပါတယ်။

ရေရှည်ရပ်တည်ဖို့ဆိုတာ ဟန်ဆောင်ပန်ဆောင်မလုပ်ခြင်း ကိုယ်မှာတကယ်ရှိနေတဲ့အရာကိုသာ တန်ဖိုးထားထိန်းသိမ်းထားခြင်း integrity ဆိုတာက အရေးကြီးပါတယ်။ ဒါကြောင့် မိဘတွေအနေနဲ့ ကလေးတွေရဲ့ စံပြကောင်းဖြစ်ဖို့ဆိုရင် ကျွန်မတို့ကိုယ်တိုင်ကြိုးစားပြီးဒီခံစားချက်တွေကို မွေးမြူဖို့လိုအပ်ပါတယ်။

Ref: Emotional intelligence , the 21 day mental makeover to master your emotions improve your social skills, and achieve better happier relationships

Burmese American Home

Fully Credit To Original Uploader🥰❤️

က​လေး "ကိုယ့်အားကိုယ်ကိုးတဲ့စိတ်ဓာတ်"ဖြစ်လာ​အောင် ဆုံးမသွန်သင် ပြောင်းလဲပြုပြင်ခြင်း💙💜❤️ *စာရှည်နိုင်သည်* လိပ်ပြာလေ...
12/01/2024

က​လေး "ကိုယ့်အားကိုယ်ကိုးတဲ့စိတ်ဓာတ်"
ဖြစ်လာ​အောင် ဆုံးမသွန်သင် ပြောင်းလဲပြုပြင်ခြင်း💙💜❤️

*စာရှည်နိုင်သည်*

လိပ်ပြာလေးအကြောင်း သင်ချင်တဲ့ ဆရာတစ်ယောက် က ကလေးငယ်တွေကို သစ်ပင်တစ်ပင်အောက် ခေါ်သွားတယ်။အဲဒီသစ်ပင်ရဲ့ သစ်ကိုင်းလေး တစ်ကိုင်းမှာ အဖြူရောင် ခြည်လုံးလေးတစ်လုံးနဲ့တူတဲ့ အလုံးကလေး တွယ်ကပ် နေတာကို ဆရာကပြတယ်။ ကလေးတွေက စိတ်ဝင်တစား အနီးကပ်ပြီး ကြည့်ကြတယ်။ ကလေးတွေက သိပ်စိတ်ဝင်စားကြတယ်။အဲဒီအဖြူလုံးလေးထဲက အကောင်လေးဟာ ဥအိမ်ကလေးထဲကအတင်းတိုးထွက်နေတာကို ကလေးတို့တွေ့ရတယ်။ ဒီတော့ ကလေးတွေပိုစိတ်ဝင်စားတာပေါ့။ဆရာက `ကလေးတို့ဥအိမ်လေးကို သေသေချာချာ ကြည့်ရှု လေ့လာကြပါ`လို့မှာပြီး စာသင်ခန်းထဲမှာကျန်နေတဲ့ စာအုပ်တစ်အုပ် သွားယူတယ်။​ေလ့လာကြည့်ရှုနေတဲ့ ကလေးတွေထဒကကလေးတစ်ယောက်ဟာ ကြည့်နေရင်းအတင်းဆိုးထွက်ဖို့ ကြိုးစားနေတဲ့ အကောင်ကလေးကို သနားလာတယ်။ ဒီတော့ အကောင်လေးအပြင်ကို လွယ်လွယ် ကူကူထွက်လာနိုင်အောင် ဘယ်လိုကူညီရမလဲစဥ်းစားတယ်။ ပြီးတော့ သူ့မှာပါလာတဲ့ ကတ်ကြေးငယ်ငယ်လေးနဲ့ ဥအိမ်အပေါက်ကလေးကို ပိုကျယ်လာအောင်ချဲ့ပေးလိုက်တယ်။အဲဒီတော့ အထဲက အကောင်လေးဟာ အတင်းထိုးထွက်ပြီး လေထဲကို ပျံတက်သွားတယ်။ အတောင်လေးတွေမှာ အရောင်တွေစုံနေတဲ့ လိပ်ပြာလေးတစ်ကောင် ဥအိမ်ထဲက ထွက်လာတာတွေ့တော့ ကလေးတွေ သိပ်သဘောကျတယ်။ လိပ်ပြာလေးကို လိုင်ကြည့်ကြတယ်။ လေထဲမှာ ခဏပျံဝဲပြီး လိပ်ပြာလေးဟာ မြေကြီးပေါ်ကျပြီး `မြေကြီးပေါ်မှာ ယက်ကန်ယက်ကန် ဖြစ်နေတာ တွေ့ရတယ်။ခဏကြာတော့ မြေမှုန့်တွေထဲမှာ ရုန်းကန်ရင်း လိပ်ပြာလေး သေသွားတာ တွေ့ရတယ်။

အခြေအနေကိုသိသွားတဲ့ ဆရာက ကလေးတွေကို `လိပ်ပြာကလေး ဘာကြောင့်သေ သွားတာလဲ `လို့မေးပါတယ်။ ကလေးတွေက `ပြုတ်ကျလို့ သေတာ `လို့ ဖြေကြပါတယ်။

လိပ်ပြာကလေး ဥအိမ်ထဲက ထွက်နိုင်အောင်ဘာလုပ်နေတာတွေ့သလဲ လို့ ဆရာကမေးပါတယ်။` တိုးထွက်နေပါတယ်`လို့ ကလေးတွေက ဖြေကြပါတယ်။

`ဘာဆက်ဖြစ်သလဲ`လို့ ဆရာက မေးပါတယ်။ ဒီတော့ လိပ်ပြာကလေးထွက်နိုင်အောင် အပေါက်ကို ချဲ့ပေးလိုက်တဲ့ကလေးက `သား လိပ်ပြာလေးကို သနားလို့ သူ သက်သက်သာသာနဲ့ထွက်နိုင်အောင် အပေါက်ကို ချဲ့ပေးလိုက်တာပါ`လို့ ပြောတယ်။

ဒီတော့ ဆရာက ` သားက လိပ်ပြာကလေးကို သက်သက် သာသာနဲ့ ထွက်လာစေချင်တယ်ဆိုတဲ့ ကူညီချင်တဲ့စိတ်ထားက သိပ်ကောင်းတဲ့စိတ်ကူး ဖြစ်တယ်။ ဒါပေမဲ့ အဲဒီလို ကူညီလိုက်တဲ့အတွက် လိပ်ပြာလေးသေ သွားတာ`လို့ ပြောလိုက်တော့ ကလေးတွေ နားမလည်နိုင် ဖြစ်သွားကြတယ်။

ဒီတော့ ထွက်ပေါက်ကျယ်အောင် စေတနာနဲ့ချဲ့ပေးလိုက်တဲ့ကလေးက `ဆရာ သားကသူ့ကိုကူညီတာကြောင့် သူက ဘာလို့​သေ သွားရတာလဲလို့ မေးပါတယ်။

ဆရာက ရှင်းပြပါတယ်။ သားက စေတနာနဲ့ကူညီတာကောင်းပါတယ်။ ဒါပေမဲ့ လိပ်ပြာလေးဟာ ဥအိမ်ထဲကနေ အဆင်သင့်မဖြစ်မီ အပြင်လောကထဲ ရောက်သွားတော့ လောကဓံကို ကြံ့ကြံ့မခံနိုင်သေးဘူး။ ဒါကြောင့် ခဏပျံဝဲပြီး ပြုတ်ကျ သေ သွားတာပေါ့။ လိပ်ပြာကလေးဟာ သူ့အားသူကိုးပြီး ဥအိမ်လေးထဲကနေ အတင်းတိုးထွက်ဖို့ ကြိုးစားရုန်းကန်တဲ့အခါ သူ့ရဲ့ ကိုယ်ခန္ဓာဟာ ပိုသန်မာလာတယ်။ နောက်ဆုံး အသန်မာ အရင့်ကျက်ဆုံးအဆင့်ရောက်တော့ သူ့မှာရှိတဲ့ အင်အားကို အစွမ်းကုန်သုံးပြီး တိုးလိုက်တဲ့အခါ ဥအိမ်ကလေး ပွင့်သွားတယ်။ အဲဒီအချိန်မှာ qထွက်လာတဲ့ လိပ်ပြာကလေးရဲ့ အရောင်အသွေးတွေက ပိုတောက်ပတယ်။ ပျံနိုင်စွမ်းအားလည်း ပိုကောင်းတယ်။ ကောင်းကောင်း သန်မာရင့်ကျက်ပြီးမှ ထွင်လာတဲ့အတွက် အပြင်လောကမှာလည်း ကြံ့ကြ့ံခံနိုင်တယ် လို့ ဆရာက ရှင်းပြပါတယ်။

"လိပ်ပြာကလေးလို ကြ့ံကြ့ံခံနိုင်ဖို့ ဘာလုပ်ဖို့ လိုသလဲ " လို့ ဆရာက ကလေးတွေကို မေးပါတယ်။ ကိုယ့်အားကိုယ်ကိုး ကြိုးစားအားထုတ်ရမယ်လို့ ကလေးတွေက ပြန်​ဖြေနိုင်ကြပါတယ်။

ဒီ ဖြစ်ရပ်ကလေးဟာ သားသမီးတွေ ကို သိပ်ချစ်တဲ့ မိဘ၊ သိပ်ချစ်လို့ သားသမီးတွေ ကို လိုလေသေးမရှိအောင် လိုက်ကူညီပေးတတ်တဲ့ မိဘတွေ အတွက် အထူးသတိပေးနေတဲ့ ဖြစ်ရပ်ကလေးဖြစ်ပါတယ်။ ကလေးကိုချစ်တော့ ကလေးမပင်ပန်းအောင် ၊ ကလေးသက်သာအောင် ဆိုတဲ့စေတနာကောင်းနဲ့ တတ်နိုင်သမျှ ကူညီပေးကြပါတယ်။ ကလေးတွေသူတို့ဘာသာ လုပ်နိုင်တာတွေကိုတောင် လူကြီးမိဘတွေက ကူညီလုပ်ပေးတတ်ကြပါတယ်။ ဥပမာ ကလေးရဲ့လွယ်အိတ်ကအစ မိဘက လိုက်ကူသယ်ပေးတာတို့၊ ကလေးရေးရမယ့်စာကို မိဘက ကူညီရေးပေးတာတို့ စတာတွေလုပ်ပေးကြပါတယ်။ ကိုယ်တိုင်လုပ်နိုင်တာကို လူကြီးမိဘ တွေက ဝိုင်းကူလုပ်ပေးနေတော့ လးကြီးရဲ့အကူအညီကို နေရာတိုင်းမှာ ရချင်တဲ့စိတ်က ကလေးတွေမှာ ဖြစ်လာပါတယ်။ အဲဒီကနေ ပိုဆိုးတဲ့အကျင့် တွေရလာပါတယ်။ ကိုယ်နိုင်တာကိုတောင် ကိုယ်မလုပ်ချင်တော့တဲ့စိတ် ဖြစ်လာပါတယ်။ အရာရာလူကြီးမိဘက လုပ်ပေးစေချင်တဲ့စိတ်တွေဖြစ်လာပါတယ်။ တစ်နည်းပြောရရင် ကိုယ့်အားကိုယ်ကိုးချင်တဲ့စိတ် မရှိတော့ပါဘူး။ဒီအလေ့အကျင့်ကြောင်​​့ ကိုယ့်ကိုယ်ကိုယ် ယုံကြည်စိတ်ချတဲ့စိတ်လည်း ဖြစ်မလာတော့ပါဘူး။ ကိုယ်ကိုယ်ကိုယ် ယုံကြည်မှု မရှိတဲ့ကလေး၊ နေရာတိုင်းမှာ သူတစ်ပါးကိုသာအားကိုးတဲ့စိတ်ဖြစ်နေတဲ့ ကလေးဟာ နဖူးတွေ့ ဒူးတွေ့ ပတ်ဝန်းကျင် လောကထဲဝင်တဲ့အခါ အခက်အခဲတွေ အများကြီး ကြုံလာရပါတော့တယ်။ လူတော မတိုးရဲတော့ပါဘူး။

တကယ့်ဖြစ်ရပ်ကလေးတစ်ခုကို ပြောပြချင်ပါတယ် ။ နာမည်ကြီးကျောင်းမှာထားပြီး ကလေးရဲ့လွယ်အိတ်၊ ထမင်းချိုင့် စတာတွေကို လူကြီးကလွယ်ပြီး ကျောင်းကြိုပ့ု့လုက်နေတဲ့မိခင်တစ်ဦးရဲ့အဖြစ်ပါ။ အမေက ကျောင်းအဝင်ဂိတ်ဝနားအထိ လွယ်အိတ်၊ ထမင်းချိူင့်တွေကိုလွယ်ပြီး လိုက်ပို့ပါတယ်။ ကလေးကကျောင်းဂိတ်ဝကနေ စာသင်ခန်းအထိ သူ့ပစ္စည်းသူ သယ်ရပါတယ်။ အဲဒီတော့ ကလေးက `မေမေ ဒီနားက ရပ်ကြည့်နေနော်။ ဘယ်မှမသွားနဲ့`လို့ ပြောရင်း အမေရှိနေသေးသလားဆိုတာ နောက်ပြန်တကြည့်ကြည့်နဲ့ အတန်းထဲ ဝင်သွားတဲ့ကလေးမျိုးတွေ ရှိနေပါတယ်။ ဒီလိုကလေးတွေဟာ လောကကို ရင်ဆိုင်နိုင်တဲ့ အစွမ်းသတ္တိတွေ၊ ကြံ့ခိုင်မှုတွေ ဘယ်ကရနိုင်မှာလဲ။ လိပ်ပြာကလေး ခဏပျံဝဲပြီး ​မြေပေါ်ပြုတ်ကျတာမျိုး မဖြစ်နိုင်ဘူး လား။ လောကနဲ့ထိတွေ့ရင်ဆိုင်တဲ့နေရာမှာ လူကြီးမိဘတွေက အစစအရာရာ လိုက်လုပ်မပေးနိုင်ပါဘူးး။ ကလေးတွေဟာ အချိန်တန်ရင် သူတို့ဘဝ သူတို့ရင်ဆိုင်ရမှာဖြစ်ပါတယ်။ မလွဲမသွေ ကြုံတွေ့ရမယ့် လောကသဘာဝ အခက်အခဲတွေ ၊ စိန်ခေါ်မှုတွေကို ကိုယ်တိုင်ရင်ဆိုင်ဖြေရှင်းကျော်လွှားနိုင်တဲ့ စွမ်းရည် သတ္တိ တွေ ရှိဖို့လိုပါတယ်။ အဲဒီ အစွမ်းသတ္တိတွေကို ငယ်ငယ်ကတည်းက တဖြည်းဖြည်း လေ့ကျင့်မွေးပေးဖို့၊ ပြုစုပျိုးထောင်ပေးဖို့် လိုပါတယ် ။

မိဘတွေက သားသမီး တွေကို ရင်အုပ်မခွာနေချင်၊ ထားချင်ကြပေမဲ့ ရင်အုပ်က ခွာထွက်သွားတဲ့အခါ ကြံ့ကြံ့ခံနိုင်တဲ့ ကလေးတွေ၊ ကိုယ့်အားကိုယ်ကိုးပြီး ကိုယ့်ဘဝကိုယ်ထိန်းနိုင်သိမ်းနိူင်တဲ့ ကလေးတွေ ဖြစ်အောင် လေ့ကျင့်ပေးဖို့ဟာ သိပ်အရေးကြီးပါတယ်။ ပိုအရေးကြီးပါတယ် ။ လက်တွေ့ဘဝ အခြေအနေနဲ့လည်း ပိုကိုက်ညီပါတယ်။ ကလေးတို့အတွက် လိုအက်ချက်ဖြစ်ပါတယ်။

ဒါကြောင့် ကလေးတွေကို တကယ်ချစ်ရင် သူ့အရွယ်နဲ့ လုပ်တတ်ရမယ့်၊ သူတို့လုပ်နိုင်တဲ့ အလုပ်တွေကို လုပ်တတ်အောင် လေ့ကျင့်ပေးဖို့လိုပါတယ်။ စတင်လုပ်ချိန်မှာ သေသပ်မှုကောင်းချင်မှကောင်းမှာပါ။ စိတ်ရှည်ရှည်ထားပြီး လေ့ကျင့်ပေးရင် ကလေးဟာ လုပ်နိုင်စွမ်းရည် တိုးတက်ကောင်းမွန်လာမှာဖြစ်ပါတယ်။ ကလေးကိုယ်တိုင် လုပ်နိုင်စွမ်းတိုးတက်လာပြီး လုပ်နိုင်လာတာလေးတွေကိုလည်း အသိအမှတ်ပြုပေးဖို့ လိုပါတယ်။ အဲဒီလို အသိပမှတ်ပြုတော့ ကလေးဟာ သူ့ကိုယ်သူ ယုံကြည်မှု ရှိလာပါတယ်။ ကိုယ့်ကိုယ်ကိုယ်ယုံကြည်မှုရှိတဲ့ ကလေးတွေဟာ လုပ်ရဲကိုင်ရဲ ရှိပါတယ်။ လုပ်ချင်ကိုင်ချင်စိတ်လည်း ရှိတယ်။ ကိုယ်တိုင်လည်း ကြိုးစားလုပ်ကိုင်တတ်တဲ့အတွက် လုပ်တတ်ကိုင်တတ်တဲ့စွမ်းရည်ဟာ တိုးတက်လာပါတယ်။

ဒီလိုလေ့ကျင့်ပေးတဲ့နေရာမှာ လူကြီးတွေဘက်က စိတ်ရှည်ဖို့လိုပါတယ်။ ဥပမာ ထမင်းကိုဇွန်းနဲ့စပြီး စားတဲ့အလေ့အကျင့်လုပ်စမှာ ထမင်းတွေဖိတ်ကျံတာ၊ ပေကျံတာတွေများမှာပါ။ လူကြီးကျွေးတာလောက်လည်း မြန်မှာမဟုတ်ပါဘူး။ အဲဒီလို မသေမသပ်ဖြစ်နေတာကို စိတ်ရှည်ရှည် လေ့ကျင့်ပေးရင်၊ လေ့ကျင့်ပေးတဲ့အတွက်အချိန်တော​့ယူပါတယ်။ ဒါပေမဲ့နောက်ပိုင်း ကလေးဟာ သူ့ဘာသာစားတတ်သွားရင် လူကြီးကနေပြီးအချိန်ယူကျွေးစရာမလိုတော့ပါဘူး။ လေ့ကျင့်ပေးစဥ်က ကုန်ခဲ့တဲ့အချိန်နဲ့နောက်ပိုင်း သက်သာတဲ့အချိန်ကို နှိုင်းယှဥ်ကြည့်မယ်ဆိုရင် လေ့ကျင့်စဥ်က ပေးရတဲ့အချိန်ဟာကုန်သင့်ကုန်ထိုက်တဲ့အချိန်ဆိုတာ သိလာမှာ ဖြစ်ပါတယ်။

ဒါကြောင့် ကလေးတွေကို တကယ်ချစ်ရင် သးတို့နိုင်တဲ့ အလုပ်ကလေးတွေကို ကိုယ်တိုင်လုပ်တတ်အောင် လေ့ကျင့်ပေးဖို့် အထူးလိုအပ်ပါတယ်။ချစ်တဲ့အတွက် ကလေးတို့လုပ်ရမယ့် အလုပ်တွေကို လူကြီးမိဘ ၊ အဘိုးအဘွား တွေက လုပ်ပေးနေတာဟာ `ပေါ့စေလိုလို့ကြောင်ရုပ်ထိုး၊
ဆေးအတွက် လေး `ဆိုတဲ့စကားလိုဖြစ်တတ်ပါတယ်။ သနားလို့၊ ချစ်လို့ လုပ်ပေး၊ လုပ်ပေးနေတဲ့ အတွက်မလုပ်တတ်၊ မလုပ်တတ်တော့ သူတစ်ပါးကို အားကိုးရင်း နောက်ဆုံး တော့ သူများအပေါ်မှီခိုအားထားပြီး အသက်ရှင်ရတဲ့ ဘဝမျိုး ရောက်နိုင်ပါတယ်။ ပတ်ဝန်းကျင်က ငြိုငြင်လာတဲ့ လူတစ်ယောက် ​ဖြစ်လာနိုင်ပါတယ်။

သူ့အရွယ်နဲ့သူ လုပ်နိုင်တာတွေ လုပ်တတ်တဲ့ ကလေးတွေ၊ ကိုယ့်ကိုယ်ကိုယ် ယုံကြည်တဲ့ကလေးတွေ ၊ ဘဝကိုရင်ဆိုင်ဖို့ ကြံ့ကြံ့ခံနိုင်တဲ့ ကလေးတွေ ဖြစ်လာအောင် လေ့ကျင့်ပျိုးထောင်ပေးနိုင်ကြပါ​စေလို့ ဆန္ဒပြုပါတယ်။

စာရေးသူ
ဒေါက်တာသိန်းလွင်( ပညာရေးစိတ်ပညာပါရဂူ )

( ကလေးကို ချစ်ရင် မခြောက်ပါနဲ့ ) စာအုပ်မှ ထုတ်နှုတ်တင်ပြ သည် ။

Credit To Dr.Thein Lwin❤️❤️❤️







သင်္ချာတွက်ရရင် အမြဲActive ဖြစ်နေတဲ့ သမီးလေး လဝန်းအိမ်လေး🥰😘Snapshot မိသြားတယ္ ကေလးေလးေရ🥰
10/01/2024

သင်္ချာတွက်ရရင် အမြဲActive ဖြစ်နေတဲ့ သမီးလေး

လဝန်းအိမ်လေး🥰😘

Snapshot မိသြားတယ္ ကေလးေလးေရ🥰

တခါတလေတော့လဲအိပ်ချင်တာပေါ့Tr ရယ် တဲ့🥰🥰ချစ်စရာကောင်းလိုက်တဲ့ သမီးလေးထက်ထက်ဝင်း🥰Snapshot မိသြားတယ္🥰
10/01/2024

တခါတလေတော့လဲအိပ်ချင်တာပေါ့Tr ရယ် တဲ့🥰🥰

ချစ်စရာကောင်းလိုက်တဲ့ သမီးလေးထက်ထက်ဝင်း🥰

Snapshot မိသြားတယ္🥰

ဘာသာတရားလဲ ကိုင္း႐ိူင္းေအာင္Tr Poe က တခ်ိန္ေတာ့ တရားထိုင္ခိုင္းတယ္ေလ🙏🤍🤍
07/01/2024

ဘာသာတရားလဲ ကိုင္း႐ိူင္းေအာင္Tr Poe က တခ်ိန္ေတာ့ တရားထိုင္ခိုင္းတယ္ေလ🙏🤍🤍

ကလေးငယ်တွေ ဉာဏ်ရည် ဖွံ့ဖြိုးမှု့အတွက် ကျွေးသင့်သော အစားအစာ များ1. ဆော်လမွန် ငါး - ဆော်လမွန်ငါးမှာ Omega 3 fatty acid တွေ...
07/01/2024

ကလေးငယ်တွေ ဉာဏ်ရည် ဖွံ့ဖြိုးမှု့အတွက် ကျွေးသင့်သော အစားအစာ များ

1. ဆော်လမွန် ငါး - ဆော်လမွန်ငါးမှာ Omega 3 fatty acid တွေဖြစ်တဲ့ ဦးနှောက်ဖွံ့ဖြိုးမှု့ နှင့် မှတ်ဉာဏ် စွမ်းအား အတွက် မရှိမဖြစ်လိုအပ်တဲ့ EPA နှင့် DHA ပါဝင်ပါတယ်။ ကလေးတွေ က ငါးဆိုရင် ဒီတိုင်း ကျွေးရင် မစားချင်ကြပါဘူး။ ဒါကြောင့် sandwich လို လုပ်ပြီး ကျွေးတာမျိုး လုပ်ပေးရင်တော့ ပိုကြိုက်ကြပါလိမ့်မယ်။ တချို့ ကလေးတွေ က ဆော်လမွန် မကြိုက်ဘူးဆိုရင်တော့ တူနာ ငါးကျွေးလို့လည်းရပါတယ်။ ဒါပေမယ့် ဆီသွပ်ဘူးတွေ မှာ ပါတဲ့ တူနာ ကတော့ အသားချည်းပဲ ပါပြီး ငါးအဆီ မပါတဲ့ အတွက် omega 3 fatty acid ကတော့ နည်းပါတယ်။

2. ကြက်ဥ ကျွေးပါ - အားလုံးသိပြီးသား ဖြစ်တဲ့ အတိုင်း ကြက်ဥ က အသားဓါတ်ကြွယ်ဝတဲ့ အတွက် ကလေးငယ် တွေ ခန္ဓာကိုယ် ကြီးထွားဖွံ့ဖြိုးမှု့ အတွက် အလွန် အသုံးဝင်ပါတယ်။ နောက်တစ်ခု ကောင်းတဲ့ အချက် ကတော့ ကြက်ဥ အနှစ်မှာ ပါဝင်တဲ့ ကိုလင်း(Choline) ဓါတ် က မှတ်ဉာဏ် စွမ်းအားကို မြှင့်တင်ပေးပါတယ်။ ဒါပေမယ့် တဖက် က ကိုလက်စထရော လည်း များတဲ့ အတွက် တစ်နေ့ ကို ၂ လုံး ထက်ပို ပြီး မကျွေးသင့် ပါဘူး။ တစ်ခု ရှိတာ က ကလေးငယ် တွေ မှာ ကြက်ဥ နှင့် တည့်မတည့် ကို စမ်းဖို့တော့ လိုပါတယ်။ စကျွေးတဲ့ နေရာ မှာ တည့်မတည့် ကို အရင် အကာချည်း တစ်ဇွန်းလောက် နောက်တစ်ရက်မှာ အနှစ်ချည်း တစ်ဇွန်းလောက် ကျွေးကြည့်ပြီး နာရီဝက် တစ်နာရီလောက် စောင့်ကြည့်ပါ။ အနီကွက်တွေ မထွက်လာဘူးဆိုရင် တည့်တယ် လို့ ယူဆလို့ရပါတယ်။ နောက်နေ့ဆို ဆက်ကျွေးလို့ အဆင်ပြေပါပြီ။ ဒါပေမယ့် ကလေးငယ်တွေ ကို ကျွေးတဲ့ နေရာမှာ အစိမိးလုံးဝ မကျွေးသင့်ပါ။ အကျက် (သို့မပာုတ်) အကာကျက်လေး ပြုတ်ပြီး ကျွေးရပါမယ်။

3. မြေပဲထောပတ် ကျွေးပါ- အခုနောက်ပိုင်း Supermarket တော်တော် များများမှာ မြေပဲထောပတ် peanut butter ဝယ်လို့ရနေပါပြီ။ peanut butter က ဗီတာမင် E ကြွယ်ဝ ပြီး ဓါတ်တိုး ဆန့်ကျင် သတ္တိရှိတဲ့ အတွက် အာရုံးကြော ဆဲလ် လေးတွေရဲ့ အမြှေးပါး ပျက်ဆီးမှု့ ဒါဏ်မှ ကာကွယ်ပေးပါတယ်။ နောပ်ထပ်လဲ Thiamin (ဗီတာမင် B1) ကြွယ်ဝတဲ့ အတွက် ဦးနှောက် နှင့် အာရုံကြော လုပ်ငန်းဆောင်တာ တွေ အတွက် တဖက်တလမ်း ကနေ ကူညီပေးပါတယ်။ ဒါပေမယ့် မြေပဲ ကလည်း လူတိုင်းနှင့် မတည့်တတ်တဲ့ အတွက် ကလေး တွေ ကို စကျွေးရင် တည့်မတည့် သိရအောင် လက်တတို့လောက်ကျွေးပြီး နာရီဝက် စောင့်ပြီး မှ အနီစက်ထွက်တာ အသက်ရှူ ကြပ်တာ တွေ မရှိမှ ဆက်ကျွေးပါ။ ဒါက အရင် ကတည်း က မြေပဲ တစ်ခါ မှ မကျွေးဘူးတဲ့ ကလေးတွေ အတွက်သာ ဖြစ်ပါတယ်။

4. Whole grains ကျွေးပေးပါ - whole grains ဆိုတာကတော့ အလွယ်ပြောရင် ဂံျုကြမ်း ဆန်ကြမ်း တွေပါ။ Whole grains တွေ မှာ ဗီတာမင် B complex ပါဝင်တဲ့ အတွက် ဦးနှောက် နှင့် အာရုံကြော အတွက် အထူးကောင်းမွန် စေပါတယ်။

5. Oatmeal ကျွေးပါ - ကလေးငယ်တွေ ကို မနက်စာ အနေနဲ့ ဗီတာမင် B, E, ပိုတက်ဆီယမ် နှင့် ဇင့် ဓါတ် ကြွယ်ဝ တဲ့ oatmeal ကျွေးသင့်ပါတယ်။

6. ဘယ်ရီသီးတွေ များများကျွေးပါ- ဘယ်ရီသီးတွေ ဆိုတာကတော့ စတော်ဘယ်ရီသီး၊ ချယ်ရီသီး၊ ဘလူးဘယ်ရီ၊ ရက်စ်ဘယ်ရီ၊ ဘလက်ဘယ်ရီ သီး စတဲ့ အသီးတွေ ကို ဆိုလိုတာပါ။ ဗီတာမင် စီ ကြွယ်ဝလို့ ကိုယ်ခံစွမ်းအား ကို မြှင့်တင်ပေးတဲ့ အတွက် ကလေးငယ်တွေ မှာ ဘတ်တီးရီယား၊ ဗိုင်းရပ်စ် တွေကြောင့် ဖြစ်တဲ့ နှာစေးချောင်းဆိုး ဖြစ်တာတွေ ကို လျှော့ချပေးပါတယ်။

7. ပဲ အမျိုးမျိုး ကျွေးပေးပါ - Omega 3 fatty acid ကြွယ်ဝတဲ့ kidney bean နှင့် pinto bean ကျွေးခြင်း အားဖြင့် ဦးနှောက်ဖွံ့ဖြိုးမှု ကို တဖက်တလမ်းက အားပေးပါတယ်။ တစ်ခု သတိထားသင့်တာကတော့ တချို့သော ပဲ အမျိုးအစားတွေ က ကလေးတွေ မှာ မတည့်တတ်ပါဘူး။ အထူးသဖြင့် G6PD ကလေးတွေ မှာ ဆိုရင် သက်ဆိုင်ရာ ဆရာဝန် တွေ နှင့် တိုင်ပင်ပြီး မှ ကျွေးသင့်ပါတယ်။

8. အရောင်စုံအောင် အသီးအရွက်တွေ ကျွေးပါ -
ဥပမာ (1) အနီရောင် - ခရမ်းချဉ်သီး၊ စတော်ဘယ်ရီ
(2) အဖြူရောင် - မုန့်ညှင်းဖြူ၊ ပန်းဂေါ်ဖီ၊ ဂေါ်ဖီထုပ်
(3) အဝါရောင် (သို့) လိမ္မော်ရောင် - လိမ္မော်သီး၊ မုန်လာဥနီ
(4) အစိမ်းရောင် - ကန်စွန်းရွက်၊ ပာင်းနုနွယ်၊ ပန်းပွင့်စိမ်း
(5) ခရမ်းရောင် - စပျစ်သီး စတာတွေ ထဲ မှ တစ်နေ့ကို သုံးမျိုးလောက် ပါအောင်ကျွေးပေးပါ။ ကန်းစွန်းဥ နှင့် ရွှေဖရုံသီးကျွေးလည်း ရပါတယ်။ ကလေးတွေ ပိုကြိုက်ပါတယ်။

9. နွားနို့ နှင့် ဒိန်ချဉ် ကျွေးပေးပါ - ဦးနှောက် တစ်ရှူး၊ အင်ဇိုင်း တွေ ကို ဖွံ့ဖြိုးစေပါတယ်။

10. သံဓါတ် အားကောင်းစေတဲ့ အမဲသား ကျွေးပေးပါ - သံဓါတ်ပာာ ဦးနှောက်ဖွံ့ဖြိုးမှု့ နှင့် မှတ်ဉာဏ် စွမ်းအားကို မြှင့်တင်ပေးပါတယ်။ ဒါကြောင့် သံဓါတ် ကြွယ်ဝ တဲ့ အမဲသား ကျွေးပေးဖို့လိုပါတယ်။ ဒါပေမယ့် တပါတ် ကို နှစ်ကြိမ်ထက်တော့ မပိုသင့်ပါဘူး။

လေးစားစွာဖြင့် ......
ဒေါက်တာ ညီညီကျော်
Crd

Beautiful Morning 🌹❤️
07/01/2024

Beautiful Morning 🌹❤️

#မိမိကလေးကိုစာရေးသင်မယ့်မေမေများရှင့် ကလေးကိုစာရေးမသင်ခင် မိမိဘယ်အရွယ်တုန်းကစာစရေးလဲပြန်စဉ်းစားပါရှင့် ဘယ်လိုသင်ခဲ့ရလဲ ...
07/01/2024

#မိမိကလေးကိုစာရေးသင်မယ့်မေမေများရှင့်
ကလေးကိုစာရေးမသင်ခင်
မိမိဘယ်အရွယ်တုန်းကစာစရေးလဲပြန်စဉ်းစားပါရှင့် ဘယ်လိုသင်ခဲ့ရလဲ
အတန်းထဲမှာလက်ရေးလက်သား လှပအောင်ရေးနိုင်ခဲ့ရဲ့လား ပဲပင်ပေါက်ကဲ့သို့
ယခုအရွယ်ထိမလှမပဖြစ်နေလား ရေးဆွဲနည်းတွေမမှန်ပဲ အခုဒီအရွယ်ထိ
ပြီးစလွယ်ရေးနေသူတစ်ယောက်လား အရင်ဆုံးပြန်သုံးသပ်ပေးပါရှင့်

မိမိကလေးစာရေးသင်တော့မယ်ဆို အရင်ဆုံးသတိပြုရမယ့်အချက်တွေမျှဝေပေးချင်ပါတယ်ရှင့်
မိမိကလေးအသက်အရွယ်ဘယ်အရွယ်ရှိနေပြီလဲ
စာရေးသင်ဖို့အသက်ပြည့်ပြီလာ ၅နှစ်မှစသင်တာကောင်းပါတယ်
ကလေးတွေအတွက်၅နှစ်ခွဲ၆နှစ်ကအဆင်အပြေဆုံးပါရှင့် (ဖြစ်သင့်တာပြောတာပါ)

စာရေးသင်ဖို့အသက်ပြည့်ပြီးသော်လည်း မူကြိုကိုဘယ်အရွယ်မှစထားခဲ့လဲ
၄နှစ်ကျော်မှလား ၅နှစ်ပြည့်ဖို့လပိုင်းလိုမှလား
ဒါဆိုရင် မိမိကလေးစာရေးသင်ဖို့အဆင်မပြေသေးပါဘူးရှင့်
မူကြိုမှာ ၃နှစ်ကနေ၅နှစ်ထိ အသက်အရွယ်အလိုက်ရှိသင့်ခဲ့တဲ့
ဖွံ့ဖြိုးမှုမိုင်တိုင်တွေ အပြည့်အ၀ရရှိခဲ့ဖို့အရေးကြီးပါတယ်ရှင့်

ကလေးဟာ မူကြိုပညာရေးကိုလည်း ဆုံးခန်းတိုင်အောင်ပြီးမြှောက်လာတယ်
မူကြိုမှပေးခဲ့သော ဘက်စုံဖွံ့ဖြိုးရေးအပြင် ကလေးဟာ Manipulative Practice ပါ
ကောင်းကောင်းအပြည့်အ၀ရပြီဆိုရင် ကလေးအတွက်စာရေးဖို့အရမ်းလွယ်ကူသွားပါပြီ

မူကြိုထားခဲ့သော်လည်း ကလေးဟာ လက်ချောင်းလေးတွေကိုင်တွယ်အသုံးပြုရာမှာ
မကျွမ်းကျင်လာဘူးမသန်မာလာဘူးဆိုရင် စာရေးရာမှာ စိတ်ဖိစီးမှုဖြစ်လာပြီး
၀န်နဲ့အားနဲ့မမျှသော သင်ကြားရေးဖြစ်လာပါမယ်

#မိမိကလေးကိုစာရေးစမသင်မှီ ၀န်နဲ့အားနဲ့မမျှသော သင်ကြားရေးမဖြစ်စေဖို့
အဆင့်လိုက်လုပ်ပေးပါရှင့်

#ပထမဆုံးအဆင့်
ပန်ချီဆွဲတဲ့စာအုပ်အဖြူအလွတ်ပြောင်ပေါ် ခဲတံဖြင့် လျှောက်ခြစ်ခိုင်းပါ
မျဉ်းဖြောင့် မျဉ်းကွေး တြိဂံ လေးထောင့် Dot to Dot lineတွေ အကုန်ဆွဲခိုင်းပါ
ကလေးပန်းချီ အရုပ်တွေဆွဲခိုင်း၍ ဆေးရောင်ခြယ်ခိုင်းပါ ခဲတံ သို့ စုတ်တံ ရေဆေး
မာကာပင် အကုန်အသုံးပြုပြီး ပန်းချီဆွဲစေပါ
မူကြိုမှာတော့ လက်ချောင်းကြွက်သား Activitiesတွေ ကျင့်ခိုင်းပြီးသားမို့
ကတ်ကြေးညှပ်တာ ဂျုံနယ်တာ အစရှိသည်များထည့်မပြောတော့ပါရှင့်

#ဒုတိယအဆင့်
လေးကြောင်းမျဉ်းဖြင့် မျဉ်းဖြောင့် မျဉ်းကွေး wave to wave line
Dot to dot lineများ ပြန်လေ့ကျင့်ခိုင်းပါ
ကလေးလက်ဖိအားနှင့်ခဲတံကိုင်နိုင်စေရန်ဖြစ်ပါတယ်
ကလေးဆွဲသည့် မျဉ်းအရာလိုက် လက်ဖိအားကိုကြည့်ပြီး ကလေးအခြေအနေကို
ခန့်မှန်းပေးပါ လက်ဖိအားအသင့်အတင့်ဖြစ်ပြီဆို အစက်ချစာရေးစလို့ရပါပြီ

#တတိယအဆင့်
လေးကြောင်းမျဉ်းဖြင့် အရင် ၀ လုံးကို အစက်ချ၍ စာမျက်နှာ တစ်မျက်နှာကို
တစ်ကြောင်းစီခြား၍ စသင်ပါ
၀လုံးကို ရေးဆွဲနည်းမှန်ပါစေ ၀လုံးဆွဲနည်းနှင့် Eng oဆွဲနည်းမတူပါ မှားတတ်ပါတယ်
အစက်ချကို စာအုပ်တစ်အုပ်ကုန်သည်ထိ အစက်ချမလွတ်မချင်း ၀လုံးအစက်ချသင်ပါ
ကလေး၏ ၀လုံးလက်ဖိအားကိုကြည့်၍ ခန့်မှန်းပါ
လက်ဖိအားနိုင်ပါက အစက်ချလွတ်၍ လေးကြောင်းမျဉ်းထဲ ၀လုံးရိုးရိုးရေးစေပါ
လူကြီးမှ ဘေးကစောင့်ကြည့်၍ ခဲဖျက်ကိုင်ကာ ၀လုံးဆွဲနည်းမမှန်သည်မျိုး
ကြီးသော်သေးသော်ဖြစ်နေပါက ဖျက်ပြီးပြန်ကလေးကိုရေးစေပါ
အချိန်ပေးရပါမည် မိမိနုတ်မှလဲ ကလေးကိုဖျက်သည်မှာဘာကြောင့်ဆိုတာ
နားလည်အောင်ပြောပြပေးပါ
၀လုံးကို ကျွမ်းကျွမ်းကျင်ကျင် ရေးနိုင်လက်ဖိအားငြိမ်သည်အထိ တစ်အုပ်ကုန်ရင်ကုန်ပါစေ
အချိန်စောင့်ပါစိတ်ရှည်ပါ ၀လုံးနိုင်ခြင်းနောက်မှာကလေးက
ဗျည်းတွေရေးဖို့အရမ်းလွယ်ကူသွားတဲ့အတွက်ပါရှင့်

#စတုထ္ထအဆင့်
အရေးကြီးဆုံး မိဘများရေးဆွဲနည်းမှန်အောင်သင်ရပါမယ် မသိပါကလေ့လာပြီးမှသင်ပါ
#မြန်မာစာဗျည်းစသင်မယ်ဆိုပါက
အဆင့်၁ ၀ ဂ င ပ
အဆင့်၂ ထ တ က ဘ
အဆင့်၃ သ လ ဟ ယ
အဆင့်၄ စ ဓ ခ ဆ
အဆင့်၅ မ ဖ ဗ ရ န ဇ ဒ အ ည

#အင်္ဂလိပ်စာဗျည်းစသင်မယ်ဆိုပါက
မျဉ်းဖြောင့်အတိုင်းရေးဆွဲရတာအရင်သင်ပါ
A E F H I K L M N T V W X Y Z
မျဉ်းကွေးအတိုင်းရေးဆွဲရတာကို ဒုတိယသင်ပါ
O C S Q
မျဉ်းဖြောင့်နှင့်မျဉ်းကွေး ပေါင်းရေးရတာကိုတတိယသင်ပါ
B D G J P R U

#သင်္ချာအက္ခရာစသင်မယ်ဆိုပါက
လေးကြောင်းမျဉ်းအောက်ဆုံးအနီထိအောင်သင်ရပါမယ် မျဉ်းပြာကနေစပါမယ်
၂ ၃ ၄ ၅ ၇ ၉
မျဉ်းပြာအလယ်မှာရေးသင်ရတာကဒုတိယသင်ပါ
၀ ၁ ၈
အပေါ်ဆုံးမျဉ်းနီကနေ မျဉ်းပြာအောက်ထိရေးသင်ပါ
၆
သင်္ချာသင်မည်ဆိုပါက ၁ မှ ၁၀ထိ ကလေးသိထားပါစေ

အထူးသတိပြုရန်မှာ ရေးဆွဲနည်းမှန်မှန်သင်ပေးပါ ကလေးကိုဘေးမှ အချိန်ပေး၍
ကလေးဆွဲနည်းမမှန်သည်များ စာလုံးလိုတာထက်ကြီးသေးနေသည်များကို
ချက်ချင်းဖျက်ပြန်ရေးစေခိုင်းပါ နားလည်အောင်ရှင်းပြပေးပါ
မြန်မာအင်္ဂလိပ်သင်္ချာ ၃ဘာသာတွဲသင်ပါ
တစ်ဘာသာပြီးပြတ်မှ နောက်တစ်ဘာသာမစစေပါနဲ့
ကလေး၃ခုလုံးသိနေရပါမည်
တစ်မျက်နှာကို တစ်ကြောင်းခြားပြီး ၃ဘာသာကို ရေးခိုင်းလို့ရပါတယ်
ကလေးအတွက်လဲ အဆင်ပြေပါတယ် ကလေးကျွမ်းကျင်သွားရင်
ကလေးကိုလေးကြောင်းမျဉ်းမှ၂ကြောင်းမျဉ်းထဲသို့
ပြန်ပြောင်းရေးစေတာပါကျင့်ပါရှင့်

မေတ္တာဖြင့်
တီချယ်ဖြူစင်လှိုင်
🙏

Mogok မွာ အရမ္းေအးေနၿပီေလ ဂ႐ုစိုက္ၾကပါဦးရွင္ေႏြးေႏြးေထြးေထြးေနၾကေနာ္🥰
06/01/2024

Mogok မွာ အရမ္းေအးေနၿပီေလ
ဂ႐ုစိုက္ၾကပါဦးရွင္ေႏြးေႏြးေထြးေထြးေနၾကေနာ္🥰

🤍🥰ချစ်ခြင်းမေတ္တာသည်သာအဓိကပါ🥰🤍“လူလတ်တန်းစား မိဘတွေ ဖတ်ဖို့”🔳 ဒီခေတ်က အစစအရာရာ တိုးတက်တဲ့ခေတ်ကြီး။ အရင်ထက်စာရင် ငွေရှာစရာ...
06/01/2024

🤍🥰ချစ်ခြင်းမေတ္တာသည်သာအဓိကပါ🥰🤍
“လူလတ်တန်းစား မိဘတွေ ဖတ်ဖို့”

🔳 ဒီခေတ်က အစစအရာရာ တိုးတက်တဲ့ခေတ်ကြီး။ အရင်ထက်စာရင် ငွေရှာစရာ အခွင့်အလမ်းတွေ များလာတယ်။ လူနေမှု အဆင့်အတန်းတွေ မြင့်လာတယ်။ အသိအမြင်တွေ ကြွယ်လာတယ်။

တစ်ဖက်မှာလည်း ဒီရုပ်ဝတ္ထုတွေနောက်ကို အသည်းအသန် လိုက်နေရတာ ပင်ပန်းလာတယ်။ အပြိုင်အဆိုင်တွေ လုပ်ရ၊ ရှာရ၊ ဖွေရနဲ့ ဘယ်တော့မှ လုံလောက်တယ်လို့ကို မရှိဘူး ဖြစ်လာတယ်။

အဆိုးဆုံးက သူများနဲ့ နှိုင်းယှဉ်မိပြီး ကိုယ့်ကိုယ်ကိုယ် အားမရတာ၊ သိမ်ငယ်တာတွေ ရှိလာတာပဲ။

သူများလှသလို ငါမလှဘူး။ သူများတွေ သုံးသလို ငါမသုံးနိုင်ဘူး။ သူများတွေ ပျော်သလို ငါပျော်မနေရဘူး စသဖြင့် တွေးမိလာကြတယ်။ ကိုယ့်ဘဝကိုယ် မကျေနပ်တော့ဘူး။

🔳 ဒီခေတ်မိဘတွေလည်း အဲဒီပြဿနာကို ရင်ဆိုင်ကြရတယ်။

Parenting ဆိုတာကို ပိုနားလည်လာကြတယ်။ လေ့လာချင်ရင်လည်း အလွယ်လေး။ ကိုယ့်ကလေးအတွက်လည်း အကောင်းဆုံး ဆိုတဲ့အရာတွေ လုပ်ပေးလို့ရတယ်။ ပံ့ပိုးပေးလို့ရတယ်။

သို့သော် တစ်ဖက်ကကျ အဲဒီလို မလုပ်ပေးနိုင်တဲ့၊ တည့်တည့်ပြောရရင် လူလတ်တန်းစား၊ အခြေခံ လူတန်းစား မိဘတွေမှာ သိမ်ငယ်စိတ်တွေ ဖြစ်လာကြတယ်။ ကိုယ်တိုင်ထက် သားသမီးအတွက် ဆိုတော့ ပိုဆိုးတာပေါ့။ ငါ တခြားမိဘတွေလိုလည်း လုပ်မပေးနိုင်ဘူး၊ ကျောင်းကောင်းကောင်းမှာ မထားနိုင်ဘူး၊ ငါ့ရဲ့ ပျိုးထောင်မှုပုံစံက မှန်မှမှန်ရဲ့လား စသဖြင့် စသဖြင့် တွေးမိလာကြတယ်။

ဒါသည်လည်း Peer Pressure ပါပဲ။ ကျွန်တော်တို့ငယ်ငယ်က ၅ နှစ်မှ ကျောင်းပို့၊ ကျူရှင်လေး ထားပေး၊ ဒါဆို ရပြီ။ တခြားမိဘ တော်တော်များများလည်း အဲဒီအတိုင်းပဲ။ ခုခေတ်ကျ ကြည့်ပါဦး။ များလိုက်တဲ့ ကျောင်းတွေ၊ ကုန်လိုက်တဲ့ အဖိုးအခတွေ။ ကိုယ့်ပတ်ဝန်းကျင်က မိဘတိုင်းနီးနီးလောက်ကလည်း အဲဒီလိုတွေ ပို့ပေးနေကြတယ်။ ထားပေးနေကြတယ်။ ဒီတော့ ကိုယ်က အဲဒီလိုမှ လုပ်မပေးနိုင်ရင် မိဘတာဝန် မကျေသလို၊ လူတန်းစေ့ မထားနိုင်သလို၊ ကိုယ့်သားသမီးကပဲ နောက်ကျနေပြီလိုလို ခံစားလာရတယ်။

🔳 ဒီအတွက် အခြေခံကျတဲ့၊ သိပ်လည်း အရေးကြီးတဲ့၊ ငွေကုန်ကြေးကျလည်း မများတဲ့ နည်းလမ်းတချို့ကို ပြောပြချင်ပါတယ်။

📌 ၁။ ဆော့ကစားစေခြင်း

ကလေးတွေရဲ့ အစောပိုင်း ဖွံ့ဖြိုးမှုမှာ ကစားခြင်းဟာ အင်မတန် အကျိုးများစေတယ်လို့ ပညာရှင်တွေက ဆိုကြပါတယ်။ ၃ လသားလောက်နဲ့ ကျောင်းတွေ ပို့နေမဲ့အစား ဒီအခြေခံအချက်ကလေးကို လုပ်ပေးရင်ပဲ ကလေးအတွက် သိပ်ကောင်းပါတယ်။

📌 ၂။ ချစ်ခြင်းမေတ္တာနဲ့ ဂရုစိုက်မှု

ငယ်ငယ်ကတည်းက မိဘအုပ်ထိန်းသူရဲ့ ချစ်ခြင်းမေတ္တာကို ရဖို့ သိပ်ကြိုးစားခဲ့ရတဲ့ ကလေးဟာ ကြီးလာတဲ့အခါ တအားအချစ်ခံချင်တယ်၊ အချစ်ခံရဖို့ သူ့ဘက်ကပဲ အမြဲကြိုးစားနေမိတယ်၊ တစ်ယောက်ယောက် စွန့်ပစ်သွားမှာ၊ ထားသွားမှာ၊ မုန်းသွားမှာ ကြောက်တယ်၊ ဒီလိုပြဿနာတွေ ရှိလာတတ်ပါတယ်။ ဒါကြောင့် ချစ်ခြင်းမေတ္တာကို ပြသပါ။ ဂရုစိုက်ပါ။ အချိန်ပေးပါ။

📌 ၃။ စိတ်ချင်းဆက်နွယ်မှု (Emotional Attachment)

ချစ်တာနဲ့ မတူပါဘူး။ မိဘနဲ့ သားသမီး အပြန်အလှန်တော့ ချစ်ကြတာချည်းပဲ။ စိတ်ချင်းဆက်နွယ်မှု ဆိုတာကျ အဲဒီထက် ပိုပါတယ်။ သူတို့ဘဝမှာ အကောင်းပဲဖြစ်ဖြစ်၊ အဆိုးပဲဖြစ်ဖြစ် အရင်ဆုံး ပြောပြချင်တဲ့သူ၊ ပထမဆုံး သတိရတဲ့သူ၊ ဘာကိုမဆို ပြောပြဖို့ ဝန်လေးမနေရတဲ့သူ ဖြစ်ဖို့ လိုတယ်။

ဒီအတွက် အပြစ်မတင်တာ၊ ဘယ်တော့မဆို သူတို့ဘက်က ရပ်တည်တာ၊ ယုံကြည်မှုပေးတာ၊ အားပေးတာ၊ လေးစားမှုထားတာ၊ မျှဝေခံစားတာ၊ သားသမီးနေရာကနေ ကိုယ်ချင်းစာပေးတတ်တာ၊ ဝင်ကြည့်ပေးတတ်တာ၊ စိတ်ပိုင်းဆိုင်ရာကို နားလည်သဘောပေါက်တာ စသဖြင့် လိုအပ်ပါတယ်။

📌 ၄။ စာဖတ်တဲ့ အလေ့အကျင့်

အပေါ်မှာ ရေးခဲ့သလို ရုပ်ဝတ္ထုတွေက သိပ်ကို ခမ်းနားလာတဲ့ခေတ်မှာ သူများလို မသုံးနိုင်၊ မစွဲနိုင်၊ မဝတ်နိုင်၊ မစားနိုင်ရင် သိမ်ငယ်စိတ် ဖြစ်လေ့ရှိပါတယ်။ ကိုယ့်မိဘက သိပ်မတတ်နိုင်တဲ့အခါမှာလည်း ကလေးတွေမှာ အဲဒီလို ဖြစ်တတ်တယ်။

ဒါကို ကာကွယ်ပေးနိုင်တဲ့၊ အတိုင်းအတာတစ်ခုထိ လျှော့ချပေးနိုင်တဲ့ အရာက စာအုပ်စာပေတွေပဲ ဖြစ်ပါတယ်။

အသိအမြင် များလာစေတယ်။ ဒီလိုခေတ်ကြီးကြောင့် ငါတို့တွေမှာ ဒီလိုဖိအားတွေ ဖြစ်လာတာပါလား သဘောပေါက်လာမယ်။ ဝတ္ထုတွေကတဆင့် သူရဲကောင်းတွေ၊ Idol တွေ တွေ့လာမယ်။ ငွေကြေးထက် ပိုအရေးကြီးတဲ့အရာတွေ ရှိသေးတာ သိလာမယ်။ ရည်ရွယ်ချက်တွေ ပိုပေါ်လွင်လာမယ်။ တိုတိုပြောရရင် ပြည့်ဝတဲ့လူတွေ ဖြစ်လာပါလိမ့်မယ်။

📌 ၅။ ကလေးပေါ် ဖွင့်မထုတ်ဖို့

"Parenting ဟာ ကလေးမယူခင်ကတည်းက စတယ်" လို့ ကျွန်တော် ရေးဖူးပါတယ်။ ဆိုလိုတာက စီးပွားရေး၊ လူမှုရေး၊ ကျန်းမာရေး အဆင်သင့်မဖြစ်သေးခင် ကလေးယူလိုက်မိရင်၊ ရသွားခဲ့ရင် ဘဝက ကြပ်တည်းနေတဲ့အတွက် ကလေးကို ကောင်းကောင်းစောင့်ရှောက်နိုင်ဖို့ ခက်သွားသလို၊ ကိုယ့်ရဲ့ အထွေထွေ အဆင်မပြေမှုတွေကြောင့် ဖြစ်လာတဲ့ စိတ်ဖိစီးမှုတွေကို ကလေးအပေါ် သွန်ချမိတတ်တယ်။ ဒီလိုနဲ့ မိဘနဲ့ သားသမီး ဝေးကွာလာပြီး သူတို့မှာ စိတ်ဒဏ်ရာတွေ ရသွားတတ်ပါတယ်။

ဒါကြောင့် အဆင်သင့်ဖြစ်မှ ကလေးယူပါ။ ရသွားပြီးရင်လည်း Emotional Management ကို သေချာလုပ်ပါ။ ကလေးဟာ နို့ဆာရင် ငိုမှာပဲ။ အလိုမကျရင် ငိုမှာပဲ။ ကိုယ်ဖြစ်နေတဲ့ ပြဿနာတွေကို သူတို့မသိပါဘူး။ နားလည်လောက်တဲ့အရွယ် ရောက်မှ ပြောပြထားလို့ ဖြစ်နိုင်လိမ့်မယ်။ ကလေးအရွယ်ကတော့ မလွယ်ဘူး။ ဒီတော့ ကလေးကို ကလေးလို့ မြင်ပေးပါ။ ငါဖြစ်နေတာတွေ သူမှမသိတာလို့ သတိရပေးပါ။

📌 ၆။ ကလေးရဲ့ ဖြစ်တည်မှုကို လက်ခံပေး

ကျွန်တော်တို့ရဲ့ ဝါသနာတို့၊ ဖြစ်ချင်စိတ်တို့ ဆိုတာ ပတ်ဝန်းကျင် အထိအတွေ့နဲ့ ဆက်စပ်တယ်။ ဥပမာ ဒီနိုင်ငံက လူငယ်တွေ ဘေ့စ်ဘောဝါသနာပါတယ် ဆိုတာ အတော်ရှားတယ်။ ဘာလို့လဲ။ ဘေ့စ်ဘောနဲ့ Exposure မရှိလို့။ ဘယ်လူကြီးကမှလည်း ဘေ့စ်ဘောပွဲ ကြည့်မနေဘူး။ နိုင်ငံအသင်းမှာလည်း ဘေ့စ်ဘောအသင်း မရှိဘူး။ ရပ်ကွက်ထဲလည်း ဘယ်သူကမှ ကစားမနေဘူး။

ဒါကြောင့် ထိတွေ့မှု မရှိရင် စိတ်ဝင်စားမှုဆိုတာ မရှိဘူး။ ဒီတော့ ကိုယ့်တာဝန်က ကလေးကို များများထိတွေ့ခွင့်ရအောင် လုပ်ပေး။ ဒီလိုဆို သူ ဘာကို စိတ်ဝင်စားတယ်၊ ဘာဝါသနာပါတယ်၊ ဘာဖြစ်ချင်တယ် တဖြည်းဖြည်း သိလာလိမ့်မယ်။

အဲဒီလိုမဟုတ်ဘဲ အိမ်နဲ့ကျောင်း၊ ကျောင်းနဲ့အိမ်၊ ကျောင်းစာကလွဲပြီး ကျန်တာ ပေးမလုပ်တာ၊ ပေးမဖတ်တာမျိုးတွေဆို ကလေးရဲ့ ကမ္ဘာက သိပ်ကျဉ်းသွားလိမ့်မယ်။ ရလဒ်အနေနဲ့ (ကျွန်တော်တို့တုန်းကလို) ကိုယ့်ဟာကိုယ် ဘာဖြစ်ချင်လို့ ဖြစ်ချင်မှန်း မသိတဲ့သူတွေ ဖြစ်လာပါလိမ့်မယ်။

ကိုယ် ဆရာဝန်ဖြစ်ချင်တာ မဖြစ်ခဲ့ရလို့ ကလေးကို ဆရာဝန်အတင်းလုပ်ခိုင်းတာ၊ ဒါမှမဟုတ် ကိုယ်က ဆရာဝန်မို့ ကလေးကို ဆရာဝန် ဖြစ်စေချင်တာ၊ ကိုယ့်တုန်းက ကျောင်းကောင်းကောင်း မတက်ခဲ့ရလို့ ကလေးအလှည့်ကျ ဖြည့်ဆည်းပေးချင်ဇောနဲ့ ကျောင်းတွေ အစောကြီး ပို့ပစ်တာ၊ သားသမီးရဲ့ ပြုပြင်လို့မရ၊ ရွေးချယ်ခဲ့တာလည်း မဟုတ်တဲ့ လိင်စိတ်တိမ်းညွှတ်မှုကို လက်မခံတာ၊ ဒါမျိုးတွေ မလုပ်ဘဲ ကလေးကို အပင်လေးတစ်ပင်လို သူ့သဘာဝအတိုင်း ကြီးထွားခွင့် ပေးလိုက်တာ အကောင်းဆုံးပါပဲ။

📌 ၇။ စံနမူနာပြ မိဘအုပ်ထိန်းမှု (Parenting by example)

နောက်ဆုံးမှ ရေးထားပေမဲ့ အရေးကြီးဆုံးအချက် ဖြစ်ပါတယ်။ ကလေးတွေဟာ သူထိစပ်တဲ့ ပတ်ဝန်းကျင်ကတဆင့် သင်ယူကြရတာပါ။ ဒါကြောင့် စကားလုံးတွေထက် သူတို့ မြင်တွေ့နေရတဲ့ မိဘရဲ့ အပြုအမူတွေက ပိုအရေးကြီးပါတယ်။

ကလေးကို စာဖတ်စေချင်သလား။ ကိုယ်တိုင်က စာဖတ်တဲ့သူ အရင်ဖြစ်ဖို့လိုတယ်။

ကလေးကို မဆုတ်မနစ် ကြိုးစားတတ်သူ ဖြစ်စေချင်သလား။ ကိုယ်တိုင်က ကိုယ့်အလုပ်မှာ မဆုတ်မနစ် ကြိုးစားသူ အရင်ဖြစ်ဖို့လိုတယ်။

ကလေးကို အများအကျိုးပြုသူ ဖြစ်စေချင်သလား။ နှလုံးသားလှသူ ဖြစ်လာစေချင်သလား။ ကိုယ်တိုင်က အများအကျိုးပြုသူ၊ ကူညီတတ်သူ၊ နှလုံးသားလှသူ အရင်ဖြစ်ဖို့လိုတယ်။

အပြောတစ်မျိုး အလုပ်တစ်မျိုး ဖြစ်နေလို့တော့ မရဘူး။ ကိုယ် ကလေးကို ပေးတဲ့ မက်ဆေ့တွေက Consistent (တသမတ်တည်း) ဖြစ်နေဖို့တော့ လိုမယ်။

📌 ခုပြောခဲ့တဲ့ အချက် ၇ ချက်ထဲမှာ ငွေကုန်ကြေးကျများတာ တစ်ခုမှ မပါပါဘူး။ မိဘတိုင်း လုပ်နိုင်တဲ့ ကိစ္စတွေချည်းပါပဲ။

ကျွန်တော်သာ ခုချိန် ကလေးပြန်ဖြစ်ရမယ်ဆို အလိုချင်ဆုံးက ဘာတွေလဲ မေးရင် ဈေးကြီးတဲ့ ကျောင်းတွေ တက်ခွင့်ရဖို့ မဟုတ်ပါဘူး။ ခုပြောခဲ့တဲ့အချက်တွေပဲ လိုချင်တာပါ။ Parenting နဲ့ ပတ်သက်ပြီး ရေးခဲ့သမျှ ဆောင်းပါးတိုင်းကလည်း သားသမီးနေရာကနေ ကျွန်တော် တွေ့ကြုံခံစားခဲ့ရတာတွေကို အခြေခံပြီးပဲ ရေးခဲ့တာ ဖြစ်ပါတယ်။

ဒါကြောင့် ကိုယ့်ကလေးတွေ လိုအပ်နေတာ၊ လိုချင်နေတာ ဘာလဲ သိပ်မစဉ်းစားပါနဲ့။ ကိုယ် ကလေးဘဝတုန်းက လိုအပ်ခဲ့တာ၊ လိုချင်ခဲ့တာတွေပဲ သူတို့လည်း လိုနေတာ ဖြစ်ပါတယ်။ သိပ်ကိုမှ ရိုးရှင်းလွန်းပါတယ်။ လွယ်တာကို ခက်အောင်လုပ်နေကြလို့သာ ခက်ကုန်တာပါ။

📌 တကယ်တော့ ဒီပြဿနာတွေက ဈေးကွက်စီးပွားရေးရဲ့ ပုံသွင်းမှုတွေနဲ့လည်း ဆိုင်ပါတယ်။ ဒီဖုန်းမှ မကိုင်ရင် ကိုယ့်အနေနဲ့ ဘာအလုပ်မှ လုပ်မရတော့သလိုလို၊ လူတောမတိုးတော့သလိုလို ကြော်ငြာနေတော့ ကိုယ့်အနေနဲ့ မဖြစ်မနေ ဝယ်ရမယ် ထင်လာသလိုပဲ။ ဒီကျောင်းတွေမှ မထားရင် မိဘတာဝန် မကျေတော့သလိုတွေ ဖြစ်လာတယ်။ ဒါကြောင့် ကြော်ငြာတွေနောက်ကို သိပ်မလိုက်မိကြဖို့လည်း သတိပေးချင်ပါတယ်။

အလှမ်းကျယ် အလယ်လတ် ဖြစ်သွားမှာလည်း စိုးတယ်။ သဘောက ကောင်းပေ့ညွှန့်ပေ့ ဆိုတဲ့ ကျောင်းတွေထား။ ငယ်ငယ်ကလေးနဲ့ Left Brain, Right Brain တွေ လေ့ကျင့်ပေး။ ဒါပေမဲ့ တကယ်အရေးကြီးတဲ့ ချစ်ခြင်းမေတ္တာတွေ၊ ဂရုစိုက်မှုတွေ ပေးဖို့ ပျက်ကွက်နေလည်း အလကားပဲလို့ မြင်တယ်။ ဒါကြောင့် တတ်နိုင်တဲ့ မိဘများအနေနဲ့ အဲဒီအချက်ကို သတိထားပေးပါ။

အကြောင်းကြောင်းကြောင့် အဲဒီလိုတွေ လုပ်မပေးနိုင်ခဲ့ရင်လည်း ခုဆောင်းပါးမှာ ရေးထားတဲ့ အခြေခံအချက်ကလေးတွေ လုပ်ပေးရင်ပဲ အများကြီး အကျိုးရှိတယ် ဆိုတာ သိစေချင်ပါတယ်။

ဒေါက်တာ ဖြိုးသီဟ Crd

#ထိန်းရမလွယ်၃နှစ်အရွယ်_Terrible_three😩😩Terrible twoဆိုတဲ့(၂)နှစ်အရွယ်ပြောင်းလဲမှုတွေကိုကျော်လွန်ပြီးတဲ့နောက်ပိုင်းTerri...
06/01/2024

#ထိန်းရမလွယ်၃နှစ်အရွယ်_Terrible_three😩
😩Terrible twoဆိုတဲ့(၂)နှစ်အရွယ်ပြောင်းလဲမှုတွေကိုကျော်လွန်ပြီးတဲ့နောက်ပိုင်းTerrible three ဆိုတဲ့ဒီ(၃)နှစ်အရွယ်ကလေးတွေကိုထိန်းရတာ၊ပြောဆိုဆက်ဆံရတာဟာတစ်ခါတလေမိဘတွေပါလိုက်ငိုချင်လောက်အောင်ခက်ခဲပါတယ်။
🔷Terrible three မှာဘာတွေကြုံတွေ့ရမလဲ???
🔹ဒီအရွယ်မှာကလေးငိုသံ၊ဂျီကျတဲ့အသံတွေသေချာပေါက်ပိုကြားလာရပါလိမ့်မယ်။ထိန်းရခက်ပြီးစိတ်ရှည်ပေးရတဲ့အရွယ်ပါ။
🔹သုံးနှစ်ဝန်းကျင်လောက်မှာ အရင်နဲ့မတူဘဲနားလည်ရခက်တဲ့အပြုအမူတွေ၊ပြောင်းလဲမှုတွေ၊ဖွံ့ဖြိုးမှုတွေအများကြီးကြုံတွေ့ရမှာပါ။
🔹မိဘနဲ့ကလေးထိန်းတဲ့သူတွေကဒီအရွယ်ကလေးရဲ့ဖြစ်တတ်တဲ့ပြောင်းလဲမှုကိုနားလည်ဖို့အရမ်းကိုအရေးကြီးပါတယ်။
🔹ဒီပြောင်းလဲမှုကိုနားမလည်တဲ့အခါ “ဒီကလေးကအရမ်းဆိုးတာပဲ၊ ပြောစကားဆိုနားမထောင်ဘူး၊ လုပ်ချင်ရာလုပ်တာ”စသဖြင့် အများအမြင်မှာပါဆိုးသွမ်းတဲ့ကလေးတစ်ယောက်ဖြစ်နေပါလိမ့်မယ်။
💙Terrible three ဆိုတဲ့အတိုင်း ၃နှစ်အရွယ်မှာ
✔️ချော့လို့မရပဲအချိန်ကြာအာပြဲအောင်ငိုမယ်
✔️ခြေထောက်နဲ့ကန်ဆောင့်တာ၊လက်နဲ့ရိုက်တာ၊ဆောင့်တွန်းတာစတဲ့အပြုအမူတွေလုပ်မယ်
✔️ပစ္စည်းတွေနဲ့တွေ့ကရာကောက်ပေါက်မယ်
✔️အသံပြဲကြီးနဲ့အော်မယ်
✔️လူကြီးတွေရဲ့အကူအညီကိုငြင်းမယ်။ အရာအားလုံးကိုယ်တိုင်လုပ်ချင်လာမယ်။( ဥပမာ- သွားတိုက်တဲ့အချိန်မိဘတွေတိုက်ပေးတာလက်မခံပဲ သူကိုယ်တိုင်တိုက်တာမျိုးလုပ်မယ်)
✔️နေ့ခင်းဖက်တရေးအိပ်တာ၊ညဖက်အိပ်တဲ့အချိန်တွေမှာသိပ်ရခက်လာတာမျိုးတွေကြုံမယ်
✔️ရှူးရှူး၊အီးအီးကိုယ်တိုင်မသွားတတ်သေးတဲ့ကလေးတွေဆိုရင် အိမ်သာမှာထိုင်ကျင့်တာ၊potty မှာထိုင်ကျင့်တာမှာအခက်အခဲတွေကြုံတွေ့လာမယ်
✔️အစားအသောက်ဂျေးများမယ်၊ကျွေးရခက်လာမယ်
✔️မိဘတွေဆီကအာရုံစိုက်မှု attention လိုချင်တဲ့အချိန်မျိုးမှာ မိဘတွေမကြိုက်တဲ့အပြုအမူတွေလုပ်ပြမယ်( ဥပမာ-ပစ္စည်းတွေပစ်ပေါက်တာ၊တံခါးဆောင့်ပိတ်တာ၊ ရေတွေဆော့တာ၊ နံရံတွေမှာပေကျံနေအောင်အရောင်ခြယ်တာ၊ဂျီကျနေတာတွေလုပ်တတ်ပါတယ်)
✔️တစ်ခါတလေလူကြီးမိဘတွေကိုလုံးဝဂရုမစိုက်ပဲလွတ်လွတ်လပ်လပ်သူတို့လုပ်ချင်ရာလုပ်နေတတ်တာမျိုးတွေကြုံလာရမယ်
✔️မသိတဲ့အကြောင်းအရာတွေဆိုရင် မေးမြန်းတတ်လာတယ်။ပတ်ဝန်းကျင်ကိုပိုမိုစူးစမ်းတတ်လာတယ်။
✔️လူကြီးတွေလုပ်တဲ့အပြောအဆိုတွေအပြုအမူတွေအတိုင်း ပုံစံတူလိုက်လုပ်တတ်လာမယ်။ သူမြင်ဖူးကြားဖူးသမျှအမြဲပြန်လိုက်လုပ်နေတာတွေကြုံရမယ်။
💙ဒီအပေါ်ကအချက်တွေကြုံတွေ့နေပြီဆိုရင်တော့Terrible three အရွယ်ရောက်လာပါပြီ။
ဒီအရွယ်ကလေးတွေကိုထိန်းရတာလုံးဝမလွယ်ကူပါဘူး။ သူတို့ရဲ့စိတ်တွေပြောင်းလဲလာမှုတွေကိုနားလည်မှထိန်းရတာလွယ်ကူမှာပါ။

❤️Terrible three ကိုဘယ်လိုကိုင်တွယ်မလဲ?
🔺ကလေးဒီလိုအပြုအမူတွေလုပ်တယ်ဆိုတာအကြောင်းပြချက်တွေအများကြီးရှိပါတယ်။ကလေးကိုဘယ်လိုအဆင်ပြေအောင်ထိန်းမလဲဆိုတာ
✔️ထိန်းတဲ့သူတွေကပဲ အဓိကလုပ်ဆောင်ရမှာဖြစ်သလို
✔️အကောင်းဆုံးလုပ်ဆောင်နိုင်ဖို့နည်းလမ်းကိုရှာဖွေရမှာဖြစ်ပါတယ်။
❌အဓိကအချက်ကတော့ကလေးကိုအပြစ်မတင်မိဖို့၊မအော်မိ၊မရိုက်မိဖို့ပါပဲ။ အော်တာတွေ၊ရိုက်တာတွေက နားမလည်စေတဲ့အပြင်ပိုဆိုးစေပါတယ်။အပြင်ရောက်နေတဲ့အချိန် လူရှေ့သူရှေ့လူအများရှေ့မှာ လုံးဝမအော်မိပါစေနဲ့။
🔺သူတို့လုပ်ဆောင်တဲ့အရာတွေ၊ကောင်းတဲ့အပြုအမူတွေကိုချီးမြှောက်ပေးပါ။မကောင်းတဲ့အပြုအမူတွေကိုပြောမယ့်အစား သူတို့လုပ်တဲ့ကောင်းတဲ့အချက်လေးတွေကိုအဓိကပြောပြပြီးသင်ပေးပါ။ ဒီအရွယ်လေးတွေက သူတို့လုပ်လိုက်တာဘယ်လောက်ဆိုးရွားတယ်ဆိုတာကိုသူတို့နားလည်အောင်ပြောဖို့ ခက်ခဲပါတယ်။ ( ဥပမာ-ကလေးကအော်ဟစ်နေတယ်ဆိုရင် “အကျယ်ကြီးမအော်နဲ့” လို့ပြောမဲ့အစား” တိုးတိုးဖြည်ဖြည်းပြောပါနော် အကျယ်ကြီးအော်တော့မောတာပေါ့မေမေ့နားတွေလဲအူသွားတယ်) ဒါမျိုးပြောင်းပြောပေးပါ။မိဘတွေကိုယ်တိုင်က “No” ဆိုတာကိုအတတ်နိုင်ဆုံးမပြောမိအောင်ကြိုးစားပေးပါ။
🔺လူကြီးတွေက ကလေးသုံးနှစ်အရွယ်ရဲ့စိတ်ခံစားချက်အတိုင်း လိုက်ခံစားပြီး ကလေးဖြစ်ချင်လုပ်ချင်တာကိုသေချာနားထောင်ပြီးလိုက်လုပ်ပေးပါ။ (ဥပမာ- စာရွက်ပေါ်မှာရေးခြစ်ထားတဲ့မျဉ်းတစ်ကြောင်းလေးကို ကလေးက”လေယာဉ်”လို့ပြောတဲ့အချိန် လူကြီးတွေက အဲတာလေယာဉ်မှမဟုတ်တာဆိုပြီး ကလေးရဲ့ခံစားချက်ကိုနားမလည်ဘဲပြောတာတွေမဖြစ်အောင်သေချာဂရုစိုက်ပါ။ဒီအရွယ်ကလေးကလူကြီးတစ်ယောက်လိုပုံမဖော်နိုင်သေးပေမဲ့ စာရွက်ထဲကသူဆွဲထားတဲ့ လေယာဉ်ကတော့သူ့အရွယ်ရဲ့စိတ်ကူး၊သူ့ကြိုးစားမှုပါ၊လက်ခံချီးမြှောက်ပေးပါ။)ကလေးရဲ့ခံစားချက်ကိုသိပါစေ။ဒါမှကလေးကယုံကြည်မှုပိုတိုးလာမှာပါ။
🔺ကလေးတွေကိုများများချစ်ပေး၊အချိန်ပေး၊ဂရုစိုက်ပေးပါ။ ကလေးတွေကိုဂရုစိုက်ရင်းအဖိုးတန်အချိန်တွေကိုသေချာအသုံးချပေးပါ။
🔺ကလေးကမိဘမကြိုက်တာလုပ်နေပြီဆိုရင် အရင်ဆုံးတစ်ခြားတစ်ခုခုနဲ့အာရုံပြောင်းပေးပါ။
❌အာရုံမပြောင်းဘဲချက်ချင်းကြီးဟိုဟာမလုပ်ရဘူး၊ဒီဟာမကိုင်ရဘူး၊ဘာကြောင့်၊ ဘာကြောင့်ဆိုတာတွေပြောပြီးသူ့ကိုတားရင် ကလေးကပိုစိတ်တိုင်းမကျဖြစ်ပြီးသောင်းကျန်းလာမှာအမှန်ပါ။ မလုပ်ရဘူး”No”လို့မပြောမိအောင်အတတ်နိုင်ဆုံးဂရုစိုက်ပါ။
🔺”No” လို့ပြောမယ့်အစား ဘယ်လိုလုပ်ရင်ကောင်းတယ်၊ ဒီလိုလေးလုပ်ကြည့်ပါလားစသဖြင့် နားလည်အောင်ပြောပြီးလမ်းညွှန်မှုတွေပေးမယ်ဆိုရင် ကလေးကတဖြည်းဖြည်းနားလည်လာမှာပါ။ ချက်ခြင်းနားမလည်သေးရင်လည်း ထပ်ခါထပ်ခါကြုံတဲ့အခါတိုင်းပြောပေးပါ။ပြောတဲ့အခါလဲ စာကြောင်းတိုတိုရှင်းရှင်းလိုရင်းပြောပါ။ဒါမှကလေးနားလည်မှာပါ။အချိန်တော့ယူရပါမယ်။( တစ်ခါတစ်လေ သူ့ကိုဆုံးမချင်တဲ့အကြောင်းအရာကိုတိုက်ရိုက်ဆုံးမရင်နားမထောင်ချင်တော့ တူတဲ့သာဓကဥပမာ/role playလေးတွေ/ပုံပြင်လေးတွေနဲ့အစားထိုးပြီးရှင်းပြပေးတာပိုကောင်းပါတယ်)
❌TV ကိုအချိန်အကြာကြီးပြပြီးအာရုံပြောင်းတာ၊ ထမင်းကျွေးတာ၊ ငြိမ်အောင်ပြတာတွေကိုမလုပ်ပါနဲ့။ ကလေးက အကျင့်ပါသွားပြီး
✔️TVမကြည့်ရရင် ထမင်းမစားတော့တာ ၊
✔️မငြိမ်တော့တာတွေဖြစ်လာပြီး
✔️တခြားမှာအာရုံစူးစိုက်မှုလျော့နည်းသွားတာတွေ မလိုလားအပ်တဲ့ဆိုးကျိုးတွေဖြစ်လာနိုင်ပါတယ်။
🔺ကလေးက မကောင်းတဲ့အပြုအမူ၊သူများကိုထိခိုက်စေတဲ့အပြုအမူလုပ်ရင်တောင်းပန်ရမှာဖြစ်ကြောင်း၊သူများကိုနာကျင်အောင်နောက်မလုပ်သင့်ကြောင်း သေချာပြောပြပေးရမှာဖြစ်ပါတယ်။ဒီအရွယ်ကလေးတွေကစိတ်ခံစားမှုတွေနားမလည်၊မခံစားတတ်သေးတဲ့အတွက် တချို့မကောင်းတဲ့အပြုအမူတွေကိုလုပ်မိတတ်ကြပါတယ်။
🔺ကလေးကငိုယိုပြီးသူတို့လုပ်ချင်တာကိုအတင်းလုပ်လို့ကိုယ်က ခဏခဏခွင့်ပြုပေးလိုက်မယ်ဆိုရင်လည်း
👉🏻သူတို့ငိုရင် လိုချင်တာရတယ်ဆိုတဲ့အသိဖြစ်သွားပြီးနောက်ပိုင်းဆိုးကျိုးတွေဖြစ်လာတတ်ပါတယ်။ဒါကြောင့်တခြားအာရုံပြောင်းဖို့အမြဲကြိုးစားပါ။
🔺 ဒီအရွယ်မှာကိုယ်တိုင်လုပ်ချင်စိတ်ပြင်းပြတဲ့အတွက် သူတို့ကိုယ်တိုင်လုပ်နိုင်တဲ့အိမ်မှုကိစ္စတွေကိုကူညီပြီးလုပ်ဆောင်ခိုင်းပါ။ (အသီးအရွက်သင်ကူတာ၊ရေခပ်ခိုင်းတာ၊ ဖုန်သုတ်ခိုင်းတာ၊ အဝတ်ခေါက်ကူတာတွေလုပ်ခိုင်းလို့ရပါတယ်)
🔺ကလေးရဲ့ဦးနှောက်ကအရမ်းဖွံ့ဖြိုးလာတဲ့အတွက်စကားကောင်းကောင်းပြောတတ်လာပြီးသူများပြောတဲ့စကားလုံးတွေကိုတော်တော်များများနားလည်လာပါတယ်။
🔺ဒါပေမဲ့လည်းဦးနှောက်က အပြည့်အဝမဖွံ့ဖြိုးသေးတော့ ရှုပ်ထွေးတဲ့စိတ်ခံစားချက်ကို နားမလည်နိုင်သေးတဲ့အပြင် ကောင်းစွာမဖော်ပြတတ်သေးပါဘူး။ ဒါကြောင့်
✔️ပျော်တာ၊
✔️ဝမ်းနည်းတာ၊
✔️ဒေါသထွက်တာ၊
✔️ကြောက်တာ၊
✔️အံ့ဩတာ၊
✔️ရွံတာ
စတဲ့စိတ်ခံစားချက်တွေကိုသင်ယူနေဆဲဖြစ်တဲ့အတွက်မိဘတွေကသေချာ support ပေးရပါမယ်။ မိဘနဲ့တူတူပျော်စရာgame ကစားတာ၊ puzzleဆက်တာ၊ စုပေါင်းလုပ်ရတဲ့ကစားနည်းတွေဆော့တာ စသဖြင့် လုပ်ပေးလို့ရပါတယ်။
🔺ဒီအရွယ်ကလေးတွေက သူ့ခံစားချက်လေးတွေကိုအတိအကျထုတ်မပြတတ်သေးတဲ့အခါ/ မပြောပြတတ်သေးတဲ့အခါ ( ရိုင်းတယ်လို့သတ်မှတ်တဲ့အပြုအမူတွေ) အော်ဟစ်တာ/ပစ္စည်းပေါက်တာ/ သောင်းကျန်းတာ/အော်ငိုတာစသဖြင်မျိုးစုံဖော်ပြတတ်ကြတယ်။
အဲ့လိုကြုံလာပြီဆိုရင်
✔️သူတို့ခံစားချက်လေးတွေဖော်ထုတ်တတ်အောင်( ကလေးရေကလေးမကြိုက်ရင်မကြိုက်ဘူးပြောလို့ရတယ်၊ ကလေးဖြစ်ချင်တာကို ဒီလိုလေးပြောနော် စသဖြင့်ပေါ့)
✔️မကောင်းတဲ့အပြုအမူတွေကမကောင်းကြောင်းကို သာဓကဥပမာလေးတွေ နဲ့ ဘယ်လိုပြောဆိုရမယ်ဘယ်လိုပြုမူရမယ်ပြောပြပေးပါ
✔️ဒီလိုမလုပ်ရဘူး”No”❌ ဆိုတာထက် လုပ်စေချင်တာလေးတွေကိုပဲရွေးပြောပေးပါနော်။
အချိန်ယူရပါမယ်။
ဒါကာလကိုကျော်ဖြတ်ပြီးရင်တစ်ဆင့်အောင်မြင်ပါပြီ။
🔺မိဘတွေကလည်း ကလေးရဲ့စိတ်ကို နားလည်အောင်ဂရုစိုက်ပြီးစိတ်ရှည်ရှည်နေတတ်အောင် သေချာဂရုစိုက်ပေးပါ။ စိတ်အေးအေးထားပြီး သေချာထိန်းကျောင်းပေးပါ။မအော်မရိုက်မိပါစေနဲ့။( အော်တာရိုက်တာက ဘာမှထူးခြားလာမှာမဟုတ်သလိုဆိုးကျိုးပဲများပါတယ်။ရိုက်လို့နားထောင်တယ်ဆိုတာခဏတာကြောက်လို့ပါ၊နားလည်သဘောပေါက်သွားလို့မဟုတ်တဲ့အတွက်ရေရှည်အကျိုးမရှိပါဘူး)
🔺ဒီ terrible three ဆိုတဲ့အရွယ်မှာဖြစ်တတ်တဲ့ကလေးတွေရဲ့အပြုအမူတွေကို မိဘတိုင်းကြုံတွေ့ရမှာဖြစ်ပါတယ်။ ဒါကြောင့် ဒီလိုအချိန်မှာသိသင့်သိထိုက်တဲ့ အကြောင်းအရာတွေကိုနားလည်မှသာ အကောင်းဆုံးထိန်းကျောင်းနိုင်မှာဖြစ်ပါတယ်။ ကလေးတွေရဲ့စိတ်ကိုသေချာသိရှိနားလည်မယ်ဆိုရင်terrible three ကိုအကောင်းဆုံးကျော်ဖြတ်သွားနိုင်မှာပါ။
🔺သက်စုကိုယ်တိုင်လည်း မကြာခင်(၃) နှစ်ပြည့်တော့မဲ့ဟေလီလေးကိုထိန်းနေရတာဖြစ်တဲ့အတွက်၊လက်ရှိရင်ဆိုင်ကြုံတွေ့နေရတာမလို့မျှဝေပေးလိုက်ပါတယ်။
အကျိုးရှိပါစေရှင်။
လွတ်လပ်စွာ Share နိုင်ပါသည်။
Crd

Address

Mogok

Website

Alerts

Be the first to know and let us send you an email when Teacher Poe Pre School posts news and promotions. Your email address will not be used for any other purpose, and you can unsubscribe at any time.

Shortcuts

Share

Category