Business Management for Youths

Anyone can become angry- that is easy.
But to be angry with the right person, to the right degree, at the right time, for the right purpose, and in the right way- that is not easy.

Aristotle, The Nicomachean Ethnics

ကိုဗစ်-၁၉၊ ကမ္ဘာလုံးဆိုင်ရာ အဂတိနယ်ပယ်နှင့် နိုင်ငံသားတိုင်း၏ တာဝန် (၂)
******************************************************

ကျန်းမာရေးဝန်ဆောင်မှုနယ်ပယ်တွင်တွေ့ရသည့် အကျင့်ပျက်ခြစားမှု

၂၀၁၉ ခုနှစ်၊ နှစ်ကုန်ပိုင်းတွင် နာမည်ကြီး ဂျာနယ်တစ်စောင်ဖြစ်သည့် the Lancent က How corruption in healthcare service delivery threatens Universal Health Coverage အမည်ဖြင့် Research Paper တစ်စောင်ကို ဖြန့်ဝေခဲ့သည်။ ၎င်းနောက် ကိုဗစ်-၁၉ ပိုမိုပျံ့နှံ့လာသောအချိန်တွင် အကျင့်ပျက် ခြစားမှုများမှာ ယင်းဂျာနယ်၏ သုတေသနပြုမှုများအတိုင်းပင် ဆက်တိုက်ဆိုသလို ပေါ်ထွက်လာသည်။ အကျင့်ပျက်ခြစားမှုများကြောင့် ကျန်းမာရေးဝန်ဆောင်မှုများကို ထိခိုက်ခြင်းများဖြစ်ပေါ်လာသည်။

(မူလ Research Paper ကို ဤ လင့်ခ်တွင် ကြည့်နိုင်ပါသည်-
https://www.thelancet.com/journals/lancet/article/PIIS0140-6736(19)32527-9/fulltext)

အကျင့်ပျက်ခြစားမှုကွန်ယက်ကြီး ပေါ်ပေါက်နေချိန်တွင် ကျန်းမာရေးဝန်ထမ်းများမှာ လုံခြုံမှု ကင်းမဲ့ သော ဆေးရုံနှင့်လုပ်ငန်းခွင်များသို့ဝင်ရောက်နေကြရသည်။ တရားမဝင်သော၊ အရည်အသွေးမပြည့်မီသော ကျန်းမာရေးဆိုင်ရာ အထောက်အကူပြုပစ္စည်းများ ဈေးကွက်တွင်နေရာယူလာသည်။ အချို့နေရာများတွင် လူနာများမှာ PPE နှင့် Medical test အတွက် လာဘ်ပေးရမှုများပင်ရှိသည်။ နိုင်ငံတိုင်းသည် ကိုဗစ်-၁၉ အားထိန်းချုပ်ရခက်ခဲနေသည့်နည်းတူ အကျင့်ပျက်မှုကလည်း အလိုအပ်ဆုံးသူများအတွက် လိုအပ်ချက်များ ပြည့်စုံရရှိရန် အတားအဆီးဖြစ်လျက်ရှိသည်။ အထူးအားဖြင့် ကျန်းမာရေးဆိုင်ရာလုပ်ငန်းခွင် မလုံခြုံမှုမှာ နိုင်ငံတိုင်းအတွက် စိန်ခေါ်မှုသဖွယ်ဖြစ်လျက်ရှိသည်။

ကွန်ဂိုနိုင်ငံတွင် အစိုးရက ကိုဗစ်တိုက်ဖျက်ရေးအတွက် အမေရိကန်ဒေါ်လာ ၂၇ သန်းထက်ပိုမိုသုံးစွဲမည် ဟု ထုတ်ပြန်ကြေညာခဲ့သေည်လည်း လက်တွေ့တွင်မူ သူနာပြုအများစုမှာ ၃ လစာ လစာမရဘဲ လုပ်ငန်းခွင် သို့ စေလွှတ်ခြင်းခံခဲ့ရသည်။ အိုင်ယာလန်တွင်မူ ဝန်ထမ်းများမှာ လုံလောက်သောဘေးကင်းရေးဆိုင်ရာ အကာအကွယ်များမရရှိဟု ဆိုကြသည်။ ကင်ညာတွင်မူ PPE ပင် လုံလောက်မှုမရှိသဖြင့် ကျန်းမာရေး ရန်ပုံငွေကို အလွဲသုံးစားပြုသည်ဟုဆိုကာ ပြည်သူများက လမ်းပေါ်ထွက် ဆန္ဒပြကြသည်အထိပင် ဖြစ်ပွားခဲ့ သည်။ PPE ဝယ်ယူရေးနှင့် ဖြန့်ဖြူးရေးကိစ္စရပ်များတွင်လည်း မသမာမှုများစွာရှိခဲ့သည်ဟုဆိုသည်။ အီတလီ တွင်လည်း အရည်အသွေးပြည့်မီခြင်းမရှိဟု သံသယဖြစ်ဖွယ်ရှိသော mask များကို ဝေငှခြင်းလုပ်ငန်းအား ရပ် ဆိုင်းခဲ့ရသည်။

ဗင်နီဇွဲလားရှိဆေးရုံများမှာမူ ကိုဗစ်နှင့်ပတ်သက်၍ ကမ္ဘာ့အန္တရာယ်အများဆုံးဟု ALAC Report က ဆိုထား သည်။ ဆေးရုံအများစုမှာကိုဗစ်ကပ်ရောဂါမစတင်မီကပင် ပြိုလဲလုအခြေအနေတွင်ရှိခဲ့သည်။ တိုင်းပြည်ရှိ တစ်ဝက်မျှသောဆရာဝန်များကလည်း နှစ်အနည်းငယ်အတွင်းက ဒုက္ခသည်အဖြစ်ခံယူကာ လုပ်ငန်းခွင်ကို စွန့်ခွာသွားကြသည်။ ကျန်သောဆရာဝန်များမှာလည်း နည်းပါးလွန်းသောလစာဖြင့် အလုပ်လုပ်နေရသည်။ ဆေးရုံတွင် ဆပ်ပြာ၊ သန့်ရှင်းသောရေ၊ လက်အိတ်၊ Surgical gown နှစင့် အရေးကြီးသော PPE ဝတ်စုံများလည်း ချို့တဲ့လျက်ရှိသည်။ ယင်းအပြင် အလုပ်ထွက်ရန်ကြိုးစားသည့် ဆရာဝန်အား ထွက်ခွင့် မပေးဘဲ ရဲတပ်ဖွဲ့၏ တပ်ဖွဲ့ခွဲတစ်ခုဖြစ်သည့် Special Action Forces မှ အရာရှိများက အလုပ်ထွက်လျှင် အရေးယူခံရမည်ဖြစ်ကြောင်း ခြိမ်းခြောက်ပြောဆိုမှုများပင်ရှိခဲ့သည်ဟု ဆိုသည်။

မိမိတို့နိုင်ငံတွင်လည်း ယင်းသို့သောအလားတူဖြစ်စဉ်အချို့ရှိသည်။ ရှေ့တန်းမှ ဆေးဝန်ထမ်းများ၏ မလုံခြုံသော ခံစားမှုများကို လူမှုကွန်ယက်တွင် တွေ့မြင်ရလေ့ရှိသည်။ Close contact များကြောင့် ဆရာဝန် အချို့ အင်အားအပြည့်အဝမသုံးစွဲနိုင်သည့် အခြေအနေမျိုးလည်း ကြုံသည့်နေရာတွင် ကြုံရသည်။ သို့ရာတွင် တစ်ဖက်တစ်လမ်းတွင် ပြည်သူအများ၏ ထောက်မကူညီမှုများကို မြန်မာနိုင်ငံတွင် တွေ့ရသည်။ နေစရာ လှူဒါန်းခြင်း၊ ‌ဆေးနှင့် ဆေးပစ္စည်းများ၊ အကာအကွယ်ပစ္စည်းများ၊ ငွေကြေးများ လှူဒါန်းမှုရှိသည်။ ယင်းသို့ မလိုအပ်သော အကျင့်ပျက်မှုများကြောင့် ပြုန်းတီးမှုများမဖြစ်ပွားလေအောင် အောက်ပါအချက်များကို သုံးသပ်‌ ဆောင်ရွက်သင့်ပေသည်-

• လူထုအင်အားဖြင့် ဝိုင်းဝန်းကြသော လှူဒါန်းမှုများကို အလိုအပ်ဆုံးသောနေရာများသို့ ရောက်ရှိ အောင် သက်ဆိုင်ရာက စနစ်တကျ ကြီးကြပ်ဆောင်ရွက်ခြင်း၊
• နိုင်ငံတော်ဘတ်ဂျက်ဖြင့် ပစ္စည်းများဝယ်ယူရေး၊ ဖြန့်ဖြူးရေးနှင့် ထောက်ပံ့ရေးများ ဆောင်ရွက်ရာ တွင် တာဝန်ခံမှုရှိစေခြင်း၊
• အရည်အသွေးပြည့်မီသော ပစ္စည်းများဝယ်ယူဖြန့်ဝေနိုင်ရေး စနစ်တကျသော ယန္တရားများဖွဲ့စည်း ကာ တာဝန်ပေးအပ်ဆောင်ရွက်ခြင်း၊
• ပြည်သူလူထုက ရောဂါတိုက်ဖျက်ရေးတွင် အစိုးရနှင့်အတူပူးပေါင်းပါဝင်ခြင်း၊ လွဲချော်မှုများရှိပါ က အချိန်မီသတင်းပေးတိုင်ကြားခြင်းနှင့် သက်ဆိုင်ရာအဆင့်ဆင့်က ဆောလျင်စွာ စုံစမ်းစစ်ဆေး ဖော်ထုတ်ခြင်း။

အမျိုးသမီးထုအပေါ် သက်ရောက်လာမှုများ

ကပ်ရောဂါကြောင့် အလုပ်များ၊ ကျောင်းများ ပိတ်ကြရသည်။ ယင်းနှင့်အတူ မိသားစုအတွင်းရှိ အမျိုး သမီးများ၏ ဘဝနေမှုပုံစံသည်လည်း ပြောင်းလဲလာသည်။ မိသားစုအိမ်တွင်းရေးအတွက် အမျိုးသမီးများ အပေါ်တွင် ဝန်ပိုပိလာသည်။ ယင်းအပြင် ကပ်ရောဂါတိုက်ဖျက်ရေးအတွက် ကျန်းမာရေးဝန်ထမ်းများတွင် အမျိုးသမီးများက ၇၀ ရာခိုင်နှုန်းရှိနေသည်။ လုပ်ခနည်းသော ကျွမ်းကျင်မှုနိမ့်သည့် တန်ထမ်းများအဖြစ် လည်း အမျိုးသမီးထုက ပါဝင်လျက်ရှိပေသည်။

စီးပွားရေးလုပ်ငန်းများထိခိုက်ကျဆင်းလာမှုကြောင့် အကျင့်ပျက်ခြစားမှုနှင့်အတူ အမျိုးသမီးများမှာ ပိုမိုထိခိုက်ခံစားကြရသည်။ စီးပွားရေးအပြောင်းအလဲတွင် အမျိုးသမီးများ၏ အလုပ် အကိုင်၊ ဝင်ငွေ၊ စု‌ငွေနှင့် သက်မွေးဝမ်းကျောင်းလုပ်ငန်းများ များစွာဆုံးရှုံးခဲ့ပေသည်။ ကပ်ရောဂါသည် ကျား၊ မ တန်းတူညီမျှကိုလည်း ပိုမိုခြိမ်းခြောက်လာသည်။ အမေရိကနှင့် ဥရောပနိုင်ငံများတွင် အိမ်ထောင်ရှင်အမျိုးသမီးများသည် အိမ်မှုကိစ္စ များဆောင်ရွက်ရန်နှင့် ကလေးများအားစောင့်ရှောက်ရန်အတွက် ပုံမှန်အိမ်လုပ်ငန်းများလုပ်ဆောင်ရသည့် အချိန်ထက် တစ်ပတ်လျှင် ၁၅ နာရီထက်ပိုမိုကာ လုပ်ကိုင်နေကြရသည်ဟုဆိုသည်။ ယင်းအပြင် ယူကေတွင် အချက်အလက်များအရ ကူးစက်ရောဂါဖြစ်ပွားနေစဉ်ကာလအတွင်း မိခင်များသည်ဖခင်များထက် ယာယီ (သို့) အမြဲတမ်းအလုပ်ပြုတ်သွားနိုင်ခြေပိုများသည်ဟုဆိုသည်။ ထို့တူစွာ အာဖရိကအမျိုးသမီး ၇၄ ရာခိုင်နှုန်း နှင့် လက်တင်အမေရိကနှင့် ကာရစ်ဘီယံအမျိုးသမီး ၅၄ ရာခိုင်နှုန်းတို့သည် အိမ်ဖော်များ၊ လမ်းဘေး ဈေးရောင်းချသူများ၊ လယ်သမားများ၊ ကျပန်းအလုပ်သမားများနှင့် အခြားအလုပ်အကိုင်များအဖြစ် အလုပ် လုပ်နေကြရသည်။

ကျန်းမာရေးကဏ္ဍတွင် အမျိုးသမီးများသည် ကူးစက်ခံရနိုင်ခြေအမြင့်မားဆုံး အနေအထားတွင်ရှိနေသည်။ ကျန်းမာရေးဌာနများတွင် အသေးစားကျန်းမာရေး ပစ္စည်းများဝယ်ယူမှု၌ဖြစ်ပေါ်လေ့ရှိသော အကျင့်ပျက် ခြစားမှုများကြောင့် အမျိုးသမီးအား ပိုမိုထိခိုက်မှုရှိသည်ဟုဆိုသည်။ အမျိုးသမီးအများစုမှာ Public Services ကိုသာ အားကိုးလေ့ရှိသဖြင့် ကျန်းမာရေးကဏ္ဍတွင် လာဘ်ပေးလာဘ်ယူနှင့်အကျင့်ပျက်ခြစားမှု၊ မသမာမှုများ ရှိနေခြင်းက အမျိုးသမီးများအတွက် ပြည့်စုံသောဝန်ဆောင်မှုများနှင့် ပိုမိုဝေးကွာစေသည်။ ယင်းအပြင် ကပ်ရောဂါကာလအတွင်း အမျိုးသမီးကျန်းမာရေးဝန်ဆောင်မှုအတွက် အသုံးပြုရမည့် အရင်းအမြစ်များအား ကပ်ရောဂါတိုက်ဖျက်ရေးအတွက် ခွဲဝေချထားပေးရသဖြင့် အမျိုးသမီးများနှင့်သက်ဆိုင်သော ကျန်းမာရေး ဝန်ဆောင်မှုများ ရရှိနိုင်မှုပိုမိုခက်ခဲလာသည်။

COVID-19 ကာလအတွင်း ဇင်ဘာဘွေအမျိုးသမီးများသည် ရေရရှိရန်အတွက် လိင်ပိုင်းဆိုင်ရာစော်ကား ခံရခြင်းနှင့် ငွေညှစ်ခြင်းတို့ကို ခံရသည်ဟုဆိုသည်။ နိုင်ဂျီးရီးယားတွင် ရဲများသည် COVID-19 နှင့် ပတ်သက်၍ အသေးစားချိုးဖောက်မှုများအတွက် အမျိုးသမီးများကိုဖမ်းဆီးပြီးထိန်းသိမ်းထားစဉ် လိင်ပိုင်းဆိုင်ရာ အလွဲသုံးစား ပြုမှုများပြုလုပ်ခဲ့သည်။ စီးပွားရေးအခက်အခဲများ၊ အလုပ်အကိုင်များနှင့်အသက်မွေးဝမ်းကျောင်းလုပ်ငန်းများ ဆုံးရှုံးခြင်းသည် နိုင်ဂျီးရီးယားတွင် အမျိုးသမီးများအား လိင်မှုဆိုင်ရာနှင့် ငွေကြေးခြိမ်းခြောက်တောင်းယူမှု ဆိုင်ရာ အန္တရာယ်ပိုမိုများပြားစေသည်။

သို့ဖြစ်ရာ ကပ်ရောဂါကာလအတွင်း အမျိုးသမီးများအပေါ် အမြတ်ထုတ်ခြင်း၊ အကျင့်ပျက်ခြစားခြင်း ဘေးရန်တို့မှ ကာကွယ်နိုင်ရန် အောက်ပါတို့ကို ဆောင်ရွက်သင့်ပေသည်-

• COVID-19 ကြောင့် အမျိုးသမီးများအပေါ်တိုက်ရိုက်နှင့်သွယ်ဝိုက်သက်ရောက်မှုများ၊ ကျား/မ ခွဲခြားခြင်းကြောင့် ဆုံးရှုံးမှုများဆိုင်ရာ အချက်အလက်များစုဆောင်းထားရှိခြင်း၊
• အထူးသဖြင့် ကူးစက်ရောဂါဖြစ်ပွားနေစဉ်ကာလအတွင်း အမျိုးသမီးများအား အသက်ကယ် ကုသမှုများ၊ ဆေးဝါးများနှင့် မျိုးဆက်ပွားကျန်းမာရေး ဝန်ဆောင်မှုများ တန်းတူညီမျှရရှိ ပိုင်ခွင့်ရှိစေခြင်း၊
• အစိုးရအသုံးစရိတ်များကို ပွင့်လင်းမြင်သာစွာတိုးမြှင့်ခြင်းနှင့် COVID-19 နှင့်စပ်လျဉ်း၍ အကျင့်ပျက်ခြစားမှုကြောင့် အမျိုးသမီးများနှင့်မိန်းကလေးများအပေါ် သက်ရောက်မှုများကို ဖြေရှင်းရန် သင့်လျော်သောအရင်းအမြစ်များ ဖန်တီးထောက်ပံ့ပေးခြင်း၊
• COVID-19 ဆိုင်ရာမူဝါဒများနှင့် စီးပွားရေးတုံ့ပြန်မှု အစီအစဉ်များသည် အမျိုးသမီးများ၏ လိုအပ်ချက်များအား တုံ့ပြန်ဖြေရှင်းရာတွင် အထောက်အကူပြုစေရန်နှင့် ယင်းကဏ္ဍအတွက် ဆုံးဖြတ်ချက်ချခြင်းတွင် အမျိုးသမီးများ၏ပါဝင်မှုကို မြှင့်တင်ပေးခြင်း၊
• အနိုင်အထက်ပြုမှုများကို လုံခြုံစွာသတင်းပေးတိုင်ကြားနိုင်စေရန် အခြေအနေဖန်တီးပေးခြင်း။

မြန်မာနိုင်ငံတွင်ကား အမျိုးသမီးအများစုမှာ အိမ်မှုကိစ္စဖြင့်ပင် နေသားကျလျက်ရှိရာ သားသမီးများအတွက် အချိန်ပိုမိုပေးရခြင်းအမှုကို မည်သူမျှဂရုပြုမနေ။ ပို၍ပင်ဝမ်းမြောက်ကြသေး၏။ လိင်အကြမ်းဖက်မှုများ၊ သက်ငယ်မုဒိန်းမှုများ လုံးဝပပျောက်ခြင်းမရှိသည့်တိုင် ကပ်ရောဂါကို အကြောင်းပြု၍ လိင်အမြတ်ထုတ်ခြင်း၊ ခြိမ်းခြောက်ငွေတောင်းခံခြင်းမျိုးကားမရှိ။ ကျန်းမာရေးဆိုင်ရာ အရင်းအမြစ်များမှာမူ မူလကတည်းပင် အတော်အတန်ချို့တဲ့လေရာ အမျိုးသမီးများနှင့်ပတ်သက်သော ကျန်းမာရေးဝန်ဆောင်မှုများကိုသာမက လူတန်းစားအလွှာအသီးသီးအတွက် ကျန်းမာရေးဝန်ဆောင်မှုများစွာကို အခက်အခဲများကြားမှ ကြိုးစား ဖြည့်ဆည်းနေကြရဦးမည်ဖြစ်ပေသည်။

ကမ္ဘာ့နိုင်ငံအသီးသီးတွင် ကိုဗစ်ကပ်ရောဂါ၏ နောက်ဆက်တွဲသက်ရောက်မှုများကြောင့် လူသားချင်း စာနာမှုပစ္စည်းများ၊ ဒေသအာဏာရအဖွဲ့အစည်းများ၊ ကျန်းမာရေးနယ်ပယ်များနှင့် အမျိုးသမီးများမှာ အကျင့်ပျက် ခြစားမှု၏သားကောင်သဖွယ်ဖြစ်နေကြရသည်။ ထိုသို့အကျင့်ပျက်မှုများတွင် ဆင်းရဲသောနိုင်ငံများသာမက ချမ်းသာသောဖွံ့ဖြိုးပြီးနိုင်ငံများလည်း သူ့နည်းသူ့ဟန်နှင့်ပါဝင်နိုင်ပေသည်။ ယင်း အကျင့်ပျက်မှုကိုကျော်လွှား နိုင်ရန်မှာ အစိုးရ၏ကောင်းမွန်သော မူဝါဒ၊ အောက်ခြေအဆင့်ဆင့်၏ စိတ်ပါလက်ပါစနစ်တကျလိုက်ပါ အကောင်အထည်ဖော်မှုနှင့် ပြည်သူလူထုတစ်ရပ်လုံး အုံကြွပါဝင်မှုတို့ မလွဲမသွေလိုအပ်လှပေသည်။ မလွှဲမ‌ရှောင်သာ ဒုတိယလှိုင်း၏ရိုက်ခတ်မှုကို ခံခဲ့ရသော်လည်း မြန်မာနိုင်ငံရှိ လူတန်းစားအလွှာအသီးသီး၏ ကိုဗစ်အရေးတွင် ပါဝင်မှုမှာအားကောင်းလှသည်ဟုရှုမြင်ရသည်။ သေးငယ်သောလွဲချော်မှုများရှိနေသည့်တိုင် ကမ္ဘာလုံးဆိုင်ရာ အဂတိလိုက်စားမှု၊ အကျင့်ပျက်ခြစားမှုမျိုး မပေါ်ပေါက်စေရန်မှာ နိုင်ငံသားတိုင်း၏ တာဝန်တစ်ရပ်ဟုလည်းဆိုနိုင်သည်မဟုတ်ပါလော။

မြန်မာနိုင်ငံကြီး ကပ်ရောဂါဘေး... ကပ်ရောဂါကိုခုတုံးလုပ်၍ အကျင့်ပျက်ခြစားမှုဘေး... ကပ်ရောဂါ အားဖြင့် ကိုယ်ကျိုးရှာကြသူ ဝိသမလောဘသားတို့၏ဘေးအပေါင်းမှ လွတ်ကင်းနိုင်ပါစေသတည်း။

အပိုင်း (၁) ကို ဤလင့်ခ်တွင် ဖတ်ရှုနိုင်ပါသည်..👇👇👇

https://m.facebook.com/story.php?story_fbid=1325912064427705&id=100010267722195

ကိုးကား- Citizen Report Covid-19 Corruption by Transparency International

အောင်ဇော်မိုး

ACC Page တွင် ပါဝါပွိုင့်ဖြင့် တင်ပြခဲ့သော ဆောင်းပါးဖြစ်ပါသည်။
စာသားအားဖြင့် အပြည့်အစုံ ပြန်လည်တင်ပြလိုက်ပါသည်။
စာများလျှင် မဖတ်ချင်ဟု ဆိုကြသဖြင့် ပရိသတ်အလိုကိုလိုက်ကာ နှစ်ပိုင်းခွဲ၍ တင်ပြလိုက်ပါသည်။
**********************************************

ကိုဗစ်-၁၉၊ ကမ္ဘာလုံးဆိုင်ရာ အဂတိနယ်ပယ်နှင့် နိုင်ငံသားတိုင်း၏ တာဝန် (၁)

ကိုဗစ်-၁၉ သည် အထီးကျန်မှုများကို သယ်ဆောင်လာသည်။ စိုးရိမ်မှုများကို သယ်ဆောင်လာသည်။ စီးပွားရေးကျဆင်းမှုများ၊ စိုးရိမ်ထိတ်လန့်မှုများ၊ လူနေမှုပုံစံအသစ်များ၊ တစ်ဦးကိုတစ်ဦးက မယုံကြည်မှု များဖြင့် ပြည့်နှက်လာသည်။ မယုံကြည်မှု၊ ထိတ်လန့်မှုတို့နှင့်အတူ အကျင့်ပျက်မှု၊ ဖောက်ပြန်မှုတို့သည် လည်း အပ်သွားရာ အပ်ချည်ပါသကဲ့သို့ စဉ်ဆက်လိုက်ပါလာကြသည်။

Advocacy and Legal Advice Centres (ALAC) ၏ စစ်တမ်းတစ်ရပ်အရ ကမ္ဘာပေါ်တွင် အကျင့် ပျက်ခြစားမှု သို့မဟုတ် ဆိုးကျိုးသက်ရောက်မှု အဖြစ်ပွားဆုံးသောကဏ္ဍများမှာ လူသားချင်းစာနာမှု အကူ အညီပစ္စည်းများနှင့်သက်ဆိုင်သည့်ကိစ္စများ၊ ရဲဝန်ထမ်းများနှင့်သက်ဆိုင်သောနယ်ပယ်များ၊ ကျန်းမာရေး စောင့်ရှောက်မှုဆိုင်ရာကိစ္စများ နှင့် အမျိုးသမီးများစသည်တို့ပါဝင်သည်ဟုဆိုပါသည်။

အလိုအပ်ဆုံးသူထံ လူသားချင်းစာနာမှုဆိုင်ရာပစ္စည်းများ မရောက်ရှိခြင်း

COVID-19 ကူးစက်မှုကာလအတွင်း ကမ္ဘာလူဦးရေ၏ ထက်ဝက်နီးပါးသည် ဗိုင်းရပ်စ်ပျံ့နှံ့မှုကို နှေးကွေးစေရန် Stay at home အစီအစဉ်ကို လိုက်နာကာ အိမ်တွင်နေခဲ့ကြရသည်။ ကမ္ဘာ့နိုင်ငံ အသီးသီးသည် ၎င်းတို့၏ လုပ်နိုင်စွမ်းရှိသလောက် ကပ်ရောဂါဆိုင်ရာ အခက်အခဲကိုဖြေလျှော့ရန် ဘတ်ဂျက်ငွေများစွာ အသုံးပြုရလျက်ရှိရာ ကမ္ဘာနှင့်ချီ၍ တွက်ဆပါက ဒေါ်လာထောင်ပေါင်းများစွာသော စီးပွားရေးလှုံ့ဆော်မှုကို ဆောင်ရွက်ကြရသည်။ သို့သော် နေရာများစွာတွင် အဂတိလိုက်စားမှုသည် အခက်အခဲဆုံးသောလူများထံ အကူအညီများ ရောက်ရှိရန် အတားအဆီးသဖွယ်ဖြစ်လျက်ရှိလေသည်။

နိုင်ငံအချို့တွင် မည်သည့်ငွေကြေးထောက်ပံ့မှုအတွက် မည်သူက အရည်အချင်းပြည့်မီကြောင်း ရှင်းလင်းပြတ်သားသောစံနှုန်းများကို ထုတ်ပြန်ရန်ပျက်ကွက်ခဲ့ကြပြီး အချို့မှာမူ ပွင့်လင်းမြင်သာမှုနှင့် တာဝန်ယူမှုကင်းမဲ့ခဲ့သည်ဟုဆိုသည်။ ရလဒ်အနေဖြင့် အကျင့်ပျက်အရာရှိများသည် ၎င်းတို့ကိုယ်တိုင်နှင့် ၎င်းတို့၏နိုင်ငံရေးထောက်ခံသူများအား အခြားသူများရရှိရမည့်ငွေကြေးဖြင့် ရည်ရွယ်ချက်ရှိရှိ ချမ်းသာ ကြွယ်ဝအောင်လုပ်ဆောင်လျက်ရှိကြသည်။
အမှန်စင်စစ် လူတိုင်းသည် အစိုးရအသီးသီး၏ကတိကဝတ်အတိုင်း အကူအညီအထောက်အပံ့များ ကို မရရှိခဲ့လျှင် လမ်း‌ပေါ်ထွက်ကြမည်သာဖြစ်သည်။ မည်မျှပင် ဗိုင်းရပ်ကူးစက်မည့်ဘေးနှင့် နီးစေကာမူ ဝမ်းစာရေးအတွက် အလုပ်ခွင်ဆီသို့ မဖြစ်မနေရောက်အောင်သွားကြမည်သာဖြစ်သည်။

သတင်းပေးပို့ချက်များအရ သီရိလင်္ကာနိုင်ငံတွင် ၂၀၂၀ ခုနှစ်၊ မတ်လအတွင်းက ဝင်ငွေနည်းပါး မိသားစုများ၊ သက်ကြီးရွယ်အိုများနှင့် မသန်စွမ်းသူများအတွက် သီရိလင်္ကာရူပီး ၅၀၀၀ စီ ထောက်ပံ့မည် ဟု ကြေငြာခဲ့သော်လည်း နွမ်းပါးသူများအတွက် ထောက်ပံ့ငွေကို အရာရှိများကအလွဲသုံးစားပြုခြင်း၊ အမှန်တကယ်ပေးဝေရမည့်သူများထံသို့ မရောက်ခြင်းများရှိခဲ့သည်။ ထို့အတူ အာဖဂန်နစ္စတန်၊ အယ်ဆာ ဗေဒိုး၊ နိုင်ဂျီးရီးယားနှင့် ရဝမ်ဒါနိုင်ငံတို့တွင် အလားတူ လူသားချင်းစာနာမှုအကူအညီပစ္စည်းများ အား မတရားရယူခြင်းများရှိခဲ့သည်။

သို့ဖြစ်ရာ ယင်းသို့သော ဖြစ်စဉ်များ မဖြစ်ပွားစေရေးအတွက် အောက်ပါအချက်များကို စနစ်တကျ လိုက်နာဆောင်ရွက်ရသည်ကိုတွေ့ရပါသည်-

• COVID-19 အကူအညီပေးရေးအစီအစဉ်များအတွက် ရှင်းလင်းသောစံ (criteria) သတ်မှတ် ချက်များ ချမှတ်ဆောင်ရွက်ခြင်း။
• စားနပ်ရိက္ခာနှင့် ငွေကြေးဆိုင်ရာအကူအညီများကို တာဝန်ခံမှုအပြည့်ဖြင့် ဖြန့်ဝေစေခြင်း၊
• COVID-19 တုံ့ပြန်ကာကွယ်ရေး နှင့်ဆက်စပ်သော အများပြည်သူအသုံးစရိတ်ကိစ္စများတွင် မမှန်မကန်ဖော်ပြခြင်းများကို နိုင်ငံသားများအနေဖြင့်တိုင်ကြားနိုင်သော ယန္တရားများထားရှိခြင်း၊
• အဂတိလိုက်စားမှုဖြစ်ပွားမှုများအားလုံးကို အဆင့်ဆင့်တင်ပြ အရေးယူခြင်း၊
• သတင်းပေးတိုင်ကြားသူများကို အကာအကွယ်ပေးခြင်းနှင့် အများပြည်အတွင်း၌ဖြစ်ပေါ် လျက်ရှိသော မှားယွင်းမှုများကို တင်ပြစေခြင်း။

မိမိတို့နိုင်ငံတွင်လည်း ကိုဗစ်-၁၉ တုံ့ပြန်ကာကွယ်ရေးအတွက် CERP Plan ကို အကောင်အထည် ဖော်ခဲ့ရာတွင် အောက်ခြေအဆင့်ဆင့်တွင် တွေ့ကြုံရသော အချိန်ကာလကန့်သတ်မှုအခက်အခဲ၊ သတင်း အချက်များအချိန်မီ ပြည့်စုံစွာမရရှိသည့် အခက်အခဲတို့ကြောင့် လူသားချင်းစာနာမှုအကူအညီများ ဖြန့်ဝေ ရာတွင် လွဲချော်မှုရှိခဲ့သည်။ စံသတ်မှတ်ချက်အချို့ကြောင့် ချေးငွေထုတ်ချေးမှု၏ အကျိုးသက်ရောက်မှုကို အချို့လုပ်ငန်းရှင်များ မခံစားခဲ့ရသကဲ့သို့ အောက်ခြေအဆင့်တွင် ဝေငှသည့် စားနပ်ရိက္ခာ ကိစ္စရပ်များ တွင် ဝေဖန်မှုအချို့ရှိခဲ့သည်။ သိုံရာတွင် ယင်း ဝေငှမှုသည် ၈၅ ရာခိုင်နှုန်း အကျိုးသက်ရောက်မှုရှိခဲ့သည် ဟု စစ်တမ်းများက ဆိုသည်။

ကိုဗစ်ကာလအတွင်းရဲဝန်ထမ်းများ အကျင့်ပျက်ခြစားမှု

နိုင်ငံအသီးသီးသည် ကိုဗစ်-၁၉ ကြောင့် ညမထွက်ရအမိန်များထုတ်ခြင်း၊ လမ်းများကိုပိတ်ခြင်း၊ Lock down ၊ Semi-lock down နှင့် အိမ်တွင်နေရန် အမိန့်များ ထုတ်ပြန်ခဲ့ကြသည်။ သို့ဖြစ်ရာ ယင်း၏ အကျိုးဆက်အားဖြင့် ကမ္ဘာအနှံ့တွင် လာဘ်ပေးလာဘ်ယူမှု၊ အကျင့်ပျက်ခြစားမှုများဖြစ်ပွားခဲ့သည်ဟု ဆိုသည်။ အထူးအားဖြင့် နိုင်ငံပေါင်း ၆၀ ကျော်တွင် Quarantine Centre မှ ထွက်ခွာလိုသူ၊ ညမထွက်ရ အမိန့်ကို ကျော်လွန်လိုသူ၊ အိမ်သို့ မဖြစ်မနေပြန်ရမည့်သူ၊ အလုပ်ခွင်သို့ သွားရောက်သူများထံမှ ရဲများက လာဘ်ငွေယူခဲ့ကြသကဲ့သို့ ဆရာဝန်၊ သူနာပြုများပင်လာဘ်ပေးခဲ့ရသည်ဟု ဆိုလေသည်။

ဤဖြစ်စဉ်အများစုမှာ Madagascar ၊ Venezuela နှင့် Zimbabwe ကဲ့သို့သော နိုင်ငံများတွင်အဖြစ် များခဲ့သည်။ ဇင်ဘာဘွေတွင် ဆေးရုံသို့သွားရောက်ရန်ကြိုးစားသည့် ဖျားနာသူများနှင့် ကိုယ်ဝန်ဆောင် များထံမှ ရဲများက လာဘ်ငွေယူကြသည်။ South Africa တွင် ပိတ်ထားသော လမ်းများကို အသုံးပြုကာ လာဘ်ငွေတောင်းခံရုံမျှမက ကားများအတွင်းမှ ပစ္စည်းနှင့် ငွေကြေးများကိုပင် ရဲများက ခိုးယူကြသည်။ အလားတူကွန်ဂိုတွင် ပေါင်မုန့်ပို့သူ Delivery သမားထံမှ စက်ဘီး၊ ဖုန်းနှင့် ငွေများကို ရဲက သိမ်းယူခဲ့သည်။ အဆိုးဆုံးမှာ မိမိအိမ်တွင် မိမိမိတ်ဆွေနှင့် Mask မတပ်ဘဲ ချက်ကစားနေသူနှစ်ဦးအား ဖမ်းဆီးထောင်ချခြင်း၊ နှလုံးရောဂါရှိသူအား ဒဏ်ငွေမဆောင်နိုင်သဖြင့် အလုပ်ကြမ်းများလုပ်ကိုင်စေရာ ရဲစခန်းဝင်းအတွင်း၌ပင် သေဆုံးခြင်းတို့ ဆိုးဆိုးရွားရွားဖြစ်ပေါ်ခဲ့သည်ကို တွေ့ရပေသည်။ ကင်ညာတွင် Mask မတပ်သူ၊ ညထွက်သူ များအားဖမ်းဆီးကာ Quarantine Centre များသို့ ရဲများက ပို့ဆောင်ကာ တစ်ရက်လျှင် ‌ဒေါ်လာ ၂၀ တောင်းယူပြီး မပေးနိုင်ပါက Quarantine Centre မှ ထွက်ခွာခွင့်မပြုဘဲ ဖမ်းဆီးချုပ်နှောင်မှုများရှိခဲ့သည် ဟုဆိုသည်။

သို့ဖြစ်ရာယင်းသို့သောအခြေအနေမျိုးအတွက် အောက်ပါအချက်များကို ဆောင်ရွက်သင့်ပေသည်-

• လာဘ်ပေးလာဘ်ယူမှုနှင့်သက်ဆိုင်သည့် ထံတင်ပြလာမှုများကို အရေးယူဆောင်ရွက်ခြင်း၊ အကျင့်ပျက်ခြစားမှုများအား စုံစမ်းစစ်ဆေးခြင်း၊
• လာဘ်ထိုးခြင်းနှင့်ပတ်သက်၍ ဖမ်းမိသောရဲများအားစည်းကမ်းထိန်းသိမ်းခြင်း၊ အရေးယူခြင်း။

မည်သို့ဆိုစေ ဤသို့သောဖြစ်စဉ်များမှာ မြန်မာနိုင်ငံတွင် မရှိသလောက်နည်း၏။ မရှိဟုပင်ဆိုရ မည်ဖြစ်ပေသည်။ မြန်မာလူမျိုးတို့၏ ထူးခြားသောဝိသေသကြောင့် ဤကိစ္စမျိုးဖြင့်နာမည်ပျက်ရသော နိုင်ငံစာရင်းတွင် မပါဝင်ခြင်းက လွန်စွာဂုဏ်ယူဖွယ်ကောင်းလှ၏။

ကိုးကား- Citizen Report Covid-19 Corruption by Transparency International

အပိုင်း ၂ ကို အောက်ပါလင့်ခ်တွင် ဖတ်ရှုနိုင်ပါသည်👇👇👇

https://m.facebook.com/story.php?story_fbid=1325916834427228&id=100010267722195

အောင်ဇော်မိုး

#ဂျိုးဘိုင်ဒင်နှင့်နိုင်ပွဲအလွန်..

ဒီစာကို စပြီးရေးဖို့စဉ်းစားထားတုန်းက ဂျိုးနဲ့ထရမ့်တို့ အပြိုင်အဆိုင်အဆိုင်ဖြစ်နေတဲ့အချိန်ပါ။ ဒါပေမဲ့ ဒီအချိန်မှာ ဂျိုးက အနိုင်ရရှိသွားပါပြီ။ ဒီဇင်ဘာလ ၁၄ ရက်နေ့မှာ ဆိုင်ရာဆိုင်ရာ EC များက သူတို့နှစ်ဦးကို မဲပေးရွေးချယ်တော့မှာပါ။ မည်သို့ပင် ဆိုစေ... ဘိုင်ဒင်သမ္မတဖြစ်မယ်ဆိုတာကတော့ ခြွင်းချက်မဲ့ သေချာသွားပါပြီ။ သို့သော် ဒေါ်နယ်ထရမ့်ဟာ အိမ်ဖြူတော်မှာ ၂၀၂၁၊ ဇန်နဝါရီ ၂၀ ရက်နေ့အထိ ရှိနေဦးမှာပါ။

အမေရိကန် ဥပဒေအရ Electoral Vote အရေအတွက်ဟာ သမ္မတဖြစ်ဖို့ အခြေအနေကို ပြတ်ပြတ်သားသား ဆုံးဖြတ်နိုင်တဲ့အနေအထားမရှိရင် မဲရလာဒ် ၁ ရာခိုင်နှုန်းအောက်မဲကွာဟမှုရှိတဲ့ မဲရုံတွေက မဲတွေကို ပြန်လည်ရေတွက်ဖို့ ရှုံးနိမ့်နေသူဘက်က တောင်းဆိုခွင့်ရှိပါတယ်။ လက်ရှိသမ္မတ ထရမ့်ကလည်း ၁ ရာခိုင်နှုန်းအောက် မဲကွာဟမှုရှိတဲ့ မဲရုံတွေကို ပြန်လည်ရေတွက်ဖို့ တောင်းဆိုနေပါတယ်။ သို့သော် မဲရလာဒ်ကို သိပ်ကိုကွာခြားသွားပြီဖြစ်တဲ့အတွက် ပြန်လည်ရေတွက်ရင်လည်း အချည်းအနှီးဖြစ်မှာပါ။ ဒါကြောင့် အရှုံးကို လက်ခံလိုက်ဖို့ ထရမ့်ရဲ့ မိသားစုဝင်တွေက သူ့ကို ဝိုင်းဝန်းနားချနေရတယ်လို့ဆိုပါတယ်။

ထားပါတော့ ...
မည်သို့ဆိုစေ... ထရမ့်ရှုံးပါပြီ...။ ဒါကြောင့် ဒီနေရာမှာ ဂျိုးဘိုင်ဒင်နိုင်ရင် ဘာဖြစ်မယ်... ထရမ့်နိုင်ရင် တရုတ်ကို အမှုန့်ကြိတ်မယ်ဆိုတဲ့ တောင်စဉ်ရေမရ ယူဆချက်များစွာကို ခဏမေ့ထား...

ဂျိုးဘိုင်ဒင်ကာလများမှာ မြန်မာနိုင်ငံအပေါ် သက်ရောက်နိုင်တဲ့ အခြေအနေများနဲ့ ပတ်သက်ပြီး (ကျွန်တော့်ယူဆချက်) ကို စတင်ပြီး သုံးသပ်ပါရစေ..။ ဒီလိုသုံးသပ်မှုရဲ့ တစ်စိတ်တစ်ပိုင်းအဖြစ် လက်ရှိမြန်မာနိုင်ငံရဲ့ နိုင်ငံတကာ မျက်နှာစာမှာ ဖြစ်ပေါ်နေတဲ့ အကျပ်အတည်း၊ စိန်ခေါ်မှုလေးတွေကိုလည်း သိဖို့လိုပါလိမ့်မယ်။ ကြည့်ကြပါစို့။

#မြန်မာနှင့်နိုင်ငံတကာဖိအားများ...

မြန်မာဟာ ကုလသမဂ္ဂအဖွဲ့ဝင်နိုင်ငံတစ်နိုင်ငံဖြစ်ပါတယ်။ ဒါကြောင့်မို့ ကုလသမဂ္ဂရဲ့ ပဋိဉာဉ်၊ စဉ်းမျဉ်းစည်းကမ်းများကို နိုင်ငံတကာနဲ့အညီ လိုက်နာကျင့်သုံးရပါတယ်။ လက်ရှိ နိုင်ငံတကာမျက်နှာစာမှာ မြန်မာနိုင်ငံဟာ အတော်လေးကို ကြပ်တည်းတဲ့ အခြေအနေကိုရင်ဆိုင်နေရတာ အများအသိဖြစ်ပါတယ်။ လက်ရှိဖြစ်ပေါ်နေတဲ့ နိုင်ငံတကာဖိအားဟာ တပ်မတော်အစိုးရလက်ထက်၊ ယခင် သမ္မတကြီးဦးသိန်းစိန်အစိုးရလက်ထက်ကထက် များစွာပိုတဲ့အခြေအနေမှာရှိပါတယ်။

နိုင်ငံတစ်နိုင်ငံကို အရေးယူဖွယ် ကိစ္စရပ်တွေကြုံလာတိုင်း ကုလသမဂ္ဂလုံခြုံရေးကောင်စီမှာ ဆုံးဖြတ်ချက် (resolution) တွေကို ချလေ့ရှိပါတယ်။ လေ့လာမိသလောက် လုံခြုံရေးကောင်စီမှာ တစ်နှစ်ကို resolution ပေါင်း ၃၀၀ ကနေ ၃၃၀ လောက်အထိ ချတယ်လို့ သိရပါတယ်။ အတော်များပြားတဲ့ ပမာဏပါ။ သို့သော် အဲဒီအထဲက တကယ်တမ်း အများအာရုံစိုက်ခံရတဲ့ resolution ပေါင်းက ၁၀ ခု ၁၅ ခုထက်မပိုပါဘူး။ အဲဒီလို အများ စောင့်ကြည့်ခံရတဲ့ resolution မျိုးချခံရဖို့ဝိုင်းဝန်းဖိအားပေးခံနေရတဲ့ နိုင်ငံတွေထဲမှာ မြန်မာပါဝင်နေတယ်ဆိုတာကို သတိချပ်ဖို့လိုပါတယ်။

လိုရင်းကို မြန်မြန်သွားလိုက်ပါစို့။

လက်ရှိမြန်မာ့အရေးကို အရေးယူကိုင်တွယ်ဖို့အတွက် မြန်မာ့အရေးကို ICC ထံ လွှဲပြောင်းပေးဖို့ OIC နိုင်ငံအများစုက တောင်းဆိုနေတာရှိပါတယ်။ ဒါကို အများလည်း သိပြီးဖြစ်မှာပါ။ ICC အဖွဲ့ဝင်နိုင်ငံတွေဟာ ရောမပဋိဉာဉ် (Rome Statue) ကို လက်မှတ်ရေးထိုးထားတာဖြစ်ပါတယ်။ သို့သော် အဲဒီအထဲမှာ မြန်မာနိုင်ငံ ပါဝင်ခြင်းမရှိပါဘူး။ မည်သို့ပင်ဖြစ်စေကာမူ OIC နိုင်ငံများဘက်ကတော့ Rome Statue ခေါ် ရောမစာချုပ်ဝင် နိုင်ငံတစ်နိုင်ငံ(ဘင်္ဂလားဒေ့ရှ်) ကို စာချုပ်ဝင်နိုင်ငံမဟုတ်တဲ့ နိုင်ငံ (မြန်မာ) က ကျူးလွန်မှုဖြစ်တယ်လို့ ယူဆပြီး ဖြစ်စဉ်မှာ စာချုပ်ဝင်နိုင်ငံပါဝင်တဲ့အတွက် ICC က အရေးယူဆောင်ရွက်ခွင့် ရှိတယ်လို့ အထပ်ထပ်အခါခါ ပြောဆိုနေပါတယ်။ မြန်မာကလည်း မိမိတို့ဟာ ရောမစာချုပ်ဝင် နိုင်ငံမဟုတ်တဲ့အတွက် ICC က အရေးယူဖို့ အဆိုပြုချက်တွေကို အထပ်ထပ်အခါခါ ပယ်ချပြီးဖြစ်ပါတယ်။

သို့သော် တစ်ဘက်ကလည်း ဒီအခြေအနေမျိုးကို လွယ်လွယ်အလျှော့မပေးပါဘူး။ အထပ်ထပ်အခါခါ အဆိုပြုနေပါတယ်။

ကောင်းပါပြီ။ ဒီလိုအဆိုပြုမှုတွေနဲ့ ပတ်သက်ပြီး နိုင်ငံတကာ အသံလေးတွေကို တစ်ချက်နားစွင့်ကြည့်ရအောင်ပါ။ လတ်တလောမှာ ၇၅ ကြိမ်မြောက် ကုလသမဂ္ဂအထွေထွေညီလာခံ ကျင်းပလျက်ရှိပါတယ်။ အဲဒီညီလာခံကြီးမှာ အပြည်ပြည်ဆိုင်ရာပြစ်မှုဆိုင်ရာတရားရုံး-ICC ရဲ့ ၂၀၁၉-၂၀၂၀ ခုနှစ်အတွင်း ဆောင်ရွက်ချက်များဆိုင်ရာ အစီရင်ခံစာကိုအပေါ် မျက်နှာစုံညီဆွေးနွေးခဲ့ရာမှာ မြန်မာနဲ့ပတ်သက်တဲ့ နိုင်ငံတကာရဲ့ အသံကိုနားစွင့်နိုင်ပါတယ်။

ကနေဒါက အဲဒီညီလာခံမှာ မြန်မာ/ဘင်္ဂလားဒေ့ရှ် နှစ်နိုင်ငံအကြားဖြစ်ပေါ်နေတဲ့ အခြေအနေတွေအပေါ် စုံစမ်းစစ်ဆေးမှုပြုလုပ်နေတာတွေကိုထောက်ခံကြိုဆိုခဲ့ပြီး ကုလသမဂ္ဂလုံခြုံရေးကောင်စီအနေနဲ့ ICC ထံ လွှဲပြောင်းပေးဖို့ တိုက်တွန်းထားတာတွေ့ရပါတယ်။

သို့သော် တရုတ်နိုင်ငံကတော့ ဒီကိစ္စနဲ့ပတ်သက်ပြီး တရားစီရင်ခွင့်ကို အလွဲသုံးစားလုပ်တာမျိုးမရှိသင့်ကြောင်း ထောက်ပြထားပါတယ်။

ရုရှနဲ့ အစ္စရေးကလည်း ရောမစာချုပ်ဝင်နိုင်ငံမဟုတ်တဲ့ နိုင်ငံများအပေါ် ICC က တရားစီရင်ဖို့ကြိုးစားတာကို လုံးဝလက်မခံဘဲ ပယ်ချခဲ့ကြပါတယ်။ အဲဒီလိုလုပ်တာတွေဟာ တရားဥပဒေနဲ့လည်း မညီကြောင်း ထောက်ပြခဲ့ကြတာကိုတွေ့ရပါတယ်။

ကောင်းပါပြီ ဒီကိစ္စမှာ အမေရိကန်ကရော ဘာပြောသလဲ..။

သူက... “The United States objects to any attempt to assert the Court’s jurisdiction over nations that are not party to the Rome Statute, absent a Security Council referral or the consent of such a State.” လို့ အတိအကျဆိုပါတယ်။ ဆိုလိုတာက အမေရိကန်ပြည်ထောင်စုသည် သက်ဆိုင်ရာနိုင်ငံ၏ သဘောတူညီမှုမပါဝင်ဘဲ ရောမစာချုပ်ဝင်မဟုတ်သည့် မည်သည့်နိုင်ငံမျိုးကိုမဆို ICC သို့လွှဲပြောင်းခြင်းအားငြင်းဆိုသည်လို့ ပြောထားတာဖြစ်ပါတယ်။ ဒီလိုဆိုတာဟာ သူ့နိုင်ငံရဲ့ အကျိုးစီးပွားအတွက် ငဲ့ကွက်လိုခြင်းကြောင့် ဖြစ်စေ၊ သူ့နိုင်ငံရဲ့ နိုင်ငံခြားရေးမူဝါဒအရဖြစ်စေ ပြောကြားခြင်းဖြစ်နိုင်စေကာမူ... မိမိနိုင်ငံအတွက်တော့ တစ်ထောင့်တစ်နေရာက ထောက်ခံမှုရလိုက်တဲ့ သဘောပါပဲ။ ပြောရရင် ဒါဟာ ထရမ့်လက်ထက်မှာ လက်ရှိကျင်းပနေတဲ့ အထွေထွေညီလာခံမှာ အမေရိကရဲ့ရပ်တည်ချက်ပါပဲ။

(UN စာမျက်နှာမှာ ၂-၁၁-၂၀၂၀ ရက်နေ့က အထက်ဖော်ပြပါကိစ္စရပ်များနဲ့ ပတ်သက်တဲ့ General Assembly, Adopting Draft Upholding International Criminal Court’s Goal to End Impunity, Calls for Cooperation in Arresting Fugitives မှာဖော်ပြထားတဲ့ အချက်အလက်အသေးစိတ် ကို အောက်ပါလင့်ခ်မှာဝင်ရောက်ကြည့်ရှုနိုင်ပါတယ်-

https://www.un.org/press/en/2020/ga12280.doc.htm )

ဒါအပြင် မြန်မာနိုင်ငံနဲ့ ပတ်သက်တဲ့ ပြောကြားချက်များကိုလည်း စာသားဓာတ်ပုံများအဖြစ် စုစည်းဖော်ပြပေးလိုက်ပါတယ်။

ကဲ.... ကောင်းပါပြီ... နောက်တစ်ပိုင်းကို ဆက်သွားကြပါစို့....။

#အမေရိကန်သမ္မသစ်ဂျိုးဘိုင်ဒင်

အမေရိကန်သမ္မတသစ်ဟာ အမေရိကန်သမ္မတဟောင်း ဘားရက် အိုဘားမားနဲ့အတူ ဒုတိယသမ္မတတာဝန်ကို နှစ်ကြိမ်ဆက်ထမ်းဆောင်ခဲ့ဖူးသူပါ။ အသက်အားဖြင် ၇၇ နှစ်ရှိနေပါပြီ။ လွန်ခဲ့တဲ့ ဧပြီလက ဒီမိုကရက်တစ်သမ္မတလောင်း ဘာနီး ဆန်ဒါစ် နုတ်ထွက်သွားခြင်းနဲ့ အတူ ဂျိုးဘိုင်ဒင်ဟာ သမ္မတလောင်းဖြစ်ဖို့ အလားအလာအလွန်ကောင်းစွာနဲ့ ရွေးချယ်ခံခဲ့ရပြီး ယခုလည်း အမေရိကန်သမ္မတတိုင်း နှစ်ကြိမ်ဆက်တာဝန်ထမ်းဆောင်ခွင့်ရဖူးတဲ့ စံချိန်ကို ရိုက်ချိုးကာ အမေရိကန်ပြည်ထောင်စုရဲ့ သမ္မတသစ်ဖြစ်လာခဲ့ပါတယ်။

အဲဒီလို စံချိန်ကိုချိုးပြီးသမ္မတဖြစ်ဖို့ရာ တကယ်တော့ မလွယ်တဲ့ကိစ္စပါ။ Hard Power အားကောင်းတဲ့ ထရမ့်ကိုSoft Power နဲ့ အနိုင်ယူသွားတယ်လို့ဆိုရမှာပါ။ ဘိုင်ဒင်ဟာ Black Lives Matter ကိစ္စမှာ ကွယ်လွန်သူမိသားစုထံ ဗီဒီယိုဖိုင်ပို့ပြီး သူ့ပါတီကိုယ်စား ဝမ်းနည်းကြောင်းဖော်ပြခဲ့သလို ဒေါ်နယ်ထရမ့် ကိုဗစ်ကူးခံရချိန်မှာလည်း ဝမ်းနည်းကြောင်းပြောကြားနှစ်သိမ့်ခဲ့သူပါ။ တစ်ဖက်မှာ.. အမျိုးသားအကျိုးစီးပွားကိုသာ ရှေ့ရှုမယ်လို့ဒေါင်းတင်မောင်းတင်ပြောပြီးတက်လာခဲ့တဲ့ ဒေါ်နယ်ထရမ့်မှာတော့ ကိုဗစ်ကို အာရုံမစိုက်မှု၊ ဂျီဆယ်ဗင်းမှာ နာမည်ကောင်းမရမှု၊ လူမည်းအရေးအခင်းကို မကိုင်တွယ်နိုင်မှု၊ WHO လို အရေးကြီးတဲ့ အဖွဲ့အစည်းတွေက နှုတ်ထွက်မှု၊ တရုတ်ကိုဒေသတွင်းလွှမ်းမိုးမှုတွေကိုခွင့်ပြုရစေနိုင်တဲ့ Trans-Pacific Partnerships ကနေ နှုတ်ထွက်မှု၊ ကမ္ဘာငြိမ်းချမ်းရေးကိစ္စရပ်တွေမှာအောင်မြင်မှုမရမှု၊ အီရန်စစ်ခေါင်းဆောင်ကိုသုတ်သင်မှုတို့ကြောင့် သူ့ရဲ့ခေါင်းဆောင်မှုအပေါ် သံသယဝင်ခြင်းခံခဲ့ရပြီး နောက်ဆုံးမှာ ရွေးကောက်ပွဲ ရှုံးနိမ့်ရတဲ့ အခြေအထိဆိုက်သွားပါတယ်။

ပြောချင်တာ ဘိုင်ဒင်က လူအ မဟုတ်ပါဘူး။ လူညံ့မဟုတ်ပါဘူး။ ရှေ့နေဘဝကလာတဲ့သူပါ။ ဇနီးနဲ့ သမီး ကားအက်ဆီးဒန့်ကြောင့် ပြင်းထန်တဲ့လောကဓံရဲ့ ထိုးနှက်ချက်က ရုန်းထလာတဲ့သူပါ။ အထက်လွှတ်တော်မှာ ၆ ကြိမ် အရွေးခံခဲ့ရသူပါ။ ဒုသမ္မတ နှစ်ကြိမ်ဖြစ်ခဲ့သူပါ။ အမေရိကကို စီးပွားရေးအကျပ်အတည်းကနေ အိုဗားမားနဲ့အတူ ဆွဲထုတ်ရာမှာ ပါဝင်ခဲ့တဲ့ အတွေ့အကြုံကောင်းရှိသူပါ။

သူနဲ့ပတ်သက်ပြီး The Diplomatic က ဘိုင်ဒင်ဟာ ပြည်တွင်းရေးရာမူဝါဒပြောင်းလဲမှုနဲ့ တရုတ်ရဲ့အင်အားကြီးထွားလာတဲ့အတွက် အာရှဒေသကိုထိတွေ့မှုတွေ ပြုလုပ်လာလိမ့်မယ်လို့ဆိုထားပါတယ်။

ဒါတွေကို အဓိက မြင်တွေ့ရမယ်လို့ဆိုပါတယ်-

(၁) ပိုမိုစည်းလုံးလာမှု၊ အတိုက်အခံနည်းမှု- ထရမ့်ရဲ့လက်ထက်မှာ သူရဲ့နိုင်ငံခြားရေးမူဝါဒဟာ အံချော်မှုတွေရှိခဲ့ပါတယ်။ အမေရိကန် အကြီးတန်းအရာရှိတွေဟာ အမေရိကန် - တရုတ်ပြိုင်ဆိုင်မှုကို လွတ်လပ်မှုနှင့် အာဏာရှင်စနစ်အကြား ကမ္ဘာလုံးဆိုင်ရာပြိုကွဲပျက်စီးခြင်း အဖြစ်သရုပ်ဖော်ခဲ့ကြတယ်လို့ဆိုပါတယ်။

ဘိုင်ဒင်ရဲ့ကာလမှာတော့ အဲသလို မတည်ငြိမ်မှုတွေ၊ ရှေ့နောက်မညီဆုံးဖြတ်ချက်တွေကို အဆုံးသတ်နိုင်ပါလိမ့်မယ်လို့ဆိုပါတယ်။ အနည်းဆုံး လေးနှစ်လောက်တော့ သမ္မတရဲ့ ဆုံးဖြတ်ချက်နဲ့ ဆောင်ရွက်မှုတွေဟာ အစိုးရအဖွဲ့နဲ့ ဟန်ချက်ညီနေမယ်လို့ ဆိုပါတယ်။

(၂) သံခင်းတမန်ခင်းပိုမိုကောင်းမွန်လာမှု- အရှေ့တောင်အာရှဟာ လွတ်လပ်ပွင့်လင်းသော အင်ဒို ပစိဖိတ်မဟာဗျူဟာ၏ အဓိကကျသော အခန်းကဏ္ဍမှ ပါဝင်နေသည့်တိုင် ထရမ့်လက်ထက်မှာ ဒေသတွင်းသံတမန်ရေးရာဆက်ဆံမှုကောင်းမွန်ခြင်းမရှိခဲ့ဘူးလို့ The Diplomatic က ဆိုပါတယ်။ အမေရိကကြီးစိုးမှုလျော့ကျလာချိန်မှာ ထရမ့်ဟာ စီးပွားရေးပိတ်ဆို့မှု၊ ကုန်သွယ်ရေးမူဝါဒများပြောင်းလဲမှုတို့ကိုပိုမိုဆောင်ရွက်ခဲ့ခြင်းဖြင့် Soft power လည်း လျော့ကျခဲ့တဉ်လို့ဆိုပါတယ်။

ဘိုင်ဒင်ရဲ့ လက်ထက်မှာတော့ အာရှဒေသနဲ့ပတ်သက်ပြီး သူဟာ အိုဘားမားချမှတ်ခဲ့တဲ့ ပြန်လည်ထိန်းညှိရေးဆိုင်ရာမူဝါဒကို တင်းတင်းကြပ်ကြပ်အကောင်အထည်ဖော်လာလိမ့်မယ်။ အာရှရဲ့ အရေးပါတဲ့ ၊ အလွန့်အလွန်အရေးကြီးတဲ့ အစိတ်အပိုင်း/ကိစ္စရပ်တွေကို ဘိုင်ဒင်က ကိုင်တွယ်ပါလိမ့်မယ်လို့ဆိုပါတယ်။

ပြောရရင် ဘိုင်ဒင်ဟာ ဆော့ဖ်ပါဝါကောင်းသူဆိုတာထင်ရှားပါတယ်။ အရင်တုန်းက ထရမ့်လုပ်ခဲ့တဲ့ ကုန်သွယ်ရေးစစ်ပွဲတွေကလည်း ရပ်သွားမှာ မဟုတ်ပါဘူး။ အထူးသဖြင့် အရှေ့တောင်အာရှကို မသိသလိုနေခဲ့တဲ့ စီးပွားရေးသမားကြီး ထရမ့်လက်ထက်မှာ မြန်မာနိုင်ငံဟာ အမေရိကန်ရဲ့ ဖိအားတွေ အထိုက်အလျောက်နည်းခဲ့ပေမဲ့ အရှေ့တောင်အာရှ၊ အာရှတွေကို စိတ်ဝင်စားတဲ့.... သမ္မတဟောင်း အိုဘားမားရဲ့ မူဝါဒတွေကို အသက်သွင်းလာနိုင်တဲ့ ဘိုင်ဒင်ရဲ့ နိုင်ငံခြားရေးမူဝါဒကို ကျွန်တော်တို့ သတိမပြတ်စောင့်ကြည့်ဖို့ လိုအပ်တာသေချာလှပါတယ်။

တစ်ခုတော့ ရှိတယ်။ အရင် ထရမ့်လက်ထက်က မြန်မာနိုင်ငံအပါအဝင် အာရှနိုင်ငံတွေကို ပိတ်ပင်ထားတဲ့ အခွင့်အရေးအချို့လည်း ပြန်ရလာနိုင်ပါတယ်။ ကုန်သွယ်ရေးစစ်ပွဲဟာလည်း ပျော့ပျောင်းပြီး ပြင်းထန်တဲ့ ရေရှည်ပြိုင်ဆိုင်မှု ဖြစ်လာနိုင်ပါတယ်။

တရုတ်အတွက်တော့ မထူးပါဘူး။ သူတို့ရဲ့ ပြိုင်ဘက်ဟာ ထရမ့်ဖြစ်စေ... ဘိုင်ဒန်ဖြစ်စေ... အဓိက က တော့ အမေရိကန်ပါပဲ။ ထရမ့်အကြောင်းကို သေချာစောင့်ကြည့်နေတာမို့ သိပြီးသားဖြစ်နိုင်သလို ဒု သမ္မတနှစ်ကြိမ်လုပ်ခဲ့ဖူးတဲ့ ဘိုင်ဒင့်အကြောင်းကိုလည်း သူတို့က လေ့လာပြီးသားဖြစ်မှာပါ။ သူတို့ ပြိုင်ပွဲမှာ ကိုယ်တွေရောယောင်မနစ်ဖို့ကြဖို့ပဲ လိုပါတယ်။

အထူးသဖြင့် ဘိုင်ဒင်ဟာ ၂၅-၁၁-၂၀၁၇ ရက်နေ့က ၎င်းရဲ့ ဖေ့ဘုတ်မှာအောက်ပါ အဓိပ္ပါယ်ရတဲ့ စာစုတစ်ခုကိုတင်ခဲ့ပါတယ်။

........နှစ်တိုင်း နိုဝင်ဘာ ၂၅ ရက်ကို အမျိုးသမီးတွေအပေါ် အကြမ်းဖက်မှု ကင်းရှင်းရေးအတွက် နိုင်ငံတကာ နေ့အဖြစ် အမှတ်အသားပြုပါတယ် ။ အမျိုးသမီးတွေ၊ မိန်းကလေးတွေဟာ ကမ္ဘာရဲ့ နေရာတိုင်းမှာ မထင်မှတ်ထားတဲ့ အကြမ်းဖက်မှုဒဏ်ကို ခံစားနေရတယ်ဆိုတာ အရေးကြီးတဲ့ သတိပေးချက်တစ်ခုပဲ ။
ဒါပေမယ့် ဒါက တစ်ရက်စာအတွက် ပြဿနာတစ်ခုတင် မဟုတ်ဘူး ။ အမေရိကန်ပြည်ထောင်စုရဲ့ နေ့စဉ်နေ့တိုင်း အမျိုးသမီးသုံးဦးဟာ သူတို့ရဲ့လက်တွဲဖော်တွေကြောင့် သေဆုံးနေရပါတယ် ။ အမေရိကန်အမျိုးသမီး ၅ ယောက်မှာ တစ်ယောက်ဟာ မုဒိမ်းကျင့် ခံနေရပါတယ် ။ ကမ္ဘာ ရဲ့ အခြား အစိတ်အပိုင်းများမှာ ဒီလို အနိုင်အထက်ပြုမှုတွေကြောင့် မိန်းကလေးများကျောင်းတက်ခွင့်ဆုံးရှုံးကာ စောစီးစွာ အိမ်ထောင်ပြုမှုတွေ ဖြစ်ပွားနေပါတယ်။ အရေးယူခံရမှုလုံးဝမရှိဘဲ အမျိုးသမီးတွေကို သတ်ဖြတ်မှုတွေ ၊ ပြင်းထန်တဲ့ တိုက်ခိုက်မှုတွေဖြစ်ပေါ်နေပါတယ် ။ ဥပမာ အခု မြန်မာနိုင်ငံမှာ ရိုဟင်ဂျာ အမျိုးသမီးတွေ မုဒိမ်းကျင့်မှုတွေအပါအဝင် အကြမ်းဖက်မှုတွေ ခံနေရပါတယ် ။ ကမ္ဘာ့ခေါင်းဆောင်တွေ နောက်ပြန်မလှည့်သင့်ဘူး.

အာဏာကို အလွဲသုံးစားလုပ်တာ ဆိုးရွားတယ် ။ လိင်အကြမ်းဖက်မှုကို ပုံစံမျိုးစုံနဲ့ ရှုတ်ချပြီး ခွဲခြားဆက်ဆံမှု ၊ မညီမျှမှု ၊ ညှဉ်းပန်းနှိပ်စက်မှုတို့ရဲ့ ယဉ်ကျေးမှုတွေကို ပြောင်းလဲပစ်မှသာ ဖြစ်ပါလိမ့်မယ် ။ ဒီနေ့ အမျိုးသမီးအားလုံးရဲ့ အခွင့်အရေးကို ပြန်လည်အတည်ပြုပြီး အသက်အန္တရာယ်ကင်းရှင်းအောင် ဦးဆောင်ပြီး သူတို့ရဲ့ အလားအလာအပြည့်အဝရရှိနိုင်ဖို့ ကျွန်တော်တို့ ပြန်လည်ကြိုးပမ်းရပါမယ်........

ဒီစာသားများကို ဖတ်ရှုခြင်းဖြင့် ထရမ့်လက်ထက်က မြန်မာဆိုတာတောင် လုံးဝမသိခဲ့တဲ့ အခြေအနေကနေ ဘိုင်ဒင့်လက်ထက်မှာတော့ မြန်မာအပါအဝင် အရှေ့တောင်အာရှ၊ အာရှနိုင်ငံများဆီ.... မျက်စေ့ဒေါက်ထောက် ကြည့်လာနိုင်တဲ့ အခြေအနေရှိတယ်လို့ပဲ သုံးသပ်ရမှာဖြစ်ပါတယ်...။ ကောင်းတဲ့အချက်က အဲလို မျက်စေ့ဒေါက်ထောက်ကြည့်ခြင်းအားဖြင့်လည်း ကျွန်တော်တို့ နိုင်ငံရဲ့ ဆောင်ရွက်မှုတွေကို အသိအမှတ်ပြုလာနိုင်ဖွယ်လည်းရှိပါတယ်။

( ဘိုင်ဒင့်ရဲ့ မူရင်းပိုစ့်ရဲ့ Screen Shot နဲ့ မူရင်း ပို့စ်ရဲ့ လင့်ခ်ကို ဖော်ပြလိုက်ပါတယ်...
https://web.facebook.com/joebiden/posts/10154826525396104?_rdc=1&_rdr )

ကောင်းပါပြီ...

အထက်ဖော်ပြပါအချက်များကို ကိုးကားတွက်ဆပြီး ကျွန်တော်တို့ အောက်ပါအချက်များကိုတွက်ဆသုံးသပ်ကြည့်ရအောင်ပါ-

(၁) ကုန်သွယ်ရေးစစ်ပွဲဟာ ဟောဟောဒိုင်းဒိုင်းမဟုတ်ဘဲ တအိအိနဲ့ အချိန်ကြာကြာဆက်ဖြစ်လာဖွယ်ရှိပါတယ်။
(ဒီနေရာမှာ ကျွန်တော်တို့က တရုတ်နာပါစေ... အမေရိကနာပါစေဆိုပြီး ဆုတောင်းလို့မဖြစ်ပါဘူး။ သူတို့ ကမ္ဘာ့နိုင်ငံကြီးတွေ ဟန်ချက်ညီဖို့ လိုပါတယ်။ သူတို့က ဦးနဲ့ပဲ့ကနေ လှော်နေကြတာပါ။ ကျွန်တော်တို့က လှေကြုံစီးတာပဲ။ သူတို့ချင်းချလို့လှေမှောက်ရင် ကျွန်တော်တို့က အရင်နစ်ပါလိမ့်မယ်)

(၂)ဘိုင်ဒင်ဟာ အိုဘားမားရဲ့ “pivot” သို့မဟုတ် “rebalance” မူဝါဒကို လုံးဝကိုင်စွဲပြီး အာရှနဲ့ အရှေ့တောင်အာရှနိုင်ငံများထံ ဩဇာဖြန့်ကျက်ဖို့ဆောင်ရွက်လာဖွယ်ရှိပါတယ်။

(၃)ဒေါ်နယ်ထရမ့်လက်ထက်ကလိုပဲ ကုလသမဂ္ဂနဲ့ပတ်သက်တဲ့မူဝါဒ အချို့ကိုဆက်လက်ကိုင်စွဲဖို့မျှော်လင့်ရပါ တယ်။ မူဝါဒအချို့ကို ပြောင်းလဲမယ်ဆိုရင်တော့ မြန်မာအရေးကို ဘေးတီးချင်တဲ့နိုင်ငံများအတွက် အကွက်ကောင်းဆိုက်နိုင်တာမို့ ဒါကို အထူးသတိထားရမယ့် သဘောရှိပါတယ်။

(၄) ဘယ်လိုပဲဖြစ်ဖြစ်အနောက်တံခါးပြဿနာမှာ အမေရိက ပိုပြီးပါဝင်လာနိုင်တဲ့ အခြေအနေရှိလာတာကိုလည်းထည့်သွင်းစဉ်းစားရပါမယ်။

(၅)အမေရိကမှာနေတဲ့ မြန်မာများအတွက်တော့ ထရမ့်လက်ထက်ကထက်ပိုပြီး အသက်ရှူချောင်ဖွယ်ရှိပါတယ်။

ကဲ... Hard power ကနေ Soft power ကို ရုတ်တရက်ကူးပြောင်းပြီး အရှေ့တောင်အာရှနိုင်ငံများဆီ ချဉ်းကပ်လာဖွယ်ရှိတဲ့ ဂျိုးဘိုင်ဒင်လက်ထက် အမေရိကရဲ့ နိုင်ငံခြားရေး မူဝါဒနဲ့ ပြည်တွင်းရေးရာမူဝါဒများကို ဆက်လက်စောင့်ကြည့်ကြပါစို့လားဗျာ။

အောင်ဇော်မိုး
ည ၁၁၁၇ နာရီ၊ ၉ နိုဝင်ဘာ ၂၀၂၀ တနင်္လာ

ကိုးကား
General Assembly, Adopting Draft Upholding International Criminal Court’s Goal to End Impunity, Calls for Cooperation in Arresting Fugitives, GA/12280, 2 NOVEMBER 2020

What Would a Biden Administration Mean for Southeast Asia? By Sebastian Strangio, The Diplomat, November 03, 2020

Joe Biden’s page

ကိုယ့္လူေတြ လက္စြမ္းထက္ပံုမ်ား...

လြန္ခဲ့တဲ့ ႏွစ္ရာခ်ီက ေပၚထြန္းခဲ့တဲ့ စာဆိုရွင္ကိုေတာင္...

ဒီေခတ္မွာ...
ဆယ္လီျဖစ္ေအာင္ လုပ္ႏိုင္ၾကတယ္....

ေန႔ခ်င္းညခ်င္းပဲ....

ေတာ္ပါေပတယ္...
ေတာ္ပါေပတယ္....

🤣🤣🤣

Post မတင္ရင္မရဘူး...
တင္ပါတဲ့.....🤣🤣🤣

ရင္ထဲမွာ တစ္ခုခုသိပ္ေျပာခ်င္လာလို႔ပါ....

အရင္တုန္းက ေရးခဲ့ဖူးတာေလး ျပန္ေဖာ္ျပလိုက္ပါတယ္...

ဒီေန႔ စိတ္အလိုမက်မႈတစ္ခုအတြက္ အာသာေျပေပါ့ေလ...

ဖိုထို... ခရက္ဒစ္ပါ
***********************************************

ျပစ္တင္ေ၀ဖန္မႈေတြကိုု ဘယ္လိုုရင္ဆိုုင္ၾကမလဲ….
-------------------------------------------------------------------

ယမန္ေန႕က ေျပာခဲ့တဲ့ စီးပြားေရးလုုပ္ကိုုင္ၾကသည္ဆိုုရာ၀ယ္ ဆိုုတဲ့ အေၾကာင္းအရာကိုု ဆက္မေျပာခင္ အဲဒီေခါင္းစဥ္ေအာက္မွာပဲ တစ္စိတ္တစ္ပိုုင္းပါ၀င္ေနတဲ့ …
တစ္နည္းအားျဖင့္ စီးပြားေရးလုုပ္ငန္းစီမံခန္႕ ခြဲမႈကိစၥရပ္ေတြမွာ အဖြဲ႕အစည္း တစ္ခုုနဲ႕ တစ္ခုုအၾကား… စားသံုုးသူလူထုုအၾကား…. အဖြဲ႕အစည္းနဲ႕ စားသံုုးသူေတြအၾကား… မျဖစ္မေနဆက္သြယ္ေဆာင္ရြက္မႈမ်ား လုုပ္ကိုုင္ေဆာင္ရြက္ၾကရာမွာ ျဖစ္ေလ့ျဖစ္ထရွိတဲ့ ျပစ္တင္ေျပာဆိုုမႈေတြကိုု ဘယ္လိုုရင္ဆိုုင္ေျဖရွင္းၾကမလဲဆိုုတဲ့ အေၾကာင္းအရာေလးကိုု သီးျခားေခါင္းစဥ္တစ္ရပ္အေနနဲ႕ ေဆြးေႏြးလိုုပါတယ္…။

တကယ္ေတာ့ ေ၀ဖန္မႈေတြဟာ ေနရာအႏွံ႕ မွာ ရွိပါတယ္…
ေ၀ဖန္ျခင္းျဖစ္ေပၚလာဖိုု႕အတြက္ အေၾကာင္းအခ်က္မ်ားစြာလည္း အမွန္ရွိပါတယ္…။
ဒီေနရာမွာ ေ၀ဖန္မႈနဲ႕ ေ၀ဖန္တဲ့ အေျခအေနအေပၚမူတည္ၿပီး ဘာအတြက္ ေ၀ဖန္ေျပာဆိုုမႈေတြျဖစ္ေပၚလာရတာလဲ… ေ၀ဖန္မႈရဲ႕ ရည္ရြယ္ခ်က္ကဘာလဲ… ေ၀ဖန္မႈေၾကာင့္ ဘယ္သူေတြ အက်ဳိးအျမတ္ရသြားၾကေလမလဲ… ေ၀ဖန္မႈကိုု ကိုုင္တြယ္မႈ သိုု႕မဟုုတ္ တုုန္႕ ျပန္မႈ လြဲမွားခဲ့ရင္ အက်ဳိးဆက္က ဘာေတြလဲဆိုုတာ ခြဲျခမ္းစိတ္ျဖာႏိုုင္ဖိုု႕ဟာ ေခတ္သစ္ စီးပြားေရးဆိုုင္ရာ ဆက္သြယ္ေဆာင္ရြက္မႈကိစၥရပ္မ်ားမွာ အလြန္ပင္ အေရးႀကီးလွပါတယ္။ ထိုု႕တူစြာပဲ ေ၀ဖန္မႈကိုု မွန္ကန္စြာေျဖရွင္းႏိုုင္ဖိုု႕ဆိုုတာဟာ စီးပြားေရးနယ္ပယ္မွာသာမကဘဲ အျခားနယ္ပယ္အားလံုုးမွာလည္း လြန္စြာအေရးပါလွတယ္ဆိုုတာ သတိခ်ပ္ရမွာအမွန္ျဖစ္ပါတယ္။

ကြ်န္ေတာ္တိုု႕ကိုု …
ဒါမွမဟုုတ္… ကြ်န္ေတာ္တိုု႕ရဲ႕ အဖြဲ႕ အစည္းကိုု….
ဒါမွမဟုုတ္ ကြ်န္ေတာ္တိုု႕ရဲ႕ စီမံခန္႕ ခြဲမႈ တစ္စံုုတစ္ရာကိုု….
တစ္စံုုတစ္ေယာက္က ျပစ္တင္ေ၀ဖန္လာၿပီဆိုုရင္ ကြ်န္ေတာ္တိုု႕ ပထထမဆံုုးစဥ္းစားရမွာက ေ၀ဖန္မႈရဲ႕ ျမစ္ဖ်ားခံရာေနရာပါ။
ေ၀ဖန္မႈဟာ မနာလိုုမႈက ဆင္းသက္လာသလား….၄င္းတိုု႕ ကိုုယ္က်ဳိးစီးပြားအတြက္ အကြက္က်က် ေ၀ဖန္တိုုက္ခိုုက္လာတာလား… ဒါမွမဟုုတ္ ေကာလဟလေတြကတစ္ဆင့္ ထြက္ေပၚလာတာလား… ဒါမွမဟုုတ္ လူ႕ သေဘာသဘာ၀ကေန တစ္ဆင့္ ျမစ္ဖ်ားခံလာခဲ့တာလားဆိုုတာကိုု ကြ်န္ေတာ္တိုု႕ ေသခ်ာစြာ ခြဲျခမ္းစိတ္ျဖာရမွာပဲ ျဖစ္ပါတယ္။
ဥပမာ ဆိုုၾကပါစိုု… လက္ရွိႏိုုင္ငံေရးနယ္ပယ္မွာ မိမိတိုု႕ ႏိုုင္ငံရဲ႕ အေနာက္တံခါးျပႆနာကိုု ျပည္ပက ပုုဂၢိဳလ္မ်ား.. ပညာရွင္ဆိုုသူမ်ားက (ျမန္မာျပည္ကိုု တစ္ႀကိမ္မွေတာင္မေရာက္ဖူးပါဘဲနဲ႕ ) စားပြဲ၀ိုုင္းေပၚကေန ေ၀ဖန္ေနၾကတာဟာ ဘယ္သူ႕ အက်ဳိးအတြက္လည္းဆိုုတာကိုု ကြ်န္ေတာ္တိုု႕ ခြဲျခမ္းစိတ္ျဖာဖိုု႕ လိုုအပ္သလိုုမ်ဳိးပါပဲ။

ေ၀ဖန္မႈကိုု ရင္ဆိုုင္ရေတာ့မယ္ဆိုုရင္ အေျခခံအားျဖင့္ ကြ်န္ေတာ္တိုု႕ဟာ အခ်က္ သံုုးခ်က္ကိုု အရင္စဥ္းစားရပါမယ္။
အဲဒါေတြကေတာ့…..
(၁) မိမိအျမင္ကိုု ေျပာင္းလဲရႈျမင္သံုုးသပ္ရန္ ႀကိဳးစားျခင္း
(၂) အေကာင္းျမင္ေ၀ဖန္ေျပာဆိုုမႈမ်ားအား တုုန္႕ ျပန္ျခင္း
(၃) အဆိုုးျမင္ ေ၀ဖန္ေျပာဆိုုမႈမ်ားအား တုုန္႕ ျပန္္ျခင္း

ေကာင္းပါၿပီ…
သင့္ အေပၚ ျပစ္တင္ေ၀ဖန္မႈတစ္ခုုဟာ အျပဳသေဘာေဆာင္တယ္ဆိုုပါစိုု႕…
ဒါဆိုုရင္ သင့္ရဲ႕ ပတ္၀န္းက်င္မွာ မိတ္ေဆြေကာင္းေတြရွိေနတယ္ဆိုုတာ ေျမႀကီးလက္ခတ္မလြဲ ေသခ်ာေနပါၿပီ…သိုု႕ေသာ္… သင့္အေပၚ ျပစ္တင္ေ၀ဖန္မႈေတြဟာ သင့္ကိုု ထိခိုုက္နာက်င္ေစရံုုသက္သက္… သိုု႕တည္းမဟုုတ္ ေ၀ဖန္သူအတြက္ အက်ဳိးစီးပြား သက္သက္… သိုု႕တည္းမဟုုတ္… အျခား တတိယ အဖြဲ႕ အစည္း/လူပုုဂၢိဳလ္တစ္ဦးတစ္ေယာက္ရဲ႕ အက်ဳိးစီးပြားသက္သက္ဆိုုရင္ေတာ့ ဒီလိုုေ၀ဖန္ေျပာဆိုုမႈေတြကိုု ေသခ်ာစြာ ဆန္းစစ္ပိုုင္းျခားတုုန္႕ ျပန္ဖိုု႕ လိုုအပ္လာပါၿပီ…
အဲဒီအတြက္ ကြ်န္ေတာ္တိုု႕ ေနာက္တစ္ဆင့္ အေသးစိတ္ၿပီး ထပ္မံေလ့လာၾကည့္ၾကပါစိုု႕..။

မိမိအျမင္ကိုု ေျပာင္းလဲႏိုုင္ေအာင္ ႀကိဳးစားျခင္း
------------------------------------------------------------------------

(က) အေကာင္းျမင္ ေ၀ဖန္ေျပာဆိုုမႈ နဲ႕ အဆိုုးျမင္ ေ၀ဖန္ေျပာဆိုုမႈတိုု႕ရဲ႕ ကြာျခားမႈကိုု နားလည္ပါေစ

ေ၀ဖန္မႈေတြကိုု ရင္ဆိုုင္ဖိုု႕အတြက္ ဒါဟာ ပထမဆံုုးနဲ႕ အေရးႀကီးတဲ့ အဆင့္ပါပဲ။ ေ၀ဖန္မႈက ဘယ္ကလာတယ္။ ဘာကိုုရည္ရြယ္တယ္။ သင့္ကိုု ဘာေၾကာင့္ ဒါေတြလာေျပာတယ္ဆိုုတာကိုု သင္ေသခ်ာေပါက္ သိျမင္ေနရပါမယ္။ ေ၀ဖန္သူဟာ သင့္ရဲ႕ ဆရာ သိုု႕မဟုုတ္ အႀကီးအကဲ ျဖစ္ေနခဲ့တယ္ဆိုုရင္ ဒါဟာ အျပဳသေဘာေဆာင္တဲ့ ေ၀ဖန္မႈျဖစ္ဖိုု႕ အခြင့္အလမ္းမ်ားတယ္ဆိုုတာကိုုလည္း သင္ လက္ခံထားရမွာပါ။ သိုု႕ေသာ္ ေ၀ဖန္မႈဟာ ကိုုယ့္ကိုု မနာလိုုသူေတြထံက လာတယ္ဆိိုုပါစိုု႕…။
သင္ဟာ အဆိုုးျမင္ ေ၀ဖန္မႈကိုု ဘယ္လိုုရင္ဆိုုင္ေျဖရွင္းမလဲဆိုုတာကိုု ေကာင္းစြာသိထား… နားလည္ထားဖိုု႕ လိုုအပ္လာၿပီ ျဖစ္ပါတယ္။
သင့္အေပၚ ေ၀ဖန္မႈဟာ ေသခ်ာေပါက္ သင့္ကိုုနာက်င္ေစဖိုု႕ သက္သက္ဆိုုရင္….
သင့္ကိုု အက်ဳိးမဲ့ အခ်ည္းအႏွီးျဖစ္ေစမယ္ဆိုုရင္…
သင္ အဲဒီေ၀ဖန္မႈေတြကိုု ျမန္ျမန္ မသိခ်င္ေယာင္ေဆာင္လိုုက္ဖိုု႕ လိုုေနပါၿပီ..။
ဘာေၾကာင့္လဲဆိုုေတာ့ အဲဒါဟာ သင့္ရဲ႕ ေကာင္းမြန္တန္ဖိုုးရွိတဲ့ အခ်ိန္ေတြနဲ႕ ဂုုဏ္သိကၡာ ေတြကိုု ထိခိုုက္ပြန္းပဲ့ေစမွာမိုု႕ လိုု႕ပါပဲ။ ဒါ့အျပင္ ေ၀ဖန္မႈကိုု ေကာင္းစြာခြဲျခမ္းစိတ္ျဖာႏိုုင္ဖိုု႕ အတြက္ ကိုုယ့္ဆီေရာက္လာတဲ့ စကားလံုုးေတြနဲ႕ အဲဒီစကားလံုုးေတြ ေရာက္ရွိလာပံုုကိုုလည္း ေစ့ေစ့ေတြးၿပီး သိျမင္ေအာင္ ႀကိဳးစားဖိုု႕လည္း လိုုျပန္ပါတယ္။

တကယ္ေတာ့ ကိုုယ့္ကိုု အေကာင္းေျပာသလား အဆိုုးေျပာသလားဆိုုတာ အသံအေနအထား…
ဟန္ပန္အမူအယာေတြကိုု ေလ့လာဆန္းစစ္ရံုုေလာက္နဲ႕ အလြယ္တကူေတာ့ သိျမင္နားလည္ဖိုု႕ဆိုုတာေတာ့လည္း မျဖစ္ႏိုုင္ဘူးမဟုုတ္ပါလား။

(ခ) သင္ဟာ ၿပီးျပည့္စံုုတဲ့သူတစ္ေယာက္မဟုုတ္ဘူးဆိုုတာ လက္ခံထားပါ

ဒီအခ်က္ကေတာ့ ေ၀ဖန္မႈေတြကိုု ရင္ဆိုုေျဖရွင္းဖိုု႕ အေကာင္းဆံုုးေသာ နည္းလမ္းတစ္ခုု ျဖစ္ပါတယ္။ ဒါေပမဲ့ ေလာက ဇာတ္ခံုုမွာ က်င္လည္ေနတဲ့ လူမွန္သမွ်ဟာ မိမိ ကိုုယ္ကိုုဇာတ္လိုုက္လိုု႕ ထင္တဲ့ သူခ်ည္းပါပဲ။ ဘာေၾကာင့္လဲဆိုုေတာ့ လူတိုုင္း… သတၱ၀ါတိုုင္း.. ပုုထုုဇဥ္တိုုင္းရင္ထဲမွာ အလြယ္တကူ ခိုုေအာင္းေနရာယူေလ့ရွိတဲ့အရာက မာန္မာနပါ။ မာနဆိုုတာ ေလ နဲ႕ အလားသ႑ာန္တူလွပါတယ္။ ေနရာတိုုင္းကိုု အလြယ္တကူ ၀င္ေရာက္ႏိုုင္လိုု႕ပါ။ မာန္မာနဟာ ဘယ္ေလာက္ အင္အားႀကီးမားသလဲဆိုုရင္ အနိမ့္က်ဆံုုးလိုု႕ ကိုုယ့္ကိုုယ္ကိုု သတ္မွတ္ထားၿပီး ျဖစ္တဲ့ ပုုထုုဇဥ္ေတြရဲ႕ အဇၥ်တသ႑ာန္မွာေတာင္ ကိန္းေအာင္းမွီခိုုတတ္ပါတယ္။

ပိုုဆိုုးတာက မာန္မာနဟာ… အနိမ့္က်ဆံုုးနဲ႕ ပညာအမဲ့ဆံုုးသူေတြဆီမွာသာမကဘဲ…
ပညာတတ္သူေတြဆီမွာေတာင္ အလြယ္တကူခိုု၀င္ေနတာကိုု ေတြ႕ရတတ္လိုု႕ပါ။ ဒါကိုု အခ်ဳိ႕ က ပညာမာနလိုု႕ ဆိုုၾကပါတယ္..။ လွပေသာ စကားလံုုးျဖစ္ေပမဲ့ ဒီစကားရပ္ဟာ မမွန္ကန္ပါဘူး။ တကယ္ေတာ့ ပညာနဲ႕ မာန္ဟာ တိုုက္ရိုုက္ အခ်ဳိးမက်ပါဘူး…။ ပညာနည္းေလ… မာန္မ်ားေလျဖစ္ၿပီး…. ပညာရင့္ေလ… မာန္မာန ကိုု နည္းပါးေအာင္ခ်ဳိးႏွိမ္ႏိုုင္ေလပဲ ျဖစ္ပါတယ္။

ဒါေၾကာင့္ ကိုုယ့္ကိုုယ္ကိုု ၿပီးျပည့္စံုုတဲ့သူတစ္ေယာက္မဟုုတ္ဘူးလိုု႕ သတိကပ္မွတ္သားဆင္ျခင္ႏိုုင္ဖိုု႕ကလည္း လြယ္တဲ့ အလုုပ္ေတာ့ မဟုုတ္ျပန္ပါဘူး။

အိုုေက…
ဒီေနရာ ကြ်န္ေတာ္တိုု႕ ကိုုယ့္စိတ္ကိုု ေလ့က်င့္ခန္းေလးေတြ လုုပ္ၾကည့္ၾကရေအာင္…

ပထမ.. သင့္ရဲ႕ အျပစ္အနာအဆာေလးေတြ (၁၀) ခုုေလာက္ စဥ္းစားၾကည့္ဗ်ာ..။ ၿပီးရင္ ထပ္စဥ္းစားပါ.. အဲဒီ (၁၀) ခုုကိုု သင္ျပင္ဆင္ႏိုုင္မယ္ထင္သလား…။ သင္ ဟာ စိတ္လႈပ္ရွားလြယ္သလား… တုုန္႕ ျပန္မႈျမန္သလား… ခံစားမႈ ျပင္းထန္သလား…. အတၱႀကီးသလား.. ကမူးရႈးထိုုးျဖစ္သလား… သင္စဥ္းစားပါ…။
ၿပီးရင္ သင္ ဘယ္ဟာကိုု ဘယ္လိုု ျပင္မလဲ စဥ္းစားၾကည့္ပါ…။
အဲဒါေတြျပည့္စံုုရင္ သင့္ရဲ႕ေနာက္ထပ္ အျပစ္ေတြကိုု (၁၀) ခ်က္ မက (၁၅) ခ်က္ … အခ်က္ (၂၀) ရသေလာက္ သင္စဥ္းစားပါ… ဆင္ျခင္လိုုက္ပါ… နည္းလမ္းရွာေဖြပါ။

အထူးသတိထားရမွာက ဒီလိုု စဥ္းစားဆင္ျခင္ခိုုင္းတာဟာ သင့္ကိုုယ္သင္ လူဆိုုးတစ္ေယာက္လိုု႕ ရႈျမင္သံုုးသပ္ဖိုု႕ မဟုုတ္ပါဘူး..။ သင့္စိတ္ကိုုပဲ ေလ့က်င့္ခိုုင္းတာပါ။ ဒီလိုုေလ့က်င့္ရင္းနဲ႕ သင့္ရဲ႕ ရင္တြင္းႏွလံုုးသားမွာ တိုုးတက္ေျပာင္းလဲဖိုု႕ … အေကာင္းေတြ ျဖည့္သြင္းသိမ္းဆည္းဖိုု႕ ေနရာလပ္မ်ားစြာ ရွိေနေသးတာကိုု သင္ေတြ႕ရွိလာပါလိမ့္မယ္။

တစ္ခုုေတာ့ ရွိတယ္..။
သင့္ကိုုယ္သင္ လံုုး၀မေကာင္းဘူးလိုု႕ မထင္ျမင္မိေစပါနဲ႕။ အဲဒီလိုုထင္ျမင္မိၿပီဆိုုရင္ေတာ့ သင္ အျခား ေလ့က်င့္ခန္း တစ္ခုုကိုု ေျပာင္းလဲေလ့က်င့္ၾကည့္သင့္ပါတယ္။
မခက္ပါဘူး..။ သင့္ပတ္၀န္းက်င္ကလူေတြကိုု အာရံုုနဲ႕ ပံုုေဖာ္ၾကည့္ပါ။ ပံုုမေဖာ္မီ သင့္စိတ္ကိုု ခ်စ္ျခင္း မုုန္းျခင္း ကင္းႏိုုင္သမွ် ကင္းေအာင္ ဗလာ ရွင္းထားပါ။ ၿပီးရင္ အဲဒီလူေတြရဲ႕ အားနည္းခ်က္… အားသာခ်က္ေလးေတြကိုု စီကာစဥ္ကာ စဥ္းစားၾကည့္ပါ…။ သူတိုု႕ ကိုု ျပစ္တင္ဖိုု႕ သိုု႕ မဟုုတ္ ခ်ီးက်ဴးဖိုု႕ စဥ္းစားမေနဘဲ… သင္သာ သူတိုု႕ေနရာမွာဆိုုရင္…. အားနည္းခ်က္ကေလးေတြကိုု ဘယ္လိုု ျပဳျပင္လိုုက္မယ္လိုု႕ပဲ စဥ္းစားပါ…။
စိတ္ရဲ႕အင္အားမွ်ေျခကိုု မိတ္ဆြ ျပန္လည္ရရွိလာမွာပါ။

(ဂ) ကိုုယ္လိုုရာဆြဲၿပီး မခံစားလိုုက္ပါနဲ႕

ေ၀ဖန္မႈေတြကိုု ေကာင္းစြာ ရင္ဆိုုင္ေျဖရွင္းလိုုတယ္ဆိုုရင္ေတာ့ ေက်းဇူးျပဳၿပီး သူတစ္ပါးေ၀ဖန္ေျပာဆိုုမႈ မွန္သမွ်ကိုု ကိုုယ္လိုုရာဆြဲၿပီး မခံစားလိုုက္ပါနဲ႕။ ဒါဟာ သိပ္အေရးႀကီးပါတယ္။ သင့္ရဲ႕ အလုုပ္ရွင္က သင္ အလုုပ္လုုပ္တာေႏွးလိုုက္တာ… ခရီးမတြင္လွဘူးလိုု႕ ေျပာတာဟာ သင့္ကိုု ငပ်င္းလိုု႕ ေ၀ဖန္လိုုက္တာပဲလိုု႕ တစ္ထစ္ခ်မမွတ္ယူလိုုက္ပါနဲ႕။ သူ႕ အေနနဲ႕ သင့္ရဲ႕ ကုုန္ထုုတ္လုုပ္မႈ စြမ္းအားကိုု တိုုးတက္ေစခ်င္တာလည္း ျဖစ္ေကာင္းျဖစ္ႏိုုင္ပါေသးတယ္။ သူငယ္ခ်င္းတစ္ေယာက္က နင္က သိပ္ပံုုႀကီးခဲ်႕ တတ္တာပဲလိုု႕ ဆိုုလိုုက္ရင္လည္း ခ်က္ခ်င္း စိတ္မဆိုုးလိုုက္ပါနဲ႕။ သင့္ကိုု အလကားလူလိုု႕ ေ၀ဖန္လိုုက္တာ မဟုုတ္ေသးပါဘူး။ လူမႈေပါင္းသင္းဆက္ဆံေရးနယ္ပယ္မွာ သင့္ကိုု ပိုုၿပီး ေကာင္းမြန္လာေစခ်င္လိုု႕လည္း ျဖစ္ႏိုုင္တယ္မဟုုတ္ပါလား။

ဒါေၾကာင့္ ေ၀ဖန္မႈဟာ အျပဳသေဘာေဆာင္ေနတယ္ဆိုုရင္ ဒါဟာ သင့္ကိုု လမ္းျပကူညီဖိုု႕… တိုုးတက္ေစဖိုု႕ ရည္ရြယ္တယ္ဆိုုတာ သင္ ေသခ်ာေပါက္ လက္ခံနားလည္ေပးရမွာပါ။ ယုုတ္စြအဆံုုး ဆရာမက သင့္ရဲ႕က်ဴတိုုရီရယ္လ္ အမွတ္ေတြကိုု သင္ရသင့္သေလာက္ အျပည့္အ၀မေပးဘူးလိုု႕ သင္ခံစားရရင္ေတာင္ ဒါဟာ သင့္ကိုု ပိုုမိုု တိုုးတက္ေကာင္းမြန္ေစလိုုတဲ့ တြန္းအားတစ္ရပ္လိုု႕ သင္မွတ္ယူသင့္က မွတ္ယူရမွာပဲ ျဖစ္ပါတယ္။

(ဃ) ထိရွလြယ္ေသာ ခံစားမႈကိုုေလွ်ာ့ခ်ၿပီး အလုုပ္လုုပ္ပါ

စဥ္းစားၾကည့္ပါ။
သင့္ရဲ႕ အက်ဳိးစီးပြားတစ္ခုုခုုအေပၚရည္ရြယ္ၿပီး ေျပာၾကတဲ့ စကားရပ္ေတြအေပၚ..
သင္ဟာ အျမဲတေစ ညည္းတြားေနမယ္…စိတ္ဆိုုးလြယ္ ေဒါသထြက္လြယ္ျဖစ္ေနမယ္… ဒါမွမဟုုတ္… အၿမဲတမ္း ဆန္႕က်င္ဘက္စကားေတြ ေျပာေနမိမယ္ဆိုုရင္ … သင္ဟာ အေရထူေနသူအျဖစ္နဲ႕ အမ်ားက ၾကဥ္သြားမယ္ဆိုုတာ ေသခ်ာပါတယ္။

ဒါေၾကာင့္ မိမိရဲ႕ အားနည္းခ်က္ေတြကိုု လက္ခံနားလည္ထားၿပီး … အလုုပ္ လုုပ္ကိုုင္ေနရမွာျဖစ္သလိုု…
တစ္ခ်ိန္တည္းမွာပဲ.. သင့္အတြက္ တိုုးတက္ေကာင္းမြန္ေစမယ့္ နယ္ပယ္မ်ား.. လုုပ္ငန္းေဆာင္တာမ်ားနဲ႕ ပတ္သက္ၿပီး အစဥ္ နားစြန္႕တတ္သူ… နာခံတတ္သူျဖစ္ေနသင့္ပါတယ္။

နာက်င္ေစ… ရံႈးနိမ့္ေစမယ့္ ခံစားမႈေတြကိုု လက္ခံသိမ္းဆည္းထားမယ့္အစား…. သင္နဲ႕… သင့္ဘ၀ကိုု အေထာက္အကူျဖစ္ေစမယ့္… သတင္းစကားနဲ႕ေ၀ဖန္ေျပာဆိုုမႈေတြကိုု သင္ အျမဲ ေမွ်ာ္လင့္ လက္ခံေပးသင့္ပါတယ္။

ဒီလိုုျဖစ္ဖိုု႕ရာအတြက္…

ပထမ… ေ၀ဖန္ေျပာဆိုုမႈက ဘယ္ကလာသလဲ နားလည္ပါ။ ဥပမာ… သင့္အထက္အရာရွိ သိုု႕မဟုုတ္ သင့္ရဲ႕အလုုပ္ရွင္က သင့္ကိုု ဆတ္ကနဲ ျဖစ္သြားေအာင္ နာက်င္ေစမယ့္ စကားတစ္လံုုးကိုု ေျပာလိုုက္ၿပီ… တစ္နည္းအားျဖင့္ သင့္ရဲ႕အားနည္းခ်က္ အမွားတစ္ခုုကိုု ေထာက္ျပလိုုက္ၿပီ ဆိုုပါစိုု႕..။ ဒါဟာ သင့္ရဲ႕ အားနည္းခ်က္.. လြဲေခ်ာ္မႈေတြကိုု ျပန္လည္ ျပင္ဆင္ေစခ်င္လိုု႕ ေျပာလိုုက္တယ္ဆိုုတာကိုု လံုုး၀နားလည္လိုုက္ပါ…။

ဒုုတိယ…. ခံစားမႈကိုု ထိန္းခ်ဳပ္ပါ။ သူတစ္ပါးက သင့္ကိုု မေကာင္းတဲ့ အခ်က္ကိုု ေထာက္ျပလိုုက္တာနဲ႕ မ်က္ရည္က်ဖိုု႕… အရမ္းထိရွဖိုု႕… နာက်င္ေနဖိုု႕ အမွန္မလိုုအပ္ပါဘူး။

တတိယ… ကိုုယ့္အေနအထားကိုု ခိုုင္မာေအာင္တည္ေဆာက္ပါ။ ဆိုုလိုုတာက သင္က သိပ္ၿပီး ခံစားလြယ္လြန္းေနရင္ လူေတြက သင့္ကိုု အမွန္တရားတိုုင္းကိုု ေျပာျပဖိုု႕ ၀န္ေလးသြားပါလိမ့္မယ္။ သင္နဲ႕ စကားေျပာရတဲ့ အခ်ိန္တိုုင္းဟာ တစ္ဖက္လူအတြက္ အထိမခံေရႊပန္းကန္နဲ႕ ထိေတြ႕ ဆက္ဆံေနရသလိုုမ်ဳိး ခံစားေနရမယ့္ ကိစၥမ်ဳိးမျဖစ္ေအာင္ သင္ ထိန္းသိမ္းရမွာပါ။

အေကာင္းျမင္ေ၀ဖန္ေျပာဆိုုမႈမ်ားအား တုုန္႕ ျပန္ျခင္း
------------------------------------------------------------------------

(က) သင့္ကိုု တစ္ဖက္လူက အမွန္တကယ္ ဘာေျပာခ်င္တယ္ဆိုုတာကိုု နားလည္ပါေစ

သင့္ကိုု လာၿပီးေ၀ဖန္တဲ့ စကားရဲ႕ေနာက္ကြယ္ကအရာကိုု သင္ခန္႕မွန္းနားလည္ရပါမယ္။ တကယ္လိုု႕ သင့္ကိုု ေ၀ဖန္တဲ့ စကားရပ္ဟာ အျပဳသေဘာေဆာင္တယ္လိုု႕ သင္ဆံုုးျဖတ္လက္ခံလိုုက္ၿပီဆိုုပါစိုု႕…။ သင္လုုပ္ေနတဲ့ အမွားတစ္ခ်ဳိ႕ကိုု ရပ္ၿပီး ဒီထက္ေကာင္းတဲ့ အရာေတြကိုု ျပင္ဆင္လုုပ္ကိုုင္ရေတာ့မွာပါ။ ဒါေပမဲ့ တစ္ခါတစ္ရံမွာ… အခ်ဳိ႕ စကားရပ္ေတြဟာ သင့္ကိုု အမွန္တကယ္နာက်င္ေစၿပီး… သင့္ရဲ႕ဂုုဏ္သိကၡာမ်ားလည္း တိုုက္စားပြန္းပဲ့ သြားေလာက္ေအာင္ အမွန္တရားက သင့္ေရွ႕မွာတင္ျဖစ္ေပၚေနတတ္တာမိုု႕ ဒီအေျခအေနမ်ဳိးအတြက္လည္း အတတ္ႏိုုင္ဆံုုးျပင္ဆင္ထားရမွာပါပဲ။

ဆိုုလိုုတာက …
ဆရာက သင့္ကိုု အမွတ္နည္းနည္းေပးလိုုက္သည့္တိုုင္… သင့္ကိုု ဆိုုးရြားတဲ့ ျပစ္တင္ေျပာဆိုုမႈေတြမျပဳလုုပ္ေသးဘူးဆိုုရင္.. မေျပာေသးတဲ့ စကားေတြကိုု မခံစားဘဲ.. အမွတ္နည္းေနရတဲ့ ျပႆနာအေပၚကိုုသာ အေျခခံၿပီး သင္ ႀကိဳးစားဖိုု႕ လိုုအပ္ေနတယ္လိုု႕ သင့္ကိုုယ္သင္မညာဘဲ ျပင္ဆင္သြားရမွာပါ။

သင့္ သူငယ္ခ်င္းတစ္ေယာက္က သင့္ကိုု မင့္က ကိုုယ့္အတြက္ကိုုယ္ပဲ အရမ္းစဥ္းစားလြန္းတယ္.. လိုု႕ ေျပာခဲ့တယ္ ဆိုုရင္လည္း.. ဒါဟာ သင့္ကိုု နည္းနည္းေလး ပိုုၿပီးေဖာ္ေဖာ္ေရြေရြေနဖိုု႕… တစ္ပါးသူအတြက္လည္း အခ်ိန္နည္းနည္းဖဲ့ေပးၿပီး ကိုုယ္ခ်င္းစာ ခံစားေပးဖိုု႕…. ကိုုယ့္ကိုုယ္ကိုု ဦးစားေပးလြန္းတာေတြ နည္းနည္းေလွ်ာ့ဖိုု႕ အႀကံျပဳတဲ့ သေဘာပါပဲ။ အမ်ားႀကီးေတြးၿပီး အလြန္ႀကီးမခံစားလိုုက္ပါနဲ႕။

(ခ) ကိုုယ့္ကိုုေျပာၾကတဲ့ စကားေတြထဲမွာ အမွန္ကိုု ရွာေဖြပါ

အထူးသျဖင့္ သင္ယံုုၾကည္ကိုုးစားသူ… ႏွစ္သက္စြဲလန္းသူ… ပုုဂၢိဳလ္ေရးအရ ရင္းႏွီးႏွစ္လိုုသူက သင့္ကိုု တစ္စံုုတစ္ရာ ေ၀ဖန္လာၿပီဆိုုရင္ အဲဒီစကားရပ္ေတြထဲမွာ တစ္စံုုတစ္ရာ အမွန္တရားရွိေနတယ္ဆိုုတာ သင္ သတိျပဳရပါလိမ့္မယ္။
ဒီလိုုစကားမ်ဳိး(ေ၀ဖန္မႈမ်ဳိး)ကိုု အရင္က ၾကားခဲ့ဖူးတယ္ဆိုုရင္ေတာင္မွ ဒီတစ္ႀကိမ္မွာ သင္ပိုုၿပီး သတိထားဆင္ျခင္ရမယ္ဆိုုတာ အလိုုလိုုနားလည္ရမွာ ျဖစ္ပါတယ္။
တကယ္လိုု႕ သူငယ္ခ်င္းအေတာ္မ်ားမ်ားက မင္းစကားေျပာတာ ေလာလြန္းတယ္ လိုု႕ ေျပာၾကတယ္ဆိုုရင္… ဒါမွမဟုုတ္ သင့္ရဲ႕ ရည္းစားသနာေဟာင္းေတြက သင္ဟာ သိပ္ၿပီး စိတ္ဆတ္တာပဲလိုု႕ ေျပာခဲ့ၾကဖူးမယ္ဆိုုရင္ အဲဒီလူအားလံုုးကေတာ့ မမွားႏိုုင္ဘူးလိုု႕ သင္ ေယဘုုယ် လက္ခံစဥ္းစားရေတာ့မွာ ျဖစ္ပါတယ္။

ဒါေၾကာင့္ သင္နဲ႕ ကြ်မ္း၀င္သူေတြက သင့္ကိုု ေ၀ဖန္စကားဆိုုလာၿပီဆိုုရင္ အခ်ိန္ခဏေလာက္ေပးၿပီး မွန္ မမွန္ စဥ္းစားဆင္ျခင္ သံုုးသပ္ဖိုု႕ လိုုအပ္တာ အမွန္ပဲ ျဖစ္ပါတယ္။

(ဂ) မိမိကိုုယ္ကိုုျပင္ဆင္ေျပာင္းလဲဖိုု႕ အစီအစဥ္ခ်ပါ

သင့္ ရဲ႕ ပတ္၀န္းက်င္က သင့္အေပၚေ၀ဖန္ၾကတာေတြက မွန္ကန္ေနၿပီ… သိုု႕မဟုုတ္… အနည္းဆံုုး တစ္ခုုေလာက္ေတာ့ မွန္ေနၿပီဆိုုပါစိုု႕..။ ဒါေတြကိုု ျပင္ဆင္ဖိုု႕ သင္ အစီအစဥ္ခ်ရပါေတာ့မယ္..။ ဒီေတာ့.. အားနည္းခ်က္ေတြကိုု ခ်ေရးၾကည့္ပါ။ ဘယ္လိုု ျပင္ဆင္မလဲ ဆိုုတဲ့ နည္းလမ္းေလးေတြကိုု ျပႆနာ တစ္ခုုခ်င္းစီအတြက္ (၂) ခုု (၃) ခုု ေဖာ္ထုုတ္ဆင္ျခင္ၾကည့္ပါ။

တကယ္တမ္းေတာ့ ဒီလိုုအားထုုတ္ဖိုု႕ ခက္ပါတယ္။ အခ်ိန္လည္း ေသခ်ာေပါက္ယူရပါလိမ့္မယ္။ ဒါေပမဲ့ မစိုုးရိမ္ပါနဲ႕။ သင္ဟာ မွားတဲ့ လုုပ္ရပ္ကိုု ဆက္လုုပ္ေနတာမဟုုတ္တဲ့အတြက္ အသစ္ျပန္ စ ျပီး ျပင္ဆင္ဖိုု႕ ဘယ္ေတာ့မွ အခ်ိန္မေႏွာင္းပါဘူး။ ယံုုၾကည္လိုုက္ပါ။

သင့္ရဲ႕ေမွ်ာ္လင့္ခ်က္နဲ႕ ျပင္ဆင္မႈေတြအတြက္ စနစ္တက် အစီအစဥ္ခ်မိၿပီဆိုုတာနဲ႕ သင္ဟာ ေ၀ဖန္ျပစ္တင္ေျပာဆိုုမႈေတြကိုု ေကာင္းစြာရင္ဆိုုင္တတ္လာၿပီး ပိုုမိုုေကာင္းမြန္တဲ့ လူတစ္ေယာက္…
အဖြဲ႕ အစည္းကိုု ေကာင္းစြာ အက်ဳိးျပဳႏိုုင္တဲ့ လူတစ္ေယာက္ျဖစ္လာမွာမလြဲပါဘူး။

ဆိုုပါစိုု႕…
ကိုုယ့္ရဲ႕ အလုုပ္ရွင္.. ဒါမွမဟုုတ္… အထက္အရာရွိက မင့္အလုုပ္လုုပ္တာ ဖရိုုဖရဲ ျဖစ္ကတတ္ဆန္းႏိုုင္တယ္ဆိုုတဲ့ သေဘာမ်ဳိးေျပာလာခဲ့ၿပီဆိုုရင္….
သင္ဟာ သင့္ရဲ႕ ဖရိုုဖရဲျဖစ္ေနတဲ့ အလုုပ္စားပြဲ၊ စာရြက္စာတမ္းနဲ႕ အျခားျပင္ပသြင္ျပင္ အားလံုုးကိုု စနစ္က်ေအာင္ေျပာင္းလဲဖိုု႕ ႀကိဳးစားရမွာျဖစ္သလိုု မိမိရဲ႕ စိတ္ (Rhythm) ကိုုလည္း ခိုုင္မာေအာင္ ျပန္လည္ စုုစည္းတည္ေဆာက္ရမွာေသခ်ာတယ္မဟုုတ္ပါလားဗ်ာ။

(ဃ) ကိုုယ့္အေပၚ ရိုုးသားျဖဴစင္စြာ ေ၀ဖန္သူကိုု ေက်းဇူးတင္ေၾကာင္းျပသပါ

တစ္ခါတစ္ရံမွာ သင့္အက်ဳိးအတြက္ ရိုုးသားစြာ ေ၀ဖန္လိုုက္သူေတြကိုုသင္ႀကံဳရပါလိမ့္မယ္။ ေ၀ဖန္တိုုက္ခိုုက္တာမ်ဳိးမဟုုတ္တဲ့ … ရိုုးသားရွင္းလင္းမႈေတြ ေသခ်ာခိုုင္မာစြာ ေပ်ာ္၀င္ေနတဲ့ ေ၀ဖန္မႈမ်ဳိးကိုု သင္ရရွိႏိုုင္ပါတယ္။ ဒါဟာ သင့္ကိုု နတ္ေကာင္းနတ္ျမတ္ေတြ ေစာင့္ေရွာက္တာပါပဲ။ လူတိုုင္းမွာ စိိတ္ေကာင္းေလး တစ္ခုုစီ ကိုုယ္စီ ရွိတတ္ၾကေပမဲ့ အဲဒီစိတ္ေကာင္းဟာ အခ်ိန္တိုုင္း.. ေနရာတိုုင္းမွာ လူတစ္ေယာက္ရဲ႕အမူအက်င့္ေတြကိုု ဦးေဆာင္ေလ့မရွိပါဘူး။ ဒါေၾကာင့္ စိတ္ေကာင္း ေစတနာေကာင္းနဲ႕ လူတစ္ေယာက္ဆီက ေ၀ဖန္မႈကိုု ၾကားလိုုက္ရရင္ ဒါဟာ သင့္အတြက္ ကံေကာင္းမႈတစ္ခုုလိုု႕ မွတ္ယူၿပီး အဲဒီ မိတ္ေဆြကိုု ရိုုးသားစြာ ေက်းဇူးတင္ေၾကာင္းျပသပါ။ ေက်းဇူးစကားဆိုုပါ။

သူ႕ ရဲ႕ေျပာနည္း ေျပာဟန္ မတတ္ကြ်မ္းမႈေၾကာင့္ သင္ မခ်ိသြားၿဖဲ ျဖစ္ခဲ့ရသည္ျဖစ္ေစ…
ေက်းဇူးစကားကိုု မေမ့မေလ်ာ့ဆိုုပါ။

(င) ကိုုယ့္ကိုုေ၀ဖန္တာေတြမလုုပ္ဖိုု႕ ေျပာဆိုုတာမ်ဳိး မလုုပ္ပါနဲ႕

လူတစ္ေယာက္က သင့္အတြက္ အသံုုး၀င္ႏိုုင္တဲ့ ေ၀ဖန္မႈမ်ဳိး လာေျပာတယ္ဆိုုရင္ အဲဒီစကားရပ္မ်ဳိးကိုု ခါးခါးသည္းသည္း မျငင္းဆန္လိုုက္ပါနဲ႕။ သူေျပာတဲ့ စကားအမ်ားစုုက မွားေနရင္ေတာင္ အမွန္တစ္ခ်က္ပါခဲ့ရင္ သင့္အတြက္ အသံုုး၀င္ႏိုုင္ပါေသးတယ္။ တစ္ဖက္သားက ေျပာေနတုုန္း ကိုုယ္က ဆက္မေျပာဖိုု႕ ေတာင္းဆိုုလိုုက္လိုု႕ သူ႕အေနနဲ႕ ေျပာလက္စ စကားကိုု ရပ္တန္႕လိုုက္ရရင္ ျပည့္စံုုတဲ့ သတင္းအခ်က္အလက္ကိုု မရလိုုက္တဲ့အတြက္ ......
သင့္အတြက္ အက်ဳိးရွိႏိုုင္တဲ့ သတင္းအခ်က္အလက္ေတြ လက္လြတ္သြားႏိုုင္ပါေသးတယ္။ စိတ္ရွည္စြာနားေထာင္ၿပီး ခြဲျခမ္းစိတ္ျဖာေပးပါ။

တကယ္တမ္းမွာ လူ႕ သေဘာသဘာ၀ဟာ မိမိအေနနဲ႕ အမွန္တကယ္ေဆာင္ရြက္ၿပီးစီးထားတဲ့ လုုပ္ငန္းရပ္တစ္ခုုအေပၚ ေ၀ဖန္မႈကိုု ျငိဳျငင္တတ္ၾကသလိုု…. တစ္ဖက္လူရဲ႕ေ၀ဖန္ေျပာဆိုုမႈမွာ… အမွား သိုု႕မဟုုတ္ ဘာသာရပ္ဆိုုင္ရာ ကြ်မ္း၀င္နားလည္ျခင္းမရွိမႈေတြ ပါ၀င္လာခဲ့ရင္ အဲဒီလိုု ေ၀ဖန္မႈမ်ဳိးကိုု မိမိရဲ႕ မာနေၾကာင့္ေသာ္လည္းေကာင္း… အခ်ိန္ေၾကာင့္ေသာ္လည္းေကာင္း… သူတစ္ပါးကိုု အထင္ေသးမႈေၾကာင့္ေသာ္လည္းေကာင္း… အလြယ္တကူ ျငင္းဆန္တတ္ၾကပါတယ္။
အဲဒီလိုုလုုပ္မိရင္ မိမိအတြက္ တန္ဖိုုးရွိတဲ့ သတင္းအခ်က္အလက္တစ္ခ်ဳိ႕ ဆံုုးရံႈးႏိုုင္တယ္လိုု႕ ယံုုၾကည္ေပးပါ။

ငါ ဒီအခ်ိန္ခဏေလးအတြင္းမွာ ဒီ စကားေလး တစ္ခြန္းကိုု ဘာေၾကာင့္ မေျပာဘဲ မေနႏိုုင္ခဲ့မိပါလိမ့္လိုု႕ ျပန္ေတြးၿပီး ေနာင္တ ရ ရမယ့္လူမ်ဳိး မျဖစ္ပါေစနဲ႕။

(စ) အေကာင္းျမင္ေ၀ဖန္ေျပာဆိုုမႈေတြဟာ သင့္ကိုု ပိုုမိုုၿပီး ျပည့္စံုုေကာင္းမြန္ေစတယ္ဆိုုတာ သတိရပါ

ကယ္လီကလပ္ဆန္က ျပစ္တင္ေ၀ဖန္မႈေတြက သင့္ကိုု မေသေစႏိုုင္ပါဘူး… ပိုုၿပီးေတာင္ သန္မာလာေစတာပါ….. လိုု႕ ဆိုုထားပါတယ္။

သင္ဟာ သင့္ကိုု ၿပီးျပည့္စံုုမႈရွိေနၿပီ….လံုုေလာက္တဲ့ ႀကံ့ခိုုင္မႈရွိေနၿပီ… အမွားလုုပ္ဖိုု႕ ခဲယဥ္းတဲ့ လူျဖစ္ေနၿပီလိုု႕ ယံုုၾကည္စိတ္ခ်ထားရတဲ့ အခ်ိန္ေရာက္ေနၿပီဆိုုရင္ေတာင္…ေ၀ဖန္မႈဟာ သင့္ကိုုပိုုၿပီး ျပည့္စံုုေစတယ္လိုု႕ လက္ခံထားခဲ့ရင္ ၾကားခြင့္ရသမွ်ေသာ ေ၀ဖန္ေျပာဆိုုမႈတိုုင္းဟာ သင့္အတြက္ အဓိပၸါယ္ရွိေနမွာပါ။ သင္ခန္းစာထုုတ္ႏုုတ္ယူစရာေတြ ရရွိေနမွာပါ။

ဒါေၾကာင့္ ေ၀ဖန္မႈေတြကိုု ေရွာင္မေျပးပါနဲ႕။ ေပြ႕ဖက္လိုုက္ပါ။

အဆိုုးျမင္ေ၀ဖန္မႈမ်ားအား တုုန္႕ ျပန္ျခင္း
---------------------------------------------------------

(က) ေ၀ဖန္သူရဲ႕ စိတ္ရင္းအမွန္/အေျခအေနမွန္ကိုု နားလည္ေအာင္ႀကိဳးစားပါ

တစ္ခါတစ္ရံ လူတစ္ခ်ဳိ႕ဟာ သင့္ကိုု လံုုး၀အက်ဳိးမရွိတဲ့ အျပင္ တစ္ဖက္သားကိုု ထိခိုုက္နာက်င္ေစတဲ့ စကားမ်ဳိးေတြကိုု အားရပါးရ တက္တက္ၾကြၾကြ နားေထာင္ခ်င္လား မေထာင္ခ်င္လားမသိ… ေ၀ဖန္ေျပာဆိုုတတ္သူေတြကိုု သင္ မလြဲမေသြႀကံဳဖူးမွာပါ။
အဲဒီအခ်ိန္မွာ တစ္ခုုပဲ သင္စဥ္းစားရမွာပါ။ သူဘာလိုု႕ ဒီလိုု အက်ဳိးမရွိတာေတြ လာေျပာေနပါလိမ့္လိုု႕..။ လူ႕ သဘာ၀ကိုုက အက်ဳိးမဲ့တဲ့ စကားေတြ ေျပာတတ္တာကိုုလည္း သတိျပဳပါ။ လိမၼာစြာ ေရွာင္ရွားပါ။

လိမၼာစြာ ေရွာင္ရွားႏိုုင္ဖိုု႕ကေတာ့ ပထမဆံုုး ေ၀ဖန္သူကိုု ကိုုယ္ခ်င္းစာႏိုုင္ေအာင္ႀကိဳးစားၾကည့္ပါ။ သူ႕ေနရာကေန ခဏ၀င္စဥ္းစာၾကည့္ပါ။ သူ ဘယ္အေျခအေနကေန လာခဲ့သလဲ…
သူ႕ အသိပညာက ဘယ္လိုုလဲလိုု႕ သံုုးသပ္ဆင္ျခင္ၾကည့္ပါ။

ေ၀ဖန္သူက မဟုုတ္တမ္းတရားေတြ လာေျပာတဲ့ အေပၚ သင္ ၾကမ္းၾကမ္းတမ္းတမ္းတုုန္႕ ျပန္လိုုက္ရင္ သူ႕ကိုု အပ္နဲ႕ ထိုုးသလိုုျဖစ္မွာပါကလားလိုု႕ သင္ဆင္ျခင္လိုုက္ရံုုနဲ႕ သင့္မွာလည္း ေကာင္းမြန္တဲ့ ခံစားမႈကိုု ရရွိလာမွာပါ။

(ခ) စကားလံုုးေတြက သင့္ကိုု မနာက်င္ေစႏိုုင္ဘူးလိုု႕ နားလည္မွတ္ယူပါ

ျမန္မာ စကားရပ္မွာ ရွိပါတယ္။ (ႏႈတ္ေၾကာင့္ေသ… လက္ေၾကာင့္ေၾက) လိုု႕ ဆိုုပါတယ္။
ဒီစကားဟာ အျမဲတမ္း မွန္ကန္ပါရဲ႕လား…။ ဒီစကားဟာ အတိအက် မွန္တယ္ဆိုုရင္ ကြ်န္ေတာ္တိုု႕ဟာ ဆဲမႈနဲ႕ ရိုုက္မႈမွာ ဘယ္အရာက ပိုုၿပီး အမႈႀကီးပါသလဲလိုု႕ စဥ္းစားရပါေတာ့မယ္။ ကြ်န္ေတာ့္ရဲ႕ ပါစင္နယ္ အျမင္မွာေတာ့ ဒီ စကားပံုုဟာ ခံစားမႈကိုု အရမ္း ဦးစားေပးတယ္လိုု႕ ခံစားရပါတယ္။ တစ္ခ်ဳိ႕ေသာ ေ၀ဖန္တိုုက္ခိုုက္တဲ့ စကားလံုုးမ်ားဟာ အဆိုုးျမင္ေ၀ဖန္မႈလိုု႕ ေသခ်ာခိုုင္မာေနရင္ အတိုုင္းအတာတစ္ရပ္အထိ ေျဖရွင္းေဆာင္ရြက္ျခင္းမျပဳသင့္ပါဘူး။

ျပစ္တင္ေ၀ဖန္မႈေတြက ကြ်န္ေတာ္တိုု႕ ေငြကိုုမခိုုးႏိုုင္ပါဘူး။ ကြ်န္ေတာ့္ မ်က္ႏွာကိုု ထိုုးႀကိတ္သြားတာလည္းမဟုုတ္ပါဘူး။ ကြ်န္ေတာ့္ကားကိုု တိုုက္ခိုုက္ဖ်က္ဆီးသြားတာလည္း မဟုုတ္ရပါဘူး။

ေ၀ဖန္ပုုတ္ခတ္မႈေတြကိုု သိမ္းဆည္းမထားပါနဲ႕။ ျမန္ျမန္စြန္႕ ပစ္လိုုက္ပါ။

(ဂ) ယံုုၾကည္မႈရွိပါ

ကိုုယ့္ကိုုယ္ကိုု ယံုုၾကည္မႈ အမွန္ရွိပါေစ..။
ယံုုၾကည္မႈ ရွိဖိုု႕ အတြက္ အမွန္ေတြ လုုပ္ကိုုင္ေဆာင္ရြက္ထားတယ္ဆိုုတာလည္း ေသခ်ာပါေစ..။
အဲဒီလိုု ယံုုၾကည္မႈရွိေနတဲ့ သင့္ကိုု ဘယ္လိုုေ၀ဖန္မႈမ်ဳိးကမွ စိမ့္၀င္ဖ်က္ဆီးျခင္း မျပဳႏိုုင္ပါဘူး။ ဘာေၾကာင့္လဲဆိုုေတာ့ သင္ကိုုယ္တိုုင္ သန္မာေနသူျဖစ္လိုု႕ပါပဲ။ သင္ကိုုယ္တိုုင္ အမွန္တရားကိုု ကိုုင္စြဲထားလိုု႕ ေ၀ဖန္ပုုတ္ခတ္မႈေတြကိုု အႀကိမ္ႀကိမ္တြန္းလွန္ထားခဲ့လိုု႕ပါပဲ။ သင္ကိုုယ္တိုုင္ ခိုုင္မာမႈထဲမွာ အသားက်ေနခဲ့လိုု႕ပါပဲ။

တကယ္ေတာ့ ယံုုၾကည္မႈ ရွိတယ္ဆိုုတာဟာ ေလာကမွာ သင္မေျပာင္းလဲႏိုုင္တဲ့ အရာေတြကိုု လက္ခံႏိုုင္ျခင္းတစ္မ်ဳိးပါပဲ။ သင္ပိုုင္ဆိုုင္ထားတဲ့ အရပ္… အသားအေရာင္… သင္ဘာမွ မေျပာင္းလဲႏိုုင္ပါဘူး။ ဒီအရာေတြကိုု လက္ခံၿပီး သင့္ဘ၀ျဖစ္တည္မႈကိုုေျပာင္းလဲတိုုးတက္ေအာင္ ႀကိဳးစားလိုုတဲ့ သင့္ရဲ႕ စြမ္းအင္ဟာ သင့္ရဲ႕ ယံုုၾကည္မႈပါပဲ။

သိုု႕ေသာ္…
အဲဒီလိုုယံုုၾကည္မႈ တည္ေဆာက္ဖိုု႕အတြက္ တစ္ဖက္မွာ ေက်နပ္ႏွစ္သိမ့္တတ္ဖိုု႕ လိုုျပန္ပါတယ္။ ဘာကိုုမွ မေက်နပ္ႏိုုင္ဘူးဆိုုရင္ သင့္ရဲ႕ယံုုၾကည္မႈေတြ ေပ်ာက္ကြယ္စ ျပဳလာပါလိမ့္မယ္။ အဲဒီလိုု အခ်ိန္မ်ဳိး.. အေျခအေနမ်ဳိး ႀကံဳလာခဲ့ရင္ေတာ့… အၾကံေပးလိုုတာက… သင့္ကိုုယ္သင္ မႏွစ္သက္တဲ့ အရာေလးမ်ားကိုု စာရင္းျပဳစုုထားၿပီးစြမ္းႏိုုင္သမွ် တျဖည္းျဖည္း ေျပာင္းလဲယူဖိုု႕နဲ႕ သဘာ၀ေလာက စံ အရ ေျပာင္းလဲဖိုု႕ မျဖစ္ႏိုုင္တဲ့ ရုုပ္၀တၱဳပစၥည္းမ်ားအေပၚမွာ ေက်နပ္လက္ခံလာႏိုုင္တဲ့ စိတ္ကိုု ေမြးျမဴႏိုုင္ေအာင္ ျဖည္းျဖည္းခ်င္း ေလ့က်င့္ယူဖိုု႕ တိုုက္တြန္းလိုုပါတယ္။ ဒါဆိုုရင္ သင္ ယံုုၾကည္မႈရွိလာမွာမလြဲပါဘူး။

(ဃ) ဘာပဲျဖစ္ျဖစ္ လုုပ္ေနတဲ့ အလုုပ္ကိုု စြဲျမဲခိုုင္မာစြာ လုုပ္ကိုုင္ပါ

ဒီအတြက္ ႏွစ္ခ်က္ေျပာလိုုပါတယ္..

ပထမအခ်က္က ေ၀ဖန္ျပစ္တင္မႈေတြဟာ အေျခအျမစ္မရွိတာ ေသခ်ာေနၿပီဆိုုရင္ လံုုး၀လ်စ္လ်ဴရႈလိုုက္ပါ…

ဒုုတိယအခ်က္ကေတာ့..ကိုုယ္ဘာမွ ျပဳျပင္ေျပာင္းလဲဖိုု႕ မစြမ္းတဲ့ မေကာင္းျမင္ျပစ္တင္ေ၀ဖန္စကားေတြအေပၚ ဆိုုးဆိုုးရြားရြားမခံစားလိုုက္ပါနဲ႕……။

ေျပာတယ္/ ေ၀ဖန္တယ္/ ျပစ္တင္တယ္ဆိုုတာ သိပ္လြယ္ပါတယ္…။

If wishes were horses , beggars might ride…..
ဆႏၵေတြသာ ျမင္းေတြျဖစ္ေနမယ္ဆိုုရင္ သူေတာင္းစားေတြ အလြယ္တကူ တက္စီးကုုန္မွာေပါ့…

Easier said than done ပါ မိတ္ေဆြတိုု႕…..

ေ၀ဖန္ျပစ္တင္မႈမ်ားနဲ႕ မလြတ္ကင္းႏိုုင္သေရြ႕ ေကာင္းစြာ ရင္ဆိုုင္ေျဖရွင္းႏိုုင္ၾကပါေစ..

ေမတၱာျဖင့္…
ဦးေအာင္ေဇာ္မိုုး
၁၁.၁၁.၂၀၁၇၊ စေန၊ ေန႕လယ္ ၁း၅၃