No.3 Basic Education Students' Union Dawei -No.3 BESUD

07/03/2025

"ချစ်ခြင်းမေတ္တာနဲ့ခွန်အားမျှဝေဖို့ အာဟာရဒါနကူ" 🍚🤍
(၁၅ရက်တာကမ်ပိန်း : ၇.၃.၂၀၂၅-၂၁.၃.၂၀၂၅ )

စိတ်နှလုံးရည်ပြည့်ဝဖို့ စာ‌‌ပေကောင်းများဖတ်ရှူဖို့ လိုအပ်သလို၊ နေ့စဉ်မှီဝဲရတဲ့ အာဟာရဟာရဲဘော်များစိတ်ဆောင်တိုင်းကိုယ်ပါပြီး ကျန်းမာသန်စွမ်းစွာတော်လှန်ရေးတိုက်ပွဲများဖော်ဆောင်နိုင်ဖို့ အလွန်အရေးပါပါတယ်။ သို့သော် အများသောအားဖြင့် အခြေအနေများအရ ရဲဘော်များဟာ ဝမ်းရေးအတွက်ကို အဆင်ပြေရာ အာဟာရကိုပဲ မှီဝဲတင်းတိမ်ကြရပါတယ်။ ဒါကြောင့် ဒေသအတွင်းမှာတော်လှန်ရေးအတွက် တိုက်ပွဲဝင်နေကြတဲ့ ရဲဘော်များကိုခန္ဓာကိုယ်အတွက် အာဟာရအပြင် စိတ်ခွန်အားပါရစေမယ့်အသားဟင်း အာဟာရဒါနတစ်နပ်လှူဒါန်းမယ့် "ချစ်ခြင်းမေတ္တာနဲ့ ခွန်အားမျှဝေဖို့ အာဟာရဒါနကူကြဇို့" ဆိုတဲ့ကမ်ပိန်းကိုထားဝယ်မြို့နယ်အခြေခံပညာကျောင်းသားများ သမဂ္ဂတည်ထောင်ခြင်း (၄) နှစ်ပြည့်အထိမ်းအမှတ်အဖြစ်ပြုလုပ်မှာဖြစ်ပါတယ်။ ကမ်ပိန်းဟာ(၁၅)ရက်တာ ကြာမြင့်မည်ဖြစ်ပြီး တားဂတ်ပမာ‌ဏ (၁၀) သိန်းကျပ်ဖြစ်ပါတယ်။ မိဘပြည်သူများအနေဖြင့် ရဲဘော်တွေကို ဘေးကင်းလုံခြုံစွာဖြင့် မေတ္တာမျှဝေဖို့ အကြွေ ၁၀၀ ကျပ်၊ ၂၀၀ကျပ် မှ စတင်ကာပါဝင်ကူညီပေးကြနိုင်ပြီဖြစ်‌ကြောင်းဆော်ဩ‌နှိုးဆော်လိုက်ရပါတယ်။

09/08/2024

တနင်္သာရီမြို့နယ်ရှိ ရေဘေးသင့် ဒေသခံများနှင့် ရေဘေးသင့်စစ်ဘေးရှောင်ပြည်သူများကို ကူညီပေးမည့် | ❛❛ ရိက္ခာလှေ ❜❜ ကမ်ပိန်း |

“စစ်ဘေး၊ လေကြောင်းရန်၊ အင်တာနက်ဖြတ်တောက်ခံရမှု၊ စားနပ်ရိက္ခာသယ်ယူခွင့် ကန့်သတ်ခံထားရမှု၊ ရေကြီးရေလျှံ ရေနစ်မြုပ်မှု စတဲ့ အခက်အခဲတွေကို တပြိုက်နက်ထဲ ကြုံလာရပါက သင်ဘယ်လိုကျော်ဖြတ်ပါမလဲ။”

• စစ်အုပ်ချုပ်ရေးကြေညာထားပြီး ထိတွေ့တိုက်ပွဲများဖြစ်ပွားလေ့ရှိကာ လေကြောင်းတိုက်ခိုက်မှုပါ ခပ်စိပ်စိပ်ပြုလုပ်ခံနေရတဲ့ တနင်္သာရီမြို့နယ်ဟာ နှစ်စဥ်မိုးများပြီး ရေကြီးရေလျှံဖြစ်လေ့ရှိတဲ့ ဒေသတစ်ခုဖြစ်ပါတယ်။ ယခု ၂၀၂၄ ခုနှစ်မှာလည်း ဇူလိုင်လနောက်ဆုံးပတ်မှာ မိုးသည်းထန်စွာရွာသွန်းမှုကြောင့် တနင်္သာရီမြို့နယ်ကို ဖြတ်သန်းစီးဆင်းနေတဲ့ တနင်္သာရီမြစ်ရေဟာ အန္တရာယ်ရေအမှတ် ၂၄ ပေကိုကျော်လွန်ပြီး ၃၁ ပေအထိမြင့်တက်ခဲ့တဲ့အတွက် မြစ်ကြောင်းတစ်လျှောက်ရှိ ကျေးရွာအုပ်စု ၁၉ စုမှ ဒေသခံ သောင်းနှင့်ချီ ရေဘေးသင့်နေပါတယ်။

• စစ်ကောင်စီမှ စစ်ကြောင်းထိုးတိုက်ခိုက်မှုနှင့် လေကြောင်းတိုက်ခိုက်မှုပြုခြင်းကြောင့် နေရပ်စွန့်ခွာစစ်ဘေးရှောင်ရတဲ့ ဒေသခံများဟာ သဘာဝဘေးအန္တရာယ်ကိုပါ တပြိုင်တည်းရင်ဆိုင်နေရပြီး စားနပ်ရိက္ခာ၊ တစ်ကိုယ်ရေသုံးပစ္စည်း၊ သန့်ရှင်းသောသောက်သုံးရေ စတဲ့ အခြေခံလိုအပ်ချက်များ များစွာရှိနေတဲ့အတွက် အရေးပေါ် လူသားချင်းစာနာမှုအကူအညီများ ပေးအပ်နိုင်ရန် ❛ ရိက္ခာလှေ ❜ ကမ်ပိန်းကို

၁။ ဒေါနတနင်္သာရီ-စစ်ဘေးရှောင်များအထောက်အကူပြုရေးအဖွဲ့
၂။ နွေဦးမေတ္တာ စစ်ဘေးရှောင်ကူညီပံ့ပိုးရေးအဖွဲ့
၃။ တွဲလက်ညီညီ စစ်ဘေးရှောင်ကူညီရေးအဖွဲ့
၄။ မြိတ်တက္ကသိုလ်ကျောင်းသားများသမဂ္ဂ
၅။ တနင်္သာရီလူမျိုးပေါင်းစုံကွန်ဂရက် - TNC တို့မှ ပူးပေါင်းအကောင်ထည်ဖော် ပြုလုပ်ခြင်းဖြစ်ပါတယ်။

အရေးပေါ်အကူအညီပေးနိုင်ရန်ရည်ရွယ်သည့်အတွက် ကမ်ပိန်းကာလကို ၈.၈.၂၀၂၄ မှ ၁၄.၈.၂၀၂၄ အထိ ၁ ပတ်တာသတ်မှတ်ထားပြီး ကမ်ပိန်းကာလအတွင်း ရရှိလာသည့်အလှူငွေများကို တနင်္သာရီမြို့နယ်မှ ရေဘေးသင့်စစ်ဘေးရှောင်ဒေသခံများထံ မျှဝေကူညီပေးမှာဖြစ်ပါတယ်။

ပြည်သူများအနေဖြင့် ရေဘေးလည်းကူ စစ်ရှောင်လည်းလှူပြီးကူညီလိုပါက ❛ ရိက္ခာလှေ ❜ ကမ်ပိန်းကို
◉ SDB
◉ NUG Pay
◉ Wave Pay.
◉ Thai Banking
တို့ဖြင့် ပူးပေါင်းပါဝင်အားဖြည့်ပေးနိုင်ကြကြောင်း လေးစားစွာအသိပေးလိုက်ရပါတယ်။

26/06/2024

"You may be able to kill my body but you will never be able to kill my belief. I will never kneel under the military's boot!"
“မင်းတို့ ငါ့ခန္ဓာကိုယ်ကိုသာ သတ်လို့ရမယ်။ ငါ့ရဲ့ ယုံကြည်ချက်နဲ့ ရပ်တည်ချက်တွေကိုတော့ ဘယ်တော့မှ သတ်လို့ရမှာ မဟုတ်ဘူး။ မင်းတို့ စစ်ဖိနပ်အောက်မှာ ငါ ဘယ်တော့မှ ဒူးထောက်မှာ မဟုတ်ဘူးကွ” ဟူ၍ ကြွေးကြော်ခဲ့သူ ဆလိုင်းတင်မောင်ဦး။

ယနေ့ ဇွန် လ ၂၆ ရက်နေ့တွင် ချင်းအမျိုးသား ကျောင်းသားခေါင်းဆောင် ဆလိုင်းတင်မောင်ဦးကျဆုံးသည်မှာ ၄၈ နှစ်တိုင်ခဲ့ပြီ။

ဆလိုင်းတင်မောင်ဦးသည် ချင်းအမျိုးသား ကျောင်းသားခေါင်းဆောင်တစ်ဦးဖြစ်ပြီး ၁၉၆၉ ကျွန်းဆွယ်အရေးအခင်းတွင် ပါဝင်လှုပ်ရှားခဲ့သည်။ ကျောင်းသားလှုပ်ရှားမှုများတွင် ပါဝင်လှုပ်ရှားခဲ့သောကြောင့် ၁၉၇၂ ဒီဇင်ဘာလ ၅ ရက်နေ့တွင် ပထမအကြိမ် ဖမ်းဆီးခံခဲ့ရသည်။ ၁၉၇၄ ဇန်နဝါရီ ၃ ရက်နေ့တွင် ထောင်မှ လွတ်လာပြီး တက္ကသိုလ်တွင် ဒုတိယနှစ် ဆက်လက်တက်ရောက်ခဲ့သည်။ ၁၉၇၄ ဇွန်အလုပ်သမားအရေးအခင်း၊ ဒီဇင်ဘာလဦးသန့်စျာပနအရေးအခင်းနှင့် ၁၉၇၅ ဇွန်အလုပ်သမားအရေးအခင်း နှစ်ပတ်လည်လှုပ်ရှားမှုတိုတွင် ဦးဆောင်ပါဝင်ခဲ့သည်။ ၁၉၇၆ မတ်လ ၂၃ ရက်နေ့ မှိုင်းရာပြည့်လူထုလှုပ်ရှားမှုကိုလည်း ဦးဆောင်စီစဉ်ခဲ့သည်။ သိုသော်လှုပ်ရှားမှု မတိုင်ခင် တရက်အလို ၁၉၇၆ မတ်လ ၂၂ ရက်နေ့တွင် ဖမ်းဆီးခံခဲ့ရသည်။ ထိုနောက် ၁၉၇၆ ဇွန်လ ၂၆ရက်နေ့တွင် စစ်အာဏာရှင်တိုက ဆလိုင်းတင်မောင်ဦးကို ကြိုးပေးကွပ်မျက်ခဲ့ကြသည်။

စစ်အာဏာရှင်တို့မည်သည် ၎င်းတို့အား ဆန့်ကျင်သည့် ကျောင်းသားများစွာကို မတရား ဖမ်းဆီးနှိပ်စက်သတ်ဖြတ်ခဲ့ကြသည်။ ထိုကျောင်းသားများအနက် ဆလိုင်းတင်မောင်ဦးသည် တစ်ဦးတည်းသော ကြိုးပေးကွပ်မျက်ခံရသည့်ကျောင်းသားဖြစ်သည်။ ဆလိုင်းတင်မောင်ဦးသည် ကြိုးစင်ပေါ်၌ “မင်းတို့ ငါ့ခန္ဓာကိုယ်ကိုသာ သတ်လို့ရမယ်။ ငါရဲ့ ယုံကြည်ချက်နဲ့ ရပ်တည်ချက်တွေကိုတော့ ဘယ်တော့မှ သတ်လို့ရမှာ မဟုတ်ဘူး။ မင်းတို့ စစ်ဖိနပ်အောက်မှာငါ ဘယ်တော့မှ ဒူးထောက်မှာ မဟုတ်ဘူးကွ” ဟု ဟစ်ကြွေးခဲ့သည်။ ထိုစကားသည် ဆလိုင်းတင်မောင်ဦး၏သမိုင်းဝင်စကားဖြစ်သည်။ ယနေ့ ဇွန် လ ၂၆ ရက်နေ့တွင် ချင်းအမျိုးသား ကျောင်းသားခေါင်းဆောင် ဆလိုင်းတင်မောင်ဦးကျဆုံးသည်မှာ ၄၆ နှစ်တိုင်ခဲ့ပြီ။

"ဆလိုင်းတင်မောင်ဦးစိတ်ဓာတ်ကိုင်စွဲ ဆက်လက်တိုက်ပွဲဝင်ကြ"

19/06/2024

21/04/2024

သမိုင်းက ဘယ်လိုကြုံးဝါးခဲ့သလဲ။
အမေကမွေး ထောင်ကကျွေးသတဲ့။
အဖေကဆင် ထောင်ကသင်သတဲ့။
လူထုတွေ ကြားကြလော့ သိကြလော့။
လူငယ်တွေ ကြားကြလော့ သိကြလော့။

“ထောင်ကြီး ထောင်ကြီး ချဲ့ထား၊ ချဲ့ထား။
ထောင်ကို ထောင်ကို မကြောက်၊ မကြောက်။”

“ရဲဘော် လုပ်ဖော်၊ လူထု လူငယ်အပေါင်းတို့…
စစ်အာဏာရှင် စနစ်ဆိုးရဲ့ လူ့ငရဲကျိန်စာမှ ကျော်နင်းလွတ်မြောက်နိုင်အောင် တိုက်ပွဲဝင်ကြ။
စစ်အာဏာရှင် စနစ်ဆိုးရဲ့ လူ့အခွင့်အရေး ချိုးဖောက်မှုစက်ကွင်းမှ ကျော်နင်း လွတ်မြောက်နိုင်အောင် တိုက်ပွဲဝင်ကြ။”

-ဝင်းတင်

#ဟံသာဝတီဦးဝင်းတင်ကွယ်လွန်ခြင်း၁၀နှစ်ပြည့်

16/04/2024

အတာကူးခဲ့လေပြီ
တော်လှန်သံများ စူးရှဦးပေဦးမည်
သွေးချွေးအသက်များ ရင်းခဲ့ရသည်မို့
မိစ္ဆာအပေါင်း ကင်းစင်ကုန်ခမ်းမှသာ
ပြည်သူ့တော်လှန်ရေးသည် ရပ်တန့်မည်ဖြစ်သည်။

ကြယ်တွေလည်းကြွေခဲ့ပြီ
အတာရေလည်းမအေးနိုင်သေးတာမို့
တိုင်းပြည် အနာဂတ် တောက်ပရှင်သန်ဖို့ နည်းစုံသုံးလျှက် မိစ္ဆာချေဖျက်ရပေဦီးမည်။

ရိက္ခာပြည့်၍အလင်းငှက်များ မိုးထိရောက်လျှင်
အမှောင်မိစ္ဆာ စစ်ဆင်မှုသည် သက္ကရာဇ် ၈၇
အတာမကျော်ပြီ။
🙏🙏 🙏🙏

နှစ်သစ်မှာစိတ်သစ်လူသစ်နဲ့ စစ်မိစ္ဆာများအား အမြန်ဆုံးချေမှုန်းနိုင်ပြီး မြန်မာပြည်ကြီးအမြန်ငြိမ်းချမ်းပါစေကြောင်း ကျွန်တော်တို့ အ.ထ.က(၃) ထားဝယ် ကျောင်းသားများသမဂ္ဂမှနှစ်သစ်ဆုမွန်ကောင်းတောင်းအပ်ပါသည်။

🙏🙏 🙏🙏

အ.ထ.က(၃) ထားဝယ် ကျောင်းသားများသမဂ္ဂ

No.3 BESUD
[email protected]

23/03/2024

ထားဝယ်မြို့နယ်အခြေခံပညာကျောင်းသားများသမဂ္ဂဖွဲ့စည်းတည် ထောင်ခြင်း ၃ နှစ်ပြည့် အခမ်းအနားသို့ပေးပို့သောသဝဏ်လွှာ

၁၃၈၅ ခု၊ တပေါင်း လဆန်း ၁၄ ရက် စနေနေ့

ထားဝယ်မြို့နယ်အခြေခံပညာကျောင်းသားများသမဂ္ဂ သည်စတင်ဖွဲ့စည်းချိန်မှစ၍ယနေ့တိုင်အောင် ဖိနှိပ်သူအပေါင်းကိုတွန်းလှန်ခဲ့သည်မှာ အထင်အရှားပင်ဖြစ်သည်။

သမဂ္ဂကြီး အဓွန့်ရှည်စေရန် ဆောင်ရွက်ကြိုးပမ်းခဲ့ကြသောအလုပ်အမှုဆောင်များ သမဂ္ဂဝင်များအားလုံးကိုလည်းအထူးပင်လေးစားဂုဏ်ပြုအပ်ပါသည်။

၃နှစ်ပြည့်မြောက်သည့် နေ့မှစတင်ကာ ထားဝယ်မြို့နယ်အခြေခံ ကျောင်းသားများသမဂ္ဂသည် စစ်အာဏာရှင်စနစ် ချုပ်ငြိမ်းရေး ရည်မှန်းချက်ပြည့်မြောက်သည်ထိ ဆောင်ရွက်ရင်း ကျောင်းသားပြည်သူလူထု ဘက်မှရပ်တည်ကာ အဓွန့်ရှည်တည်တံ့ပါစေကြောင်း လှိုက်လှဲစွာဆန္ဒ ပြုအပ်ပါသည်။

အမှတ်(၃)အခြေခံပညာ
အထက်တန်းကျောင်း၊ထားဝယ်
ကျောင်းသားများသမဂ္ဂ
အလုပ်အမှုဆောင်အဖွဲ့

No.3 Basic Education Students' Union Dawei -No.3 BESUD

31/01/2024

“(၃)နှစ် ပြည့်တော်လှန်ရေးမှသည် လွတ်မြောက်ရေးဆီဆက်လက်ချီတက်မည်”
—--------------------------
ဖေဖော်ဝါရီ ၁ရက် ၂၀၂၄
—--------------------------

၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်တပ်အာဏာ စသိမ်းချိန်မှစ၍ ကျွန်တော်တို့ ကျောင်းသား၊ပြည်သူများ၏ တော်လှန်ရေးကြီးစတင်ခဲ့သည်မှာ ယနေ့ဆိုလျှင် ၃နှစ်ပြည့်ခဲ့ပြီဖြစ်သည်။

ထို ၃ နှစ်တာကာလအတွင်း ကျွန်တော်တို့ယုံကြည်သောအမှန်တရားအတွက် ကျွန်တော်တို့ ကျောင်သားပြည်သူတို့၏ အသက်သွေးချွေးများစွာ လည်းပေးဆပ်ခဲ့ရပြီဖြစ်သည်။

ကျွန်တော်တို့ တော်လှန်ရေးကြီးသည် အရင်းအနှီးကြီးလှပေသည်။ ဤကဲ့သို့ အသက်ပေါင်းများစွာ ဘဝပေါင်းများစွာ ရင်းခဲ့ရသော ကျွန်တော်တို့ တော်လှန်ရေးကြီးသည် ကျရှုံးသွား၍ လုံးဝမဖြစ်ပါ အောင်ကိုအောင်မြင်ရမည်။

“အရှုံးမပေးမချင်း ကျွန်တော်တို့နိုင်သည်”

အသက်ပေးသွားသော သူရဲကောင်းများအား အလေးပြုရင်း
အမှန်တရားအတွက် တိုက်ပွဲဝင်နေကြသော သူရဲကောင်းများအားလည်း ကျွန်‌တာ်တို့ အ.ထ.က (၃) အခြေခံပညာကျောင်းသားသမဂ္ဂ ထားဝယ်မှ လေးစားစွာ ဂုဏ်ပြုအပ်ပါသည်။

ပြည်တွင်းပြည်ပမှ ထောက်ပို့အလှူရှင်များသည်လည်း တော်လှန်ရေးအတွက် မရှိမဖြစ်အရေးပါသည် ဖြစ်သောကြောင့် အားတင်းပြီးဆက်လက် ဆောင်ရွက်ပေးကြပါရန် တိုက်တွန်းနှိုးဆော်ရင်း လေးစားစွာ မှတ်တမ်းတင်ဖော်ပြအပ်ပါသည်။

ပြည်သူများလည်း တော်လှန်ရေးကြီးအားဝိုင်းဝန်းအားဖြည့်ရင် အားတင်းထားကြပါရန် နှင့်ကျွန်တော်တို့ သမဂ္ဂ ကြီးသည်လည်း တော်လှန်ရေးကြီးအောင်မြင်သည်အထိ ဆက်လက်တာဝန်ထမ်းဆောင်သွားပါမည် ဖြစ်ကြောင်း တင်ပြပါအပ်သည်။

အ.ထ.က (၃) အခြေခံပညာ ကျောင်းသားများသမဂ္ဂ ထားဝယ်
No.3 Basic Education High School Students’ Union, Dawei

25/01/2024

ယနေ့ကျရောက်သော ပြာသိုလပြည့်နေ့သည် အမေများနေ့ဖြစ်ပါသည်။ ကျွန်တော်တို့ကို လူ့လောကကြီးထဲသို့ ရောက်လာအောင် ကိုးလလွယ် ဆယ်လဖွား၍ ငယ်စဥ်တောင်ကျေးကလေးဘဝအစကနေ အရွယ်ရောက်သည်အထိကျွေးမွေးပြုစုစောင့်ရှောက်ပေးခဲ့သော အမေများအားလုံးကို ယနေ့ကျရောက်သောအမေများနေ့တွင် ကျေးဇူးတင်ဂုဏ်ပြုလိုက်ပါသည်။ ချစ်ခင်ရသူများနှင့်အတူ ပျော်ရွှင်စရာတွေဖန်တီးရင်း သက်ရှည်ကျန်းမာပါစေကြောင်းနှင့် ကိုယ်စိတ်နှလုံးကြည်သာချမ်းမြေ့ပါစေကြောင်း ကျွန်တော်တို့ထားဝယ်မြို့နယ်အခြေခံပညာကျောင်းသားများသမဂ္ဂမှ ဆန္ဒပြုလိုက်ရပါသည်။ 💕

" အမေနေ့"

အမေဟူရာ၌ ဥစ္စာဓန ပေါများခြင်း၊

ဆင်းရဲခြင်း၊ ဂုဏ်ရှိခြင်း၊ ဂုဏ်မဲ့ခြင်း၊

အမျိုးမြတ်ခြင်း၊ အမျိုးနိမ့်ခြင်း၊ ပညာရှိခြင်း၊ ပညာမဲ့ခြင်း၊

ရုပ်ရည်တင့်တယ်ခြင်း၊ ရုပ်ရည်မတင့်တယ်ခြင်း၊

ကိုယ်ကျင့်တရားပြည့်ဝခြင်း၊ ကိုယ်ကျင့်တရား ချို့ငဲ့ခြင်း၊

ကျန်းမာခြင်း၊ မကျန်းမာခြင်း၊

မိခင်တို့၏ ဝတ္တရားကျေပွန်ခြင်း၊ မိခင်တို့၏ ဝတ္တရား၊
ပျက်ကွက်ခြင်း စသည်တို့သည်ကားမဓာနမဟုတ်။

“ အမေသည် အမေသာဖြစ်၏ ” ဟူသော အနှစ်သာရကိုသာ ကြည်ညိုရမည်ဖြစ်သည်။

- ဆရာကြီး ဦးသုခ

20/11/2023

"ကမ္ဘာ့ကလေးများနေ့"
World Children's Day
(၂၀၂၃ ခုနှစ်၊ နို၀င်ဘာ ၂၀ ရက်)

မင်္ဂလာပါ သူငယ်ချင်းတို့ရေ .....
ဒီနေ့ကတော့ "ကမ္ဘာ့ကလေးသူငယ်များနေ့" ဖြစ်ပါတယ်။ ဒီနေ့လေးမှာ ဘာတွေလုပ်ကြတယ် ဘယ်လိုကြောင့် ဖြစ်ပေါ်လာရတယ်ဆိုတာတွေကို အိမ်အိမ်ပြောပြပေးမယ်နော်။

ကမ္ဘာ့ကလေးသူငယ်များနေ့ဆိုတာ ကလေးအခွင့်
အရေးနေ့လေးပဲ ဖြစ်ပါတယ်။ ရှင်သန်ခွင့်၊ ဖွံ့ဖြိုးခွင့်၊ ကာကွယ်စောင့်ရှောက်ခံခွင့် နဲ့ ပါ၀င်ဆောင်ရွက်ခွင့်ဆိုတဲ့အခွင့်အရေးတွေကို ရရှိခံစားဖို့ အသိပညာပေးတဲ့နေ့လေးလဲ ဖြစ်ပါတယ်။ ဒီ‌နှစ်ရဲ့ဆောင်ပုဒ်က
တော့ "For Every Right, For Every Child" ဖြစ်ပြီး "ကလေးတိုင်း ကလေးသူငယ်ဆိုင်ရာအခွင့်အရေးကိုရရှိစေဖို့ ဝိုင်း၀န်းဆောင်ရွက်စို့" ဆိုတာပဲဖြစ်ပါတယ်။

ပထမကမ္ဘာစစ်နဲ့ဒုတိယကမ္ဘာစစ်အတွင်းမှာ အသက်ဆုံးရှုံးခဲ့ရတဲ့ကလေးသူငယ်များအတွက် အောက်မေ့သတိရခဲ့ကြပါတယ်။ ဒါကြောင့် ၁၉၈၉ ခုနှစ် နို၀င်ဘာ ၂၀ ရက်ကစတင်ပြီး "ကမ္ဘာ့ကလေးသူငယ်များနေ့" ကိုကျင်းပဖို့ သဘောတူခဲ့ကြပါတယ်။

ကလေးသူငယ်များအတွက် ငြိမ်းချမ်းရေး၊ သက်၀င်လှုပ်ရှားတဲ့ကမ္ဘာမြေကို ရရှိရေး၊ ကလေးတိုင်းရဲ့အသံကို နားထောင်ရေး တို့က ဒီနေ့လေးကိုကျင်းပရတဲ့ရည်ရွယ်ချက်များပဲဖြစ်ပါတယ်။ မိဘပြည်သူများကလဲ ဒီနေ့လေးမှာကလေးသူငယ်ဆိုင်ရာ အခွင့်
အရေးတွေကို သိရှိနားလည်ပြီး ကလေးသူငယ်တွေရဲ့အရေးကိစ္စတွေကို ပိုဆောင်ရွက်နိုင်စေဖို့ အိမ်အိမ်ကတိုက်တွန်းနှိုးဆော်လိုက်ရပါတယ်။

#အရေးတော်ပုံအောင်ရမည်
#အရေးတော်ပုံအောင်ရမည်
#အရေးတော်ပုံအောင်ကိုအောင်ရမည်

19/11/2023

တနင်္သာရီဖက်ဒရယ်ယူနစ် ကြားကာလအစီအမံ ကြိုတင်ပြင်ဆင်မှုဆိုင်ရာ ဥပဒေကြမ်း ရေးဆွဲအတည်ပြုမှုအပေါ် တနင်္သာရီဒေသတွင်း အင်အားစုများမှ သဘောထားထုတ်ပြန်ချက်

06/11/2023

အားလုံးစောင့်မျှော်နေကြတဲ့" Running Tiger " ရဲ့ ကံထူးရှင်များထွက်ပေါ်လာပါပြီ။ ကံထူးရှင်များကတော့
Set A - Winner no.15
Set B - Winner no.20
Set C - Winner no.48
Set D - Winner no.61
Set E - Winer no.120 တို့ပဲဖြစ်ပါတယ်ခင်ဗျာ။

၁လနဲ့ ၅ရက်အတွင်း
မဲအစောင်ရေစုစုပေါင်း ၁၄၄စောင်ရောင်းချခဲ့ရပါတယ်။ ပါဝင်ကံစမ်းပေးကြ သူတစ်ယောက်ချင်းစီကိုလည်းကျေးဇူးအထူးတင်ရှိပါတယ်ခင်ဗျာ။ အလှူငွေရှင်းတမ်းများကိုလည်း ဖော်ပြပေးသွားမှာပဲ ဖြစ်ပါတယ်ခင်ဗျာ။