15/08/2026
မိဘများအားလုံး မဂ်လာပါ ရှင့်
လက်ရှိ မြန်မာပြည်အနှံ့အပြား၊ အထူးသဖြင့် ရန်ကုန်မြို့ အပါအဝင် ဒေသအချို့မှာ မိုးသည်းထန်စွာရွာသွန်းပြီး ရေကြီးရေလျှံမှုတွေ ဖြစ်ပေါ်လာတာနဲ့အမျှ ဝမ်းပျက်ဝမ်းလျှောရောဂါ (Acute Watery Diarrhoea) ဖြစ်ပွားသူ လူနာဦးရေ မြင့်တက်လာနေပါတယ်။
🛡️ ကာကွယ်ခြင်းက ကုသခြင်းထက် ပိုမိုထိရောက်ပါတယ် 🛡️
ရေဆိုတိုင်း မသောက်ပါနဲ့။ ယခုဖြစ်ပွားနေသော ဝမ်းရောဂါမှ ကင်းဝေးစေရန်အတွက် သန့်စင်သည့် သောက်ရေသန့် သို့မဟုတ် ကျိုချက်ထားသော သန့်စင်သောရေ ကိုသာ သောက်သုံးကြရန် အထူးတိုက်တွန်းအပ်ပါသည်။ ကလေးငယ်များ ရေဘူးများအားသေချာစွာ ဆေးကြောခြင်း ၊သန့်ရှင်းသော ရေသန့်ကိုသာ အသုံးပြုချက်ပြုတ်ခြင်း ရေများများသောက်ပေးခြင်းတို့ပြုလုပ်ပေးကြရန် လိုအပ်သည်ါ
၂။ အစားအသောက်နှင့် သန့်စင်မှု ဂရုပြုရေး
ငရုတ်ဆီများ၊ လက်လုပ်အချဉ်များ၊ မသန့်ရှင်းသော အချိုရည်များ၊ အာဟာရတန်ဖိုးမရှိသော အစားအစာများ စားသုံးခြင်းကို အထူးရှောင်ကြဉ်၍ ကျန်းမာရေးနှင့် ညီညွတ်သော အိမ်တွင်ပြုလုပ်သော အစားအစာများကိုသာ ဦးစားပေး စားသောက်ဖို့လိုအပ်ပါတယ်။
၃။ လက်ဆေးခြင်းနှင့် အနားယူခြင်း
အစားမစားခင်နဲ့ အိမ်သာတက်ပြီးတိုင်း ဆပ်ပြာနဲ့ စနစ်တကျ လက်ဆေးကြပါ။ ဒါ့အပြင် ကလေးငယ်တွေ ကိုယ်ခံအားကောင်းမွန်စေဖို့အတွက် ညဘက်မှာ အိပ်ရေးဝဝအိပ်စက်အနားယူဖို့လည်း အလွန်အရေးကြီးပါတယ်။
🚨 သတိပြုစရာ အရေးပေါ် အချက်ပြချက်များ 🚨
အကယ်၍များ ဝမ်းပျက်ခြင်း၊ အန်ခြင်း၊ မူးဝေအားအင်ဆုတ်ယုတ်ခြင်း လက္ခဏာလေးတွေ စတင်ဖြစ်ပေါ်လာပြီဆိုရင်...
ထိတ်လန့်မနေဘဲ ဓာတ်ဆားရည် (ORS) ကို ချက်ချင်း တိုက်ကျွေးပါ။
အခြေအနေ မသက်သာဘဲ ရောဂါက ပြင်းထန်လာတာနဲ့ တစ်ပြိုင်နက် နီးစပ်ရာ ဆေးခန်း၊ ဆေးရုံများဆီ အမြန်ဆုံး ခေါ်ဆောင်သွားပြီး ကုသမှုကို ခံယူဖို့ လိုအပ်ပါတယ်။
မိဘ ဆရာလက်တွဲ၍ ယခုဖြစ်ပွါးနေသော ပြင်းထန် ဝမ်းရောဂါအား ကြိုတင်ကာကွယ်ဖို့ အထူး တိုက်တွန်းနှိုးဆော်အပ်ပါတယ်ရှင့်
အားလုံး ကိုယ်စိတ်နှစ်ဖြာ ကျန်းမာချမ်းသာကြပါစေရှင်။
Excellent Pan Pyoe Lat Private School
