Dawei Millennium Centre

23/08/2026

အလှူတွေ အထဲမှာမှ မွန်မြတ်တဲ့ အလှူတစ်ခုကတော့ အသိပညာ ဉာဏ်အလင်းဆီမီးကို ထွန်းညှိပေးနိုင်တဲ့ စာအုပ်စာပေ အလှူ၊ တနည်းဆိုသော် စာပေဒါန ပဲ ဖြစ်ပါတယ်။

ထားဝယ်မြို့က စာပေချစ်သူများ စိတ်ကြိုက်ရွေးခြယ်ဖတ်ရှုနိုင်ရန် အတွက် Dawei Millennium Centre စာကြည့်တိုက် ကို သုတ၊ ရသ စာအုပ်ပေါင်း - ၃၆၀ အုပ် သဒ္ဒါထက်သန်စွာနဲ့ လှူဒါန်းပေးပါသော ကိုထွန်းနေထွန်း အား DMC အဖွဲ့သားများက လှိုက်လှဲစွာ ကျေးဇူးတင်ကြောင်း မှတ်တမ်းတင်ပါရစေ။

မွန်မြတ်လှတဲ့ စာပေမျိုးစေ့ချ ဒါနကုသိုလ်ကြောင့် ကိုထွန်းနေထွန်း နှင့် မိသားစု စီးပွါးရေး ဒီရေအလားတိုးတက်ပြီး စိတ်၏ချမ်းသာခြင်း ကိုယ်၏ ကျန်းမာခြင်းနှင့် ပြည့်စုံ၍ ကောင်းကျိုးလိုအင်ဆန္ဒအဝဝ ပြည့်စုံကြပါစေကြောင်း ဆုမွန်ကောင်းတောင်းလိုက်ပါတယ်။

20/08/2026

မနက်ခင်း ကော်ဖီပူပူလေးတစ်ခွက် သောက်လိုက်ရတာ၊

မိုးရေစက်သံလေး နားထောင်ရတာ၊

ဒါမှမဟုတ် သီချင်းအေးအေးလေးတစ်ပုဒ် ကြားလိုက်ရတာ..." ☕️🌧️

ဒီလို သေးသေးမွှားမွှား အရာလေးတွေနဲ့ပဲ သင့်ရဲ့ တစ်နေ့တာမှာ စိတ်ချမ်းသာပြီး ပြုံးလိုက်ရတဲ့ အခိုက်အတန့်လေးတွေ ရှိဖူးပါသလား။

ဒီတစ်ပတ် Readaholics မှာတော့

“ငါ့ကို စိတ်ချမ်းသာစေတဲ့ သေးသေးမွှားမွှား အရာလေးတွေ"

(Small Things That Make Me Smile)

ဆိုတဲ့ ခေါင်းစဉ်လေးနဲ့ ပေါ့ပေါ့ပါးပါး စကားစမြည် ပြောကြပါမယ်။

✨ ဖိအားလုံးဝ မရှိတဲ့ စကားဝိုင်းလေး ဖြစ်ပါတယ်။

စာအုပ်တွေ ကြိုဖတ်လာစရာ လုံးဝ မလိုပါဘူး။
ဘာမှ ကြိုတင် ပြင်ဆင်လာစရာ မလိုပါ။

ကိုယ်တိုင် မပြောချင်ရင်တောင် တခြားသူတွေရဲ့ ပျော်ရွှင်စရာ အတွေ့အကြုံလေးတွေကို လာရောက်နားထောင်ရုံနဲ့တင် ရပါတယ်။

တစ်ယောက်တည်း လာရမှာ ရှက်နေရင် အတူတူ ထိုင်ဖော်ရအောင် သူငယ်ချင်းတစ်ယောက်ပါ ခေါ်ခဲ့လိုက်ပါနော်။

ဒီ Readaholics အစီအစဉ်ကနေ စကားပြောကောင်းတဲ့ သူလေးတွေ ဖြစ်လာဖို့ ကိုယ်ပြောတဲ့စကားက ကျစ်ကျစ်လစ်လစ်နဲ့ တဖက်လူကို ဆွဲဆောင်နိုင်ဖို့ စတာတွေ အတွက်လည်း ရည်ရွယ်ပါတယ်။

တနင်္ဂနွေ ညနေခင်းလေးမှာ အေးအေးဆေးဆေး ကော်ဖီလေးသောက်ရင်း စကားပြောဖို့ ကြိုဆိုလိုက်ပါရစေ။

📅 နေ့ရက် - 23.8.2026 (တနင်္ဂနွေနေ့)

⏰ အချိန် - ညနေ 3:00 မှ 5:00 အထိ

📍 နေရာ - Dawei Millennium Centre စာကြည့်တိုက်

16/08/2026

နိုဝင်ဘာလ (၂၉) ရက်နေ့ တွင် ထားဝယ်မြို့တွင် ABSQ Authorised Exam Centre က လာရောက်စစ်ဆေးမည့် Cambridge Assessment အင်္ဂလိပ်စာ အရည်အချင်းစစ် စာမေးပွဲများ ထဲမှ

🔵 Key for Schools ( KET )

🔴 Preliminary for Schools ( PET )

Level ၂ ခု အတွက် စာမေးပွဲအနီးကပ် သင်တန်းများကို အောက်ပါအတိုင်း ဖွင့်လှစ်မည် ဖြစ်ပါတယ်။

🔵 Key for Schools ( KET )

သင်တန်းစမည့်ရက် - စက်တင်ဘာလ (၁) ရက်

နေ့ရက် - တနင်္လာ၊ အင်္ဂါ၊ ဗုဒ္ဓဟူး
အချိန် - ညနေ ၅:၀၀ နာရီ မှ ၆:၀၀ နာရီ
ကာလ - ၃ လ

စာအုပ်ဖိုး - ၅၀၀၀၀ ကျပ်

သင်တန်းကြေး - တလလျှင် ၆၀၀၀၀ ကျပ်

🔴 Preliminary for Schools ( PET )

သင်တန်းစမည့်ရက် - စက်တင်ဘာလ (၄) ရက်

နေ့ရက် - သောကြာ၊ စနေ၊ တနင်္ဂနွေ
အချိန် - ညနေ ၅:၀၀ နာရီ မှ ၆:၀၀ နာရီ
ကာလ - ၃ လ

စာအုပ်ဖိုး - ၅၀၀၀၀ ကျပ်

သင်တန်းကြေး - တလလျှင် ၆၀၀၀၀ ကျပ်

သင့်ကလေးရဲ့ အင်္ဂလိပ်စာ အရည်အချင်းကို စစ်ဆေးကြည့်ဖို့ ဖိတ်ခေါ်လိုက်ပါရစေ။

13/08/2026

ဝါဆိုပန်း မင်းလွင် ပုန်းညက်နွမ်းရက်လွန် ကြွေပြီမို့….

သိဟ်ရာသီ ဝါခေါင်မိုးနဲ့ လှမ်းလာခဲ့ဖို့ Dawei Millennium Centre က အသစ်ရောက် စာအုပ်များနဲ့ အတူ ဖိတ်ခေါ်လိုက်ပါရစေ။

DMC အတွက် ထပ်မံထပ်ဖြည့်ပေးထားတဲ့ ကလေးဖတ် မြန်မာစာအုပ်တွေ၊ ကာတွန်း၊ ကဗျာတွေ အပြင်

ကလေး၊ လူငယ်၊ လူကြီး အရွယ်စုံ အတွက် အင်္ဂလိပ်စာစာအုပ်တွေပါ အများကြီး ထပ်မံဖြည့်ဆည်းပေးထားတာမို့ အရောက်လာပြီး စိတ်ကြိုက်ရွေးကာ ငှါးရမ်းဖတ်ရှုနိုင်ပြီ ဖြစ်ကြောင်း သတင်းကောင်းပါးလိုက်ပါရစေ။

11/08/2026

ဒုတိယ အကြိမ်မြောက် ပြုလုပ်ခဲ့တဲ့ အင်္ဂလိပ်ဘာသာစကား သင်ကြားရေး ဆရာ၊ ဆရာမများရဲ့ အလုပ်ရုံဆွေးနွေးပွဲမှာတော့ Grammar သင်ကြားမှုကို လက်တွေ့ဘဝထဲ သုံးစွဲနိုင်ရေးဆိုင်ရာ အချက်အလက်များကို ဆွေးနွေးဝေမျှရင်း သင်ယူမှုပြုခဲ့ကြပါတယ်။

နောက်လရဲ့ မျှဝေမှု အစီအစဉ်မှာလည်း ဘယ်လို စိတ်ဝင်စားစရာ ခေါင်းစဉ်နဲ့ မျှဝေပေးမလဲ ဆိုတာ စောင့်မျှော်ရင်း ပါဝင်နိုင်ကြဖို့ ဖိတ်ခေါ်လိုက်ပါရစေ။

09/08/2026

ထားဝယ်မြို့မှာ နိုင်တကာအသိအမှတ်ပြု Cambridge Assessment မှ စစ်ပေးတဲ့ အင်္ဂလိပ်စာ အရည်အချင်းစစ် စာမေးပွဲများကို ဒုတိယအကြိမ်မြောက် နိုဝင်ဘာလတွင် စစ်ဆေးပေးတော့မှာ ဖြစ်ပါတယ်။

ရန်ကုန်အသွားအပြန်လုပ်ဖို့ စားရိတ်အများကြီး ကုန်ကျစရာ မလိုတော့ပဲ Dawei Millennium Centre အနေနဲ့ ဒုတိယအကြိမ်မြောက် ထားဝယ်မြို့မှာ ကျင်းပမယ့် စာမေးပွဲများ အတွက် ABSQ Authorised Exam Centre မှ တရားဝင် ကြေငြာထားတဲ့ စာမေးပွဲကြေး အတိုင်းသာ ကောက်ခံမှာ ဖြစ်ပြီး ထပ်ဆောင်း စာမေးပွဲ ဝန်ဆောင်ခ အဖြစ် ကျောင်းသားတစ်ဦးလျှင် ၃၀,၀၀၀ ကျပ်သာ ထပ်မံကျသင့်မှာ ဖြစ်ပါတယ်။

စာမေးပွဲများ အားလုံးကို နိုဝင်ဘာလ (၂၉) ရက်နေ့ တနင်္ဂနွေနေ့တွင် Royal Dawei Hotel မှာ စစ်ဆေးသွားမှာ ဖြစ်ပါတယ်။

အောက်ဖော်ပြပါ Level များ ဖြေဆိုရန်အတွက် စာရင်းပေးသွင်းနိုင်ပါတယ်။

🟠 Starters

🟣 Movers

🟢 Flyers

🔵KET for Schools

🔴PET for Schools

🟤 TKT Core Module 1,2 and 3

⚪️ TKT YL

⚫️ TKT CLIL

နောက်ဆုံး စာရင်းပေးသွင်းရန်ရက် ကို ကြေငြာပေးမှာ ဖြစ်ပါတယ်။

သင့်ကလေးရဲ့ အင်္ဂလိပ်စာ အရည်အချင်းကို စစ်ဆေးကြည့်ဖို့ ဖိတ်ခေါ်လိုက်ပါရစေ။

01/08/2026

ဒုတိယ အကြိမ်မြောက် အင်္ဂလိပ်စာသင်ကြားရေး ဆိုင်ရာ ဆွေးနွေးပွဲ လာပါပြီ။

ဒီတကြိမ်မှာတော့ Grammar တွေကို ကျောင်းသားကျောင်းသူတွေရဲ့ လက်တွေ့လောကထဲ ထည့်ယူသုံးစွဲနိုင်ရေးဆိုင်ရာ စိတ်ဝင်စားဖွယ် နည်းစနစ်အချို့ မျှဝေပေးသွားမှာ ဖြစ်လို့ လက်လွှတ်မခံပဲ ပါဝင်ဆွေးနွေး သင်ယူလိုက်ကြပါစို့။

လျှောက်ထားရန် Link 👇👇👇

https://forms.gle/cpyVaGaLzm1HwAUFA

31/07/2026

"ကျေနပ်စရာကောင်းတဲ့ ဘဝဆိုတာ တကယ်တော့ ဘာလဲ...?" 🤔✨

​ငွေကြေးဥစ္စာ လုံလောက်တာလား၊ အောင်မြင်မှုတွေ ရရှိတာလား၊ ဒါမှမဟုတ် စိတ်ရဲ့ ငြိမ်းချမ်းခြင်းလား...။ လူတစ်ယောက်နဲ့တစ်ယောက် ကျေနပ်မှုဆိုတဲ့ စံနှုန်းချင်း မတူကြပါဘူး။

​ဒီတစ်ပတ် Readaholics မှာတော့ စာအုပ်အကြောင်း သီးသန့်မဟုတ်ဘဲ "ကျေနပ်စရာကောင်းတဲ့ ဘဝ" ဆိုတဲ့ ခေါင်းစဉ်အောက်မှာ အားလုံးလွတ်လပ်စွာ (Freely) စဉ်းစားရင်း၊ ကိုယ့်ဘဝအတွေ့အကြုံနဲ့ အယူအဆလေးတွေကို ပွင့်ပွင့်လင်းလင်း မျှဝေဆွေးနွေးကြပါမယ်။

စာအုပ်ဖတ်မလာခဲ့လည်း ရပါတယ်နော်၊ ကိုယ့်ရဲ့ အတွေးအမြင်လေးတွေ ယူဆောင်လာခဲ့ရုံပါပဲ။
​တနင်္ဂနွေနေ့ ညနေခင်းလေးမှာ အတွေးသစ်တွေနဲ့ ခွန်အားယူဖို့ အတူတူ ဆုံကြရအောင်နော်။ ☕️📖

​📅 နေ့ရက် - 2.8.2026 (တနင်္ဂနွေနေ့)
⏰ အချိန် - ညနေ 3:00 မှ 5:00 အထိ
📍 နေရာ - Dawei Millennium Centre စာကြည့်တိုက်

​

27/07/2026

25/07/2026

Artist Xu Bing ရဲ့ Space Art Residency အစီအစဉ်နဲ့ မိမိတို့ရဲ့ အနုပညာ ဖန်တီးမှုလက်ရာ ကို အာကာသထဲက SAC - 2 satellite မှာပြသခွင့် ရမယ့် အစီအစဉ်တစ်ခု ကို Dawei Millennium Centre က သင်တန်းသူသင်တန်းသားများအား မျှဝေပေးခဲ့ပါတယ်။

ဗြိတိသျှကောင်စီ မြန်မာ၏ ဖိတ်ခေါ်မှုဖြင့် ပါဝင်ခွင့်ရခဲ့ခြင်းဖြစ်ပြီး အကောင်းဆုံးဖန်တီးမှုလက်ရာ (၃) ခုကို ရွေးခြယ်ကာ ပြိုင်ပွဲဝင်မှာ ဖြစ်ပါတယ်။

ပါဝင် ယှဉ်ပြိုင်သူများဟာ ၄င်းတို့ရဲ့ လက်ရာ ကို ဇူလိုင် ၂၆ ၊ တနင်္ဂနွေနေ့ ညနေ (၄:၀၀) နာရီ နောက်ဆုံးထားကာ Dawei Millennium Centre သို့ ပေးပို့ရမှာ ဖြစ်ပါတယ်။

ပါဝင်သူများအားလုံး ရွေးခြယ်ခံရပါစေကြောင်း ဆုမွန်ကောင်းတောင်းလိုက်ပါရစေ။