29/04/2024
သားသမီးတွေရဲ့ ပညာရေးမှာ မိဘ(အုပ်ထိန်းသူ) က အရေးပါသလားလို့မေးရင် အရေးပါဆုံးလို့ ပြောချင်ပါတယ်။
ဒါပေမယ့် ကိုယ်ဖြစ်ချင်တာ တစ်ခုတည်းအတွက် သို့မဟုတ် ကိုယ့်အတ္တတစ်ခုတည်းအတွက်တော့ ပုံစံမသွင်းမိဖို့ လိုပါတယ်။
ကလေးတိုင်းမှာ နဂို ရှိပြီးသား မတူတဲ့ ဝါသနာနဲ့ ပါရမီဓါတ်ခံလေးတွေရှိကြတယ်။ တချို့က ရွက်ပုန်းသီးလို တိမ်မြုပ်နေတတ်သလို၊ တချို့ကတော့ ပေါ်လွင်ကြတယ်။ တချို့က အနု ဖန်တီးမှု မှာ အားသန်ပေမယ့် တချို့ က အကြမ်းဖန်းတီးရတာမှ အားသန်ကြတယ်။
မတူတဲ့ ဉာဏ်ရည်တွေနဲ့ သူတို့အားသန်ရာတွေ ကို ပြုစုပျိုးထောင်ပေးဖို့ ဘယ်လို လုပ်မလဲ။ ဘယ်လိုသိနိုင်မလဲ။
1) Linguistic Intelligence
ဘာသာဗေဒ ဉာဏ်ရည် ကောင်းတဲ့သူဟာ စာဖတ်တာ, စာရေးတာ၊ ပုံပြင်ပြောရတာမျိုးတွေမှာ သဘောကျကြတယ်။ ဒါကို သိရင် စာအုပ်စာပေမျိုးစုံ ထားပေးတာ၊ မိဘ အကြီးအကဲတွေနဲ့ စကားစမြည်ဆွေးနွေစေတာ၊ နေ့စဉ်ဒိုယာရီ ရေးစေတာ၊ ကဗျာရေးခြင်း၊ စာဖတ်ခြင်း အသင်းအဖွဲ့တွေနဲ့ ထိတွေ့စေတာမျိုး မိဘက စီစဉ်ပေးရပါမယ်။
သူတို့တတွေဟာ ကြီးလာရင် စာရေးဆရာ writers,ကဗျာဆရာ poets, journalists ဂျာနယ်လစ် သို့မဟုတ် ဟောပြောတဲ့သူတွေ public speakers ဖြစ်လာနိုင်ပါတယ်။ ပြီးတော့ သူတို့လေးတွေဟာ ဥပဒေပညာ၊ သင်ကြားရေးပညာ နဲ့ နိုင်ငံရေးသမားတွေလိုမျိုးမှာ လည်း ထွန်းပေါက်မယ့်သူတွေ ဖြစ်နိုင်ပါတယ်။
2) Logical-Mathematical Intelligence
သူတို့ကို ကြည့်လိုက်ရင် ခက်ခဲတဲ့ ပဟေဠိ လိုမျိုး ဖြေရှင်းရတာကို စိတ်ဝင်စားကြတယ်။ ဂိမ်းဆော့ရင်တောင် ခက်ခဲရှုပ်ထွေးတဲ့ ဂိမ်းမျိုး နဲ့ ဥပမာ Puzzle လိုမျိုး သင်္ချာ သို့မဟုတ် ကိန်းဂဏန်း ဆက်ရတာ တွေ စိတ်ဝင်စားကြတယ်။ သူတို့လေးတွေကိုတော့ သင်္ချာနဲ့ပါတ်သတ်တဲ့ ဂိမ်းတွေ၊ Logic Puzzle တွေ၊ စမ်းသပ်မှုတွေ နဲ့ Chess လိုမျိုး စစ်တုရင် ကစားတာမျိုးတွေ လုပ်ပေးရပါမယ်။
ဒီလိုကလေးတွေကတော့ တချိန်မှာ အင်ဂျင်နီယာ engineers, သင်္ချာပညာရှင် Mathematicians, သိပ္ပံပညာရှင် scientists, ကွန်ပျူတာ ပရိုဂရမ်မာ computer programmers တွေ ဖြစ်လာနိုင်တယ်။ .
3) Musical Intelligence
သူထိုင်လိုက်တဲ့ ခုံစားပွဲက အစ ငြိမ်ငြိမ်မနေ ဗုံလိုတီးခေါက်နေတာမျိုး၊ ငယ်ကတည်းက သီးချင်းလေးဖွင့်မှ အိပ်တာမျိုး၊ အသံ, တေးဂီတ နဲ့ သဘာဝရဲ့ တေးသံတွေက အစ ငြိမ်ငြိမ်လေး ခံစားနေတတ်တာမျိုးဆိုရင် ဂီတာ၊ စန္ဒယားတို့လို တူရိယာ ပစ္စည်းတွေဝယ်ပေးထားပါ။ Music လို ဂီတ သင်တန်းတွေ၊ သီချင်းဆိုတာ၊ တီးမှုတ်တာတွေနဲ့ ထိတွေ့ပေးရပါမယ်။
သူတို့က ကောင်းကောင်းပြုစုပျိုးထောင်နိုင်ရင် ဂီတပညာရှင် musicians, တေးရေး composers,ဂီတဆရာ music teachers, အသံအင်္ဂျင်နီယာ sound engineers တို့ဖြစ်နိုင်ပါတယ်။
4) Body Intelligence
အားကစား၊ အက ပိုင်းနဲ့ လက်မှုပညာလိုမျိုးတွေမှာ စိတ်ဝင်စားမှု ရှိတတ်တာမျိုးဆိုရင် အားကစား (Sport) ၊ အကသင်တန်း(Dance Class)၊ ကိုယ်ခံပညာ သိုင်းလိုမျိုး သင်တန်းတွေ နဲ့ ထိတွေ့ပေးရပါမယ်။
သူတို့လေးတွေကတော့ အာကစားသမား
athletes, အကသမား dancers, ခွဲစိတ်ဆရာဝန် surgeons, လက်မှုပညာသည် craftspeople တွေ ဖြစ်တတ်ပါတယ်။
5) Spatial Intelligence
ဒီဇိုင်းဆွဲတာ၊ ပုံဆွဲတာ၊ မြင်တာနဲ့ ပုံဖေါ်မြနိုင်တာမျိုး၊ စိတ်ကူးစာသားတွေကို ရုပ်လုံးပေါ်အောင် ပြသနိုင်တာမျိုး ဉာဏ်ကောင်းတာကို တွေ့နိုင်ပါတယ်။ ဒီလိုကလေးတွေကို သေချာပြုစုပျိုးထောင်နိုင်ရင် ဗိသုကာပညာရှင် architects, ဂရပ်ဖစ်ဒီဇိုင်းပညာရှင် graphic designers,လေယာဉ်မှုး pilots နဲ့ ပန်းပုပညာရှင် sculptors စတာတွေ ဖြစ်လာနိုင်ပါတယ်။
6) Interpersonal Intelligence
ဒီလိုကလေးမျိုးတွေမှာက အသံဩဇာ ကောင်းတာ၊ ကိုယ်ဟန်အမူအရာ၊ နှုတ်အမှုအရာကအစ ဆက်ဆံရေး ပြေပြစ် ကောင်းမွန် တာ၊ နားလည်ကြင်နာတတ်တာ၊ ရင်းနှီးချစ်ခင်အောင် လုပ်နိုင်တာတွေက ထူးခြားတဲ့ ဉာဏ်ရည်မျိုးတွေ့ရတတ်တယ်။ သူတို့က စေတနာ့ဝန်ထမ်းတွေ၊ အသင်းလိုက် ပူပေါင်း ဆော့ရတဲ့ ဂိမ်းအမျိုးစားတွေ၊ လူမှုဆက်ဆံရေးနယ်ပယ်တွေမှာ ထိတွေ့မှုပေးရပါမယ်။
သူတို့လေးတွဟာ ကြီးလာရင် အကြံပေးပညာရှင်တွေ counseling, လူမှုနယ်ပယ်မှာ အကြီးကဲတွေ၊ ပညာရေးဆိုင်ရာ အကြီးအကဲတွေနဲ့ တခြား အုပ်ချုပ်မှုပိုင်း၊ လူ့အဖွဲ့အစည်းတွေမှာ ခေါင်းဆောင်လိုမျိုးတွေ ဖြစ်လာနိုင်ပါတယ်။
7) Naturalistic Intelligence
သဘာဝ၊ ပတ်ဝန်းကျင် နဲ့ တိရိစ္ဆာန်လေးတွေပေါ်မှာ စိတ်ဝင်စားတတ်ကြတယ်။ အများအားဖြင့်သူတို့လေးတွေ ကို အပြင်လောကသဘာဝတရားနဲ့များများထိတွေ့စေတာ၊ တိရိစ္ဆာန်လေးတွေအကြောင်း၊ ပတ်ဝန်းကျင် အကြောင်း ရင်းနှီးအောင် စီစဉ်ပေးဖို့လိုပါတယ်။ အထူးသဖြင့် သဘာဝ ဆိုင်ရာ ပြတိုက်တွေ၊ သိပ္ပံပြခန်းလိုမျိုးတွေ၊ ရုက္ခဗေဒဥယျာဉ်လိုမျိုးတွေနဲ့ ထိတွေ့စေရပါမယ်။
သူတို့တတွေ ကြီးလာရင် ဇီဝပညာရှင် biologist, ပတ်ဝန်းကျင်ဆိုင်ရာ သိပ္ပံသုတေသီမျိုးတွေ environmental scientist, တိရစ္ဆာန်ဆေးပညာ veterinary medicine, ရှုခင်းဗိသုကာ ပိုင်း landscape architecture မျိုးတွေ မှာ ထူးချွန်လာနိုင်ပါတယ်။
8. Existential Intelligence
ဒါကတော့ ဖြစ်တည်မှုဆိုင်ရာ အတွေးခေါ် အယူအဆ နဲ့ ကိုးကွယ်မှုဘာသာရေးတွေမှာ စိတ်ဝင်စားတဲ့သူတွေပေ့ါ။ သူတို့ကတော့ အတွေ့အခေါ်ပညာရှင် philosophers, ဘာသာရေးခေါင်းဆောင် religious leaders နဲ့ အတွေးခေါ်ဆိုင်ရာ စာရေးဆရာတွေ writers ဖြစ်လာနိုင်ပါတယ်။
သူတို့လေးတွေကို လမ်းကြောင်းမှန် ရောက်ဖို့ဆိုရင် မတူတာတွေကို သေချာ နားထောင်ပေးဖို့၊ ဂရုစိုက်လေ့လာပေးဖို့ နဲ့ သူတို့ဘာဝါသနာပါတာလည်းဆိုတာ သိနိုင်အောင် ကြိုးစားယူရပါမယ်။
ပြီးတော့ သူတို့ ဝါသနာ အလိုက် လိုအပ်တာတွေ ဖြည့်ဆည့်ထောက်ပံ့ပေးတာ၊ အတွေ့ကြုံတွေရအောင် ဖန်တီးပေးတာ၊ အားပေးစကား နဲ့ တွန်းအားပေးတာမျိုးတွေ မျှတအောင် ပြုစုပျိုးထောင်ရပါမယ်။
အကောင်းဆုံးကတော့ မိဘအုပ်ထိန်းသူက လက်ဦးဆရာ ဖြစ်တာနဲ့အညီ ကိုယ် မကျွမ်းကျင်ရင် ကျွမ်းကျင်တဲ့ ပညာရှင်နဲ့ တိုင်ပင်ပြီး ကိုယ့်ကလေးကို လမ်းတည့်ပေးနိုင်လေ ကောင်းလေပါပဲ။
ဆက်ပါအုံးမယ်။
သားတွေသမီးတွေ အားလုံး မိဘတွေ မျှော်လင့်ထားသလို ဖြစ်နိုင်ရနိုင်ကြပါစေ။
ကျေးဇူးတင်ပါတယ်။
