ဂျန္နသ် သွလ် အိုလူးမ် ပညာ့ဥယာဥ်

. ꧁ကုန်အာန်ခွာနီ ဖိတ်ကြားခြင်း꧂

မရ်ဟူမ်- ရဟ်မသ်အလီ အိဗ်နေ ဂိုလာမ်အလီ (ဦးခင်မောင်သိန်း)အတွက် ရည်စူး၍ ၂၃-၁၀-၂၀၂၅ ခုနှစ် ကြာသပတေးနေ့တွင် ဂျန္နသ်-သွလ်-အိုလူးမ် စာသင်ကျောင်းပေါ်တွင် ကုရ်အာန်ခွာနီရှိပါသည်။ ကုရ်အာန်ခွာနီကို မဂ်ရိဗ်နမားဇ်အပြီးတွင် ကျင်းပပြုလုပ်မည်ဖြစ်သောကြောင့် မိဘများနှင့် ကျောင်းသား/သူများ လာရောက်ပေးကြပါရန် ဖိတ်ခေါ်အပ်ပါသည်။

ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

🪴အလ္လာဟ်အရှင်မြတ်အား ကျေးဇူးတင်ပါ၏။🪴

ကျွန်တော်တို့ရဲ့ "ဂျန္နသ်-သွလ်-အိုလူးမ်" ပညာ့ဥယျာဥ်စာသင်ကျောင်းဟာတော့ဖြင့် အလ်-မွဆ်သွဖွာ တက္ကသိုလ်ရဲ့ ချိတ်ဆက်ကျောင်းအဖြစ်သတ်မှတ်၍ အသိမှတ်ပြုခြင်းကို ခံလိုက်ရပါပြီ။ ယခုလို အခြေအနေကို ရောက်ရှိလာဖို့ ကျွန်တော်အလီအဇ်ဂရ်မှ ၄ နှစ်တိုင်တိုင် ဇွဲ၊ လုံ့လနှင့်အတူ ကြိုးပမ်းအားထုတ်ခဲ့ရပါတယ်။ ယိုင်လဲတော့မည့် အခြေအနေရောက်တိုင်း မန္တလေး-သျှီအာဟ်ဗလီဂေါပကနဲ့ စာသင်ကျောင်းတည်ထောင်သူ အနွယ်တော်မွန်-အဇ်ဂရ်ဘိုင်(ဟာဂျီ- ဦးသန့်ထွေး)တို့မှ ဆွဲထူပေးလေ့ရှိခဲ့ကြပါတယ်။ နောက်ဆုံးမှာတော့ ယခုလို ဝိုင်းဝန်းကြိုးစားအားထုတ်ကြသူတွေရဲ့ အားထုတ်မှုကို အလ္လာဟ်အရှင်မြတ်သခင် မျက်ကွယ်မပြုဘဲ မိမိနဗီတမန်တော်ရဲ့ မွေးနေ့မှာ အောင်မြင်မှုအသီးအပွင့်ကို အီဒီအဖြစ် ကျွန်တော်တို့ကို ချီးမြှင့်ခဲ့ပါတယ်။

ချိတ်ဆက်ကျောင်းဖွင့်ပွဲအခမ်းအနားကို ၁၄-၉-၂၀၂၅ ခုနှစ် (တနင်္ဂနွေနေ့) နံနက် ၉ နာရီမှာ အီရန်နိုင်ငံ၊ အလ်မွဆ်သွဖွာမှ ကိုယ်စားလှယ်တော်ကြီး အာဂါ-ယေ-ဆဒ်ရွတ်ဆာဒါးသ် တက်ရောက်ပြီး ဖဲကြိုးဖြတ်ဖွင့်လှစ်ပေးခဲ့ပါတယ်။

ဒီ့အပြင် ကျောင်းတည်ထောင်သူ အနွယ်တော်မွန်-အဇ်ဂရ်ဘိုင်အား ကျောင်းအုပ်ချုပ်ရေးကော်မတီဥက္ကဌအဖြစ်လည်းကောင်း၊ ကျွန်တော်အလီအဇ်ဂရ်အား ကျောင်းအုပ်အဖြစ်လည်းကောင်း၊ ဆရာ-ဆိုင်ယိဒ်အလီအခ်သရ်နှင့် ဆရာမ-ရှဗ်နန်းမ်တို့အား ကျောင်းဆရာ/မများအဖြစ်လည်းကောင်း အသီးသီးတာဝန်များပေးအပ်ခဲ့ပါတယ်။

အလ္လာဟ်အရှင်မြတ်ရဲ့ ကရုဏာတော်နဲ့ ယခုလို အောင်မြင်မှုရရှိခဲ့တဲ့အပေါ် အလ္လာဟ်အရှင်မြတ်ကို ချီးမွမ်း​ထောပနာပြုရင်း အခြေနေအရပ်ရပ်မှာ ဖေးမကူညီကြတဲ့...
▪︎ ဟာဂျီ-ဦးစိုးလွင်နှင့် ဂေါပကအဖွဲ့
▪︎ အနွယ်တော်မွန်-ဟာဂျီအဇ်ဂရ်ဘိုင်
▪︎ ကျောင်းသား/သူတို့၏ မိဘများအားလုံးကို အထူးကျေးဇူးတင်ရှိပါတယ်။

မီရ်ဇာ အလီအဇ်ဂရ် (သင်္ဃန်းကျွန်း)

. 🎀 ဆုချီးမြင့်ပွဲဖိတ်ကြားခြင်း 🎀

ချစ်ခင်မြတ်နိုးရပါသော ကျောင်းသား/သူများနှင့် မိဘများခင်ဗျာ...
၂၇-၂-၂၀၂၅ ခုနှစ် (ကြာသပတေးနေ့) ည ၆ နာရီခွဲတွင် ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း၌ နှစ်ပတ်လည်ဆုချီးမြင့်ပွင့်အခမ်းနားရှိပါသောကြောင့် ကြွရောက်ပေးကြပါရန် လေးစားစွာ ဖိတ်ကြားအပ်ပါသည်။

ပုံ/
ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

အစ္စလာမ့်ယှရီအသ်(အဟ်ကာမ်)ကို ကြိုးစားသင်ယူနေကြသော မန္တလေးမြို့နေ- ရှီအာဟ်မွတ်စလင်များ...

ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

■ကုရ်အာန်ခွာနီ ဖိတ်ကြားခြင်း■

ချစ်ခင်မြတ်နိုးရပါသော ကျောင်းသား/သူများနှင့် မိဘများခင်ဗျာ....

ယနေ့ ၃၁-၁၀-၂၀၂၄ ခုနှစ် (ကြာသပတေးနေ့) ည ၇ နာရီအတိတွင် မရ်ဟူမ် ဇကီးဟိုင်ဒရ် အိဗ်နေ ဂိုလာမ်ဟိုင်ဒရ် (ဦးမြင့်ဦး)အတွက် ရည်စူး၍ ဂျန္နသ်-သွလ်-အိုလူးမ် စာသင်ကျောင်း၌ "ကုရ်အာန်ခွာနီ" ပြုလုပ်ကျင်းပမည်ဖြစ်ပါသောကြောင့် ကြွရောက်ပေးကြပါရန် လေးစားစွာ ဖိတ်ကြာအပ်ပါသည်။

ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

အက်စလာမိုအလိုင်းကွမ် ဝရဟ်မသုလ္လာဟေ ဝဗရကာသုဟ်

အဟ်ကာမ်-အခြေခံပညာရပ်ကို သင်ယူလိုသော လူကြီးများအနေဖြင့် ၂.၁၁.၂၀၂၄ ခုနှစ် (စနေနေ့)တွင် စတင်ဖွင့်လှစ်မည့် နှစ်ပါတ်တာကာလ သင်တန်းတိုတွင် တက်ရောက်ခွင့်ရရှိရန် ဂျန္နသ်-သွလ်-အိုလူးမ်၌ လာရောက်စာရင်းပေးသွင်းနိုင်ကြောင်း မန္တလေးမြို့နေ ဂျမာအသ်သူ/သားများကို အသိပေးကြေညာအပ်ပါသည်။

မှတ်ချက်။ ။
■ အမျိုးသမီးနှင့် သက်ဆိုင်သောကဏ္ဏများကို အမျိုးသမီးဆရာမမှ သင်ကြားပို့ချသွားပါမည်။

■ သင်တန်း၏ ကာလမှာ နှစ်ပတ်သာဖြစ်ပြီး စာမေးပွဲမရှိ၊ အလွတ်တန်းသင်ယူရမည်ဖြစ်သည်။

■ သင်တန်းချိန်မှာ ည ၆:၃၀ မှ ၇:၃၀ ထိဖြစ်ပြီး သောကြာနေ့ကို ပိတ်ပါမည်။

ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

မရ်ဟူမ်- မိုဟမ္မဒ် ဆွာလေ့ဟ်အတွက်ပြုလုပ်သော ကုရ်အာန်ခွာနီ ပုံရိပ်များ...

ကုရ်အာန်ခွာနီ ဖိတ်ကြားခြင်း

ချစ်ခင်မြတ်နိုးရပါသော ဂျန္နသ်-သွလ်-အိုလူမ်း ကျောင်းသား/သူများနှင့် မိဘများခင်ဗျာ...
ယနေ့ ၂၆-၁၀-၂၀၂၄ ခုနှစ် (စနေနေ့) ညနေ ၄ နာရီတိတိတွင် မရ်ဟူမ် မိုဟမ္မဒ်-ဆွာလေ့ဟ်အတွက် ရည်စူး၍ ကုရ်အာန်ခွာနီပြုလုပ်မည်ဖြစ်ပါသောကြောင့် ကျောင်းပေါ်သို့ ကြွရောက်ပေးကြပါရန် လေးစားစွာဖြင့် ဖိတ်ကြားအပ်ပါသည်။

ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

အက္စ်လာမို အလိုင်းကွမ်း...

မရ်ဟူမ် ဒိလ်ဗရ်ဟိုင်ဒရ်-အိဗ်နေ-ဇကီးဟိုင်ဒရ်အား ရည်စူး၍ ယနေ့(ကြာသပတေးနေ့) ညနေ ၅ နာခွဲတိတိတွင် ပညာ့ဥယျာဥ်စာသင်ကျောင်း၌ ကုရ်အာန်ခွာနီပြုလုပ်မည်ဖြစ်ပါသောကြောင့် မိဘများနှင့် ကျောင်းသား/သူများ ကြွရောက်ပေးကြပါရန် ဖိတ်ကြားအပ်ပါသည်။

ပုံ/
ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

ဂျန္နသ်-သွလ်-အိုလူးမ်(ပညာဥယျာဥ်)စာသင်ကျောင်းကို ၂၁-၇-၂၀၂၄ ခုနှစ် တနင်္ဂနွေနေ့တွင် ပြန်လည်ဖွင့်လှစ်မည်ဖြစ်သောကြောင့် ကျောင်းသား/သူများအနေဖြင့် ယနေ့ညနေ ၅ နာရီအတိ စာသင်ကျောင်းသို့ လာရောက်ကြပါရန် အသိပေးကြေညာအပ်ပါသည်။

ဂျန္နသ်-သွလ်-အိုလူးမ်(ပညာ့ဥယျာဥ်)စာသင်ကျောင်း

အေမာမ် ဟိုစိုင်န်(အ.စ)၏ ဇေယာရသ် မဂျ်လိစ်တော်ပုံရိပ်များ...

လေးစားအပ်ပါသော မို့အ်မေနီန်/နားသ်အပေါင်းတို့ခင်ဗျာ....

၁၉-၇-၂၀၂၄ ခုနှစ် သောကြာနေ့ ၁၅:၀၀ နာရီတွင် ဆိုင်ယေဒုရ်-ယှိုဟဒါ အေမာမ်ဟိုစိုင်န်(အ.စ)နှင့် ယှိုဟဒါ-အေ-ကရ်ဗလာ၏ ဇေယာရသ်မဂျ်လိစ်ရှိပါသည်။ မဂျ်လိစ်ကို အမျိုးသား/သမီး စုပေါင်း၍ မန္တလေးမြို့ အေမာမ်ဘာရဂါဟ်၌ ကျင်းပပြုလုပ်သွားမည်ဖြစ်၍ မို့အ်မေနီန်/နားများ ကြွရောက်ပေးကြပါရန် လေးစားစွာဖိတ်ကြားအပ်ပါသည်။

မှတ်ချက်။ ။
မဂျ်လိစ်အပြီး ထမင်းကျွေးရှိပါသည်။

# # အနွယ်တော်မွန်မိသားစု