ေက်ာင္းဆရာမေလး

28/01/2023

ပဋိပက္ခမှန်သမျှက
မမျှတမှုတွေက စခဲ့တာချည်းပဲ ...

မထင်မှတ်တဲ့ပြဿနာတွေကလည်း
ပျက်ကွက်မှုတွေက စခဲ့တာပဲ ...

နားလည်မှုလွဲခဲ့တာတွေကလဲ
သိသင့်တာကို အသိမပေးမိတာတွေကြောင့်ပါပဲ....

တကယ်တော့ ရိုးရှင်းပါတယ်...

ကိုယ်ချင်းစာစိတ်လေးနဲ့ပဲ
တွေးပေးပါ
ဘယ်သူ့ကိုမှ မတရားမလုပ်ချင်တော့ဘူး ...

ကိုယ့်နေရာနဲ့သင့်တဲ့ ကျင့်ဝတ်တွေကို
စောင့်ထိန်းလိုက်ပါ
ပျက်ကွက်မှုတွေ နည်းသွားပါလိမ့်မယ်...

တဖက်လူနေရာက
ခဏလောက်ဖြစ်ဖြစ် မြင်ကြည့်၊တွေးကြည့်၊ခံစားကြည့်ပါ
နားလည်မှုလွဲတာတွေ သိပ်မဖြစ်တော့ဘူး ....

အသေးအဖွဲလို့ လစ်လျှူရှုလိုက်မိတာတွေကြောင့်
လွယ်နေတာတွေ ခက်မသွားစေချင်ဘူး....

WPH

28/09/2022

07/12/2021

အသိဥာဏ်နည်းတဲ့ လူက
ကြွားဝါတတ်ခြင်းကို ခုံမင်တယ်။

ဥာဏ်ပညာနည်းတဲ့ လူက
ဒေါသထွက်ပြီး ပေါက်ကွဲလွယ်တယ်။

စိတ်ဓာတ်သေးသိမ် သူက
သူတစ်ပါး အတင်းပြောတာ ဝါသနာပါတယ်။

ကြောက်တတ်လွန်းအားကြီးသူက
ကိုယ်ဘယ်လောက် ခွန်အားကြီးကြောင်းပြတယ်။

လူလူချင်း ကိုယ်မှ မြင့်မြတ်တယ်ထင်သူက
အာဏာကို မက်မောတယ်။

အတ္တကြီး သူက
ကိုယ့်အကျိုးပဲ ကိုယ်ကြည့်တယ်။

စိတ်မလုံခြုံတဲ့ သူက
သူတစ်ပါးကို အကြောင်းမဲ့ရန်ရှာတယ်။

ဗဟုသုတနည်း သူက
ငါအတော်ဆုံး ငါအတတ်ဆုံးလို့ ထင်တယ်.....။

ကျောင်းဆရာမလေး Pageမှာ ပို့စ်အသစ်တင်ခြင်းများ ရပ်နားပါတော့မယ်နော် အင်တာနက်ဝန်ဆောင်မှု ဈေးပုံမှန်
ပြန်ဖြစ်တဲ့ အချိန်မှသာ ပြန်တင်ပေးနိူင်တော့မှာပါ။ အစဉ်တစိုက် အားပေးခဲ့ကြ
ပါသော အားလုံးအားလုံးကို ကျေးဇူးအထူးတင်ရှိပါတယ်ရှင့်❤️

05/12/2021

သူငယ်ချင်းရေ.....

တချို့က မင်းကို အကြံသမားလို့ မြင်နေချိန်မှာ
တချို့ကတော့ အမြှော်အမြင်ရှိတယ်လို့
သုံးသပ်ကြလိမ့်မယ်....

တချို့က မင်းကို ပျော့ညံ့တဲ့သူလို့
အထင်သေးနေချိန်မှာ
တချို့ကတော့ စိတ်ထားနူးညံ့သူလို့
ပြောကြပါလိမ့်မယ်....

တချို့က မင်းကို ရက်စက်တတ်သူလို့
စွတ်စွဲနေချိန်မှာ
တချို့ကတော့ ပြတ်သားတတ်သူလို့
မြင်နေကြပါလိမ့်မယ်....

တချို့က မင်းကို လောဘကြီးသူလို့
အတင်းပြောနေချိန်မှာ
တချို့ကတော့ မင်းရဲ့လုံ့လစိုက်ထုပ်မှုကို
အသိအမှတ်ပြုကြပါလိမ့်မယ်....

တချို့က မင်းရဲ့ကြိုးစားအားထုပ်မှုကို
အရူးတစ်ယောက်လို့ ကဲ့ရဲ့နေချိန်မှာ
တချို့ကတော့ မင်းရဲ့ဇွဲသတ္တိကို
လေးစားနေပါလိမ့်မယ်....

လောကကြီးမှာ ဒီလိုပါပဲ
အကောင်းမြင်တဲ့သူ ရှိသလို
အဆိုးမြင်ဝါဒီတွေလဲ ရှိတယ်....
ကိုယ်တိုင်ကတော့ မှန်အောင်မနေနိုင်ပဲနဲ့
တဖက်သားကို ဝေဖန်အပုတ်ချတတ်သူတွေရှိတယ်...
တခြားသူတွေ ဘယ်လိုမြင်မြင်
အမြင်တိုင်းဟာ အမှန်မဟုတ်နိုင်ဘူး....
တခြားသူတွေ ဘယ်လိုထင်ထင်
အထင်တိုင်းဟာ အမှန်မဟုတ်နိုင်ဘူး....
ကိုယ့်အတွက်အမှန်တရားကို ကိုယ်တိုင်ပြဌာန်းပြီး
ကိုယ့်လမ်းကို မှန်မှန်လျှောက်တာဟာ
အမှန်ဆုံးပဲ သူငယ်ချင်း.....။

04/12/2021

ထားလိုက်တော့ ....ဆိုတဲ့စကားမှာ
အဓိပ္ပါယ်တွေ အများကြီးသက်‌ရောက်တယ်...

အရမ်းဝမ်းနည်းသွားတာ ဖြစ်နိုင်သလို၊
စိတ်ပျက်သွားတာလည်း ဖြစ်နိုင်တယ်၊

မပြောချင်တော့တာလည်း ဖြစ်နိုင်သလို၊
ပြောမထွက်ရက်တာမျိုးလည်း ဖြစ်နိုင်တယ်၊

ကိုယ့်ကြောင့် စ်ိတ်မဆင်းရဲစေချင်တာမျိုးနဲ့
စကားလမ်းကြောင်း လွှဲပေးလိုက်တာမျိုး..…..

မသိချင်ယောင်ဆောင်ပေးလိုက်တာမျိုးဆိုလည်းမမှားဘူး၊
အဲ့ဒီစကားလေးက သိပ်လေးနက်တယ်နော် ❤🤘

Credit

03/12/2021

အခက်ခဲမရှိတဲ့
အောင်မြင်မှုတစ်ခုဟာ တန်ဖိုးမရှိဘူး။
တန်ဖိုးမရှိတဲ့ အောင်မြင်မှုဟာ
ဘဝအတွက် အသုံးမဝင်ဘူး။

မနာကျင်ဖူးပဲ
ဘယ်တော့မှ စိတ်ဓာတ်မာကျောတဲ့
သူဖြစ်မလာဘူး။
မကျရှုံးဖူးပဲ ဘယ်တော့မှ
အောင်မြင်တဲ့သူ
ဖြစ်မလာဘူး။
မချစ်ဖူးပဲ ဘယ်တော့မှ
တန်ဖိုးထားတတ်တဲ့သူ
ဖြစ်မလာဘူး။

ကောင်းတဲ့လူတွေက
မင်းဆီကို ပျော်ရွှင်မှုတွေ
သယ်ဆောင်လာမယ်။
မကောင်းတဲ့လူတွေက မင်းအတွေ့အကြုံတွေ ရလာလိမ့်မယ်။
ပိုဆိုးတဲ့လူတွေက
မင်းကို သင်္ခန်းစာတွေ ပေးလိမ့်မယ်။.ဒါကြောင့်… လူတိုင်းကို
မင်း တန်ဖိုးထားပါ။

သူတစ်ပါးကို ဝေဖန်အပြစ်တင်ဖို့
ကိုယ့်မှာ သူထက်သာတဲ့
အရည်အသွေး တစ်ခုခုကို
လုပ်ပြဖို့တော့လိုတယ်။
ဒီလိုမှမဟုတ်ရင်…မင့်ရဲ့
ဝေဖန်မှုက ဟာသတစ်ခုပဲ
ဖြစ်လိမ့်မယ်။

ငါ့ရဲ့ အခက်ခဲဆုံးအချိန်တွေမှာ
မင်း ငါ့ဘေးနားကနေ
ထွက်သွားမယ်ဆိုရင်
ငါအောင်မြင်လာတဲ့ချိန်မှာ
ငါ့ဆီက ဘာမှမမျှော်လင့်ပါနဲ့
ပြန်လည်းမလာနဲ့။
~~~~~~~~~~~~~~~~~~~

ဖတ်ခဲ့ဖူးသည့် စာစုလေးတွေပါ။
••••••••••••••••••••••••••••••••

စေတနာဖြင့်..........

02/12/2021

တချို့ကိစ္စတွေ
မသိတာ ကောင်းပါတယ်....
သိလိုက်မှ စိတ်မကောင်းဖြစ်ရတာ
တွေ ရှိတယ်....။

တချို့အတွေးတွေ
မတွေးတာကောင်းပါတယ်..
တွေးလိုက်မိမှ ပိုဆွေးရတာတွေ ရှိတယ်။

တချို့အဖြစ်အပျက်တွေ
မမြင်လိုက်တာ ကောင်းပါတယ်....
မြင်လိုက်မိမှ စိတ်ဒဏ်ရာရသွားတတ်တာမျိုးတွေ ရှိတယ်.....။

တချို့အရာတွေ
မမျှော်လင့်တာ ကောင်းပါတယ်....
ကိုယ်မတတ်နိုင်တာကို မျှော်လင့်ရတာ
ဘယ်လောက်မောရသလဲ ဆိုတာ
မျှော်လင့်ဘူးသူတိုင်း သိကြတယ်...။

တချို့အလုပ်တွေ
ဆက်မလုပ်တာကောင်းပါတယ်။
ရူးရူးမိုက်မိုက် ဆက်လုပ်မိလို့
မတိုးသာမဆုတ်သာ အခြေအနေရောက်သွားရင် ကိုယ်ပဲ နစ်နာရပါတယ်....။

တချို့လူတွေကို
နားမလည်တာကောင်းပါတယ်...။
နားလည်လိုက်မှ ကိုယ်ထင်သလိုမဟုတ်ခဲ့ရင်
စိတ်ပျက်စရာ၊ကြေကွဲစရာ ဖြစ်ရတာမျိုးတွေရှိတယ်....။

တချို့အခြေအနေတွေမှာ
ရူးချင်ယောင်ဆောင်
လိုက်တာကောင်းပါတယ်....။
မသိသင့်၊မမြင်သင့်၊နားမလည်သင့်တာတစ်ခုကို
မတော်တဆ သိမြင်ခံစားနားလည်သွားတဲ့ အခါမှာပေါ့......။

စေတနာဖြင့်.......

02/12/2021

တချို့သူတွေ
'' ရေ'' နဲ့တူတယ်
ထိတွေ့လိုက်တဲ့ သူတိုင်း
အေးမြမူ ပေးတယ်...

တချို့သူတွေက
'' မြေကြီး''နဲ့ တူတယ်
သူ့အပေါ်နင်းသွားလဲ သည်းခံခြင်း
ပြည့်ဝတဲ့ ပါရမီ ရှိတယ်...

တချို့သူတွေက
''မုန်တိုင်း''နဲ့တူတယ်
အနားမှာရှိသမျှ အရာတွေကို
ဟိုးအဝေးကိုတွန်းပို့ တက်ကြတယ်...

တချို့သူတွေက'' မီး''နဲ့တူတယ်
တောက်လောင်မူတွေက
အနားမှာရှိတဲ့
သူတွေကို ပူဟပ်စေတယ်...

တချို့သူတွေက
'' နေ''နဲ့တူတယ်
ဝေးဝေးကနေရင် လိုအပ်တဲ့
အပူကိုရေပေမဲ့
အနားကပ်ရင်တော့
သေလောက်အောင် ပူပြင်း
လောင်မြိုက်စေတယ်...

တချို့သူတွေက ''လ''နဲ့တူတယ်
အဝေးက အေးချမ်းသလိုပေမဲ့
သူ့အပေါ်ရောက်ရင်
မညီညာမူတွေနဲ့ပေါ့...

တချို့သူတွေက ''သစ်ပင်''နဲ့တူတယ်
အရိပ်လဲပေးတယ်
အသီးအပွင့်တွေလဲ ပေးတယ်
စွန့်ပစ်ချင်ရင်တောင်
အလွယ်တကူ စွန့်ပစ်မရပဲ
အမြစ်တွယ်နေတတ်တယ်.....

ပီတိ
Credit

01/12/2021

ကိုယ်က ဘယ်သူ့ကိုမှ ပြိုင်ဘက်ကို သဘောမထားတော့ တခါတလေ ကိုယ့်ကို ဘယ်သူတွေက ပြိုင်နေလဲ ဆိုတာလည်း မသိဘူး ။

တခါတလေ
ကိုယ့်ကိုကြည့်ပြီး ပူလောင်နေကြတာရိပ်မိ‌ ပေမယ့်လည်း အဖက်မလုပ်ဖြစ်ဘူး ။ ကိုယ့်ကိုမခေါ် မပြောနိုင် ဖြစ်နေကြတာကိုလည်း ဗွေမယူဘူး ။ ဘယ်သူ့ကိုမှ မထိခိုက်အောင်နေရက်သားနဲ့ သူတို့စိတ်က ကိုယ့်ကို မကြိုက်တာတော့ ကိုယ်လည်း မတတ်နိုင်ဘူးလေ ။

ကိုယ်က အခြားလူတွေအကြောင်း တကူးတက လိုက်မစပ်စု မမေးမြန်းတော့ ကိုယ့်အကြောင်းကို တကူးတက လိုက်စုံစမ်းနေတာမျိုးကိုလည်း မကြိုက်ဘူး ။

မပြောပြချင်လို့ မြိုသိပ်ထားတဲ့အရာ ၊ မသိစေချင်လို့ ဖုံးဖိထားတဲ့ အကြောင်း ၊ မထင်ပေါ်ချင်လို့ သမာရိုးကျနေဖြစ်တဲ့ ဘဝကို အသဲအသန်စုံစမ်းပြီး လူသိအောင် မဖွချင်ဘူး ။

ဂရုတစိုက်စောင့်ကြည့်ခံရတာကို ကြိုက်ပါတယ်
ဒါပေမယ့် စည်းကျော် ဘောင်ကျော်အပြောအဆိုတွေကို သည်းခံနေရအောင်အထိ သဘောထား မကြီးတတ်ဘူး ။

ခြေရာလာတိုင်းနေတာ သိပေမယ့် မမြင်သလိုနေတာက မယှဉ်ရဲလို့ မဟုတ်ဘူး ။ ပြန်တုနေဖို့ အချိန် မပေးနိုင်‌ေသးလို့ ။

#သက်ထားခင်(THK)