Winston Private School - Preschool & Learning Center

05/06/2026

Winston က ကျောင်းသားကျောင်းသူတွေက စည်းကမ်းရှိကြတယ်တဲ့။ ကျောင်းမှာလည်း စည်းကမ်းရှိအောင် သင်ပေးပါတယ်။ လက်ဦးဆရာ ဖေဖေမေမေ မိသားစုတွေက ဒီလို စည်းကမ်းရှိကြတာမလို့ ၊ ကလေးတွေကလည်း စည်းကမ်းရှိတာပေါ့။ ကျောင်းကြိုချိန်တွေမှာ အခုလို ကားတွေကို စနစ်တကျ စည်းကမ်းတကျ ရပ်ပေးကြတဲ့ ဖေဖေမေမေတွေကိုလည်း ကျေးဇူးတင်ပါတယ်ရှင် 🙏🏻

03/06/2026

First day of school 🩵 2026-2027 Academic Year

28/05/2026

ချစ်ရတဲ့ KG သားသမီးတွေရဲ့ Graduation Day 🧑‍🎓

27/05/2026

ကလေးသူငယ်အခွင့်အရေးများဆိုင်ရာ ဥပဒေ ၊ ကျင့်ဝတ်စည်းကမ်းများနှင့် ဆရာ၊ဆရာမများ၏ တာဝန် ဝတ္တရားများကို သိရှိနားလည် လိုက်နာရန် ၊ ကလေးများအားလုံးကို ဘေးကင်း လုံခြုံစွာ စောင့်ရှောက်ပေးနိုင်ရန်အတွက် ဆရာ/ ဆရာမများ မွမ်းမံသင်တန်း- 27.5.2026

26/05/2026

Winston private school Lashio နှင့် လက်တွဲလုပ်ဆောင်ရန် မူလတန်း/ အလယ်တန်း ဘာသာပြ ဆရာ/ ဆရာမများ နှင့် Teaching assistant ရာထူးများအတွက် လျှောက်ထားနိုင်ပါသည်။

21/05/2026

21/05/2026

လားရှိုးမြို့မှ သား၊သမီးတို့အတွက်
၂၀၂၆-၂၀၂၇ ပညာသင်နှစ်မှာ
တော်လည်းတော်ရမယ်၊ ပျော်လည်းပျော်ရမယ်၊
ပညာပြည့်ဝ စာရိတ္တကောင်းရမယ်၊
လုံခြုံနွေးထွေးရမယ်၊ ဆိုတဲ့
အဆင့်မှီကိုယ်ပိုင်ကျောင်းကို ရှာဖွေနေတဲ့မိဘများအတွက်
ရှမ်းပြည်နယ်မြောက်ပိုင်း လားရှိုးမြို့ရပ်ကွက် (၉)မှာ
ဖွင့်လှစ်ထားရှိသော WINSTON Private School ကို
တက်ရောက်ဖို့ ဖိတ်ခေါ်ပါရစေ……

“လားရှိုးမြို့ရဲ့ ပညာဘဏ်၊ ကျောင်းသားများအားလုံးအတွက် WINSTON”

WINSTON ကိုယ်ပိုင်ကျောင်းသည် ပညာရေးနယ်ပယ်မှာ
ကျောင်းသားများ၊မိဘများရဲ့ အထူးယုံကြည်မှုကိုရရှိထားပြီး
သားသမီးများ ကာယ၊ဉာဏ၊စာရိတ္တ ကောင်းမွန်ထက်မြက်အောင်သင်ကြားပျိုးထောင်ပေးနေသော ကိုယ်ပိုင်ကျောင်းအဖြစ် ရပ်တည်လျက်ရှိပါသည်။

အတွေ့အကြံဝါရင့်ပြီး ထူးချွန်ထက်မြက်သော ဆရာ၊ဆရာမများ ကိုယ်တိုင်
မိမိတို့သား၊သမီးရင်းများသဖွယ်
စနစ်တကျ နွေးနွေးထွေးထွေး သင်ကြားပေးနေပါသည်။

ခေတ်မီ နိုင်ငံတကာ သင်ကြားနည်းစနစ်များဖြစ်သည့်
ကလေးများအတွက် Early Chilhood Development Approach,
ကစားရင်းစာသင်၊စာသင်ရင်းကစား Play Based Learning,
ကလေးဗဟိုပြုသင်ကြားနည်းစနစ် Student Centered Teaching,
လက်တွေ့ဆောင်ရွက်လေ့ကျင့်ခြင်း Project Based Learning,
စတဲ့သင်ကြားနည်းစနစ်များကိုအသုံးပြုပြီး ကျောင်းသားတဦးချင်းစီ တတ်မြောက်အောင် သင်ကြားပေးလျက်ရှိပါသည်။

WINSTON Private School ၏ထူးခြားချက်အနေဖြင့်
ကမ္ဘာသုံးဘာသာစကားဖြစ်သည့်
English Language 4 Skills ကို ကျွမ်းကျွမ်းကျင်ကျင်
ရေးတတ်၊ဖတ်တတ်၊ပြောဆိုတတ်အောင် Master Degree in English ရရှိထားပြီး Diploma in English Language Teaching ထပ်ဆောင်းရရှိထားသော ဆရာ၊ဆရာမများမှ English-to-English ဖြင့် လေ့ကျင့်သင်ကြားပေးလျက်ရှိပါသည်။
English Language Test များဖြေဆိုလိုသော သားသမီးများအတွက် တက်ရောက်သင့်သော ကိုယ်ပိုင်ကျောင်းဖြစ်ပါသည်။

၂၁ရာစုမှာ
ကလေးများအတွက် မဖြစ်မနေတတ်မြောက်ထားရမည့် အပိုဆောင်းဘာသာရပ်များအနေဖြင့်
Information Technology နှင့် Computer Science ကို အတန်းတိုင်း သင်ကြားပေးနေပါသည်။

ကလေးများ ကိုယ်ကာယကြံ့ခိုင်သန်မာ‌ေစရန်၊
စုပေါင်းကစားတတ်စေရန်၊
စိတ်ဖိစီးမှုများလျော့ကျစေရန်၊
ကိုယ်ကာယအားကစားများကို တေးသီချင်းနှင့်ပေါင်းစပ်၍ ပျော်ပျော်ရွှင်ရွှင် သင်ကြားပေးနေပါသည်။

မိဘများအနေဖြင့် မိမိတို့သားသမီးများ အာဟာရအတွက် စိတ်ပူပန်မှုမရှိစေရန်
WINSTON ကိုယ်ပိုင်ကျောင်း၏ စားဖိုမှုးများက
အာဟာရပြည့်ဝပြီး၊ ကျန်းမာရေးနှင့်ညီညွတ်သ‌ော အစားအစာများကို နေ့စဉ်
စီစဉ်ချက်ပြုတ်ပေးလျက်ရှိပါသည်။

ကျောင်းသား-ဆရာ အချိုးအစားကို ညီညွတ်မျှတအောင် ထားရှိပေးထား သောကြောင့်
ထိရောက်ကောင်းမွန်စွာ သင်ကြားပေးနေကာ ကျူရှင် ထပ်မံယူစရာမလိုအောင် သင်ကြား
ပေးနေပါသည်။

ကျောင်းသားများ စိတ်လွတ်လပ်စွာ သင်ကြားနိုင်ရန် ကျယ်ဝန်းသန့်ရှင်းပြီး၊
အလင်းရောင်ကောင်း၊ လေဝင်လေထွက် ကောင်းသ‌ော စာသင်ခန်းများကို၊
ကျောင်းအင်္ဂါရပ်နှင့်အညီ ဖွဲ့စည်းတည်ဆောက်ထားပါသည်။

သားသမီးများအား ယဉ်ကျေးလိမ္မာစေရန်၊
စည်းကမ်းလိုက်နာတတ်စေရန်၊
စုပေါင်းလုပ်ဆောင်တတ်စေရန်၊
ယဉ်ကျေးမှုဓလေ့ထုံးတမ်းများ လေးစားနားလည်စေရန် အတွက်ပါ
လေ့ကျင့်သင်ကြားပေးလျှက်ရှိ ပါသည်။

ကျောင်းသားများ ကျောင်းချိန်အမှီ ကျောင်းတက်နိုင်စေရန်
ကျောင်းကြို/ပို့ဝန်ဆောင်မှု Ferry များကိုလည်း စီစဉ်ထားရှိပါသည်။

မိဘများ ငွေကြေး ဝန်ထုပ်ဝန်ပိုးမရှိစေရန်
ကျောင်းလခအား သက်သာသော နှုန်းထားဖြင့်
အရစ်ကျပေးသွင်းနိုင်ရန် စီစဉ်ထားရှိပါသည်။
မိသားစုများအတွက်လည်း
Family Discount ထားရှိပေးသည့်အပြင်
ထူးချွန်ထက်မြက်သော ကျောင်းသားများအတွက် ပညာသင်ဆု Scholarship များလည်း လျှောက်ထားနိုင်ပါသည်။

၂၀၂၆-၂၇ ပညာသင်နှစ်အတွက်
Nursery and KG မှစ၍ Grade-9 အထိ
‌စာရင်းပေးသွင်းနိုင်ပါပြီ။

စုံစမ်း ဆွေးနွေးမှုများကို နွေးထွေးစွာ ကြိုဆိုပါသည်။

“ ပညာပြည့်ဝ နှလုံးလှဖို့ WINSTON ကျောင်းမှာထားကြစို့ “

ဆက်သွယ်ရန်လိပ်စာ-
စကားဝါလမ်း၊ ရပ်ကွက်(၉)၊
အရှေ့ခါးရိုးကျောင်းတိုက်အနီး၊ လားရှိုးမြို့။
ဖုန်း - 09 752 9077 31
Facebook Messenger

21/05/2026

ဖေဖေမေမေတို့ရှင့်
အတန်းအလိုက် ကျောင်းသားဦးရေ ကန့်သတ်ချက်ဖြင့်၊ တန်းခွဲသစ်များ ထပ်မံဖွင့်လှစ်ရန် စီစဉ်နေပါသဖြင့် ၊ ကျောင်းသားဟောင်းများအနေဖြင့် ၊ ကျောင်းသို့ ( ရုံးချိန်အတွင်း) ဆက်သွယ်၍ အမည်စာရင်း ပေးသွင်းထားကြပါရန် မေတ္တာရပ်ခံပါတယ်ရှင်။

18/05/2026

🌟၂၀၂၆ -၂၀၂၇ပညာသင်နှစ်အတွက် Winston Private School တွင် ကျောင်းအပ်နှံနိုင်ပါပြီ။ 🌟

လားရှိုးမြို့မှ ကျောင်းသားကျောင်းသူများအတွက် ကျောင်းကောင်း တစ်ကျောင်းကို ရွေးချယ်နေပါသလား။

မိမိတို့ သားသမီးများအတွက်
🔹 စာအသင်အပြကောင်းမွန်သော၊
🔹 နေရာကျယ်ဝန်းပြီး လုံခြုံစိတ်ချရသော၊
🔹 ကလေးများ ပျော်ရွှင်စွာ ပညာသင်ကြားနိုင်သော
ကျောင်းကို ရွေးချယ် တက်ရောက်ချင်သူများအတွက်
Winston ကိုယ်ပိုင်ကျောင်းမှာ ကျောင်းအပ်လက်ခံနေပါပြီ။
🔹🔹🔹🔹🔹🔹🔹

Winston ကိုယ်ပိုင်ကျောင်းမှာ
စတင်ဖွင့်လှစ်သည့်နှစ်မှစ၍ ဘာသာရပ်များအားလုံးကို အခြေခံပိုင်နိုင်စွာဖြင့် စနစ်တကျ လေ့လာသင်ယူနိုင်စေရန် အတွေ့အကြုံရှိ ဝါရင့် ဆရာ/ဆရာမများမှ ကျောင်းသားဗဟိုပြုသင်ကြားနည်း (Child-centered Approach) ဖြင့် ခေတ်မီသင်ထောက်ကူများအသုံးပြုကာ project -based learning system ဖြင့် စနစ်တကျ လေ့ကျင့်သင်ကြားပေးလျှက်ရှိပါသည်။

🔹ကျောင်းနေရာကျယ်ဝန်းပြီး ၊ အလင်းရောင်နှင့် လေကောင်းလေသန့် ကောင်းမွန်စွာရရှိပြီး ကျယ်ဝန်းသော စာသင်ခန်းများ၊ IT/ Multimedia classroom, Library/ music & sport facilities များ ပြည့်စုံစွာ ထားရှိပေးထားပါသည်။

🔹 အ​တွေ့အကြုံပြည့်ဝပြီး၊ စာအသင်အပြကောင်းမွန်သော ဆရာ၊ဆရာမများမှ ကလေးများ စာတော်ပြီး၊ စည်းကမ်းကောင်းမွန်ကာ၊ လိမ္မာယဉ်ကျေးမှု ရှိစေရန် သင်ကြားပေးနေပါသည်။

🔹 ခေတ်နှင့်အညီ computer နှင့် သင်ထောက်ကူပစ္စည်းများ ၊ သိပ္ပံလက်တွေ့ပြုလုပ်နည်းများ အသုံးပြု၍ သင်ကြားပေးနေပါသည်။

🔹အတန်းတိုင်းတွင် ကျောင်းသင်ရိုး အပြင် ၊ ထပ်ဆောင်း ဘာသာရပ်များဖြစ်​သော Cambridge English 4 skills, ICT ပညာရပ်များ၊ Music, Fine art, အားကစားနှင့် Life Skills တို့ကိုလည်း ဘာသာရပ်ဆိုင်ရာ ကျွမ်းကျင် ဆရာ/ ဆရာမများဖြင့် လေ့ကျင့် သင်ကြား​ပေးလျှက် ရှိပါသည်။

🔹အကျင့်စာရိတ္တကောင်းမွန်စေရန် ကလေးဖွံဖြိုးမှုဘာသာရပ် Child Development နှင့် Behavior ကိုကောင်းစွာ နားလည်တတ်ကျွမ်း၍ အတွေ့အကြုံရှိသော ဝါရင့်ဆရာ/မ များမှဦးဆောင်သင်ကြားပေးလျက် ရှိပါသည်။

🔹မူကြို/ KG တန်းမှ စပြီး Grade-9 အထိ ကျောင်းအပ်လက်ခံနေပါပြီ။

🔹မိဘများ အဆင်​ပြေ​စေရန် ကျောင်းလခကို တစ်လချင်း ပေးသွင်းနိုင်စေရန် စီစဥ်ထားပါသည်။

🔹 ပညာသင်ကြားခြင်းသည် က​လေးများ၏ ဘဝအတွက် အ​ရေးအကြီးဆုံး ဖြစ်သဖြင့် သေချာစွာ လေ့လာ၊ မေးမြန်း၊ သုံးသပ်ပြီးမှ
မိမိတို့ သားသမီးများ၏ အနာဂတ်ပညာ​ရေးအတွက် ရင်းနှီးမြှုပ်နှံပါ။

👑Curious, Confident and Clever Kids for the Brighter Future.👑

ဆက်သွယ်ရန်-

🏠 Winston Private School
စကားဝါလမ်း၊ ရပ်ကွက်(၉)၊ လားရှိုးမြို့။

☎️ ကျောင်းဖုန်း-
09 662 226 039
09 975 463 034

☎️ 09 259406675
09 778772300

ကျောင်းသို့ ကိုယ်တိုင် လာရောက်လေ့လာပြီး စာရင်းပေးသွင်း အပ်နှံနိုင်ပါပြီ။

06/05/2026

ကလေး ကျောင်းအပ်တဲ့အခါ မိဘတွေသိချင်ကြတဲ့ အမေးများတဲ့ မေးခွန်းတွေကို ဖြေပေးထားပါတယ်ရှင်။

Q-ကလေးအသက် ဘယ်လောက်ဆို KG တက်လို့ရပြီလဲ။
A- ကလေးအသက် ၅ နှစ်ပြည့်ရင် KG တက်လို့ရပါပြီ။ ၅ နှစ်ပြည့်ဖို့ လပိုင်းလိုတဲ့ သူတွေက ကျောင်းအုပ်ကြီး/ မြို့နယ်ပညာရေးမှူး ရဲ့ ထောက်ခံချက်နဲ့ တက်လို့ရပါတယ်။ ၅ နှစ်ပြည့်ဖို့ လပိုင်းလောက် လိုသေးရင် ၊ ကလေးရဲ့ မွေးသက္ကရာဇ် Date of birth ၃၁ ရက် ၈ လ ( August လကုန်) အထိကို ကျောင်းတွေက လက်ခံပေးလို့ရပါတယ်။ ၉ လပိုင်းမှာ မွေးတဲ့ ကလေးတွေကတော့ ၅ နှစ်ပြည့်ဖို့ လိုသေးလို့ KG လက်ခံလို့မရပါဘူး။

A- မိဘတွေက ၉ လပိုင်းမွေးတဲ့ ကလေးတွေကို တစ်နှစ်နောက်ကျမှာ စိတ်ပူကြတယ်။
ကလေးက သူ့အရွယ်အလိုက် ဖွံ့ဖြိုးတာဖြစ်လို့ စိတ်သိပ်မပူစေချင်ပါဘူး။ ၅ နှစ်ကျော်မှ KG တက်လည်း အတန်းထဲမှာ စာပိုလိုက်နိုင်တဲ့ အခွင့်အရေးတစ်ခု ရတယ်လို့ တွေးလို့ရပါတယ်။
မွေးစာရင်း အမှန်နဲ့ပဲ ကလေးရဲ့ အသက်နဲ့ ကိုက်ညီတဲ့ အတန်းကိုပဲ ပုံမှန်တက်စေချင်ပါတယ်။။

Q-Grade-1 က အသက်ဘယ်လောက်မှာ စတက်လို့ရလဲ။
A- ကလေးအသက် ၆ နှစ်ပြည့်ရင် KG မတက်ခဲ့ရလည်း Grade-1 မှာ တက်လို့ရပါတယ်။ KG လိုပဲ ကလေးရဲ့ မွေးသက္ကရာဇ် Date of birth ၃၁ ရက် ၈ လ ( August လကုန်) အထိကို ကျောင်းတွေက လက်ခံပေးလို့ရပါတယ်။ ၉ လပိုင်းမှာ မွေးတဲ့ ကလေးတွေက ၆ နှစ်မပြည့်သေးလို့ Grade-1 မှာ လက်ခံလို့မရပါဘူး။

Q- ကလေးက အသက် ၇ နှစ်/ ၈ နှစ်ရှိပြီ။ ကျောင်းတခါမှ မတက်ရသေးဘူးဆိုရင် ဘယ်အတန်းကနေ စတက်လို့ရလဲ။
A- အသက် ၆ နှစ်ကျော်တဲ့ ကလေးတိုင်းကို Grade-1 ကနေပဲ စပြီး လက်ခံရပါတယ်။

Q- ကလေးက တခါမှကျောင်းမတက်ဖူးဘူး။ a b c တောင် မသိသေးဘူး။ အသက်က ၆ နှစ်ဆိုတော့ Grade-1 မှာထားရမလား၊ KG ထားရမလား။
A- ကိုယ်ထားမယ့်ကျောင်းနဲ့ သေချာ ဆွေးနွေးတိုင်ပင်ရပါမယ်။ မူအရ အသက် ၆ နှစ်ပြည့်ရင် Grade-1 တက်လို့ရပေမယ့်၊ ကလေးက တခါမှ ကျောင်းမတက်ဖူးလို့၊ မိဘက ကလေးကို စာကျေစေချင်လို့ အခြေခံပိုင်အောင် KG က စပြီး ထားလို့လည်း ရပါတယ်။ မိဘ သဘောပါ။

Q- International school ကနေ မြန်မာအစိုးရကျောင်းသင်ရိုး ပြောင်းတက်လို့ရလား။
A- April/ May လတွေမှာ ပညာရေးမှူးရုံးတွေမှာ form တင်ပြီး ဝင်ခွင့်ဖြေပြီး ကိုယ့်အသက်/ level နဲ့ ကိုက်ညီတဲ့ အတန်းကို တက်လို့ရပါတယ်။ တက်ခဲ့တဲ့ international school ရဲ့ ကျောင်းပြောင်းလက်မှတ် လိုပါလိမ့်မယ်။

နောက်ထပ် သိချင်တာလေးတွေရှိရင်လည်း ကျောင်း page ကနေတဆင့် ဆက်သွယ်လို့ရပါတယ်။ ကျေးဇူးတင်ပါတယ်ရှင်။