https://www.facebook.com/108838880449683/

Sayar Htun Education Center, လမ်း ၆၀/၃၈-၃၉ လမ်းကြား/ရတနာတိုင်းပြည်တိုက်ခန်းလမ်းသွယ်၊ရွှေဘုန်း, Mandalay (2026)

19/10/2023

STI Myanmar University-Mandalay Campus ရဲ့ သီတင်းကျွတ်အခါသမယမှာ ကန်တော့ခံဆရာတစ်ယောက်အနေနဲ့ ဆရာကန်တော့ပွဲနေ့အမှတ်တရ ပုံရိပ်တချို့……
ကလေးတွေအားလုံး မိမိရည်ရွယ်ချက်ပန်းတိုင်ဆီသို့ အခက်အခဲမရှိအောင်မြင်စွာ လျှောက်လှမ်းနိုင်ကြပြီး အောင်မြင်မှုအသီးအပွင့်များရရှိကြပါစေ🙏🙏🙏
ကျန်းမာ၊ချမ်းသာပျော်ရွှင်ပြီး ကောင်းကျိုးလိုရာဆန္ဒပြည့်ဝကြပါစေ🙏🙏🙏
ပွင့်သောပန်းလေးတွေ လှပဝေဆာပြီး လူ့လောကအလယ်မှာ မွှေးကြိုင်လန်းဆန်းနေကြပါစေ🙏🙏🙏

ချစ်သော
ဆရာထွန်း🤍

25/08/2023

ကျွန်တော့်တပည့်လေး Su Myat ရဲ့ ဘာသာပြန်ပြီး ပေါင်းစပ်ရေးသားမှု🤩

“ဉာဏ်ပညာရှိ အဘိုးအိုပြောပြတဲ့ဘဝသင်ခန်းစာ၂၀”

👉ဘယ်သူကမှ မပြည့်စုံကြပါဘူး။

ဒါကို ကျွမ်းကျင်စွာ နားလည် သဘောပေါက်လေလေ ထူးချွန်ခြင်းနဲ့ မြန်မြန် အသားကျလာလေဘဲ
မနက်တိုင်းမှာ မင်း အရင်နေ့တုန်းက လုပ်ခဲ့တာတွေထက် ပိုပြီး ခက်ခက်ခဲခဲ ကြိုးစားရုန်းကန်နိုင်ဖို့ စတင်လုပ်ဆောင်ပါ။

👉မင်းကိုမင်း ရှင်းပြနေတာ အားလုံးကို ရှောင်ရှားပါ။

ကိုယ့်ကိုယ်ကို တည်ဆောက်ခြင်းအပေါ် ယုံကြည်မှု့ရှိပါ

👉မင်းဘဝကို ဟန်ချက်ညီအောင်ထားပါ။

မင်းအတွက် အရေးကြီးတဲ့အရာတွေကို ချရေးပါ
သိအောင်လုပ်ပါ တစ်ခါတစ်လေကြရင် ငါတို့တွေက အရေးကြီးဆုံးသော အရာတွေကိုသာ ချရေးထားမယ်ဆိုရင် ပိုလုပ်ဖြစ်ကြတယ်။

👉မင်းကို ဖန်တီးသမျှ အရာအားလုံးကို လက်ခံထားပြီး မင်းမှာရှိတဲ့ အရာအားလုံးနဲ့ အကောင်းဆုံးလုပ်ပါ။

မင်းကိုမင်း စဥ်းစားချင့်ချိန်ပြီး စိန်ခေါ်မှု့တွေကို ရင်ဆိုင်နိုင်ဖို့ သတ္တိရှိပါစေ နည်းလမ်း အသွယ်သွယ်ကို ရှောင်ဖယ်မယ့်အစား ဖြတ်သန်းနိုင်ဖို့ နည်းလမ်းကို ရှာဖွေပါ။

👉ဘဝမှာ အမြဲ လေ့လာ သင်ယူတတ်သူဖြစ်ပါစေ.

နေ့တိုင်း ဆန်းသစ်တဲ့အရာတစ်ခုကို လေ့လာပါ မင်းလေ့လာသင်ယူမှု့ကို ရပ်တန့်လိုက်တဲ့နေ့ဟာ မင်းကို မင်းခေတ်နောက်ပြန်ဆွဲနေပြီး အသုံးမကျသူ ဖြစ်သွားမှာမလို့ အမြဲ လေ့လာ သင်ယူတတ်ပါစေ။

👉ဆင်ခြေတွေ မပေးပါနဲ့။

ဆင်ခြေပေးမယ့်အစား ပိုကောင်းတဲ့နည်းလမ်းတွေနဲ့ အစားထိုးလုပ်ဆောင်ပါ ဆင်ခြေပေးခြင်းဟာ ကိုယ့်မှာရှိတဲ့ အချိန်နဲ့ ကိုယ့်ရဲအားထုတ်နိုင်စွမ်းကို အလဟဿ ဖြစ်စေပါတယ်။

👉မင်းဘယ်မှာ ရပ်တည်နေလည်းဆိုတာ အခြားသူတွေသိပါစေ။

တစ်ဦးဦးက မင်း တန်ဖိုးထား မြတ်နိုးတဲ့အရာတွေကို နင်းခြေမယ်ဆိုရင် အထိခိုက်မခံ့ပါနဲ့ ရိုးသားဖြောင့်မတ် ပွင့်လင်းပါစေ။

👉စိန်ခေါ်မှု့တိုင်းကို မကြောက်ရွံ့ပါနဲ့။

မင်းလည်းဘဲ အခြားသူတွေလို ကြိုးစားအားထုတ်ရတာဘဲ စိန်ခေါ်မှု့တွေကို အဆုံးမှာ ကျော်လွှားနိုင်တဲ့သူကသာ အခရာကျတာပါ။

👉အခြားသူတွေကို ကူညီဆောင်ရွက်ပေးတတ်ပါစေ။

သေးငယ်သော်လည်း ရိုးရှင်း အရေးပါစွာ လုပ်အားပေးကူညီပါ မင်းရဲ့ အကောင်းတကာ အကောင်းဆုံးသော အရာတွေကို ပေးစွမ်းပါ။

👉ဆင်းရဲပင်ပန်းစွာ အလုပ်လုပ်ပါ။

လူတိုင်းက အလုပ်လုပ်ဖို့ တာဝန်ရှိတာမလို့ အလုပ်ပြီးအောင် ဦးစားပေး လုပ်ပါ အလုပ်တာဝန် တစ်ခုပြီးအောင် လုပ်တော့မယ်ဆိုရင် ကိစ္စသေးလေးတွေကိုပါ ချန်လှပ်မထားဘဲ သေချာ လုပ်ကိုင်ရမယ်။

👉မင်းကိုမင်း ရှာဖွေပါ။

မင်းကို စိတ်ပြင်းပြမှု့ ဖြစ်စေတဲ့အရာ အသက်ရှင်ရခြင်းရဲ့ရည်ရွယ်ချက်တွေကို သိရှိတဲအခါ လက်တွေ့ လုပ်ဆောင်ပါ။

👉ဘယ်အရာကိုမဆို ပုဂ္ဂိုလ်ရေးအရ မယူလိုက်ပါနဲ့။

ကိုယ့်ကိုယ်ကို သဘောကျ ရယ်မောနိုင်ဖို့ တုန့်ဆိုင်းမနေပါနဲ့ ကိုယ့်ကိုယ်ကို ယုံကြည်မှု့ရှိခြင်းက ကိုယ့်တည်ရှိမှု့နဲ့ အသားကျနေပြီလို့ ယူဆလို့ရတယ်။

👉အချိန်တွေကို စီမံခန့်ခွဲပါ

ကျွန်တော်တို့ရဲ့ အခြေအနေနဲ့ ပတ်ဝန်းကျင်ကြီးက အမြဲပြောင်းလဲနေတာ ဖြစ်တဲ့အတွက်ကြောင့် အရေးကြီးတဲ့ကိစ္စရပ်တွေနဲ့ အရေးပေါ်လုပ်ရမယ့်ကိစ္စရပ်တွေကို မရှုပ်ထွေးမိစေဖို့ ဂရုစိုက်ပါ အချိန်
အလဟဿ ကုန်ဆုံးစေတဲ့အရာတွေကို ရှာဖွေပြီး ဖယ်ထုတ်ပစ်ပါ။

👉အကူအညီတောင်းပါ

ဘဝဆိုတာ ကြမ်းတမ်းကောင်း ကြမ်းတမ်းနိုင်တယ်ဆိုပင်မယ့် ကိုယ့်အားကို ကိုးရမယ်လို့ အမြဲ ဆိုလိုတာ မဟုတ်ဘူး။

👉ကြိုတင်ပြင်ဆင်မှု့ သေချာလုပ်ပါ။

မင်း တစ်ခုခုကို စမလုပ်ခင်မှာ မင်းလုပ်လိုက်လို့ ဘာပြန်ရမလဲဆိုတာ အရင် သိအောင်လုပ်ပါ
ကြိုတင်ပြင်ဆင်ထားခြင်းဖြင့် မသေချာမှု့တွေနဲ့ စိုးရိမ်ကြောင့်ကြမှု့တွေကို လျော့ချနိုင်မယ်။

👉မကြာခဏ နေ့ရက်တွေအပေါ်ကို စိတ်ကူးယဥ် အိပ်မက်မက်တတ်ပါစေ။

ပိတ်ရက် အနားယူတဲ့အချိန်တွေမှာ စိတ်ကူးယဥ် အိပ်မက်စမက်ပါ အခြားရက်တွေမှာကော ကိုယ့်စိတ်ကူး ပုံဖော်ထားတဲ့ အိပ်မက်ကို ထိန်းထားနိုင်ဖို့ လက်တွေ့လုပ်ဆောင်ပါ။

👉လူစွမ်းကောင်း တစ်ယောက်ဖြစ်ပါ။

ခွင့်လွှတ်တတ်ခြင်း အတတ်ကို ပြုစုပျိုးထောင်ပေးပြီး တစ်စုံတစ်ယောက်ကို လွတ်လပ်စွာ ထွက်သွားခွင့်ပေးလိုက်ပါ အခြားသူတွေကို ခွင့်လွှတ်တတ်ဖို့ သင်ယူထားပါ အမုန်းတရားတွေ အပြစ်သလိုလိာ စိတ်မလုံခြုံသလို ခံစားချက်တွေ နောင်တတရားတွေကို ဆက်လက် မသယ်ဆောင်ချင်ပါနဲ့တော့။

👉ခြေတစ်လှမ်းသာအောင် လျှောက်လှမ်းတတ်ပါစေ။

ကြိုတင်ပြင်တင်ပြီး လက်ဦးမှု့ရယူပါ စိတ်ထဲမှာ
ကြီးမားသော အရာတစ်ခုကို မရမက တွေးတော ပုံဖော်ကြည့်ပါ။

👉ကိုယ့်ကိုယ်ကို ချစ်တတ်ပါစေ။

မင်းရဲ့ကိုယ်ပိုင်အရာတွေကို ဦးစားပေး လုပ်ဆောင်ပါ ကိုယ့်ပုံစံအတိုင်း ကိုယ်ဖြစ်ချင်ရာကို ကြိုးစားရယူပါ။

👉မင်းစတင်ခဲ့တဲ့အရာကို ပြီးအောင်လုပ်ပါ။

ကိုယ်ပြီးအောင်လုပ်မယ့်အရာကနေ လမ်းလွဲသွားတာမျိုး သွေဖယ်မသွားဖို့ ရှောင်ရှားပါ။

07/05/2023

ကျွန်တော်ရဲ့တပည့်တွေထဲမှာ
State ကျောင်းသားဘဝက သင်ခဲ့ရတဲ့တပည့်တွေနဲ့/ အခြေအနေတစ်ခုမှာကြောင်းကျိုးတိုက်ဆိုင်လို့တွေ့ပြီး တပည့်တော်ရခဲ့သူတွေနဲ့ကြားမှာ ကွာခြားချက်တွေကတော့အများကြီးဘဲ။

👉attachment & devotion ကအများကြီးကွာခြားကြတယ်။
👉အမြဲသတိတရရှိကြတယ်။
👉ကိုယ်လိုအပ်ချိန်မှာအမြဲတမ်းရှိပေးနေကြတယ်။
👉Messages ပို့တာမလား ချက်ချင်း seen ပြ/အကြောင်းပြန်ကြတယ်။
👉ဖုန်းခေါ်လို့ missed call တွေ့ရင် သိတာနဲ့ချက်ခြင်းခေါ်ကြတယ်။
👉ကိုယ်တွေ video call ခေါ်ရင် အမြဲတရင်းတနှီး စကားတွေအကြာကြီးပြောကြတယ်။
👉ဆရာတပည့်တွေကြား တစ်ယောက်အကြောင်း တစ်ယောက် ရင်ဖွင့်တိုင်ပင်ကြတယ်။
👉လိုအပ်မှ လာတာမဟုတ်၊အမြဲသတိတရရှိပေးကြတယ်။
👉ကိုယ့်ဆရာရဲ့ မျက်နှာကိုအမြဲကြည့်နေပြီး တစ်ခုခုဆို ဂရုတစိုက်မေးပြီး နွေးထွေးစေတယ်။
👉ပြောဆို/ဆုံးမတာတွေကို သေချာနားထောင်သင်ယူပြီး ပြုပြင်ကြတယ်။
👉ဘယ်လောက်ဆူဆူ/ရိုက်ရိုက် ဘယ်တော့မှမမုန်းကြဘူး။ အမြဲချစ်လျှက်ဘဲ။
👉နှစ်တွေဘယ်လောက်ကြာကြာ ခင်မင်မှု၊ချစ်ခင်မှု၊ရင်းနှီးမှုတွေ လုံးဝလျော့မသွားကြတဲ့တပည့်တွေ။
👉သူများနဲ့ယှဉ်ရင် ကိုယ့်ဆရာမှဆရာဆိုသူတွေ။

😁ပြောရရင်အများကြီးဘဲ။

ကိုယ့်ဘဝမှာ ကိုယ့်ရဲ့အဓိက အပေါင်းအဖော်က တပည့်တွေဖြစ်လို့ တပည့်တွေက ချစ်ပေး/ဂရုစိုက်ပေး/အမြဲလိုအပ်တိုင်းရှိပေးကြရင် အရမ်းပျော်ရွှင်ရပါတယ်။

တပည့်တွေအားလုံးကိုချစ်တဲ့
ဆရာထွန်း🤍

11/10/2022

သတိတရ လာရောက်ကြတဲ့ တပည့်များရဲ့ သီတင်းကျွတ် ဂါရဝ🥰🥰🥰
ပီတိကိုစား အားရှိကျေနပ်ပါ၏☺️☺️☺️
ကျန်းမာ၊ချမ်းသာ၊ပျော်ရွှင်ပြီး လိုရာပန်းတိုင်သို့ အခက်အခဲမရှိရောက်ရှိကြပါစေ🙏🙏🙏

ဆရာထွန်း

22/07/2022

" ဆရာ ၊ ဆရာမ အရည်အသွေး "
-
(၁) စိတ်ပါဝင်စားအောင် သင်တတ်ခြင်း

သင်ကြားသည့်လုပ်ငန်းဆိုသည်မှာ စာဖတ်ပြတတ်ရုံဖြင့် ဆရာ ၊ ဆရာမ မဟုတ်ဆိုသည်ကို အနည်းဆုံး သတိပြုနိုင်ရမည်။ ကိုယ်ကသင်သည် ကျောင်းသားက စိတ်မဝင်စားဆိုလျှင် သင်ကြားနေခြင်းမှာ အကျိုးမဲ့စွာဖြင့် လုပ်ဆောင်နေ သည့် လုပ်ရပ်ကြီးတစ်ခု ဖြစ်သွားနိုင်ပါသည်။ ထို့ကြောင့် ကျောင်းသားတစ်ယောက်ကို မိမိသင်ကြားနေသည့် အပေါ်တွင် အာရုံစူးစိုက်နေရန် အရေးကြီးသည်။ ထိုသို့ သိနိုင်ရန်အတွက် ကျောင်းသား ဘာလိုအပ်သနည်း ဆိုခြင်းကို ဆရာ ဆရာမ က ဦးဆုံးသိနားလည်ထားရမည်။ ဘယ်လိုသင်မည်နည်း၊ ဘာကြောင့် သင်ရသနည်း၊ ဘယ်သူတွေကို သင်နေသနည်း၊ ဘယ်လောက်သင်ရမည်နည်း၊ ဘယ်တော့သင်ရမည်နည်းဆိုသည့် “ဘ” ငါးလုံးကို နားမလည်သည့် ဆရာ ၊ ဆရာမ တစ်ဦးသည် ကျောင်းသားကို ကောင်းစွာ စိတ်ပါဝင်စားအောင် သင်နိုင်မည် မဟုတ်ပေ။

(၂) ပိုင်းဖြတ်တတ်ခြင်း

ဆရာ၊ ဆရာမ ကောင်းတစ်ယောက်သည် သူ့တပည့်၏ သင်ယူနိုင်စွမ်းကို ကောင်းစွာ ပိုင်းဖြတ်နိုင်သူများဖြစ်သည်။ တပည့်တိုင်း ဉာဏ်ရည်မတူ။ မတူသည့်တပည့်များကို အားလုံး နားလည်စေရန် သင်ကြားနိုင်ခြင်းသည် ပညာဖြစ် သည်။ နိမ့်သူ မြင့်သူ တော်သူ ညံ့သူ အားလုံးတစ်တန်းတည်းထားပြီး ငါသိတာ တတ်တာတွေ လျှောက်ပြောနေ တတ်သူကို ဆရာဟု မခေါ်ပါ။ ဆရာ ၊ ဆရာမ ဆိုသည်မှာ ကိုယ့်တပည့်များ နောက်တစ်ဆင့် တက်သွားနိုင်စေရန် ပို့ဆောင် နိုင်သူများ ဖြစ်ရမည်။ မည့်သူ့ကို တွန်း၊ မည်သူ့ကို ပင့်၊ မည်သူ့ကို မြှောက်၊ မည်သူ့ကို တား နောက်ဆုံးတွင် အားလုံးရောက်သွားအောင် ပို့ဆောင်ပေးနိုင်စွမ်းရှိမှသာ ဆရာ၊ ဆရာမ ဖြစ်ပါသည်။

(၃) တီထွင်ဖန်တီးဆန်းသစ်တတ်ခြင်း

ဆရာ၊ ဆရာမ ကောင်းတစ်ယောက်ဖြစ်လိုလျှင် ကိုယ်တိုင်က မျက်စိကိုဖွင့်၊ နားကို စွင့်ထားရုံသာမက ဦးနှောက်ကိုပါ လွှင့်ပေးထားနိုင်ရမည်။ အဟောင်းတွေကို ပိုကောင်းအောင် မည်သို့လုပ်မည်နည်းဆိုသည့် ဆန်းသစ်သည့် အမြင်မရှိဘဲ ဆရာ ဆရာမ ကောင်းတစ်ယောက် မဖြစ်နိုင်ပေ။ ကိုယ်တိုင်လည်းလေ့လာ၊ တပည့်တွေကိုလည်း ဆန်းသစ်စွာ တီထွင်ပြီးသင်၊ လောကကို ပြောင်းလဲပြီး မြင်စေရန် အားထုတ်နိုင်စွမ်းရှိရမည်။ ဖတ်စာပါ ကမ္ဘာကြီးသည် လုံးဝန်းသော ပုံသဏ္ဍာန်ရှိကြောင်း သင်ကြားနေခြင်းမှာ ရိုးနေပါပြီ။ ကျောင်းသားကို အဘယ်ကြောင့် လုံးဝန်း ကြောင်း အမြင်တွေကို အထောက်အထားဖြင့် သက်သေပြခိုင်းနိုင်ရမည်။ ကိုယ်တိုင်က ဖတ်စာထဲကအတိုင်း ဆရာ ဆရာမ ဖြစ်လာသည်ဆိုလျှင်လည်း ဆန်းသစ်သည့်အမြင်အတွေးတစ်ခုခုဖြင့် ကလေးများနှင့် ပူးပေါင်းအဖြေထုတ်ရန် လိုနေပြီ။

(၄) စိတ်ကောင်းရှိခြင်း

ဆရာ ဆရာမ တစ်ယောက်အတွက် အရေးအကြီးဆုံးစိတ်ထားဖြစ်သည်။ စိတ်ကောင်းထားမှ စိတ်ထားကောင်းနိုင်ပါသည်။ ဆရာ ဆရာမ က အရာရာကို အဆိုးမြင်၊ အဆိုးပြော၊ အဆိုးဝေဖန်နေလျှင် ကိုယ့်တပည့်တွေကလည်း အဆိုးသဘောကို ကောင်းသောစိတ်ထားတစ်ခုဟု ယူဆသွားနိုင်ပါသည်။ ကိုယ်သိထား တတ်ထားသည်များကို ကိုယ့်တပည့်လေး များ သိသွားပါစေဆိုသည့် စိတ်စေတနာက အရေးကြီးသည်။ တာဝန်အရ လုပ်ခြင်းဆိုသည်ထက်၊ စေတနာဖြင့် လုပ်ကိုင်ခြင်းဆိုသည်က တပည့်များကို ပိုပြီးလေးစားချစ်ခင်စေနိုင်ပါသည်။

(၅) ရှင်းရှင်းပြော၊ ပြတ်ပြတ်ပြော

ဆရာ ဆရာမ အသံက ကြည်လင်ပြတ်သားပြီး နားထောင်ရသူများအား စွဲဆောင်မှုရှိနိုင်စေရမည်။ ဆရာ ဆရာမ ကိုယ်တိုင်က ပြောလျှင်လည်း မရှင်းလျှင်၊ မြန်လွန်းနေလျှင် တပည့်များ အာရုံစိုက်ရန် ခက်ခဲစေနိုင်သည်။ အဖြတ်အတောက်၊ အဆွဲအငင်၊ လေယူလေသိမ်း ဆရာ ဆရာမ ကောင်းတစ်ယောက်အတွက် အရမ်းအရေးကြီးသည်။ ကျောင်းသား၏ စိတ်ပါ ဝင်စားမှုသည် ဆရာ ဆရာမ အသံ၊ ဟန်၊ မာန်အပေါ်တွင် များစွာတည်ကြောင်း သိစေချင်ပါသည်။ စကားကို တောရောက် တောင်ရောက် လျှောက်ပြောတတ်လျှင်လည်း ခရီးမရောက်ပါ။ ပြောချင်သည့်အကြောင်းကို ပြတ်သားစွာ မဖြတ် နိုင်ပါကလည်း ကလေးများကို အိပ်ငိုက်သွားစေနိုင်သည်။

(၆) ဦးတည်ချက်ထား

ဆရာ ဆရာမ က ဘာသင်မည်ကိုလည်း သိထားနိုင်ရမည်ဖြစ်သလို ဘယ်လောက်အတိုင်းအတာအထိ သင်မည်ဆိုခြင်းကို လည်း ဦးတည်လာပြီး သင်ကြားပြသနိုင်ရမည်။ ဆရာ ဆရာမ တစ်ယောက်သည် သူ့ကန့်သတ်ချက်အတိုင်းအတာ အချိန် အတွင်း လှုပ်ရှားနေရသည်။ ကိုယ့်အတန်းထဲက ကလေးများသည် ဆရာ ဆရာမ တစ်ယောက်ပြီး တစ်ယောက် ပြောင်း သွားသော်လည်း မပြောင်းလဲစွာဖြင့် ငုတ်တုတ်ကျန်နေသူများဖြစ်သောကြောင့် သူတို့ အာရုံစိုက် စိတ်ဝင်စား နိုင်မည့် အတိုင်းအတာလေးလောက်သာ သင်ရန်ဦးတည်လာခဲ့ရမည်။

(၇) ကိုယ်ချင်းစာစိတ်ထားခြင်း

ကလေးတစ်ယောက်သည် ငါသင်သမျှ စိတ်ဝင်စားရမည်ဟု မသတ်မှတ်သင့်ပါ။ သူတို့၏ သင်ယူနိုင်မှုသည် သူတို့၏ အချိန်အပိုင်းအခြားအလိုက်ဖြစ်ပျက်နေသည့် ခံစားချက်တို့နှင့်လည်း သက်ဆိုင်တတ်ပါသည်။ ထမင်းဆာနေသည့် ကလေးတစ်ယောက်က ကိုယ်ကဘယ်လောက်ကောင်းအောင်သင်သည်ဖြစ်စေ စိတ်ဝင်စားမှု ရှိချင်မှရှိမည်။ သူတို့ ဟိုကြည့် သည်ကြည့် တောကြည့် တောင်ကြည့်လာလျှင် သတိပြုစေချင်သည်။ ကိုယ်သင်တာ များသွားပြီလား၊ နည်းနေသလား၊ သူတို့ ဘာဖြစ်လို့ အာရုံစိုက်နိုင်စွမ်းမရှိသလဲ ကိုယ်ချင်းစာစိတ်ဖြင့်သာ ပိုင်းဖြတ်ပေးနိုင်ပါသည်။

(၈) ပြောင်းလဲပြုပြင်

ကိုယ်က အကောင်းဆုံးပြင်ဆင်ခဲ့သော်လည်း သူတို့တွင် အခက်အခဲများရှိနိုင်ပါသည်။ ငါပြင်ခဲ့တဲ့အတိုင်း တာဝန်ကျေ သင်သွားမည်ဆိုလျှင် ဖြစ်နိုင်ပါသည်။ သို့သော် အခြေအနေနှင့် အချိန်အခါအလိုက် ကိုယ်သင်ကြားမှု အနေအထားပုံစံများကို ပြောင်းလဲပြုပြင် သင်ကြားနိုင်သူများဖြစ်ရန်လိုသည်။

(၉) စက်ရုပ်လား ပညာရှင်လား

စာဖတ် စာရွတ်ပြခြင်းသည် ဆရာ ဆရာမ မှမဟုတ် စက်ရုပ်များလည်း လုပ်နိုင်ပါသည်။ စပိန်နိုင်ငံတွင် ကျူရှင်ဆရာ ဆရာမ များကို စက်ရုပ်များဖြင့် တီထွင်နေသည်။ ကျောင်းသားသိချင်သည့် စာများကို စက်ရုပ်ဆရာ ဆရာမ က ရွတ်ပြနေလိမ့် မည်။ ဆရာ ဆရာမ ဆိုသည်မှာ ပညာရှင်ဖြစ်သည်။ ကလေး၏စိတ်နှင့် ကလေး၏ အနေအထားအလိုက် တန်ဖိုးကို တွက်ဆကာ သင်ကြားနိုင်ရသည်။

(၁၀) ထာဝရကျောင်းသား

ဆရာ ဆရာမ ဆိုသည်မှာ ထာဝရကျောင်းသားတစ်ဦးဖြစ်နေသင့်သည်။ ဘွဲ့ သို့မဟုတ် သင်တန်းတစ်ခုခုက ဆရာ ဆရာမ တစ်ဦးကို အဆင့်အနေအထား သတ်မှတ်ပေးလိုက်ခြင်းသာဖြစ်သည်။ ဆရာ ဆရာမ ကို ထာဝရပညာရှင်တစ်ယောက် အနေဖြင့် အသိအမှတ်ပြုလိုက်ခြင်းမဟုတ်ပါ။ ဆရာ ၊ ဆရာမ ဆိုသည်မှာ ထာဝရလေ့လာသင်ယူနေသည့် ကျောင်းသား ကြီးများဖြစ်ရန်လိုသည်။ ဘဝထဲမှာ သင်ယူနိုင်သည်၊ စာအုပ်စာပေများ မပြတ်လေ့လာ သင်ယူနိုင်သည်။ တိုးတက်လာသည့်ခေတ်တွင် ခေတ်နှင့် မျက်ခြေမပြတ် ကွန်ပျူတာ အင်တာနက်များထဲတွင်လည်း သင်ယူနိုင်ရမည်။ သင်ယူခြင်းသည် သင်ကြားခြင်းအတွက် အားဆေးများဖြစ်သည်။ ပညာကို ဆက်မရှာလျှင် ခေတ်နောက်ကျကျန်ခဲ့သော ဆရာ ၊ ဆရာမ များဖြစ်သွားပါလိမ့်မည်။

(Qualities of Good Teacher)

Address

လမ်း ၆၀/၃၈-၃၉ လမ်းကြား/ရတနာတိုင်းပြည်တိုက်ခန်းလမ်းသွယ်၊ရွှေဘုန်း
Mandalay
05024

Telephone

+959797314452

Website

facebook.com

Alerts

Be the first to know and let us send you an email when Sayar Htun Education Center posts news and promotions. Your email address will not be used for any other purpose, and you can unsubscribe at any time.

Contact The School

Send a message to Sayar Htun Education Center:

Sayar Htun Education Center