30/04/2026
မနှစ်ကရေးထားတာလေး
ပြန်ဖတ်ချင်ကြမလားလို့ ၊ ပြန်တင်ပေးလိုက်ပါတယ်
🙏 ကဆုန်လပြည့်ဗုဒ္ဓနေ့ 🙏
👉 မင်္ဂလာပါရှင်။ ဒီတစ်ခါမှာတော့ ကဆုန်လပြည့်နေ့ သို့မဟုတ် Vesak day ဖြစ်ပေါ်လာပုံအကြောင်းလေး တင်ပြချင်ပါတယ် ။ မြန်မာနှစ်သစ်ကူး တန်ခူးက လွန်မြောက်တဲ့အခါ လမြတ်ကဆုန် ကို ရောက်ရှိလာပါပြီ ။
👉 ကဆုန်လနဲ့ပတ်သက်ပြီး ရာသီဥတုကိုဖွဲ့ဆိုတဲ့ အခါ ပူလွန်းတဲ့လဖြစ်တာကြောင့် ကဆုန်နယုန် ဆွေ့ဆွေ့ခုန် ရယ်လို့ ဆိုတတ်သလို ကဆုန်အတွင်း၊ မြေသင်းပျံ့ပျံ့၊ မိုးနံ့နံ့ လို့လည်းဆိုတတ်ကြပါတယ်။ ရာသီပန်းကတော့ စကားပန်းဖြစ်ပြီး ရာသီပွဲအနေနဲ့ကတော့ ညောင်ရေသွန်းပွဲ ကိုကျင်းပလေ့ရှိကြပါတယ်။
👉 “ပန်းစံကားဝါ ၊ နန်းဘမရာ ကေသီဆင်လို့ ၊ရွှေပြည်ခွင် ဗိုလ်ပါပေါင်းရယ်တို့
ငြိမ့်ညောင်းအောင် ထာဝစဉ်ဖြင့် ၊ ခါသဘင်ညောင်ရေသွန်းကြတယ် ၊ လွမ်းစရာ့ပွဲ ။ ( ဦးပြုံးချို ) ဆိုတဲ့ကဗျာလေးကိုလည်း အမှတ်တရဖော်ပြလိုက်ရပါတယ်။
👉 ညောင်ရေသွန်းပွဲတော် ကျင်းပရာကဆုန်လပြည့်နေ့ကတော့ ဗုဒ္ဓဘာသာဝင်တို့ရဲ့ သမိုင်းမှာ အင်မတန်ထူးမြတ်တဲ့ လပြည့်တွေထဲက တစ်ခုဖြစ်ပါတယ်။ ကဆုန်လပြည့်နေ့ကို ဗုဒ္ဓ အခါတော် နေ့ လို့လည်း ခေါ်ဆိုကြပြန်ပါသေးတယ်။ ဘာကြောင့်လဲ ဆိုတော့ ဗျာဒိတ် ၊ ဖွားမြင် ၊ ဗောဓိပင် ၊ စံဝင်နိဗ္ဗာန်နန်း ဆိုတဲ့ စကားနဲ့အညီ ထူးခြားတဲ့ ဖြစ်ရပ် ၄ ခုကို ဖြစ်စေခဲ့တာ ကဆုန်လပြည့်နေ့ တွေချည်း ဖြစ်နေလို့ပါပဲ
👉 အဲဒီဖြစ်ရပ်တွေကတော့ ....
🙏(၁) ဘုရားအလောင်းတော် သုမေဓာရှင်ရသေ့သည် ဤဘဒ္ဒကမ္ဘာ၌ လေးဆူမြောက်ဖြစ်သော ဂေါတမ အမည်ဖြင့် ဘုရားစင်စစ် ဧကန်ဖြစ်လိမ့်မည်ဟု ဒီပင်္ကရာ မြတ်စွာဘုရားထံမှ နိယတဗျာဒိတ်ကိုကဆုန်လပြည့် နေ့တွင် ခံယူခဲ့ခြင်း
🙏(၂) မဟာသက္ကရာဇ် ၆၈-ခု ကဆုန်လပြည့်(သောကြာ)နေ့ နေ့တွင် ဂေါတမဘုရား အလောင်းတော် သိဒ္ဓတ္ထ မင်းသားအား ဖွားမြင်တော်မူခဲ့ခြင်း ။ (ဘီစီ(၆၂၃)မေလ)
🙏 (၃) မဟာသက္ကရာဇ် ၁၀၃-ခု ကဆုန်လပြည့်နေ့ (ဗုဒ္ဓဟူး)နေ့ အရုဏ်တက်ချိန်တွင် ဂေါတမဘုရား အလောင်းတော် သည် သဗ္ဗညုတဉာဏ်တော်ကို ရရှိ၍ ဘုရားဖြစ်တော်မူခဲ့ခြင်း (ဘီစီ(၅၈၈)မေလ)
🙏(၄) မဟာသက္ကရာဇ် ၁၄၈-ခု ကဆုန်လပြည့်နေ့ ကဆုန်လပြည့်(အင်္ဂါ)နေ့ တွင် မလ္လာမင်းတို့၏ အင်ကြင်းဥယျာဉ်၌ ဘုရားရှင် ပရိနိဗ္ဗာန် စံဝင်တော်မူခဲ့ခြင်း။(ဘီစီ(၅၄၃)မေလ)
စတဲ့ ထူးခြားချက် ၄ ချက်နဲ့ ပြည့်စုံတဲ့ ကဆုန်လပြည့်နေ့ ကို ဗုဒ္ဓဘာသာဝင်အပေါင်းတို့က ဗုဒ္ဓနေ့ရယ်လို့ သတ်မှတ်ခဲ့ကြပါတယ်။
🙏ဒါ့အပြင် သီရိလင်္ကာနိုင်ငံ၊ ကိုလံဘိုမြို့တော်မှာ ကျင်းပခဲ့တဲ့ အပြည်ပြည်ဆိုင်ရာ ဗုဒ္ဓဘာသာ ကွန်ဖရင့်မှာ ကဆုန်လပြည့်နေ့ကို ကမ္ဘာ့ရုံးပိတ်ရက် အဖြစ် သတ်မှတ်နိုင်ဖို့အတွက် ၁၉၉၈ ခု၊ နိုဝင်ဘာလ ၅ ရက်က ၁၄ ရက်အထိ(၁၀) ရက်တိုင်တိုင် ညှိနှိုင်းဆွေးနွေးခဲ့ကြပါတယ်။
🙏သီရိလင်္ကာနိုင်ငံ နိုင်ငံခြားရေးဝန်ကြီးက ကမ္ဘာ့ရုံးပိတ်ရက်အဖြစ်သတ်မှတ်ရေး အဆိုကို ၁၉၉၉ ခု စက်တင် ဘာ လ မှာ ကုလသမဂ္ဂထံ တင်သွင်းခဲ့တာ ဖြစ်ပါတယ်။ ၅၄ ကြိမ်မြောက် ကုသလသမဂ္ဂ အထွေထွေ ညီလာခံမှာ တင်သွင်း ခဲ့တဲ့ အဆိုကို မြန်မာနိုင်ငံ အပါအဝင် အခြားနိုင်ငံ (၃၄) နိုင်ငံက ထောက်ခံ ခဲ့ကြပါတယ်။ ဒါကြောင့် ကမ္ဘာ့ကုလသမဂ္ဂက ကဆုန်လပြည့် ဗုဒ္ဓနေ့ကို အပြည်ပြည်ဆိုင်ရာ ရုံးပိတ်ရက် Vesak Universal Holiday အဖြစ် သတ်မှတ်ပေးခဲ့ပါတယ်။
🙏နောက်တခါ ကဆုန် ဆိုတာ ကု ဆုန် ဆိုတဲ့ ပုဂံခေတ် စကားကနေဆင်းသက်လာတယ်လို့ မှတ်သား ရဖူးပါတယ်။ ကု ဆိုတာက ရေ လို့အဓိပ္ပါယ်ရပြီး ဆုန် ဆိုတာကတော့ သွန်းလောင်းခြင်းလို့ ဆိုပါတယ်။ ဒါကြောင့် ကဆုန်လကို ရေသွန်းလောင်းတဲ့ လလို့လည်း ပြောတတ်ကြပါတယ်။
ကဆုန်လ ဟာ အပူချိန်အပြင်းဆုံးလဖြစ်တာကြောင့် သစ်ပင်တွေ ညှိုးခြောက်လေ့ရှိတာကြောင့် မဟာဗောဓိပင်ကို ရည်မှန်းပြီး ညောင်ရေသွန်းလောင်းကြတာလဲ အစဥ်အလာတစ်ခုပါပဲ ။
🙏ကဆုန်လပြည့်နေ့မှာ စတုဒိသာကျွေးခြင်း ၊ ဘေးမဲ့လွှတ်ခြင်းစတဲ့ ကုသိုလ်ကောင်းမှုများလဲ ပြုလုပ်ကြပါတယ်။မြန်မာသာမက ကမ္ဘာက ဗုဒ္ဓဘာသာဝင်တို့ရဲ့ အထွတ်အမြတ်ထားရာ ကဆုန်လပြည့်နေ့အကြောင်းကို သိသွားပြီဆိုတော့ ဘာသာရေးအရရော ၊ ဗဟုသုတအနေနဲ့ပါ အဓိပ္ပါယ်ရှိရှိ ဖြတ်သန်းနိုင်ကြဖို့ ဆန္ဒပြုရင်းဆောင်းပါးကို အဆုံးသတ်လိုက်ရပါတယ်ရှင်။
“သင်ကြားဖို့ရာသင်ယူပါ”
“STL- Signature of Teaching & Learning”
Please Like and Follow our Page /
- Signature of Teaching and Leaning
- signature of Teaching and Learning
day of Kasone
21/03/2025
🌺မင်္ဂလာညနေခင်းပါရှင်🌺
ဒီတစ်ပတ်မှာတော့ စိတ်ကျန်းမာခြင်းထိခိုက်မှုသွင်ပြင်လက္ခဏာရပ်များ အကြောင်း တင်ပြသွားမှာပဲ ဖြစ်ပါတယ်ရှင်။
🍀စိတ်ကျန်းမာရေးထိခိုက်မှုရှိနေပြီဆိုရင်အဆက်မပြတ် ဝမ်းနည်းခြင်း၊စိုးရိမ်ပူပန်ခြင်း ၊အာရုံစိူးစိုက်ရခက်ခဲခြင်း၊ အိပ်ရေးမဝခြင်းနဲ့ အစာစားချင်စိတ်ပြောင်းလဲခြင်းနဲ့အတူ လူမှုရေးလုပ်ငန်းဆောင်တာတွေ မှာမပါဝင်တော့တာ စတဲ့လက္ခဏာရပ်တွေ ကိုတွေ့ရမှာပဲဖြစ်ပါတယ်။
🍀ကလေးတွေနဲ့ဆယ်ကျော် သက် တို့မှာဆိုရင်လည်း အထက်ပါလက္ခဏာရပ်တွေအပြင် စိုးရိမ်မှု၊ ဝမ်းနည်းမှုနဲ့ စိတ်တိုဒေါသထွက်ခြင်းတွေပါ ထပ်မံတွေ့ရှိရမှာဖြစ်ပါတယ်။
🍀စိတ်ကျန်းမာခြင်းထိခိုက်မှု သွင်ပြင်လက္ခဏာရပ်တွေမှာ စိတ်ဓါတ် အမူအကျင့်တွေပြောင်းလဲခြင်းနဲ့ ရုပ်ပိုင်းဆိုင်ရာလက္ခဏာပြောင်းလဲမှုရယ်လို့ နှစ်မျိုးတွေ့ရှိရမှာဖြစ်ပါတယ်။
💥စိတ်ဓါတ်အမူအကျင့်ပြောင်းလဲခြင်းမှာဆိုရင်တော့
🌟ဝါသနာသို့မဟုတ်စိတ်ဝင်စားမှုတွေဆုံးရှုံးခြင်း
🌟အာရုံစိုက်ရန်ခက်ခဲလားခြင်း (သို့မဟုတ်)စိတ်အာရုံများပျံ့လွင့်လာခြင်း
🌟အိပ်မပျော်ခြင်း (သို့မဟုတ်) အလွန်အမင်းအိပ်ခြင်း
🌟အစာကိုလျော့စားလာခြင်း ( သို့မဟုတ်) အလွန်အမင်းပိုစားလာခြင်း -စတဲ့အခြေအနေတွေကို တွေ့ရှိရပါတယ်ရှင်။
💥ရုပ်ပိုင်းဆိုင်ရာ ပြောင်းလဲမှုလက္ခဏာတွေမှာတော့
🌟ဆေးဘက်ဆိုင်ရာအကြောင်းအရင်းအတိအကျမရှိတဲ့ ဝေဒနာတွေကိုဖော်ပြပြောကြားလာခြင်း ဥပမာ-မကြာခဏခေါင်းကိုက်တာ၊ ဗိုက်နာတာ။
🌟ကိုယ်အလေးချိန်သိသိသာသာကျသွားတာ (သို့မဟုတ်) သိသိသာသာတိုးလာတာ။
🌟ဒါ့အပြင်ပုံမှန်မဟုတ်တဲ့ အခြားရုပ်ပိုင်းဆိုင်ရာပြောင်းလဲမှုတွေဖြစ်လာတာ ဥပမာ အရင်ကဝက်ခြံမပေါက်ဘဲ ခုမှဝက်ခြံတွေ တအား ပေါက်လာတာမျိုးစတာတွေ ဖြစ်ပေါ်လာတတ်ပါတယ်။
🌟တခါတလေမှာတော့ မိမိကိုယ်ကို အန္တရာယ်ပြုတတ် ပါတယ်။ ဥပမာ- လက်ကောက် ဝတ်ကိုဓါးနဲ့လှီးတာ၊မီးရှို့တာ စတဲ့ စိုးရိမ်ရတဲ့အပြုအမူတွေကိုလည်း လုပ်ဆောင်လာတတ်ကြပါတယ်။
🍀အမူအကျင့်နဲ့ရုပ်ပိုင်းဆိုင်ရာတွေအပြင်အခြားလက္ခဏာရပ်တွေလည်းရှိပါသေးတယ်။ ပညာသင်ကြား နေတဲ့ ကျောင်းသူ၊ကျောင်းသားတွေမှာဆိုရင်တော့စာကိုအာရုံစိုက်မှုအားနည်းလာတာ၊ စာကိုစိတ်မဝင်စား တော့တာမျိုးတွေဖြစ်တတ်ပါတယ်။ ပုံမှန်စိုးရိမ်စရာမရှိတဲ့အကြောင်းအရာတွေအပေါ်မှာ အလွန်အကျွံစိုးရိမ်တာ ဒါမှအဟုတ် အလွန်အမင်းကြောက်လန့်နေတာမျိုးတွေကလည်း အခြားသောစိတ်ကျန်းမာမှုရဲ့ သွင်ပြင်လက္ခဏာ တွေပါပဲ။
🍀ဒါ့အပြင်အခြားအရေးကြီးတဲ့ သတိပေးလက္ခဏာတွေကိုလည်းပြတတ်ပါတယ်။ သေခြင်းတရားဒါမှမဟုတ် ကိုယ့်ကိုယ်ကိုသတ်သေခြင်းအကြောင်းတွေပြောလာတာ၊ မိမိကိုယ်ကို ဘယ်လိုနာကျင်အောင်လုပ်လို့ရကြောင်း ပြောလာတာ မျိုးတွေလဲပါဝင်ပါတယ်။
💥စိတ်ကျန်းမာရေးပြဿနာတွေဟာစိတ်ခံစားချက်ကိုသာမကနေ့စဥ်လုပ်ငန်း ဆောင်တာ နဲ့အပြုအမူတွေပေါ်မှာသက်ရောက်မှုရှိနေတာကိုတင်ပြခဲ့ပြီးဖြစ်ပါတယ်။ ဒါပေမယ့်လည်း အများအားဖြင့် ပြင်းထန်သော လက္ခဏာရပ်များ ပေါ်ပေါက်လာမှသာ သတိပြုမိတတ်ကြပါတယ်။ ဒါကြောင့် စိတ်ကျန်းမာရေးပြဿနာရှိ ၊ မရှိ ကိုသေချာလေ့လာ သတိပြုပြီး တတ်နိုင်သမျှ စောစောနဲ့မြန်မြန် ကုသခြင်း၊ ပျောက်ကင်းနိုင်ဖို့ပံ့ပိုးကူညီပေးခြင်းတွေကိုလုပ်ဆောင် ပေးနိုင်ရန်ကြိုးစားဖို့တိုက်တွန်းရင်းဆောင်းပါးလေးကိုခေတ္တခဏရပ်နားလိုက်ရပါတယ်ရှင်
“သင်ကြားဖို့ရာသင်ယူပါ”
“STL- Signature of Teaching & Learning”
Please Like and Follow our Page /
- Signature of Teaching and Leaning
- signature of Teaching and Learning
14/03/2025
🎯မင်္ဂလာပါရှင်🎯
🎯ဒီကနေ့မှာတော့စိတ်ကျန်းမာရေးအပေါ်ဘာတွေကဘယ်လိုသက်ရာက်နေသလဲဆိုတာကိုတင်ပြပေးသွားမှာပဲဖြစ်ပါတယ်ရှင် ။
🎯လူနေမှုပုံစံရွေးချယ်မှုများ၊ပတ်ဝန်းကျင်အခြေအနေများနှင့်လူမှုရေးဆိုင်ရာအခြေအနေများသည်လည်းစိတ်ကျန်းမာရေးအပေါ်သက်ရောက်မှုရှိနိုင်ပါတယ်။
💥Mentat Health foundation ကတော့စိတ်ကျန်းမာရေးပြဿနာတွေဖြစ်စေတဲ့အကြောင်းတွေကိုဒီလိုဖော်ပြထားပါတယ်။
🎯စိတ်ကျန်းမာရေး ပြဿနာဖြစ်စေသောအကြောင်းရင်းများ
👉ကလေးဘဝ စော်ကားမှု၊ စိတ်ဒဏ်ရာ သို့မဟုတ် လျစ်လျူရှုခံရခြင်း။
👉လူမှုရေးအရခွဲခြားခံရခြင်း သို့မဟုတ် အထီးကျန်ခြင်း
👉လူမျိုးရေးခွဲခြားမှု အပါအဝင် ခွဲခြားဆက်ဆံမှုများကြုံတွေ့ရခြင်း။
👉လူမှုရေးအားနည်းချက်၊ ဆင်းရဲမွဲတေမှု သို့မဟုတ် အကြွေးများနေခြင်း။
👉မိသားစုဝင် သို့အဟုတ် ရင်းနှီးသူတစ်ဦးဦးကိုဆုံးရှုံးလိုက်ရခြင်း။
👉ပြင်းထန်သော သို့မဟုတ် ရေရှည်စိတ်ဖိစီးမှုခံစားနေရခြင်း။
👉ရေရှည်ရုပ်ပိုင်းဆိုင်ရာကျန်းမာရေးချို့ယွင်းမှုများရှိနေခြင်း။
🎯စတဲ့အကြောင်းအရာ တွေကလည်းစိတ်ကျန်းမာမှုအပေါ်သက်ရောက်စေတဲ့အကြောင်းအရာအခြေအနေတွေပဲဖြစ်ပါတယ်။
🎯ကမ္ဘာ့ကျန်းမာရေးဗဟိုအဖွဲ့ကတော့ အသက် 10-19 နှစ်တွင်းမှာရှိတဲ့လူငယ်ခြောက်ဦးမှာတစ်ဦးကဆယ်ကျော် သက်အရွယ်စိတ်ကျန်းမာရေးထိခိုက်မှုကိုခံစားရတတ်တယ်လို့ဆိုပါတယ်။
🎯အဆင်းရဲမွဲတေခြင်း၊လွဲသုံးစားပြုခံရခြင်း သို့မဟုတ် အကြမ်းဖက်ခံရမှုများအပါအဝင် ရုပ်ပိုင်းဆိုင်ရာ၊ စိတ်ပိုင်းဆိုင်ရာနှင့် လူမှုရေးပြောင်းလဲမှုများသည်လည်း ဆယ်ကျော် သက်များ၏ စိတ်ကျန်းမာ ရေး ဆိုင်ရာအပေါ်သက်ရောက် မှုရှိပါတယ်။
🎯ဆယ်ကျော်သက်များကို ဒုက္ခမှကာကွယ်ပေးခြင်း၊ လူမှု-စိတ်ခံစားမှုဆိုင်ရာ သင်ယူမှုအခွင့်အလန်းများဖန်တီးပေးခြင်း၊ စိတ်ပိုင်းဆိုင်ရာ သုခချမ်းသာကို မြှင့်တင်ပေးခြင်းနှင့် စိတ်ကျန်း မာ ရေး စောင့်ရှောက်မှုများ လက်လှမ်းမီစေရန်ပံ့ပိုးပေးခြင်းသည်လည်း မြီးကောင် ပေါက်အရွယ်နှင့် အရွယ် ရောက် ပြီးချိန်တွင် ၎င်းတို့၏ ကျန်းမာရေးအတွက် အရေး ကြီးပါတယ်။
🎯စိတ်ကျန်းမာရေးကောင်းမွန်ခြင်းဟာကလေးတွေရဲ့သင်ယူမှုတိုးတက်ရေးကိုလည်းသက်ရောက်မှုရှိနိုင်တာကြောင့် ဆရာ၊ဆရာမတို့အနေနဲ့ကလေးတို့ရဲ့စိတ်ကျန်းမားရေးထိခိုက်စေနိုင်တဲ့အထက်ဖော်ပြပါကြောင်းအရာများကိုသတိပြုလေ့လာပြီးကာကွယ်ကုသမှုတွေပြုလုပ်ပေးဖို့လိုအပ်ကြောင်းတင်ပြရင်းဆောင်းပါးလေးကိုရပ်နားလိုက်ပါတယ်။
🌷နောက်တစ်ပတ်သောကြာမှာ ပြန်ဆုံကြပါအုန်းမယ်ရှင်
“သင်ကြားဖို့ရာသင်ယူပါ”
“STL- Signature of Teaching & Learning”
Please Like and Follow our Page /
- Signature of Teaching and Leaning
- signature of Teaching and Learning
07/03/2025
💐💐မင်္ဂလာပါရှင်💐💐
⛳ဒီတစ်ပတ်မှာတော့စိတ်ကျန်းမာခြင်း(Mental Health ) ရဲ့အရေးကြီးပုံနဲ့နေ့စဥ်ဘဝနဲ့ ဆက်စပ်နေပုံကို တင်ပြပေးသွားမှာပဲဖြစ်ပါတယ်။
⛳လူတို့အတွက် နေ့စဥ်ဘဝ၏ ဖိစီးမှုများ ကိုရင်ဆိုင်ဖြေရှင်းရန်၊ကောင်းမွန်ထိရောက်သောဆက်ဆံရေး တည်ဆောက်ရန်၊ပတ်ဝန်း ကျင် အတွက် အဓိပ္ပယ်ရှိစွာပါဝင်ကူညီနိုင်စေရန်၊ အကျိုးရှိရှိလုပ်ဆောင်ရန် အတွက် မိမိ၏ကိုယ်ပိုင်စွမ်းရည်ကို အပြည့်အဝသိရှိနိုင်စေတာကြောင့် စိတ်ကျန်းမာကြံ့ခိုင်ခြင်းဟာ အရေးကြီး လှပါတယ်။
⛳စိတ်ကျန်းမာရေးကောင်းမွန်ခြင်းဖြင့် ဘဝကို ပိုမိုလွယ်ကူစွာဖြတ်သန်းနိုင်မှာဖြစ်ပါတယ်။ ကျွန်ုပ်တို့စိတ်ပျက်နေချိန်၌ မိမိကိုယ်ကို အေးချမ်းစေပြီး နှစ်သိမ့်ရန် ၊ ဘဝတွင် ဆုံးရှုံးမှုများ ၊ အပြောင်းအလဲများ၊ ကြောင့်ရွံ့မှုများနှင့် မသေချာမရေရာမှုများကို ရင်ဆိုင်ရန်၊ အခြားသူများနှင့် ကောင်းမွန်သော ဆက်ဆံရေးကို ထိန်းသိမ်းထားနိုင်ရန် စိတ်ကျန်းမာခြင်းသည် အရေးကြီး သော အကခန်းက္ဍမှ ပါဝင်နေပေသည်။
စိတ်ကျန်းမာရေးဟာကျွန်ုပ်တို့ဘဝ၏အစိတ်အပိုင်းများစွာနဲ့လည်းဆက်စပ်နေပါတယ်။ အခြားသူတွေနဲ့ကျွန်ုပ်တို့ရဲ့ပေါင်းသင်းဆက်ဆံရေး၊ဘဝရဲ့စိန်ခေါ်မှုတွေအပေါ်ကျွန်ုပ်တို့ကိုင်တွယ်ဖြေရှင်းပုံတွေ၊ ဘဝအပေါ်တန်ဖိုးထားမှုနဲ့ လေးစားမှုတွေအပေါ်မှာလည်းသက်ရောက်မှုရှိတာကို တွေ့ရပါတယ်။ တနည်းအားဖြင့်ပြောရရင်တော့ စိတ်ကျန်းမာခြင်းဟာ ကောင်းမွန်စွာပြုမူ နေထိုင်နိုင် ခြင်း၊ ကောင်းစွာ သင် ယူလေ့လာနိုင်ခြင်းနဲ့ အပြုသဘော ဆောင်တဲ့ပြဿနာ ဖြေရှင်းနည်းတွေကို အသုံးပြုနိုင်ဖို့ ထောက်ပံ့ပေးနိုင်တာကြောင့်အထူးအရေးကြီးသောအခန်းကဏ္ဍတစ်ရပ်ဖြစ်ပါတယ်။
စိတ်ရောကိုယ်ပါကျန်းမာနေရင်.........
🎈ဘဝတွင် တွေ့ကြုံရလေ့ရှိသော ဖိအားများကို ကျော်လွှားနိုင်ခြင်း
🎈လူမှုဆက်ဆံရေးကောင်းမွန်ခြင်း (လုပ်ဖော်ကိုင်ဖက်သူငယ်ချင်း၊ မိသားစုနှင့်ဆက်ဆံရေးပြေပြစ် ကောင်းမွန်ခြင်း)
🎈လူမှုပတ်ဝန်းကျင်နှင့်ကောင်းမွန်စွာ ချိတ်ဆက်လုပ်ဆောင်နိုင်ခြင်း
🎈မိမိ၏အလုပ်ကို စိတ်ကျေနပ်နှစ်ခြိုက်မှုရှိခြင်း/တန်ဖိုးထားခြင်း
🎈ငွေကြေးအပေါ် ကောင်းစွာစီမံနိုင်ခြင်း
အစရှိတဲ့အချက်တွေကိုလုပ်ဆောင်နိုင်ပြီးသာယာပျော်ရွှင်ဖွယ်ရာဘဝကိုပိုင်ဆိုင်ရမှာမို့စိတ်ကျန်းမာခြင်းဟာလူတစ်ယောက်အတွက် အင်မတန်မှအရေးကြီးလှပါတယ်။
⛳ဒါ့အပြင် စိတ်ပိုင်းဆိုင်ရာကျန်းမာကြံ့ခိုင်ခြင်းဖြင့်စိတ်တည်ငြိမ်ခြင်း၊ စိတ်ပိုင်းဆိုင်ရာကောင်းမွန်ခြင်းနှင့်အပြုသဘောဆောင်သည့်အမြင်များကိုလည်းတိုးပွားစေပါတယ်။
⛳စိတ်ပိုင်းဆိုင်ရာကျန်းမာကြံ့ခိုင်ခြင်းဟာလူတစ်ယောက်ရဲ့ဘဝမှာအင်မတန်အရေးကြီးတာကိုသိပြီးသွားပြီဆိုတော့ နောက်တစ်ပတ်မှာစိတ်ကျန်းမာကြံ့ခိုင်စေဖို့ နည်းလမ်းတွေအကြောင်း တင်ပြပေးသွားမယ်ဆိုတာကြိုတင်မိတ်ဆက်ရင်းဆောင်းပါးလေးကိုဒီမှာ ခေတ္တခဏရပ်နား လိုက်ပါရစေ။
💐💐အားလုံးစိတ်ရောကိုယ်ပါကျန်းမာချမ်းသာကြပါစေရှင်။ 💐💐
“သင်ကြားဖို့ရာသင်ယူပါ”
“STL- Signature of Teaching & Learning”
Please Like and Follow our Page /
- Signature of Teaching and Leaning
- signature of Teaching and Learning
