05/11/2023
အရသာစိမ့်စိမ့်လေးနဲ့ " #ကောက်ညှင်းပဲလိတ်" 😋
ကောက်ညှင်းပဲလိတ် ကိုယ်တိုင်လုပ်စားချင်သူတွေအတွက် 👇👇
အရင်ဆုံးလုပ်ရမှာတွေကတော့...
- မိမိလိုသလိုကောက်ညှင်းမှုန့်ကို ရေအနည်းငယ် ဆန်မှုန့်အနည်းငယ်ထည့်နယ်ပြီး ၁နာရီ သို့မဟုတ် နာရီဝက် နှပ်ထားပါ။
- ကုလားပဲအနည်းငယ်ပြုတ်၍ကြိတ်ထားပါ။ ကြိတ်ထားသောပဲထဲကို ဆားအနည်းငယ်ထည့်ပါ။
- နှမ်းကိုထောင်းထားပါ။ ထောင်းထားသောနှမ်းကို သကြားအနည်းငယ်ထည့်ရောထားပါ။
- အုန်းသီးခြစ်ထားပါ။
အားလုံးပြင်ဆင်ပြီးရင်ကောက်ညှင်းပဲလိတ်စလုပ်ပါမယ်👇👇
- နှပ်ထားသောမုန့်နှစ်ကို ကွမ်းသီးလုံးခန့်ယူ၍လက်ပေါ်တွင်ပြားပါ။
- ပြားထားသောမုန့်နှစ်အလည်တွင် ကြိတ်ထားသောပဲအနည်းငယ်ထည့်၍ လိတ်ပါ။
- ရေနွေးပွက်ပွက်ဆူထဲကိုထည့်ပါ။
- ရေပေါ်ပေါ်လာပြီးကျက်လာသော ပဲလိတ်ကိုဆယ်ပြီး ရေအေးထဲသို့ထည့်ပါ။
- အေးလျှင်ဆယ်ပြီး ခြစ်ထားသောအုန်းသီးနှင့်ကပ်ပါ။
- အုန်းသီးမကြိုက်သူများက ဆယ်ပြီးလျှင်အုန်းသီးမကပ်ပဲ ကပ်ကြေးဖြင့်ညှပ်ပြီး နှမ်းထောင်းလေးဖြူးစားပါ။
ကဲအရသာစိမ့်ပြီး စားလို့ကောင်းတဲ့ ကောက်ညှင်းပဲလိတ်ရပါပြီ
* မုန့်လုံးရေပေါ်နှင့်လုပ်ပုံတူပါတယ်။ အလုံးနှင့်အလိတ်ပဲကွာသည်။ အထဲထည့်သည့် ပဲနှင့်ထန်းလျက်သာ ကွာသည်။ ကျန်တဲ့လုပ်နည်းပုံစံတူပါသည်။
အားလုံးလွယ်ကူအဆင်ပြေစွာ အိမ်မှာလုပ်စားနိုင်ကြပါစေနော်😊😊
Crd😋
