MMCO Computer & Languages Centre

08/06/2025

★ "LIVE IS A GIFT"
`ဘဝဆိုတဲ့ လက်ဆောင်ကောင်း´

ရှုထောင့်တွေ ပြောင်းသွားတဲ့အခါ မြင်ကွင်းတွေလည်း ပြောင်းသွားတာကို လက်ခံတယ်မဟုတ်လာ့း့?

အခြေအနေတွေပြောင်းလဲသွားတဲ့အခါ လူတွေရဲ့ အတွေးအခေါ် ခံယူချက်တွေ ဟာလည်းပြောင်းလဲသွားတတ်ပါတယ်။

ဒီတော့ သင်ဟာ ဘယ်လိုဆိုးရွားတဲ့ ထိခိုက်ကြေကွဲဖွယ် အဖြစ်ဆိုးတွေနဲ့ကြုံတွေ့နေပါစေ။

အောက်ပါ သတိရဖွယ်အချက်လေးတွေကိုသာ သတိရလိုက်စမ်းပါ။

၁။ဒီနေ့ကစပြီး သင့်ပါးစပ်က အကြင်နာကင်းတဲ့ စကားမျိုး ပြောတော့မယ်ကြံရင်
လူတစ်ချို့ဟာ သင့်လိုစကားမပြောနိုင်ဘဲ
ဆွံ့အနေကြတယ်ဆိုတာ သတိရလိုက်စမ်းပါ။

၂။ ဒီနေ့ကစပြီး သင်စားမယ့် အစားအစာရဲ့
အရသာကိုခံတွင်းမတွေ့လို့
အပြစ်တင်တော့မယ်ဆိုရင်
စားစရာမရှိတဲ့လူတစ်ချို့ကို သတိရလိုက်စမ်းပါ။

၃။ ဒီနေ့ကစပြီး သင့်ရဲ့
ချစ်ရည်းစားလေးကို စိတ်အလိုမကျ
အပြစ်တော်တင်တော့မယ်ကြံရင် ရည်းစားမရှိလို့ အထီးရောအမရောကျန်နေတဲ့သူတွေကို သတိရလိုက်စမ်းပါဦး။

၄။ သင့်ရဲ့ကလေးတွေကို
ဆူပူမောင်းမဲတော့မယ်ဆိုရင်လည်း
အကြောင်းအမျိုးမျိုးကြောင့် ကလေး
မရနိုင်တဲ့ မိဘတွေကိုသတိရလိုက်စမ်းပါ။

၅။ အိမ်မှာ တစ်ယောက်ယောက်ကဖွထားလို့ သန့်ရှင်းရေးမလုပ်လို သင့်အိမ်ကို
ကြည့်ပြီးစိတ်တွေရှုပ်လာတဲ့အခါ
နေစရာမရှိလို့ လမ်းဘေး
အိပ်နေရသူတွေကို သတိရလိုက်ပါဦး။

၆။စိတ်တိုင်းမကျလှတဲ့ကိုယ့်ဘဝကြီးကိုအပြစ်တင်တော့မယ် ဆိုရင်လည်း
ကိုယ့်ထက်စောပြီး ရေဝေးရောက်ကုန်တဲ့
သူတွေကို သတိရလိုက်ပါ။

၇။သင်ကားဖြင်မောင်းသွားရမယ့်ခရီးဟာ ဝေးလွန်းလို့ စိတ်ပျက်ငြီးညူတော့မယ်ဆိုရင်
ဒီခရီးကိုပဲ ခြေလျှင်သွားနေကြသူတွေကို
သတိရလိုက်ပါ။

၈။ လက်ရှိသင့်ရဲ့အလုပ်ဟာ
ပင်ပန်းပြီးအဆင်မပြေမှုတွေများလို့
စိတ်ပျက်မယ်ဆိုရင်
အလုပ်အကိုင်မရှိလို့ သင့်အလုပ်မျိုးကို
ငမ်းငမ်းတက်လုပ်ချင်နေသူတွေကို သတိရလိုက်စမ်းပါ။

၉။ သင်ဟာသူတစ်ပါးကို လက်ညှိုးထိုး
အပြစ်ရှာတော့မယ်ကြံရင်လည်း တို့တွေအားလုံး အမှားနဲ့မကင်းနိုင်ဘူးဆိုတာ သတိရလိုက်ပါ။

၁၀။ ကဲနောက်ဆုံး စိတ်ဓာတ်ကျစရာ
အတွေးတွေက သင့်ကိုကျရှုံး
အောင်လုပ်တော့မယ်ဆိုရင်
သင့်မျက်နှာပေါ်မှ အပြုံးလေးတစ်ပွင့် အမြန်ဖန်ဆင်းလိုက်စမ်းပါ။

ခုချိန်အထိ အသက်ရှင်နေထိုင်ခွင့်ပေးထားတဲ့
သင့်ကံကြမ္မာကို ကျေးဇူးတင်လိုက်စမ်းပါ
(ဒီလိုဆိုတော့လည်း ကိုယ့်ဘဝက
ထင်သလောက်မဆိုးဘူးပဲ နော့ )

"LIFE IS A GIFT"
`ဘဝဆိုတာလက်ဆောင်ကောင်း´တစ်ခုပါပဲ
ဘဝမှာနေလိုက်စမ်းပါ။ ပျော်လိုက်စမ်းပါ။
အောင်မြင်မှုတွေကျော်ကြားမှုတွေ ပျော်ရွှင်မှုတွေ နဲ့ ဘဝကိုအကောင်းဆုံး ဖြည့်ဆည်းလိုက်စမ်းပါ။

ကဲ သင်စိတ်ချမ်းမြေ့ရပြီဆိုရင်
သင့်ရဲ့ သယ်ရင်းတွေ အတွက်လည်း မမေ့နဲ့ဦး စိတ်ချမ်းသာစေချင်လွန်းလို့ပါ။


#လေးစားစွာ𝐂𝐫𝐞𝐝𝐢𝐭ပေးပါသည်
#မှတ်သားထိုက်သောဒဿနများ
#စာပေဗဟုသုတများ
#မေတ္တာဖြင့်ပြန်လည်မျှဝေပါသည်

03/08/2024

ကိုရီးယားလုပ်သားသတင်းတွေ စုပြီးတင်ပြပေးလိုက်ပါတယ်။

- ပထမဦးဆုံးသတင်းက ဒီနှစ်ဝန်ဆောင်မှု-၂ ဖြေထားတဲ့ ကလေးတွေအတွက် ကောင်းသတင်းပါပဲ။ ကိုရီးယားအစိုးရဟာ ဒီနှစ်မှာ စားသောက်ဆိုင်လုပ်ငန်းကို EPS စနစ်ထဲ ဆွဲသွင်းထားတာ သိပြီးသားဖြစ်မှာပါ။ ဒီလိုဆွဲသွင်းတဲ့နေရာမှာ ပထမဦးဆုံးကန့်သတ်ချက်က နိုင်ငံခြားသားလုပ်သားခေါ်ယူလိုတဲ့ ဆိုင်တွေသည် ကိုရီးယားစားသောက်ဆိုင်များဖြစ်ရမယ်၊ လုပ်သား ၅ ယောက်အောက်ပဲ ရှိတဲ့ဆိုင်တွေဆိုရင် အနည်းဆုံး အတွေ့အကြုံ ၇ နှစ်ရှိရမယ်။ ခုတော့ ဖြေလျှော့လိုက်တဲ့ အချက်တွေမှာ ကိုရီးယားစားသောက်ဆိုင်တွေအပြင် ဂျပန်စားသောက်ဆိုင်၊ တရုတ်စားသောက်ဆိုင်နဲ့ အနောက်တိုင်းစားသောက်ဆိုင်တွေကလည်း လုပ်သားခေါ်ယူနိုင်ပါတယ်တဲ့။ လုပ်သား ၅ ယောက်အောက် ဆိုင်တွေက အတွေ့အကြုံအနည်းဆုံး ၅ နှစ်ရှိရင် ရတယ်ဆိုပြီး ဖြေလျှော့ပေးလိုက်ပါတယ်။ ဝန်ဆောင်မှု-၂ နဲ့ စားသောက်ဆိုင်တွေမှာ အလုပ်လုပ်ကြမဲ့ ကလေးတွေသည် မီးဖိုချောင်အကူ (Kitchen Assistant) နဲ့ ဝင်လာရမှာ ဖြစ်ပြီးတော့ ချက်ဖို့ ပြုတ်ဖို့ ဝိုင်းကူပြင်ဆင်ပေးတာ၊ ပန်းကန်ဆေးတာ၊ စားသောက်စရာတွေ သယ်ပို့တာ၊ စားသောက်ပြီးတာတွေ သိမ်းဆည်းတာနဲ့ သန့်ရှင်းလုပ်တာတွေ ပါဝင်ပါတယ်။ ကိုရီးယားမသွားခင် အိုက်တိုးပဂေးဆန်လေ့ကျင့်ထားကြပါလေ။

- ကိုရီးယားမှာ အသက် ၇၀ နဲ့အထက် အလုပ်လုပ်တဲ့ဦးရေဟာ ဒီနှစ်မှာဆိုရင် တစ်သိန်းခွဲလောက်အထိ တိုးလာပါတယ်တဲ့။ ဘာလို့ ဒီလိုဖြစ်ရလဲဆိုရင် ထုံးစံအတိုင်း ကိုရီးယားရဲ့ သိသိသာသာ လူဦးရေမွေးဖွားမှုနှုန်းကျဆင်းလာလို့ပါတဲ့။ ကိုရီးယားလူမျိုးတွေဟာ သူတို့ရဲ့ပင်ကိုယ်အရ အလုပ်လောဘကြီးပါတယ်။ လုပ်ငန်းခွင်မှာ သူတို့အလုပ်ကို သွားကူကြည့်။ "မင်းက ငါ့ကို အထင်သေးတာလား" ဆိုတဲ့ တော်ကီကို ရင်ဆိုင်ရပါလိမ့်မယ်။ ပင်ကိုယ်အရ အလုပ်လောဘကြီးတဲ့အတွက် သူတို့လည်း ခါးတွေရွဲ့စောင်းတဲ့အထိ အလုပ်လုပ်တတ်ကြ သလို သူတို့ခိုင်းရတဲ့အလုပ်သမားတွေကိုလည်း အသေခိုင်းပါတယ်။ သူတို့ကို ဥပဒေတွေ ဘာတွေ သွားပြောလို့မရဘူး။ ဖြစ်ကာမှ ဖြစ်ရောပါ။ မှာချင်တာက လုပ်သားတွေ ကိုယ့်ဘာသာ အလုပ်လုပ်ရတဲ့ မှတ်တမ်းထားပါ။ ကိုယ်က အသာချည်းပဲ မတွက်ပါနဲ့။ အနာလည်း ခံပေးပါ။ ကိုယ်က မှန်တယ်ဆိုတိုင်းလည်း စွတ်မတိုးပါနဲ့။ အခြေအနေနဲ့ အချိန်အခါကြည့်ပါလေ။

- မြန်မာနိုင်ငံမှာ ကုန်ထုတ်ပထမအသုတ် ဖြေတဲ့သူတွေက ၉ လပိုင်း ၂၅ ရက်နေ့မှ ပြီးမှာပါ။ ၂ လလောက် ဖြေဖို့ ကျန်နေပါသေးတယ်။ ဒီနှစ်မှာ စာမေးပွဲဖြေတဲ့သူတွေကလည်း အင်မတန်များပါတယ်။ မြန်မာနိုင်ငံတင် မဟုတ်ပါဘူး။ ကမ္ဘောဒီးယား၊ ထိုင်း၊ သီရိလင်္ကာနဲ့ ဘင်္ဂလားဒေ့ရှ်နိုင်ငံတွေမှာလည်း ဖြေတဲ့သူများပါတယ်။ ဒါကြောင့် HRDK အနေနဲ့ စာမေးပွဲကျင်းပဖို့ စီစဉ်တဲ့အခါ ကုန်ထုတ်ဒုတိယအသုတ်ရဲ့ စာမေးပွဲဖြေရမဲ့အချိန်ဟာ ခန့်မှန်း ၂၀၂၄ နှစ်ကုန်ပိုင်း ဒါမှမဟုတ် ၂၀၂၅ ခုနှစ် နှစ်ဆန်းပိုင်းထဲ ရောက်သွားမှာပါ။ ခုံနံပါတ် နောက်ရောက်တဲ့သူဆို ကျိန်းသေပါတယ် .. နောက်နှစ်ထဲကူးသွားမှာပါ။ ကုန်ထုတ် ဒုတိယအသုတ် ဖြေမဲ့သူတွေအနေနဲ့ ကိုယ့်အခြေအနေနဲ့ ကိုယ်စောင့်ရမဲ့အခြေအနေနဲ့ ချိန်ကြပါလေ။

- နောက်တစ်ကြိမ် Calling ကိုတော့ ၉ လပိုင်းထဲ မှန်းနေကြပါတယ်။ ကိုရီးယားအစိုးရဟာ Calling ကာလကို သတ်မှတ်တဲ့အခါမှာ သူ့နိုင်ငံရဲ့ စီးပွားရေးနဲ့ လုပ်သားလိုအပ်ချက်၊ Quota နဲ့ စေလွှတ်နိုင်ငံတွေရဲ့ လုပ်သားစေလွှတ်နိုင်အားတွေကို ချိန်ပြီးတော့ ခေါ်တဲ့ကာလ သတ်မှတ်တာဖြစ်ပါတယ်။ အလုပ်ရှင် မိတ်ဆက်ဖို့ကျန်တဲ့သူတိုင်း နောက်တစ်ကြိမ်ခေါ်တဲ့အခါ ကံကောင်းကြပါစေ။

- ခုတော့ POEA ကနေ မနှစ်ကဖြေခဲ့ကြတဲ့ ကုန်ထုတ်ဒုတိယအသုတ်နဲ့ ဆောက်လုပ်ရေး သက်တမ်းတိုးခေါ်ထားတာတွေ့ရမှာပါ။ သက်တမ်းတိုးဖို့ လိုအပ်ချက်တွေနဲ့ ပတ်သက်ပြီးတော့ POEA-EPS စာမျက်နှာမှာ သွားကြည့်ပါလေ။ ကုန်ထုတ်ဒုတိယအသုတ် သက်တမ်းတိုးဖို့ ၃၀၀ လောက်နဲ့ ဆောက်လုပ်ရေး ၁၀၀၀ ကျော်လောက်ကျန်ပါတယ်။ ခုလာမဲ့ Calling မှာ မီပြီးတော့ ကံကောင်းကြပါစေ ဆုတောင်းပေးပါတယ်။

- ရာသီချိန်လုပ်သားအလုပ်မှာ (၂) မျိုးရှိပါတယ်။ E-8-1 လို့ခေါ်တဲ့ ဒေသန္တရအစိုးရအချင်းချင်း MoU ထိုးပြီးလွှတ်တဲ့ လုပ်သားနဲ့ E-8-2 လို့ခေါ်တဲ့ ကိုရီးယားသူ/ သားနဲ့ အိမ်ထောင်ပြုထားတဲ့သူတွေက အမျိုးတွေကို ခေါ်တဲ့ လူသားပါ။ လက်ရှိအချိန်မှာတော့ မြန်မာနိုင်ငံကနေ E-8-2 တွေက တောက်လျှောက်ထွက်နေပေမဲ့ E-8-1 ကတော့ MoU မထိုးရသေးတဲ့ အတွက် စေလွှတ်နိုင်ခြင်းမရှိသေးပါဘူး။ MoU မထိုးနိုင်သေးတာမှာလည်း အကြောင်းများစွာရှိသလို MoU ထိုးပြီးတော့ မခေါ်နိုင်တဲ့ နိုင်ငံတွေကြောင့်လည်း အကျိုးအကြောင်းတွေ ရှိပါတယ်။ ဥပမာအားဖြင့် စိုက်ပျိုးရေးမှာ တကယ်နာမည်ကြီးတဲ့ နီပေါဟာ ရာသီချိန်လုပ်သား ၁၁၂ ယောက် ၈ လလုပ်ပြီး အပြန်မှာ ၉၄ ယောက်ဟာ ပတ်စ်ပို့တွေ သိမ်းထားတဲ့ ကြားထဲက အင်ချွန်းလေဆိပ်ရောက်မှ ထွက်ပြေးသွားပါတယ်။ အဲ့တော့ နီပေါလည်း ဆိုင်းငံ့ပါ။ ဖိလစ်ပိုင်ကတော့ လုပ်သားစေလွှတ်တဲ့ အေဂျင်စီတွေရဲ့ ဝန်ဆောင်ခ မြင့်လို့ပါတဲ့ ၊ ကိုရီးယားအစိုးရရဲ့ စံနှုန်းနဲ့ မကိုက်တဲ့အတွက် တစ်စိတ်တစ်ဒေသ ဆိုင်းငံ့ပါ။ ထိုင်းကတော့ Overstay အများဆုံးလုပ်သားတွေကြောင့်ရယ် မူးယစ်ဆေးတအားပါဝင်ပတ်သက်လို့ပါတဲ့ MoU ထိုးပြီးပေမဲ့ E-8-1 မလွှတ်နိုင်သေးတဲ့ နိုင်ငံပါ။

ရှည်သွားပြီးမို့ အခုတော့ ဒီလောက်ပါပဲ။

-

-Credit
ဆရာPyae Linn

24/05/2024

EPS TOPIK မှာနောက်ပိုင်းစာမေးပွဲ၌ မေးလေ့မေးထရှိသော
ဆက်စပ်မှုရှိသောစကားလုံး
ဆန့်ကျင်ဘက်ရှိသောစကားလုံး
ဆင်တူမှုရှိသောစကားလုံး
စာအုပ်လေးအဖြစ်ဖန်တီးသော စာအုပ်
ဝယ်ယူရရှိနိုင်ပါတယ်

Phone:09650000386
09253033133

Computer & Languages Center

23/05/2024

Tonight 🥳🤩

30/04/2024

Full Credit

☀여러분 좋은 아침이에요☀
ဒီနေ့မှာတော့ ယခင်နှစ် UBT Tablet စာမေးပွဲတုန်းကဝင်ဖြေထားတဲ့ ကျောင်းသားတစ်ယောက်ရဲ့အတွေ့အကြုံလေးကိုပြန်လည်မျှဝေပေးသွားမှာပဲဖြစ်ပါတယ်ခင်ဗျ🤗
⏰ပထမအရေးကြီးဆုံးအချက်ကတော့ စာမေးပွဲဖြေဆိုချိန်မတိုင်ခင် ၁ နာရီကြိုပြီး ရုံးကိုရောက်အောင်သွားဖို့လိုပါတယ်ခင်ဗျ
ရုံးရောက်ရင် ကိုယ်ဖြေရမယ့်အခန်းနံပါတ်နဲ့ခုံနံပါတ် နေရာကို ဟောခန်းမထဲမှာ သွားကြည့်လို့ရမှာပဲဖြစ်ပါတယ်ဆရာမတွေက Room No ဘယ်လောက်ကဘယ်နေရာမှာဆိုတာလေးကို ပြောပြပေးတာကြောင့်ကိုယ်နဲ့သက်ဆိုင်တဲ့အလွှာလေးကိုသွားရမှာပဲဖြစ်ပါတယ်ခင်ဗျ)🏢

🪑စာ‌မေးပွဲမဖြေဆိုခင် နာရီ၀က်အလိုမှာဆရာမတွေကနေသတိထားရမယ့်အရာလေးတွေ၊ ဘယ်လိုအသုံးပြုရမလဲဆိုတာလေးတွေကိုပြောပြပေးပါတယ်ခင်ဗျ။
⏰စာမေးပွဲဖြေဖို့ ၁၅မိနစ်အလိုလောက်ကျရင် Tablet မှာ ကိုယ့်ရဲ့ မွေးသက္ကရာဇ်နဲ့ ပတ်စပို့နံပါတ်လေးကိုရိုက်ထည့်ပေးရပါတယ်ခင်ဗျ။ (ရိုက်တဲ့အခါမှာလည်း ခုနှစ်၊ လ၊ ရက် ဆိုပြီးတော့ရိုက်ရပါတယ်နော်ကြားထဲမှာအကန့်လေးမပါဘဲဆက်တိုက် ရိုက်သွားရပါတယ်ခင်ဗျ)
ရိုက်ပြီးနောက်တစ်ဆင့်မှာတော့ မျက်နှာကိုစကန်ဖတ်ပါတယ်ခင်ဗျ(စာမေးပွဲဖောင်တင်တုန်းကဓာတ်ပုံနဲ့မိမိမျက်နှာကိုဖတ်တာပဲဖြစ်ပါတယ်။ 70% လောက်တူတယ်ဆိုရင်နောက်တစ်ဆင့်ကိုဆက်သွားလို့ရပါတယ်ခင်ဗျ (အကယ်လို့ ရှေ့ဆက်သွားလို့မရတာမျိုးရှိရင် အခန်းစောင့်ဆရာမတွေကို လက်ထောင်ပြလိုက်မယ်ဆိုရင် အဆင်ပြေအောင်လာလုပ်ပေးပါလိမ့်မယ်ဗျ)👩
နောက်တစ်ဆင့်ကတော့ အသံအတိုးအကျယ်၊မျက်နှာပြင်အလင်းအမှောင်ကို လိုသလို ပြောင်းလဲလို့ရပါတယ်ခင်ဗျ

⏰စာမေးပွဲစဖို့၅မိနစ်လောက်အလိုကျရင်ဆရာမတွေကဖြေဆိုရမယ့်မေးခွန်းတွေကို Download လုပ်ပေးဖို့ပြောပါလိမ်မယ့်ခင်ဗျ။ အဲ့အချိန်ကျရင် ကိုယ့်ရဲ့ Tablet မှာမေးခွန်းဒေါင်းလုတ်လုပ်ရန်ဆိုတာလေးကိုနှိပ်လိုက်ရင်မေးခွန်းဝင်လာမှာပဲဖြစ်ပြီး ဖြေဆိုရတဲ့အချိန်ကျမှမေးခွန်းလေးကပွင့်လာတာပဲဖြစ်ပါတယ်ခင်ဗျ။ အဲ့ကျရင်ညာဘက်ထောင့်မှာ Countdown လေးပေါ်လာမှာဖြစ်ပြီး Reading ပဲဖြစ်ဖြစ် Listening ပဲဖြစ်ဖြစ်ကြိုက်နှစ်သက်ရာစဖြေလို့ရပါပြီခင်ဗျ📝

**UBTစနစ်ဖြင့် စာမေးပွဲဖြေဆိုနေတုန်း ဟိုဘက်၊ဒီဘက်လှည့်လို့မရပါဘူး။Tablet မှာပါတဲ့ Cameraက စာဖြေသူကျောင်းသားရဲ့ မျက်နှာကို scanဖတ်ထားပါတယ်။ ကျောင်းသားက မျက်နှာလှည့်တာနဲ့ Tablet ကနေလည်း သတိပေးစာ "မျက်နှာမလှည့်ပါနဲ့" လို့ပေါ်လာပါတယ်။**

📖စာမေးပွဲဖြေဆိုချိန် ၅၀မိနစ်မှာ ၂၅မိနစ်လောက်ဆိုအဖြေလွှာတင်သွင်းလို့ရပါပြီဆိုပြီးပေါ်လာပါလိမ့်မယ်။ အဲ့တာလေးကိုနှိပ်ပြီးသွားရင်တော့ဘာတစ်ခုမှပြင်လို့လည်းမရ၊ နောက်ပြန်သွားလို့လည်းမရတော့ပါဘူးခင်ဗျ။ 🙅‍♂️

📋အဖြေလွှာတင်သွင်းပြီးသွားရင်ရမှတ်လေးကတစ်ခါတည်းမပေါ်လာပါဘူးနော်။ ရမှတ်ကြည့်ရန်ဆိုတဲ့ဟာလေးကိုနှိပ်ပြီးမှကြည့်လို့ရတာပဲဖြစ်ပါတယ်ခင်ဗျ💯

အခုဖြေဆိုရတော့မယ့်ကျောင်းသား/ကျောင်းသူလေးတွေအတွက်အထောက်အကူလေးဖြစ်မယ်ထင်လို့တင်ပေးလိုက်တာပါခင်ဗျ✨
ဒီနှစ်16ကြိမ်မြောက်စာမေးပွဲဖြေဆိုတဲ့အခါမှာလဲ ကျောင်းသားလေးတွေရဲ့အတွေ့အကြုံလေးတွေကို ထပ်မံ sharing လုပ်ပေးသွားပါအုံးမယ်ခင်ဗျ🌟🌟

အားလုံးပဲ Fighting ပါ၊ ကံကောင်းကြပါစေခင်ဗျ

# MMCO Computer & Languages Centre

30/04/2024

🇰🇷ကိုရီးယားသမ္မတနိုင်ငံသို့ အစိုးရပြည်ပအလုပ် အကိုင်အေဂျင်စီ (POEA) မှတစ်ဆင့် EPS စနစ်ဖြင့် စေလွှတ်သော ကုန်ထုတ်လုပ်သားသစ် ၁၇၃ ဦး နှင့် ဆောက်လုပ်ရေးလုပ်သားသစ် ၆ ဦး စုစုပေါင်းလုပ်သား ၁၇၉ ဦးသည် ၃၀-၄-၂၀၂၄ ရက်နေ့တွင် ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ မြန်မာအမျိုးသားလေကြောင်းလိုင်း UB 8301 (Charter Flight) နှင့် ကိုရီးယားလေကြောင်းလိုင်း KE 490 ခရီးစဉ်တို့ဖြင့် အသီးသီးရောက်ရှိခဲ့ရာ မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ပါသည်။ ယခုလအတွင်း ကိုရီးယားသမ္မတနိုင်ငံသို့ E-9 ဗီဇာဖြင့် EPS လုပ်သားစုစုပေါင်း ၄၂၁ ဦးစေလွှတ်ခဲ့ပြီးဖြစ်ပါသည်။

# MMCO Computer & Languages Centre

18/04/2024

စိုက်မွေးနှင့်ဆောက်လုပ်ရေး
၃၀.၄.၂၀၂၄ မှ ၁၀.၅.၂၀၂၄ အထိ
ဝန်ဆောင်မှု(၁/၂)
၁၀.၅.၂၀၂၄ မှ ၂၉.၅.၂၀၂၄ အထိစာမေးပွဲဖြေဆိုရမှာဖြစ်ပါတယ်။

30/03/2024

Today Now

24/03/2024

01/03/2024

🇰🇷ယခုနှစ် (16)ကြိမ်မြောက် EPS-TOPIK ကိုရီးယားဘာသာအရည်အချင်းစစ်စာမေးပွဲအား Online စနစ်ဖြင့် စာမေးပွဲလျှောက်လွှာတင်သွင်းမည့် ကျောင်းသား၊ကျောင်းသူများ အထူးသတိပြုရန်‼️