Happy Heart Pre-school

Happy Heart Pre-school Happy Hearts Preschool

10/04/2026

Happy Heart preschool
သင်္ကြန်ပွဲတော်




#သင်္ကြန်

Happy Heart Primary ××××××××××××××××××Happy Heart primary school မှာ ကလေးတွေကို CCA(Child Centered Approach)ကလေးဗဟိုပြုခ...
18/12/2024

Happy Heart Primary
××××××××××××××××××
Happy Heart primary school မှာ ကလေးတွေကို CCA(Child Centered Approach)ကလေးဗဟိုပြုချဥ်းကပ်နည်းဖြင့် သင်ကြားပေးပါတယ်။ ကလေးဗဟိုပြုချဥ်းကပ်နည်း စနစ်ဟာ ကလေးရဲ့ သင်ယူမှု၊ သင်ကြာမှုဖြစ်စဥ်မှာ သင်ယူသူရဲ့အတွေ့အကြုံကို ဗဟိုပြုပြီး ကလေးများရဲ့ ထီထွင်ဖန်တီးတတ်မှု၊ ဝေဖန်ဆန်းစစ်တတ်မှု၊ စဥ်စားတွေခေါ်မှု စွမ်းရည်တွေကို တိုးတတ်အောင်ပြုစုပျိုးထောင်ပေးပါတယ်။ ကလေးအားလုံးသင်ခန်းစာတိုင်းတွင် ပူပေါင်းဆောင်ရွက်တတ်အောင် လေ့ကျင့်သင်ကြားပေးပါတယ်။ ကလေးတွေရဲ့ လေ့လာသင်ယူမှု၊ တတ်မြှောက်ကျွမ်းကျင်မှုများကို မှတ်တမ်းပြုစုပြီး အလွတ်ကျက်ဖြေစာမေးပွဲစနစ်မှ စဥ်ဆက်မပြက်အကဲဖြတ်စနစ်ကို ပြောင်းလဲဆောင်ရွက်ထားပါတယ်။ Exam ကလည်း ကျောင်းသားရဲ့ ရလဒ်ကို ရှာတာပါပဲ။ Assessment ကလည်း ကျောင်းသားရဲ့ရလဒ်ကို ရှာတာပါပဲ။ ဒါပေမယ့် Exam နဲ့ Assessmentက မတူပါဘူး။ Exam(စာမေးပွဲ) ဆိုတာ ကလေးတစ်ဦးက သူ့မှာရှိထားတဲ့ အခြေခံအသိနဲ့ သူဘယ်လောက်ထိသင်ယူနိုင်ခဲ့သလဲဆိုတာကို သတ်မှတ်ဖို့စစ်ဆေးတာပါ။ လက်တလော အချိန်တိုတွင်း ကျင်းပလိုက်တဲ့ စာမေးပွဲရဲ့ ရလဒ်ပေါ်မူတည်ပြီး အောင်ခြင်း၊ ရှုံးခြင်းတွေကို တိုင်းတာပါတယ်။ Assessment (အကဲဖြတ်ခြင်း)က ကလေးတစ်ဦးရဲ့ အသိပညာ၊ ကျွမ်းကျင်မှု၊ သဘောထားနဲ့ယုံကြည်မှု စတဲ့အချက်အလက်တွေကို အသေးစိတ်မှတ်တမ်းတင်ပြီး ရလဒ်ကိုဆုံးဖြတ်ချက်ချခြင်းဖြစ်ပါတယ်။ ဗလငါးတန်ဖြစ်တဲ့ ကာယ၊ ဥာဏ၊ မိတ္တ၊ စာရိတ္တ၊ ဘောဂ အားလုံးကို အကဲဖြတ်ပေးပါတယ်။ ကလေးတွေကို နားလည်သဘောပေါက်သော နည်းဖြင့် သင်ကြားပေးပါတယ်။ ကလေးတိုင်းမှာ ဖွံ့ဖြိုးမှု့တွေ မတူညီတာမို့ မတူညီတဲ့ကလေးတွေကို မတူညီသော နည်းလမ်းဖြင့် ကလေးများအားလုံး နားလည်အောင် သင်ကြားပေးပါတယ်။ ကလေးဗဟိူပြုချဥ်ကပ်နည်းမှာ အဓိကအချက်ကတော့ သင်ရိုးသစ်ရဲ့ သင်ကြားမှု့ပုံစံကို မိဘများအနေနဲ့ နားလည်ဖို့ စိတ်ဝင်စားမှု့နဲ့ ပူးပေါင်းဆောင်ရွက်ဖို့ လိုအပ်ပါတယ်။ သင်ရိုးသစ်မှာ KG ကလေးတွေကို စာကြည့်သင်ကြားတာမျိုုးမဟုတ်ပဲ ကလေးကိုတိုင် လွတ်လပ်စွာတွေးခေါ်ခြင်း၊ စူးစမ်းလေ့လာခြင်း၊ အသက်အရွယ်လိုက်ဖွံ့ဖြိုးမှုတွေရရှိအောင် သင်ကြားပေးပါတယ်။ ကလေးများရဲ့ ဆော့ကစားချင်စိတ်၊ စူးစမ်းစိတ်နဲ့ထိတွေ့ဆောင်ရွက်မှုကို သင်ယူမှုဖြစ်အောင် ပြောင်းလဲတဲ့အခြေအနေကို သဘောပေါက်နားလည်သင့်ပါတယ်။ ပြောင်းလဲလာတဲ့ခေတ်နဲ့အညီ နည်းပညာ၊ လူမှုအဖွဲ့စည်းရဲ့လိုအပ်ချက်၊လက်တွေ့ကျွမ်းကျင်မှုများနှင့် ဗဟုသုတများကို ဖြည့်ဆည်းပေးတဲ့ သင်ကြားမှုပုံစံမှတစ်ဆင့် အနာဂတ်ကောင်းမွန်တဲ့ကလေးတွေဖြစ်လာမှာပါပဲ။

ကလေးများအနာဂတ်လှပဖို့ Happy Heart မှာတက်ကြစို့

Happy Heart ရဲ့ အဓိပ္ပါယ်ကို ဒီလိုလေးဖွင့်ဆိုမယ်ဆို လွန်သွားမလားပဲ 😍
Happy
*******
ပျော်ရွှင်စရာကောင်းတဲ့ အနာဂတ်တွေဖန်တီးနိုင်ဖို့
Heart
******
ချစ်ခြင်းမေတ္တာတွေ ပြည့်နှက်နေတဲ့ နှလုံးသားပိုင်ရှင်များမှ
ပြုစုပျိုးထောင်နေပါပြီ။ 😊❤️

February လတွင် 2025-2026 ပညာသင်နှစ်အတွက်
မူလတန်း စတင်လက်ခံမည်ဖြစ်ပါသည်။
Happy Heart ကျောင်းသူ၊ ကျောင်းသားတိုင်း February လတွင် မူလတန်းပထမရစ်သွင်းထားပါက (၁) သိန်းကျပ် လျော့ပေးမည်ဖြစ်ပါသည်။
ကျောင်းလစာကို အသေးစိတ်ကြေငြာပေးမည်ဖြစ်ပါသည်။

Happy Heart Preschool and Learning Center
ကြာနီကန်ကျေးရွာ
09765333882

Happy Heart ရဲ့ အဓိပ္ပါယ်ကို ဒီလိုလေးဖွင့်ဆိုမယ်ဆို လွန်သွားမလားပဲ 😍Happy *******ပျော်ရွှင်စရာကောင်းတဲ့ အနာဂတ်တွေဖန်တီးန...
17/12/2024

Happy Heart ရဲ့ အဓိပ္ပါယ်ကို ဒီလိုလေးဖွင့်ဆိုမယ်ဆို လွန်သွားမလားပဲ 😍
Happy
*******
ပျော်ရွှင်စရာကောင်းတဲ့ အနာဂတ်တွေဖန်တီးနိုင်ဖို့
Heart
******
ချစ်ခြင်းမေတ္တာတွေ ပြည့်နှက်နေတဲ့ နှလုံးသားပိုင်ရှင်များမှ
ပြုစုပျိုးထောင်နေပါပြီ။ 😊❤️

Coding for kids (ကလေးများအတွက် ကွန်ပျူတာ ပရိုဂရမ်းမင်း)*************************************************************2025...
17/12/2024

Coding for kids (ကလေးများအတွက် ကွန်ပျူတာ ပရိုဂရမ်းမင်း)
*************************************************************
2025-2026 ပညာသင်နှစ် မူလတန်းတွင် အခြေခံ ကွန်ပျူတာ (Basic computer) နှင့် Computer Programming ဘာသာရပ်ကို အပိုဆောင်းဘာသာရပ်ဖြစ် သင်ကြားပေးမည်ကို မိဘများသဘောကျနှစ်သက်ပါသဖြင့် ထည့်သွင်းသင်ကြားပေးမည်ဖြစ်ပါသည်။

အခြေခံကွန်ပျူတာ ( Computer)
ကွန်ပျူတာကို အခြေခံကျကျ သင်ယူရပါမည်။ ရုံးသုံး ဆော့ဝဲလ်များကို အသုံးပြုတတ်စေရန် အခြေခံအဆင့်တွင် စတင်သင်ကြားပေးပါမည်။ အင်တာနက်၊ အီးမေးလ် ချိတ်ဆက်အသုံးပြုတတ်ရန်နှင့် Coding ကိုလည်း အဆင့်မြှင့်သင်ကြားနိုင်ရန် စီစဉ်ပေးသွားမည်ဖြစ်ပါသည်။

ကလေးများ Coding ကိုဘာကြောင့်သင်သင့်တာလဲ?
-coding ဆိုတာ တိကျတဲ့လုပ်ဆောင်ချက်တွေကို ဆောင်ရွက်ဖို့ computer ကို ညွန်ကြားချက်တွေပေးတဲ့ လုပ်ငန်းစဉ်ပဲဖြစ်ပါတယ်။
-Computer ဆိုင်ရာ programming language ပေါင်းများစွာထဲကမှ ကလေးတွေကို Scratch ကဲ့သို့ visual block တွေနဲ့ coding ကို အလွယ်တကူသင်ယူတတ်မြောက်နိုင်ပါတယ်။
-Device မှန်သမျှ (ဉပမာ- computer, phone, TV, Car)ကို coding နဲ့ ပေါင်းစပ် တည်ဆောက်ထားတာပါ။
ဒါကြောင့် coding က ကလေးတွေ၊လူကြီးတွေ အတွက် အရေးကြီးပါတယ်။
- လက်တွေ့ကျပြီး ဆန်းသစ်တဲ့ တီထွင်မှုများကို ဖန်တီးဖို့ code တွေက ကြားခံနယ်တစ်ခုဖြစ်ပါတယ်။
-coding ပညာရပ်ကိုသင်ကြားခြင်းအားဖြင့် ဖေဖေ၊မေမေ တို့ရဲ့ကလေးတွေဟာ သူတို့ရဲ့စိတ်ကူး ဆန်းသစ်မှုတွေကို code တွေနဲ့ ဖန်တီးနိုင်ပါတယ်။
-လူသားတိုင်း အမှားနဲ့မကင်းပါဘူး အဲအမှားတွေကနေတစ်ဆင့် ကိုယ့်ဘဝကို ပိုမိုကောင်းမွန်လာအောင် ဆက်လက်တည်ဆောက်ကြရပါတယ်။ အဲ့အမှားတွေအပေါ် ဝမ်းနည်းပူဆွေးမနေပဲ ဘာကြောင့်မှားတာလဲ?၊ နောက်တစ်ခါမမှားအောင် ဘယ်လိုပြင်ဆင်ရမလဲ ဆိုတာ ဖေဖေ၊မေမေတို့က သားသား၊မီးမီး တို့နဲ့ဆွေးနွေးသင့်ပါတယ်။ ‌
ဒီလိုကိစ္စတွေအတွက် နောက်ထပ်‌ေဖြရှင်းနည်း နည်းလမ်းတစ်ခုကတော့ coding သင်ပေးခြင်းပါပဲ။ ဘာလို့လဲဆိုရင် coding programming လုပ်တယ်ဆိုတာ error အမှားတွေနဲ့မကင်းပါဘူး။ Error အမှားတွေကိုရှာဖွေပြီး ဖြေရှင်းရတာက coding သင်ကြားခြင်းနဲ့အနှစ်သာရပါပဲ။
Coding သင်ကြားခြင်းဖြင့်
-အမှားတွေပြန်လည်ပြုပြင်တတ်ခြင်း
-အဖွဲ့အစည်းဖြင့် ပူးပေါင်းဆောင်ရွက်တတ်ခြင်း
-တီထွင်ဖန်တီးနိုင်ခြင်း
စတဲ့ ဘဝတွက်အရေးကြီးလှတဲ့ ကျွမ်းကျင်မှု Skills တွေကို သင်ယူခွင့်ရရှိမှာဖြစ်ပါတယ်။

February လတွင် 2025-2026 ပညာသင်နှစ်အတွက်
မူလတန်း စတင်လက်ခံမည်ဖြစ်ပါသည်။
Happy Heart ကျောင်းသူ၊ ကျောင်းသားတိုင်း February လတွင် မူလတန်းပထမရစ်သွင်းထားပါက (၁) သိန်းကျပ် လျော့ပေးမည်ဖြစ်ပါသည်။
အတန်း တစ်တန်းလျှင် ကလေး (၁၅) ယောက်သာ လက်ခံပါမည်။
ကျောင်းလစာကို အသေးစိတ်ကြေငြာပေးမည်ဖြစ်ပါသည်။

Happy Heart Preschool and Learning Center
ကြာနီကန်ကျေးရွာ
09765333882

မူကြိုဆရာမလျှောက်ထားနိုင်ပါတယ်ခင်ဗျာ****************************************Happy Heart Preschool တွင် ကလေးများ ပြုစုပျိ...
11/06/2024

မူကြိုဆရာမလျှောက်ထားနိုင်ပါတယ်ခင်ဗျာ
****************************************
Happy Heart Preschool တွင် ကလေးများ ပြုစုပျိုးထောင်ပေးရန် မူကြိုဆရာမ လျှောက်ထားနိုင်ပါကြောင်း သတင်းကောင်းပါးလိုက်ပါတယ်ခင်ဗျာ။

ချစ်ခြင်းများဖြင့် စောင့်ရှောက်ပေးနိုင်သော ပန်းပျိုးလက် တစ်စုံအား ကျွန်တော်တို့ Team မှ စောင့်မျှော်နေပါပြီခင်ဗျာ။

အလုပ်လျှောက်ထားရန် လိုအပ်သော အချက်အလက်များ ပိုမိုသိရှိရန် ကျောင်းသို့ လာရောက်လျှောက်ထားနိုင်ပါတယ်ခင်ဗျာ။

ဆက်သွယ်ရန်
🏡 Happy Heart Preschool
☎️ 0️⃣9️⃣7️⃣6️⃣5️⃣3️⃣3️⃣3️⃣8️⃣8️⃣2️⃣
📍ကြာနီကန်ကျေးရွာ။

18/05/2024

မူကြိုနှင့် မူလတန်းများအတွက် ကျောင်းအပ်လက်ခံနေပါပြီခင်ဗျာ။

မူကြိုအရွယ်ကလေးငယ်များအတွက် လိုအပ်ချက်များ********************************************(က) ကိုယ်ခန္ဓာပိုင်းဆိုင်ရာလိုအပ်ခ...
13/05/2024

မူကြိုအရွယ်ကလေးငယ်များအတွက် လိုအပ်ချက်များ
********************************************
(က) ကိုယ်ခန္ဓာပိုင်းဆိုင်ရာလိုအပ်ချက်များ
°°°°°°°°°°°°°°°°°°°°°°°°°°°°°°°°°°°°°°°°°°°°°°°°
* ကိုယ်ခန္ဓာပိုင်းဆိုင်ရာ အန္တရာယ်ဖြစ်မှုများမှ ကာကွယ်ပေးခြင်း
* ကျန်းမာရေးစောင့်ရှောက်မှုနှင့် အာဟာရ အလုံအလောက်ရရှိခြင်း
* ကာကွယ်ဆေးများ မှန်ကန်စွာရရှိခြင်း
* ကာယကြွက်သားကျွမ်းကျင်မှု၊ ကြွက်သားငယ် များ ဖွံ့ဖြိုးနိုင်မည့် အခွင့်အလမ်းများရှိခြင်း

(ခ) သိမှုဆိုင်ရာလိုအပ်ချက်များ
°°°°°°°°°°°°°°°°°°°°°°°°°°°°°°°°°°°°
* ကလေး၏အချက်ပြမှုများကို နားလည်ပြီး တုံ့ပြန်မှုပေးနိုင်သောလူကြီးတစ်ဦး
* ကိုင်တွယ်ထိတွေ့နိုင်၊ အသံကြားနိုင်၊ အနံ့ရနိုင်၊ အရသာခံကြည့်နိုင်၊ ကြည့်ရှုနိုင်သော ပစ္စည်းများ
* ပတ်ဝန်းကျင်ကို စူးစမ်းလေ့လာနိုင်ခွင့်များ
* ဘာသာစကားဖွံ့ဖြိုးမှုအတွက် သင့်လျော် သော လှုံ့ဆော်မှုများပေးခြင်း
* ဘာသာစကားနှင့် စဉ်းစားတွေးခေါ်မှု အရည် အချင်းများရရှိစေခြင်း
* ပစ္စည်းအမျိုးစုံလင်စွာဖြင့် ကစားနိုင်ရန် နေ့စဉ် အခွင့်အလမ်းများပေးခြင်း
* ဆောင်ရွက်ချက်များမှတစ်ဆင့် သင်ယူနိုင်ရန် ကိုယ်တိုင်စူးစမ်းဆောင်ရွက်ခွင့်ရခြင်း
* တီထွင်ဖန်တီးမှုကို အားပေးခြင်း
* စာရေး၊ စာဖတ်၊ သင်္ချာ အခြေခံအရည်အချင်းများနှင့်သက်ဆိုင်သော လက်တွေ့စမ်းသပ် လုပ်ဆောင်မှုများ

(ဂ) လူမှုစိတ်ပိုင်းဆိုင်ရာလို အပ်ချက်များ
°°°°°°°°°°°°°°°°°°°°°°°°°°°°°°°°°°°°°°°°°°°°°°°°
* ကလေးအား ချစ်ခင်ရင်းနှီးပြီး နည်းလမ်းတကျ စောင့်ရှောက်ပေးသော လူကြီးတစ်ဦးနှင့် အတူနေခြင်း
* အချို့နေရာများတွင် မည်သို့ထိန်းသိမ်းပြုမှုရမည်ကိုသင်ယူရာ၌ ကူညီပေးခြင်း
* ပြီးစီးပြီးမြောက်မှုကိုခံစားရရှိကာ အပြုသဘောဆောင်သည့် သဘောထားများ ဖွံ့ဖြိုးလာစေမည့် လုပ်ဆောင်စရာများရှိခြင်း
* အကောင်းမြင်သဘောထားများ ရရှိစေမည့် အပြုအမူများ
* မိမိကိုယ်ကို စောင့်ရှောက်တတ်ရန် သင်ယူခွင့်ပေးခြင်း
* ဝေမျှတတ်ရန်၊ ကူညီတတ်ရန်၊ အခြားသူများနှင့် ပူးပေါင်းဆောင်ရွက်တတ်ရန် သင်ယူနိုင်မည့် အခွင့်အရေးများ
* တာဝန်ယူလုပ်ဆောင်ခြင်းနှင့် ရွေးချယ်ဆုံးဖြတ်ခွင့်များရှိခြင်း
* ကိုယ်ပိုင်ခံစားချက်ကိုထုတ်ဖော်ပြသရန် အခွင့်အရေးများရှိခြင်း
* မိမိကိုယ်ကို ထိန်းသိမ်းနိုင်စွမ်း၊ အများနှင့်ပူးပေါင်းဆောင်ရွက်နိုင်စွမ်းနှင့် မိမိလုပ်ဆောင်နေ သည့် လုပ်ငန်းတစ်ခုကို စွဲမြဲစွာပြီးမြောက်အောင် ဆောင်ရွက်နိုင်စွမ်းများ ရရှိစေရန် အားပေးခြင်း

ECD TRAINING H-OUT မှ ကူးယူဖော်ပြပေးခြင်းဖြစ်ပါသည်။
Happy Heart Preschool
Kyarnikan
09765333882

Happy Heart Preschool ရဲ့ ကလေးစောင့်ရှောက်နည်းများ အသက် 3နှစ်မှ 5နှစ်အရွယ် မူကြိုကလေးများသည် သွက်လက်ပြီး ဖွံ့ဖြိုးနေဆဲ က...
10/11/2023

Happy Heart Preschool ရဲ့ ကလေးစောင့်ရှောက်နည်းများ
အသက် 3နှစ်မှ 5နှစ်အရွယ် မူကြိုကလေးများသည် သွက်လက်ပြီး ဖွံ့ဖြိုးနေဆဲ ကလေးများဖြစ်ကြပါသည်။

အဲ့ဒီအရွယ်မှာ နည်းစနစ်မှန်မှန်နဲ့ ပြုစုပျိုးထောင်မည်ဆိုပါက အနာဂတ်မှာ ကိုယ်တိုင်အားကိုး‌တတ်‌ပြီး စည်းကမ်းတကျနဲ့ ပတ်ဝန်းကျင်၊ မိသားစု၊ သူငယ်ချင်းများနှင့် လိုက်လျောညီထွေစွာနေနိုင်သွားမည့် ကလေးများဖြစ်ကြပါလိမ့်မည်။

မိဘအများစုဟာ ကိုယ့်သားသမီး‌တွေကို တော်စေချင်၊ တတ်စေချင်ကြပါတယ်။ ကလေးတွေဝါသနာ မပါတာ‌တွေ၊ မလုပ်နိုင်တာတွေကို ဖိအားပေး‌ လေ့ရှိကြပါတယ်။ ဒါလေးကို မလုပ်တတ်ဘူးလား၊ ဒါလေးတောင်မလုပ်နိုင်ဘူးလားဆိုပြီး တစ်ခြားသူနှင့် နှိုင်းယှဉ်ပြီးပြောဆိုပါလိမ့်မည်။ ဆူပူပြီး အော်ဟစ်ရိုက်နှက်တာတွေရှိပါလိမ့်မည်။ အခုလိုတွေ လုပ်ဝာာဟာ မိဘတွေက သားသမီးများကို တော်‌စေချင်လို့ ဆုံးမတာ‌တွေဖြစ်ချင်ဖြစ်ပါလိမ့်မည်။ ဒါပေမဲ့ အဲ့ဒီကလေးတွေရဲ့ စိတ်ထဲမှာ ဒဏ်ရာတွေရသွားမှာကို သတိမထားမိကြဘူး။

အဲ့ဒီလိုနည်းလမ်းတွေနဲ့ ပြုစု‌နေရင် ကလေးတွေဟာ အကြောက်လွန်လို့ဖြစ်ချင်ဖြစ်မယ်၊ မိဘ‌တွေစိတ် ကျေနပ်‌အောင် မိဘတွေ ဖြစ်ခြင်တာတွေလုပ်ကောင်းလုပ်ပါလိမ့်မယ်။ အဲ့ဒီလိုစနစ်တွေနဲ့ ပျိုးထောင်နေတာဟာ ဘာနဲ့တူသလည်းဆို စပလိမ် တစ်ခုနဲ့တူပါတယ်။ စပလိမ်ဟာ ဖိထားလို့ရတဲ့ချိန်ထိပဲ ဖိလို့ရပါလိမ့်မည်။ ဖိအားအရမ်းများလာရန် ကန်ထွက်သွားပါလိမ့်မည်။ အဲ့ဒီချိန်မှာ ကလေးကဆိုးလာတာတို့ ဘာတို့ ပြောကြလိမ့်မည်။ ဒါကြောင့် ကလေးတွေနားလည်အောင်ပြောပြပြီး မရိုက်ဘဲ မဆူဘဲ မအော်ဘဲ ဆုံးမရတဲ့နည်းလမ်းများစွာရှိပါတယ်ရှင့်။

ကျွန်မတို့ "Happy Heart Preschool"ကျောင်းမှာဆိုရင် ကလေးများကို မဆူ၊ မအော်၊ မရိုက်ဘဲ ပြုစုပျိုးထောင်ပေးပါတယ်ရှင့်။ ကလေးများရဲ့ ဖွံ့ဖြိုးမှုတွေကလဲ တစ်ယောက်နဲ့တစ်ယောက် မတူကြပါဘူးရှင့်။ မတူညီတဲ့ကလေးတွေကို မတူညီတဲ့ ပျိုးထောင်နည်းတွေနဲ့ ပျိုးထောင်ပေးပါတယ်ရှင့်။ ဥပမာ-တီချယ်ရေ သားသား၊မီးမီးက ဒါ‌တွေကိုတော့မလုပ်ချင်ဘူး၊ ထမင်းတွေမစားချင်ဘူး၊ activity တွေမလုပ်ချင်ဘူး ပြောလာတတ်ပါတယ်။ ဟုတ်ပြီ သားသားက မီးမီးကဘာလို့မလုပ်ချင်တာလဲ သူငယ်ချင်းတွေလုပ်တာတွေကြည့်ပါအုံး လှလိုက်တာ၊ အရောင်ခြယ်ထားတာလေးက လှလိုက်တာ ကြည့်ပါအုံး အဲ့သူငယ်ချင်းကလေ ဖေဖေနဲ့မေမေကို ပြချင်လို့တဲ့ လှလှလေးလုပ်နေတာ သားသား၊ မီးမီးရော အဲ့လိုလေးမလုပ်ချင်ဘူးလား ဖေဖေနဲ့မေမေက သားသား၊ မီးမီးတို့ လုပ်ထားတာတွေကို ကြည့်ချင်မှာပေါ့ ခြယ်ရအောင်နော် တီချယ်ရောကူခြယ်မယ်‌နော် တီချယ်ကသားသား၊ မီးမီးကိုချစ်လို့ ကူလုပ်တာနော် စသည်ဖြင့် သူတို့မလုပ်ချင်တာလေးတွေ လုပ်ချင်လာအောင် ပြောပေးပါတယ်။

ကလေးတွေကို တစ်ယောက်နဲ့တစ်ယောက် လုံးဝမနှိုင်းယှဉ်စေချင်ပါဘူးရှင့်။ ခုနကပြောခဲ့သလိုဘဲ ကလေးတစ်ယောက်နဲ့တစ်ယောက်ဟာ ဖွံ့ဖြိုးမှုတွေ မတူညီပါဘူးရှင့်။ မတူညီတဲ့ ဖွံဖြိုးမှုတွေကို မတူညီတဲ့သင်ကြားပုံတွေနဲ့သင်ကြားပေးလို့ရပါတယ်ရှင့်။ သားသားမီးမီးတို့ လုပ်နိုင်တာတွေကို ချီးကျူးပေးရပါမည်။ ချီးကျူးပေးရင်လဲ ချီးကျူးရတဲ့အကြောင်းကိုထည့်ပြောပေးပါရှင့်။ (ဥပမာ_သမီးက ကျောင်းကိုပြုံးပြုံးလေးသွားတာနော်အရမ်းတော်တာဘဲ၊ဖုန်းတွေလဲမကြည့်ဘူးတော်တယ်တာဘဲ စသည်ဖြင့် ချီးကျူးပေးရပါမည်။) ဒါတွေကတော့ ကလေးတွေကို ကျောင်းမှာ စောင့်ရှောက်ပေးတဲ့ ပုံစံများဖြစ်ပါသည်။ ထို့ကြောင့် ဖေဖေ မေမေများကိုလည်း ကျောင်းရဲ့နည်းစနစ်အတိုင်း ကလေးများကို ပြုစုစောင့်ရှောက်ပေးစေလိုပါသည်ရှင့်။

ကျောင်းရဲ့ ကလေးစောင့်ရှောက်နည်းလေးကို နားလည်သလိုရေးထားတာမို့ အမှားပါရင်ခွင့်လွှတ်ပါရှင်။🙏🙏🙏

ကလေးပြုစုပျိုးထောင်နည်းကို စိတ်ဝင်တစား အဆုံးထိဖတ်ပေးလို့ကျေးဇူးတင်ပါတယ်ရှင့်။

Tr. Hnin Hnin Wai
Happy Heart Preschool
ရေးသားသည်။

သင့်ကလေးအနာဂတ်လှပဖို့
Happy Heart မှာတက်ကြစို့။

ကျောင်းစုံစမ်းရန်
Happy Heart Preschool
ပုသိမ်ကြီးမြို့နယ်၊ ကြာနီကန်ကျေးရွာ။
09765333882

ဖေဖေ၊ မေမေတို့ရဲ့ ပီတိစကားသံများ 😊❤️😊❤️😊❤️😊❤️😊❤️😊❤️👨‍👨‍👧 သမီးက အရင်ကဆို ဖုန်းအရမ်းကြည့်တာအခုဆိုရင် အချိန်လေးကန့်သတ်ထားပေ...
10/11/2023

ဖေဖေ၊ မေမေတို့ရဲ့ ပီတိစကားသံများ
😊❤️😊❤️😊❤️😊❤️😊❤️😊❤️
👨‍👨‍👧 သမီးက အရင်ကဆို ဖုန်းအရမ်းကြည့်တာ
အခုဆိုရင် အချိန်လေးကန့်သတ်ထားပေးပြီး အတိုင်းတာတစ်ခုထိပဲကြည့်တော့တယ်။

👨‍👨‍👦 သားသားကျောင်းမပို့ခင်ကဆို ကစားစရာပစ္စည်းတွေပြန်သိမ်းတတ်တဲ့ အလေ့အကျင့်မရှိဘူး
ကျောင်းထားပြီးတော့ စည်းကမ်းလေးတွေရလာတယ်။ ကစားပြီးရင် ကစားစရာပစ္စည်းလေးတွေ သူဟာသူပြန်သိမ်းတတ်လာတယ်။

👨‍👩‍👧‍👦 အရင်က သားသားနဲ့ သမီးက အတူဆော့ရင် ကစားစရာအရုပ်တွေအမြဲလုတတ်ကြတယ်
အခုတော့ ကျောင်းကပြောထားတဲ့ အရုပ်ပေးဆော့တဲ့ကလေးကပိုတော်တယ်၊ အတူတူကစားရင် ပိုချစ်စရာကောင်းတယ်၊ အလှည့်ကျကစားရမယ် စတဲ့ စကားလုံးလေးတွေပြောပေးတာ အရုပ်လုတတ်တဲ့ အကြိမ်ရေနည်းလာကြတယ်။

👨‍👨‍👦 အိမ်မှာတော့ အလုပ်အရမ်းများတာမို့ အင်္ကျီလဲရင် ကိုယ်တိုင်ပဲမြန်မြန်သွက်သွက်လဲပေးလိုက်တယ်။ အချိန်မရတာကြောင့် ကလေးသင်ယူခွင့်မရလို့ မလုပ်တတ်ဖူး။
အခုတော့ အဝတ်လဲပေးချင်ရင်တောင် အလဲမခံတော့ဘူး။ ကိုယ်တိုင်လုပ်တတ်တော့ သူကိုယ်တိုင်ပဲလဲတော့တယ်။ ပြီးတော့ပြောသေးတယ် တီချယ်က မထိရမကိုင်ရမဲ့နေရာတွေပြောထားတယ်ဆိုပဲ။

👨‍👨‍👧 ကျောင်းမတက်ခင်က သမီးက ဒိုက်ပါအမြဲဝတ်ရတယ်။
ခုဆိုရင်ကျောင်းက‌ အိမ်သာလေ့ကျင့်ပေးထားလို့ အီးအီး၊ ရှူးရှူးလည်းပြောတတ်ပြီ။ အိမ်သာမှာပဲသွားပြီး ဒိုက်ပါလဲမလိုတော့ဘူး။ သန့်စင်ခန်းပြီးလို့ သန့်ရှင်းရေးလုပ်ပေးမယ်ဆိုရင်တောင် ဒီနေရာကိုသန့်ရှင်းရမှာမို့ ခဏထိမယ်ဆိုတာ ခွင့်တောင်းရပြီ။

🍚 ထမင်းကို အမြဲခွံ့ကျွေးရတယ်။ တခါတလေ ကလေးသွားတဲ့နေရာလိုက်ပြီး ကျွေးရတယ်။ ငြိမ်အောင် ဖုန်းပြပြီးကျွေးရတယ်။
အခုတော့ အကျွေးမခံတော့ဘူး သူ့ကိုယ်သူ ဘရားသားကြီးဖြစ်နေပြီမို့ ကိုယ်တိုင်စားတတ်တယ် ကိုယ်တိုင်ပဲစားမယ်ဆိုပဲ။

အခုလို ဖေဖေ၊မေမေတွေဆီက ပီတိစကားသံကြားရတာ ဝမ်းသာရပါတယ်။

ဖေဖေမေမေတို့ရဲ့ တန်ဖိုးရှိလှတဲ့ ရင်သွေးငယ်များကို ဘက်စုံဖွံ့ဖြိုးတိုးတက်ရန် ပါဝင်ကူညီ ပျိုးထောင်ခွင့်ရလို့ ဂုဏ်ယူမိပါတယ်။

ယခုလို အမူကျင့်ကောင်းလေးတွေရှိလာအောင် Happy Heart Preschool မှာ စနစ်တကျ ပျိုးထောင်ပေးနေပါပြီ။

သင့်ကလေးအနာဂတ်လှပဖို့
Happy Heart မှာတက်ကြစို့

ကျောင်းစုံစမ်းရန်
😊❤️ Happy Heart Preschool
🌏 မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကြာနီကန်ကျေးရွာ။
☎️ 09765333882

Happy Heart Preschool မှ ဖေဖေ၊မေမေများအတွက် ကလေးပြုစုပျိုးထောင်နည်း*****************************************************...
02/11/2023

Happy Heart Preschool မှ ဖေဖေ၊မေမေများအတွက် ကလေးပြုစုပျိုးထောင်နည်း
************************************************************************
Happy Heart Preschool တွင် ကျောင်း၏ ကလေးပျိုးထောင်နည်းများကို ကျောင်းမှာရော အိမ်မှာပါ စနစ်တကျပျိုးထောင်နိုင်ရန် နည်းပညာဖြန့်ဝေပေးမှု အစီစဉ်များလစဉ်ပြုလုပ်‌ပေးပါတယ်။

Happy Heart Preschool ကို ရွေးချယ်ထားသော မိဘများအနေဖြင့် ကလေးပျိုးထောင်နည်းကို အနည်းဆုံး တစ်ကြိမ်တက်ရောက်ပေးရပါတယ်။ တက်ရောက်ပြီးသော မိဘများအနေဖြင့်လည်း ထပ်မံလေ့လာလိုပါက ပြန်လည်တက်ရောက်နိုင်ပါတယ်။

ကျောင်းကိုစိတ်ဝင်စားလို့ (သို့) ကလေးပျိုးထောင်နည်းများ လေ့လာလိုသော ဆရာ၊မများနှင့် မိဘများလည်း လာရောက်‌လေ့လာနိုင်ပါတယ်။

Happy Heart Preschool ကို ရွေးချယ်ခြင်းအတွက် အထူးပင်ကျေးဇူးတင်ပါတယ်။

ပြင်ပမှ စိတ်ဝင်စားလို့ လာရောက်လေ့လာလိုသော ဆရာ၊မများနှင့် မိဘများအနေဖြင့် စာရင်းပေးသွင်းရန်လိုအပ်ပါတယ်။

စာရင်းပေးသွင်းရန်
Happy Heart Preschool
ကြာနီကန်ကျေးရွာ
09765333882

02/11/2023

ဖေဖေမေမေတို့ရှင့်
ဖေဖေမေမေတို့ရဲ့ သားသား၊ မီးမီးများကို သင်္ချာပါရဂူလေးတွေ ဖြစ်စေချင်ပါသလားရှင့်
ဒါဆို စိတ်တွက်ပေသီးပညာလို့ခေါ်တဲ့ ဂျပန်ပေသီးပညာရပ်သင်တန်း‌လေးနဲ့ မိတ်ဆက်ပေးပါရစေ။
ဒီပညာရပ်လေးဟာ
- သားသားမီးမီးတို့ သင်္ချာဘာသာရပ်ကို အချိန်ခဏလေးအတွင်းမှာ လျှင်မြန်သွက်လက်စွာ တွက်တတ်စေခြင်း
- သားသားမီးမီးတို့ရဲ့ Right brain and Left brain ကို တစ်ပြေးညီဖွံ့ ဖြိုးတိုးတက်စေခြင်း
- ဉာဏ်ရည်ကောင်းပြီး ထူးချွန်ထက်မြတ်စေခြင်း အာရုံစူးစိုက်မှုကောင်းခြင်း
- တွေးခေါ်နိုင်စွမ်းတွေ မြင့်မားလာခြင်း
- မိမိကိုယ်ကို ယုံကြည်မှု့ရှိလာခြင်း စသောအကျိုးကျေးဇူးများကို ရရှိလာ‌စေပါမည်ရှင်။
ပေသီးပညာရပ်လေးသည် ယခု တဖန်ပြန်လည် အသုံးပြုနေပြီဖြစ်ပါတယ်။ ပေသီးပညာရပ်များဖြစ်ကြသည့် တရုတ်ပေသီး၊ဂျပန်ပေသီး၊ရုရှားပေသီး ဆိုပြီးရှိပါတယ်။
ယခု သင်ကြားပေးမှာကတော့ ဂျပန်ပေသီးပညာလေးဖြစ်ပါတယ်ရှင်။
စိတ်တွက်ပညာ (သို့) ဂျပန် ပေသီးပညာရပ်လေးကို အသက် 5နှစ်မှ 5နှစ်အထက် ကလေးများတတ်ရောက်နိုင်ပါတယ်ရှင်။

သင်တန်းတည်နေရာ- Happy Heart Preschool
သင်တန်းစမည့်ရက် - 30.9.2023
သင်တန်းချိန် - နံနက် (၉) နာရီမှ (၁၁) နာရီ ( စနေ၊တနင်္ဂနွေ)
သင်တန်းကာလ - (၄) လ
သင်တန်းကြေး - တစ်လ (၃) သောင်း
{တစ်ကြိမ်တည်းပေးသွင်းပါက (၁) သိန်းကျပ်သာကျသင့်ပါမည်။။}

သင်တန်းလေးကို စိတ်ဝင်စားလို့ သားသား၊ မီးမီးများကို တက်ရောက်စေလိုပါက အသေးစိတ်စုံစမ်းမေးမြန်းနိုင်ပါတယ်ရှင်။
ဆက်သွယ်စုံစမ်းမေးမြန်းရန်
Happy Heart Preschool
09765333882
Kyarnikan

Address

Near Kyar Ni Kan
Mandalay

Website

Alerts

Be the first to know and let us send you an email when Happy Heart Pre-school posts news and promotions. Your email address will not be used for any other purpose, and you can unsubscribe at any time.

Shortcuts

Share

Category