What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/117131604708113/

Htet, Mandalay (2026)

11/08/2024

#သင်္ချာကတွက်စာဆိုပေမယ့်ကျက်သင့်မကျက်သင့်!!!

သင်္ချာမှာ မကျက်ရဘူးလို့ တထစ်ချမပြောဆိုသင့်ပါ။သင်္ချာမှာ ကျက်စရာ၊မှတ်စရာတွေ အများကြီးရှိပါတယ်။အလွတ်ကျက်မှတ်ထားမှ သာ လိုအပ်သည့်အခါ ထုတ်၍ အသုံးပြုနိုင်မည်ဖြစ်သည်။

ဥပမာ ကျွန်တော်တို့ ငယ်စဉ်ကတည်း ဂဏန်းသင်္ချာ တွက်တဲ့အခါ လက္ခဏာတူရင် ပေါင်း ၊တူတဲ့ လက္ခဏာ ပြန်တပ်။ လက္ခဏာ မတူရင် နှုတ်၊ ကြီးတာထဲက ငယ်တာနှုတ် ၊ကြီးသော ကိန်း၏ လက္ခဏာကို ပြန်တပ် စသည်အားဖြင့် ကျက်မှတ်ခဲ့လို့ ကြီးလာတဲ့အထိ တော်တော် များများ မှတ်မိကြ မှာပါ။ အတန်းကြီးတော့ အက္ခရာသင်္ချာ ( Algebra)၊ ဂျီဩမေတြီ( Geometry ) ၊ ကဲကုလ (Calculus) စသည့် သင်္ချာ field ပေါင်းစုံက ပုံသေနည်း များကို ကျက်မှတ်ခဲ့ရပါတယ် ။

သို့သော် မည်သို့ကျက်ရမည်ဆိုသည်နှင့် မည်သည့်အချက်တွေကို ကျက်ရမယ်ဆိုတာက အရေးကြီးတာပါ။ကျက်ရမည်ဆိုတိုင်း အကုန်လုံးကိုမဆိုလိုပါဘူး။သင်္ချာကို ကျက်ပြီးတွေး ၊တွေးပြီးတွက်ရမှာပါ။

မကျက်မမှတ်ပဲနဲ့ အတွေးနဲ့ အတွက်ချည်းအားမထားသင့်ပါဘူး။ မတွေးဘဲနဲ့ အကျက်နဲ့ အတွက်ကိုချည်းပဲလည်း အားမထားသင့်ပါဘူး။ဒါကြောင့် သင်္ချာတွက်ရာမှာ အကျက်၊အတွေး၊အတွက် သုံးမျိုးစလုံးကို သူ့အပိုင်းနဲ့သူ မှန်မှန်ကန်ကန် အားထားလေ့ကျင့်ဖို့လိုအပ်ပါတယ်။
August 7 /2024
Shein Htet Zaw

Credit ပေးပါတယ်။

09/08/2024

🧮🧮Welcome Back to Teacher Nann Htet Education Center 🧮🧮

09/08/2024

Welcome Back!

လျင်မြန်သွက်လက် ဉာဏ်ရည်ထက်မြတ်
Teacher Nann Htet Education Center
အပတ်စဉ် 5 ကနေပြန်လည် ကြိုဆိုပါတယ်။

သင်တန်းကြေးလည်း သက်သာရမယ်
စာလည်း တကယ်တတ်ချင်တယ်ဆိုရင်
Teacher Nann Htet Education Center ကသင်တန်းတွေမှာ တက်ပါနော်။

❤️မိမိတို့ကလေးများ Phonicsကိုအခြေခံမှစ၍ တတ်မြောက်စေလိုသူများအတွက်သတင်းကောင်း ❤️

🤔🤔ဘယ်လို ကလေးလေးတွေစတင်လေ့လာရမလဲ?

🥇အသက် ၅-နှစ်မှ ၇နှစ် ကလေးလေးတွေ
🥈Phonics ကိုစတင်လေ့လာမယ့်ကလေးလေးတွေ အတွက်သင့်တော်ပါတယ်။

💯 Phonics သင်ယူခြင်းကနေ ဘာအကျိုးကျေးဇူးတွေရနိုင်သလဲ 💯

Phonics level 1-5တတ်မြောက်သွားသူတစ်ယောက်ဟာဆိုရင် English simple Reading နဲ့ Writingကို အခက်အခဲမရှိအောင်မြင်စွာ ဖတ်နိုင်တဲ့ အခြေအနေလေးတွေရှိပါတယ်။ အသံထွက်မှန်ကန်စွာဖတ်နိုင်သွားဖို့လည်း အာမခံပါတယ်ရှင့်။

📝ဘယ်လိုနည်းလမ်းလေးတွေနဲ့သင်ကြားမှာလဲ 📝

ကလေးများအား သင်ယူချင်စိတ်ဖြစ်ပေါ်လာစေရန် activity လေးများဖြင့် သင်ကြားပေးသွားမှာ ဖြစ်လို့ တက်သင့်တဲ့သင်တန်းလေးဖြစ်ပါတယ်ရှင့်။

💞💞💞ထူးခြားချက် 💞💞💞
သင်တန်းပြီးဆုံးချိန်တွင် အမှန်အကန်တတ်မြောက်စေရပါမည်။

Book- Oxford Phonics book -1
သင်တန်းရက် - အင်္ဂါ၊ ဗုဒ္ဓဟူး၊ကြာသာပတေး
သင်တန်းချိန် -5:30 to 6:30
သင်တန်းကာလ - 3 months

Viber 09 797 540 507 (or) cb

25/05/2024

🔔🔔ကလေးများအတွက်

🤔 စိတ်တွက်‌ ပေသီးသင်္ချာ၊
🫱 လက်တွက်‌ ပေသီးသင်္ချာ၊
‌ 🧮 ပေသီးခုံအသုံးပြု‌ ပေသီးသင်္ချာ

သင်ကြားခြင်းကို အောင်မြင်စွာ အကောင်အထည်ဖော်နိုင်ရန်အတွက် အောက်ပါ အကြံပြုချက်များကို လေ့လာနိုင်ပါတယ်။🔔🔔

👉 ၁. အခြေခံ ရှင်းပြခြင်း
👉 ၂. လေ့ကျင့်မှုများပေးခြင်း
👉 ၃. စိတ်ဝင်စားစေခြင်း
👉 ၄. သင်ကြားမှုကို အဆင့်ဆင့်တိုးတက်စေခြင်း
👉 ၅. မိသားစုနှင့် ပူးပေါင်းခြင်း
👉 ၆. နည်းပညာနှင့် ပေါင်းစပ်ခြင်း

👉၁။ အ‌ခြေခံရှင်းပြခြင်း- -

📏ပေသီးသင်္ချာဆိုင်ရာ အကြောင်းအရာများ နှင့် စနစ်များကို ရှင်းပြခြင်း၊
📏ပေသီးသင်္ချာ ၏ အခြေခံအချက်များနှင့် ပေသီးလုံးများ၏ အလုပ်လုပ်ပုံကို ရှင်းပြခြင်း၊
📏တစ်ခုချင်းစီရဲ့ အနက်အဓိပ္ပါယ်ကို နားလည်စေခြင်း
📏 အညွှန်းများကို တိတိကျကျ နားလည်စေခြင်း

👉၂။ လေ့ကျင့်မှုများပေးခြင်း

📏အမြဲတမ်း လေ့ကျင့်စေခြင်း
ပေသီးသင်္ချာဆိုင်ရာကို နေ့စဉ်လေ့ကျင့်ရန် စီစဉ်ပါ။ လေ့ကျင့်မှုများကို ပုံမှန်ပြုလုပ်ခြင်းက ကလေးများရဲ့ အရာရာကို အမှတ်ရစေပြီး အလုပ်ကို အမြန်ဆုံး ပြီးမြောက်စေသည်။

👉၃။ စိတ်ဝင်စားစေခြင်း

📏ကစားကိရိယာအဖြစ် အသုံးပြုခြင်း
Abacusကို ပေသီးသင်္ချာဆိုင်ရာကိရိယာအနေဖြင့်သာမက၊ ကစားစရာကိရိယာအဖြစ်ပါ အသုံးပြုပါ။ သင်္ချာကို ပျော်ရွှင်စွာ သင်ကြားနိုင်စေရန်၊ ကစားဝါသနာနှင့် ပေါင်းစပ်ပါ။

👉၄။ သင်ကြားမှုကို အဆင့်ဆင့်တိုးတက်စေခြင်း

📏အခြေခံမှ စ၍ အဆင့်မြင့်သို့ တိုးတက်စေပါ
အခြေခံအချက်များကို နားလည်ပြီးနောက်တွင်၊ အဆင့်မြင့်‌ ပေသီးသင်္ချာဆိုင်ရာလုပ်ဆောင်ချက်များကို ပြသပါ။

📏အကူအညီများ ပေးခြင်း
ကလေးများကို တစ်ယောက်ချင်းစီ အကူအညီပေးပါ။ အခက်အခဲရှိသောအခါ အားပေးစကားများ၊ ပံ့ပိုးမှုများ ပေးပါ။

👉၅။မိသားစုနှင့် ပူးပေါင်းမှု

မိဘများကလဲ ပေသီးသင်္ချာဆိုင်ရာအသုံးပြုပုံကို လေ့လာထား၍၊ မိသားစုများအနေနှင့် ကလေးများရဲ့ ပေသီးသင်္ချာအရည်အချင်းကို ပံ့ပိုးနိုင်စေနိုင်ပါတယ်။

📏အိမ်တွင် လေ့ကျင့်မှုများ ပြုလုပ်စေခြင်း
မိဘများအနေနှင့် အိမ်မှာလည်း ပေသီးသင်္ချာအသုံးပြု၍ လေ့ကျင့်စေပါ။

👉၆။ နည်းပညာနှင့် ပေါင်းစပ်ခြင်း

📏အွန်လိုင်းပလက်ဖောင်းများ
အွန်လိုင်းပလက်ဖောင်းများ၊ ဂိမ်းများ၊ အင်တာနက်မှ သင်ကြားရေးဗီဒီယိုများကို အသုံးပြုပြီး၊ ပေသီးသင်္ချာသင်ကြားမှုကို ပြုလုပ်နိုင်ပါတယ်။

📝📝ဒီအချက် ၆ ချက်အားဖြင့် ကလေးများထူးချွန်အောင်မြင်ပါစေဟု

💯💯💯လျင်မြန်သွက်လက် ဉာဏ်ရည်ထက်မြတ် Teacher Nann Htet Education Training Center မှ

အကြံပြုအပ်ပါတယ်။

📢သင်တန်းစုံစမ်းလိုပါက ☎️09 797 540 507(or) cb

18/05/2024

🧘🧘စိတ်ဓာတ်ကျနေတဲ့အမေ🧘🧘

🚫🚫အမေက ကျွန်တော့်ကို ရိုက်နေတဲ့ အိပ်မက်ဟာ တစ်နှစ်တစ်ခါတော့ မက်စမြဲပဲ။ အိပ်မက်မက်တိုင်းမှာ အမေက ကျွန်တော့်ကို ရိုက်နေတာချည်းပဲ။ အိပ်မက်ထဲမှာဆို ကျွန်တော်ဟာ အမြဲတမ်း ခြောက်တန်းအရွယ်ပဲ ဖြစ်နေတတ်တယ်။ အသက် ဆယ့်ကိုးနှစ်မှာ မက်လဲ ကျွန်တော်ဟာ ခြောက်တန်းအရွယ်ပဲ။ ရိုက်တဲ့တုတ်တွေရယ် အမေ့ပုံပန်းသဏ္ဍာန်ပဲ ပြောင်းလဲသွားတာတော့ သတိထားမိတယ်။

🧕🧕နောက်ပိုင်းမက်တဲ့ အိပ်မက်တွေထဲမှာ အမေဟာ သိပ်မရိုက်နိုင်တော့ဘူး။ အမေ့ကို ကြည့်ရတာ ပင်ပန်းနေတယ် စိတ်လဲကျသွားပုံပဲ။ ကျွန်တော်ကတော့ ခြောက်တန်းအရွယ်ပဲ ဖြစ်နေဆဲပါ။

🙍🙍ယခုလရဲ့ အစမှာ ထပ်အိပ်မက်မက်တော့ ထူးဆန်းစွာပဲ အမေဟာ ကျွန်တော့်ကို မရိုက်တော့ဘူး။ အ‌မေကိုင်ထားတဲ့တုတ်ကလဲ အရင်အိပ်မက်ကလိုခပ်သေးသေးမဟုတ်။ ဝါးဆစ်ပိတ်တုတ်ကြီးကို ကိုင်ထားတာ။

💬💬ပြီးတော့ အမေက စကားပြောလာတယ်။

🗯️🗯️'အထဲမှာ သွားပုန်းနေ သားလေး လူအုပ်လိုက်ကြီးက မင်းကို လာဆွဲခေါ်လိမ့်မယ်'

🔍🔍အမေက စကားပြောလို့ရပေမယ့် ကျွန်တော်ကတော့ ပြောလို့မရဘူး။ ကျွန်တော်လဲ အခန်းတစ်ခုရဲ့ ကုတင်အောက်ထဲ တိုးဝင်ပုန်းနေလိုက်တယ်။ ကုတင်အောက်ကနေ အမေ့ရဲ့ပုံရိပ်လွှာကိုတော့ ခပ်ဝါးဝါးလှမ်းမြင်နေရတာပေါ့။

🧘🧘အမေဟာ စိတ်ကျနေပါတယ် ပင်ပန်းနေပါတယ်။သို့သော် အမေဟာ တုတ်ကို ကျစ်ကျစ်ပါအောင် ဆုပ်ကိုင်ထားတယ်။ တုတ်ဟာ အမေ့ရဲ့လက်ထဲကို နစ်မြှုပ်ဝင်သွားမလား ထင်ရတဲ့အထိ။

🫄🫄ဘယ်ကလာမှန်းမသိတဲ့ ရန်သူကို ရိုက်ထုတ်ပစ်လိုက်ဖို့ အမေဟာ အားနဲ့မာန်နဲ့ ဖြစ်နေတယ် ။

မင်းညနေ

စာရေးသူကို credit ပေးပါတယ်။

18/05/2024

❤️❤️ကလေးတွေ စာဖတ်အောင်က “စာဖတ်လေ”လို့ ပြောလိုက်ရုံနဲ့ ကလေးဟာ စာဖတ်တာကို ပျော်မွေ့တဲ့ ကလေးတစ်ယောက် ဖြစ်မလာပါဘူး။ ❤️❤️

👍👍“ စာဖတ်လေ” “ စာဖတ်ဦး” “ စာဖတ်ရအောင်” ဆိုတဲ့ ခိုင်းစေနေမှုတွေဟာ ကလေးရဲ့ စာဖတ်ခြင်းမှာ ပျော်မွေ့မှုကို မလှုံ့ဆော် ပေးနိုင်ပါဘူး။ 👍👍

✨✨လူဆိုတာကလည်း ကိုယ်ပျော်မွေ့တဲ့ အရာတခုမှသာ ရေရှည် လိုလိုလားလား လုပ်မှာမဟုတ်လား။ ✨✨

🥰🥰🥰ကလေးတွေ ထူးချွန်ထက်မြက်အောင် မှန်ကန်တဲ့စာပေကို ဖတ်ရပါမယ် ။ ဘဝ တစ်လျှောက်လုံး ဖတ်ရပါမယ် ။ စဉ်ဆက်မပြတ် စာဖတ်ရပါမယ် ။ စာပေကလွဲလို့ ကလေးငယ်တွေကို ထက်မြက်အောင် လုပ်ပေးနိုင်တာ မရှိသေးပါဘူး။ စာပေဟာ ကိုယ်သွားလိုရာ သွားလို့ရတဲ့ အခွင့်အရေးတွေရဲ့ တံခါးပေါက်ပါပဲ။ 🥰🥰🥰

😍😍စာဖတ်တာကို ပျော်မွေ့တဲ့အထိဖြစ်ဖို့ရာက ရည်ရှည် ပျိုးထောင်ရတဲ့အရာပါပဲ။ လူကြီးက ဖတ်ခိုင်းမှ ဖတ်တာ မဟုတ်ဘဲ သူဖာသာသူ ပျော်မွေ့စွာ ဖတ်နေဖို့ရာက

⏰နေ့တိုင်း စာဖတ်ပြရပါမယ် ။

📆ကလေးက ထပ်ခါထပ်ခါ ဖတ်ခိုင်းလည်း ဖတ်ပြရပါမယ် ။

🔔စာဖတ်ချိန်လေး ပုံမှန်ထားပေးရင် ကလေးက စာဖတ်ရတာကို ပျော်မွေ့လာပါမယ် ။

📚ကလေးဖတ်ဖို့ စာအုပ်တွေ လက်လှမ်း မီနေဖို့လိုပါတယ် ။

🎆ပြီးတော့ ချီးကျူးရပါမယ်။

💫ကလေး လက်ရှိဖတ်နိုင်တဲ့ level ထက် နည်းနည်း ပိုမြင့်တာလေးတွေ (၆)လလောက် ကြိုပြီး ထားထားပေးနိုင်တာဟာလည်း ကလေးကို စာဖတ်ဖို့ရာ ပိုပြီးစိတ်အားထက်သန်စေနိုင်ပါတယ် ။
( ဒါက ကျွန်မ ကိုယ်ပိုင် ကျင့်သုံးတာမို့ မှန်/ မှား မငြင်းလိုပါ😊)

🧑‍💻ကလေးရဲ့ စိတ်ဝင်စားမှုကို အခြေခံပေမယ့် လူကြီးကလည်း ဖတ်သင့်တဲ့ စာအုပ်ကို ရွေးပေးသင့်ပါတယ်။

🦸လူကြီးတွေ ကိုယ်တိုင်လည်း စာဖတ်မှ ကလေးကလည်း စာဖတ်ဖို့ရာ ပျော်မွေ့လာနိုင်မှာပါ။

🕰️နောက်ဆုံးတစ်ခုက တော့
“ နေ့တိုင်း စာဖတ်ရပါမယ် “

📮စာကြည့်တိုက်တွေ ရှိဖို့နဲ့ စာကြည့်တိုက်တွေ ထွန်းကားလည်ပတ်နေဖို့ကလည်း နောင်လာနောက်သားတွေ အတွက် အရေးကြီးတဲ့ နေရာက ပါဝင်ပါတယ်။ လူငယ်တွေ စာပေအသစ်ဖန်တီးရေးသားနိုင်ဖို့ဟာလည်း စာများများ ဖတ်ဖို့ လိုအပ်ပါတယ် ။👈👈

စာရေးသူကို credit ပေးပါတယ်။

14/05/2024

ကလေးကို ဘယ်လိုဆုံးမရမလဲ မေးတဲ့ မိဘတွေအတွက်
မိဘနဲ့ကလေးကြားမှာ အောက်ဖော်ပြပါ မှားယွင်းတဲ့
ဆက်ဆံရေးများရှိလား သတိထားပြုပြင်ကြည့်ပါ။

မိဘနှင့်ကလေး၏ မှားယွင်းသောဆက်ဆံရေး
(Faulty Parent-Child Relationships)

မိဘတိုင်းဟာ မိမိသားသမီးကိုချစ်တယ်၊ ကောင်း
စေချင်တယ်လို့ ယူဆကြပါတယ်။ သို့သော်လည်း
ဘယ်လိုချစ်ရမှန်းမသိတဲ့၊ မချစ်တတ်တဲ့ မိဘများ
လည်းရှိတတ်ပါတယ်။ အဲဒီကလေးတွေအတွက်က
မပြည့်ဝတဲ့ကိုယ်ရည်ကိုယ်သွေးဖွံ့ဖြိုးမှုတွေ၊ မှားယွင်း
တဲ့အကျင့်စရိုက်လက္ခာတွေဖြစ်နိုင်တဲ့အပြင်၊ စိတ်
ကျန်းမာရေးညံ့ဖျင်းပြီး စိတ်ရောဂါတွေလည်းဖြစ်
စေနိုင်ပါတယ်။ ရှေးဦးကလေးဘဝ မိဘနဲ့ကလေးရဲ့
မှားယွင်းတဲ့ ဆက်ဆဲရေးပုံတွေကတော့

1. Rejection
၁။ပစ်ပယ်ထားခြင်း(Rejection)-ဆိုတာကလေးကို ရုပ်
ပိုင်းစိတ်ပိုင်းလိုအပ်ချက်တွေမပေးပဲ လှစ်လျူရှုထား၊
ချစ်ခြင်း၊ မေတ္တာပြဖို့ငြင်းဆန်၊ ကလေးရဲ့အထမြောက်မှု
ကို စိတ်ဝင်စားမှုမပြ၊ ရှေ့နောက် မညီတဲ့ပြစ်ဒဏ်ပေး၊
ကလေးအခွင့်အရေးအပေါ်မလေးစား၊ ကလေးနဲ့အတူ
နေပေးဖို့ပျက်ကွက်စတဲ့အချက်တွေပါပါတယ်။
အဲဒီကလေးတွေ ကြီးလာတဲ့အခါ စိုးရိမ်တတ်၊ စိတ်မလုံ
ခြုံ၊ အတ္တ-အလေးအမြတ်ထားမှုနိမ့်၊ ရန်လို၊ အာရုံစိုက်
ခံလို၊ ဘူးခံ၊ အထီးကျန်ခံစား၊ မနာလိုဝန်တို၊ ကောင်း
ကျိုး-ဆိုးပြစ် သိစိတ် ဖွံ့ဖြိုးမှုနှေးပါတယ်။

2. Overprotection and domination
၂။အကာအကွယ်ပေးလွန်းခြင်းနဲ့လွမ်းမိုးခြင်း- မိဘက
ကလေးလုပ်သမျှ ကာဆီးကာဆီးလုပ်တယ်၊ အန္တရယ်
အသေးလေးကအစ ကလေးကိုဖြေရှင်းခွင့်မပေး၊ ဟို
ဟာမလုပ်ရ ဒီဟာမလုပ်ရကန့်သတ်၊ မိဘကပဲနေရာတ
ကာသူ့အကြိုက်ဖြစ်အောင်လွှမ်းမိုးခြင်းခံရတဲ့ကလေး
မျိုးဖြစ်ပါတယ်။
အဲဒီကလေးမျိုးတွေဟာ လွှမ်းမိုးခံလို၊ မှီခိုစိတ်ကြီး၊
မိမိကိုယ်ကိုအကဲဖြတ်တတ်မှုနည်း၊ ကိုယ်တိုင်စဉ်းစား
အားထုတိမှုမလုပ်တတ်တဲ့ကလေးမျိုးဖြစ်သွားတတ်
ပါတယ်။

3. Perfectionism and unrealistic demand
၃။ကလေးကို ခြောက်ပြစ်ကင်းစေလိုမှုနှင့်လက်တွေ့
မကျသောတောင်းဆိုမှု လုပ်တတ်တဲ့မိဘရဲ့ကလေး
တွေကတော့ မိဘတောင်းဆိုတဲ့အတိုင်းမလုပ်နိုင်ပါက
အပြစ်စွဲခံစား၊ မိမိကိုမိမ်ရှုံ့ချ၊ ကိုယ်တိုင်လုပ်လိုစိတ်ကင်း
ကောင်းကျိုးဆိုးပြစ်ဖွံ့ဖြိုမှုခက်မာ၊ ပြင်းထံတဲ့စိတ်ပဋိ
ပက္ခဖြစ်တဲ့ကလေးတွေဖြစ်လာတတ်ပါတယ်။

4. Overpermissiveness and overindulgence
၄။ အထိန်းအကွပ်နည်းလွန်းတဲ့မိဘနဲ့ အလိုလိုက်လွန်း
တဲ့မိဘတွေရဲ့ကလေးတွေကတော့ တစ်ကိုယ်ကောင်း
ဆန်၊ နားပူနားဆာနိုင်၊ လိုဘမပြည့်ဝမှုကိုသည်းမခံ၊
လူကြီးကိုဆန့်ကျင်ပုန်ကန်၊ ဂရုစိုက်ခံလို၊ တာဝန်ယူ
လိုစိတ်ကင်း၊ မစာနာတတ်၊ အခြာသူများနဲ့ဆက်ဆံရာ
မှာ ခေါင်းပုံဖြတ်တတ်သူတွေအဖြစ်ကြီးပြင်လာတတ်ပါ
တယ်။

5. Harsh, overly severe discipline
၅။စည်းကမ်းတင်းကြပ်တဲ့မိဘတွေရဲ့ကလေးတွေက
တော့ ကြောက်တတ်၊ မိဘကိုမုန်း၊ ကိုယ်တိုင်လုပ်လိုစိတ်
နည်း၊ အခြားသူများကို ဖော်ရွေခင်မင်မှုနည်တတ်တယ်။

6. Lack of discipline
၆။စည်းကမ်းသတ်မှတ်မှုမရှိတဲ့ မိဘတွေရဲ့ကလေး
တွေကတော့ စာနာမှုကင်း၊ ရန်လို၊ အများမကြိုက်တာ
လုပ်တတ်သူတွေဖြစ်လာတတ်ပါတယ်။

7. Inconsistence discipline
၇။စည်းကမ်းရှေ့နောက်မညီတဲ့မိဘရဲ့ကလေးတွေက
တော့ ဘယ်အပြုအမူက မှန်လည်းမခွဲခြားတတ်ဘဲ
ရန်လိုစိတ်မြင့်မားသူတွေဖြစ်လာတတ်ပါတယ်။

8. Inadequate and irrational communication
၈။ မလုံလောက်သော၊ မဆီလျော်သော ဆက်သွယ်
ပြောဆိုတတ်မိဘတွေရဲ့ကလေးကတော့ စိတ်ရှုပ်ထွေး
မှုတွေဖြစ်တတ်၊ ဦးခေါင်းထဲမှာဘာနားလည်လို့၊ ဘာမှတ်
ရမှန်းမသိ၊ မိမိအခန်ကဏ္ဍမိမိနားမလည်၊ ဦးစီးဦးရွက်
မလုပ်တတ်၊ သိမ်ငယ်တတ်တဲ့ကလေးဖြစ်တတ်ပါတယ်။

9. Undesirable models
၉။မိဘကိုယ်၌က မှားယွင်တဲ့စံပြပုံစံဖြစ်ပြန်ရင်လည်း
မှာယွင်တဲ့တန်ဖိုးထားမှုတို့သင်ပေးသလိုဖြစ်၊ လက်တွေ
မကျတဲ့ရည်မှန်းချက်ထား၊ မိဘရဲ့ညှိယူမှုလွဲတဲ့အပြု
အမူတို့ ကလေးတွေမှာရသွားနိုင်တယ်။

မှားယွင်တဲ့မိဘနဲ့ကလေးရဲ့ ဆက်ဆံရေးဟာ ကလေး
အပေါ်ဘယ်လောက်သက်ရောက်နိုင်သလဲဆိုတာက
တော့ ကလေးရဲ့အသက်အရွယ်၊ မိသားစုရဲ့ဘဝအ
ခြေအနေ၊ ဆက်ဆံရေးရဲ့မလိုလားဖွယ်ဒီဂရီစတဲ့အ
ချက်များပေါ်မှာလည်းမူတည်နိုင်ပါတယ်။ တစ်ထပ်
တည်တည်းတူတဲ့ မိသားစုနှစ်စုရဲ့ ဆက်ဆံရေးပုံစံမျိုး
တော့မရှိနိုင်ပါ။ သို့သော် အထက်ကတင်ပြခဲ့တဲ့အချက်
တွေကတော့ စံလွဲအပြုအမူဖြစ်သွားစေနိုင်တဲ့ ကလေး
ရဲ့ပင်ကိုဓာတ်ခံအကြောင်းရင်းတွေအဖြစ် ကလေးမှာ
ပါသွားနိုင်သည်ကိုသတိပြုပါ။ ဒီနေရာမှာ မိဘနဲ့ကလေး
ရဲ့ဆက်ဆံရေးဟာ မိဘကချည်းလွမ်းမိုးသည်မဟုတ်
ကလေးကလည်းမိဘအပေါ်လွှမ်းမိုးနိုင်တယ်ဆိုတဲ့အ
ချက်ကိုလည်း သတိပြုပါ။

ဒေါက်တာမြင့်လွင်(စိတ်ပညာ)

14/05/2024

✨✨ကျွန်တော်တို့ဟာ ကလေးတွေကို အကောင်းဆုံးကျောင်းမှာထားမယ် အကောင်းဆုံးပညာရေးတွေ ပေးကြမယ်ဆိုပေမယ့် ကလေးတွေရဲ့ သင်ကြားရေးမှာ အာရုံစူးစိုက်နိုင်ဖို့နဲ့ အာရုံစူးစိုက်မှု ပိုကောင်းစေဖို့အတွက်လည်းမိဘတွေက ပြင်ဆင်ပြုလုပ်ပေးဖို့✨✨

👉 ဒီအချက် (၅)ချက်လည်း လိုအပ်ပါတယ်ရှင့်...👈

👍(၁) အာရုံစိုက်လေ့ကျင့်ရန် အချိန်ကိုသီးသန့်ဖယ်ထားပါ။

အသက် (၄-၅) နှစ် ကလေးတွေဟာ လုပ်ဆောင်မှုပေါ် မူတည်ပြီး ၅ မိနစ် ကနေ ၂၀ မိနစ်ကြား တစ်နေရာထဲမှာ အာရုံစူးစိုက်နိုင်ပါတယ်။ ဒါကြောင့် သူတို့အတွက် Challenging task နဲ့ ပျော်စရာကောင်းတဲ့ Activity တွေမှာ အချိန်ပိုပေးသင့်ပါတယ်။

👍(၂) တစ်ခုချင်းစီလုပ်ဆောင်ခိုင်းပါ။

လူကြီးတွေမှာတော့ Multitask လုပ်ဆောင်နိုင်မှုအပေါ် ချီးကျူးခံရနိုင်ပေမယ့် ကလေးငယ်တွေမှာတော့ တစ်ချိန်ထဲ အလုပ်တွေအများကြီး လုပ်ဆောင်ခြင်းက
အာရုံစူးစိုက်မှုကို လျော့ကျစေပါတယ်။ အရမ်းငယ်တဲ့ ကလေးငယ်လေးတွေအတွက် အက္ခရာတွေကို အတူတူကြည့်ဆိုတာမျိုးလုပ်နိုင်ပြီး နဲနဲပိုကြီးတဲ့ကလေးတွေအတွက်တော့ သင်ခန်းစာတစ်ခု၊ လုပ်စရာတစ်ခုကို ပြီးအောင်လုပ်စေပြီး တခြားအရာတွေကို ကြိုတင်မကြည့်ထားပဲ တစ်ခုချင်းစီလုပ်ဆောင်ခိုင်းသင့်ပါတယ်။

👍(၃) အိမ်စာလုပ်ချိန်နဲ့အားလပ်ချိန်ခွဲထားပါ။

ကလေးတွေအတွက် Multitask လုပ်ခြင်းက အာရုံစူးစိုက်မှုကို လျော့ကျစေလို့ အိမ်စာလုပ်ချိန်ရောက်ရင် တိတ်တိတ်ဆိတ်ဆိတ် သတ်မှတ်နေရာ၊ စာကြည့်စားပွဲမှာပြီးစီးအောင်လုပ်ခိုင်းပါ။ ဖုန်း၊ ကွန်ပျူတာ သုံးဖို့မလိုအပ်ရင်ပိတ်ထားပြီး လိုအပ်ခဲ့ရင်လည်း အသုံးပြုချိန်ကို ကန့်သတ်အသုံးပြုခိုင်းပါ။ ဆယ်ကျော်သက်ကလေးတွေအတွက် အချိန်ကို ကိုယ်တိုင်စီမံခန့်ခွဲဖို့အတွက် မိဘတွေက self-monitoring software တွေကိုသုံးပြီး Social Media နဲ့ပဲ အချိန်မကုန်အောင် ထိန်းကျောင်းလို့ရပါတယ်။

👍(၄) တစ်ခုချင်းစီလုပ်ဆောင်ခိုင်းပါ။

ကလေးငယ်တွေ အချိန်ကြာ အာရုံစိုက် လုပ်ဆောင်ပြီးတိုင်း ခဏတဖြုတ်ထ၊ လမ်းလျှောက်၊ ကိုယ်လက်လှုပ်ရှားလုပ်၊ ခဏအနားယူ၊ အားပြန်ဖြည့်ပြီးမှ ပြန်ဆက်လုပ်ခိုင်းသင့်ပါတယ်။ ကလေးငယ်တွေ အတွက်ကတော့ မုန့်စား၊ ခဏကစားခိုင်းပြီးမှ သူတို့ရဲ့ အိမ်စာ ကျောင်းစာကို ပြန်လုပ်ခိုင်းမယ်ဆိုရင် မပင်ပန်းပဲ ကျောင်းစာမှာအာရုံစူးစိုက်မှုလည်း ပိုကောင်းစေပါတယ်။

👍(၅) အသက်ရှူလေ့ကျင့်ခန်းလုပ်ခိုင်းပါ။

ဒီအချက်ကတော့ အသက်ရှူလေ့ကျင့်ခန်းက နှလုံးခုန်နှုန်းကိုမှန်စေခြင်း၊ အာရုံစူးစိုက်နိုင်ခြင်း၊ စိတ်ကြည်လင်ခြင်းတို့ကြောင့် စိန်ခေါ်မှုများတဲ့ အလုပ်တွေမှာ ပိုပြီးတည်တည်ငြိမ်ငြိမ်နဲ့ လုပ်ဆောင်နိုင်ပါတယ်။ ဒါကြောင့် အချိန်ကြာကြာနဲ့ စာ‌တွေအများကြီးလုပ်ရမယ့်‌ ကျောင်းသားတွေအတွက် အသက်ရှူလေ့ကျင့်ခန်းလုပ်ဖို့ကိုလည်း မေ့ထားလို့မရပါဘူး။

ဒါတွေကတော့ ကျောင်းသားတိုင်းအတွက် စာသင်ကြား လေ့လာချိန်မှာ ပိုပြီးအာရုံစိုက်နိုင်ဖို့ နည်းလမ်းကောင်းတွေကို မျှဝေပေးလိုက်ပါ........

မိဘ အုပ်ထိန်းသူတွေကလည်း ကလေးအတွက် အကျိုးရှိမယ်ဆိုရင် ဒီပို့စ်ကို Share သွားနိုင်ပါတယ်ရှင့်။

မူရင်းစာရေးသူ credit ပေးပါတယ်ရှင့်။

12/05/2024

🥰🥰Happy Mother's Day 🥰🥰

12/05/2024

🥰🥰🥰Positive Descipline in a family.🥰🥰🥰

🌟🌟မိသားစုအတွင်းလိုက်နာရန်စည်းကမ်းသတ်မှတ်ချက်များ🌟🌟

❤️၁။ အပြန်အလှန်လေးစားချစ်ခင်တန်ဖိုးထားပါ။ လူတိုင်းကိုတန်ဖိုးထားလေးစားစွာဆက်ဆံပါ။ မေမေ၊ဖေဖေ၊ အစ်ကိုအစ်မမျာနှင့်ဆရာတွေပြောတာကို ကောင်းစွာနားထောင်ပါ။ အဲဒီလိုပြောတဲ့အခါ ပြန်မငြင်းနေပါနဲ့။ ပြန် အော်တာမျိုးမလုပ်ပါနဲ့။ တစ်ခုခုကို လိုချင်တဲ့အခါ ကောင်းမွန်စွာတောင်းခံပါ။ ကျေးဇူးပြုလို့။ ကျေးဇူးတင်ပါ တယ်။ အခုလိုဖြစ်သွားတာဝမ်းနည်းပါတယ်။ ဆရာကိုကြိုဆိုပါတယ် စတဲ့စကားမျိုးတွေကိုပြောပါ။

❤️၂။ ကြင်ကြင်နာနာဆက်ဆံပါ။ မိမိခံစားချက်တွေကိုသိနားလည်သလိုအခြားလူတွေရဲ့ခံစားချက်များကိုလည်းနား လည် အောင် ပြုလုပ်ပါ။ တစ်ယောက်နှင့်တစ်ယောက်စကားပြောတဲ့အခါကြင်နာတဲ့စကားတွေကိုသုံးပါ။ တစ် ယောက်နှင့်တစ်ယောက်ကြင်ကြင်နာနာ ကူညီလုပ်ဆောင်ပေးကြပါ။ အခြားသူတွေနှင့်ဆက်ဆံလုပ်ကိုင်တဲ့ အခါ မှာ ငြင်သာပါ၊ တစ်ယောက်နဲ့တစ်ယောက် ထိုးခြင်း၊ ကန်ခြင်း၊ ရိုက်ခြင်း၊ တွန်းခြင်းများမပြုလုပ်ပါနှင့်။ မိမိအပေါ် မှာမိမိကြင်နာ သလို အခြားလူတွေအပေါ်မှာလည်းကြင်နာပါ။ သင်ဟာ ကြင်နာတတ်သူတစ်ယောက်ဖြစ်ပါ။

❤️၃။ ရိုးသားဖြောင့်မတ်မှန်ကန်ပါ။ အစဥ်သဖြင့် အမှန်ကိုသာပြောပါ။ စိတ်ထဲမှာအမှန်ပြောချင်တာကို မှန်ကန်စွာ ပြောပါ။ မိမိပြောထားတဲ့စကား၊ ပေးထားတဲ့ကတိကိုတည်ပါ။

❤️၄။ တာဝန်သိတတ်ပါ။ တာဝန်ခံပါ။ တာဝန်ယူပါ။ မိမိလုပ်ခဲ့တာတွေအတွက် ဖြစ်လာတဲ့နောက်ဆက်တွဲ အကျိုး ဆက်များကို တာဝန်ယူပါ။ မတော်တဆမိမိကြောင့် တစ်ယောက်ယောက်ထိခိုက်နာကျင်သွားရင် တောင်းပန်ပါ။ အ‌ခြေအနေကို ပိုကောင်းလာအောင် ကူညီပေးပါ။ မိမိကြောင့် အမှိုက်တွေရှုပ်ပွကုန်တယ်ဆိုရင် ပြန်လည်သန့် ရှင်း အောင် တာဝန်ယူပြုလုပ်ပါ။ ကျန်းမားရေးနှင့် ညီညွတ်တဲ့ရွေးချယ်လုပ်ဆောင်မှုများဖြင့် မိမိကိုယ်ခန္ဓာကို တစ်ကိုယ်ရည်သန့်ရှင်းအောင်ဂရုတစိုက်ပြုပြင်စောင့်ရှောက်ပါ။

❤️၅။ ကျေးဇူးတရားသိတတ်ပါ။ မိမိမှာရှိနေတာတွေအားလုံးအတွက် ကျေးဇူးတရားကိုသိတတ်ပါ။ မိမိမှာရှိထား တာတွေအားလုံးကိုလေးစားတန်ဖိုးထားပြီး ကိုင်တွယ်အသုံးပြုပါ။ ကစားစရာအရုပ်လေးတွေကို ကောင်းစွာ ကိုင်တွယ်ကစားပါ။

မိတ်ဆွေများ ဖော်ပြပါစည်းကမ်းတန်ဖိုးထားမှုများကိုမိမိတို့မိသားစုထဲမှာ ကျင့် သုံးခြင်းဖြင့် သာသာတဲ့ မိသားစုများဖြစ်လာကြပါစေ။
မေတ္တာဖြင့်
‌ဒေါက်တာသိန်းလွင်

စာရေးသူကို credit ပေးပါတယ်။

Htet

11/08/2024

09/08/2024

09/08/2024

25/05/2024

18/05/2024

18/05/2024

14/05/2024

14/05/2024

12/05/2024

12/05/2024

Address

Opening Hours

Telephone

Website

Alerts

Shortcuts

Share

Category

Listing takedown request

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00