M.C.E - Mandalay Center of Excellence

M.C.E - Mandalay Center of Excellence Striving for Excellence..... Aim High, Reach for your dreams and Soar!!!!

Our Vision... To motivate students to strive for academic excellence while teaching them life skills and values that will prepare them to be successful individual in the future

UNICEF ရဲ့ လမ်းညွှန် လက်ကမ်းစာစောင်လေးကို ပြန်လည်ဝေမျှပေးလိုက်ပါတယ်ရှင့်။ကလေးလေးတွေအားလုံး စိတ်သောကတွေကင်းဝေးပြီး ပျော်ရ...
07/04/2025

UNICEF ရဲ့ လမ်းညွှန် လက်ကမ်းစာစောင်လေးကို ပြန်လည်ဝေမျှပေးလိုက်ပါတယ်ရှင့်။

ကလေးလေးတွေအားလုံး စိတ်သောကတွေကင်းဝေးပြီး ပျော်ရွှင်စရာကောင်းတဲ့ ငယ်ရွယ်တဲ့အချိန်လေးတွေ ကုန်ဆုံးခွင့်ရအောင်ကြိုးစားကြရအောင်နော်ဖေဖေ‌၊မေမေတို့ရေ

သားသားက၃နှစ်ပဲရှိသေးတာ လူကြီးလေးအတိုင်းပဲ ကော်ဖီပဲသောက်တာဟုတ်တယ်..အိမ်ကသမီးကလည်း ထမင်းကျွေးလို့မရဘူး မာလာရှမ်းကောမှမာလာရ...
06/12/2024

သားသားက၃နှစ်ပဲရှိသေးတာ လူကြီးလေးအတိုင်းပဲ ကော်ဖီပဲသောက်တာ
ဟုတ်တယ်..အိမ်ကသမီးကလည်း ထမင်းကျွေးလို့မရဘူး မာလာရှမ်းကောမှမာလာရှမ်းကောပဲ

◾ကလေးသူငယ်များနှင့်အစားအစာ

ကလေးငယ်ငယ်လေးတွေ ကော်ဖီသောက်တယ်၊ အပူအစပ်အရသာပြင်းတဲ့ အစားတွေစားတယ်
တချို့ဆို Energy Drink နေ့တိုင်း မသောက်ရရင် အော်ဟစ်သောင်းကြမ်း ကြတယ်လေ
လမ်းမှာ အချိုရည်ဘူးကိုင်ပြီး လျှောက်သွားနေတဲ့ ကလေးလေး တွေလည်း မြင်ရတာ မဆန်းတော့ပါဘူး။

ကလေးလေးတွေ
- Coffee သောက်တတ်တာ
- Energy drink သောက်တတ်တာ
- အရသာပြင်းတဲ့ အစာတွေပဲ စားတော့ တာဟာ ဂုဏ်ယူစရာမဟုတ်ပါဘူး 😰😰😰

ကျမတို့ရဲ့ လျှာမှာ အရသာကို သိရှိခံစားဖို့ Taste buds ခေါ်တဲ့ အရသာခံတဲ့အဖုလေးတွေရှိပါတယ်။
အဲ့ဒါလေးတွေကြောင့် ချို ချဉ် ငန် ဖန်/ခါး စပ် အစရှိတဲ့ အရသာတွေကို ခွဲခြားသိရှိခံစားလို့ရတာပါ။

ကလေးတွေ အချိုကြိုက်တယ်ဆိုတာ အချိုကိုသိရှိခံစားနိုင်တဲ့ Taste Buds လေးတွေ လူကြီးတွေထက် အများကြီးပါလို့ပါ။
အားလုံးသိကြတဲ့ အတိုင်း အချိုဓာတ်ဟာ လူကို
- စိတ်ချမ်းသာစေတယ်
- စိတ်ဖိစီးမှုလျှော့နည်းစေတယ်
- အာရုံစူးစိုက်မှု ပိုကောင်းစေတယ်လေ

အချိုဓာတ်လျော့နည်းနေရင် လူကနေမကောင်းဘူး၊ နုံးနေတယ်၊ စိတ်မပျော်ဘူး၊ စိတ်တိုတယ်လေ (အနီးနားမှာ Diet လုပ်နေတဲ့သူတွေ ကြည့်ပါလား အလကားနေရင်း စိတ်တိုနေကြတယ်မလား 😅)

အပေါ်က အချက်တွေကြောင့် ကလေးတွေဟာ လူကြီးတွေထက် အချိုကြိုက်ကြတာပါ။
နောက်ထပ် သူတို့က ခါးတာကို လုံးဝ မကြိုက်ကြတဲ့ အတွက် ခါးတဲ့အစာတွေ (မချိုတဲ့ အစာ > ဟင်းသီးဟင်းရွက်တွေကို) မကြိုက်ကြတာပါ။

အပေါ်မှာပြောခဲ့တာက ကလေးတွေဘာလို့ အချိုကြိုက်ပြီး အခါးကြောက်ရလဲ ဆိုတာပါ။

ကလေးလေးတွေ မွေးစ မှာ မိခင်နို့ပဲ သောက်ကြပါတယ်။ နို့ဘူးပါရောတိုက်တဲ့ကလေးတွေကြတော့
မိခင်နို့ထက်ပိုချိုတဲ့ နို့ဘူးကိုပိုပြီး ကြိုက်သွားတတ်ကြပါတယ်။
နို့ဘူးကိုပိုကြိုက်သွားတဲ့ နောက်တစ်ချက်က အားမစိုက်ရတာပါ နို့ဘူးမှာအပေါက်ပါတော့ နို့ရည်တွေက ပါးစပ်ထဲဝေါခနဲ ဝင်ပါတယ် (မိခင်နို့ကြတော့ စို့ရတာကိုး)

အဲ့ဒီကနေ ကြီးလာတဲ့အခါ ဘာအရသာမှမရှိတဲ့ အာဟာရအမှုန့်တွေရေဖျော်ကျွေးကြတယ်လေ
အစပိုင်းတော့ စားကြတာပဲမလား 😅 (အာဟာရပြည့်ပေမယ့် အရသာသိပ်မရှိတာတွေလေ)

နောက်တစ်နှစ်ဝန်းကျင်ရောက်လာတဲ့ အခါ ထမင်းစကျွေးပါတယ်။
အဲ့ဒီအချိန်ဟာ အရေးကြီးပါတယ်
တစ်သက်လုံးစားသွားရမယ့် ကျွန်တော်တို့ရဲ့ ရိုးရာစားစရာ (ထမင်း နဲ့ ဟင်း) ကို သေသေချာချာ ကျွေးရမှာပါ။

အရှေ့တိုင်းသားတွေက ထမင်းနဲ့ဟင်း စားကြပြီး
အနောက်တိုင်းသားတွေက ပေါင်မုန့် နို့ နဲ့ အသား အဓိက စားကြတာဟာ အဲ့ဒီ တစ်နှစ်ဝန်းကျင်မှာ ဂရုတစိုက်နဲ့ ကျွေးပေးခဲ့ကြလို့ပါ။

ကျမတို့ နိုင်ငံမှာတော့ ကလေးကို ထမင်း ဟင်း ကျွေးရမယ့် အချိန်မှာ ပေါင်မုန့်လည်း ကျွေးတာပဲ ကော်ဖီလည်း တိုက်လိုက်တာပဲ အချိုရည်လည်းတိုက်လိုက်တာပဲ

အဲ့ဒါလုံးဝ မကောင်းပါဘူး

"ကလေးကတောင်းတာကိုး" ကလေးကတော့ လူကြီးဘာစားစား လိုက်တောင်းစားမှာပါပဲ သူက အကုန်လုံးကို အရသာခံကြည့်ချင်နေတာကိုး

ကလေးရဲ့ နုနယ်တဲ့ အရသာခံဖုလေးတွေဟာ အရသာပြင်းတဲ့ အရည် အစားအစာတွေ စားပြီးသောက်ပြီးတဲ့ အခါမှာ သာမန် ထမင်းဟင်းကို ခံတွင်းမတွေ့တော့ပါဘူး

ဒီ အကောင်လေးက ထမင်းတော့ မစားဘူး ဒီအရည်တွေပဲသောက်နေတာပဲ ဆိုပြီး ကလေးကို ဆူပူဆဲဆိုသံ ကြားရရင် အဲ့ဒီလူကြီးတွေကပဲ ကလေးကိုဖျက်ဆီးလိုက်ကြတာပါ။

အချိုကြိုက်တဲ့ ကလေးတွေကို အချိုရည်တွေတိုက်လိုက်တဲ့ အခါ ဗိုက်မဆာတော့ပါဘူး ၊ ဒါပေမယ့် ဆာတဲ့အခါမှာလည်း အချိုရည်ပဲတောင်းသောက်တော့တာပါ
👉 အချိုတွေကို ကလေးတောင်းသလောက်မတိုက် မကျွေးတဲ့အခါ ကလေးဟာပိန်ညှောင်လေး ဖြစ်နေရတာပေါ့
👉 အချိုတွေကို ကလေးတောင်းသလောက်လိုက်ကျွေးကြတော့ ငယ်ငယ်ရွယ်ရွယ် နဲ့ အဝလွန်တဲ့ကလေးလေးဖြစ်ရာကနေ ဆီးချို၊ သွေးတိုးရောဂါ စောစီးစွာခံစားရစေပါတယ်။

သူများကလေးတွေ တောင့်တောင့်တင်းတင်းကျန်းကျန်းမာမာ ရှိပြီး ပြေးလွှားဆော့ကစားနေတဲ့အချိန် ၊ ကိုယ်ကလေးက ပိန်ညှောင်ညှောင်သွားကျိုးလေးနဲ့ အအေးဗူးလက်ထဲကမချတဲ့ တရားခံဟာ မိမိကိုယ်တိုင်ပါ (အဲ့ဒီအချိန်ရောက်မှ ကလေးကိုရိုက်နှက်ပြီး ပြုပြင်မယ်ဆိုတာ မလွယ်တော့ပါဘူး)

နောက်တစ်ခုက Coffee ပါ

Coffee မှာပါတဲ့ Caffine ဓာတ်ဟာ

ဦးနှောက်ကိုလန်းနေအောင်လုပ်ပါတယ်၊ နှလုံးခုန်မြန်စေပါတယ်၊ ဆီးသွားများစေပါတယ်
👉 ကလေးတွေကို Coffee တိုက်ခြင်းဖြင့်

- ကလေးတွေ ဂနာမငြိမ်၊ ထိန်းမရတာ
- ညတွေကောင်းကောင်း အိပ်မပျော်တာ
- နှလုံးခုန်စည်းချက်မမှန်တာ ရင်တုန်တာတွေဖြစ်စေပါတယ်
- သွေးပေါင်တက်စေပါတယ်
- ဆီးသွားများတဲ့အတွက် ရေလုံလောက်အောင်ပြန်မသောက်ရင် ရေဓာတ်ခမ်းခြောက်မှုဖြစ်စေပါတယ်
- ကော်ဖီအရသာပြင်းပြင်း ကြိုက်သွားတဲ့အခါ တခြားအစာ ကျွေးမရတော့ပြန်ပါဘူး

တချို့နိုင်ငံတွေမှာ ၁၂ နှစ်အောက် Coffee မတိုက်ရဆိုတာရှိဖူးသလို၊ တစ်နေ့ ဘယ်လောက်ပဲ သောက်ရမယ်ဆိုတာတွေရှိပါတယ်။
ကျမတို့ မြန်မာလူမျိုးတွေအတွက်ကတော့ သုတေသန မရှိသလို သတိပေးတားမြစ်ချက်တွေ မရှိပါဘူး။
လူကြီး မိဘတွေက စာတွေများများဖတ်ပြီး မိမိတို့သားသမီး မြေးငယ်လေးတွေ
👉 ခန္ဓာကိုယ်ဖွံ့ဖြိုး ဉာဏ်ရည်တိုးဖို့ ကြိုးစားပေးသင့်ကြောင်းပါရှင့်

ဖေဖေ၊မေမေတို့ရေ...သင့်ကလေးကို ထူးချွန်ထက်မြက်တဲ့ လူတော်လူကောင်းတစ်ယောက်ဖြစ်လာစေချင်ရင် ဒါတွေသင်ပေးပါ..✨" လက်ဦးဆရာ မည်ထိ...
27/08/2024

ဖေဖေ၊မေမေတို့ရေ...သင့်ကလေးကို ထူးချွန်ထက်မြက်တဲ့ လူတော်လူကောင်းတစ်ယောက်ဖြစ်လာစေချင်ရင် ဒါတွေသင်ပေးပါ..✨

" လက်ဦးဆရာ မည်ထိုက်စွာ
ဗုဗ္ဗာစရိယ မိနဲ့ဖ " ဆိုတဲ့ ဆိုရိုးအတိုင်းပါပဲ..
ကလေးတွေရဲ့ ဉာဏ်ရည်ဉာဏ်သွေးအပြင် စိတ်ဓာတ်ပိုင်းဆိုင်ရာ အတွေးအခေါ်တွေမှာ မိဘများရဲ့သင်ပြလမ်းညွှန်မှုက အဓိကကျပါတယ်..

ငယ်စဥ်မှာ မိဘက အစစအရာရာ လိုက်လုပ်ပေးလို့ရပေမယ့်... ကလေးတွေရဲ့ ဘဝတစ်လျှောက်လုံးကိုတော့ လိုက်ပြီးဝင်ပါနေလို့ မရပါဘူး..

ဒါကြောင့် သင့်ကလေး ကိုယ်တိုင် မိဘအကူအညီမပါဘဲ Self Confidence (မိမိကိုယ်ကို ယုံကြည်မှု) ရှိရှိနဲ့ ကြုံလာသမျှ အခက်အခဲတွေ ရင်ဆိုင်ကျော်ဖြတ်နိုင်ဖို့ အကျင့်ကောင်းတွေကို ငယ်စဥ်တည်းက သင်ကြားပေးထားပါ..💯

ဖယောင်းပမာ ကလေးငယ်တွေရဲ့ နှလုံးသားနဲ့ အသိဉာဏ်ဟာ လိုသလိုပုံသွင်းယူလို့ ရပါတယ်...

ကဲ...ဒါဆိုရင်တော့ သင့်ကလေးကို ဘာတွေ
သင်ပေးသင့်လဲ ဆိုတာကို အတူတူ လေ့လာကြည့်ရအောင်...?

🔰 (1) စိတ်ဓာတ် ခိုင်မာအောင် သင်ပေးပါ.. 🔰

ဥပမာ - ကလေးတွေ ပြေးလွှားဆော့ကစားရင်း ချော်လဲတာမျိုး ဖြစ်တဲ့အခါ...ဘာဒဏ်ရာမှ မရတာ တွေ့နေရင်တောင်မှ.. မိဘတွေက စိတ်ပူပြီး ဆူတတ်ပါတယ်...

အဲ့ဒီအခါမှာ ကလေးက.. အဆူလဲခံရ ၊ နာလည်း နာတော့ ငိုနေတာမျိုး ဖြစ်တတ်ပါတယ် ။ နောက်တော့ အကျင့်ပါပြီး ချော်လဲလိုက်တာနဲ့ နေရာမရွေး ထိုင်ငိုနေပြန်ပါရော..

ဒါ့ကြောင့် ကလေးကို ဆူနေမယ့်အစား...သူ ချော်လဲတာကို ( ဒဏ်ရာမရရင် )မသိချင်ယောင်ဆောင်နေလိုက်ပါ ။
ဒဏ်ရာရသွားရင်လည်း မဆူပူဘဲ..ဆေးလိမ်းစရာရှိတာလိမ်းပေး ၊ နောက်တစ်ခါ ဒီလိုမဆော့နဲ့နော် လို့ ချော့ပြီးပြောပါ...။

တဖြည်းဖြည်းနဲ့..သင့်ကလေးက ချော်လဲရင်လည်း
မငိုတော့တာ တွေ့ရပါလိမ့်မယ် ။ လဲကျရင်လည်း သူ့အားကိုယ်ကိုးပြီး ပြန်ထပါလိမ့်မယ် ။

ဒါဟာ လဲကျရင်ပြန်ထလို့ရတယ်ဆိုတဲ့ စိတ်ဓာတ်ခိုင်မာမှုကို သင်ပြပေးလိုက်တာပါပဲ...။

အခက်အခဲကြုံတဲ့အခါမျိုးမှာ သင့်ကလေးဟာ..
ကိုယ့်အားကိုယ်ကိုးပြီး ဖြေရှင်းတတ်လာပါလိမ့်မယ်.။

🔰 (2) လူအများနဲ့ ပေါင်းသင်းတတ်ပါစေ..🔰

သင့်ကလေးကို တစ်ယောက်တည်း မနေခိုင်းဘဲ.. အခြားကလေးတွေနဲ့လည်း ပေးဆော့ပါ။ Teamwork နဲ့အလုပ်လုပ်တတ်အောင် ၊ အခြားသူများနဲ့ ခင်မင်ရင်းနှီးစွာနေထိုင်တတ်အောင် သင်ကြားပေးပါ...။ လူအများရှေ့မှာ နေထိုင်ရဲအောင် သင်ပြပေးပါ ။

🔰 (3) စိတ်ရှည်တတ်အောင် သင်ပြပေးပါ..🔰

စိတ်ရှည်တတ်ဖို့ သင်ရတာက ခက်ပါတယ်..
ဘဝမှာ စိတ်ရှည်စွာ စောင့်ဆိုင်းရမယ့် အရာတွေ အများကြီးရှိပါတယ် ၊ သင့်ကလေးဟာ ဒေါသကြီးတဲ့သူ၊ စိတ်တိုလွယ်တဲ့သူ မဖြစ်စေဖို့
အသေးအဖွဲလေးတွေကစပြီး စိတ်ရှည်တတ်အောင် သင်ပေးပါ..

ဥပမာ - သူလိုချင်တဲ့အရုပ်ကို ချက်ချင်း မဝယ်ပေးလိုက်ဘဲ.. နေဦးနော်၊ ဘယ်နေ့ကျဝယ်ပေးမယ်ဆိုပြီးစောင့်ခိုင်းတာမျိုး လုပ်ပါ..
ဒါပေမဲ့ တစ်ခုသတိထားရမှာက စောင့်ခိုင်းနေတဲ့ အချိန်အတွင်းမှာ သူစိတ်အပြောင်းအလဲဖြစ်ဖို့ လုပ်ပေးပါ..
ဥပမာ - မနက်ဖြန်ကျ လိုချင်တဲ့အရုပ်ဝယ်ပေးမယ် ၊ အခုတော့ ဒီအရုပ်လေးနဲ့ဆော့နော်..ဆိုတာမျိုး

🔰 (4) ချီးကျူးပါ ၊ ဆုချပါ..🔰

- ချီးကျူးခံရတဲ့ ကလေးက ပိုတော်ပါတယ်..
လိမ်မာတယ် ၊ တော်တယ်ဆိုတဲ့ စကားတွေကို သာယာသွားတဲ့အခါ.. လိမ်မာပြီးရင်း လိမ်မာအောင်နေတယ်၊ တော်ပြီးရင်း တော်အောင်နေတတ်ကြပါတယ်..

- ဒါကြောင့် အခြားသူတွေနဲ့ ယှဥ်ပြီး ဆူမယ့်အစား..
သူလုပ်တဲ့ သေးသေးဖွဲဖွဲ ကောင်းတဲ့ကိစ္စလေးတွေကအစ ချီးကျူးပေးပါ..၊ သူ့ကြိုးစားမှုတွေကို အသိအမှတ်ပြုတဲ့အနေနဲ့ ဆုချပါ..

ဥပမာ - သူဆွဲထားတဲ့ ပုံလေးလာပြရင်...တော်လိုက်တာ လှလိုက်တာ ဆိုတာမျိုး ပြောပေးပါ..
သူ့အတွက် အရုပ်လေးဝယ်လာပေးတဲ့အခါ ..သားလေးက လိမ်မာလို့ ဝယ်ပေးတာနော်..ဆိုတာမျိုး ပြောပါ

သူတို့ကိုယ်သူတို့ ကောင်းတဲ့အမြင်လေးတွေနဲ့ Self - confidence ရှိအောင် သင်ပေးပါ..

🔰 (5) အခြားသူတွေကို လေးစားတတ်ပါစေ..🔰

- ကလေးရဲ့ လက်ဦးဆရာဟာ မိဘဖြစ်တာမလို့..
သင်ကိုယ်တိုင်က အခြားသူတွေကို လေးစားတတ်ဖို့ လိုပါတယ် ..

သင့်ကလေးရဲ့ ရှေ့မှာ..ခွဲခြားဆက်ဆံတဲ့ ပုံစံမျိုး မပြမိပါစေနဲ့...
ဥပမာ - ပင်ပင်ပန်းပန်းအလုပ်လုပ်နေရတဲ့ သူတွေ တွေ့တဲ့အခါ.. " သား..စာမတတ်ရင် အဲ့လိုအလုပ်ကြမ်းလုပ်ရမယ် " လို့ မသင်ပြပါနဲ့

" သား..စာ တတ်ရင် သူတို့တွေရဲ့ဘဝကို ပိုကောင်းအောင် ကူညီပေးနိုင်လိမ့်မယ် " လို့ သင်ပြပေးပါ..

🔰 (6) နောက်ဆုံး တစ်ချက်ကတော့ စာဖတ်တဲ့အကျင့်ကို သင်ပြပေးပါ..🔰

- ကောင်းမွန်တဲ့ စာအုပ်တွေ ဖတ်ရှုစေခြင်းဟာ သင့်ကလေးအတွက် ဦးနှောက်အာဟာရ၊ နှလုံးသား အာဟာရ ဖြစ်စေပါတယ်..

- ဒါ့ကြောင့် စာဖတ်တတ်တဲ့ အကျင့်ကိုလည်း သင်ပြပေးဖို့ မမေ့ပါနဲ့..

အထက်ပါအချက်တွေကတော့ သင့်ကလေးကို
သင်ပြပေးသင့်တဲ့ အချက်တွေပဲ ဖြစ်ပါတယ်..

ဒီအချက်တွေကိုသာ.. သင့်ကလေးရဲ့ စိတ်ထဲ ထည့်သွင်းပေးနိုင်ခဲ့ရင်.. ကလေးဟာ လူတော်လူကောင်းတစ်ယောက်ဖြစ်လာနိုင်မှာဖြစ်ပါတာ်။

မိဘတွေ 𝐒𝐜𝐫𝐞𝐞𝐧 𝐓𝐢𝐦𝐞 (𝐏𝐡𝐨𝐧𝐞)အသုံးမပြုသင့်တဲ့အချိန်ကလေးတွေကို 𝐒𝐜𝐫𝐞𝐞𝐧 𝐓𝐢𝐦𝐞 ကန့်သတ်ထားဖို့လိုသလို မိဘတွေကိုယ်တိုင်ကလည်း 𝐒𝐜𝐫𝐞𝐞...
09/04/2024

မိဘတွေ 𝐒𝐜𝐫𝐞𝐞𝐧 𝐓𝐢𝐦𝐞 (𝐏𝐡𝐨𝐧𝐞)အသုံးမပြုသင့်တဲ့အချိန်

ကလေးတွေကို 𝐒𝐜𝐫𝐞𝐞𝐧 𝐓𝐢𝐦𝐞 ကန့်သတ်ထားဖို့လိုသလို မိဘတွေကိုယ်တိုင်ကလည်း 𝐒𝐜𝐫𝐞𝐞𝐧 𝐓𝐢𝐦𝐞 မသုံးသင့်တဲ့ အချိန်ရှိပါတယ်။ကလေးကိုကျတော့ ဘယ်ချိန်ပဲဖုန်းကြည့်ရမယ် ဘယ်အချိန်ဆိုမကြည့်ရဘူးလို့ စည်းကမ်းချက်တွေထုတ်ထားပြီး ကိုယ်တိုင်ကျတော့ တစ်ချိန်လုံး 𝐒𝐜𝐫𝐞𝐞𝐧 𝐓𝐢𝐦𝐞 (𝐏𝐡𝐨𝐧𝐞) အသုံးပြုနေတာမျိုး မဖြစ်သင့်ပါဘူး။အထူးသဖြင့် ကလေးနှင့်အတူတူရှိနေတဲ့အချိန် ဘယ်လိုအချိန်တွေမှာမိဘတွေ 𝐒𝐜𝐫𝐞𝐞𝐧 𝐓𝐢𝐦𝐞 (𝐏𝐡𝐨𝐧𝐞)မသုံးသင့်လဲမျှဝေပေးပါ့မယ်

30/11/2023

ဖေဖေ‌၊‌မေမေတို့ရေ The very first 5 years
ကလေးတွေရဲ့ ပထမ ၅ နှစ်တာ ကာလဟာ ဒီ video ထဲမှာပြောထားသလို အရမ်းကို အရေးကြီးပါတယ်နော် ။
ဒါ့ကြောင့် အလုပ်များကြတဲ့ ဖေဖေ၊မေမေတို့လည်း သားသားမီးမီးလေးတွေကို အတတ်နိုင်ဆုံးအချိန်ပေးကြရ‌အောင်ပါနော်။
အိမ်မှာ မိဘရဲ့ အချိန်ပေးခြင်းခံရတဲ့သားသားမီးမီးများနဲ့၊ ဖေဖေမေမေတို့က အလုပ်အရမ်းများလို့ အချိန်မပေးခံရတဲ့ သားသားမီးမီးတို့က အဘက်ဘက်ကနေကွာဟမှုလေးတွေရှိလာတာ ကျောင်းမှာ Teacherများကမျက်မြင်တွေ့နေကြရလို့ပါ။ ကျေးဇူးပြု၍ Videoလေးကိုအဆုံးထိကြည့်ပေးကြပါနော်။

"ကလေးတွေကို ဘာကြောင့် အချိုရည်မတိုက်သင့်သလဲ" ကျမတို့ ပတ်ဝန်းကျင်မှာ gas/ဆိုဒါပါတဲ့ ready made အချိုရည်ဘူးတွေ အလ...
13/05/2023

"ကလေးတွေကို ဘာကြောင့် အချိုရည်မတိုက်သင့်သလဲ"
ကျမတို့ ပတ်ဝန်းကျင်မှာ gas/ဆိုဒါပါတဲ့ ready made အချိုရည်ဘူးတွေ အလွယ်တကူ ဝယ်လို့ရနေတာကြောင့် ကလေးတွေ သောက်ဖို့ အခွင့်အရေးပေးသလိုဖြစ်နေပါတယ်။ ခုခေတ်ကလေးတွေကတော့ အချိုရည်ဘူးတွေကို စောစီးစွာ သောက်ခွင့်ရနေကြပါတယ်။အိမ်မှမိဘတွေ/အကို/အမတွေက စွဲလန်းစွာသောက်နေကြလို့ပါပဲ။
ဆရာဝန်တွေက gas/ဆိုဒါပါတဲ့ အအေးဘူးတွေကို အသက်ငါးနှစ်အောက်ကလေးတွေ မတိုက်သင့်သေးဘူးလို့ အကြံပြုထားပါတယ်။ဘာဖြစ်လို့လည်း ဆိုတော့အဲဒီ အချိုရည်တွေမှာ ဘေဘီလေးတွေအတွက် ဘာအာဟာရတန်ဖိုး မရှိတဲ့အပြင် ဘေဘီလေးတွေရဲ့ ရေရှည်ကျန်း
မာရေးအတွက် ဆိုးကျိုးတွေပဲ ဖြစ်စေလို့ပါပဲ။ဘေဘီလေးတွေအနေနဲ့ အချိုရည်ကို စောစီးစွာသောက်ဖြစ်နေတယ်ဆိုရင်
(၁)အချိုဓာတ်လွန်ကဲလို့ အဝလွန်နိုင်ပြီ ဆီးချိုရောဂါဖြစ်လာနိုင်ပါတယ်။
(၂)ကယ်လ်စီယမ်စုပ်ယူမှုကို ဟန့်တားနေတဲ့အတွက် အရိုးပျော့လာနိုင်ပြီး အရိုးအဆစ်နာကျင်မှုဖြစ်လာနိုင်ပါတယ်။
(၃)သွားရေစီးကမ်းပြိုလာနိုင်ပါတယ်။
(၄)နှလုံးရောဂါဖြစ်စေနိုင်ပါတယ်။
(၅)ရေဓာတ်ခမ်းပြီး ဝမ်းချုပ်နိုင်ပါတယ်။
(၆)စိတ်တိုလွယ်တာ/ဒေါသကြီးတာ/ဂျီကျတာစတဲ့အပြုအမူပိုင်းဆိုင်ရာ ပြဿနာဖြစ်လာနိုင်ပါတယ်။
(၇)ခံတွင်းပျက်ပြီး အစာကျွေးရခက်တတ်ပါတယ်။
ဒါကြောင့် ဘေဘီလေးတွေကို အချိုရည်လုံးဝမတိုက်တာဟာ သူတို့အတွက် အကောင်းဆုံးပါပဲ။အဲလိုဖြစ်နေဖို့မိဘတွေကိုယ်တိုင်ကလည်း လုံးဝမသောက်ဖို့/အိမ်ထဲသယ်မလာဖို့ လိုပါတယ်။ကျွန်မတို့ မိဘတွေဟာလည်း အသက်လေးဆယ်ကျော်လာရင် သွေးတိုး/ဆီးချိုစတဲ့
ရောဂါတွေ ဖြစ်နိုင်ဖို့ ရာနှုန်းများလာပါတယ်။ဒါကြောင့်လာမဲ့ ဆယ်နှစ်/အနှစ်နှစ်ဆယ်မှာ အဲဒီရောဂါတွေ မဖြစ်ဖို့ဆိုရင် ဘေဘီလေးအရွယ်/မူကြိုအရွယ်ကတည်းက သတိထားဆင်ခြင်ပေးဖို့ လိုအပ်ပါတယ်ရှင်။
(Ref:https/www.healthykid.com)

ကလေးလေးတွေကို ဆံပင်ဆေးဆိုးပေးလို့ ရပါသလား …တကယ်တော့ ကလေးတွေရဲ့ ဦးရေပြားက လူကြီးတစ်ယောက်ရဲ့ ဦးရေပြားထက်ကို ပိုပြီးတော့ နူ...
18/03/2023

ကလေးလေးတွေကို ဆံပင်ဆေးဆိုးပေးလို့ ရပါသလား …

တကယ်တော့ ကလေးတွေရဲ့ ဦးရေပြားက လူကြီးတစ်ယောက်ရဲ့ ဦးရေပြားထက်ကို ပိုပြီးတော့ နူးညံပါတယ်။ ဦးရေပြားဆိုတာကလည်း ခန္ဓာကိုယ်အနှံ့မှာရှိတဲ့ အရေပြားနှင့် တည်ဆောက်ပုံချင်း မကွာလှတဲ့ အစိတ်အပိုင်းတစ်ခုပါ။

အရေပြားဆိုတဲ့ လုပ်ဆောင်ချက်တွေမှာမှ ဦးရေပြားမှာကျ ဆံပင်သန်ဖို့၊ မွှေးညှင်းပေါက်လေးတွေ ကျန်းမာနေဖို့ပါ လိုအပ်တဲ့အပြင် ဦးခေါင်းခွံကို အပေါ်ကနေပြီးတော့ ကာကွယ်ပေးထားတဲ့ အရေပြားတစ်ခုပဲ ဖြစ်ပါတယ်။

လူကြီးတစ်ယောက် ဆံပင်ဆေးချွတ်ဆေးဆိုးရင်တောင် ဦးရေပြား ဘယ်လောက်စပ်လဲ၊ ဘယ်လောက်ခံရခက်လဲဆိုတာ ဆံပင်ဆေးချွတ်ဆေးဆိုးဖူးသူတိုင်း သိကြမှာပါ။ ကလေးငယ်ငယ်လေးက ဒီဒဏ်ကိုခံရမယ်ဆို စဉ်းစားသာကြည့်တော့ဗျာ …။

ဆံပင်ဆိုးဆေးချွတ်ဆေးတွေမှာ အဓိကပါဝင်တဲ့ Para-phenylenediamine (PPD) ကြောင့် အရေပြားဓာတ်မတည့်မှုတွေအပြင် တစ်ချို့ကလေးတွေမှာ ခန္ဓာကိုယ်အနှံ့ ဓာတ်မတည့်မှုတွေပါ ဖြစ်ပေါ်စေနိုင်ပါတယ်။ ဒါ့အပြင် ကလေးတွေရဲ့ ဆံသားကို ထာဝရ ပျက်စီးသွားတာမျိုးပါ ကြုံတွေ့ရနိုင်ပါတယ်လို့ သုတေသနတွေက ဆိုထားပါတယ်။

ဒါ့အပြင် ဆံပင်ဆိုးဆေးချွတ်ဆေးတွေမှာ ပါတဲ့ Ammonia နှင့် Hydrogen Peroxide ကြောင့်လည်း ဓာတ်မတည့်မှုတွေအပါအဝင် ဆံပင်ရဲ့ အရောင်ကို ပြောင်းလဲစေရုံသာမက ဆံသားရဲ့ နဂိုမူလ ချောမွေ့မှု၊ နူးညံမှု အနေအထားတွေကိုပါ ထာဝရ ပြောင်းလဲသွားစေနိုင်ပါတယ်။

ပြီးတော့ ကလေးတစ်ယောက်က ငယ်ငယ်လေးနှင့် ရမယ့် စိတ်ခံစားချက်တစ်ခုကတော့ ဆံပင်ဆေးဆိုး ဆေးချွတ်တဲ့အချိန် ဦးရေပြားစပ်တာပါ။ ဒါကတော့ ဆံပင်ဆေးဆိုးဖူးသူတိုင်း ကြုံဖူးကြမှာ ဖြစ်သလို ကျွန်တော်တို့ လူကြီးတွေတောင် အဲဒီအချိန်မှာ စပ်ပြီး ပူတာကို တော်တော်သည်းခံရပါတယ်။

အဲဒီအရာတွေ အားလုံးကြောင့် ကလေးတစ်ယောက်က ဆေးဆိုးဆေးချွတ်တဲ့အခါ ရတဲ့ စိတ်ဒဏ်ရာအပြင် ဆေးဆိုးထားတဲ့နောက်ပိုင်း ဦးရေပြားပျက်စီးမှုတွေ၊ ဆံသားကြမ်းတမ်းသွားမှုတွေကြောင့်ပါ စိတ်ခံစားချက်နှင့် မိမိကိုယ်ကိုယ် ယုံကြည်မှုတွေပါ ပြောင်းလဲသွားစေနိုင်ပါတယ်။

နိုင်ငံတကာမှာဆို National Hairdressers Federation ရဲ့ Code Of Practice မှာ “အသက် (၁၆) နှစ်အောက် ကလေးငယ်ဆိုရင် မည်သည့်ဆံပင်ဆိုးဆေးမှ မဆိုးပေးရ” ဆိုတဲ့ သတ်မှတ်ချက်ကို ပြဌာန်းထားတယ်လို့ ဆိုပါတယ်။

မိဘတွေအနေနှင့်လည်း ကလေးကို လှစေချင်ရုံသက်သက်၊ အလိုလိုက်ချင်ရုံသက်သက်၊ လူတွေရဲ့ အာရုံစိုက်မှုကို လိုချင်တာသက်သက်နှင့် ဆံပင်ဆေးဆိုးခြင်းကို မလုပ်ပေးသင့်ပါဘူး။

ကလေးတွေ ဆိုးချင်လို့ ပူဆာရင်တောင် နားလည်အောင် ရှင်းပြပေးရမှာ ဖြစ်ပါတယ်နော်

မိမိတို့ရဲ့ ကလေးကို နည်းလမ်းမှန်စွာ ချစ်တတ်ကြပါစေ။

Credit

ကျောင်းနောက်ကျတဲ့မူကြိုကလေးများရဲ့မိဘတွေအတွက်ချစ်လို့ပြောတယ်မှတ်ပါ😁 စိတ်မဆိုးကြေးနော်မူကြိုကျောင်းများမှာ ကျောင်းစတက်ရမယ...
27/02/2023

ကျောင်းနောက်ကျတဲ့မူကြိုကလေးများရဲ့မိဘတွေအတွက်ချစ်လို့ပြောတယ်မှတ်ပါ😁 စိတ်မဆိုးကြေးနော်

မူကြိုကျောင်းများမှာ ကျောင်းစတက်ရမယ့်အချိန်က 9 နာရီဆိုပါတော့ မိဘတွေက ကလေးကို 9 နာရီခွဲကျော်မှကျောင်းလာပို့တာ ⏰10 နာရီထိုးခါနီးမှကျောင်းလာပို့တာမျိုးရှိတယ်

မိဘတွေရဲ့အတွေး 🤔

ကျောင်းကိုရောက်ရောက်ချင်းကလေးတွေက စာမသင်ရပါဘူး ကစားလိုက်သီချင်းဆိုလိုက်နဲ့ 10 နာရီလောက်မှ ကကြီးခခွေး ABC တွေစသင်တာဆိုတော့ ကျောင်းနောက်ကျပြီးပို့လည်းဘာမှမဖြစ်ဘူး လို့တွေးပါတယ်
အဲ့လို​တွေးလိုက်မိရင် ဖေဖေမေမေတို့မှားပါတယ်ရှင်

❌❌❌❌

ကျောင်းရောက်ရောက်ချင်း မူကြိုကလေးတွေကစားကြတယ်ဆိုတာ တီချယ်တွေကစာမသင်ချင်သေးလို့ ဆော့ခိုင်းနေတာမဟုတ်ပါဘူး😁
ကလေးတွေရဲ့ဘက်စုံဖွံ့ဖြိုးမှုကို ကစားရင်းနဲ့သင်ကြားပေးနေတဲ့အချိန်လေးဖြစ်ပါတယ် ဒီအချိန်အတွင်းမှာ ကလေးတွေက ................
၁။ ကစားစရာပစ္စည်းများကို မျှဝေတတ်ခြင်း
၂။ သက်တူရွယ်တူသူငယ်ချင်းများနဲ့ အတူတူကစားတတ်ခြင်း
၃။ ကလေးအချင်းချင်း ပူးပေါင်းညှိနှိုင်းဆောင်ရွက်တတ်ခြင်း
၄။ အလှည့်ကျလုပ်ဆောင်တတ်ခြင်း
၅။ သူတပါးတည်ဆောက်ထားတဲ့ကစားစရာလေးတွေကို မဖျက်ဆီးဘဲ သူတပါးဖက်ကို တွေးပေးတတ်ခြင်း
၆။ မိမိ၏စိတ်ခံစားမှုကို ဦးစားပေးတကိုယ်ကောင်းမဆန်ဘဲ သူတပါး၏စိတ်ခံစားမှုကို စာနာနားလည်တတ်ခြင်း
၇။ ကလေးအချင်းချင်းကစားနေစဥ်လွတ်လပ်စွာ မိမိထင်မြင်ချက်ကိုပြောပြခြင်းကြောင့် မိမိကိုယ်ကိုယုံကြည်မှုတည်ဆောက်နိုင်ခြင်း
၈။ ကစားနေစဥ်ကလေးအချင်းချင်း စကားပြောဆိုခြင်းဖြင့် ဘာသာစကားဖွံ့ဖြိုးမှု တိုးတက်လာနိုင်ခြင်း

စသည်ဖြင့် အကျိုးကျေးဇူးတွေ များစွာရရှိမှာဖြစ်ပါတယ်ရှင်

ဒါကြောင့်မို့ သားသားမီးမီးလေးတွေကို မူကြိုကျောင်းသို့​နောက်မကျဘဲ အချိန်မှန်မှန်ပို့ပေးခြင်းဖြင့် Social Skills and Emotional Skills ဖွံ့ဖြိုးမှုကို တိုးတက်အောင် EQ မြင့်တဲ့ကလေးလေးတွေဖြစ်အောင် မိဘများပူးပေါင်းပါဝင်ကြပါလို့ ချစ်ခင်စွာဖြင့်အကြံပြုတိုက်တွန်းလိုက်ပါတယ်ရှင်။

Credit
မေတ္တာဖြင့်
ဒေါက်တာရွှေရည်ဝင်း
ပညာရေးစိတ်ပညာပါရဂူ

💅 #ကလေးတွေကို လက်သည်းနီ ဆိုးမပေးခင် သိထားသင့်တဲ့အချက်များ 💅💅 မိဘတော်တော်များများက ကိုယ့်ရဲ့ ၁နှစ်ကျော် ၂ နှစ်အရွယ်ဘေဘီလ...
26/02/2023

💅 #ကလေးတွေကို လက်သည်းနီ ဆိုးမပေးခင် သိထားသင့်တဲ့အချက်များ 💅

💅 မိဘတော်တော်များများက ကိုယ့်ရဲ့ ၁နှစ်ကျော် ၂ နှစ်အရွယ်ဘေဘီလေးတွေရဲ့ လက်သည်းခြေသည်းတွေကို လက်သည်းနီဆိုးပေးတာ ဘာအန္တရာယ်မှမရှိဘဲ ပျော်ရွှင်စရာကစားနည်းလို့ ထင်ပြီးကိုယ်တိုင်တောင် ဆိုးပေးနေကြတာကို တွေ့ရပါတယ် - ဒီဓလေ့ဟာ ပိုပြီးတော့ ခေတ်စားလာပြီး တစ်ချို့အလှပြင်ဆိုင်တွေဟာ ကလေးတွေအတွက်ပါ သီးသန့်ခြေသည်းလက်သည်းနီ ၀န်ဆောင်မှုဆိုတာတွေတောင် ပေးနေပါပြီ။

💅ကိုယ့်ရဲ့ရင်သွေးလေးက တခြားကလေးငယ်တွေ လက်သည်းခြေသည်းဆိုးထားတာ မြင်တဲ့အခါ သူလည်းဆိုချင်ကြောင်း ပြောလာမှာပါပဲ။ ဒါပေမယ့် ဘေဘီလေးကို လက်သည်းနီခြေသည်းနီ ဆိုးမပေးခင်မှာ ကလေးအတွက် ဘယ်လောက်တောင် အန္တရာယ်ဖြစ်စေနိုင်တယ်ဆိုတာ သင်သိချင်မှာပါပဲ။

💅 ကံမကောင်းစွာနဲ့ပဲ အရောင်အသွေးစုံလင်လှတဲ့ လက်သည်းနီဆေးပုလင်းတွေမှာ ဓာတုဗေဒပစ္စည်းအမျိုးအစားအစုံ ပါ၀င်နေပြီး လူတွေအတွက် အဆိပ်ဖြစ်စေပြီး သုံးစွဲဖို့မသင့်တော်ကြောင်း ပညာရှင်တွေက တင်ပြပြောဆိုထားပြီးသားဖြစ်ပါတယ်။

💅 တစ်ချို့ လက်သည်းနီ Brand တွေမှာ အဓိက အဆိပ် ၃ မျိုးပါ၀င်နေပြီး လက်သည်းနီ ၀ယ်ယူတဲ့အခါ ပါ၀င်ပစ္စည်းတွေကို လေ့လာဆန်းစစ်ဖို့ လိုပါတယ်။

ဓာတုဓါတ်ပေါင်းတစ်မျိုးဖြစ်ပြီး လက်သည်းဆိုးဆေး၊ လူပြုလုပ်တဲ့အမွှေးရနံ့တွေ၊ ချွတ်ဆေးနဲ့ အခြားအိမ်သုံးပစ္စည်းတွေမှာ ပါ၀င်ပါတယ်။ Toluene ကို အသုံးပြုခြင်း၊ မကြာခဏ အသုံးပြုခြင်းဟာ အာရုံကြောဆိုင်ရာ ပြဿနာတွေနဲ့ အသက်ရှုမှုဆိုင်ရာ ပြဿနာတွေ ဖြစ်ပွားစေပါတယ်။

phthalate မျိုးပွားခြင်းဆိုင်ရာမှာ အန္တရာယ်ပေးတဲ့ အဆိပ်တစ်မျိုးဖြစ်ပြီး ကလေးမွေးဖွားနှုန်းနဲ့ ကြီးထွားဖွံ့ဖြိုးမှုဆိုင်ရာ ပြဿနာတွေ ကြုံတွေ့နိုင်တယ်လို့ နောက်ဆုံးလေ့တာတွေ့ရှိချက်တွေအရ သိရပါတယ်။ ၂၀၀၃ ခုနှစ်ကစပြီး ဥရောပနိုင်ငံတွေ တော်တော်များများမှာ ဒီဓာတုပစ္စည်းပါ၀င်တဲ့ အလှကုန်ပစ္စည်းအားလုံးကို တင်သွင်းခွင့် ပိတ်ထားခဲ့ပြီး Johnson & Johnson လို လုပ်ငန်းကြီးတွေကပါ ဒီဓာတုပစ္စည်းပါ၀င်တဲ့ ထုတ်လုပ်မှုအားလုံးကို ရပ်တန့်ပစ်ခဲ့ပါတယ်။ အလှပြင်ဆိုင် အတော်များများမှာ အဓိကအသုံးပြုနေကြတဲ့ OPI လို နာမည်ကြီး လက်သည်းဆိုးဆေးတံဆိပ်တွေကတောင် ဒီဓါတ်ပေါင်းမပါ၀င်အောင် ဖော်မြူလာအသစ်ပြန်လည် ထုတ်လုပ်ထားကြပါတယ်။

အိမ်ဆောင်ပစ္စည်းမျိုးစုံမှာ ပါ၀င်တဲ့ ဓါတ်ပေါင်းပစ္စည်းတစ်မျိုးဖြစ်ပြီး လက်သည်းကို အလွယ်တကူကြိုးပဲ့ခြင်းတွေမဖြစ်စေဘဲ ပုံမှန်ထက်ပိုမို မာကြောအောင် ပြုလုပ်တဲ့နေရာမှာ သုံးပါတယ်။ ရေရှည်သုံးစွဲခြင်းအားဖြင့် အသက်ရှုလမ်းကြောင်းဆိုင်ရာ ရောဂါတွေဖြစ်စေပြီး ကင်ဆာဖြစ်ပွားမှုနှုန်းလည်း မြင့်တက်စေပါတယ်။

💅 လက်သည်းဆိုးဆေး အသုံးပြုခြင်းဟာ ကင်ဆာရောဂါတွေ၊ အသက်ရှုလမ်းကြောင်းဆိုင်ရာ ရောဂါတွေနဲ့ အခြားအသက်အန္တရာယ်ပေးနိုင်တဲ့ ရောဂါတွေနဲ့ တိုက်ရိုက်ဆက်စပ်နေကြောင်း လေ့လာစမ်းသပ်ထားတာမျိုးတွေ မရှိသေးပေမယ့် အန္တရာယ်မရှိပါဘူးလို့ စမ်းသပ်လေ့လာထားတာမျိုးလည်း မရှိသေးတာကြောင့် ပညာရှင်တွေကတော့ မေမေတို့အနေနဲ့ ဘေဘီလေးတွေကို ဓာတုပစ္စည်းတွေပါ၀င်တဲ့ လက်သည်းဆိုးဆေးတွေနဲ့ ဝေးဝေးထားတာ အကောင်းဆုံးပဲလို့ အကြံပေးထားပါတယ်။

Credit

Happy World Teacher's Day 2022 “The transformation of education begins with teachers”.ခုချိန်ထိ အခက်အခဲများကြားမှ ခိုင်မ...
05/10/2022

Happy World Teacher's Day 2022
“The transformation of education begins with teachers”.
ခုချိန်ထိ အခက်အခဲများကြားမှ ခိုင်မြဲသော တွဲလက်လေးများ။ ခွင့်ရက်ရှည်ယူထားသော Teacher Su Su Htwe ပုံလေးကျန်နေပါသေးတယ်။

Address

No. 321. 80th Street, Bet: 36 X 37 Street
Mandalay
2591999

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

+9592008045

Website

Alerts

Be the first to know and let us send you an email when M.C.E - Mandalay Center of Excellence posts news and promotions. Your email address will not be used for any other purpose, and you can unsubscribe at any time.

Contact The School

Send a message to M.C.E - Mandalay Center of Excellence:

Shortcuts

Share